بوست ترحيب : وائل محجوب وطلال عفيفى اقلام جديدة فى البورد الجديد

اهلى البورداب : ده ترحيب واجب بقلمين يانعين بدماء جديدة تحاول الهموم ذاتها وتكتب حياتها من شارعين فى " حلة " البلد :
وائل محجوب : سكرتير تحرير جريدة الايام
مراس صحفى
سيقنى بالحضور الى هنا
لشدة حفاوته بالبورد
نحن اكثر حفاوة يا وائل
وقلمك سيد بيت وبكان.
ثم
طلال عفيفى : المريض بالبحار ،
الكتابة الموجوعة فى استعادة اللحظة والقبض على الزمان
صاحب السيرة
صاحب احبار غائرة فى الاثر
ومداميك تنتحر عليها الشبهات
شبهات واكاذيب البشرى
المتانق فى "مولد " الحياة اليومية
يسعى ويخيب
ويفوته " حمص " الوقوف على اقنعته
ومحاورتها
فى غلظة وفى محبة .
اهلا طلال
وائل جانا متجللا بالحماس
الدور والباقى عليك
املى ان تهبك لنا الاسكندرية
قليلا ً
ننتظر حضورك.

شاعرتنا المبدعة نجلاء عثمان التوم
فى البدء اشكرك و احيك لجلبك لنا باقلام رائعة روعة اهل المنبر و اشكرا بترحيبك بهم نيابة عنا و اتمنى لهم اقامة طيبة بيننا واهديهم هذه الاغنية

الف مرحب وائل رحبنا بيك في البوست وهنا تاني ودايماً الف مرحب بيك

اخونا طلال عفيفي سبقتك كلامتك الجميلة بحق الجميلة نجلاء إلى هنا
هنيئا لنا بك

شكراً نجلاء

الاخ بكرى : شكرا على الزيارة والترحيب ، املى ان يجد الفكر والفن والخيال العالى متسعاً له فى هذا المنبر العريض . تجرية هذا المنبر حرية يالاهتمام والرصد وستكون دائماً فى عداد التجارب الرائدة .
الجندرية : تشكرى يا ستى وجيتك يراها بالدنيا .

الاخت الفاضلة نجلاء التوم تحياتي

نرحب معك بهذه الاقلام الجديدة والتي نتوقع لها ان تثري هذا البورد
الجميل

علي احمد

فووووووووووووووووووووووق

نجلاء التوم مرحبا

مبروك علينا ومرحبا بهم




سؤال الفنانه الرهيبه دي منو?

انور احمد

الاخت نجلاء التوم
تحياتي واحتراماتي
نرحب معك بالاخوان
وائل محجوب وطلال عفيفي
وسنتلاقى بين الرؤيه
والحرف بين الوثبة والتهيؤ
شدي على قلبك بالتحيه مني
اختي نجلاء

زي ما بقولو يا نجلاء : غبتي وجبتي
مرحبا بطلال ووائل
ونعم المقدم والمقدم



---------
نجلاء شنو الخبر ؟

نجلاء التوم...

تحياتى وشكرى...

طلال عفيفى...
القلم الخاص والكتابة المختلفة
أتابع بحب بالغ كتاباته بسودانايل
أنتقل معها من دهشة الى اخرى ومن شغف
إلى شغف...
نشر له مرة قصى مجدى سليم نصا بهذا المنبر
ولجت وأدنيت بحبى عليه...فى المقابل رمانى طلال
برسالة قصيرة ورقيقة على بريدى الإلكترونى..
فى ردى عليه طلبت منه ان يمنحنى شرف النداء
على العمدة بكرى لضمه الى سلسلة عطور المنبر
لكن تأبى نجلاء إلا ان (تخطف) منى شرف البشارة
بهذا الطلال...له التحية ( وراجينك)..

وائل...

مرحبا بك وخلينا (نشيفك)...


عبد الرحمن قوى...

