|
|
 Re: خيــيمة الحــردلو - العمارات (Re: Ahlalawad)
|
يسأل منكم خيـر الزمـان وسرورو
ويغفل عنكم غـدرو ومكامـن جورو
سائل المولى يبسط في طريقكم نورو
ويعتق عبده من سجناً غشوم مأمورو
سجناً خالي من شبك الحديد شباكو
من السور المعلى مكهربات أسلاكو
تحتو الدابي فاير سمو حارس أملاكو
لزومو الخنقة والبهرب بلاقي هلاكو
تحياتـي
| |
 
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
يا جماعة الخيمة والله فشيتوني وفي نفس الوكت
رجعتو لي الم الذكري النبيل
سلام يارايعين
يا البورد العجيب يا للتلوب حواي
ناس اهل العوض اللنميم سواي
فتحتو الجروح والحسرة من تالاي
والجمرة البتحرق بكتويبا براي
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
دكتورة سـرورة
أظنها قالت
صحيح زول دغري إلا ملولوات سيقانو
مالي بعاشـر اللـوري الحليلو زمـانو
مكينتو مبوشـة وعادمو انتشر دخانـو
لساتكو مرقعة ومساعدو حاضن أحزانو
يمة المتلي تركب في الحديـد ألمانـي
شبحاً ود شبح ناعـم مكنـدش هانـي
ولو جلت خـلاص لكزس أصيل ياباني
والهكـر القـديـم خليتـو للتابـانـي
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
اللوم القاسي .. نعتذر للدكتور السارة وللأخ العزيز بحر .. والشكر الجزيل للأهل الفن الراقي الشاعر الكبير عبد القادر الكتيابي والخواض وسنجاوي . كلم جميعاً كل الود ونرجو المعذرة ، لم ننس لكن التقصير حاصل . وتحية لكل من فاتنا ذكرهم ونتعشم طلتهم :
هجين سرجو الطويل غاربو وجناحو انفـجّ
جبتو حناسة ، بركتً الضمـر وانقـجّ
عقلتو الشافي نفـاي القفـاري اللجـة
دربو شيـوم علي السمحـة ام عشوقاً عـجّ
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
اهل العوض والصديق
ها ناس والله فاتني جنس نضم سنجاوي والكتيابي زاتو سيد اللسم
كدي خلوني اللقرا الفاتني ده كلو وارجعلكم
اهل العوض والله يا اخوي ماني مكرمس تب لكن متكرفس من نزلة شديده
وقبل ما الزم عنقريبي اقول انشاء الله النزلة عن عدوكم
والف مرحب بكل الناس الراقين الدخلو الخيمة
وانشاء الله تكون دار عامره بيهم
سنجاوي وينك انت تغتس وتقلع
يا الصديييييييييييييييييييييييييييييييييييييييييييييييييييييق
حرم خات الككه في بالي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
ناس الخيمة ..السلام جاكم جت
وبرضو معاكم أنا
دخلتا الخيمة ..عاينتا جاي وجاي
صنقعتا دنقرتا..
قريت الكلامات كلها
ما شاء الله عامرين ..
اها من هنا وجاي انا زولكم تب
كان مشاغل الدنيا تدينا طريقة
تقعدوا عافية
قيسان
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
نزار الفنان
إت برية من الحمى والنيران
وات برية من المرض البجو الجيران
ياموسى واخوك ويا هجو اب قران
تشيلو الحمى غااادي وتبعدا النيران
قيسان ، مكنة نيسان
حبابك
ونعتذر - العتب على النظر
لكنك ملء المسع والبصر
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
غايتو يا السنجاوي ، ما بسألك .. ونبدا بأبياتك السنجاوية وفي الحتة دي زي داير أقول ليك نشفت ريق البنية .
أما عن الآيسكريم فرسلنا الولد يجيبوا بس انت أبقى داخل ، وما في داعي تخلي نعلاتك برة . إنت ونعالك في حدق العينين مشالك والعز يتبختر مشالك ، توبك وغطاك وشالك .
وهاك دي من طرف شيخ العرب شنتير :
تيسو البجـر رسن المـريد ويمغاهو
بالغ قلبـو والمغسول عقب طغاهـو
ربـو الخالقو من سود العيون وقاهو
حـنّ وقـجّ فـرّق وبعدو وشـغاهو
تحية للرحمابي
تحية للذين لم تكتحل أعيننا برؤيتهم ويشنف آذاننا نمهم : الهمباتي و كبوش وبقية العقد النضيد
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
سلام جاكم
أهل العوض .. زي ما سنجاوي سعلك..قلتا لي الخيمة دي يعني في ضل العمارات ؟؟ يعني ضل الضحى جاييها
وضل الضهر جاييها..والله حكايتا كيف؟؟؟ نحنا ناساً بندور نعرف مشهادنا وين ..ومشهاد
رواحلنا .. وهاك قول خير:
مرق طالب الدروس متدرّج
أوقد فيا نيراناً جوة القلوب بتسرج
يا الله الكريم بالحالة العلي تفرّج
حظي أصبح جارّي الجوكرين ومعرّج
*****
قطع شك ..سنواصل
تقعدوا عافية
| |
|
|
|
|
|
|
|
|
|
Re: خيــيمة الحــردلو - العمارات (Re: gessan)
|
حبابكم وحباب كل الجنيات والبنيات
الوردو الخيمة وكل سنة وانتو بخير وصحة وعافية
وربنا يحقق جميع الاماني
يا قيسان
حظك جاري الجوكرين ومعرج
هو يا اخي الحظ مسكك الجوكرين في ايدك
يبقي التعريجة دي كياشة ساكت
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
نزار السلام جاك
علي الطلاق الواو من الواو الضكر في الكشتينة مابعرفو
لاكين دي الغنوة زي ما وقعت في اضاني ..
