عاجل ..ابراهيم طةايوب والشفيع ابراهيم يحاكمون صباح اليوم بالخرطوم ..

مرحبا Guest
اخر زيارك لك: 05-02-2024, 05:49 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-22-2007, 07:32 AM

sumah
<asumah
تاريخ التسجيل: 08-27-2002
مجموع المشاركات: 1737

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. (Re: sumah)

    *****
    ****
    ***
    **
    *

    التحية للشفيع ورفاقة ..
    آسف ..
    Mustafa Mahmoud
    من ماذا تقصد بمداخلتك هذة..
    بعض الاحيان يستعصى علينا الفهم ..

    وشكرا لبشير الخير..
    عمر ادريس محمد..
    kofi..
    محمد حسين آدم..
    Mustafa Muckhtar..
    ونحن نؤمن وندعم

    هذا هو نبض الشارع..
    ونبض الشارع هو البيعلم ..
    التحية لك اخى..

    وانت معنا وتعبر عن معناتنا انتم صوت ونبض انتم شرف الكلام
    حمادة بالع زرارة
    عاد (حسنين) فى مغرب ذلك اليوم منهك القوى متسخ الثياب وقد ربط رأسه بضماده كبيرة تظهر عليها بعض آثار الدماء وجلس إلى أقرب (عنقريب) وهو فى حالة من الإعياء
    - سجم أمى يا (حسنين) الحصل ليك شنو ؟؟ فى ركشة إتقلبت بيك؟ وإلا حيطه وقعت فيك ؟؟ سجم أمى .. سجم أمى تعال كدى النشوف راسك ده
    أمسكت (عزيزة) برأس (حسنين) تتمعن فى ذلك الشريط من (الشاش) الذى تم ربطه دائرياً بإحكام على راسه
    - الفلقك جنس الفلقه دى منو؟
    - البوليس
    - الشنو؟
    - البوليس يا (عزيزة) .. – مواصلاً- أخير أنا (عوض) صاحبى أيدو (إتكسرت) وجبسوها ليهو
    - وإنتو الوداكم للبوليس شنو كمان؟
    - والله قالو (المظاهرة) ما قانونية وما عندها تصديق قامو (فرقونا) بالبنبان و(الهراوات) حفاظاً على الأمن
    - لا يعنى الناس ديل قاصدين شنو؟؟ قطع رزق وكمان فيها جلد وفليق؟


    كان يبدو أن حسنين متألم بعض الشئ جراء إصابته فقد طان ذلك جليا :
    - أجيب ليك حاجه تاكلا ؟
    - لا لا ما تسوى ليا أى حاجه .. بس جيبى ليا حبتين بتاعت (صداع) وكوز موية بارده
    نام (حسنين) من التعب والإنهاك اللذان تعرض لهما فى تلك ( التظاهرة) التى تم تفريقها والتى شارك فيها وبعض ممن هم تعرضوا لما تعرض له من فصل تعسفى عن عمله ومصدر رزقه دون حق أو قانون .

    بعد شهر واحد … تم قطع الإرسال التلفزيونى فجأة فى إدى الأمسيات لتتم إذاعة هذا الخبر العاجل :
    تم إختطاف طائرة تتبع للخطوط الجوية وهى فى طريقها إلى (جمهورية البطريق) وعلى متنها مائة وأربعون مواطناً هذا وقد طلب الخاطفون من قائد الطائرة التوجه إلى مطار العاصمة (بطريقيا) حيث لا تزال الطائرة تقبع هنالك تحت حراسة قوات الأمن (البطريقية) .. إلى مراسلنا فى بطريقيا (الجوهر الفردى) ومزيدا من التفاصيل :
    (صورة الجوهر الفردى وهو يمسك بالمائك ويقوم بالضغط على سماعة الأذن غير المرئية) بينما خلفه تماما تقبع طائرة بوينج 707 تحيط بها قوات الأمن (البطريقية) :
    - آلو (جوهر) هل تسمعنى
    - أيوة أسمعك
    - إذن يا (جوهر) ما هو الموقف الآن (على الأرض) عندكم وهل هنالك أى مطالب للخاطفين؟
    - الموقف الآن كما ترون .. الطائرة تقبع منذ الساعات الأولى من صباح اليوم تحت الحراسة المشدده من قبل قوات الأمن هنا بعد أن تم إجبار قائدها على الهبوط فى هذا المطار تحديداً .. أما عن الخاطفين فلم تعلن هويتهم بعد لكن فى الغالب الأعم هم من مواطنيننا وحتى هذه اللحظة لم يتم الإعلان عن أى مطالب
    - عفوا (الجوهر الفردى) يتردد فى الأوساط هنا بأن الطائرة تقل أسرة أحد كبار المسئواين والتى كانت فى طريقها للعلاج بالخارج
    - لم يتم التأكد من هذه المعلومة حتى الآن وسوف نوافيكم بتفاصيل متى ما تأكد ذلك
    - شكرا (الجوهر الفردى) مرسلنا فى جمهورية البطريق

