|
خـيمة شـنتير .. المُـطْـمَئـنّة
|
Back to the Backbones. To the Primary Embryonic Factors of Shinteer. Nothing on earth is healing than turnining one's neck back every now and then, lest the gaping alligator's mouth of denaturalization will swallow the last Shinteer.o
This is a Disposable Post. Read and bid farewell, to save our mother Mrs. Bandwidth.o
سدْر اللكّة مقيلِك وبالسُّرّّيح برخيلِك تلْت الليل هاج فيلِك وكَضَب الـ قال بِدنيلِك ---- مي جقيساء مربيت باعْصة الديش لا سيتيت دورِك لَفْ لا اللكبيت وبزيدو الـ فوقِك عيريت --- فاتية مدني الـ رقصت فوق مردود ما حقصت وكْت اللبّالة اتْدقَسَت صيف وخريف ما نقصت --- الدبساء الراسْها خلال شايلابي الليل لا الشُهْلال تتّرّز مابية المُقْبال بتسوْ قدَلة بت رحّال ---- أدّيتو العيش بالباطية كان تقوى جريدتو العاتية على الما نضمت خاتية بتْشلّلع متل الفاتية --- سيدِك شنتير مو عايب معاهو جُبارْةْ الشايب تابعِك وشحمِك رايب ولنشوغِك عندو ضرايب --- يا شنتير ضَعَنك نشْ ما تباري الدار الغشْ شِبْ فوق تيساً طشْ بـ وعَرة غشاها الرشْ ---- مِلْحات السوق ما بضوكِّن ولا بتْطَعّم لايوكِّن تابع العامر سوكِّن وليهِن دقَنة حلوكِّن ----
|
|
|
|
|
|
|
|
Re: خـيمة شـنتير .. المُـطْـمَئـنّة (Re: Shinteer)
|
عُـــنْج .. الـ قمّحَن ظرْف الرشيدي وفـزّن وشَـرَفَن كلّـــهِن فوق العوالي .. وغـزّن هِـنْدة فطيمتِن ست الطبايْع العـزّن خلّت روحي مجروحة وضميري مَحَـزّن ----
Self-Propelled-Grenade kind of a post.o
| |
|
|
|
|
|
|
Re: خـيمة شـنتير .. المُـطْـمَئـنّة (Re: الجندرية)
|
الجندرية بت ناس عبد الجليل .. نعلك طيبة؟ إن شاء الله يباركوا ليك جديد العيال.
انا قلت انو البوست ده "Disposable" .. يعني أقرأ وأجدع .. اقرأ وأرمي في الزبالة. لكن مادام مصرة على عدم الجدع في الزبالة .. شوفي لي أهل العوض ونزار وقيسان وين غاتسين .. وأي واحد تاني من الناس الرايقين.
تحياتي شنتير ود أبو شنتير
| |
|
|
|
|
|
|
Re: خـيمة شـنتير .. المُـطْـمَئـنّة (Re: Shinteer)
|
الصيف أنصرف جانا الرشاش وهبايبو براقو البلوح الحر طفاها لهايبو رف وساق ورزما فوق قصيره سحايبو كاب مايا كتير والفيخ فناها دبايبو
شرب الطين وحامن للزراعه ركايبو سيد المال يصدف في الخلوق وضرايبو حرات المسور هام بالعمل ما بغايبو من زيف عفرت البراق مرمي لكايبو
عقب ا شنتير .... ويا جندريه سلام
| |
|
|
|
|
|
|
Re: خـيمة شـنتير .. المُـطْـمَئـنّة (Re: elhaj)
|
Quote: ماك التمبل أب جسماً بـخُـم الدوف قطْـبـيّاً نحيــــــــف عينك بعيد بتشوف بتفِـك الـ بناتِـل بـ أم زوير مكتوف وفضليّـاً تكافي السـيّـة بالمعروف |
سى.. سى ... سى... وليدى شنتير الله يديك العافية يا حصيف
| |
|
|
|
|
|
|
Re: خـيمة شـنتير .. المُـطْـمَئـنّة (Re: Shinteer)
|
