|
ممكن تسمحو لواحد متأخر برضو يخش معاكم؟
|
الإخوة و الأخوات أعضاء المنبر؛ أسمحوا لي بالتعبير عن عظيم سروري و إمتناني بنيل شرف العضوية في منبركم الجميل؛ حقاً لقد تأخرت كثيراً في المساهمة المتواضعة و التي أشعر بأنني كنت قد أضيفها لحواراتكم القيمة، لكنني كنت متابعاً و لفترة طويلة لكل ما تكتبون حتى خيل إلي إنني أعرفكم واحداً واحداً، فقد كنت مشاهداً من على الجنبات لكل ما دار هنا في الفترة السابقة. لأ يفوتني أن أشكر هنا الأخ عبدالغني بريش و الأخت سارة عيسى لعدم ترددهم في تزكية طلبي لعضوية المنبر؛ و الشكر أجزله للباشمهندس بكري أبوبكر بمنحنا هذا الشرف و لتوفيره لنا هذا المشروع السوداني العملاق لإثراء الحوار و التواصل بكل أبناء السودان! فعليكم الله تقبلوني معاكم و تضمو صوتكم لعبدالغني و سارة و بكري، ولا نشوف لينا بكان تاني ممكن يرحبو بينا فيهو؟ ذيو.
|
|
|
|
|
|
|
|
Re: ممكن تسمحو لواحد متأخر برضو يخش معاكم؟ (Re: خالد عبد الله محمود)
|
مليون شكرا يا أستاذ خالد، ً Quote: زول رشحوهو ناس عبد الغني و سارة عيسي دة زول أكيد يسحق التزكية |
كدا ما حتخلي الجماعة ديلك يعملو لي كمين من أول طلعة!!! أنا قايد أهظر، الناس دي من بدري رسلو لي كم فيروس كدا و أكيد عارفين أنا جاي هنا ليه. شكراً كتير لتزكية و ترحيب (المعلمين السناير) اللي زيك؛ يديك العافية! أكتب إسمي زي كدا (ذيو). ضيو دا كان عشان أشرح كيف ينطقوه.
| |
|
|
|
|
|
|
Re: ممكن تسمحو لواحد متأخر برضو يخش معاكم؟ (Re: صديق الموج)
|
Quote: لأ يفوتني أن أشكر هنا الأخ عبدالغني بريش و الأخت سارة عيسى لعدم ترددهم في تزكية طلبي لعضوية المنبر؛ |
لو جاي من طرف الاكارم والافاضل ديل انتا زولنا تب ومرحبا بيك لزيادة النيران ضد الكيزان!!!!!! وشايف الكوزة بيان غيرت رأيها من الترحيب عرفتك ما زولها!!!!
| |
|
|
|
|
|
|
Re: ممكن تسمحو لواحد متأخر برضو يخش معاكم؟ (Re: Muna Khugali)
|
تشكر يا منى يا بت الأصول، الواحد غرقان في شرف التواصل مع أسماء بينتهي بـ (خوجلي عثمان)!!! دا السودان كلو هنا في المنبر دا و قايد يرحب بزول زي شخصي الضعيف، و الله مشكورين شديد للهفاوة الكتيرة دي؛ و معاً لبناء هذا الوطن العزيز الســــــــــــــــــــــــــــــودان و شعبو البطل! "من غيرنـــــــــأ يعطي لهذا الشــــــــــــــــــــــــــــــــــعب معنى أن يعيش و ينتصــــــــــــــــــــــــــــــــر"
| |
|
|
|
|
|
|
Re: ممكن تسمحو لواحد متأخر برضو يخش معاكم؟ (Re: abubakr)
|
Quote: انا بتهيالي انو شايفك بدون باروكة ؟ واللا بتشبهلي زولا تاني ؟ |
يا زول إنتا شوفتني و عرفتني عديل كدا بصلعتي (القرقدي) دي، أصلو ما سمعت من أي زول قبل كدا إنو بشبه لي زول تاني! و لا بغلط!!!
