|
|
 جاذبية الهرمونات .. أو سحر التاء المربوطة
|
أتعجب .. من حال هذاالمنبر ..رغم حداثة عهدي به.. إلا أن ما لمسته أكثر من كافي لتقييمه ...فالمواضيع الإبداعية الاصيلة
لا تجد أذنا صاغية .. زي حوار الطرشان ...الموضوع الجيد ..ينزل في أول الصفحة ويمر مرور الكرام
في لحظات بسيطة .. يكون نزل للصفحة العشرين ..وبدون تعليق .." مش حاجة عجيبة "
لكن أول ما يكون عنوان البوست أو صاحب البوست ..ذو علاقة مباشرة أو غير مباشرة..بتاء التأنيث ..وما يدور حولها..
تلقى العالم متهاوشة .." وانا منهم وا أسفي على نفسي " يعني لما تشوف عداد المتداخلين ..تقول أكيد موضوع مهم ..ورائع وبديع ..ولامن تخش لي جوة تشوف العجب العجاب..الناس تتدافر
زي يوم المولد .. مين يمد قرعتو أول.. وهاك يا تعليقات ومداخلات تنقط زي العسل ..وغزل ..وتصفيق حار للفتح الأدبي الكبير ..
وفي الواقع يكون البوست مهبب ..وفاضي ويكون .. مافي موضوع
من أصلو .. يعني واحد ,, ول واحدة زهجان/ة .. طاير/ة ليهو أو ليها ونسة فارغةيقوم
ينزل بوست بعنوان يلهلب .. وهاك يا كبكبة ..
ترى .. هل نحن واقعين تحت تأثير جاذبية الهرمونات أكثر من غيرنا ..مجرد سؤال..؟
مع كميات كبيرة من الإعتذار عالي الدسم .. للمبدعات الأصيلات...فهرمونات الإبداع لا تعترف
بالجندرة...
|
|
 
|
|
|
|
|
|
|
|
Re: جاذبية الهرمونات .. أو سحر التاء المربوطة (Re: ibrahim fadlalla)
|
| Quote: ترى .. هل نحن واقعين تحت تأثير جاذبية الهرمونات أكثر من غيرنا ..مجرد سؤال..؟ |
اذا كان كذلك فنعم الوقعة
لا ينكر احد ان كل المتواجدات بهذا المنبر لهن قدر كافى من التعليم والثقافة
ومع احترامنا للجميع
يمكن انت براك واقع وفاكر كل الناس واقعين
يا زول ربنا يكتر الهرمونات الزى دى
تحياتى
محمد
| |
|
|
|
|
|
|
|
|
|
Re: جاذبية الهرمونات .. أو سحر التاء المربوطة (Re: bayan)
|
| Quote: مع كميات كبيرة من الإعتذار عالي الدسم .. للمبدعات الأصيلات |
وعليكم سلامات
شكرا على الرأي الصريح ... والمؤكد عندي ..تقديري الكبير ..لكل الإبداع الأصيل
أيا كان مبدعه/أو مبدعته ...وأيا كان بحره ...نثرا..او شعرا .. أوتحليلا ..أو ساس يسوس " فهو مسوس " أو تصويراً ..أو فتحا لباب خير أو سدا لباب شر ...أو تنكيتا ظريفا..وغيره..
الغاية كل الغاية عندي ..أن نسمو بأرواحنا وعقولنا..عن السفاسف..جميعنا .. نساءا ورجالا ..
لا أعلم في أي سياق صدرت هذه الـ " menopause" ..وفي حق من ...ايا كان ..فمثل هذا الكلام لا يصدر إلا ..من كيس فاضي إلى حد الإفلاس ...هذه العينة في تقديري مثل أوعية البلاستيك الفارغة ..التي لم يتم تدويرها بعد .. بل لم يتم وضعها في المكان المناسب
..فحملتها الرياح ..من حوش إلى حوش ...أذية للعباد...
