|
|
|
 Re: إهداء إلى أصدقائي الرائعين معروف حمدين / شوشتا / معاذ حسن/ ياسر طيفور .. (Re: ناذر محمد الخليفة)
|
ناذر الخليفة
سلام
يا خي بما انك ود حريف ومفتح في امور النت دي,,وانا من الصباح بحاول اتصل ببكري
وما لاقيهو...عندي مشكلة في الموقع في المنبر العام عشان اجي افتح موضوع جديد ما في اصلوحكاية( موضوع جديد) ولا ماسنجر ولا ابو النوم ..بس في اضافة رد و( خروج نهائي)!!
الحاصل شنو اوعي اكون ده انذار للعبد لله بمعني( اتخارج والباب بفوت سفينة صحراء) وظاااطو ما عارف!!
ولاان شاء الله تكون مشكلة عامة!
المحبة في الرملة الدقاقة
| |
 
|
|
|
|
|
|
|
|
Re: إهداء إلى أصدقائي الرائعين معروف حمدين / شوشتا / معاذ حسن/ ياسر طيفور .. (Re: ناذر محمد الخليفة)
|
سلامات يا هباني ..
Quote: عندي مشكلة في الموقع في المنبر العام عشان اجي افتح موضوع جديد ما في اصلوحكاية( موضوع جديد) ولا ماسنجر ولا ابو النوم ..بس في اضافة رد و( خروج نهائي)!!
|
الموضوع بسيط جدا (بس ما تستبسطهوش) !!
الحاصل إنو في ناس كتار إشتكو لي بكري في الأونة الاخيرة من عناوين بوستاتك لأنها حسب زعمها بتخلع وتعمل جلطات في المصران الاعور وبكري إستجاب للضغوط وقام حظرك من كتابة بوستات جديدة لأنو قدر إنو الكتبتهم كفاية وزيادة فقرر إنو تشارك الاعضاء بوستاتم التانية (زي ما شاركتني هسي في بوسطيني دا) بدون ما تخلع زول عشان كدة حرمك من المواضيع الجديدة وختى ليك خروج بس !!
أرقد عافية ..
| |
|
|
|
|
|
|
|
|
|
Re: إهداء إلى أصدقائي الرائعين معروف حمدين / شوشتا / معاذ حسن/ ياسر طيفور .. (Re: ناذر محمد الخليفة)
|
| Quote: اغنية رايقة وحسين شندي صوتو فيها مريح |
شكرا يا زيزو يا عسل
على الاغنية الذوق .
بالله طلعت اصلا من خليج غرب شندي؟
طيب مش لما تمشي زيارات لسقادي بتعدي ببنطون ود الجعلي؟؟ وتركب مع الناس المتصرمين ديلاك البركبوا فوق ويخلو العربية تحت فاضية؟
مش بتجي ماري بمناطق عجيبة كدا ما موجودة في اي خريطة؟
طيب الاخ رجب ما من المناطق دي!!!!
طلعنا قرايب.
