Post: #1
Title: art تعتذر لجماهير الكرة السودانية والمريخ عن تحيز معلقها
Author: mutaz
Date: 09-25-2007, 09:50 AM
قدم المعلق الرياضي المعروف ونائب رئيس مجلس ادارة شبكة راديو وتلفزيون العرب (art) عدنان حمد الحمادي اعتذاره لجماهير الكرة السودانية عامة وجماهير الكرة السودانية بصفة خاصة لما بدر من معلق مباراة المريخ والاسماعيلي المصري على قناة (art) سبورت البحريني الجنسية خالد حسن من تحيز واضح للاسماعيلي المصري في مباراة الفريقين امس الاول. وقال عدنان حمد الذي يشغل مديراً للبرامج الرياضية وكبير معلقي الشبكة في حديث للاذاعة الرياضية اف ام 104 ان التحيز في الشبكة والتعليق غير مسموح به، مبينا انهم يحترمون الكرة السودانية وجماهيرها ومشتركيها في السودان الذي يتجاوز عددهم الخمسة ملايين، وقال انهم في الشبكة سيتخذون قراراً مهماً في هذا الامر، وقال ان التحيز في الشبكة دائما يكون للعرب لان القنوات تستهدفهم باعتبارهم المشتركين الاساسيين وانهم لن يسمحوا باية استفزازت من اي معلق لأي من الجماهير العربية. واكد عدنان حمد في حديثه للمعلق الرياضي الرشيد بدوي عبيد انه سيتخذ قرارا حاسما في هذا الشان كما انهم سيخاطبون نادي المريخ رسميا للاعتذار، مؤكدا احترامهم الكامل وتمنياتهم للكرة السودانية بالمزيد من التطور عبر منتخباتها الوطنية وفرقها المتعددة، مشيرا الى انه سيراجع شريط المباراة مرة اخرى حتى يحسم الامر بحيث لا يتكرر مستقبلا تجاه اي من الفرق العربية والسودانية
|
Post: #2
Title: Re: art تعتذر لجماهير الكرة السودانية والمريخ عن تحيز معلقها
Author: bukhary el amin
Date: 09-25-2007, 10:21 AM
Parent: #1
تحامله كان واضح جداً
بعد اعادة ضربة الجزاء الثانية
ولعيبة الاسماعيلي هبوا للخروج
كان بقول ايوه الكبير كبير
والغريبة لمن رجعت الصورة بالبطئ
علق انه قرار الحكم سليم وظل يردد
والله ظلوكم يا دراويش
|
Post: #3
Title: Re: art تعتذر لجماهير الكرة السودانية والمريخ عن تحيز معلقها
Author: عمر الفاروق
Date: 09-25-2007, 10:26 AM
Parent: #1
| Quote: والله ظلموكم يا دراويش |
|
Post: #4
Title: Re: art تعتذر لجماهير الكرة السودانية والمريخ عن تحيز معلقها
Author: طلحة عبدالله
Date: 09-25-2007, 10:36 AM
Parent: #1
Quote:
عدلا
حاسبوه واطردوه ..
|
|
Post: #5
Title: Re: art تعتذر لجماهير الكرة السودانية والمريخ عن تحيز معلقها
Author: abuguta
Date: 09-25-2007, 10:45 AM
Parent: #4
الحق يقال ونحن صائمون
ما كانت هنالك ضربة جزاء
انما تعسر العجب من نفسو
اماالثانية كانت ضربة جزاء صحيحة
عموما مبروك للمريخ,,,
لكن لو الدلافين الحكم طرد ليهم
اتنين من ناس المريخ ممكن تطيرو عادى
|
Post: #8
Title: Re: art تعتذر لجماهير الكرة السودانية والمريخ عن تحيز معلقها
Author: gamal elsadig
Date: 09-25-2007, 11:00 AM
Parent: #4
.
الاعتزار قد يخفف من مقدار الغضب الذي سيطر على جماهير الكرة السودانية
وخاصة جماهير المريخ ...
ولكن على راديو وتلفزيون العرب ان يعمل على عدم التكرار ....
