|
|
|
 Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
انحنا جينا وكيه للما بينا يلا اقول ليك دى اول حرفا ما سمية حسن ، والزول المعاها دا ماعبدو الصغير اول مرة غنى ليوسف الموصلى ( الحان )يا ذاتى من عبر القرون جيتك انا وكان لمن ظهر غنى بطريقة غريبة اغنية ام كلثوم (الاطلال ) يا حبيبى طاب الهوى ما علينا لو حملنا الايام فى راحتينا ، الى اخر الاغنية ما متاكده هلى هى الاطلال ولا هذه ليلتى على اى حال شكرا ليك لانو رجعتنا لزمن ما برجع ، كانت فيهو سميه حسن برضو بتغنى ليوسف الموصلى اجمل الاغنيات على الاطلاق (التى غنتها فى حياتها الفنية) كنت استمع اليها من اذاعة القسم العربى فى لندن فابحث عن سمية حسن الان، تلك التى تغنى ياخدارنا يا الكنت دارنا انت فى حبك ودارنا انت فى ريدك ودارنا انت غيرك مافى راحة، تغنيها بطريقة كانت ساحرة وصوت كنا نستمع الى تردداته عبر الشارع فى العمارات ، كان قسم الموسيقى فى شارع تسعة وخمسين وقسم الدراما فى شارع سبعة وخمسين لكننا نسمع صوت سميه من هناك قويا وواضح النبرات ، اما عبدو الصغير فهو الان فى الامارات حسبما اجابونى لحظة سؤالى عنه كان يعمل مخرجا فى الاذاعة اما الان فلا ادرى ماذا يعمل ، عموما يا حنين شكرا لانك رجعت القلب يدق تانى احب تلك المؤسسة الى الابد واحتفى باهله اينما اكنوا (مش لو تقول خريجى البتاع دا مش عارفه ايه ) لك الحب يبقى
| |
 
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: bayan)
|
يالموصلي و بيان
لقد أصدرتم البيان
و قامت بيان بالتبيان
فعلا ست الشعر هي رائدة النساء السودانيات في عزف الكمان
فخر دفعتنا...و صاحبة أقوى قوس .... و أرق إحساس في عزف الكمان
أفتقدها كثيرا.....
و أظننا قد ظلمناها أكثر فهي تستاهل التكريم
لقد بذلت الكثير من الجهد و السهر في سبيل تحقيق ذلك
لأنها شاربة الطيبة من كسلا الوريفة....
هي و بكل فخر:
الأستاذة الزينة, الحسينة و العديلة: سلمى علي عبدالقادر
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
و أظننا قد ظلمناها أكثر فهي تستاهل التكريم
لقد بذلت الكثير من الجهد و السهر في سبيل تحقيق ذلك
لأنها شاربة الطيبة من كسلا الوريفة....
هي و بكل فخر:
الأستاذة الزينة, الحسينة و العديلة: سلمى علي عبدالقادر
طبعا انا قتليك , سلمى مابتغبانى, هى انسانه رقيقة
وبتلعب كمنجة على اصولهاوممكن اقول ليك من احسن
وارق عازفى الكمنجة
فى السودان ودرّست فى قصر الشباب والاطفال
وعندها من تلميذاتها النجيبات
رحاب بت المنصورى ,
وسلمى حساسة جدا وزولة ماهينة.
طبعا هى شاعرة من الطراز الاول , وبترسم كمان
دى مسكونة بى جمال كسلا الوريفة.
لعبت معانا فى السمندل وكل الرحلات الفنية والحفلات
وكنت دائما امنى نفسى بان تعادينى بى قوسها المشهور
وطبعا زى مابقولو فى مصطلحاتنا الكمنجة قوس.
يالله ياسلمى والله مشتاقين ليك كتير وهى بمثاية دعوة صادقة
من زول زميل معجب
ازهرى انا الليلة بديك سلك
تحياتى
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Elmosley)
|
سجمي اولا بالتبادي انت ازهري ود الدويم؟
ايوة سلمى على عبدالقادر...
تذكرو نكتة اسمها
زول رسلو ليه جواب قالو ليه سلمى على عبدالقادر
مفتكر طالبن منو السلام على على عبدالقادر...
سلمى الان ام ولد ومتزوجة من ممدوح..
