|
|
 كل ما نشتل الافراح .. تجي الغنماية تاكلها .. !
|
خرجت من الحلة الجديدة ميما ً شطر الصحافة وقد تزودت بما يعينني على مشقة الطريق مصطحبا معي كيس دعول من الصعوط الفاشري الممتاز .. وكان علي الابتعاد عن زحمة الناس لاغتنام فرصةً ركوب احد الاملاح .. وعلى مسافة فرسخ أو فرسخين قابلت مجموعة من اهل العوض فشددت على كدارتي لأستعجل اجتيازهم .. فهم من النوع الذي يطير الملح من الملاح ..
فأستوقفني أحدهم مستفسراً ..
يا ولدنا عليك الله ما بتعرف لينا الاستبالية بتاعت الرهبات بي وين ..
فوجدتها فرصة لأقف وأستجمع انفاسي ..
وبما ان الدنيا كانت دعاش والجو صفا وغاب الاتر ..
اخرجت هذا الفاشري .. ونفضت الكيس نفضة لو نفضها غسال لقميص لتداعت له كل القمصان بالسهر والحمي
ثم دنكلت سفةً .. ووضعتها دقاراً ..
ونفضت يدي .. بطريقة اشبه بالتصفيق في رقيص عروس ..
وتنحنحت .. وطلبت منه أن يعيد علي مسامعي السؤال مرة اخري ..
دايرين نمشي الاستبالية بتاعت الرهبات ..
طيب ما تمشوا الحاميكم منو ؟!!
والله بس ما عارفنها بي وين ..
ووكت ما عارفنها ماشين لشنو ..
اصلو عندنا بتنا علوية .. عقبالك كدا ولدت ..
وأصبت بالصدمة ..
وتأملت الجزء الاسفل من جسدي ..
ولم استطع تأمل الجزء الفوقاني .. لعدم وجود مراية في الزلط ..
كيف يعني عقبالي انت يا زول انطسيت في نظرك ..
انا راجل ضكر ..
و ضكور الانسان عادةً ما بتلد .. بتبيض بس ..
وانتقلت عدوي الدهشة اليه ..
كيفن بتبيض .. والله يا ناس الخرتوم عليكم جنس حاجاتن ..
ايوه بتبيض .. ما سمعت بقولوا ليك الزول دا بيض .. اها دا بالذات فقسو راجل ..
وافتر ثغره عن ابتسامة .. يبدو انه أعجب بالفكرة ..
وأظنه ايضا تمني ان يهبه الله ولداً بيضاً ..
ليتباهى به امام صهره .. ويريه انه في الامكان الاستغناء عن كريمتهم الشلولخ ... !!
التي كانت تقف الي جانبه .. علي ما أظن ..
اها .. يا زول دايرين نمشي نحصل بتنا دي .. وصف لينا الاستبالية ..
اول حاجة يا عمنا كلمة الاستبالية دي بتذكرني بالحكم الثنائي .. والباب العالي والارناؤوط ..
وبصراحة طوالي بربطها بالشفخانة والاجزخانة والادبـ ...
وصمتت ... لوجود بعض النساء .. ذوات الشنب والجلحات ..
المهم .. يا عشا البايتات ..
اسمها المستشفي الرهباتية .. دا اذا كنت بتستعمل الفصحي بالتعريف بأل ..
اما اذا كنت من ناس معجون ابو صفقة .. فهي يا بني آدم مستشفي الرهبات للولادة ..
وبتلقاها في نص الخرطوم ..
ووين في نص الخرطوم بالتحديد .. بعدما زفر زفرة ضيق الصدر ..
" ضيق الصدر دا .. اخو مقتدي الصدر بالحيطة "
ياخي صلح سؤالك .. اول شئ اسألني نص الخرطوم وين ..
وامتنع عن الكلام .. فا واصلت الحديث ..
اول بالتبادي نص الخرطوم دي منطقة جغرافية .. ذي نص الهلال كدا ..
بس ما بلعب فيهو هيثم مصطفي ...
ديل رياضتهم سباحة ..
يعني تماسيح ساااااي ..
