|
Re: فضيحة كبرى ومهزلة على الملأ.. تعالوا اتفرجوا.. (Re: Dr. Moiz Bakhiet)
|
سلام يادكتور
خايفين نقول البلد فضت من الكوادر المؤهله ..لكن خايفين يقولو علينا "متفلسفين ساكت"
الكادر البشرى الموجود داخل السودان ضعيف جدا جدا..
النظام الادارى و الوظيفى عشوائى " وعنقالى"
البلد حتى لو صارت غنيه بالبترول برضو ما حتقدر تمشى لقدام
وحنصبح زى السعوديه فى السبعينات ...
احكى لك تجربتى الشخصيه..
عند خروجى من السودان فى مارس الماضى ..فى مطار الخرطوم.. طلب منى دفع رسوم مغادره قدرها 20 دولار ولا تقبل العمله المحليه.. ذهبت للشباك المعنى ..اعتزر لى الموظف انه لا يستطيع استلام المبلغ ويجب على مقابله مدير الصاله شخصيا و دفع الرسوم عنده.. ذهبت لمكتب المدير واخبرته بغرضى ..قام بتجهيز اورنيك معين ووقع عليه ..قمت بتسليمه ورقه من فئه ال 100 دولار ... اعتزر السيد المدير بعدم وجود"فكه" كافيه و ناولنى مبلغ 60 دولار بدلا من 80 دولار ..وطلب منى العوده للصاله والوقوف فى صف الوزن .. طلعت من مكتبه وانا فى حاله زهول :..
قلت فى سرى ..اها دى عشرينايا طارت ..قلع عديل كده... كنت فى حالة احباط شديد ...خاصه وان الاورنيك يثبت اننى دفعت الرسوم كامله و لا شئ يثبت اى متعلقات...
المهم وانا فى طريقه للدخول للجوازات ..اسمع ليك زول بكورك من اخر الصاله...النصرى امين ..النصرى امين.. اتلفت ..لقيتو السيد المدير و شايل ليهو ورقه اب 20 دولار... قايتو خجلت خجل فى الدنيا ..
الزول طيب و امين ..بس عشوائى
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: Dr. Moiz Bakhiet)
|
سعادة اللواء لو صبرتوا عليه شوية ممكن يكون وزير الداخلية في اول تعديل وزاري وتذكروا بكل ما فعله سعادة اللواء وزير الداخلية السابق اصبح وبقدرة قادر وزيرا للدفاع يبقى من حق اللواء صلاح الشيخ ان يصبح وزيراً للداخلية وكلما هاجمت سودانيزاولان شخصاً ارتفعت اسهمه لدي الحكومة ربنا يدينا الصبر
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: Al Sunda)
|
Al Sunda
Quote: سعادة اللواء لو صبرتوا عليه شوية ممكن يكون وزير الداخلية في اول تعديل وزاري وتذكروا بكل ما فعله سعادة اللواء وزير الداخلية السابق اصبح وبقدرة قادر وزيرا للدفاع يبقى من حق اللواء صلاح الشيخ ان يصبح وزيراً للداخلية وكلما هاجمت سودانيزاولان شخصاً ارتفعت اسهمه لدي الحكومة ربنا يدينا الصبر |
كان كده أخير نسكت تب...
على قولك: ربنا يدي الصبر بس............
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: Elmosley)
|
Quote: الذى كان هائجا كالثور فى مستودع الخزف |
الرجل يا جماعة اسمه ( صلاح الخروف ) ماذا تتوقعون منه .. والله يا بروف انا شاهدت اللقاء وكل ما سعادة اللواء ( يدنقر تحت ) اقول ربنا يستر ما يكون داير ينطح زول وزارة التجارة وطالما انا الحلقة انتهت دون ( مناطحة ) تكون جات سليمة ..
تصوم وتفطر على خير اخي معز ....