ولكم جميعا يا ولاد الموسيقة المحبة والمودى
وكل ما هو جميل..
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: bayan)
|
تعرف يا ابو الزهور اللمة دي زكرتني حوش المعهد وأيامة الجميلة
عندما نجتمع كاسرة واحدة موسيقيين ومسرحيين تحت ضل الراكوبة
والشاي والوجبات بعد يوم دراسي والضحك من القلب والناس الجميلة
سلمي الشيخ وعبد الحكيم والسني والبلابل هادية وامال وحيات
ود النو والفاتح حسين والود ساطور وعلي السقيد وسعد الدين الطييب
ونحن في هذة الجمال الإلفوي ياتي إلي مسامعنا صوت البيانوا
فتحل بنا حالت صمت سمعية وحب إستطلاع فنكتشف ليلي بسطاوي
وصوت ترمبون ياتي معربداً من الطابق الثالث وفجاة الجيتارات تدور
والغناء لقد عشنا داخل هذة الجمال النغمي الأخوي أجمل ألأيام اللتي من
المستحيل أن تنسي في يوم من الايام
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: نادر السوداني)
|
تذكروا يا أخوانا
مكي المتعهد بتاع البوفيه
و البقاري النجيض الحاج.....
و الحاج ده كان شخصيه محورية في المعهد لأنه علمنا رطانة خاصة
و السبب إنه مره مكي كورك ليه:
ياالجاح....
فرد هو:
وي آه
فإنتبهنا أنا و الزميلة تفحية زمازو (ده إمسها بالطرانة)
ودخلنا في كورس خاص بالكراسات والأقلام و أبدعنا في الطرانة
وتخرجنا بدرجة ممتاز
وخاصة الزميلة أعلاه
السؤال من هي الزميلة و للمساعدة كنا نناديها بأم صداح ثم صارت
أم و ضاح لاحقا هل عثرتم لها من أثر وتحيات خاصة و حارة للصديق العزيز
( ملود) و جميع أفراد أسرتها الكريمة
و نمو لاق نشو..........
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
يا ابو الزهور
استاذى موصلى
الاخت الصديقة سلمى الشيخ
السمندلاوى الكبير بكرى
الاخ الصديق د.قور
الاخ العزيز النسانا حمد اسماعيل
صديقى ودفعتى الفاتح بسن
اخى صديقى نادر السودانى
والى كل البقية
اولا لكم التحية من قاهرة المعز وانا الايام دى فى اجازة مع الاسرة وترتيب لحفلات مهرجان الاوبرا فى الصبف القادم ، اتمنى كلكم كده لو اتقابلنا فى القاهرة نهاية يوليو بداية اغسطس فى القاهرة ،،،
اخى ازهرى ،، والله انت بالغت عديل فى الصورة دى ، وطبعا انا شفتها عندك ايام السكن مع بعض بداخلية العمارات شارع 49 وتلك الغرفة الصغيرة يعنى الناس الفى الصورة دى كلهم بعرفهم لانو انا لم كنت فى الصف الاول بالمعهد انت كنت فى الصف الثانى ،،، وهل تتذكرون معتصم وكيكا ويحى الهجا(اين هؤلاء الناس؟) ودكان عم طلسم والكركدى الباردودكان حسن فى زاوية الداخلية والمرحوم صلاح ابا يزيد ، والله انا سعيد جداً والكلام ده بقولوا حتى الى طلابى فى كلية الموسيقى حالياً وبحكى ليهم عن الايام دى لانو انحن تزاملنا وانا فى الصف الاول باساتذة حق وحقيقة تعلمنا منهم الكثير ، منهم وليس على سبيل الحصر الاستاذ الموصلى وحينها كان فى الصف الخامس وايضا الدرديرى وهو حالياً استاذ البيانو بالكلية وكنت اتمنى ان يواصل الدرديرى فى الغناء والتأليف الموسيقى لانه وبصراحة راجل غناى ولا انسى ممدوح طاهر فريد والذى استفدت منه كثيرا فى الجيتار ولا انسى توجيهات المرحوم احمد ربشه لى وعثمان النو ووقتها كنا فى الصف الاول وكان دائما يناقشنا فى شكل اللبس(الاولاد فى الوقت داك عاملين راستا وبوب مارلى) يالها يا اصدقائى واساتذتى من ايام جميلة ظلت راسخة ومنحوتة فى الذاكرة
ابو الزهور لك التهنئة وانت ترجعنا لهذه الذكريات الجميلة وبالمناسبة انا برضو حا ارسل صور وكان انتو صاح اعرفوهم منو
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: د.الفاتح حسين)
|
يا ترى مين فكر الأحباب بينا....