مرحب بالسادة واثل و طلال
و شكرا علي الاغنية

العزاز
اهلى :
على احمد:
يا مراحب يا بن عمى وشكرا على الطلة.
انور احمد : مرحبتين
وكان على الغنية
عندك بكرى
اسالوا
وبالمرة
اغشى البوست ده
مرة مرة

مها
كيقك؟
لسه حنتلاقى ؟
نحنا اتلاقينا وانتهينا
وقليى
سيسعنى
معك.


سمبتيكو:
خيرك سايق يا عزيزى.

عبدالقوى:
طلال حدك
والكتابة والمنبر بيناتكم
بس ما تنسونا بعدين
شكرا على الجية اللطيفة

مرحبتين حبابم حباب الجابم

اهلا وسهلا
طلال عفيفي ..
ووائل محجوب..
وحتما البورد كسب قلمين رائعين,,
شكرا نجلاء علي التقديم....

مرحبا طلال عفيفي

سبقته كتاباته الي هنا ونامل ان يدفعه المنبر الي المزيد من الاشراقات ..

ومرحبا وائل محجوب ..صاحب هذا المشهد بصحيفة الايام الجسورة


وشكرا نجلاء

مرحبا بالجميع

مرحبا والف مرحب بالقلمين
اذا كان وائل هو الليل الايام فانا من المتابعين بحب بهذا المشهد
ولقد حرمتني ظروفي مرارا من لقاء وائل برغم حرصي
مرحبا وشكرا استاذة نجلاء
نتمنى ان نكون فعلا عند حسن هذا القدوم العزيز

عمر : "بركة الجيت" يا خوى
وشكرا على الترحاب
لكن انا عندى ليك جنس شكية
من الغبيانين اخوانك التيمان
قاعدة فاتحة خشمى مستنية " العيزومة " حقة العرس
عرسك
لى يوم الليلة ما قيهم واحد هببو لى
على العموم مبروك يا سيدى
والشباب ديل الفيهم اتعرفت .
ايهاب الطيب : كرم منك جيتك على هنا
وانا جد شاكرة ليكم .
الموصلى : اصلك ما بتقصر
لكن الباقى لى
ايميلاتى " ما خارجت معاك "
ولا كيف ؟
"عمومن" نحنا فيها
يا فنان .
فتحى البحيرى: شكرا يا صديق
الشى المفرح
انو ياهو ده وائل ذاااااتو
الليل الايام
الا اذا كان فى اكتر من وائل "محجوب محمد صالح" واكتر من جريدة مشاغبة اسمها الايام

نجلاء خيتي أخت الغلابة

مالك مع اللوم؟؟

لا حولاا .. ياخ انا خجلان من خوة التيمان دي لمن متضايق هسة .. النبي كان تزعلي....

قولي كويس ..

ياخ انت مش عارفة انا مافيش وشنو شنو كدة؟

خلاص نتفق اول ما ارجع حا تكوني اول معزوم في بيتنا .. كيف معاك؟؟

عليك الله ياخ

....................................................

طلال عفيفي عرفناه ..

وائل محجوب دا يعني وائل محجوب محمد صالح؟

بعدين وينم هم الجماعة ديل .. لسة بسخنوا ولا شنو؟

خلاص كتلت لى قلبى
اصلكم كلكم ياهو حالكم
الواحد يجى معبى للمشاكل
يرجع وفى روحو شجر
وغنا
ومرات فيروز
عمر
الله يمد فى ايامى
ويجيبكم يالسلامة
انت والمدام
واول عزومة انا فيها
يى شروط مجحفة
التيمان يجوا
وانا الاغنى
وكدى واحد يفتح خشمو
مشكور من اول وجديد

العزيزة نجلاء عثمان التوم

سعدت جدا بحضورك المميز بالبورد
كم كنت واثقا دوما بهذا الحضور
و الالق الشعرى الذى تحتضنيه

نحن بحاجة الان اكثر مما مضى
فلا تبخلى علينا بمساحات شعرية فى هذا البورد

مرحبا بمن هم فى طرفك

و اخرون افتقدناهم محمد مدنى
عسى الا تستلبه مقاهى مدينة جدة بصخبها

محسن عبد الفتاح
ذلك الفتى الذى ينضد الكلمات عقدا شعريا
حتما لن تحاصره هذه المدينة بكابتها

مرحب ...وائل...مرحب طلال
اضافه لمبدعى البورد
شكرا المبدعه نجلاء.