    إجتماع طارئ :

    سعادتو : (وهو يشرب من زجاحة مياه معدنية ليروى ظمأه) : إنتو عارفين إنو (المدام) وأخو (المدام) والأولاد فى (الطيارة) ؟ دى
    المجتمعين : عارفين سعادتك
    سعادتو : وطيب وكت عارفين ما تعملو حاجه
    مسئول 1 : والله يا سعادتك نحنا خاطبنا المسئولين فى (جمهوريه البطريق) قلنا ليهم ما تعملو أى حاجه وما تتصرفو أى تصرف لحدت ما يجى وفد مننا هناك يتفاهم مع الخاطفين ديل وده كلو يا سعادتك عشان الحفاظ على أرواح (أسرة) سعادتك
    سعادتو : والخاطفين ديل ما عرفتوهم منو؟
    مسئول 2 : والله يا سعادتك أسماء جميع الركاب أهم إتحصلنا عليهم من مكتب الخطوط
    سعادتو : وطيب مش مفروض تكونوا عرفتو الخاطفين منو؟
    مسئول 1 : يا سعادتك ديل ميه وخمسين راكب نعرف الخاطفين منو كيف؟ لكن عندنا تيم (إستخباراتى – أمنى) شغال عشان يجيب معلومات عن كل مسافر فى السفرية دى
    سعادتو : طيب وح ترسلو الوفد متين عشان أنا ذاتى ح أمشى معاكم
    مسئول 3: الوفد ح يمشى سعادتك بى طيارة خاصة الليلة الساعة عشرة مساء