يا تؤام الروح.... ياتحتح
طبعا يا صديقي و عند قراءتي لمداخلتك الكريمة
أصابني شئ لن تستطيع مفرداتي المحدودة التعبير عنه....
وهو يملأ مجلدات و مجلدات .....
عن مثابرة وجلد و رهق عشناها سويا ياصديقي....
يا تحتح أنا دايرك تسمع (ياصديقي) دي بطريقتي الكنت بقوله ديك و أكيد ما نسيته..
و دعني أنشدك
كانت لنا أيام في القلب ذكراها
ياليتنا عدنا أو عادت الأيام و طبعا الأخيرة دي ما ممكنة
أخبار خليل الجميل شنو.....
بلغه تحياتي....
وتحياتي بالكوم لمولانا مها و بناتي و إبننا البار
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
الحبيب الى القلب دائما تحتح
كم اشتاقك وامنى النفس بلقياك
فقد طال الزمن ولم اوفى بوعدى نسبة
لظروف اسرية قاهرة, لكن ح احاول
انو نلتقى مرة اخرى فى القاهرة.
احمد باص اخبارو مقطوعة تماما
عثمان مبارك , ميكائيل, د.متوكل الفنان
مجدى وميرغنى وماهر والسقيد وفايز مليجى و كلكم الدعوة
موجهة لكم للقاء فى القاهرة.ومن السودان ايضا
الدفعة جراهام عبدالقادر , الفرد علاء الدين عبدالعاطى
وبهاء الدين هاشم.
اخى الغالى جدا سعد الطيب ,, ويينك انت يامان
الشوق بحر ولينا مدة ماشفناك.
التحايا موصولة لكم جميعا والبوست دا لازم يكون
فى الصفحات العلى الى ان يكتمل العقد الفريد.
حب وشوق.
سلمى بت الشيخ اقول ليك تانى
I always picture your faze
Remember those dayz!!
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Elmosley)
|
كيف ما نقرأ ليك
يا أبوهريرة و أنت صاحب القول....
بس بعد ما نمشي ليك في حوشك... ونقرأ ونفهم..... وكمان نرد...
بس إنت حضر:
الشاي باللبن براده لابس تاج
صينيته الدهب تلمع كبابي زجاج
و السكسك المنضوم حول الجبينه نجوم
و الفنجرية سكينه تقوم...
تقهوج الحجاج
طق طرق ياأخوي ما القهوة كيف و مزاج
وتسلم يا أبو هديل
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
ابو الزهور سلام تجدني في إنتظار مكالمتك التلفونية بفارق الصبر لقد حاولت ولم اوفق
إسماعيل محمد الحسن / وسلمي الشيخ سلامة / منتظركم امام باب السنط
الفاتح حسين الجيتارست الختري وصل سلامي الكتير لمصطفي جمعة وكل الفنانين المصريين
ناس يحي خليل وموسيقي الجاز وناس التخت الشرقي علي الحجار والناس السمحة
ابو الزهور /علي السقيد هادي طلسم مجدي العاقب مرغني الزين عبدالهادي عمر بانغا ماهر تاج السر وكل مزيكاتية واشنطون بخير
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
****
ابو الزهور ..
انت بقيت شاعر من ورانا..
لكن شعر الخرف ظاهر..
كلو شاى ..
وقهوة..
وحج ..
يعنى تشرب وتوسد الدائمة ...
اوكما قال ..
_______________
ابوهريرة دة جنو عضة..
***
Quote: ادعوكم جميعا لهذا البوست النقدي
نعرف ماترونه لكم المحبة
وفول وكوارع لا يقل عما كنا ناكله عند الراحله حاجه امنه
اها الاسم صاح ولا ذاكرتي لحقت امات طه |
***
| Quote: هل ياكل نقاد التسرع كيكة سايمون المشحونه تواضع كما فعل ...IFER HUDSON؟؟؟؟؟!!!! |
يعنى الكيكة متحكره دايرنا ندخل كيف..