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: ود الباوقة)
|
ود الباوقة
Quote: الرجل يا جماعة اسمه ( صلاح الخروف ) ماذا تتوقعون منه .. والله يا بروف انا شاهدت اللقاء وكل ما سعادة اللواء ( يدنقر تحت ) اقول ربنا يستر ما يكون داير ينطح زول وزارة التجارة وطالما انا الحلقة انتهت دون ( مناطحة ) تكون جات سليمة.. |
مباااااااااااااااالغة لكن والله..
| |
|
|
|
|
|
|
والله يادكتور غلطتك دى اجمل غلطة فى هذا المنبر وانا حالف ومعاى كل اهل الخيمة والخيم المجاورة مانخليك تمرق بدون ماتنثر ولو قليلا من الفرح على فرشاة الخيمة ..وانا وراك متعشما وقارئا ماتيسر من العين....تسلم ضفرة احصلك بى وين ياتو سكة....انا خايف ينطبق على تريقة ناس البى بى سى..كل الطرق تودى الى روما ماعدا الطريق الذى سلكة موسى الصدر...معليش انتا دكتور وانا مدروش.. عذرا دكتور دى اقرب حتة ممكن القاك فيها
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: Dr. Moiz Bakhiet)
|
....يا لا لا يقرا قانون لايقرا منشور لايقرا لايحة لا يقرا اي حاجة بس هو الحاجة الفي راسو دي يسويها... دي المشكلة هنا .. احنا افسدنا الناس بل بل بل بالتهاون دا
ذكرني ايام الدفاع الشعبي وادارة 9 والكلام الفارغ البملونا بيهو عشان الواحد ما ينوم..
بعدين يا جماعة الناس ديل دلعوكم وافسدوكم بالتهاون وابداء الراي... يا حليل زمن القرار يطلع ويتنفذ ويتغير والبتكلم الله معاهو
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: Ahmed Mohammed Osman)
|
Ahmed Mohammed Osman
Quote: يا لا لا يقرا قانون لايقرا منشور لايقرا لايحة لا يقرا اي حاجة بس هو الحاجة الفي راسو دي يسويها... دي المشكلة هنا .. احنا افسدنا الناس بل بل بل بالتهاون دا
ذكرني ايام الدفاع الشعبي وادارة 9 والكلام الفارغ البملونا بيهو عشان الواحد ما ينوم..
بعدين يا جماعة الناس ديل دلعوكم وافسدوكم بالتهاون وابداء الراي... يا حليل زمن القرار يطلع ويتنفذ ويتغير والبتكلم الله معاهو |
| |
|
|
|
|
|
|
لماذا ندفن رؤوسنا في الرمال؟؟ (Re: Dr. Moiz Bakhiet)
|
أطالب بما طالب به الأخ الاستاذ نور الدين منان عندما قال:
Quote: اتمنى ان تقوم الصحافة السودانية بدورها فى انتقاد هذا الرجل الذى استفز الملايين وأطلق العنان للسانه لينال من شرف ورجولة محاور مهذب ولبق.. أذا لم تتخذ الحكومة قرارا صارما ضد هذا الرجل الذى اساء الى الملايين قبل ان يسيء الى نفسه فان المصيبة ستكون ادهى واكبر.. بعيدا عن الأسفاف والتسطيح اطالب بإقالة هذا الرجل من منصبه فورا وتقديمه لمحاكمة وان يقوم المعتدى عليه برفع دعوى قضائية ضده والشعب السودانى شاهد على هذه الجريمة.. ارجو ان لا يكون المعتدى عليه خاف من (سعادة اللواء) الذى كان هائجا كالثور فى مستودع الخزف.. شكرا لدكتور معز وارجو ان نبعث برسالة الى الحكومة احتجاجا على هذا التصرف الذى يؤذى السودان فى الداخل وفى الخارج.. |
وأتفق مع ما قالته الأخت هوزي أن هذا النوع من التعامل، وهذا النوع من الألفاظ، بواسطة مسئولين وخاصة في ما يسمى بـ "القوات النظامية" بما فيها الجمارك شئ شائع ومعروف، وكثيرون لهم تجارب محزنة مع المسئولين.. وهذا نتيجة لغياب سيادة القانون الذي يحترم حقوق الإنسان ويحميها، وهذا الأمر ازداد سوءا في زمن مايو وازداد أضعاف ذلك سوءا في زمن الإنقاذ..