    فى مطار العاصمة بطريقيا :
    توقفت حركة الطيران فى المطار .. الظلام دامس ما عدا كابينه قياده الطائرة التى توجد بها إضاءة خفيفة … إلتفت أحد الخاطفين إلى إحدى الأسر التى تقبع خائفة بعد أن رأى أن (جوازاتهم) لا تشبه جوازات بقية الركاب :
    - (فى حزم) جيبوا جوازاتكم ديل ؟
    - (ينظر إلى الجوازات الدبلوماسية الحمراء) : بقى إنتو أسرة المسئول (فلان الفلتكانى) مش كده؟
    - (فى خوف و تلعثم) لا والله يظهر إنو إسم على إسم
    - علموكم كمان (الكضب) ؟؟ مال (الجوازات دى حمراء ليه) ؟ برضو جواز على جواز ؟ - مواصلا فى تهكم- وماشين وين؟
    - والله الحقيقة بس (حماده) ده كان بيلعب مع ( البيبى سيتر) وقام بلع ليهو (زرارة) بتاعت ( اللعبه) الكان بيلعب بيها وماشين نعالجو وكدة
    - عشان بلع ( زرارة) تسافرو بيهو (جمهورية البطريق) للعلاج ؟؟؟ مال لو بلع ليهو (سوسته) تمشو بيهو وين؟ لاقين قروش الشعب الغلبان ده وتتفسحو ذى ما عايزين
    فى هذه اللحظات إنبعث صوت المايكرفون الداخلى للطائرة :
    - من برج المراقبه ألى الخاطفين أجيبو … من برج المراقبه ألى الخاطفين أجيبو
    - هنا الخاطفون .. ماذا تريدون؟
    - بل ماذا تريدون أنتم ؟
    - نحن حركة (حمصع) ونود التحدث مع أى مسئول من (حكومة بلادنا)
    - لقد وصل للتو وفد من حكومة بلادكم هيا تحدث معه :
    (المسئول يمسك بالمايك وهو يقول) :
    - قلتو إنتو منو؟
    - نحنا حركة (حمصع)
    - حركة (حمصع) دى شنو كمان؟ نحنا بنعرف حركة (الغرب) وحركة (الشرق) وحركة (الشمال) كمان إنت يا (حمصع) طلعت لينا من وين؟
    - (حمصع) ده إسم الحركة ما إسمى وبعدين يا سعادتك نحن ما (حركة مسلحة)
    - طيب كان ما حركة مسلحة عاوزننا نتفاوض معاكم ليه؟؟ أنحنا ما بنتفاوض إلا مع ( الحركات المسلحة)
    - (فى سخرية) : لا ما تخاف يا سعادتك من ناحية مسلحين مسلحين .. عندنا (حماده) وأم (حماده) وأخوان (حماده)
    - (فى توتر وغضب) : إذا أردتم أن (تثكلكم أمكم) فأهبشوا (حماده ده) أو أى واحد فيهم
    - أيوااا وإنتو (الهبشتوهم) ديل ما كانو ناس ؟؟ ما كانو ذى ناس (حماده) ديل ؟؟ شوف يا سعادتك نحنا ناس عندنا قضية وما عندنا فى الدنيا دى حاجه نخاف عليها لا شركات لا أرصده لا عمارات ومستعدين نموت عشان قضيتنا !!
    - شوف يا (حسنين) أنحنا عرفناك الخطفت الطيارة دى إنت و(عوض) صاحبك وأحسن بالتى هى أحسن تستسلمو وما تخلينا نخليكم تتجرسو وناس جمهورية البطريق ديل كلهم يشوفوكم
    - البتجرس منو؟ أنا أخوك يا فاطمة
    - طيب يا (حسنين) عندنا ليك مفاجأة … اسمع صوت (أم أولادك) ….
    - يا حسنين .. يا حسنين
    - إذيك يا نعيمة
    - معقول يا حسنين تقول ليا ماشى الدكان تجيب (الفول) للأولاد تقوم تخطف ليك طيارة
    - لكن يا (نعيمة) عاوزانى أعمل شنو؟؟ لفيت الدكاكين كلها ما عاوزة تدينى .. واحد رضى (يسلفنى) على الحساب مافى كلهم قالو ليا كان ما سددت (الفات) ما بنديك تانى .. قمت قلت أحسن (إتصرف) !!
    - هسع الجماعه ديل يا (حسنين) مسكونا وقالو ما بفكونا أكان إنت ما سلمت ليهم الطيارة ونهيت الإختطاف ده
    - (سعادتو يمسك بالمايك) : سمعت الكلام ده يا (حسنين) ؟