بالله يا ناذر صحي السودان حا ينفصل!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: إهداء إلى أصدقائي الرائعين معروف حمدين / شوشتا / معاذ حسن/ ياسر طيفور .. (Re: معاذ حسن)
|
ناذر
أصدقاءك ديل يستاهلو والله الاغنية الحلوة دي ... ناس جميلين
فهنيئاً لهم بها ... وبصداقتك
صنفرة على قولك:
قالوا في واحد مغترب في رجعتو للبلد شال هدايا ثمينة لكل اصحابو في الحلة .. بس نسى واحد فيهم
لمَا بقى يوزَع في الهدايا صاحبنا المنسي جاء داخل .. زولنا المغترب دخل في اضافريهو وما عرف يسوي
شنو .... يا زول براحة إتناول ليهو مصحف من دولابو وأهداهو ليهو،
المنسي ده قال ليهو وهو زعلان:
كتاب الله ده مافيهو كلام ... لكن الفيك إتعرفت
| |
|
|
|
|
|
|
|
|
 Re: إهداء إلى أصدقائي الرائعين معروف حمدين / شوشتا / معاذ حسن/ ياسر طيفور .. (Re: ناذر محمد الخليفة)
|
اللذيذ معاذ :
Quote: بالله طلعت اصلا من خليج غرب شندي؟
طيب مش لما تمشي زيارات لسقادي بتعدي ببنطون ود الجعلي؟؟ وتركب مع الناس المتصرمين ديلاك البركبوا فوق ويخلو العربية تحت فاضية؟
مش بتجي ماري بمناطق عجيبة كدا ما موجودة في اي خريطة؟
|
والله سقادي وشندي والحتات دي محل ما راس أهلي سقط .. (قصدي مسقط راس أهلي) وأنا ما مشيتا كتير علا بمشيها مرة مرة في المناسبات لزيارة الأهل ولتجديد الهوا الفي القلب لمن تقفل معاي في جو الخرطوم دا 
| Quote: بالله يا ناذر صحي السودان حا ينفصل!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟ |
أيوة يا معاذ حا ينفصل لي دشلمية مملكة ودولة ودويلة ومشيخة !!
بس أنحنا عاملين حسابنا ومن هسي مخططين لي (دولة المك نمر الكبرى) واللي هي حا تشمل كل المناطق الإنت ذكرتها دي بما فيهم منطقة رجب ..
شنكل :
إتجهز للهجرة العكسية .. وكت الجد قرب !!
| |
|
|
|
|
|
|
|
|
|
Re: إهداء إلى أصدقائي الرائعين معروف حمدين / شوشتا / معاذ حسن/ ياسر طيفور .. (Re: ناذر محمد الخليفة)
|
حيدر ..
إنشالله الغنية عجبتك ؟
وإتجهز عشان المرة الجاية إنشاء الله حا أنزل غنية بي صوتي أنا زاااااااتي ..
Quote: قالوا في واحد مغترب في رجعتو للبلد شال هدايا ثمينة لكل اصحابو في الحلة .. بس نسى واحد فيهم
لمَا بقى يوزَع في الهدايا صاحبنا المنسي جاء داخل .. زولنا المغترب دخل في اضافريهو وما عرف يسوي
شنو .... يا زول براحة إتناول ليهو مصحف من دولابو وأهداهو ليهو،
المنسي ده قال ليهو وهو زعلان:
كتاب الله ده مافيهو كلام ... لكن الفيك إتعرفت |
| |
|
|
|
|
|
|
|
|
|
Re: إهداء إلى أصدقائي الرائعين معروف حمدين / شوشتا / معاذ حسن/ ياسر طيفور .. (Re: ناذر محمد الخليفة)
|
Quote: الغنا ما بتابي .. لكن الفيك اتعرف !!
|
اها عاد ياناذر فتحت على نفسك باب وأتلومت في قاعدتك الإنتخابية
والجماهير الغلبانة التي رشحتك فتى الشاشة الاول،،
أنا غاينو زعلت لكن لما وجدت العزيز معاذ حسن مربع الجماعة
وجدت لك العذر وقد أختزلت في إسمه كل الرائعين في هذا الفشاء،،
صنفرة (ولا قاعد تقول شنو؟؟)
عشان ترضينا لازم تنزل لينا أغنية من العود الشايلو دا أو بالعدم
زووررووني كل سنة مرة : عافية حسن ،،
| |
|
|
|
|
|
|
| |
ناذر محمد الخليفة
عمر الفاروق
Moawia Mohammed
Abuelgassim Gor
osly2
Yassir Tayfour
هشام هباني
وليد محمد المبارك
معروف حمدين
معاذ حسن
حيدر حسن ميرغني
Salah Waspa
فيس بوك
تويتر
انستقرام
يوتيوب
بنتيريست