لااحم..
ولادستور....
****
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: sumah)
|
إنت يا أبو سريع ما تخلي عندك نظر
و الخرف المبكر بدت أعراضه تظهر
بعدين أبوهريرة صاحب الفول..عنده وجهة نظر
وهو صديقي و غالي علي و بحب العضة و الكنجالات
وهما زينة الحياة الدنيا....
الخوف هنا الجابو شنو......
بعدين القريته ده شعر ود مريم و أبو مريم
ود شريف العفيف النضيف
بعدين يا أخي أنا سألتك وجهة نظر إخراجية
عن الصور وحجم الصور...
وين ردك علي.........
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: سلمى الشيخ سلامة)
|
الحبيبة سلمى الشيخ سلامة
المغموسة المطموسة إبداعا ورقة وجمال .. نحبك حتى تعلن الأمم المتحدة حالة طوارى لتفشى عدوى الحب فى كل من يعرفك وعرف نقاء وجمال ضحكتك وصفاء سريرتك..
وتعالى اسر اليك خبرا .. أنتظر ثلاثة سى دي من الفنان الجميل عادل الصديق لقد ارسلت الى ولم تصلنى بعد وسأقوم بإنزالها جميعا على النت ..
كلى ود وشوق لك
أمنياتى والتحايا
عبدالعزيز خطاب
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
صورة أعضاء الإتحاد:
الوقوف من اليمين أي من ممثلة الطالبات
حأساعدكم بذكر القسم و ليس الإسم:
1/ موسيقى
2/ دراما
3/ موسيقى
الجلوس من اليمين من نفس المكان تحت ممثلة الطالبات
1/ موسيقى
2/ دراما
3/ موسيقى (رئيس الإتحاد)
4/ دراما
5/ دراما
في الجلوس في 2 من أعضاء البورد ومشتركين في البوست ده
يالله علينا ذوي الذاكرة المتقده و أنساكم من الجلاكيم و الذين يعانون من (زهايمر) الغربة....يلا يا شباب
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
صورة أعضاء الإتحاد:
الوقوف من اليمين أي من ممثلة الطالبات
1/ هادية...موسيقى
2/ كمال.. دراما
3/ أبوزيد...موسيقى
الجلوس من اليمين من نفس المكان تحت ممثلة الطالبات
1/ أزهري... موسيقى
2/ الضو...دراما
3/ علي... موسيقى
4/ جعفر...دراما
5/ إسماعيل...دراما
و قد غيبت الجائزة لتعذر الرؤية نسبة لظروف العمر و الشيخوخة
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
يا ابو الزوز تعر لمن الزول يمشى المعهد ويدخل (جقب يعقوب فرج)ويلاقى سميحة ، ومحمد سيف وبشير صالح ، يمرق يلقى ليك وش صلاح محمد الحسن، ومحمد سيف (الاحمر ) والفاتح حسين وكمال يوسف ، بعد شوية يجيك بهاء هاشم من جوبا معاهو عفاف شيخ الدين من جوبا برضو ،كنت لمن امشى المعهد فى ايام قعادى فى السودان ما 0لكو) يوم عدد واحد بكية ، وبكية ابو لستك لانو بجى زول تكون مالاقيتو من زمن معهد العمارات ، ايييييك تاريخ يا فردة ، اها الكلام دا للناس السالو من فرح حمد قاعد فى كلية معلمات الابيض الاتحولت الى جامعة ، وحاقص هناك ساكن فى السكن بتاع الجامعة ، عباس عمر فى استراليا ، زينب الحويرص فى كندا ،وعادل الصديق وين ؟ عبد اللطيف عبد الغنى فى السودان ونحن هنا
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