ودي وتقديري
قرمشة : آآآخ...كيبوردك شكلو كدة ..مضبب
| |
|
|
|
|
|
|
|
|
|
Re: جاذبية الهرمونات .. أو سحر التاء المربوطة (Re: sudania2000)
|
| Quote: مع كميات كبيرة من الإعتذار عالي الدسم .. للمبدعات الأصيلات |
أراني مرغما على اقتباس ما ورد في ذيل حديثي ...مرة أخرى ..
المحترمة سودانية ...وعليكم السلام ورحمة الله وبركاته ...
نعم..أقول بأن كثير من المطروح على هذا المنبر ...هو الهيافة وتدني الطرح إن لم يكن إنعدامه من الأصل في كثير من الأحيان...ولست هنا بصدد طرح " غلوتية " أو فزورة ..أو كما قد يحلو لك ..ولكن بنظرة سريعة للصفحة الأولى من المنبر .. والتي تغير جلدها كل خمس دقائق يتبين لك ما أعني ..ومن ثم ..لو تعمقت في المواضيع المطروحة بصورة عشوائية
في مواضيع الصفحة الأولى فقط.. يتبين لك أن الكثير من المطروح إنما هو حشو ..وهيافة.. أحيانا في الشكل وأحيانا في المضمون وأحيانا في الإثنين معاً ..والمعيار في ذلك هو سلامة الذوق والحس ..
هذا ما توصلت إليه ..خلال قراءتي المنبرية ..لك قبوله أو رفضه.. أو تفنيده ..ولو تبين لي عكس ما أرى...فليس لي كبير حمية أوعصبية لرأي أوفكرة ... يتم تفنيدها..صدقيني..
ده .. فيما يخص المحور الأول ..بمداخلتك
والبقية تأتي ...
لك ودي وتقديري
| |
|
|
|
|
|
|
|
|
|
Re: جاذبية الهرمونات .. أو سحر التاء المربوطة (Re: sudania2000)
|
نعم .. أما الرد على محورك الثاني ..يا " سودانية " فيما يخص التهافت على المواضيع السطحية..فدونك وعدد المداخلات " المتطاقشة " في أي موضوع من المواضيع الهايفة ..إياها ..والتي في بعض الأحيان يكون الموضوع عبارة عن " نقط ..نقط " ..بس كدي وبعدين الموضوع ينتم باللقيط ..كلمة من هناوكلمة من هناك ..فإين تلاقح الأفكار في هكذا مواضيع .. شفتوا كيف ..
وعداد الزوار وكمية المداخلات ..يكفيان.. دليلا على ..تهافت المتهافتين ...
نعم .. وأذكر هنا ..معنى كنت قد أوردته في طرحي المبدئي :-
الإبداع لا يعترف بالجنس...
يعني ما بيفرق بين نسوان ورجال ...ولكن المشكلة فينا نحن ..عندما
لا نستطيع أن نتبين الإبداع ..في فضاهو المطلق ...دون أية علامات "جندرية" وكدة يعني.
إنتهي
..طبعا جندرية دي ..ذاتها ..جات كدة لزوم الجارقون اللافي في المنبر..
شوفو المحن دي...
وسأتابع...
لك ودي وتقديري ...
| |
|
|
|
|
|
|
|
|
|
Re: جاذبية الهرمونات .. أو سحر التاء المربوطة (Re: ALGARADABI)
|
أخوي القردابي ..سلام كتير ...والله يكضب الشينة...أخير كان سمعت كلام
خالد ...قال لي يا زول الدابي مابيضرك ..غلطان أنا الحاولت إقناعو...
أكان كدي ..أنلحلق البوست ونسحب التصريح الخطير إياه ...
الله يديك العافية ...وهلالنا حديد .. هلالنا صعب ...هلالنا فوق
ده كلو عشان تنسى موضوع الترجمة على الشريط دي ..أصلو المرة بلا ترجمة
اليومين دي الشمار كاتلة ...عايزة تعرف الحكيرة الطويلة قدام الكيبورد دي
معناها شنو ...طبعا أي بوست فيهو صورة ..ناعمة ..زي البنقوية..الله يعافينا
وإياك ..بس بالدس..
