|
بوست ترحيب : وائل محجوب وطلال عفيفى اقلام جديدة فى البورد الجديد
|
اهلى البورداب : ده ترحيب واجب بقلمين يانعين بدماء جديدة تحاول الهموم ذاتها وتكتب حياتها من شارعين فى " حلة " البلد : وائل محجوب : سكرتير تحرير جريدة الايام مراس صحفى سيقنى بالحضور الى هنا لشدة حفاوته بالبورد نحن اكثر حفاوة يا وائل وقلمك سيد بيت وبكان. ثم طلال عفيفى : المريض بالبحار ، الكتابة الموجوعة فى استعادة اللحظة والقبض على الزمان صاحب السيرة صاحب احبار غائرة فى الاثر ومداميك تنتحر عليها الشبهات شبهات واكاذيب البشرى المتانق فى "مولد " الحياة اليومية يسعى ويخيب ويفوته " حمص " الوقوف على اقنعته ومحاورتها فى غلظة وفى محبة . اهلا طلال وائل جانا متجللا بالحماس الدور والباقى عليك املى ان تهبك لنا الاسكندرية قليلا ً ننتظر حضورك.
|
|
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: Giwey)
|
العزاز اهلى : على احمد: يا مراحب يا بن عمى وشكرا على الطلة. انور احمد : مرحبتين وكان على الغنية عندك بكرى اسالوا وبالمرة اغشى البوست ده مرة مرة
مها كيقك؟ لسه حنتلاقى ؟ نحنا اتلاقينا وانتهينا وقليى سيسعنى معك.
سمبتيكو: خيرك سايق يا عزيزى.
عبدالقوى: طلال حدك والكتابة والمنبر بيناتكم بس ما تنسونا بعدين شكرا على الجية اللطيفة
| |
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: فتحي البحيري)
|
عمر : "بركة الجيت" يا خوى وشكرا على الترحاب لكن انا عندى ليك جنس شكية من الغبيانين اخوانك التيمان قاعدة فاتحة خشمى مستنية " العيزومة " حقة العرس عرسك لى يوم الليلة ما قيهم واحد هببو لى على العموم مبروك يا سيدى والشباب ديل الفيهم اتعرفت . ايهاب الطيب : كرم منك جيتك على هنا وانا جد شاكرة ليكم . الموصلى : اصلك ما بتقصر لكن الباقى لى ايميلاتى " ما خارجت معاك " ولا كيف ؟ "عمومن" نحنا فيها يا فنان . فتحى البحيرى: شكرا يا صديق الشى المفرح انو ياهو ده وائل ذاااااتو الليل الايام الا اذا كان فى اكتر من وائل "محجوب محمد صالح" واكتر من جريدة مشاغبة اسمها الايام
| |
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: نجلاء التوم)
|
نجلاء خيتي أخت الغلابة
مالك مع اللوم؟؟
لا حولاا .. ياخ انا خجلان من خوة التيمان دي لمن متضايق هسة .. النبي كان تزعلي....
قولي كويس ..
ياخ انت مش عارفة انا مافيش وشنو شنو كدة؟
خلاص نتفق اول ما ارجع حا تكوني اول معزوم في بيتنا .. كيف معاك؟؟
عليك الله ياخ
....................................................
طلال عفيفي عرفناه ..
