|
|
 Re: البدخلو الحضرة دونما نوبة .. زول جديد (Re: بدري الياس)
|
ونورة كمان معانا فى الحضرة يا زول يا واضح.
ـــــــــــ
حمّيد
حق الغنا... انتخب حق الغنا... من حقي اغني لشعبي ومن حق الشعب عليا... لا بيدك تمنع قلبي ولا قلبي كمان بايديا... علمني اغني الطين المخرطة والطورية... الناس الصابرة سنين بالحالة الما دغرية... القابضة الجمرة بايدا والجمرة تلهلب حية... لاقادرة الجمرة تقيدا ولا قادرة تولع فيا... يا قلبي بلاش تستعجل يا قلبي شوية شوية... واصلين الما بتأجل اليوم الشمسو قوية... لا القش بيهاب المنجل ولا طب النار الكية... يا صقر يا افة يا ريح لا تنفض عش قمريا... من حقو يغني صريح زرية ورا زرية... من حقي اغني العالم ابداع علم حرية... انساني شعوب تتسالم تتكالم بي حنية... على نخب الود نتنادم لا جنسي ولا لونية... لا عرق لا آه نتقادم سكتنا بياض النية... مش كلنا جينا من آدم... مش آدم ابو البشرية... السجن اذن يترايم نبنيها قلاع ثورية... عقبان الخير يترادم والدنيا تمش دغرية... مد كفك يا بني ادم... حرية... سلام... حرية
نورة والحلم المدردح
هيْ أقيفِنْ
نورا فِيكِنْ ؟
نورا . نقّاحة الجِّروفْ
نورا . حَلاّبة اللِّبيني
للصغيرين والضِّيوفْ
نورا ساعة الحَرْ يولِّعْ
تنقلِبْ نسمة وتطوفْ
تَدِّي للجيعان لقيمة
وتَدِّي للعطشان جغيمة
والمَخَلِّي الحال مَصَنقِرْ
في تَقَاة اللّيل تَندْقِرْ
تدِّي لي باكر بسيمة
تَكْسي للماشين عَرَايا
وفوقا ينقطّعْ هديمه
.
ما عِرفتِنْ . نورا إنْتِنْ
قولِنْ إنتن شِنْ عِرفْتِنْ
نورا بِتْ الواطة
أخيتي
نورا اخُتْ كُلّ الغلابة
نورا حاحاية الشّقاوة
نورا هَدّاية الضّهابة
الأراضي اليَاما أدّتْ
نورا . بقّتْ من تُرابه
وماشي في الأعماق سحابه
مشتهنِّها والله جابه
الله جابه . الله جابه
للجنوب طبلاً يَهَدْهِدْ
ليل مشاعر ناس تعابة
وللشّمال طنبور يَسَكِّتْ
دمعة الميتين كآبة
ما عِرِفْتِنْ نورا إنتِنْ
قولِنْ إنتن شِنْ عِرِفْتِنْ
نورا
عايز تقرأ قالتْ
فوقا حيطة الدِّنيا مَالتْ
خَتّتْ الكرّاس وشَالتْ
منجلاً صَالَتْ بو جَالَتْ
لامِنْ إنجرحت بو شالَتْ
لي التراب فوق إيده كَالَتْ
ومَرّة يوم في الدُّونْكَا لِدْغَتْ
جاء الفقير بالليل حَوَاهَا
ويوم ملاها الهم قطايع
جاء البصير بالنّار كَوَاهَا
ونورا . ما قِدْرَتْ تمانع
تقنع النّاس المعاها
مرة شافت في رؤاها .
طيرة . تاكل في جناها
حيطة تِتمغّى وتفلّعْ
في قَفَا الزّول البناها
في جنينة سيدي سِمْعَتْ
شتلة تصقع لي الوَرَاها
الأرض
لابُدَّ
ترجع .
للتِّعِب فوقا ورعاها .
غيمة . والنِّيل موجو لاها
والعطش شقّقْ شفاها
الشّمس طَبَقت ضُحَاهَا
الخليقة لقت إلاها
نار
عقاب إنسان مكسّر
فوق تَلَكِّيات متاهة
وضَوْ من الله رهاب مكتّفْ
في وتيد اللّيل معاها
بين ربوع حَضَره وخلاها
فَسّرَتْ لي النّاس رُؤاها
وقالوا جَنّت ومو براها
ونورا زادت فوق شقاها
و صَدّتْ الأيام تحُشْ
تبني لي عصفورة عُشْ
في السّواقي تشوف عزاها
لما شوقه يسوِّي أُشْ
تملا . تزرعْ
ترعى تقرع
للنهار في الليل تخُشْ
عِرْفَتْ الشّقَا والشّقَاوة
إلاّ
ما عرفت تغُشْ
شايلة طولة البال من الله
ومن أراضينا الإثارة
وماشي تكدح طول نهاره
وترجى لما الليل يَفلِّلْ
تسرِق ألمي عشان خداره
عشان صغاره
عشان خداره
عشان صغاره
ولما ترجع لي دياره
تنزف أحلام الفقارى
من عويناته الحيارى
لي غُبار الحال تقُشْ
فوقو لي الآمال ترُشْ
نورا
تقعد
صاحيي تحلم
بي بيوت بي نور ودُشْ
وبالمحبة تشُق دروبه
ولي قلوب الكل تخُشْ
نورا .