بعدين ياخي انتا ماسك في حظي مالك ؟؟ ما تمسك في الطالب الدروس ده؟؟ ما ياهو الخلا الغناي كيشة
خالص تحياتي
وتقعدوا عافية
قيسان
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
كل عام وأنتم بخير جميعا
ان شاالله تكون بقيت طيب عشان تبدا السنة وانت في قمة الصحة والنشاط
قيسان ، ما تزعل - قبل كدا في واحد قال
بيجينا الـدرت ، وكلنا بتساوى
كعبة الانقطاعة بعد العرق ما ناوى
البحـرق مسرتو نقـول عليه براوة
والجيب خاااالي والدقلاشة دايرة حلاوة
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
اهل العوض ودشنتير يا الصدييييييييييييييييق,
وضاح الرحمابي الخواض السارة بحر قيسان الجندرية الكتيابي
كل سنة وانتم جميعا بالف خير وعافية مجتمعين بكل الود والصفاء
ونقاء السراير
طيبين ومبسوطين بسطا ان دنقرتو يتدفق منكم فايض البسط
قيسان اخوي
خلاص قشيناها في طالب الدروس
شيخ العرب وين يا المشيك توحًًل
تقيل الخطوة تاتاي المشيه توحل والله الكلام دا عاجبني عجب شديد
وخاسة مسعلة الشدة والفتح علي الحاء في كلمة توحل بدل الضم
كبيرنا الكتيابي
نشكرك علي تحيتك واطلالتك العزيزة التي نامل ان تتواصل
ود الجيلي ما اتحكر علي لاب توبو
والخواض اذا الماوس لعب في عبو
حصل يا كتيابي سمعت بي مجاراة بين شاعرينا عتيق ومحمود حسين
ببخت الرضا
فالابيات الفوق دي ذكرتني بيها
وكل سنة والجميع بخير وعافية
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
sentimental
والأعزاء أهل الخيمة ـ تأملوا معي روعة هذه الصورة التي التقطتها شاعرية ود شوراني عن قرب لمشهد فيه من الوجدانيات و التذوق ما فيه ـ فقد كان الانجليز يفرضون حظر التجول في مناطق الهنباتة ابتداء من الساعة الواحدة بعد منتصف الليل وهذا ما كان يعرف قديما في الدامر وأبودليق بـ ( غفر الساعه واحد ) وقد حكى لنا عبد الله ود شوراني رحمه الله أنه كانت له حبيبة تستضيف التجار العابرين في ما يشبه المطاعم الشعبية والمقاهي داخل البيوت وهي عادة لا تزال قائمة في بعض الطرق السفرية ومراكز التسوق النائية ـ قال إنه أناخ بعيره بعيدا وأكمل الطريق إليها مشيا ـ وهذا من تحوطاتهم المتبعة عادة ـ وكعادتها شرعت في تهيئة المجلس بالبخور والطعام والقهوة ومن يخدمونه احتفالا بمقدم الرجل الكريم ـ فانسجم الشاعر في مزاج القهوة ولم ينتبه إلا بعد الساعة الواحدة ـ فهم بالخروج لولا أنها تضرعت له أن لا يخرج خوفا عليه ـ فقضى ليلته هناك وأصبح يدندن بهذا المقطع :ـ
غفر الساعة واحد حام وانا لقيت هوِّي
فوق الرمشــو يجرح ونار خديده تكوي
الخــــلاني ما بنـلام قـدر ما اسـوي
خمـد النور فضـل براق بســيمو يضوي
طبعا القافية واو مشددة مكسورة والياء
وبعض المفردات القليلة تم تناقلها بين رواة مختلفين كما أن التسجيلات الصوتية لود شوراني قام هو في بعضها بتبديل كلمتين أو ثلاث ربما بسبب النسيان أو التنقيح ـ فما أرق وأحلى وأعذب هذا الشعر ! ـ
كتيابي
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
أهل الخيمة سلام
والله قلت ألحق ، السنجاوي دا مالو نفسو حار كدا ، الزول أحلقوهو قبل ما يطوى الخيمة ويخلينا في الصقيعة.
بعدين اشوف قصة أخوى أهل العوض دا ، شوف بيتك التاني دا شن فيهو
من نفس المغترف
شتلاً ضير سواقيهو وهباب ما فرّك
ريدو سلب يقيني وعمري منو مدرّك
يا ظبياً تبع نيل المهاوي مجرّك
الله براهو يتلافى القلوب من شرّك
أهل العوض
ريدو سلب – يقيني – وعمري منو مدرك
الزول دا ما قرب إمرق من ملة محمد
بس لحق رقبتو وقال : الله براهو يتلافى القلوب من شرك
عندى والله كلاما عجبني زمان لكن نسيتو ، وبدوركن تجيبهوا لي هنا تاني ، لابد معاكم واحداً حافظوا
…..
….
من كُتر الدلا تنشاف عويرة عويرة ..
