مواهيم البورد

Quote: أنا بقول مربوطة بس عشان ماتدكا والقبول قبولك يا زميل ]

Quote: الاخ/ نصر الدين للاسف الشديد ما تقوله هو عين الحقيقه واكبر دليل على ذلك هو حال هذا البورد والذى من المفترض ان يكون للمثاقفه او النقاش الجادالا انه للاسف تجد الكثير فيه من المواضيع هى للمجامله وصاحبى وصاحبك واكبر مشكله هى اننا نمارس فيه النفاق الاجتماعى.مع انه من المفترض هو مكان للنقاش الجاد والحيوى وللاسف تجد ان هناك مجموعات وتلك المجموعات تنصر اخاها ظالما او مظلوما دون معايير للمنطق فقط من معيار الزماله والصداقه،ورغم ان هذا البورد يعتبر انه لتغيير الكثير من سلبياتنا الاجتماعيه الا انه عمقها وعقدها اكثر. ولك الشكر على هذا الموضوع الحيوى

Quote: الله يريحك في حنانك زاتو وكدي ابقي متكبر وما ترد علي عشان المنبر دا ما يشيلنا سوا

Quote: الاخ نصرالدين قلت الفي نفسك كله وفي ناس كتيرين نفسهم يقولوا حاجات لكن في حاجات تانية حامياهم على كل حال اتفشيت

Quote: ويكون جنبهم زميل أبوهو مات مافي زولاً يقول ليهو البركة الأبوك المات.

Quote: كفيت و وفيت يا نصرالدين ... لم تقل إلا الحق ... و دة غير ناس تجي داخلها بوست فيهو تقليل من شأن الآخرين يعني ناس ماشين بقاعدة إعمل لدنياك و آخرتك كأنك تعيش أبـدا .. و ناسين حاجة إسمها آخـرة ... و بالذات هنــا في ناس تكون علاقتك معاهم تمام و ضحك و قرقراب في المنبر و لامن تجي حاجة زي الكلام بتاعك الفوق دة يجو خاشين المنبر و لابسين نظارة شمسية .. نظام ما شايفين .. ما تعرف تصفهم هل هم عالم مفترية او جاهلة أم حقارة ...

Quote: تسلم والله ما قلت الا الحق راجع البوستات شوف العناوين الهايفة وشوف الردود عليها . حكاية مخجلة والله .

Quote: الأخ نصر الدين... كلام في المليان،فالناس تتكالب على زي المواضيع اللي قولتها دي، وأنا حقيقة يؤسفني قلة المواضيع الأدبية وتكالب الناس على توافه الأمور!!!!!!!!!! وموضوع الرد، فالحقيقة المفروض الواحد يعبر عن رأيه سواء عجب الآخرين أم لم يعجبهم، لا ضير في ذلك، غير أن كلامك بأن بعضهم مصاب بالنرجسية فيرد على بعض أصحابه ويتجاهل الآخرين، فهذا صحيح ولكن لا تعبأ بمثل هذه الأمور الصغار. إن شوفت نفسك داير تقول كلام قولو في أي مكان وما عليك، أعمل زي العبد لله. أفك كلامي وما علي إن شاء الله الدنيا تنقلب من وراي.

Quote: لا يهم أن يتفق الجميع ولكن الأهم أن يختلفوا باحترام

Quote: والبعض يجد أن عدد المتداخلين معه بلغ خمسة أو ستة أشخاص فيرد على اثنين أو ثلاثة من أصدقائه ويتجاهل الآخرين بطريقة مستفزة وتوحي بأن كاتب هذا البوست شخص غير محترم. والبعض يكتب بوستاً عبارة عن شرك حتى تأتي إنسانة معينة ويبدأ في ممارسة الكذب والمديح (وغرودة) حروفه لها ويتجاهل من سواها من النكرات أولاد الذين. والبعض يستعمل عبارة سعيكم مشكور ويكتفي بعبارة (الأخوة المتداخلين مشكورين على المشاركة) لأن البيعة ما جابت تمنها ومن ينتظرهم أو ينتظرهن لم يأتوا لذلك يستخدم عبارة قفلوا الشبابيك وتفتح المدرسة يوم واحد سبعة. والبعض يتكرم عليك بسطر من المجاملة الباردة حتى إذا كانت مشاركتك عميقة وطويلة وأكبر من الموضوع المكتوب نفسه. والبعض بوستاته تشبه قيم (الويست) معروف من الذي يتداخل معه فيها، وهم متفاهمون في عملية رد الآتو ووقع ليْ بالبوهية الفلانية وبوشت بالكرت الفلاني.