شيخي شنتير ..!! لا والله عوجة تب .. سامع حسك ، وشايف اترك .. لاكين مشيك في عترة .. الله يجيرك ويهون ليك البقيلك ويعدل ختوتك .. ماك شبه من يتخترى عليه كاينن من كان .. لاقيت قيسان يقريك السلام .. وكان ما أخاف الكضب .. بيتغدى عندك :
البارح صبيب برق السواري قبلهن صقطو الجابو موجات القلب حولهن الإتسربقن قبل السبية قبلهن سفكن دمنا وجرًح ضميرنا شللهن
سلف العنّز الردن مكافي سهلهن عنج ورقاق وما شالن درار وحلهن رب القدرة بي الصبا والسماح جملهن دعّج مايقن دغس العيون كحلهن
بنات ام ساق وحش غنم القنوبة نسلهن الدغس الرقاق هرج الظرف كملهن جدعن بي هويد جايب بنات ومحلهن يا ستار علي عنج الرقاب وجهلهن
تنيات الوحل رب العباد وصلهن دايرات الجفاف روع البهم عطلهن هكعن فوق حدر صرف الرشيدي غفلهن رتعن فوق علو البدوي السلاح جفلهن
| |
|
|
|
|
|
|
Re: خـيمة شـنتير .. المُـطْـمَئـنّة (Re: Ahlalawad)
|
شنتير تحياتي أيها الصديق الصدوق يوم شكرك ما يجي
(سيدِك شنتير مو عايب معاهو جُبارْةْ الشايب تابعِك وشحمِك رايب ولنشوغِك عندو ضرايب)
أنا غايتو معاك و مع جبارة الشايب ( كلنا شياب )
أرقد عافية و ما تطول الغيبات
| |
|
|
|
|
|
|
Re: خـيمة شـنتير .. المُـطْـمَئـنّة (Re: Ahlalawad)
|
يا ود شنتير...
الزمن دا بقيت تكاتل...آ...خوي...حرم كان ما لقيت كلمة المطمئنه دي ما بدخل تب...ها زول ابقي زول نضم ودوبيت مالك ومال الكتال...الفي الهواء ساكت...الشي مافي طريقة مطالعه وبطان...قال لي وقتلك بي الحيطه ما بتنفع لي كتال...ما بالك بي حيطه في الهواء...لا تقدر تدفر الحيطه ترميها فوق صنقور زول ولا تقدر تتختراها...حيطه هواء مبنيه بي باندويث....جيتك هناك وقلتلك نضمي دا علا شفتك حقرتو...قلت الزول دا زول كتال النختاه هسع...
يا تفاحة المنقه ام صنيعا شاتل نفسك مسكة البي صيدتو غوّص حاتل ما دام هامه راحة التيس عليك ما يناتل ختيلو العلوق وانصرفي منو بكاتل
| |
|
|
|
|
|
|
Re: خـيمة شـنتير .. المُـطْـمَئـنّة (Re: Shinteer)
|
خيمـة شنتير نصبوووهاااا جـوها العربان قصدووهااا ماهلة ومخدومـة لقووهااا هجرو الترحال عمرووهااا
شنتيير حاشـاك العيبـااا انت الكُرمـات بتجيييبااا الدنيـا صروفـا عجيبااا ترمي الأشراف بالريبااا
الشجرة المثمر عاليهااا ديما الحجار بتجيـهاااا والشجرة الشوك دانيهااا ميـن البيجيب طاريهااا
| |
|
|
|
|
|
|
Re: خـيمة شـنتير .. المُـطْـمَئـنّة (Re: Shinteer)
|
هاهاهاهاهاها ..يا جماعة والله انا متكيف بالحيل .. والله كيفاًً بس سرفة الكُباية ام قرين بي شاي لبن..أحمدك يا الله .. ------- اها كيف حالكم يا جماعة ..أريتكم طيبين.. شنتير ..الجندرية ..بيان ..الحاج..اهل العوض ..نزار ..سنجاوي ..وكل من تداخل او مر من هنا
انا والله شكلي مااا ني فاهم الحاصل شنو لاكين ..غايتو اصلو كل ما القى الخيمة والنم بقوم فوقا تب ..
- قُتا لي ياااا شنتير "بتسوْ قدَلة بت رحّال"؟؟
دحين يا جماعة نامن اجيكم صاد..خلوني اكمل كيفي دا ..