تحلم بي وجود
ما مشت بينو القيود
أفضل أفضل بي الكتير
بي وطن من غير حدود
نورا تحلم بي عوالم
زي رؤى الأطفال حوالم
لا درادر
لا عساكر
لا مظاليم
لا مظالم
.
نورا تحلم
ولما تحلم . نورا ترجِفْ
ولما ترجف نورا تحلم
ولما ريح الواقع المُرْ
لي عشيش أحلاما ينسِفْ
نورا . تنزِفْ
وفي الوجود وجدانه يهتفْ
حالة تقرِفْ
حالة تكسِفْ
حالة تكسِفْ
حالة تقرِفْ
وتبدا تقضِفْ
ولما تقضِفْ
بالا يهتِفْ
وتملا باله أحلام بتلصِفْ
يوم حا تنصِفْ
يوم حا تنصِفْ
نورا
لسّه بعيد
هناكَ
وتبدأ تحلم
ولما تحلم نورا ترجِفْ
ولما ترجف نورا تحلم
صاحيي تحلم
وصَاحْ بتحلَمْ
صاح بتحلَمْ
بتحلم صاحْ
|
|
 
|
|
|
|
|
| العنوان |
الكاتب |
Date |
 البدخلو الحضرة دونما نوبة .. زول جديد | بدري الياس | 11-29-04, 10:44 PM |
| Re: البدخلو الحضرة دونما نوبة .. زول جديد | يازولyazoalيازول | 11-29-04, 11:17 PM |
| البدخلو الحضرة دونما نوبة.... زول جديد | Ahmed Daoud | 11-29-04, 11:52 PM |
| Re: البدخلو الحضرة دونما نوبة .. زول جديد | almulaomar | 11-30-04, 00:04 AM |
| Re: البدخلو الحضرة دونما نوبة .. زول جديد | مأمون التلب | 11-30-04, 00:07 AM |
| Re: البدخلو الحضرة دونما نوبة .. زول جديد | أحمد الشايقي | 11-30-04, 00:12 AM |
| Re: البدخلو الحضرة دونما نوبة .. زول جديد | بدري الياس | 11-30-04, 01:30 AM |
| Re: البدخلو الحضرة دونما نوبة .. زول جديد | Adil Osman | 11-30-04, 02:05 AM |
| Re: البدخلو الحضرة دونما نوبة .. زول جديد | مصطفى عجب | 11-30-04, 02:20 AM |
| Re: البدخلو الحضرة دونما نوبة .. زول جديد | mahdy alamin | 11-30-04, 02:55 AM |
| Re: البدخلو الحضرة دونما نوبة .. زول جديد | بدري الياس | 11-30-04, 11:15 PM |
| Re: البدخلو الحضرة دونما نوبة .. زول جديد | لؤى | 12-01-04, 05:23 AM |
| Re: البدخلو الحضرة دونما نوبة .. زول جديد | nada ali | 12-01-04, 05:39 AM |
| Re: البدخلو الحضرة دونما نوبة .. زول جديد | Adil Osman | 12-01-04, 06:16 AM |
| Re: البدخلو الحضرة دونما نوبة .. زول جديد | HAMZA SULIMAN | 12-01-04, 07:34 AM |
| Re: البدخلو الحضرة دونما نوبة .. زول جديد | بدري الياس | 12-06-04, 02:35 AM |
| Re: البدخلو الحضرة دونما نوبة .. زول جديد | بدري الياس | 12-06-04, 02:42 AM |
| Re: البدخلو الحضرة دونما نوبة .. زول جديد | mohammed alfadla | 12-06-04, 04:14 AM |
| Re: البدخلو الحضرة دونما نوبة .. زول جديد | محمد بهنس | 12-06-04, 04:24 AM |
| Re: البدخلو الحضرة دونما نوبة .. زول جديد | Ameer Farouq | 12-06-04, 04:37 AM |
| Re: البدخلو الحضرة دونما نوبة .. زول جديد | Adil Osman | 12-06-04, 05:10 AM |
| Re: البدخلو الحضرة دونما نوبة .. زول جديد | بدري الياس | 12-07-04, 03:29 AM |
| Re: البدخلو الحضرة دونما نوبة .. زول جديد | Tumadir | 12-07-04, 03:32 AM |
| Re: البدخلو الحضرة دونما نوبة .. زول جديد | sympatico | 12-14-04, 07:03 AM |
| Re: البدخلو الحضرة دونما نوبة .. زول جديد | Agab | 12-14-04, 07:26 AM |
| Re: البدخلو الحضرة دونما نوبة .. زول جديد | بدري الياس | 12-16-04, 03:54 AM |
| Re: البدخلو الحضرة دونما نوبة .. زول جديد | bayan | 12-16-04, 07:59 AM |
 Re: البدخلو الحضرة دونما نوبة .. زول جديد | الجندرية | 12-16-04, 10:19 PM |
| Re: البدخلو الحضرة دونما نوبة .. زول جديد | المكاشفي الخضر الطاهر | 12-17-04, 01:23 AM |
| Re: البدخلو الحضرة دونما نوبة .. زول جديد | تراث | 12-17-04, 01:04 PM |
|
| |
Adil Osman
فيس بوك
تويتر
انستقرام
يوتيوب
بنتيريست