وائل محجوب دا يعني وائل محجوب محمد صالح؟
بعدين وينم هم الجماعة ديل .. لسة بسخنوا ولا شنو؟
| |
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: نجلاء التوم)
|
العزيزة نجلاء عثمان التوم
سعدت جدا بحضورك المميز بالبورد كم كنت واثقا دوما بهذا الحضور و الالق الشعرى الذى تحتضنيه
نحن بحاجة الان اكثر مما مضى فلا تبخلى علينا بمساحات شعرية فى هذا البورد
مرحبا بمن هم فى طرفك
و اخرون افتقدناهم محمد مدنى عسى الا تستلبه مقاهى مدينة جدة بصخبها
محسن عبد الفتاح ذلك الفتى الذى ينضد الكلمات عقدا شعريا حتما لن تحاصره هذه المدينة بكابتها
| |
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: AttaAli)
|
تماضر حبيب الله تسلمى يا زولة وعطا مشكور يا سيدى وانا ممتنة ليكم لكن الشباب ديل احرجونى معاكم المفروض يجوا يسلمو براهم وائل قاااعد فى الايام وما عارفة ليهو عزر انما طلال فى مكان ما فى الفاهرة “ فى مهمة سرية” اذا ما ظهرت هنا يا طلال انا حفتك وافت حسين شريف معاك واسرب معلومات عن الفلم الانا ما عارفة عنو اى شى ده غايتو عندك اربعة وعشرين ساعة
| |
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: نجلاء التوم)
|
al3'alia najla al toum ,,,daiman raye3a wa gamila fi kalimatik,,, wal zahir alrai3eeen ma bigibo ella alraye3een zaihaom,,, mar7ab bel a7' waeeel'' wa bai 9a7eeeb al7is al fani wal zoog alllatieef, wal 9oot al dafee TILAL 3AFIFI wa zai ma gal 3omer 3abdel3aziiiz algama3a dail shaklahoom bisa7'ino wa rabana yegiib al3awagiib salima lano dai la3iba goddaad wa lisa 7areeeennn...
| |
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: نجلاء التوم)
|
احبابي اهل البورد وكل من كتب مرحبا اهلا وسهلا اينما كنتم في خرطوم الناس اللاهبة هذي او في الاقاصي النائية تحملون اشواقكم اشواقنا لسودان يقرب من الكف ويبعد مثلما ينائ النجم عن استدارة اكفنا المرهقة .... لقد ارسلت مشاركتين عبارة عن عمودي اليومي بعناوين ( التراضي .. طريق الديقراطية والسلام ) والاخرى ( الاحلام ... والاوهام) ارجو ان تساهموا في استمراري بالعمود في الموقع بالمشاركة والاراء ... اتابع كل ينشر وكثيرا ما ارغب في المشاركة وتحول الظروف دون ذلك ... اها يا نجلا قطعنا حجتك
| |
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: Salwa Seyam)
|
تماضر ام زين : منورة الحتة يا صاحبة والبعرفو انو طلال مهتم بالتواصل معاك وتراكم انتو ووائل عرفة قديمة يعنى انا طالعة منها كده وكده . كل امانىّ ان يكون البورد محل لصناعة الفكر وصقل المعارف ومحاورة اكبر عدد ممكن من الاتجاهات فى الفن والكتابة و انتاج المعرفة وطرق تناولها وهضمها ، فى غياب هذه المواجهات مع انتاج الآخر سيكون من العياء التمسك بحلم وضع طوبة ، حجر صغير فى صروح تعكف الانسانية على الارتفاع بها على المؤقت ، الآنى والمنزور بطبـيعته للنسيان.
| |
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: صديق الموج)
|
الاخ صديق : شكرا ً على التحية المحلاة بالمودة . الشباب اصبحوا طرفكم وحنشوف. طيب يا جماعة الخير "الاخت نجلاء " اللهى انا تستأذن فى انصراف اجبارى الامتحاناااااااات على بعد خطونين ويا وائل تحياتى لكل الناس الهنا والناس الحيجو لسه وبناشدكم باعلان نداء عالمى للبحث عن مفقودى هذا البوست : طلال عفيفى وكتابة طلال عفيفى انا ماشة و خليتكم بعافية .