    - شوف يا سعادتك أولادى العندك ديل كان ماتوا ما مهم لأنو نحنا عندنا قضية عادلة وممكن نضحى من أجلها لكن (على الحرام) لو هبشتو واحد فيهم أفجر الطيارة دى وتانى لا تشوف (حماده) ولا أم حماده وولدك ده أخليهو ليك يموت بى (زرارتو) !! – مواصلا - إنتو هسع ممكن تورينى الأسباب الخلتكم تخطفو الطيارة دى وتعملو (العملة دى) ؟
    - إنتو عاوزننا نعمل شنو؟ صالح عام وشلتونا ؟؟ رزقنا وقطعتوهو .. وسنين نحنا صابرين على الضنك كمان لمن نجى نعبر سلميا فى مظاهرة تضربونا وتقول ليا بعد ده كمان ألاسباب شنو؟
    - أيوااا أناكده فهمت (حمصع) دى يعنى (حركة المحالين للصالح العام) مش كده؟
    - أيوااا ياها ذاتنا عليك نور
    - طيب يا (حسنين) ياخى ما نتفاهم ؟
    - جدا مافيش مشكلة؟
    - نديك يا حسنين خمسين ألف دولار … قلت شنو؟
    - إنتو قروش ( الشعب) دى أقعدو وزعو فيها (ترضيات) كده لمن تكملوها … خمسين ألف دولار دى يا سعادتك ح تطلع من ياتو بند فى الميزانية؟
    - لا لا ما تفهم غلط ح أديك ليها أنا يا (حسنين) من جيبى
    - أيوااا وإنت ما موظف دوله (جيبك) ده بقى قدر كده كيف؟ جبت الدولارات دى كلها من وين ؟؟ ورثتها وإلا إغتربت ليها ؟
    - ياخ إنت مالك ح إستلفا
    - شوف يا سعادتك الشغل بتاع (اللعب الإنفرادى) ده ما بنفع معانا وأنحنا ما ناسو ولو بتفتكر إنو ممكن تشترينا عشان نسلمكم الطيارة على حساب (حقوق الناس المفصولين) ديل تكون واهم
    - يعنى شنو يا حسنين ؟
    - يعنى لازم مطالبنا كلها تتنفذ فى ظرف 24 ساعة؟
    - ومطالبكم شنو بالتحديد؟
    - ترجعو أى زول فصلتوهو من عملو وتعوضوهو عن السنين القطعتو فيها رزقو دى تعويض كويس وتصرفو ليهو مرتبو عن كل الفترة دى بأثر رجعى
    - يا حسنين لكن 24 ساعة دى مش شوية؟ ديل 300 ألف زول ليهم 17 سنة مفصولين عاوزنى أرجعهم ليك فى 24 ساعة؟؟
    - طبعا لازم تكون عملية صعبة …( الشيل) هين و(الرجيع) صعب .. مش كده ؟؟
    - (فى إستجداء) : كدى يا حسنين خليهم 72 ساعة
    - (بعد تفكير) : أها خليناها ليكم لكن أى عمليات لف ودوران وعدم مصداقية نحنا ح نفجر الطيارة دى فى حتتها دى – مواصلا – والأولاد ديل لو هبشتوهم سااكت ح تندمو وح تدفعو التمن وما تنسى ناس (حماده) معانا هنا !!
    إلتفت (سعادتو) لبقية أفراد الوفد الذين جاءوا معه قائلاً :
    - يا جماعة والله ناس (حسنين) ديل باين عليهم جادين فى الموضوع ؟ يا جماعة شوفو ليكم طريقه معاهم عشان (حماده) ده يمشى يطلعو ليهو (الزرارة) !!
    - شوف يا سعادتك المسئولين فى (جمهورية البطريق) قالو خلاص مستعدين ينفذوا عملية إقتحام وإجلاء للرهائن
    - لا لا هجوم شنو ورهائن شنو؟؟ إنتو عاوزين أولادى يروحو فيها
    - يا سعادتو .. ما معاهم تانى مية كم وأربعين راكب غيرهم
    - وأنا مالى ومال المية كم وأربعين .. – فى جدية - شوفو شيلو خيار الإقتحام ده من راسكم
    - أها والحل .. لأنو يا سعادتك المسئولين فى مطار (بطريقيا) قالو إنو الموية والأكل بدأت تنفذ من الطائرة المخطوفه
    - والله إنتو عارفيننا شعب طيب وقلبو حنين وكمان مسلم ومسالم عشان كده أنا بفتكر نرسل لى ناس (حسنين وعوض) ديل طيارة خاصة فيها وفد من (العلماء) يمشو يدوهم كلمة كلمتين و(يأمروهم بالمعروف) وأكيد ح يتنازلو ويسلمو الطيارة