فعشان تمشي هناك .. لازم تكون بتعرف تعوم ..
وابتعدت مسافة متر الي الخلف ..
خشية ان يرقعني كف ..
وكان في هذه الاثناء .. قد استوقف احدى الراكوبات العامة ..
وقفز فيها هو ومن معه من الباك استريت بويز ..
فلوحت لهم مودعا ..
فاخرجت احدى الباكات راسها من النافذة ..
ولا النافذة دخلت في راسها .. ما عارف
وقالت ..
امشي يا معولق .. !!
يا عوير
يا متخلـ ..
يا أهـ ..
وكان صوتها يبتعد كأنه بص سيرة مرا من أمامي ..
فما كان مني الا ان اقول لها ..
أبشر يا عريس ..!!
ومضيت في طريقي .. وانا أدندن
بالاغنية الخالدة بتاعت الفنان الخالد ..
آآآآآي .. المنطقة ..
حديد تقيل .. في المنطقة ..
وجب .. جب .. جب ..
واحتوتني هالةٌ من الفرح الخرافي .. !
--------------------------
--------------------------
--------------------------
بعدما احتوتني الهالة بتاعت الفرح الضأني هذه ..
وهي بالمناسبة " اي الهالة " غير الهالة حقت قوته ..
رغم اشتراكهم في صفة .. فرح ..
وطبعا ايضا فرح هذا غير فرح اللص بتاع الاطلنطي ..
وانما حالة .. تعتريك .. تعتقد معها ان اسامة ممكن يرجع ليك قروشك ..
المهم ..
بعد يأسي من استجداء اصحاب البكاسي واللواري ..
وبعض الكريسيدات ..
وبعد عمل استخارة ضمنية .. بطريقة طرة وكتابة
ركبتُ البص السياحي .. المليء بالناس الماسياحيين ..
لمن شعرت بأنه زعلان .. " اي البص السياحي "
وبقيت أعاين في الوجوه ..
وفجأة .. رأيتها ..
بيضاااااااء ...
وتضع في رأسها وردةٌ حمراء ..
عيونها بتبرق وبتلمع مع الضوء الجاي من الشبابيك ...
عيونها بلون الذهب
كانت تغني ..
وعندها صووووت ..
اجمل من السيمفونيات بتاعت بتهوفن .. كلها
وأحلي حتي من بتاعت هوفن ذاتو .. ابو البت ..
عاينت ليها ..
عاينت لي ..
بربشت ليها بي عين واحدة .. بربشت لي بالاتنين ..
هنا تجلت فوق خشمي الابتسامة ..
وبقيت اتخيل
انا وهي قاعدين في حوش بيتنا سوا
انا وانت والنجم والمساء علي قول الفنان عاطف حيدر بورسودان الاُبيض
وانا غارق في احلامي السعيدة دي
اذا بها تقوم فوق وتفرد جناحاها وتطير من شباك البص السياحي
واذ بي اسمع صوت المرأة التي كانت تضعها بجانبها
تكورك جدادتي
جدادتي طارت
فأصبت بأحباط ..
طرشق الهالة آنفة الذكر ..
وهي بالمناسبة " اي الهالة " غير الهالة حقت قوته ..
رغم اشتراكهم في صفة .. فرح ..
وطبعا ايضا فرح هذا غير فرح اللص بتاع الاطلنطي ..
وانما حالة .. تعتريك .. تعتقد معها ان اسامة ممكن يرجع ليك قروشك ..
وأسامة هذا .. صديق الطفولة ..
تعرفت به في معسكرات الخدمات الالزامية ..
ولهذا فهو صديق طفولة ..
فهناك أما ان ترتدُ طفلاً .. أو تجنُ ..
وانا أدعوها بالخدمات الألزامية ..
نسبة لكمية الخدمات التي نقدمها ..
من تنطيط .. ودحرجة .. ووقوف ..
وفي بعض الاحيان .. قد يطلب منك ..
ان تكون كرة قدم ..
كلها خدمات .. وهي الزامية ..
والا الطيارة قامت ..
ومع كثرة سقوط الطائرات هذه الايام ..