لماذا نذهب بعيدا.. استمعوا إلى الرئيس نميري شخصيا في خطبه في الأيام الأخيرة خاصة عندما يخرج عن النص المكتوب في الورقة.. تسمعوا العجب العجاب.. لماذا تذهبون بعيداً؟؟ أمثال هذا اللواء هم الذين فقأوا عين الدكتور علي فضل أثناء التحقيق معه، وهم الذين وضعوا لوح الثلج فوق رأس الدكتور مامون، وانتهكوا حرمات السودانيين في الشمال وفي الجنوب.. وأمثاله هم الذين أمروا بضرب المدنيين في قراهم الآمنة.. الأمر جاء من عمر أحمد البشير الذي قال في وقت من الأوقات أن العمليات العسكرية الكبرى في دارفور قد انتهت، ويقصد أنهم قد أحرقوا القرى ودمروها وقتلوا مئات الآلاف.. ألم نسمع إبراهيم أحمد عمر أمين عام حزب المؤتمر يهتف في تلك المظاهرة ويقول بملء فيه: "عميل عميل يا عنان!؟؟! خائب خائب يا عنان" وهذا مسجل ومحفوظ.. وهذا الشخص كان في يوم من الأيام وزير تربية وتعليم.. وكان في يوم من الأيام مدير جامعة الخرطوم.. ألم نسمع "الرئيس" المشير نفسه يقسم بالله ثلاثا ألا يسلم أي واحد من المطلوبين.. وها نحن أخيرا نشاهد مؤتمر مكافحة الإرهاب يُعقد في الخرطوم!!!
السودان في حاجة إلى قانون محترم يحترم حق الناس الأساسي، وبعدها يتعلم المسئولون وغير المسئولين في السودان احترام هذا القانون.. أما قوانين السودان الحالية فهي لا تحترم هذه الحقوق.. بالله قولوا لأي إنسان في العالم أن هناك قانونا يعاقب الإنسان المسلم بالقتل إذا أعلن أنه لا يريد أن يؤدي الصلاة أو يصوم أو أنه يريد أن يغير دينه؟؟ المادة 126 من هذا القانون تعاقب على الردة!! لماذا ندفن رؤوسنا في الرمال؟؟!! سأحكي لكم واقعة حقيقية لا أظن أنها تحدث إلا في بلد كالسودان المنكوب.. شابة مسافرة من مطار الخرطوم في بداية التسعينات في بعثة دراسية فوق الجامعية إلى بلد أوروبي.. قامت موظفة الجمارك بتفتيش حقائبها ووجدت أنها تحمل صورة للأستاذ محمود محمد طه.. فانتهرتها قائلة: وكمان شايلة معاك صورة المرتد دا؟!! وصادرت الصورة!!! ولم يكن هناك أي قانون في زمن الإنقاذ يمنع حمل صورة الأستاذ محمود.. ولكنه الاستبداد والتسلط يمكن أن يجيئ من أي مسئول أو مسئولة .. فهم يعتبرون أنهم يحق لهم أن يتصرفوا كما يحلو لهم وبما يمكن أن يرضي السلطة ورموزها.. هذا نموذج لضياع الحقوق وتضييعها..
مستقبل للسودان بدون حقوق الإنسان.. ولا بد من أن يجيء اليوم الذي تبدأ فيه المحاسبة.. ورحم الله البروفيسور محمد عمر بشير أول رئيس لمنظمة حقوق الإنسان السودانية والذي نظم أول احتفال بذكرى الاستاذ محمود محمد طه وقد اعتبرت جمعية المحامين العرب ذلك اليوم يوم حقوق الإنسان العربي، ولكنه أيضا راح مع خبر كان..
وشكرا للأخ د. معز على جلب الفيديو.. وأشكر الأخ بابكر الذي اتصل تلفونيا مخصوص كي يلفت نظري لهذا البوست..
وشكرا
ياسر
| |
|
|
|
|
|
|
Re: لماذا ندفن رؤوسنا في الرمال؟؟ (Re: Yasir Elsharif)
|
الأخ الحبيب ياسر الشريف
تسلم يا دكتور على هذا الإسهاب وهذا الشعور النبيل..
وأتفق معك في كل ما أوردته فالمأساة بحق كبيرة منذ النميري وحتى ما قبله إلى الآن للأسف الشدبد..
ربنا بس يلطف بالناس المساكين وبالبلد..
تحياتي ومودتي لك..
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: Dr. Moiz Bakhiet)
|
قصة حقيقية يا دكتور
واحد من أهلنا الغبش ، قرر في مرة أن أن يجرب طعم التفاح (معقول الواحد يموت و يكون ما جرب أكل ليه تفاح في حياتو !!) فطلب من قريبه المسافر للخرطوم أن يشتري له (إن شاء الله كان تفاحة واحدة بس ... عليك الله تجيبها لي معاك) وأوفي القريب بالوعد و أتي له بثلاثة تفاحات و مر صديقنا الأغبش بحمارته بالقرب من مجموعة من زملاء السوق، وكان سعيداً جداً بأنه يحمل تفاحاً، فأخبرهم بذلك وكان يفكر في أن يشركهم معهم في ما ناله من حظ عظيم. و أن يعطهم تفاحة واحدة يتقاسمونها فيما بينهم. ولكنه غضب غضباً شديدا حينمــا صاروا يسخرون منه و يضحكون عليه و يقولـون له - وهم يقهقهون : إنت العجلة ليك شنو ؟ التفاح دا حتاكلوا في الجنة. تفاح الدنيا دا ما ليك إنت يا رمة .. و بعدين إنت ذاتك ما حتعرف تاكلو كيفن.