| |
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: نجلاء التوم)
|
نجلاء التوم يا قلم شجاع ومتميز! فليسمح لي وائل وطلال بالإحتفاء بك هنا مرة أخري
سلامات كتيرة، مش بس بأثر رجعي، بل من قبل الميلاد ذاته! هناك –في بوست الأدب- أنتم يا صديقتي المحترفون ونحن من قذفت بنا الحياة في كثير من المنعرجات، جعلتنا نلتقط شظايا من هنا وهناك! أعجبتني ترجمتك لحجرة الكهرمان كثيرا، وأري أننا سنلتقي في كثير من بساتين هذا البورد - وآمل- الحياة العريضة أيضا. لك محبتي وتقديري
مرحبا مرة أخري بقلم طلال، وقلقه كما أتمني أن يجد الأستاذ وائل مزيدا من الوقت لتعطير منبرنا
إيمان
| |
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: Tlal Afify)
|
طلال : ازيك حمد الله على السلامة ساورنى ظن بركونك الى الصحراء الغربية الى امد يطول سلمت لينا على هانى خليفة ولا لسه رجعت بما مقداره الفى مرة الى الكلوز شوت فى وجه منى زكى وهى تطالع صورة “خالد” وودت لو كتبت هنا ولو القليل عن “ سهر الليالى” الفلم محتشد بالاشواك الانسانية اليومية وحسدتك على امكانية ان تقوم بعمل ما يعادل القراءة الذهتية لمنتوج بصرى من هذه القبيلة
| |
|
|
|
|
|
|
يا مرحبا يا مرحبا يا مرحبا *** هذا الحبيب أتى وكان مغيبا (Re: نجلاء التوم)
|
التحية للعزيزة نجلاء وهي تتحفنا وتستفز فينا إحساس الكتابة لقد دهشت اليوم وانا اقرأ في الجهاز أن اخر زيارة لي كانت في يوم 3/5/2004 اي اكثر من شهر ولم أدخل الى النت .. ولم أرسل شيئا حتى انني فوجئت بالاضافات الجديدة التي صحبت الربورد... مرحبا بالاستاذ وائل محجوب واتمنى لك اقامة طيبة واذهب الله منك رفاق السوء وجلب لك صحبة الاخيار (ارجو ان تأمن على هذه الدعوة فهي _إن استجيبت _ ستكون مفيدة جدا لك في هذا البورد ) أخي وصديقي طلال .. رغم ان المسافة بيننا قد قصرت الا اننا لا نلتقي الا عبر هذه التقنيات (الوسيطة) ...ليه كده ... على العموم ارجو لك ما رجوته للاستاذ وائل رغم انني اعرف فيك الصمودعلى السوء اين ماكان .... عليك الله ما مشتاق للاسكندرية ومحمد والمطرة وزياراتك الليلية (الصباحية ) والقاهرة (والشقة الوقع منها عثمان بشرى) وعثمان بشرى ذاتو ومحمد ود السر ووووو غايتو ...... زمن .......... شكرا نجلاء تاااااني
| |
|
|
|
|
|
|
اهلا (Re: نجلاء التوم)
|
العزيزة نجلاء لك تحيات الورد اهلا بي الاعزاء وائل وطلال ولك منا كل التقدير يا وائل سلامي الى صديقي نادر خالد العبيد
| |
|
|
|
|
|
|
Re: بوست ترحيب : وائل محجوب وطلال عفيفى اقلام جديدة فى البورد الجديد (Re: لؤى)
|
الزميلان الفاضلان : طلال ووائل
ظروف العمل والدراسة حالا دون لقائكما عندي عتبة هذه الدار العامرة .. فالمعذرة.. لكن ماشاء الله كل أهل الدار كانوا في استقبالكما وقاموا بالواجب وعلى راسهم جميعا عميد الدار : بكري .
فأهلا بكما يامن تتدثران بحب وطن منكوب بأهله .. وطن لطالما غاب عنا وغبنا عنه طويلا رغم أنه يزال يغني بكل ركن فينا ويرقص .
يبدو أن قبيلتنا ستكبر فعلا في ردهات هذا المنبر الوطن .
يا هلا ويا مرحبا .. ايها العصفوران المغردان في ساحات غربتنا الوجع.
خضر [email protected]
| |
|
|
|
|
|
|
|