اصبح " حاضر يا كمندان " ..
تفي بالغرض ..
المهم ..
كنا نجلس امام منزلهم الكائن ..
وكل المنازل كائنات ..
وكان الوقت .. يغريك من جماله ..
ان تضعه في رف الذكريات ..
فالحاضر للمواجع فقط ..
هكذا .. قد علمونا ..
فأقترحنا ان هذا الوقت الآن .. أول امبارح
قال لي ..
يا خوي هوي خليك معاي هنا لمن تطلع الشمس وتقوم الواطة ما تمغرب
قلت ليه ..
لكن يا حسن انا عايز امش لي الزول دة لانو قال لي مرتو زعلانة وقاعدة تتوحم علي جردل القمامة .. وكملت عليهم الاكياس ..
فألتفت الي مستغربا ..
حسن منو يا اخوي ..
فأندهشت ..
الظاهر الليلة البليلة بلا يخكم عديل كدا ..
وانفقعنا في الضحك ..
يا زول انت والله ما بتتوب ..
تتذكر يوم ديك .. شبكتني الجو جميل
والكون ملون بي اجمل العطور
تراها الريحة طاقة في السما لمن جاتنا الطارة وقمنا ليك جارين بالعكس لمن ناس الحلة استغربو وقالو الفلم يكون جارينو لورا ..
وضحكنا حتي اهتزت شجرة النيم
واحتوتنا هالة من الفرح الخرافي ..
فقلت ليهو أديني قروشي ..
فقال لي .. ما عندي والله ..
وواصل الضحك ..
فأصبت بأحباط آخر ..
طرشق لي هالتي ..
وهي بالمناسبة " اي الهالة " غير الهالة حقت قوته ..
رغم اشتراكهم في صفة .. فرح ..
وطبعا ايضا فرح هذا غير فرح اللص بتاع الاطلنطي ..
وخرافي هذا غير عبد الرحمن خرافي الذي حرضنا علي الاعتصام ..
وانما حالة .. تعتريك .. تعتقد معها ان اسامة ممكن يبقا حسن ..
|
|
 
|
|
|
|
|
| العنوان |
الكاتب |
Date |
| كل ما نشتل الافراح .. تجي الغنماية تاكلها .. ! | humida | 06-19-04, 11:04 AM |
| Re: كل ما نشتل الافراح .. تجي الغنماية تاكلها .. ! | Ahlalawad | 06-19-04, 12:25 PM |
| Re: كل ما نشتل الافراح .. تجي الغنماية تاكلها .. ! | humida | 06-19-04, 12:58 PM |
 Re: كل ما نشتل الافراح .. تجي الغنماية تاكلها .. ! | Rawia | 06-19-04, 01:05 PM |
| Re: كل ما نشتل الافراح .. تجي الغنماية تاكلها .. ! | humida | 06-19-04, 01:19 PM |
| Re: كل ما نشتل الافراح .. تجي الغنماية تاكلها .. ! | Rawia | 06-19-04, 01:45 PM |
| Re: كل ما نشتل الافراح .. تجي الغنماية تاكلها .. ! | Ahlalawad | 06-19-04, 12:29 PM |
| Re: كل ما نشتل الافراح .. تجي الغنماية تاكلها .. ! | almulaomar | 06-20-04, 08:51 AM |
| Re: كل ما نشتل الافراح .. تجي الغنماية تاكلها .. ! | humida | 06-20-04, 09:07 AM |
| Re: كل ما نشتل الافراح .. تجي الغنماية تاكلها .. ! | almulaomar | 06-20-04, 09:33 AM |
| Re: كل ما نشتل الافراح .. تجي الغنماية تاكلها .. ! | humida | 06-20-04, 09:46 AM |
| Re: كل ما نشتل الافراح .. تجي الغنماية تاكلها .. ! | almulaomar | 06-20-04, 11:10 AM |
| Re: كل ما نشتل الافراح .. تجي الغنماية تاكلها .. ! | المسافر | 06-20-04, 10:42 PM |
| Re: كل ما نشتل الافراح .. تجي الغنماية تاكلها .. ! | humida | 06-21-04, 12:58 PM |