Quote: وقليل منا يهتم بالآخرين وبشعورهم وبمداخلاتهم، فيكرمك في بوستاته، فيعاملك بأخلاق عالية ويخاطبك بأدب جم ويفرح بما تكتبه حتى إذا خالفته الرأي، ويشعرك كأنك في بيته، وهؤلاء هم الذين يجبرونك على البقاء في هذا المنبر.

Quote: كمان عاين البوست دة مُخجل كيف و شوف ردود الزملاء فيهو ... في زول محترم و في حالو

Quote: بعد قعدة متواصلة فى البورد لمعرفة عمق العلاقات بين الناس فى البورد دا خرجنا بالاتى: 1- اذا فى اى زول دور معاك شكلة بدون سبب وبقى كلامو كلام شكل وغبن ولف ودوران طوالى تراحع بو ستاتك وتشوف انت هبشتا منو من كومو و العكس بالعكس الحب بالكوم و الكره بالكوم 2- اذا نويت يوم تعارض زول ولا تنتقدو لازم تشوف موقع الزول دا من كومو وين لو كان الرأس خلاص الله معاك لانه حتلقى نفسك فى مواجهة كوم بحالو 3- وجود اكوام مصاحبةبعض تهبش زول واحد تلقى نفسك فى مواجهة كومين او اكثر 4 تقسيم ادوار افراد الكوم الواحد لازم يكون فى واحد شاكال و احد عامل موضوعى و الباقين نص نص ومن ثم الما عندو كوم الله معاه فى كل الترشيحات يلقى نفسو فى ذيل اللست ولا ما يذكر خالص كيفية معرفة مين يكون كوم مين1- لما تلقى زول كتب كلام خارم بارم والردود وصلت لمية فى خلال ساعة كل الناس ديل كوم واحد 2اذا اعترضتا على كلام زول قام طوالى لقيت زول مباريك زى الكديسة ام خيط من بوست لبوست لو قلتا الله واحد وهو يصر انه الكلام دا ما صاح 3- بعدين اذا غلطتا فى زول من كوم ما طوالى يجيبوا زول يدعى انه بيعرفك وانك ما كيت و وماكيت ينفى كل المحاسن و ينجر قصص سيئة عنك ويقول انت كيت وانت وكيت 4-اذا فجأة لقيت اى بوست فى البورد بيعرض بيك وفيه مطاعانات تعرف طوالى انك هبشتا صنم كوم كبير وتطاولت حيث لا ينفع التطاول ويحلك الحلا بلة مش قلتا ليك علاقات مترابطة ومتشابكة دايرة ليها وداعية لسبر اغوراها لوووووووووووووووووووووول مطلوب وداعية لكوم قيد الانشاء

(عدل بواسطة محمد نور أحمد on 05-29-2007, 05:35 AM)

Quote: طبعا فكرت أحرد الباوسويرد وأرجعه لسيده لكن قلت ياهو نربطه في صرة لليوم الأسود، ويا هو مره مره كده نتاوق بيه نتداخل بيه مع الناس الموضوعيين الزيك.

Quote: الله يطول عمرك والله كنت مدبرس واول بوست اقراهو من من الالف للياء هذا البوست الذى يمثل دراسة او وقفة تامل من الاخ نور الدين البشير . ارى ان الموضوع موضوعي للغاية وانا من الذين يعترفون ويقرون بكل ما ورد على لسان الاخ نور الدين حول الاداء العام والسلوك العام والظواهر السائدة في هذا المنبر . في اعتقادي ان صاحب البوست هو المستضيف لاى متداخل ولهذا يتعين عليه عدم الميل للانتقائية في الردود.

