|
|
 Re: مذكرات معلمة تربية خاصة (Re: sharnobi)
|
السلام عليكم:
سوف اواصل اللي بديتو في نفس البوست ، حاولت انا وزميلاتي انو نعمل لينا حاجة عشان نساعد المعاهد اللي بتهتم بذوي الإحتياجات الخاصة. فكرنا نعمل حفلة في الجامعة لصالح تمويل هذه المعاهد و كانت فكرة جميلة جدا لكن طبعا ما قدرنا نعمل الحفلة لأنو في الوقت داك حصلت حادثة الأحفاد المشهورة لما ناس الأمن خشو الجامعة و جلدوا البنات والنس طبعا كلها عارفة الحكاية دي فإدارة الجامعة رحبت بالفكرة لكن الخوف كان من ناس الأمن انو يجو تاني وتحصل مصيبة تاني . المهم فكرنا انو نمشي للمنظمات الموجودة اللي بتهتم بذوي الحاجات الخاصة وبرضو دي ما جابت اي نتيجة لأنو معظم النظمات دي عندها تمويل لمشاريع معينة ولازم التمويل يكون في إطار المشروع. يعني الأبواب و الحمدلله اتقفلت في وشنا قمنا عملنا شنو.
كل واحدة فينا اتبرعت بشي من بيتهاللمعهد اللي بتعمل فيه التدريب بتاعها اللي جابت كرسي ، كراريس، اقلام،لعب وحاجات كتيرة . كانت والله ايام جميلة و مبادرة حلوة من بنات في مقتبل العمر . لكن انا الموضوع كان شاغلني جدا وبقى القضية اللي بدافع عنها لهذا اليوم
ليه معاهد زي دي ما تلقى التمويل اللازم، ليه الراي العام ما بشتغل بقضايا زي دي ليهوليهوو ليه دي كانت اسئلة في راسي
في السنة النهائية في الأحفاد كان علينا اختيار موضوع لعمل دراسة فيه يعني بحث التخرج فقلت دي التاهية اللي بفتش عليها
ونواصل
|
|
 
|
|
|
|
|
| العنوان |
الكاتب |
Date |
| مذكرات معلمة تربية خاصة | MAHA ABDALLA | 06-05-04, 06:07 AM |
| Re: مذكرات معلمة تربية خاصة | MAHA ABDALLA | 06-05-04, 06:44 AM |
 Re: مذكرات معلمة تربية خاصة | salwa elsaeed | 06-16-04, 10:52 PM |
| Re: مذكرات معلمة تربية خاصة | سارة منصور | 06-05-04, 06:46 AM |
| Re: مذكرات معلمة تربية خاصة | nada ali | 06-05-04, 07:04 AM |
| Re: مذكرات معلمة تربية خاصة | Kostawi | 06-14-04, 08:06 PM |
| Re: مذكرات معلمة تربية خاصة | sharnobi | 06-05-04, 07:21 AM |
| Re: مذكرات معلمة تربية خاصة | MAHA ABDALLA | 06-16-04, 04:18 AM |
| Re: مذكرات معلمة تربية خاصة | فتحي الصديق | 06-16-04, 10:48 AM |
| Re: مسز مى وابنتى | bayan | 06-16-04, 01:50 PM |
| Re: مذكرات معلمة تربية خاصة | Teeta | 06-16-04, 02:03 PM |
| Re: مذكرات معلمة تربية خاصة | منعمشوف | 06-16-04, 05:01 PM |
| Re: مذكرات معلمة تربية خاصة | Hussein Mallasi | 06-16-04, 08:21 PM |
| Re: مذكرات معلمة تربية خاصة | salwa elsaeed | 06-17-04, 12:23 PM |
| Re: مذكرات معلمة تربية خاصة | Tabaldina | 06-20-04, 08:25 AM |
| Re: مذكرات معلمة تربية خاصة | tiger18 | 06-20-04, 10:40 AM |
|
| |
فيس بوك
تويتر
انستقرام
يوتيوب
بنتيريست