اقعدوا عافية
قيسان
----------- الشوق لأم شديدة وشدة الخبّاب
| |
|
|
|
|
|
|
Re: خـيمة شـنتير .. المُـطْـمَئـنّة (Re: Shinteer)
|
صوت ام جقري والقارابين، صواقعا كارا واطرا الليلا يا شنتير، ام حمد والسارا
علا، ان بقا علي خيك:
فباكل، حارا، ما ضوق باردا ماك داريني؟ اسعل مني رضعاي، البعرفوا قريني وانا ابو السارا، كان يبقي الكلام عانيني صوت ام جقري، والقارابين، دوام باريني
من دا الحين، شياخة العرب بالبورد، الت لي بشاشا، فحقك راح يا شيخ العرب "سابقا"، شنتير.
| |
|
|
|
|
|
|
Re: خـيمة شـنتير .. المُـطْـمَئـنّة (Re: Bashasha)
|
الحبيب شنتير تحياتي وحمداً لله على سلامة رجوع الخيمة وهاك دي قبال ما ندخل لجوه
*رُفـــــــَاعَه الرُبَّة* قَافَاها البــــَليب* طَربــــــانْ نــــــــَاطح المِنُّو ميثـــــــاق قلبي مو خَرْبــــــَانْ فـــــــوسيبْ* السَواقي البي اللَدوب* شَرْبــــانْ بِلودُوْ بعيدة فــــــــــوقْ في بَاديةْ العُرْبــــــــــانْ
الحبيب تولوس تحياتي وعظيم احترامي اتصلت عليك مرة أخرى ويظهر برضو نايم على كل حال ساعاود الأتصال بك مرة أخرى وهاك دي هدية *رِجَالْ التَاكــــــَا بي جَاهُــــــــــــن قَواسـيك هَانَتْ مَسكْ فَجـــــــاً عميـــــــــــــــــق والبَيدا ليك ادَّنتْ عَلى الفي جِيــــــــــــــدَا مَتْبور* البَرَاتىْ مَبــــَانتْ* المَخَلوفـــــه ضَجَّتْ من دَويـــــــــــــــــــكَ وعَانتْ
| |
|
|
|
|
|
|
Re: خـيمة شـنتير .. المُـطْـمَئـنّة (Re: ebrahim_ali)
|
يا سلام يا سلام على الكلام المضاد للعولمة .. ومضاد لأوجاع القلب والروماتزيم والشلل والتتنوس والدفتيريا. يا نزار ود حسين .. المحن بِجن ضيفات .. وربنا يكفينا شر المحن. ويا بقية الأخوة أهل العوض ونجاة وياسر الشريف والحاج وتولوس وأبو جهينة وابراهيم علي .. وبشاشة ذات نفسه .. أشكركم على زيارة الخيمة الباردة دي. ونتمنى أن يسود النفس البارد بين الناس. ولسنا انبياء ولا أحدنا المسيح عليه السلام .. وأراني فوق سرج واحد مع ذلك الإعرابي:
إذا كنت للحِلم محتاجاً فإنني .. إلى الجهل في بعض الأحايين أحوجُ فلي فرسٌ للحِلم بالحِلم مُلْجمٌ .. ولي فرسٌ للجهل بالجهل مُسْرج فمن شاء تقويمي فإني مُقَوّمٌ .. ومن شاء تعويجي فإني مُعوّجُ
ومعذرتي لكل حبيب استاء من ركوبي لفرسي الثاني .. فقد اعتليته مجبراً. مع خالص مودتي =======
يوم جات "أم حقيبة" تتاتي .. عقلي انسرّ فاضل لِي السجود .. مع إني لاعْن "أبو مِرّة" شمبانيك ضرب ريش قلبي .. مو من برّة صابر فوق كتـــير .. ومضوّقاني المُرّة -- فرعاً في القرير قايم لتيب ما شرّ لمعن لو البروق سِحبو المزرْقِن جرّ بت الـ بي سِبِع وردن قبل "قوز بُرة" تدفيك في الشتا .. وتبرد ليالي الحرّة
| |
|
|
|
|
|
|
Re: خـيمة شـنتير .. المُـطْـمَئـنّة (Re: Shinteer)
|
اليوم ياحسن اصبحنا فرحانين من كلام ودشنتير اب صباحا زين عادة الدنيا هادي تراها بين موجتين يوم تفرحك ويوما تبكي بالعينين
* * * وهاك من الفرجوني
خريف الخير نزل كل ليلة ليهو بروق والضهر اب حمرب ساوحنو النوق شاشو الناس وشربتو للنشوق بالشوق والجبل اللديهم نيلو زرقن فوق
| |
|
|
|
|
|
|
Re: خـيمة شـنتير .. المُـطْـمَئـنّة (Re: تولوس)
|
Quote: بت الـ بي سِبِع وردن قبل "قوز بُرة" تدفيك في الشتا .. وتبرد ليالي الحرّة |
قوز بره دي يا ود شنتير قريه شمال غرب شندي...علي مسافة 40 الي خمسين كيلو من المتمه...بعد المغاوير وطيبه...وبالشرق توازيها كبوشيه...