الكلام دا تماتو كيفين ؟
رحمابي
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
وكت الليل برد جاني البفوح نسامو
لاقرب الدغش متغطي في هدامو
نحنا الخمسة ديل ولمحنا عيل أقدامو
اتنين فوّضو وتلاتة سجدو وقامو
نزار..وأهل العوض ..قطع شك مافي زعل ..الزعل يجي وين للنم السمح ده..وللجميع التحية..وهاكم تاني
مشتول القرير السيدو فارق زرعو
غفرو الحارسو قال يا عاشقين إنقرعو
العينو كحلة وعودو منصوب فرعو
رباع اللخ وتاتاي القدل بي درعو
وتقعدوا عااافية
قيسان
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
الاحباب جميعاً ، تحياتي وشكري بلا حدود .
نزار ... لا حول ... دا نجر دا و لا قطع مصنع .. عندك قلبي شيلو مع طويك وفرك .. صح لسانك
الاستاذ الكبير الكتيابي .. أولا نحن سعداء بمشاركتك وتواضعك للجلوس معنا في هذه الخيمة ، التي وصفها السنجاوي بخلوها من القهوة والزنجبيل والهيل . كما قال أحدهم
ياريت كان بقيت تحت الصويل ضليل
أو عنبر عزيز او هبهان او هيل
فعلا الهمباتة كما هي قوية وشاقة طبيعة كسبهم تماما كانت أشعارهم ، فلك من ذلك هذا المربع :
آه واغلبي من زولا جمالو ملوكي
والحاس بيهو من تالاك يضوقو عدوكي
أمن (إما أن) أرضى بي الذلة واتركو لهوكي
وامن نطلع القلعة وجبال السوكي
أديبنا الرحمابي ، تحية لك . بالنسبة للمربع الذي ذكرت فأرجو أن أجده لك فهو لأحد شعراء الحقيبة وفي أغلب الظن لود الرضي .
الاستاذة الجندرية .. نحن في حرج شديد من هذا الكرم بترددك على خيمتنا .. لك التحية .. وان شا الله الشباب يجيبوا ما يرقى لذوقك الرفيع .
قيسان ، الآن مكنة هينو ونيسان : لك التحية وابشر بالخير .
تحية مرة تانية لنزار الفنان
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
الجندرية
يعجبك السمح والزين
وياسلام عليك .. الجبنة والشاي ديل ما بنزين النم يعدلن الرأس ومخمخن الكيف
شرفتي الخيمة
الرحمابي
القومة ليك .. شغلك نضيف بالحيل
وهاكم السنجاوية دي
ما ظنيت أعيش بعد الفـراق يا بنيـة
وما ظنيت أعيش بعـدك دقيقة هنيـة
وكتين العـذاب صار لي حياتي سجية
شن بعملبو عمـراً كـل سنينه شكية
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
الليلة الجمل من حيسو جابلي هدير
تل جريدو وجاب خبو الطوال وعديل
بت البجرد السبحة وبقيم الليل
من تالاها يا الحبان منامي قليل
الجندرية ..سلامين .."ولدنا"دي فهمتك قاصدة منو..لكن في الحالتين ياني ولدكم ..وهاك دي من نسام البطانة
سمحت ومن شنات الصيفة لونا اندسا
وجبّالك لبس من الخدار واتكسى
يا المردا التليني مع الجمال في الرسا
فوقك زرقن الرزمي السحابو اتمسى
****
اتخلفلها البطحاني والعبادي
ونفضنو المتل جبب أم صريمة يدادي
نحنا ترانا للشابورة ديمة نحادي
عنز الشاي مراقبة من غرامة القاضي
قالوا ده الصادق اب آمنة بعد ما بقى زول حواشات في حلفا..كان بالو هنااااك في البطانة..والسربة البلا حدود ..ولا غرامة
تحياتي للجميع
تقعدوا عافية
قيسان
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
الاحباب جميعا ، تحية لكم . تحية للاستاذ الكتيابي وأكرر سعداء بمشاركاتك .
السنجاوي ، وأنا أيضا أتساءل : شن تعمل بو عمراً باقي كله شكية؟ الله يخفف عليك .
نزار : أرجو أن تواصل في هذه الأبيات : أظنها هي الأبيات التي سألت عنها الصديق في الخيمة القديمة .... نايبك كك .. وهكذا .
قيسان : تحية لك على هذا الغزير الهاطل .