| Re: كل ما نشتل الافراح .. تجي الغنماية تاكلها .. ! | ali othman | 06-24-04, 08:57 AM |
| Re: كل ما نشتل الافراح .. تجي الغنماية تاكلها .. ! | humida | 06-25-04, 02:57 PM |
| Re: كل ما نشتل الافراح .. تجي الغنماية تاكلها .. ! | تولوس | 06-21-04, 00:58 AM |
| Re: كل ما نشتل الافراح .. تجي الغنماية تاكلها .. ! | humida | 06-21-04, 11:36 AM |
| Re: كل ما نشتل الافراح .. تجي الغنماية تاكلها .. ! | almulaomar | 06-21-04, 12:33 PM |
| Re: كل ما نشتل الافراح .. تجي الغنماية تاكلها .. ! | bayan | 06-21-04, 12:45 PM |
| Re: كل ما نشتل الافراح .. تجي الغنماية تاكلها .. ! | humida | 06-21-04, 12:48 PM |
| Re: كل ما نشتل الافراح .. تجي الغنماية تاكلها .. ! | humida | 06-21-04, 12:54 PM |
| Re: كل ما نشتل الافراح .. تجي الغنماية تاكلها .. ! | almulaomar | 06-21-04, 01:04 PM |
| Re: كل ما نشتل الافراح .. تجي الغنماية تاكلها .. ! | humida | 06-21-04, 09:45 PM |
| Re: كل ما نشتل الافراح .. تجي الغنماية تاكلها .. ! | humida | 06-21-04, 01:03 PM |
| Re: كل ما نشتل الافراح .. تجي الغنماية تاكلها .. ! | WaD OmI | 06-22-04, 03:02 AM |
| Re: كل ما نشتل الافراح .. تجي الغنماية تاكلها .. ! | humida | 06-22-04, 03:06 AM |
| Re: كل ما نشتل الافراح .. تجي الغنماية تاكلها .. ! | WaD OmI | 06-22-04, 03:13 AM |
| Re: كل ما نشتل الافراح .. تجي الغنماية تاكلها .. ! | almulaomar | 06-22-04, 06:47 AM |
| Re: كل ما نشتل الافراح .. تجي الغنماية تاكلها .. ! | humida | 06-22-04, 07:59 AM |
| Re: كل ما نشتل الافراح .. تجي الغنماية تاكلها .. ! | almulaomar | 06-22-04, 10:18 AM |
| Re: كل ما نشتل الافراح .. تجي الغنماية تاكلها .. ! | humida | 06-22-04, 11:40 AM |
| Re: كل ما نشتل الافراح .. تجي الغنماية تاكلها .. ! | almulaomar | 06-22-04, 01:00 PM |
| Re: كل ما نشتل الافراح .. تجي الغنماية تاكلها .. ! | humida | 06-22-04, 11:39 PM |
| Re: كل ما نشتل الافراح .. تجي الغنماية تاكلها .. ! | almulaomar | 06-23-04, 02:31 PM |
| Re: كل ما نشتل الافراح .. تجي الغنماية تاكلها .. ! | humida | 07-11-04, 06:18 PM |
| Re: كل ما نشتل الافراح .. تجي الغنماية تاكلها .. ! | ودرملية | 07-11-04, 07:09 PM |
| Re: كل ما نشتل الافراح .. تجي الغنماية تاكلها .. ! | humida | 07-12-04, 02:04 PM |
| Re: كل ما نشتل الافراح .. تجي الغنماية تاكلها .. ! | humida | 07-13-04, 06:57 PM |
| Re: كل ما نشتل الافراح .. تجي الغنماية تاكلها .. ! | almulaomar | 07-14-04, 01:28 AM |
| Re: كل ما نشتل الافراح .. تجي الغنماية تاكلها .. ! | Sobajo | 07-14-04, 10:20 AM |
| Re: كل ما نشتل الافراح .. تجي الغنماية تاكلها .. ! | humida | 07-14-04, 03:20 PM |
|
| |
humida
فيس بوك
تويتر
انستقرام
يوتيوب
بنتيريست