Quote: يالفارووق لخبطونا .. |
لا يا أستاذ أبوبكر، إنت فاهم صاح و الله يستر عشان ما أكون أنا اللي متلخبط. ترحيبكم بينا بقانا مبسوطين شديد و أكد لينا أنحنا ما راكبين غلط؟ و بالمناسبة أمير النوبة الإسمو بشاشا دا وينو ما ظاهر، قالو لينا الزول دا أول من سيرحب بنا هنا! أوع كمان أكون اللي ملخبط في دا؟
| |
|
|
|
|
|
|
Re: ممكن تسمحو لواحد متأخر برضو يخش معاكم؟ (Re: somia gassim)
|
يا سلام يا سمية بت ناس بحق و حقيقة، أنا شفتكم قدامي بس أتأخرت عشان بكري دا ما أداني ال (تراك شوت) مع صافرة البداية، كان و صلت معاكم قبل يومين!!! يا ريت طارق دا يجيب مع البارد شوية فول مدمس بس، أنا نفسي فعلاً إنقطع و إنبرش كمان!!!! شكراً للترحيب و النكتة السمح. إنتو خليتو الواحد يحس في بيتون عديل كدا زي ما بيقولو(I am feeling at home)!!!
| |
|
|
|
|
|
|
Re: ممكن تسمحو لواحد متأخر برضو يخش معاكم؟ (Re: شهاب الفاتح عثمان)
|
يا سلام يا شهاب على الكلام السمح دا، الواحد يتشرف بالإتصال و المواصلة مع النيرين زيكم و كل أعضاءنا بتاع سودانيزأونلاين بورد. إنشاءلله نتشارك بحاجات تضيف حاجة للي إنتو عملتوه في الفترة اللي فاتت؛ إنتو أديتوني إنطباع إنو البورد دا المحل اللي واحد إفتقدو من زمن طويل. شكراً كتير و الله يديكم العافية!!!
| |
|
|
|
|
|
|
Re: ممكن تسمحو لواحد متأخر برضو يخش معاكم؟ (Re: Tragie Mustafa)
|
عليكي الله حسي لو كان أنا ودرت في المنبر الكبير دا كان حتعلنو لي في إذاعة أمدرمان و لا ياتو إزاعة؟ ليه التأخير دا يا بت ابوي؟ لأ إنتي لأ (المدفعجي) بشاشا و لأ ود عمك دينق دا؟ دا شنو يا خوانا؟ الحمدلله اللي وصلتي أول من الأولاد دول، من أمبارح في واحد (جك) كدا قرب يشرب بي بدل ما أشرب بيهو و ياهو أخوكي لسع ما عارف لا درب المواصلات و لا كيف الواحد ممكن يتخارج من الجكوكة و الجرادل و البراميل! تراجي النضال و الوطن، كنت على يقين بمرورك و مرور كل الرفاق و الرفيقات من هنا! صدق الخواجات الذين قالوا (Ladies first)، فأنت الأولى على بشاشا و دينق! شكراً كثيراً للشهادة و الإشادة بالجسورين عبدالغني و سارة، فأنا جد فخور جداً بشهادتهم و التزكية لهذا المنبر و الساحة النضالية من قبلهم! يلا دخلونا في الطابور و ورونا المهمة! تحيات.
| |
|
|
|
|
|
|
Re: ممكن تسمحو لواحد متأخر برضو يخش معاكم؟ (Re: Bashasha)
|
تمام يا كمندر، و الله ما بقدر أدس منك زعلان (شوية) على التأخير، و لو إنو الكمندر ما ممكن يقولو ليهو متأخر عشان ما ينط و يقول (ما في ظبط و ربط و لا شنو)! القومة ليك يا أمير النوبة و ممثل مملكة كوش العظيمة! دقيقة صمت على أرواح شهداء مذبحة كجبار و شهداء غارات الجنجويد عبر دارفور و كل السودان.........! الخزي و العار لزبانية الجبهة الإنقاذية المنبرشة و تجار الدين! نيو سودان وييييييييي! (المنبرشة دي جبتها من الإنبراشة الكبرى بتاع الرفيق ...)
| |
|
|
|
|
|
|
| |