|
|
 art تعتذر لجماهير الكرة السودانية والمريخ عن تحيز معلقها
|
قدم المعلق الرياضي المعروف ونائب رئيس مجلس ادارة شبكة راديو وتلفزيون العرب (art) عدنان حمد الحمادي اعتذاره لجماهير الكرة السودانية عامة وجماهير الكرة السودانية بصفة خاصة لما بدر من معلق مباراة المريخ والاسماعيلي المصري على قناة (art) سبورت البحريني الجنسية خالد حسن من تحيز واضح للاسماعيلي المصري في مباراة الفريقين امس الاول. وقال عدنان حمد الذي يشغل مديراً للبرامج الرياضية وكبير معلقي الشبكة في حديث للاذاعة الرياضية اف ام 104 ان التحيز في الشبكة والتعليق غير مسموح به، مبينا انهم يحترمون الكرة السودانية وجماهيرها ومشتركيها في السودان الذي يتجاوز عددهم الخمسة ملايين، وقال انهم في الشبكة سيتخذون قراراً مهماً في هذا الامر، وقال ان التحيز في الشبكة دائما يكون للعرب لان القنوات تستهدفهم باعتبارهم المشتركين الاساسيين وانهم لن يسمحوا باية استفزازت من اي معلق لأي من الجماهير العربية. واكد عدنان حمد في حديثه للمعلق الرياضي الرشيد بدوي عبيد انه سيتخذ قرارا حاسما في هذا الشان كما انهم سيخاطبون نادي المريخ رسميا للاعتذار، مؤكدا احترامهم الكامل وتمنياتهم للكرة السودانية بالمزيد من التطور عبر منتخباتها الوطنية وفرقها المتعددة، مشيرا الى انه سيراجع شريط المباراة مرة اخرى حتى يحسم الامر بحيث لا يتكرر مستقبلا تجاه اي من الفرق العربية والسودانية
|
|
 
|
|
|
|
|
|
|
 Re: art تعتذر لجماهير الكرة السودانية والمريخ عن تحيز معلقها (Re: mutaz)
|
..
ايه آر تي عاوزة تمارس ديكتاتورية الحكام العرب و ( تقمع ) حتى المعلقين الرياضيين من قول الحقائق ؟؟
والله دي مصيبة..
لها ( اي للقناة التعيسة )وللمذيع المسكين .. ولجمهور المريخ المنتشي بانتصار ( غير مستحق) بالمرة أهدى أبيات أحفظها منذ الصغر ولا أعرف قائلها :
من كان يملك درهمين تعلّمت شفتاه أنـــواع الكلام فقالا
وتقدّم الإخوان فاستمعوا له ورأيته بين الورى مختـــالا
لولا دراهمه التي في كيسه لرأيته أسوأ البرية حــــالا
إن الغنيّ اذا تكلم بالخطأ قالوا صدقت وما نطقت محـالا
وإذا الفقير أصاب قالوا كلهم اخطأت يا هذا وقلت ضـلالا
إن الدراهم في المواطن كلها تكسو الرجال مهلبة وجـلالا
فهي اللسان لمن أراد فصاحة وهي السِّلاح لمن أراد قتـالا
..
| |
|
|
|
|
|
|
|
|
|
Re: art تعتذر لجماهير الكرة السودانية والمريخ عن تحيز معلقها (Re: hatim ibrahim)
|
Quote: ايه آر تي عاوزة تمارس ديكتاتورية الحكام العرب و ( تقمع ) حتى المعلقين الرياضيين من قول الحقائق ؟؟
والله دي مصيبة..
لها ( اي للقناة التعيسة )وللمذيع المسكين .. ولجمهور المريخ المنتشي بانتصار ( غير مستحق) بالمرة |
حاتم ابراهيم ...
سلام ...
و رمضان كريم ....
أنا متاكد حتمر الأيام و تدور الدوائر و اكون هلالك هو الضحية
من نفس الشبكة و يومها كلامك الفوق ده ده حتبلعو .... و سبق أن كتبت
عدة بوستات عن تحيز تلك الشبكة ضد كل الأندية السودانية بما
فيها الهلال ....