حقيقة انا على وشك كتابة موضوع عنوانه (art شبكة (بعض) العرب )
تحريفاً لشعار الشركة الرسمى وهو شبكة (كل) العرب ...
بسبب هذا المعلق المتحيز .
.
|
Post: #12
Title: Re: art تعتذر لجماهير الكرة السودانية والمريخ عن تحيز معلقها
Author: ABDELMAGID ABDELMAGID
Date: 09-25-2007, 07:43 PM
Parent: #8
| Quote: (art شبكة (بعض) العرب ) |
قول فى الصميم ...
شكرا با جمال يا صادق ...
عبدالماجد
|
Post: #6
Title: Re: art تعتذر لجماهير الكرة السودانية والمريخ عن تحيز معلقها
Author: bukhary el amin
Date: 09-25-2007, 10:55 AM
Parent: #1
عمر الفاروق ... وين انت
سيد اللبن مستعد ل ( سوسة )
ابو قوته .. الحكم يطرد مننا كم ؟؟
نحن لاعبين بلي ...
عليك الله بهاء الدين ممكن يدخل فيه هدف
خليك من خمسة و ستة ....
|
Post: #7
Title: Re: art تعتذر لجماهير الكرة السودانية والمريخ عن تحيز معلقها
Author: abuguta
Date: 09-25-2007, 10:59 AM
Parent: #6
| Quote: عليك الله بهاء الدين ممكن يدخل فيه هدف |
والله دى الجديدة
بهاء الدين بقى قباض
وعلاء الدين بقى طيار
والحكم بتسوانى صغير
وقابض........الدولار
نتمى الا يكون حكم مباراة الدولفين
افريقى..العرب احسن يادينق
|
Post: #9
Title: Re: art تعتذر لجماهير الكرة السودانية والمريخ عن تحيز معلقها
Author: حسين محي الدين
Date: 09-25-2007, 11:02 AM
Parent: #1
ما قلنا من أول
على العموم الاعتراف بالذنب فضيلة
وبهدي للمعلق العزيز
وداعا روضتي الغنا
|
Post: #10
Title: Re: art تعتذر لجماهير الكرة السودانية والمريخ عن تحيز معلقها
Author: هجو الأقرع
Date: 09-25-2007, 11:09 AM
Parent: #1
الحمدالله الذى جعل هذه القناة تعتذر ، طبعا البحرينى خالد حسن ممكون من هزيمة الرفاع فى الخرطوم ، وعقبال فى المنامة كمان .
|
Post: #11
Title: Re: art تعتذر لجماهير الكرة السودانية والمريخ عن تحيز معلقها
Author: hatim ibrahim
Date: 09-25-2007, 12:06 PM
Parent: #1
..
ايه آر تي عاوزة تمارس ديكتاتورية الحكام العرب و ( تقمع ) حتى المعلقين الرياضيين من قول الحقائق ؟؟
والله دي مصيبة..
لها ( اي للقناة التعيسة )وللمذيع المسكين .. ولجمهور المريخ المنتشي بانتصار ( غير مستحق) بالمرة أهدى أبيات أحفظها منذ الصغر ولا أعرف قائلها :
من كان يملك درهمين تعلّمت شفتاه أنـــواع الكلام فقالا
وتقدّم الإخوان فاستمعوا له ورأيته بين الورى مختـــالا
لولا دراهمه التي في كيسه لرأيته أسوأ البرية حــــالا
إن الغنيّ اذا تكلم بالخطأ قالوا صدقت وما نطقت محـالا
وإذا الفقير أصاب قالوا كلهم اخطأت يا هذا وقلت ضـلالا
إن الدراهم في المواطن كلها تكسو الرجال مهلبة وجـلالا
فهي اللسان لمن أراد فصاحة وهي السِّلاح لمن أراد قتـالا
..
|
Post: #13
Title: Re: art تعتذر لجماهير الكرة السودانية والمريخ عن تحيز معلقها
Author: ABDELMAGID ABDELMAGID
Date: 09-25-2007, 08:08 PM
Parent: #11
Quote: ايه آر تي عاوزة تمارس ديكتاتورية الحكام العرب و ( تقمع ) حتى المعلقين الرياضيين من قول الحقائق ؟؟
والله دي مصيبة..