امانه نضمك ما بسمح سماحه وقت مزاجك يروق...
ضرّاع واسع الصي اب عدار وشقوق هجم الراقي رايق طبعو مو ملقوق قتلو ارجوك اجلس خل ذهوني تروق قالّي الليل طويل وكت الانس ملحوق
| |
|
|
|
|
|
|
Rep (Re: Shinteer)
|
الأخ العزيز شنتير تحيةً وإحتراما، جئتك زائراً لا عابر سبيل! كانت الظهيرة تتأهب للحضور هنا في الأرض المنخفضة على مرمى حجر ٍ من بحر الشمال. إنتهبت المسافات السحيقة حتي أشرفت على خيمتك القـديمة ـ الجديدة مغروسة في وادي البورد : إنها حقاً لمطمئنة ! وتماماً كما توقعت: تـلقـتتني الخيمة بالبـِشـر والترحاب فـدخلتها مطمئناً، واثقـاً، غـير هـيـّاب، وأعـددت الشاي بنفـسي دون خجل ٍ أوتردد( أوليس البساط أحمدياً؟) وأحتسيته يسامرني السكون المحيط بالمكان . مكـثت ردحاً من الزمن في إنتظارعـودتك التي تأخرت، ثم دفعتني للإنصراف مشاغـل. عـوداً حميداً للمياه الأليـفـة . أخوك عثمان
| |
|
|
|
|
|
|
Re: خـيمة شـنتير .. المُـطْـمَئـنّة (Re: Shinteer)
|
حليلك ياالجلدك ضاوي وريقك تمري وعينك زرقا وسنانك مداهي القمري قالب الجاي من الورشة وفوقو النمري ضمير اللُمو من حضنانو يووووت منهمري ***
السلام علي كل الذين مروا او قعدوا وأتقهوجوا في خيمة شنتير..
** يا نزار قتا لي الزول جاك تب فييي "قوز بُرة"؟؟؟ وقُتلي "قوز برة" بِتقابلو كبوشية بالشرق؟؟؟ - يا جماعة ما تخلُونا في حالنا؟؟!!
---------------اهاااااا
من قِهيد اب ناجمة نويت متصاعد ضهرك قج وسدرك باب وراسك قاعد زولي اللصلو من كلام الناس ديمة متباعد سنونو البرق وبرطمو نيل سحاباً راعد
واقعدوا عاافية
قيسان
----------- الشوق لأم شديدة وشدة الخبّاب
| |
|
|
|
|
|
|
Re: خـيمة شـنتير .. المُـطْـمَئـنّة (Re: gessan)
|
يا قيسان
الدرب انعوج والله شنو؟ والله قامن حلالا كتر...
قوز بدر وقوز بره وكلي والفراحسين والمكنيه...المسافه بيناتن مي بعيده...وبالشرق البلد صقيعه من سندة الدوشين الليلة القطر...تف تمرق في كبوشيه...غايتو دا التقسيم وقت ما خلوه الهمباته والانجليز كان شيتا جدّ هسع ما بعرف؟؟
وكنا نقيسها بالحمير يا قيسان...زي قدر ساعتين جكه...ما قربه
| |
|
|
|
|
|
|
Re: خـيمة شـنتير .. المُـطْـمَئـنّة (Re: Shinteer)
|
شانتير اخوى كيف حالك لو فى البلد انشاء الله نقابلك لو شتات مليون سلام من بلادك ضل خميتك جابلوه سوالف ناس عزاز فى مقامك جينى والشوق مطايا مابسراع الليلة الجيه وباكر ضيوف عارفنك ساتر حالك تحياتى
| |
|
|
|
|
|
|
|