Quote: انت عارف المواهيم الجد جد في البورد ده ياهم عينة أخوك الكاشف الشكلك كده أول مره تقرا ليه ده. أنا بالضبط عمري في البورد ده حكاية ستة شهور ودقداق، رأسمالي فيه بوستين كحيانين، مش كحيانين لإني أسأت إختيار موضوعاتهم بقدر ما هو موضوعاتي جانبت إهتمام الناس في الوقت داك والمتمثلة في بعض موضوعات الشمار والمجاملات الإجتماعية بين الشلليات، وشوية بوستات نبيذ وشكل بين الأضداد، وعلى الرغم من كده في عدد من الزملاء المحترمين والموضوعيين والجايين للتبادل الفكري والمعرفي اتداخلوا ، وعدد لا باس به من القراء خارج المنبر راسلوني على الإيميل، وربطتني بأحدهم- وهو أستاذ جامعي هنا في أمريكا- صداقة وطيدة من يومها، ولو لم يثمر البوست غير ذلك لكفاه. أنا طبعا يا البشير يا اخوي ما صدقت لمن بكري أداني ليك الباسويرد قلت أفيد وأستفيد في جو المثاقفة البحلم للإنضمام ليه أي شخص يسعى لحوار الأفكار ومعرفة الآخر، أقوم أتفاجأ يا البشير يا اخوي أنه أنا دخلت رقبتي في حتة لا ناقة لي فيها ولا جمل، حوارات ومساجلات تولد فيك الرغبة في التقيؤ، لا يكاد يخلو بوست من نبذ وشتيمة في الآخر الذي تختلف معه، بين كل بوستين قبيحين تجد بوست أقبح موغل في الإسفاف والعنصرية والتهكم والتقليل من الآخر،واليومين دي جابت ليها إباحية كمان. طبعا فكرت أحرد الباوسويرد وأرجعه لسيده لكن قلت ياهو نربطه في صرة لليوم الأسود، ويا هو مره مره كده نتاوق بيه نتداخل بيه مع الناس الموضوعيين الزيك. وعشان ما يساء فهم كلامي في أي سياق مختلف، أنا ما قصدت التعميم ولا قصدت أخت اللوم على أي زول كان البورداب و لا كان بكري سيد الحوش بقدر ما قصدت أقول ده ما الوسط المثالي الحلمت بالإنضمام ليه، وإن كان لا يزال به إشراقات هنا وهناك.

Quote: الاخ العزيز / نصر الدين البشير التحية ليك وانت تكتب مشخصا البورد وتسمى اعلى تسمية في لعبة الوست وهى مربوطة وان كان ورقك ورق باص وحقيقة كلامك عين الحقيقة ولكن في ناس يجبروك على قراءة ما يكتبون وهناك الناس الوهم والناس الوهم ديل في كل مناحى الحياة موجودين ونصيحتى لك انت: خليك من الناس الوهم ديل وبدلا من ان تلعن الظلام اوقد لينا شمعة ونحن معاك ان شاء الله وشكرا جزيلا لك على هذا البوست الرائع (كسير تلج ) لكن في الناس الوهم ديل ما بينفع النصح او الارشاد ومن هنا انادى وبشدة بضرورة اصلاح المنبر على غرار وهمة (اصلاح الامم المتحدة) ولكم وافر الشكر والتقدير

Quote: بعد قعدة متواصلة فى البورد لمعرفة عمق العلاقات بين الناس فى البورد دا خرجنا بالاتى: 1- اذا فى اى زول دور معاك شكلة بدون سبب وبقى كلامو كلام شكل وغبن ولف ودوران طوالى تراحع بو ستاتك وتشوف انت هبشتا منو من كومو و العكس بالعكس الحب بالكوم و الكره بالكوم 2- اذا نويت يوم تعارض زول ولا تنتقدو لازم تشوف موقع الزول دا من كومو وين لو كان الرأس خلاص الله معاك لانه حتلقى نفسك فى مواجهة كوم بحالو 3- وجود اكوام مصاحبةبعض تهبش زول واحد تلقى نفسك فى مواجهة كومين او اكثر 4 تقسيم ادوار افراد الكوم الواحد لازم يكون فى واحد شاكال و احد عامل موضوعى و الباقين نص نص ومن ثم الما عندو كوم الله معاه فى كل الترشيحات يلقى نفسو فى ذيل اللست ولا ما يذكر خالص كيفية معرفة مين يكون كوم مين1- لما تلقى زول كتب كلام خارم بارم والردود وصلت لمية فى خلال ساعة كل الناس ديل كوم واحد 2اذا اعترضتا على كلام زول قام طوالى لقيت زول مباريك زى الكديسة ام خيط من بوست لبوست لو قلتا الله واحد وهو يصر انه الكلام دا ما صاح 3- بعدين اذا غلطتا فى زول من كوم ما طوالى يجيبوا زول يدعى انه بيعرفك وانك ما كيت و وماكيت ينفى كل المحاسن و ينجر قصص سيئة عنك ويقول انت كيت وانت وكيت 4-اذا فجأة لقيت اى بوست فى البورد بيعرض بيك وفيه مطاعانات تعرف طوالى انك هبشتا صنم كوم كبير وتطاولت حيث لا ينفع التطاول ويحلك الحلا بلة مش قلتا ليك علاقات مترابطة ومتشابكة دايرة ليها وداعية لسبر اغوراها لوووووووووووووووووووووول مطلوب وداعية لكوم قيد الانشاء