لها ( اي للقناة التعيسة )وللمذيع المسكين .. ولجمهور المريخ المنتشي بانتصار ( غير مستحق) بالمرة |
حاتم ابراهيم ...
سلام ...
و رمضان كريم ....
أنا متاكد حتمر الأيام و تدور الدوائر و اكون هلالك هو الضحية
من نفس الشبكة و يومها كلامك الفوق ده ده حتبلعو .... و سبق أن كتبت
عدة بوستات عن تحيز تلك الشبكة ضد كل الأندية السودانية بما
فيها الهلال ....
أما حكاية ( فوز غير مستحق دى ) فهى تنطبق عليكم فقط أنتم بفوزينكم ا( الفطيرين )
غير المستحقين على المجد السورى و النجم الساحلى التونسى !!!! و الحمد لله فلقد
هزمنا الاسماعيلى نتيجة و سلوكا بام درمان و تعادلنا معه ايجابيا فى أرضه و وسط جمهوره
و تصدرنا مجموعتنا و التى كان يمكن أن نتصدرها حتى بالتعادل السلبى ( سيك .. سيك )
و سوف نلعب النهائى و نأتى بالكأس المحمولة جوا و برا و بحرا ....
و الما داير الكلام ده :
عبدالماجد
|
Post: #14
Title: Re: art تعتذر لجماهير الكرة السودانية والمريخ عن تحيز معلقها
Author: keiga2000
Date: 09-25-2007, 08:15 PM
Parent: #13
انتو ياجماعة الهلالاب الفضائح ديل البدخلهم في تعليق الناس الكبار شنو
المريخ معروف على مستوى العرب والعالم بان احرز كاس دبي وكاس مانديلا وكاس سيكافا مرتين وكاس الشارقة
والكل يعرف المريخ
هم مع شنو كمان لما الناس الكبار يتكلموا حقوا الصغار يسكتوا
هسسسسسسسسسسسسسسسسسسسسسسسسس
لانرضى باعتذار الا بطرد هذا المعلق الشاذ الذي لايعرف ان المريخ لايحتاج لتحيز المريخ قوي بلاعبية ومكانته
ابومصطفى
|
Post: #16
Title: Re: art تعتذر لجماهير الكرة السودانية والمريخ عن تحيز معلقها
Author: hatim ibrahim
Date: 09-25-2007, 09:21 PM
Parent: #1
.
الأخ عبد الماجد
وعليكم السلام
رمضان كريم وكل سنة وانت طيب
ياخي والله ما تتخيل كنت حأفرح قدر شنو لو المريخ قدر يتغلب على الاسماعيلي بجهود لاعبيه ، زي ما عمل في مباراة الذهاب وتعادل معاهم في أرضهم ووسط جمهورهم ..
حكاية انو الاسماعيلي ده فريق ( مصري ) دي براااها كافية عشان يتملكني فرح كبير لما تهزموهم ...
ولكن الانتصار بالطريقة الحصلت دي صراحة لا يدخل الفرحة في القلوب ..بل على العكس..يفسد الفرحة .. و يخليك تكره حاجة اسمها رياضة ومنافسة شريفة ... الخ
زي ما قال راكوبة الدنيا رمضان والواحد ما يشيل في ذمتو ساكت ..خلينا نبعد من حكاية ( الاتهام) بشراء الحكم..
بس كمان بالمقابل مفروض ( نتفق ) كلنا انو التحكيم كان ظالم جدا جدا وهو السبب المباشر لانتصار المريخ ....
بالنسبة لمذيع الايه آر تي لم يقل إلا الحقيقة ..والحقيقة كما يقولون كالنحلة ..في فمها لسعة وفي جوفها عسل ..
كنتو دايرنو يصفق ويقول للحكم ..ايه الحلاوة دي .. وكل قراراتو خاطئة لصالح اصحاب الأرض؟؟
التحيز البتتكلم عنو ضد الأندية السودانية موجود وحيبقى موجود ..
لكن زي القالوا المذيع لا يعتبر تحيز ضدنا بل يعتبر وقوف مع الحقيقة
والحقيقة هي المفروض يسعى ليها اي صحفي ..
.
|
|