جمالاُ غير كلف حكمه رحيم وجليل
وجيهك دارة القمر البضوي الليل
ياريت كان بقيت تحت الصويل ضليّل
أو عنبر عزيز أو زعفران او هيل
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
جنيات الخيمة
سلام
كان لدي اعتقاد ان العرب
يتعاملون مع النساء بنظرية "شاوروهن وخالفوهن "
ولكن فاجأني موسى ود جلي
عند اعتمد على شمة اخته لاكمال المشاورات حول قرار الحرب مع الشكرية واعتمد ذلك الراي ولم يتجاهله
عليكم الله العندو الكلام دي انزلوا كامل
"هديك شمة كان تتم الشورى "
مع تحياتي
| |
|
|
|
|
|
|
|
|
|
Re: خيــيمة الحــردلو - العمارات (Re: الجندرية)
|
الجندرية الرائعة
مسرحية المك نمر للعبادي فيها كمان كم شورة زي دي
فبعد ان دار الحوار بين شيخ العرب /
الشكري وطه
البطحاني
ما تجو يلا نشوف علي طريقة زكيا زكريا
شيخ العرب
يمين بالله غير الغاية مالي مبيت
طه
يا شيخ العرب امرك بشوفو حقارة
وما جابتك مره الجابتك بس غارة
وقرناك كتير نفسك ابيتو وقارة
خبرك هذا ما بدورلو دق نقارة
واحد مع شيخ العرب قال لي طه واسمو علي
قبلك في اللجج يا طه راحو انهدو
بتتجاسر علي شيخ العرب بتهدو
زولكم مو عاقل آ كبار اخير تهدو
بي عنادو الفريق خايف يسبب هدو
طبعا شيخ العلرب في القصة جائي طالب ايد ريا الهي خطيبة وبنت عم طه وشيخ العرب عارف الحقيقة دي
طه لي علي زول شيخ العرب القال الكلام الفوق
انا المالح الكارب خريفي وصيفي
والمتلك تبيع ما اظن يطول فوق قيفي
كان ما الليلة في بيتي وبعدك ضيفي
في الشى السمعتو برد عليك بي سيفي
شيخ العرب قال ليهم
كفا يا بطاحين فيكم اتغشينا
كرمكم جانا طامح رخسة واتعشينا
بعد الشي السمعتو تاني كان ما مشينا
خايف في اجتماعنا تقع وقايعا شينة
اها طيب في وداعة الله عقب بيناتنا ما في علاقة
وات يا طه اتشفيت شبعت شلاقة
امرت الشر سعيت دليتو بي معلاقة
اها نحن وانت بعد الليلة يوم نتلاقا
الخ الحوار وبدوا البطاحين يحنسو في ضيفن شيخ العرب
ويقترحولو في الحلول غير ريا
واحد من البطاحين واسمو عبدالله قال لي شيخ العرب
سمح ارجانا يمكن طه نحن نجبرو
شيخ العرب
الزول في الرقاد شقو البريحو بخبرو
والزول البليد بي ايدو بحفر قبرو
اها عاد بنسوي عوسنا وطه يلزم صبرو
طه
سوي الدايرو وكتر الكلام خليه
والشر القصدتو معاي ابقي عليه
طير اصل السما حتي القمر دليه
يوم نتلاقي كل واحد بعرف الليه
هنا طه قام مارق من الجماعة
لحقو واحد من جماعتو اسمو احمد بدا ينصح فيه عشان يتراجع ويتنازل من ريا ابنة عمو لي شيخ العرب
الي ان قال
انا عندي العرب بي ريا اخير نفداها
وجاهو عبدالله بنفس الراي
وديل
هم كبارو وقت غلب فيه حيلة قالو
نشاور ريا امكن ريا مي دايرك
طه
صدقوا القالو خربانه البلد بي كباره
اهديك ريا سئلوها واعرفو اخباره
من غير السفر ما عندي تاني دباره
نحن وانتو بي دي الحاله ما بنتبارى
وفعلا شاوروا ريا ورفضت وسافرت مع ابن عمها الي المتمة الي المك نمر
سيد النحاس الجض
جيتو علي حملة غيرو ما بتنفض
معليش بديت من بعيد عشان الصورة توضح
هذه المشورة الصعبة
بين قبائل وحقن دماء وكفتين غير متوازنتين ومصير مجهول وخذلان وحب وجاه
وبرضو شاوروا ريا
صدقو القالو
| |
|
|
|
|
|
|
|
|
|
Re: خيــيمة الحــردلو - العمارات (Re: nazar hussien)
|
نزار
اشكرك
يمكن مشاروة ريا هنا جاية لأنه الموضوع اصلاً
عرس وخطوبة ويخصها
ودي موجودة
لكن الغريب في امر ود جلي ان الأمر لم يكن له علاقة بالاجتماعيات
الموضوع كان حرب في حرب
واصل في نفس الاتجاه لوسمحت
ارغب في معرفة المزيد وهدم افكاري القديمة
تشكر مرة ثانية
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
اهاهاهاها و الله يا اهل العوض .. بقيت لي زي الصهيب .. قدر ما اقول ابرد اضاني تقوم تزن لي فيها. اها آبوي إت فلّخ و انا ببربح ليك .. يعني نظام شقيق و كتل
رفع(رفعت) سرجو و لشغ طوُفو و جبدلو قشاطو
و اللب و الحقب جملي الوشاك ضرعاتو
شبه الفي العقد شتّى و مرية وطاتو
قصدي هجومو بالمتل السفينة وهاطو
ابقى غافية
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
صيدح سرجي ها المهلة الوسادة مشـدّك
بينك وبينو عتموراً خلاهـو بهـدك
سرجـك لاعبو غاليلي دواير وقـدّك
آ القنجر من الحركة ام زوايل ردك
صيدح سرجي ها المهل الوسادة مشدك
بينك و بينو عتموراً خلاهو بهدك
سرجك لاعبو غانيلي الجوالس و قدك
آ القنجر من الحركة أم زوايل ردك
| |
|
|
|
|
|
|
|
|
|
Re: خيــيمة الحــردلو - العمارات (Re: Shinteer)
|
تسلمي يا الجندرية
موضوع ريا هنا ما كان موضوع عرس وخطوبة
وبس
موضوع حمرة عين وقلع وقبيلة
لانو شيخ العرب ايقن ان ريا فات فيها الفوات لي طه هدا قبالك
ففي داعي يصر علي رايه لو الموضوع ما ابعد من كده
وبنلقي بعدين في المسرحية
الشوره الذكرها اهل العوض برضو شورة امراة واخذ بها
| |
|
|
|
|
|
|
|
|
|
Re: خيــيمة الحــردلو - العمارات (Re: nazar hussien)
|
اهل العوض
بكتب ليك اخوي من بلدا فيها يمة وفيها يابا
وفيها الطيبة كتيرة والفرح جابا
بكتب ليك اخوي من نفس رغم الحزن شابا
والزمن رغم طيبتو حالف لاحلامايابا
بكتب ليك كليمات فرحانة من بواقي فرحة لسة في جوايا هابا
ولسة رغم ما صابا ومهما الحبيب اباها برضو في حبكم كابة
بكتب ليك اخوي مشتااااق
بكتب ليك اخوي محتاااج
لنبع الطيبة وطيبة الطيبة
ولقا الحبيبة
الابى ينضاق
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
أهل الخيمة ..سلام
يوماً بي مجالس أمات عروض بنفرّق
ويوماً نحنا في العقبة اللهوبة بحرّق
يا مسيكة البدف من الدميرة مشرّق
برضيك بي ردايفاّ قلبي ليهن جرّق
***
من زمن الخليفة الحال بقت مرهونة
وعضام شبابنا راقدات في المشانق شونة
بالقيد والسجن يا احمودة ما بيهدونا
نحنا أخوان بريريبة الجزو..الدرفونة
وتقعدوا عافية
قيسان
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
أهل الخيمة
جيتكم بي كلام الشريف زين العابدين الهندي ، أوربت سودانية
كل مرة بديكم منها مقطع مقطعين ..