    وفد العلماء يصل إلى جمهورية البطريق:

    - ألو .. برج المراقبة يتصل
    - نعم ماذا لديكم
    - معنا إخوة لكم جاءوا للتفاوض معكم
    - (يمسك رئيس الوفد بالمايك) : السلام عليكم ورحمة الله تعالى وبركاته يا إخوتى الكرام
    - وعليكم السلام .. معاى ياتو مسئول
    - لا يا أخى الكريم فنحن وفد من العلماء جئنا لإثنائكم عما تقومون به وأن تقوموا بتسليم أنفسكم والطائرة
    إذ أن الله سبحانه وتعالى يا أخى الكريم يأمر بعدم قتل النفس التى حرم الله قتلها إلا بالحق
    - ويا أخى الكريم وكت إنتو عارفين كده لمن (النفس) دى (إتقتلت) بدون وجه حق إنتو كنت وين؟؟ وعملتو
    شنو؟؟ طلعتو ليكم بيان ؟ قلتو الكلام ده غلط ؟ جايين هسع عشان تقولو لينا الله قال والرسول قال ..
    - يا أخى الكريم ….
    - يا خى فكنا بلا أخى بلا (دجل) معاكم .. إنتو هسع بدل تقولو للحكومة الناس ديل إنصفيهم لأنك قطعتى رزقهم وعندهم أطفال صغار عاوزين (لبن) وأولاد عاوزين حق فطور ومواصلات وأكل وعلاج جايين قاطعين المسافة دى كلها عشان (تحنسونا) ؟؟؟ يلا أرجعو بلاش (مسخرة) معاكم أصلو ما شفناكم يوم وقفتو مع (الحق) ولا قلتو حتى (البغلة فى الإبريق)
    - يا أخى الكريم ..
    - يا خى فكنا بلا (أخى) بلا (أمى) وأمشوا شوفوا ليكم شغلة
    - (حسنين مواصلا حديثه لبرج المراقبة) شوفو يا برج المراقبه كلموا الناس ديل قولو ليهم المهله فضل ليها تمانية ساعات لو المطالب بتاعتنا ما إتحققت ح نفجر الطيارة دى !!
    - ألو يا خاطفين آلو ما هى الأحوال داخل الطائرة
    - لقد بدأ الماء والأكل ينفذ ونريد بعض الماء والمأكولات نرجو أن تقوموا بتحضيرها وسوف نوافيكم بطريقة إدخالها إلى الطائرة
    - حسنا سوف نخبركم حينما نقوم بإعدادها
    -
    أجتماع مع المسئولين فى جمهورية البطريق :
    إجتمع وفد أمنى على مستو عال برئاسة (سعادتو) مع المسئولين فى (جمهورية البطريق) للتوصل لحل لإنها تلك الأزمة وقد قام مسئولو الأمن بعرض عدد من (السيناريوهات الأمنية) التى تقود إلى عملية أقتحام الطائرة وتخليص الركاب الرهائن إلا أن (سعادتو) قد رفض تلك السيناريوهات جملة وتفصيلا لخوفه على حياة (أفراد أسرته) مما حدا بأحد المسئولين من (جمهورية البطريق) بعد أن (زهج منو) أن يخاطبه قائلا :
    - إنتو وكت بترفضو الإقتحام عشان خوفا على حياة أسرتكم ما كان تخافو على حياة أسر (الجماعة القطعتو رزقهم) ديل عشان الأمور ما توصل ليها مرحلة (ختف طيارات) !!
    هنا وصلت لمكان الإجتماع مكالمة من برج المراقبة تفيد بأن الخاطفين يحتاجون ألى تزويدهم بالماء والمأكولات فتهلل وجه المسئول الأمنى لجمهورية البطريق وخاطب سعادتو قائلا:
    - ممكن تكون دى ثغرة عشان ما ننهى عملية الإختطاف دى
    - كيف؟
    - ح نشرح ليك بس روق شويه
    - طيب قبل ما تشرحو ليا كدى خلونى أكلم (حسنين) ده
    - (يمسك بالمائك) : يا حسنين يا حسنين أنا سعادتو رد عليا
    - عملتو لينا شنو فى الموضوع؟ رجعتو الناس الفصلتوهم كلهم؟
    - كدى يا (حسنين) روق شوية وخلينا نتفاهم
    - ما فيش مفاهمة يا سعادتو إفتكر مطلبنا ده واضح
    - يا حسنين ياخى المية ألف دولار عملناهم ليك ميتين ألف … اها قلت شنو؟
    - يا خى أنا ما قلت ليك الحته بتاعت (بيع القضية) دى نحنا ما بنعرفا .. ما تضيعو الوكت سااكت رجعو الناس ديل وأدوهم حقوقهم
    - طيب أولادى عاملين كيف؟ كويسين ؟ حماده إتعشى؟
    - مشردين ليكم 3000 ألف أسرة سبعتاشر سنة وتقول ليا (حماده) إتعشى أما ناس ما عندها (ذمة) أنا أولادى ليهم عشرة سنين ما قاعدين يتعشو وعايشين على وجبه واحده !! – مواصلا فى حزم- شوف فضل ليكم خمسة ساعات وما تكتر كلامك معاى
    - يا حسنين ياخى خليكا عاقل والله ( الأذى والظلم) الحصل ليكم ده كلو نشيلو منكم ونعوضكم ونرجعكم الشغل بس فكو الركاب ديل
    - كده بدون أى ضمانات ؟ عشان بعدين تفكونا (عكس الهواء) ده لو ما عملتوها لينا جريمة (حرابه) وكمان قطعتونا من خلاف
    - خلاف شنو يا (حسنين) هو معقول زول يطالب بى حقوقو يقطعوهو من خلاف؟
    - مش إنتو؟ إنتو (البتكتلتو) الزول فى (حقو) ؟ والله تقطعونا حتت … نحنا عاوزين ضمانات
    - ضمانات ذى شنو يا حسنين؟
    - دايرين ( الأمم المتحدة) تشرف على مسألة ضمان إعادة المفصولين دى؟
    - يا حسنين ما تصعب الموضوع ساكت .. ما تقوم بتدويل (القضية) كفاية القضايا (المدوله) العندنا
    - غايتو عاوزين ضمانات دولية – مواصلا- وكمان عاوزين مويه وأكل عشان الركاب جاعو وعطشو
    - (سعادتو فى حنية) : وحماده جعان !!