عصام وداعة : اغفر لى العجلة
وشكرا على الجية
"بليز"
ورينى انك هنا
عماد الامين : كتر خيرك و " هذا المشهد " اصبح مطلاً معكم على نوافذ ابعد
محمد اشرف : انا جد مفتقدة محمد مدنى
والله يرد " كربة" الناس كلهم
مشكور على السلام
بس مافى اى زول فيكم " احتج " يعنى على غنية بكرى–
" ده العكر صفايا" يا بكرى؟
قصدك على منو في الشباب ديل ؟

مرحبا وائل
مرحبا طلال
الدار داركم
لى جوه
مليون مرحب

الغالية نجلاء
عظيم الشكر على انضمام هذه لاقلام المشرقة للمنبر نرحب بوائل محجوب وبالصديق العزيز طلال عفيفى ذلك الرجل الانسان

تماضر
حبيب الله
تسلمى يا زولة
وعطا
مشكور يا سيدى
وانا ممتنة ليكم
لكن الشباب
ديل
احرجونى معاكم
المفروض يجوا يسلمو براهم
وائل قاااعد فى الايام
وما عارفة ليهو عزر
انما طلال
فى مكان ما
فى الفاهرة
“ فى مهمة سرية”
اذا ما ظهرت هنا يا طلال
انا حفتك
وافت حسين شريف معاك
واسرب معلومات عن الفلم الانا ما عارفة عنو اى شى ده
غايتو
عندك
اربعة وعشرين ساعة

حارس الصمت
والنزهات القصيرة
فرح
اهلين يا صديق
وجيتك عزيزة
عزة ما تحرس

al3'alia najla al toum ,,,daiman raye3a wa gamila fi kalimatik,,,
wal zahir alrai3eeen ma bigibo ella alraye3een zaihaom,,,
mar7ab bel a7' waeeel''
wa bai 9a7eeeb al7is al fani wal zoog alllatieef, wal 9oot al dafee TILAL 3AFIFI
wa zai ma gal 3omer 3abdel3aziiiz algama3a dail shaklahoom bisa7'ino wa rabana yegiib al3awagiib salima lano dai la3iba goddaad wa lisa 7areeeennn...

لكين يا ضيا الدين جهجهتنى جنس جهجهة
غايتو
شى قريتو وشى تميتو
محبة
ساى
مشكور يا سيدى
خليتنى
افكر فى عمل خير مبتكر
اوعدك
اول ماهية لى
بالهارد كرنسى
اعزمك منها
كى بورد عربى عربى
وما فيهو
ولا رقم
بعدين نشوف
موضوع الجماعة الما بجوا
بوست الترحيب حقهم ديل
انا خايفة يكون فى زول
برلمهم
وقال ليهم
عيب تنجعصوا
من اول بوست
غايتو
لحدوت ما يجوا
حاولوا
شوفو ليكم موضوع
بقينا زى الجماعة
الفى حافلة الصحافة زلط
الواحد يسرح شوية
وفجاة يتلفت عليك
بدون مقدمات
يقول ليك
اححح .....بلاى شوف السخانة دى كيف..
اآآآآ ؟
حر ؟
آآعوذو بلاى
آآآآآ آآآ؟
خمسين دى ولا كم ؟

ولا بتكون حصلت المية ذاتو
هو فى البلد دى
فى زول عارف حاجة؟
بلاى
شفتى البتيخ بقى لونو كيف؟
من الحر
آآآآآآ أ ؟