ليك سلامي واحترامي ...وخلينا نشوفك...
ودي وتقديري
| |
|
|
|
|
|
|
|
|
|
Re: جاذبية الهرمونات .. أو سحر التاء المربوطة (Re: ibrahim fadlalla)
|
ابراهيم..حبابك يا صديق..
قد يكون هو فعل سلطة الخوف ..
اقول بذلك.. لأني اختلف في مسألة اثر التاء المربوطة..بالرغم من تأكيد.. صحة نظرية بينة (الوعي التناسلي) و اثرها في تفسير كثير من سلوك الشخصية السودانية..
اما مسألة الخوف.. فالناس هنا كثيرا ما تتهيب مواضيع الأسماء الجديدة..و اكثر من كده.. صديقتنا بيان القدامك دي عندها نظرية ..نجرتها و طورتها في المنتدى ده..يعني زي ما تقول خبرة سنين..و اسمها نظرية (الكوم)..يعني بعض الناس عندها تقسيمات مسبقة..و من خلالها توجه فعل القراءة و التفاعل..
و من الآخر.. حاليا.. انا متأكد.. انو في ناس كتيرة بتتسائل :الزول ده ظلامي ولا مستنير (الشروحات بيان تحكيها ليك)..؟
اتفق مع الأخت سودانية.. بأن البعض هنا قد وجد التفاعل و التعاطي مع ما يكتب..و ذلك يحتاج لصبر..
و يبدو ان الزمن تغير كثيرا.. يعني انت دوبك ليك فد اسبوع..و عرفت الحاصل..و ببتعجب كمان..و نحن لينا زمن هنا..ولسع متعجبين..
طبعا الذ حاجة..ح يجوك واحدين و يقولوا ليك..بنقرى في صمت..او..خاننا التعبير..
كل بورد و انت مندهش يا صديق..
كبر
| |
|
|
|
|
|
|
|
|
|
Re: جاذبية الهرمونات .. أو سحر التاء المربوطة (Re: Kabar)
|
أستاذ إبراهيم
تحية طيبة
شايفك و قعت في نفس الخطا اللي عدد كبير من الناس بتقع فيه
و هو تقييم الكتابة بعدد المداخلات و الزوار
و عقد المقارنات بين المواضيع و تقييمها و تصنيفها دا مفيد و دا قيم و دا فارغ و كدا
يا عزيزي
المنبر دا زي سوق الخضار فيه كل حاجة و القراء هم الزباين و إنت ككاتب تعتبر صاحب بضاعة و بتروج ليها
و طبعا المشتري ما لازم يلف السوق كله عشان يقضي غرضه
في البلقى إحتياجاته من بداية السوق - الصفحة الأولى - و يتخارج , فعلى التجار الشطار التواجد الدائم في بداية السوق و دي يا بالشطارة و الرعاية الدايمة للبوست حتى لو بنقطة او بالتنسيق و المجاملة المتبادلة مع الكتاب الآخرين
و في من المشترين -القراء- البحب يشتري من تاجر معين و مزابنه و بفتش ليه تفتيش و دي شطارة من التاجر كونو قدر يربي زباين
و في الزبون البحب نوع معين من البضاعة و بفتشها و ما بيرضى بي غيرها فعلى التاجر الشاطر قراءة إتجاهات و رغبات القراء و توفيرها لهم.
يا عمك الكلام دا للناس البيهتموا ببيع و ترويج بضاعتهم , لكن المبدع الحقيقي - في رأيي- يكتب الحاجة الهو شايفها قيمة و تستاهل تتكتب و تخرج على الملأ و ما يشتغل برد فعل الزباين و طالما الفكرة قوية و تستاهل بتفرض نفسها و بتلقى المشترى البيقيمها و بيفهمها
تحياتي و ودي
دمت سالما
| |
|
|
|
|
|
|
| |
ibrahim fadlalla
محمد المختار الزيادى
bayan
ALGARADABI
Kabar
محمد البشرى الخضر
خالد علي محجوب المنسي
فيس بوك
تويتر
انستقرام
يوتيوب
بنتيريست