وببدأ بي أهل العوض ، أهل الجزيرة القال فيها
مبسوطة ومحكّرة لا هُبك لا تبوب
وقطنك زي لتيب الحقنة خاطي عيوب
معلاق منتني ولوزاً عفى ومكروب
وتيلته طويلة زي خيط الحرير في التوب
**
دواوينك مفتحة لي الضيوف مفروشة
وحلالك مجندرة لا وسخ لا كوشة
شاربة الهمبريب بي الساريات مرشوشة
والعجب الأماسي تقول ليالي الروشة
بقول للسنجاوي
أعقب سنجة طوف بي الدالي والمذموم
روح لى القرابين والسماسم كوم
شوف كُرمك شرف قال لي الردوك ما تلوم
أنسى الفاتت أيامك بجيهن يوم
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
الاخ قرجة .. تحية لك وشكرا على الكلمات الرقيقة المليئة بالحزن ، ليه كل الحزن؟ ليه كل العذاب .. خفف الله عليك .
الأديب الرحمابي شكراً لكلمات الشريف ، وفي انتظار اكمالها .
الأخ قيسان مكنة هينو ونيسان ..
يوما في بسط عند المقسمة نومنا
ويوم نتغطى من لفح السموم بي هدومنا
يوم بنوجب العملة ونجيبا لزومنا
نحن إن خفنا يا خلي ام رشوم بتلومنا .
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
اهل العوض
تحية الصباح
من سيد عبد العزيز الايام دي انا معلق في شعر سيد عبد العزيز
وبحاول اسمع كل اغاني الحقيبة واكتب منها قدر ما الله سمعني
غصبا عنك يلفت نظرك
مهما تحاول وتاخذ حذرك
تصبح عاشق غصبا عنك
ان يوم في العمر الحظ نصرك
وفي نعيم حسنه اتمتع بصرك
تصبح اسعد ابناء عصرك
وتملا عيون كل من بصرك
ايوة الصديق البارح كان معاي علي الماسينجر وكنا نتلاوي
في بعض بيوت الشعر الحقيبي وهي كمان لسيد
اما الامانة
وصلتو تب
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
جمدلة على سلام الراس
طبعا دي زي ما انت عارف آخر أغنية غناها الكاشف وتم تسجيلها وهو جالس على كرسي
وكانت الأغنية الوحيدة التي تم تسجيلها فيديو في التلفزيون
حيث كان التسجيل قبلها إما صوت فقط أو صورة فقط
طبعا من أشهر أغنيات سيد أغنيةأنة المجروح
وفيها بيت لم يغنه سرور وهو
ناقم على الأيام مع إني طبعي صفوح
فقال سرور : مين قال أنا طبعي صفوح
غايتو انا ما بعرف ، لاكين ما قادر أشبع من المربع الجابو شنتير دا
فقرك دير ودومك في قلايدك باهلو
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
شنتير
أسمح لي أستغير تعبيرك المشهور
غنوة تمرق الوقيعة من العين
أها : دا من القديييم
السنة هادي المسور في ضريس يا اب دومة نباعة
فوق الله وعلي ضراعك نسوي بتاعة
لي فرتوت بننقد ناقة اب دلاعة
انا رضي با الماها مرمية ورذال اطباعا
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
سلام جاكم
قاعدين في خلانا
متونسين برانا
فوقك تقيل يا مطرق الخيدرانة
(من أغاني ما يعرف بالجابودي..عند بعض اهل البطانة..والغنوة تكون ثلاثية..)
الجندرية..بخصوص موضوعك عن المرأة وشورتها عند أهل
.. الدوبيت هؤلاء.. لابد لنا مما ذكره بعض المهتمين بامر التراث أنه عند الرجوع للتراث ودراسته وبالتالي إستلهامه في الاعمال الادبية والفنية..لابد لنا من عملية "أختيار" للذي يتوافق مع
حاضرنا وبالتالي مستقبلنا..لأن ليس كل التراث صالحاً لتاريخنا الحاضر.. فعلى نفس هذا المنوال لو تتبعنا مثلاً المرأة عند أهل
البطانة سابقاً"مثال"..لوجدناها وخاصة عند الزواج الذي هي جزء أساسي فيه لا تستشار ..وغالبا ما يكون الزوج هو ابن عمها "غطاء القدح"..!!