احبابي اهل البورد وكل من كتب مرحبا
اهلا وسهلا اينما كنتم
في خرطوم الناس اللاهبة هذي
او في الاقاصي النائية
تحملون اشواقكم اشواقنا لسودان يقرب من الكف ويبعد مثلما ينائ النجم عن استدارة اكفنا المرهقة .... لقد ارسلت مشاركتين عبارة عن عمودي اليومي بعناوين ( التراضي .. طريق الديقراطية والسلام ) والاخرى ( الاحلام ... والاوهام) ارجو ان تساهموا في استمراري بالعمود في الموقع بالمشاركة والاراء ... اتابع كل ينشر وكثيرا ما ارغب في المشاركة وتحول الظروف دون ذلك ... اها يا نجلا قطعنا حجتك

البركة فى الشوفة يا وائل
وهذا المشهد رفيقنا
طالما ظل مفتوحاً على اوجاعنا واحلامنا واغانينا

نجلاء التوم ..منتهي الامتنان

طلال عفيفي كائن يستدعي نداء اللغه بشكل صوفي انه (نفري) هذاء الزمان..قراته وسمعته(مواقف ومخاطبات)

مافي شك انا موعدون باضافه بعمق الامتاع

شكرا نجلاء

شكرا طلال
شكرا sudaneseonline

اختي نجلاء ...اسمحي لي ان ارحب الحضور الجميل ... كما ارحب بنفسي والاعضاء الذين سبقوني ...وليكم كلكم ورده تحكي عبق التواصل ونغمه المدوزن

نجلاء الجميلة..

وما اجمل منك الا "فعايلك".. تاتين بخيرة الناس الى هذا المكان الرحب؟؟ فماذا تنتظرين منا غير الامتنان...وانضر الثناء؟؟

وائل محجوب..كويس انه الواحد "يشوفك" افتراضيا..طبعا هنا.. فقد جمعتنى بك علاقة اثيرية سابقة..اتمنى ان تكون عالقة بجدار التذكر ولم تكتسحها رياح النسيان بعد؟

طلال عفيفى ...وقد تبادلنا رسائل تتعلق بكتابته عن نجلاء ..وتبدى لى فى مكاتباته انه ينتمى الى هذا الجيل المجنون..الذى حاول ان يخرج سمكة من بركة الركود...وابتدع زعانف متفرده تجعله يتنفس خارج الماء ..بنفس الصعوبة التى ينجو بها من الصياد...مع جامح الحلم ...والارتواء.


مرحبا كليكما...ولك العذوبة ..يا نجلاء.

الاخ تولوس : يا مراحب مرتين وشكرا على المبادرة الطيبة .

Ma3awia

Thanks for being here, it is certainly a pleasure .

شكرا نجلاء علي التقديم

واهلا وسهلا بطلال ووائل

نتمني لهما اقامه طيبه ومساهمه فعاله

وهما يستحقان هدا الاحتفاء والترحيب

وشكرا

تماضر ام زين : منورة الحتة يا صاحبة والبعرفو انو طلال مهتم بالتواصل معاك وتراكم انتو ووائل عرفة قديمة يعنى انا طالعة منها كده وكده . كل امانىّ ان يكون البورد محل لصناعة الفكر وصقل المعارف ومحاورة اكبر عدد ممكن من الاتجاهات فى الفن والكتابة و انتاج المعرفة وطرق تناولها وهضمها ، فى غياب هذه المواجهات مع انتاج الآخر سيكون من العياء التمسك بحلم وضع طوبة ، حجر صغير فى صروح تعكف الانسانية على الارتفاع بها على المؤقت ، الآنى والمنزور بطبـيعته للنسيان.

سلوى : شكرا للحضور الجميل
بعد حفاوتك دى
كان طلال ما ظهر
انا بكون جد كده
فى حالة استنفار للمشاكل
غاينو وائل محجوب التزم
بادراج عموده اليومى “ هذا المشهد “
فى البورد
يا كاتب السيرة
طلال
عفيفى

مرحبا بهما ونتشوق للقراءة .

امير تاج السر : مشكور وجيتك على هنا بحد ذاتها حدث لطيف . انا معاك متشوقين للقراءة .