أما حكاية ( فوز غير مستحق دى ) فهى تنطبق عليكم فقط أنتم بفوزينكم ا( الفطيرين )
غير المستحقين على المجد السورى و النجم الساحلى التونسى !!!! و الحمد لله فلقد
هزمنا الاسماعيلى نتيجة و سلوكا بام درمان و تعادلنا معه ايجابيا فى أرضه و وسط جمهوره
و تصدرنا مجموعتنا و التى كان يمكن أن نتصدرها حتى بالتعادل السلبى ( سيك .. سيك )
و سوف نلعب النهائى و نأتى بالكأس المحمولة جوا و برا و بحرا ....
و الما داير الكلام ده :
عبدالماجد
| |
|
|
|
|
|
|
|
|
|
Re: art تعتذر لجماهير الكرة السودانية والمريخ عن تحيز معلقها (Re: ABDELMAGID ABDELMAGID)
|
انتو ياجماعة الهلالاب الفضائح ديل البدخلهم في تعليق الناس الكبار شنو
المريخ معروف على مستوى العرب والعالم بان احرز كاس دبي وكاس مانديلا وكاس سيكافا مرتين وكاس الشارقة
والكل يعرف المريخ
هم مع شنو كمان لما الناس الكبار يتكلموا حقوا الصغار يسكتوا
هسسسسسسسسسسسسسسسسسسسسسسسسس
لانرضى باعتذار الا بطرد هذا المعلق الشاذ الذي لايعرف ان المريخ لايحتاج لتحيز المريخ قوي بلاعبية ومكانته
ابومصطفى
| |
|
|
|
|
|
|
|
|
|
Re: art تعتذر لجماهير الكرة السودانية والمريخ عن تحيز معلقها (Re: mutaz)
|
.
الأخ عبد الماجد
وعليكم السلام
رمضان كريم وكل سنة وانت طيب
ياخي والله ما تتخيل كنت حأفرح قدر شنو لو المريخ قدر يتغلب على الاسماعيلي بجهود لاعبيه ، زي ما عمل في مباراة الذهاب وتعادل معاهم في أرضهم ووسط جمهورهم ..
حكاية انو الاسماعيلي ده فريق ( مصري ) دي براااها كافية عشان يتملكني فرح كبير لما تهزموهم ...
ولكن الانتصار بالطريقة الحصلت دي صراحة لا يدخل الفرحة في القلوب ..بل على العكس..يفسد الفرحة .. و يخليك تكره حاجة اسمها رياضة ومنافسة شريفة ... الخ
زي ما قال راكوبة الدنيا رمضان والواحد ما يشيل في ذمتو ساكت ..خلينا نبعد من حكاية ( الاتهام) بشراء الحكم..
بس كمان بالمقابل مفروض ( نتفق ) كلنا انو التحكيم كان ظالم جدا جدا وهو السبب المباشر لانتصار المريخ ....
بالنسبة لمذيع الايه آر تي لم يقل إلا الحقيقة ..والحقيقة كما يقولون كالنحلة ..في فمها لسعة وفي جوفها عسل ..
كنتو دايرنو يصفق ويقول للحكم ..ايه الحلاوة دي .. وكل قراراتو خاطئة لصالح اصحاب الأرض؟؟
التحيز البتتكلم عنو ضد الأندية السودانية موجود وحيبقى موجود ..
لكن زي القالوا المذيع لا يعتبر تحيز ضدنا بل يعتبر وقوف مع الحقيقة
والحقيقة هي المفروض يسعى ليها اي صحفي ..
.
| |
|
|
|
|
|
|
| |
bukhary el amin
عمر الفاروق
طلحة عبدالله
abuguta
gamal elsadig
حسين محي الدين
هجو الأقرع
keiga2000
Abomihyar
فيس بوك
تويتر
انستقرام
يوتيوب
بنتيريست