و نسبة لطبيعة الترحال والتنقل ..فهي بلا تعليم .."ربما تغير الحال بعد قيام قرى التوطين في مشروع حلفا.."..فالمرأة في مجتمع اهل الدوبيت "إذا جازت التسمية".. لا أعتقد انها كانت تستشار كون رايها يمكن الأخذ به ..ربما في حالات نادرة.." فحتى في حالة"شغبة زولة المرغوماب"..فهي كانت حكامة أو "محرضة" على القتال "والذي في حقيقته بين قبائل..وربما ابناء عمومة"كمان"..وذلك بغنائها المعروف".. كذلك في مناشدتها لولدها بان يترك التفرغ للدين والعبادة"أريت يا حسين ماني أمك وإتا ماك ولدي".. وعليه أن يكر ويفر كما كل الرجال..وبالطبع نجحت في ذلك ..
"جدعناك يا لوح وكسرنا يا دواية.."
إذن يا الجنادرية تراثناالشعبي والدوبيت جزء منه..مليء ربما بالمفاهيم التي تغيرت
أو التي لا تصلح لزماننا الحاضر وبالتالي لا نتفق معها..فمثلاً عند طرح السؤال : فيمن كان يتغزل شعراء البطانة..خاصة وان الغناي عيب عليه إن تغزل في بنات قبيلته كيف لا وهو "المامون علي بنوت فريقو.."..أو اي من القبائل التي
تقاسمه "السوالف"..أو المشاركات الإجتماعية؟؟؟
فالغزل كان في "الجواري" ..فمجالسهن معروفة ..وقد شهدت معظم ما قيل في الغزل..فلو نظرنا لهذا الموضوع لوجدنا ان فكرة الجواري هذه ..هي اساس المشكل السوداني الماثل الآن..
!!!؟؟!!
علي أي حال هذه رؤيتي ..عندما توقفت عند نقطة إعتقادك في "العرب" ومشاورتهم للمرأة كي يخالفوها..
والله شنو؟؟؟؟؟؟
وكت الليل برد والفقرا قاموا يصلو
السادر سدر واهل الخدار إتدلو
أنا حارس لي جدياً ما مرق من ضلو
خشمي يابس ..ريقي البحر ما ببلو
تقعدوا عافية
قيسان
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
.. أهل العوض ، بلحيل شفت اللمين البنا والجقر سووا عمايل ، لكن باقي لي البنية المذيعة كانت مخلوعة وما فاهمة التكتح
نواصل في الأوبريت
أمانة عليك بطانة أب سن بتسني الكاعة
يوم اكلت كباد ساكت رخم وضباعة
يوم محمود وناس عوض الكريم سمساعة
واقفين في الشمش دايرين اغطوا شعاعه
في ضحوة عجاج وسيوفهم اللماعة
ياكلن في التراقي واقطعن في ضراعة
**
يا المعزوزة بي دمانا وعضام أبواتنا
عارفنك مقريفة لي شراب قهواتنا
زغرتي يا أم شيوم خلى الندق محساتنا
ونحاسب عقاب الجاتنا والما جاتنا
رحمابي
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
سلام جاكم
مطلوق من بهاسات الدرت والصيف
إتورم قفاهو ومن فوق بقالو عريف
أعجل تُرو من الشارعو ببرا القيف
ببطح راسو وبرعى القٍدة بالماحنيف
****
حكيم الصحة قاليّ تاني ما تسعلني
وحسسك جُوة داخل في الكبد متبني
تبّن ..لقيت مرضك كتيير محّني
أسبابو البقول..حي المشاط حرّقني
أها بي عدلكم ..ولا قدام
تقعدوا عافية
قيسان
| |
|
|
|
|
|
|
|
|
|
Re: خيــيمة الحــردلو - العمارات (Re: gessan)
|
الأخ قيسان
ما ذكرته هنا كان هو اساس فكرتي السابقة
ولكن عند سماعي لدوبيت منسوب لموسى ود جلي
عن استشارت شمة اخته في اتخاذ قرار الحرب مع الشكرية انتقاماً لمقتل ناقته
اهتزت قناعاتي السابقة وقفزت الاسئلة الى رأسي
هل كانت حالة خاصة ؟
أي انه من شدة معزته ومحبته لتلك الأخت كان يستشيرها في أمور كهذي
وأن هذه المعزة كانت شائعة ومعروفة حتى ان زعيم الشكرية قال بانه سيذيقه العار والمذلة ويشمت بشمة على حد قوله
" كان اشمت شمة دي العاجبالو "
بقى ان اقول ليس كل الغزل والتشبب كان بالجواري
فهناك كثير من النم يؤكد انه كان في عربيات فلم يكن الرق عندنا جاري الإ في العنصر الزنجي
" وجهك دارة القمرة "
ليس كناية عن استدارة الوجه فقط بل عن اللون الفاتح ايضاً او ما يطلق عليه عرب السودان باللون الأصفر ( التبري أو القحمي او الخمري ) ولايمكن ان يكون المقصود بها جارية او سرية .