Quote: شوفي هنا البوست بتاعك دة جاب ليك الكلام الفارغ كيف في مداخلة الأخ ويسام و كما تدين تدان .. يعني واحد عندو أسرة و محترمة .. فهل له أن يرضى أن يمس أسرته بتلك الشرر الحارقة التى ربما تطال الشرف أو .. أو؟ .. و هل تكوني مبسوطة لمن احد أبنائك يقرأ مثل هذا الكلام الموجه لشخصك؟ يجب على الفرد أن يفكر قليلاً قبل أن يضغط زر "أضف رد" هل هذا الكلام مفيد أم لا و ... و...

Quote: لكن هم بالتأكيد ما حيكونو سعيدين لمن إسمعو سوى كان من زملاؤهم أو .. أو ..عن أمهم يقال انها كانت كذا و كذا .. عشان كدة أرجوك إبتعدي عن المشاحنات التي لا تفيد و انس الماضي و أقبلي على الحاضر بصدر رحب .. حتى لا يعكر صفوك و لا صفو أسرتك شئ...

Quote: طيب قولي لي وين الضمير المرتاح و المرجعية الدينية هنا بإعتبار إنك إنت البديتِ في البوست دة و جبيت لينكات قديمة و ساهمتي في إشعال الفتنة.. بل في الغيبة...

الغيبة؟؟ وين الغيبة دي اللنك انا كتبتو على الملا وعلقتوا على الملآ
لو عايز تساعد مصطفي محمود بالله وحاسي انه معذور ما تجي تلبخ معاي..

Quote: اما ينزل بوست يهم بإسأة مصطفى او حتى غير مصطفى و انت تجي جاية بي لينك قديم و تساهمي في الغيبة و النميمة فهذا هو العيب .. فإذا كان مصطفى أساء لك في الماضي فكان عندك خيارين:- 1- إما أن تدعو الله بأن يأخذ بثأر من ظلمك بنفسه و هنا يكون اجرك عظيم يعني تخليو ل الله 2- او تدعو من نفسك بأن الله يسوي ليو كذا و كذا و هذا اضعف الإيمان

اصتغفرتك يا مالك روحي.. مبروك الباسورد الذي لم يصادف اهله..
استمر كدا ونشوف نهايتك هنا..

Quote: أنا هنا لست بواعظ و لا عالم بل أريد فقط أن أقول لك بأن الشتيمة و القذف في الناس لا تشترى بالفلوس و يمكن لأي أحد منا أن يقعد أما الكمبيوتر و يشتم هذا و هذه و يضغط على زر "أضف رد" لكن هل هذا مفيد لنا لدنيانا و آخرتنا؟ هل يضمن منا أن يعيش لغدٍ حتى يرى ما سطره قلمه تجاه هذا الشخص و هل ينوم مرتاح بسب و شتم فلان/ة و علان/ة ولكن كلٌ منا حسيب نفسه، يعرضها ويحاسبها ويزنها قبل أن توزن.

والله حسكنيت لا اكثر.. انا بدافع عن نفسي ضد اي زول يتعدى حدو معاي..
بالله في ناس لسع بفكرو كدا؟؟!!
ومصطفي محمود محل القاه ما بخليه لمان يكف عن العوارة لانه بكره جدا العورة...

نسأل الله السلامة..
اسمع يازول انا من طريق وانت من طريق...