عرفتها زينب الحويرص ، يا ابوالزوز، اميقو ، ذلك انسان ما بتنسى ، لمن مشيت السودان كان مفروض نعمل تكريم فى ذكراه السنوية مع ناس الابيض ، اتصلوا هم بالتلفون وبديت اجمع المادة بتاعة الاحتفال من ناس محمد سيف ، كل مااجى لمحمد سيف القاهو يا عندو اجتماع او يقول لى باكر وتانى اجى يقول لى نسيت وهكذا لحدى ما سافرت ، لكين اميقو فنان نادر،وعنى شخصيا لا اعرف عن الموسيقى حتى اكتب عنه لكنى اعرفه كفنان وانسان ، مرة كنا فى مكتب المنصورى وجا سبت عثمان داخل ، قام قال ليهو (0والله انت ركك على بدلة وكرفته ونوديك اوروباما بتجى راجع لانو صوتك دا مافى منو اتنين)،ذلكم هو الفنان الذى يعرف مقدار الفنان الاخر ،ولا يضن بعلمه على احد، عموما يا زيزو نخلى الموصلى يكتب عنو لانو بعرفو اكتر ، ودمت ايها الشفيف
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
ازهرى صاحبى فى الزمن الجميل
أنا ما عارف البوست ده فات على كيف
والحبايب كلهم ملمومين وأنا ما ناقش تقول الواحد جاى من الصباح للنادى الجاد وعلى طول
للتلاجة حيث الموية الباردة
ازهرى ، الفاتح يس ، نادر ، حمد، سمعة ، نجات ، أستاذناالموصلى، بكرى السمندلاوى ، سلمى الشيخ
كارلوس ، والله ليكم وحشة ورجعتونى للايام الجميلة اللى عايشين عليها لى حسع
وراجع ليكم برواقة افتفتكم حتة حتة وأستعدوا-
ساطور
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: ترهاقا)
|
يا ساطور كيف انت يا خى زمن طويل منك ، وبعدين يا ازهرى اميقو براهو ، وترنتى براهو والاتنين اصحابى ، يوم مشيت النادى ولاقيت ترنتى ما فتشت التحلنى من البكية ، قعد يبكى لمن خوفنى ، ويشيل ويسلم على انتى جيتى متين ؟ وشهق لمن حنيت عليهو ، المهم كنت قاصدة اميقو وانت قاصد ازهرى الفى الصورة قول لى كمان ما ازهرى ابو دقن مش ؟حلاتك انت، يوم يا ابو الزوز اميو وعثمان النو واقفين فى الفسحة بتاعة المعهد وجا عادل الصديق قام النو قال ليهم انا حالعب كورة لكين الشبكة حقتى حتكون اميقو بى بهنا وعادل بى هنا ن طبعا الاتنين طوال ، شالو ليك النو الحتيته داك وعلقوه بقى فى التنزلو الواطه ،ولا لمن النو يقول لاميجو نلعب ملاكمة ، اميقو طبعا كان من الانس البلعبو العاب قوى هو ويوسف الموصلى حسب ما عرفت المهم النو دا كل يوم نحنا بنطلعو من ( عصرة ) محترمة مع اميقو ، واحكى ليك بصلاح ابا بزيد الله يرحم الجميع ، يوم الفاتح حسين كان عندو زواج خالتو فى مدنى ، قمنا جينا الصباح بدرى عشان نمشى السوق الشعبى مواصلات مدنى ، فى الدكان الكان قريب من الداخلية مشينا نشترى حاجة كان معاى درديرى احمد الشيخ ، قام جا صلاح ابا يزيد قال ماشين وين ؟ قلنا ليهو مدنى ، قال حامى معاكم ومشى كان لابس سفنجة مكتوب عليها بروسلى ، وقضينا اجمل يوم فى الدنيا مع عادل صديق ، وعبد اللطيف عبد الغنى ودرديرى والفاتح والنو ، وساطور،يا ساطور مشتاقة ليك كتير
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: ترهاقا)
|
مرحب بالأكورديونست الختري جدا جدا جدا
إهمد ساطور
وينك يا راجل.... مشتاقين
و أنا طبعا واثق جدا إنه كل الذكريات
حتكون في راسك القاطعه من راسك ده...