| |
|
|
|
|
|
|
|
|
 Re: خيــيمة الحــردلو - العمارات (Re: Ahlalawad)
|
وروروروروروروروروروروروروروووووووووووووووووووووووووووو يا شنتير واهل العوض والفنقة والطنبور وام حمد وسونيل وورورورورورورورورورو مساديركم تخلى الكور يعيط وووووووووووووووووووووووووووووووووووووووووووووووووووووواىىىىىىىى
غشيت اولاد نمير بدى التحية
فتقنا الشد هناك ساعة شوية
حسارات أم قبيل زادن عليى
فلانة الفى البنات سالكة وصبية
وشنكتشنكتشنكتشنكت شنكتاتتتتتتتتتت
نم نموا والله تنموا
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
السنجاوي ... حمدلة بالشوفة وكل عام وانت بخير ... والله كتر خيرك دي قلعتها من وين يا سمح القول .. معليش اليومين دي الراس فاااضي عليك أمان الله ومفتقدين صناديد الساحة .. شنتير ، نزار ، الكتيابي ، سنتمنتال ، قيسان وبقية العقد الفريد ... الله يجيبهم بالعافية ، وهاك من القدييييم :
القبلة الحليلة اب نوح
لا بقدم ولا بكمل سماحك يروح
غرام ريدك عامل في فؤادي جروح
نقاقيرك بدقن في معالق الروح
كتر خيرك يا أب نضما يداوي
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
سلام جاكم أهل الخيمة
وكت خيمتكم قلّـعت ..نحنا برضو بنجي
لاكين والله أكان وحدتو الخيم دي والمسادير
أنا عندي أخير
والبطرانا في أصحابنا القدام يا حليلو
قطع شك "راجعين"..و
تقعدوا عافية
قيسان
| |
|
|
|
|
|
|
|
|
|
Re: خيــيمة الحــردلو - العمارات (Re: saifkeli)
|
مرحب سيف كلي مرحب حبابك
عقب يا جنى عقب
أصلو والله العالم ناس الخيمة ديل عجزو وأفلسو
والخيمة محتاجة شباب دمهم حامي
في عز الفتوة زيك كدي عيني عليك باردة
شغلك نضيف ومكرب الحيل
أها أبقى قدر الشيل وايدي على كتفك
يمكن الجماعة يتحركو وتدب فيهم الروح تاني مرة
ونشم ريحة البن والهيل ويتجمعو الحبان
تحياتي
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
سلام جاكم
وتحيات للجميع
** اخوي سيف "عمدة كلي" ..مجلس جبنة وفي كبوشية؟؟؟ في ضمتي مجلس عامر بالحيل ..ها زول أصلك ما ترتالنا تب ..زيدنا من نمّك ده ..
ونحنا زي ما قال سنجاوي بقينا نجادع مرة مرة..
دحين يا زول فوق عديلك..وأدنا من غناك "الفوامة"..و"حبة التقنت"..
سنجاوي ..وأهل العوض ونزار أبو يارا..وسنت ..والجميع
تحياتي
بدور الشدة فوق تيساً بطانو بسوج
بدور البرق محل ما شال معاهو يلوج
يا حليل المرِّوق مخو مو مزعوج
ينجينا الله من النزلتن دانكوج
*********
بشوف نجم الشولة صبّ نزيلو
والقلب فاقد الفدغ المزنّد تيلو
قمر السبعتين وجهك ضوّا فوق جيلو
يا مولاي بعد الحال اضوق عسيلو
وتقعدوا عافية
قيسان
| |
|
|
|
|
|
|
|
|
|
Re: خيــيمة الحــردلو - العمارات (Re: gessan)
|
الأخ قيسان والسنت وأهل العوض وشانتير ونزار والمجموعة الراقية
سلام مربوع ومنفل
ولو ما المشغوليات كتيرة .. والله الخيمة ما بتنفات
إن أصبح بقول يا ربي فرّج همي
وإن أمسيت بجرجر في قصايدي ونمي
الهالكني وداير يضيّـع دمي
مشتول ناس عبيد الفي جزايرو مرمي
وهاكم بعض المجادعات بين شاعرين
رب الإله يا قاسم الأرزاقِ
تقسم لي ليمو زي ما قسمت فراقي
لكل اليقربو لو أنا مدي صفاقي
عشان واحد عين نكرم عيون الباقي
رب العباد يا من وجب تسبيحو
رازق العاصي دوم وما بضرو قبيحو
حاكيت الضفادع الفي الدواجي نبيحو
جودوا علي بى نظرة أنا دمي ليكم أبيحو
********
أصبح يا البيلك لابسني زي الخاتم
لي حِبـّـان بريدُن وبى فراقن حاكم
أحسن يا نديم ناخد حلبة العاتم
دلميت ولا أنا الماسك الفتيلة وكاتم
أصبح يا البليك تاجراً مراكبك غرقن
عوضك الإله زولاً مجالسو يشرقن
كشمت فاطرا البرق أب سحابن زرقن
غير مكتب فؤاد عندي الدفاتر حرقن
الحزن العلي والله إن إنبسطنلو
قلبي كان عديل من صالحي هن لفتنو
إنشاد النميم حقاً علي ثبتنو
كل ما أخت شرك درب الدرر فاتنو
جروحن نعورن قلب الطبيب خربنلو
يبقى يجود لي طيف الصايغ مغربلو
لتيبات الروا الهب النسيم طربنلو
عيني شوقرن بعد المنام قربنلو
وتقعدوا عافية آ جنيات
وتحياتي للجميع
(عدل بواسطة saifkeli on 03-17-2003, 09:29 AM)
(عدل بواسطة saifkeli on 04-28-2003, 02:31 PM)
