|
|
 عضو المنبر (ود النعيم) يترقى ... (باركوا له)
|
درجت العادة على تشبيه البنت بـ (الدبورة) ما في زول يسألني عن السبب..
ويهنأ والد البنات على كل (دبورة) حتى تتراكم الدبابير بعددهن من درجة ملازم و نقيب و(أفتكر أنو الحساب بيقيف عند نقيب يعني 3 بنات)...
ده كان زمان..
أما الآن وحيث اننا في زمن (غير) فسنعتبر أن كل مولود ذكرا كان أم أنثى بمثابة "الدبورة" على كتف والده...ووالدته
وعلى هذا الأساس نتقدم بالتهنئة والتبريكات للاخ والصديق/ علي أحمد النعيم الذي وصل صباح هذا اليوم مترقيا إلى درجة "النقيب"
ونقول له:
ألف مبروك وحمد لله على سلامة الأم والمولود وان شاء الله يتربى في عزكم..
|
|
 
|
|
|
|
|
|
|
 Re: عضو المنبر (ود النعيم) يترقى ... (باركوا له) (Re: Ahmed Yousif Abu Harira)
|
آلااااااااااااااااف مبروك مبروك صديقي ود النعيم...
وإنشاء الله تتربى في عزكم وألف حمداً لله على سلامة المدام...
أما حكاية النقيب... فأنا أهديك هذا المقطع من أُغنية لعثمان اليمني...
السمح بيت البِنَيَّات بيت لَقَا وخير...
داجي عامر وداجي سقفو مولِّف الطير...
الرزق يجي للأبو إن بقى ماهُو قادر...
وأمَّهِن مرتاحي فوقِن وماب تعافر...
تِنْتَكي وترقُد علي كُوعها وتأشر...
...............................
ـــــــــــــــــــــــــــــ
وتشكرات تشكرات صديقي أبو حريرة على هذه الأخبار السارة...
لك ولود النعيم والجميع قواسيب مودتي...
أبو الحســـــــــــــين...
| |
|
|
|
|
|
|
|
|
|
Re: عضو المنبر (ود النعيم) يترقى ... (باركوا له) (Re: Ahmed Yousif Abu Harira)
|
يا علي ود أحمد بالله ما تنسى ..
من خروف السماية..تمرُق الضِلوف براهن ..وتنضفِن تخليهن علي العضم بس.. تلمهن وتحزمهن بي خيت ..بس ماني متأكد أظنوا في الاربعين بعد الولادة او بعد فترة كدة..حبوبة المولود بتشيلو ذات عصرية..بعد ما الشمش تبرد تب .. وتمرق بيهو علي اقرب شدرة "سيال" أو "سَمُر" او "سلم" -او ما تجود به بيئتكم من أشجار- ..ويختاروا فرعاً مخدّر..يربطو فيهو الضلوف ..وبعدين بيقطعوا شوية "علق" من الشدرة ..ويختوهوا للمولود في إيدو ..
العادةً بكون خامشها ..والكلام دا بتصاحبو دعوات -أو "دعُو" علي قول امي - وتمنيات جميلة.."يا ربي دعوة ربنا يخدر ضراعو؟؟"..والحكاية دي بِتِّم وسط لمة شُفع وعوين..
وبقسموا ليهم فيها التمر والحلاوة ..
المهم الحكاية دي كانوا بسووها اهلي لحدي وكتا قريييب..غايتو وراء بيوتنا كانت في شدرات "سَيال" كلهن معلقين فيهن ضلوف ..
نامن تجي تِحتهِن نامن تلاوز..
حاجة عجيبة خلاص ..
الكلام دا هسع يسوهو وين لي بيوت البنادر المقفلة دي؟؟؟!!!
----------------------------------
ألف مبروك .. يا علي
وحمداً لله على السلامة ..
ويتربا المولود في عزكم ..
مع خالص التحايا
| |
|
|
|
|
|
|
|
|
|
Re: عضو المنبر (ود النعيم) يترقى ... (باركوا له) (Re: gessan)
|
Dear Lt. Dr. Ahmed Amin
Thank you for your wishes to our buddy wadlna3eem
Bs ma 3rifnak Mulazim 1 or 2
As for Dr. bayan she jumped right away to the president's title - Musheer 3adeel kida
--------------------
Sorry guys, for the unexpected keyboard problem
| |
|
|
|
|
|
|
|
|
|
Re: عضو المنبر (ود النعيم) يترقى ... (باركوا له) (Re: Ahmed Yousif Abu Harira)
|
الاخوة الاكارم
الاخ الفاضل/ الدكتور احمد امين ربنا يهنيك ويعليك ويديك العافيه. والاخت الغالية بيان تحياتى وتهانى الحارة على رتبة المشير، والاخ الغالى ابو الحسين جزاك الله خيرا وهديتك مقبولة، والاخ الكريم ود جاد الله ربنا يسعدك دنيا واخرى.
الاخت بت طلحة تسلمى وجزاك الله خيرا على تهنئتك وابشرك ان الكرامة اكبر من الدلو بى كتير وبالمناسبة اخوى احمد عارف بس زى ماك عارفة عندو غتة ناس قيلى.
الاخ الحبيب قيسان شكرا على التهنئة الرقيقة والتى رافقتها هذه العادة التى ذكرتها والتى كانت ايضا متاصلة فينا حتى وقت قريب.
الاخ ابو قوته تحياتى ، انا والله ادفع 1000دولار قصاد تهنئتك بس خليهو الاسم داك.
شكرا لكم جميعا اخوتى وادام الله عليكم السعادة والهناء.
تحياتى
| |
|
|
|
|
|
|
|
|
|
Re: عضو المنبر (ود النعيم) يترقى ... (باركوا له) (Re: Raja)
|
الاخوة والاخوات الكرام
راجا وفاروق حامد والاخ بدر الدين الامير والغالى معذ حسن والاخ الكريم غريبة تهانيكم وصلت وجزاكم الله الف خير. والاخ الحبيب ود شيقوق وبقولك يا ود شيقوق البت جعلية شينة شناتن ضبعة وما بتتعرس الا اكرى عليها.
والشكر موصول للدكتور بله موسى والاخت الكريمة ام احمد وكرامتك حرم مقبولة، والاخت غادة واقولك السماية لسع وانتى رتبتك من مشير ولا فوق وربنا يخليهم ليك ويجعلهم من الذين يشار اليهم بالبنان. والشكر موصول ايضا للاخ حاتم هاشم وربنا يهنيك ويتقبل دعواتك.
الشكر موصول لكم جميعا اخوتى على تهانيكم وادام الله عليكم نعمة الصحة والعافية.
تحياتى بلا حدود
| |
|
|
|
|
|
|
| |
Ahmed Yousif Abu Harira
bayan
أبو الحسين
gessan
abuguta
على احمد النعيم
حاتم هاشم
غادة عبدالعزيز خالد
عفاف أبو حريرة
Balla Musa
الطيب شيقوق
ghariba
معاذ حسن
بدر الدين الأمير
فاروق حامد محمد
Raja
فيس بوك
تويتر
انستقرام
يوتيوب
بنتيريست