محبتي و شوقي الشديدين
و منتظرين إنت متين تجينا
و سهرانين و الليل طال علينا
و ماتنسى التعرض لدور رمضان الهام
لأنه البوست ده إحتفاءا بالرجل
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
يا ابو الزوز دى مازينب يسالك الله ما زينب الحويرص ؟ كان كدى دخلنا الما بتداوى ، زى مابقول عمر الشاعر يا يمه هى سجمنا ، لكين منو (ماعرفتها) اتذكرت ابو عركى الزول الجميل ، اهو دا الزول الدايرر تجربتو برضو تتقييم ، لانو يا ازهرى قدر ما تكتب عنو ما بتقدر ، كنت عملت عنو شغل فى القاهرة لمن جا يسجل (اضحكى ) ولمن كتبتها قعد يبكى ، المهم يا صديقى خلى الحوار مفتوح ونفاج كبير للحب
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: حمد اسماعيل)
|
وأخيرا ظهر حمد - وينك يا غالى
وسأحكى لكم عن حمد هذا بمناسبة ظهوره
كنا فى رحلة بالباص من طرابلس إلى مدينة ساحلية تبعد حوالى 3 ساعات على ما أذكر
والطريق كان بيشق منازل بالجانبين وكل البيوت فيها شعارات مكتوبة وكلها بتبدأ بى لا
زى (لا ديمقراطية بدون لجان شعبية ) ، حمد كان بيقرا اليافطات بى صوت عالى لحد ما البيوت إنتهت
قلنا أها بعد ده حتقول شنو ؟ قال لا إله إلا الله.
فى فندق باب البحر اللى كنا نازلين فيهو هرونا بالدجاج تقريبا فى معظم الوجبات، قام حمد قال ( والله من أكل الدجاج لمن نشوف الديك بقينا نخجل منو)
والجايات أكتر
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: ترهاقا)
|
انا قلته ما عندى معاكم زكريات و لا صور
تجينى ناطى بدى
فى فندق باب البحر اللى كنا نازلين فيهو هرونا بالدجاج تقريبا فى معظم الوجبات، قام حمد قال ( والله من أكل الدجاج لمن نشوف الديك بقينا نخجل منو)
ليك وحشه يا غالى يالساطور يالضربتك تشفى المشتاق .
كان قمنا للزكريات ازهرى دا الا يفتح ليه بوست تانى .
بجى راجع
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: Azhari Nurelhuda)
|
مليون سلام ازهرى نادر حمد اسماعيل الفاتح يسن ويا ابو الزهور لوتعرف كم احييت فينا احساسا بطعم ولون زلك الزمن الجميل فما احلاها افه وموده واخاء قل منجده فى هزا الزمان الاعجف اتمنى ان يمد الله فى ايامنا لنلتقى ولو للظات حتى نتزود بزلك الاحساس الرائع عسى ان يكونلنا مددا جديدا بعد ان كاد الجميل ان ينضب لكم جميعا احبتى الاف الامانى الجميله
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: سعد الطيب)
|
العزيزة سلمى الشيخ ، والله فاقدك وفاقد قفشاتك الجميلة ، وين الحى بيكى حسع
الصديق الفنان سعد أولا اهنيك على العمل الجميل اللى قمت بيهو فى توزيع شريط على السقيد
وليك وحشة يا راجل ولىىىىىىىىىىىىىىىىىىى قدام
الاخ إسماعيل يا سمعة - سلامة الرجوع من الوطن الحبيب وسلامنا للمدام والعيال
| |
|
|
|
|
|
|
|
|
|
Re: [B]خريجي معهد الموسيقى و المسرح يمتنعون.......[/B] (Re: سعد الطيب)
|
أبو الثعووود المطر البلا رعود
سيد الكيبورد و الفن المامحدود
سعد الدين الطيب الماحي
وين يا فردة......
حمدلله بسلامة الوصول.....
متوقعين منك الكثير....
و مبروك جدا أمر الهوى...مبالغة (بفتح الميم و الباء)
ياخي إنت راجل فنان جدا...
بس ناس التلفزيون ضنينين جدا في بث المقطوعات الموسيقية
يا شاب إنت أحسن زول...قعدت و حرست العقب بغادي
و إلى الأمام ياحبيب.... والله معاك
| |
|
|
|
|
|
|
| |
Azhari Nurelhuda
سلمى الشيخ سلامة
نادر السوداني
الفاتح يسن
Abuelgassim Gor
سمندلاوى
Elmosley
bayan
abdalla elshaikh
sumah
عزيز
ترهاقا
فيس بوك
تويتر
انستقرام
يوتيوب
بنتيريست