Quote: الاخ العزيز نصر الدين لاسبابك التي اوردتها ولاسباب اخرى تتعلق برفض التهاتر والبذاءة التي يعج بها البورد، توقفت عن الكتابة منذ وقت طويل بشكل راتب في البورد، باستثناء مداخلات محدودة في موضوعات تجبرك على ابداء الرأي حولها لاهميتها اولا، ولمستوى النقاش الرفيع فيها والحوار الذي يتسم بالاحترام المتبادل. وكما قلت يا صديقي في هذا البوست فان قليل من اعضاء البورد، وانت منهم، هم يجبرنا على البقاء والاستمرار في المنبر. لك ودي وكثير احترامي يا نصر

Quote: يا نصر الدين والله كلامك صحيح مائة بالمائة , لكن انت عارف احسن حاجة تعملها شنو !! الشخص البايخ والما برد علي المداخلات من باب التكبر انساهو واقراء مواضيعو إذا كانت مهمة ولكن لا تشارك معه , لكن كمان المجاملات برضو مطلوبة يعني ما معقول نصرالدين شارك معاي في موضوع وهو هسع منزل ليهو بوست جديد ما اشاركوه , المنبر ده عامل زي السوق وكل واحد عارض بضاعتو والشاطر هو من يبيع لكن البيع يكون للبضاعة الجيدة مش ناس فلان وعلان وبعدين الغالي بغلاتو يضوقك حلاتو والرخيص برخصتو يضوقك مغصتو .

Quote: تشخيص جميل جداً وقد وضعت يدك على الجرح تماما وولجت الى جدار لم يستطع الكثيرون منا الدخول اليه لكن مرات يا أخي الشهرة مهمة وبتساعد في اشياء كثيرة جداً

Quote: البعض يفتح موضوعاً للنقاش ولا يأتي ليرد على المتداخلين ليصوّر أنه مهم وأنه مشغول، طيب إذا إنت ما عندك وقت كاتب ليك موضوع ليه؟

Quote: عندك يا سيد 15 مداخلة ابتداء من مداخلة الاخ د.محمد حسن وانت لم ترد عليها ... الأخ العزيز سامو صباح الخير بتوقيتنا يا سيدي أنا كنت متابع هذا البوست حتى الساعة عشرة ونصف بتوقيت الإمارات والصباح مشيت الدوام وأنا مشغول جداً في المكتب وما قادر أشرب كباية شاي وسوف أقوم بالرد على المتداخلين في فترة البريك.. أها كده كيف؟ كتلت ليك الدش في يدك يا حبيب وأخونا بكري لو بدفع راتب أكبر حا نواصل معاهو. أنا مبسوط منك لأنك واجهتني ومبسوط من نفسي عشان ألقمتك حجراً (حلوة والله ألقمتك حجراً دي).. على العموم بعتذر للتأخير وأكيد أنا ما متناقض مع ما أكتب.. ولو شفتني تداخلت في بوست تاني وما رديت على المتداخلين بيكون كده تهمتك ثابتة بالتلاتة. حأرجع في البريك إن شاء الله لكم جميعاً مودتي وإعزازي.. ÍíÜÜÜÜÜÜÜÜÜÜÜÜÜÜÜÜäÇ ÈÓ ..

Quote: شكراً يا بشير نصر الدين ( وش عامل فيها زي ناسي الإسم ) نظام تواضع مع الكتاب المغمورين و كدا .. وهمة في شكل مشاركة .. ..

Quote: مرة كنا لاعبين ويست وكان في واحد حريف جداً وقع ليهو مع كيشة لعب عشرة بتلاتة آتو والقبول ما حقو.. صاحبنا قعد يرفع في روح الكيشة المعنوية ويقول ليهو (حرّم كان جبتها راجل وكان سقطت راجل) وفعلاً جات عشرة بهناك..