وائل وطلال حته واحده...يعنى يا بت التوم عجوة معطونه فى عسل يا اختى نفتح لهم

الافئدة والاذرع ....عيوننا ....قلوبنا...سرنا...جهرنا...كلنا انتظار ،،،،

الاخ صديق : شكرا ً على التحية المحلاة بالمودة . الشباب اصبحوا طرفكم وحنشوف.
طيب
يا جماعة الخير
"الاخت نجلاء "
اللهى انا
تستأذن فى انصراف اجبارى
الامتحاناااااااات
على بعد خطونين
ويا وائل
تحياتى لكل الناس الهنا والناس الحيجو لسه
وبناشدكم
باعلان نداء عالمى
للبحث عن مفقودى هذا البوست : طلال عفيفى
وكتابة طلال عفيفى
انا ماشة
و خليتكم بعافية .

مرحب بوائل وطلال.
ويانجلاء، من هي هذه المغنية ملائكية الصوت؟
و"القلم" ليهو رافع!!

الحسن بكرى : نفسى لوامة
اجد ها تشكر لك حضورك الوافى الى هنا
المغنبة الالمعية هى هاجر كباشى
اتحفنا بها بكرى ابوبكر
والاكيد الاكيد اننا سنلتقى

الف الف مراحب بالقلمين النشطين
مرحبا بهما اضافة ثرة للمنبر
شكرا الاخت نجلاء التوم على تقديمهما

زمراوى: وينك ؟
مشكور وما بتقصر كالعادة
واجب ودين لهذا البورد
علينا
السعى لحشده بما تيسر من محبات وتواصل مفتوح على الجمال

مرحبا بالزميل وابن استاذي الجليل وائل محجوب، والكاتب طلال عفيفي، معنا في المنبر الوطن..



آسفة للتأخير في الترحيب..

رجاء : تشكرى على الطلة
والتأخير لا يوجب اى اسف
انما
شكلك كده متأخرة بسبب الصور الجديدة
خيانات شديدة
انتى وتماضر
ياخ
طيب اصبرو لمن نحنا نجيب صورنا القديمة
بعدين جددوا صوركم
الله غالب.

البورداب الأعزاء : أشكركم جداً على الحفاوه هذه والترحيب الوريف النديان ..
ثم أني في غاية الربكة , ولا أعرف ( كعادة معظم المحتفى بهم) من أين أبدأ ..
سوي أنه الحب والمحاوله الجاده للتواصل .. سأبادلكم ما أصابني من حمى ..
الشكر من تاني للكل ..
لرب البيت (ضارب الدف ) : بكري
وللبنت : نجلاء
والناس


طلال

الأستاذة نجلاء التوم
من أين أبدأ؟!
أظن بأن أقول: مرحب بيك إنتي ذااااتك، والبورد منور بمساهماتك الفريدة من فترة
وقلمي الضايع ضايع كما الروح... يا دوب بيسلم علي وجودك
ثم أهلا بوائل محجوب وطلال

يا ريت كل يوم تنبت زهرة هنا!


شكرا لعبيرك
وأهلا بالشباب مرة ومرات
إيمان

ايمان: اسعد جدا بك وبلطيف سلامك
لنا ما يجمعنا فى بوست ترجمة الادب السودانى
هناك انا من سيجلس و “يرخى اضانو” اجد محاولاتك فى غاية “ الحساسية” للمقردات وللسياق
يبدو انو حنزاول الصحوبية دى وبى اثر رجعى ذاتو

نجلاء التوم يا قلم شجاع ومتميز!
فليسمح لي وائل وطلال بالإحتفاء بك هنا مرة أخري

سلامات كتيرة، مش بس بأثر رجعي، بل من قبل الميلاد ذاته! هناك –في بوست الأدب- أنتم يا صديقتي المحترفون ونحن من قذفت بنا الحياة في كثير من المنعرجات، جعلتنا نلتقط شظايا من هنا وهناك! أعجبتني ترجمتك لحجرة الكهرمان كثيرا، وأري أننا سنلتقي في كثير من بساتين هذا البورد - وآمل- الحياة العريضة أيضا.
لك محبتي وتقديري

مرحبا مرة أخري بقلم طلال، وقلقه
كما أتمني أن يجد الأستاذ وائل مزيدا من الوقت لتعطير منبرنا