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
أهل العوض
دحن دا ما كلامك
أعدي الليل أنوح والفؤاد مجروح
كل حشاي شقايق وجسمي صار مسروح
يحضر عقلي مرة ومرة مني يروح
وفوق راسي الحبايب يعاينو ليها الروح
يا ربي دا من شنو ، بس أوع يكون من بوست
مذكرات عروسة
لانو شايف عبق الدخان طلع ليك في راسك
تسلم
عبدالرحمن
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
آنااااس ها
كيفنك والله الشوق ليكم بحر ليه زبد
الهمباتى
الحليلة
كبوش
سنجاوى
اهل العوض
نزار الجعلى
ودالحافظ
الهمباتى
وباقى العقاب الجداد والقدام ، سلام مربع..ترانى جيتكم صادى وغرضى التحكر والونسة والقنيص..جيتكم فوق بشارى خاتى الهزة
دحين اتو ياكن ناسى ؟
| |
|
|
|
|
|
|
|
|
|
Re: خيــيمة الحــردلو - العمارات (Re: saifkeli)
|
يا خالق الريفر وكمان معاهو السي
البيشن كمل آي ثنك براك يو سـي
ومن بركات الكابتن في الحلة التانية هاكم دي
آه من وحيحاً بي و من وجع قلبي
و من صيدة الخـلا النجعت كلبي
الدارس الكتاب لي عقلوا بتسلبي
و الماشي الحجاز من جدة بتقلبي
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
سلام للأخوان عموم... ماشاء الله يا أهل العوض الخيمه لمت فطاحله... دحين آخوي الشغله دي بقت دايراله موقع كامل في الأنترنت ده يجمع كل ما هو مشتت في البوردات المختلفه... و الرواة في شيوخنا الفرجوني و ود أبسن و شنتير و غيرهم من حافظي هذا التراث الجميل و مجدديه... و الكتب في و البوردات شايله ولامه...
هسع يا خوي دايرين نستفز الناس بي سعالاتن في النم السمح ده... و دايرين نسمع من الشدر الكبار و عموم العلما في خيمة الحار:
ياخوانا ناس جابو من النهاض ناس طه و الطيب، و ناس جابو من الحار، و ناس جابو من المحميه متل كلام سيف كلي السمح ده.. دايرين العلما يورونا الكلام ده اللماهو شنو و الفرقو شنو.. يعني
الملامح و السمات المتشابهه و المختلفه....ده واحد
أها تاني يا أهل العوض الكلام ده
يوم بنداور البكره و نمصرو ثديها
و يوم بنشق عتاميرا بعيده و تيها
يا نفس السواد المتعه كملتيها
أبقي لزومه ساعة القرعه و قعت فيها
الكلام ده نسب لود ضحويه ... و روي أنه قاله في النزع.. يعني خلاس وكت بقى مقابل وجه كريم.. و اختلفت الروايات فيهو فقال آخرون ما كلامو لكن منسوج علي منواله.. أها الصح شنو يا أخوانا...
| |
|
|
|
|
|
|
|
|
|
Re: خيــيمة الحــردلو - العمارات (Re: Ahlalawad)
|
القاش البقيرو كتير معاك مو خايل
ونتعداه ما دابنو فكرك جايل
بِرجاك النقير جايب لبلبو المو مايل
ونزلوه اولاد ابونا مقيل واصبح سايل
******
أهل الخيمة السلام جاكم
وسلامة المعاودة للخيمة وقعداتا ..
ونضميها السمح ....
*****
********
الخّلاني برد القاش معاك وأتغرّب
شايفلك ضيوف زمن السنين تتكرّب
أبشري الصيفي وجهو عليك وخيرك قرّب
لابد نزلة في الليد المقامة محرّب
***************
سعد السعود طلّق علينا نسيمو
طرّاني الفرقو نيران والجنان في ليمو
لمعان البروق ماخودة من تبسيمو
محروق ام رشوم يا ربي افرج ضيمو
******************
وتقعدوا عافية
قيسان
| |
|
|
|
|
|
|
|
|
|
Re: خيــيمة الحــردلو - العمارات (Re: gessan)
|
الأحباب سلام .. مربوع
رميات من بعض الشعراء لمسافرة بالقطار
(1)
كل ما يقوم قطار لازم يعذب روحي
تلملم آلامي وتأبى تبرأ جروحي
يا رويحة السجم والرماد الليلة وين بتروحي
بالنيران صلتني وبى لهيبا مسوحي
(2)
الليلة شالا السريع رصابا
بالله العظيم يا سايق اتوصابا
صـلِّـح هودجا الفوق الخلوق تتصابى
أحذر من شعاع الشمس لا يكون صابا
(3)
حافظ عليها الفي الفريق نوارة
ضللها بالذوق والظروف يكونوا جوارة
كاملين المحاسن دارسين أدوارها
يا البادرابي تعود يا اليلكا باقية حوارة
(4)
درِّجها لى لُـطف أنظر يقابلك زولا
أوعى من الضواحي حِر المدينة نزولا
أجبر خاطرها المن الوطن معزولا
آلاف التحيات والسلام إجزولا
وتقعدوا عافية
(عدل بواسطة saifkeli on 04-29-2003, 06:55 AM)
| |
|
|
|
|
|
|
| |
Ahlalawad
gessan
وضاح
الجندرية
عبدالقادر الكتيابي
AlRa7mabi
Shinteer
garjah
saifkeli
wad gindeel
abuguta
Yassir Mahgoub
فيس بوك
تويتر
انستقرام
يوتيوب
بنتيريست