Quote: يا زول إنت عارف أنا البورض دا لمن اشتركت فيهو كنت باجي وأقرأ وأعاين لمدة سنة كاملة. بعد شوية بقيت أشارك بتهنئة أو بنكتة وديل ذاتن لمن أكتبن وأصلح الأخطاء يكون البوست المعين وصل الصفحة الأخيرة. شوية شوية بقيت أكتب أكثر من مداخلة في اليوم. شوية شوية بقيت أشاكل. يا زول وفتحت ليك. مشيت طوالي اشتريت لي نضارة مع إنو نظري والحمد لله ستة على ستة. اشتريت لي كم كتاب. بقيت أفلفل ليك الجرايد وخاصة ناس الدار ومجلات الجريمة ديك. ويللا عينك ما تشوف إلا النور. رش شديد ناس الشغل ذاتم لمن قربوا يرفدوني. شي سياسة شي علم اجتماع شي تاريخ شي كورة شي نقد فني أصلو ما عندي قشة مرة. وطبعا عندي أصحابي بانبهم بالمسنجر قبل ما أبدأ الرش. ويللا هم يعجبوك يارأئع يا أنيق سلمت أصابعك وخاصة البنصر. يعجبني بوحك المنداح. تحليل رائع كمن يقبض بمشرط جراح. وأخوك خش ليك في الوهمة. عارف لمن مشيت أخطب أمي كانت بتقول لي أهل المرشحة "التعيسة" إنو أنا كاتب كبير "....ة كبيرة" في سوانيزأونلاين. ولمن يسألوها شنو سودانيزأونلاين تقول ليهم دي صحيفة أمريكية. أسي عندي نية أنزل لي بوست بعنوان: بـــــــــــــــــاركوا لي.... بير سفوننا جابت الموية الفكرة اختمرت لكن تبقت الكتابة فقط.

Quote: شكرا للبوست...

Quote: صاحبك أحمد ساتي قال لك الاقتباس أدناه يسحب فورا ، لأنه يسئ إلى سجله الحالي في لعبة الويست التي اجادها تماما بعد أن غادر (الكرامة) وما أدراك ما هي.

Quote: كلها .... حرم ما داير ادكها

Quote: البوست دة (فش) لي غبينتي . شكرا نصر الدين

Quote: معقول لكن يا نصر الدين ، تفط ديل كلهم وترد على سامو وهو آخر مداخلة معك؟ البوست جميل وموضوعى للغاية تحياتى

Quote: وأكثرها إيلاماً هي مسألة الانتقائية في الردود وتجاهل المتداخلين الذين لا يؤمنون بالكيمان وأنا منهم، حيث إنني لا أنضم لاي كوم من الكيمان، ولم يسبق لي أن انضممت لحزب سياسي أو جماعة دينية أو عصابة نهب مسلح أو أي تجمع بشري، اللهم إلا فريق كرة القدم الذي ألعب له..

Quote: دعني اضف شيئا اخر اغلب الحساسيات التي تحدث بين اطراف التواصل اسفيريا ناتجة عن سؤ الفهم في التعابير وكون الكلمة التي يستقبلها المتلقي تحتمل اكثر من معنى وربما يفهم المقصد النبيل او خلافه صحيحا اذا كان المصدر ماثل امامك بابتساماته او ملامح غضبه . في تواصلنا الاسفيري تغيب هذه المعطيات وتبقى للمتلقى اللمّاح قدرة استدراك ما بين السطور . فان لم يكن المتلقي موفقا في استنباط المقاصد فربما يذهب بها الى معنى اخر مغاير وبعدئذ يكون رد الفعل غير متناسب مع مقاصد المصدر النبيلة . وهنا تتحول الكرة لملعب المصدر فان كان حكيما ودبلوماسيا يستطيع احتواء الصدمة واعادة الحوار الى المسار الصحيح بعد تصويب المتلقي . وان كان المصدر انفعالي فعندئذ تبدأ المشاحانات ألأخ ...

Quote: مواهيم البورد كتااااااااااااااااااااااار

Quote: هناك حقيقة سأقولها لك { بعض المداخلات في البوستات أجمل بكثير من النص الأصلي وبعض المداخلات أحياناً قد تكون سبباً في تعقيد كاتب البوست 00 والله أعلم

Quote: لكن أكثر ما يحزنني أن الكثيرين في منبرنا هذا وهم مشهورون بمعايير السودان المحلية يعتقدون بأنهم مجرد أن يكتبوا موضوعاً ما، فإن الناس سيتدافعون لمدحهم وإظهار مقدراتهم الخارقة، ولذلك فبعضهم يتجاهل الرد على المتداخلين ويخصص ردوده لبعض الأصدقاء والمنافقين، فيتعمد أن يتجاهل الآخرين معتقداً لجهله وقلة عقله أنه إنسان مهم ورقم لا يمكن تجازوه في حياة البشر، مع أنه يكون شبه مشهور في مجاله ونكرة كبيرة في المجتمع الذي يحيط به