    الجبهه الداخلية :
    إحتل خبر إختطاف الطائرة والمفاوضات التى تجرى بين (الحكومة) والمتفاوضين عناوين الصحف المحلية والعالمية وشاشات الفضائيات وأصبح الخبر متصدرا لكل الميديا .. وقد كانت عناوين الصحف المحلية :
    - معتوه يختطف طائرة بها مائة وخمسون راكبا ويطالب باللجوء السياسى لدى جمهورية البطريق
    - المفاوضات جارية بين الخاطف والمسئولين
    - أسرة مسئول كبير بين الركاب المختطفين
    أصبح موضوع (الطائرة) هو حديث المجالس و(شمارات) الناس :

    - معتوه شنو (حسنين) ده أنا بعرفو كان شغال معانا باشكاتب فى (المالية) .. معتوه شنو البختف ليهو طياره؟ والله كان الفى الصوانى ديل (هليوكوبتر) ما خلوها !!
    - والله قالو ليكى سعادتو قال الروب ومتجرس جنس جرسة .. (فى شماته) أولادو ما قالو فى الطيارة !! قالو كانو ماشين يعالجو ولدهم الصغير فى الخارج قالو (بلع ليهو) زرارة
    - بلع ليهو (زرارة) وادينو الخارج يتعالج والله (سيد) جارنا ده ولدو الصغير بلع ليهو (إبرة خياطه) قاعدين بيهو فى الحوادث تلاته يوم لمن (الإبرة) إتهضمت !!
    - صحى قالو (الخاتفين) الإتنين ديل صالح عام؟ وبيطالبو يرجعوا الناس الإتفصلو للشغل تانى؟
    - يعنى يعملو شنو؟ عملو تظاهرة سلمية قامو (جلدوهم) و(فلقوهم) وفرتقو المظاهرة
    - عليكى الله يا (سعاد) شوفى جنس الكلام ده الزول يقطعو رزقو ويجوعو أولادو وكان عاوز يسلم ليهو مذكرة ساكت يقومو (يجلدوهو)؟
    خطة الإجلاء :
    - أخيرا وافق سعادتو بعد عمليات تحنيس وشد وجذب من قبل مسئولى الأمن بجمهورية البطريق على خطة إقتحام الطائرة وإجلاء الركاب بعد أن تم شرح الخطة له والتى تقضى بإدخال الطعام على تربيزة (ترولى) ذات (عجلات) يوضع فيها (الأكل) بواسطة أحد أفراد القوات الخاصة ذات التدريب المتقدم فى عملية إفشال عمليات إختطاف الطائرات على أن يرتدى ذلك الشخص ذى (جرسونات المطار) كتمويه على أن يتم وضع (قنبلة) تستخدم عند مثل هذه الحالات تحديداً وتنفجر بمجرد حمل (المأكولات) التى على (الترولى) وتلك القنبلة عند إنفجارها ينبعث منها (دخان) كثيف يحجب الرؤية وعند إستنشاغه يصيب الشخص بحاله من فقدان الوعى المؤقت مما يجعل مهمة القوات الخاصة التى سوف تكون على أهبة الإستعداد سهلة إذ ما عليها إلا الدخول مستخدمة (كمامات الأكسجين ) والمصابيح الكاشفة والقبض على الخاطف .
    بينما كان (عوض) يمسك بـ (كرة البلاستيك) التى تشبه القنبلة اليدويه ويقف فى منتصف الطائرة بين الركاب كان (حسنين) ينظر عبر النافذة أمام كابينة القياده وهو ممسك (بمسدس الأطفال) ويتحدث لبرج المراقبة :
    - لقد قمنا بتجهيز المأكولات والماء وهى فى طريقها إليكم
    - طريق شنو؟ أقيف لمن أقول ليك
    - لا تخف فنحن سوف نرسلها لكم مع أحد (الطهاة) الذين يعملون فى المطار
    - قبل أن ترسلوها يجب أن تقوموا بإخلاء جميع الجنود الذين فى (المدرج) وأمام الطائرة تماماً
    - حاضر يا سيدى
    - ما تقولو حاضر ساكت .. شوفو يا ناس البطريق ما تعملو لينا فيها (تفتيحة) أى حاجه كده وإلا كده أنحنا ح نفجر الطيارة دى
    - لا إطمئن سوف نخليهم جميعا الآن فى التو واللحظة
    صدرت الأوامر إلى الجنود بالإنسحاب من مدرج المطار وقام (حسنين) بمتابعه ذلك من خلال زجاج كابينة القيادة ثم
    - من برج المراقبة .. الآن سوف نقوم بإرسال الماء والمأكولات لكم
    - شوفو بقول ليكم تانى .. ما عاوزين أى حركات
    - لا إطمئن
    وصل الشخص الذى يقود عربة (الترولى) المحملة بالماء والمأكولات والذى كان (حسنين) يقوم بمراقبته وهو يقطع المسافة بين مبانى المطار ‘لى حيث تجثم الطائرة … فتح (حسنين) باب الطائرة حيث دخل الشخص والذى طلب منه حسنين العودة من حيث أتى ثم قام بقفل باب الطائرة .. توقف (حسنين) أمام (حماده) ليعطيه سندوتشا وكوب ماء لكنه وعند حمله للسندوتش تفجرت القنبلة .. وقع (مسدس الأطفال) الذى اكان يحمله (حسنين) فى حجر (حمادة) … عم الدخان الأسود الخانق المكان صرخ حسنين :
    - معقوله … معقولة .. معقوله
    - إنت يا راجل (الفلقه) دى خلتك تهضرب وإلا شنو؟ هو تانى فى حاجه فى البلد دى ما معقوله (الزول) ؟؟ يقطعو رزقو) وكان قال (بغم) يتجلد !!!