إيمان

ايمان ايمان:
يختى هييي
صحوبية كده من بعيد “ ما بتخارج “ مع ما اراعيه لك من مودة
اكتبى لى هنا
يا ايمان
خلينا نتسامر
ونرمق سوياً قطعان الخسائر
والمحبات
[email protected]

طلال : ازيك
حمد الله على السلامة
ساورنى ظن بركونك الى الصحراء الغربية
الى امد يطول
سلمت لينا على هانى خليفة ولا لسه
رجعت بما مقداره الفى مرة
الى الكلوز شوت
فى وجه منى زكى وهى تطالع صورة “خالد”
وودت لو كتبت
هنا
ولو القليل
عن “ سهر الليالى”
الفلم محتشد بالاشواك الانسانية
اليومية
وحسدتك على امكانية ان تقوم بعمل
ما يعادل القراءة الذهتية
لمنتوج بصرى من هذه القبيلة

التحية للعزيزة نجلاء وهي تتحفنا وتستفز فينا إحساس الكتابة
لقد دهشت اليوم وانا اقرأ في الجهاز أن اخر زيارة لي كانت في يوم 3/5/2004 اي اكثر من شهر ولم أدخل الى النت .. ولم أرسل شيئا حتى انني فوجئت بالاضافات الجديدة التي صحبت الربورد...
مرحبا بالاستاذ وائل محجوب واتمنى لك اقامة طيبة واذهب الله منك رفاق السوء وجلب لك صحبة الاخيار (ارجو ان تأمن على هذه الدعوة فهي _إن استجيبت _ ستكون مفيدة جدا لك في هذا البورد )
أخي وصديقي طلال ..
رغم ان المسافة بيننا قد قصرت الا اننا لا نلتقي الا عبر هذه التقنيات
(الوسيطة) ...ليه كده ...
على العموم ارجو لك ما رجوته للاستاذ وائل رغم انني اعرف فيك الصمودعلى السوء اين ماكان .... عليك الله ما مشتاق للاسكندرية ومحمد والمطرة وزياراتك الليلية (الصباحية ) والقاهرة (والشقة الوقع منها عثمان بشرى) وعثمان بشرى ذاتو ومحمد ود السر ووووو
غايتو ...... زمن ..........
شكرا نجلاء تاااااني

قصى : سلامات
اعتزر منك لتأخر تحيتى
واسعد لسعادتك بمجىء وائل وطلال
اذكر انك من سرب صاحب السيرة الى هنا
من زمااان
يعنى خيرك سابق يا صديق
سنلتقى

العزيزة نجلاء
لك تحيات الورد
اهلا بي الاعزاء وائل وطلال
ولك منا كل التقدير
يا وائل سلامي الى صديقي نادر
خالد العبيد

خالد العبيد : اسلم عليك ريثما
يحين علينا موسم الورد
ويأتيك “ بالأزهار “ من لم تذود
شكراً

................

مراويد : شكرا على الجية
لعلك بخير
يا بن عمى

أعلم أنّنى تأخرت كثيراً وأعتذر لذلك ..

أهلاً بوائل وطلال الإضافة المُميّزة لهذا المنبر ، واللذان نحتاج لهما ولجمال أقلامهما هنا والآن ..

شكراً نجلاء

الزميلان الفاضلان : طلال ووائل

ظروف العمل والدراسة حالا دون لقائكما عندي عتبة
هذه الدار العامرة .. فالمعذرة.. لكن ماشاء الله كل
أهل الدار كانوا في استقبالكما وقاموا بالواجب وعلى
راسهم جميعا عميد الدار : بكري .

فأهلا بكما يامن تتدثران بحب وطن منكوب بأهله .. وطن لطالما
غاب عنا وغبنا عنه طويلا رغم أنه يزال يغني بكل ركن فينا ويرقص .

يبدو أن قبيلتنا ستكبر فعلا في ردهات هذا المنبر الوطن .

يا هلا ويا مرحبا .. ايها العصفوران المغردان في ساحات
غربتنا الوجع.

خضر
[email protected]