    *
    **
    ***
    ****
    *****

    (عدل بواسطة sumah on 04-22-2007, 07:36 AM)
                  

العنوان الكاتب Date
عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. sumah04-16-07, 04:18 AM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. bayan04-16-07, 04:23 AM
    Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. هاشم نوريت04-16-07, 04:27 AM
      Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. bayan04-16-07, 05:41 AM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. abubakr04-16-07, 05:00 AM
    Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. abdalla elshaikh04-16-07, 05:14 AM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. NEWSUDANI04-16-07, 06:17 AM
    Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. Kamal Mahjoob04-18-07, 11:13 AM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. Atif Makkawi04-16-07, 06:22 AM
    Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. Imad Khalifa04-16-07, 06:48 AM
  لا بد من وقفة قوية مع حق الناس في الإحتجاج السلمي والتظاهر.. Yasir Elsharif04-16-07, 07:27 AM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. Azhari Nurelhuda04-16-07, 08:13 AM
    Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. الطيب بشير04-16-07, 12:45 PM
      Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. فاروق حامد محمد04-16-07, 01:34 PM
        Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. doma04-16-07, 01:46 PM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. الجندرية04-16-07, 02:25 PM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. سلمى الشيخ سلامة04-16-07, 02:30 PM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. Elbagir Osman04-16-07, 05:14 PM
    Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. Haydar Badawi Sadig04-16-07, 06:24 PM
      Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. Raja04-16-07, 08:09 PM
        Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. الشفيع عوض شوشتا04-16-07, 08:20 PM
      Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. بشير الخير04-16-07, 08:18 PM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. عزالدين محمد عثمان04-16-07, 08:17 PM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. sumah04-16-07, 11:39 PM
    Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. بشير الخير04-17-07, 02:50 AM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. عمر ادريس محمد04-17-07, 04:29 AM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. kofi04-17-07, 01:04 PM
    Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. محمد حسين آدم04-18-07, 12:27 PM
      Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. Mustafa Mahmoud04-18-07, 12:38 PM
        Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. Mustafa Muckhtar04-18-07, 01:19 PM
          Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. Mustafa Mahmoud04-18-07, 01:25 PM
  Re: عاجل ..ابراهيم طةايوب والشفيع ابراهيم يحاكمون صباح اليوم بالخرطوم .. sumah04-22-07, 07:32 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de