أوقف حمارته بالقرب منهم ، و نزل منها و قد بلغ به الضيق مبلغاً ... و قال لهم:
(( قلتوا كدا ؟؟ أها كان كدي علي الحرام ما آكل منو ولا حبة . لا أنا ولا أولادي ))
وتناول تفاحة بيده من الكيس و مدها إلي حمارته و بدأ يطعمها للحمارة في فمها و هو يقول لها:
(( تفاح الدنيا قالوا ما حقنا نحن ...... حقكم إنتو .... أكلي بالهنا و الشفاء ))
++++ إنتهت +++++
ملحوطة : لم يشاهد قريبنا الأغبش هذه السهرة التلفزيونية ، فقد كان في تلك الليلة ساهراً مع حمارته التي أصيبت بجرح في رجلها، كانت تتألم منه كثيراً ولم تأكل برسيمها في ذالك المساء، وكان قريبنا الأغبش يخشي ما يخشي أن يتفاقم الجرح و يقعد الحمارة عن العمل في صباح اليوم التالي فيعجز عن توفير لقمة العيش لصغاره ،،، لذلك كان ســاهراً طول الليل بجانبها يضـمد لها جرحهـا و يشجعها و يصبرها علي الألم.
ففـــاتته الســــهرة
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: خالد الأيوبي)
|
الحبيب خالد الأيوبي
ياخي الحمار ذنبو شنو يأكلوه التفاح..
أوع يكون أمريكي؟؟!!
يا دوب أن فهمت منطق سعادة اللواء....
أممممممممممممممم..... عاوز الشعب السوداني يدخل الجنة هناك وياكل من التفاح المرق آدم منها ومرق الشعب السوداني من خارطة الحياة...
لا حول ولا قوة إلا بالله
تسلم يا حبيب..
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: Dr. Moiz Bakhiet)
|
دكتور المعز تحياتى بقدر معاناتى
لان مايحدث الان يادكتور حقيقة مؤسف للغاية هل يعقل يادكتور ذى كمال الشيخ بتاع الجمارك يقود مؤسسة ذى الجمارك دى .
مشكلتنا بنختار المامهذب عشان هو كووووووووووووووووووووووووووووووووووو...........
والله يادكتور الواحد متالم لكن نقول ربنا يصبرنا
يا اخوانا انا فى حلم واللا علم!!!!
ايمن هارون
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: Dr. Moiz Bakhiet)
|
لا حول ولا قوة الا بالله
اذا كان اعلى قمة هرم الجمارك بيسب علنى وامام ملايين المشاهدين وطبعا حتما عيالو وزجتو يبقى من حق اى جندى جمارك ان يفعل ما يشاء بالمسافرين وكل من له معاملة مع الجمارك
بعدين يا دكتور كلامك عن الربيع وشرق الشمس فى السودان
ده تفكير لاوندى هههههههههههههه
لن تشرق الشمس فى السودان حتى يغرب هذا وامثالة ولكن للاسف هؤلاء احكمو السيطرة على العباد واكثروا من الفساد والدليل كلام عرابهم امس فى برنامج بلا حدود.
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: Dr. Moiz Bakhiet)
|
لا حول ولاقوة الا بالله العلي العظيم, الواحد لو في سوق الاخوان يبيع ويشتري اغراض مسروقة تكون الفاظه وسلوكياته اكثر تهذيبا .من هذا المدير ابو كرش
ارجو من كل القراء الكرام ان يصلو صلاة الجنازة على ويقراو الفاتحة على روح السودان الفقيد اذا كان امثال هولاء لواءت اخر زمن يتولو امر 35 مليون مواطن ,
العزيز دكتور المعز كيف ان يتواجدامثالك خارج الحلبة بينما يقودنا امثال اللواء
ولك التحية
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: ADIL FAIT)
|
Quote:
Access to the requested URL is not allowed!
Please, fill out the form below if you believe the requested page should not be blocked:
Form for URL unblocking request
Please, send other sites you feel should be blocked using the following form:
Blocking Request Form
|
لا شي سوي الرسالة أعلاه وهي تخص الدخول إلى العناويين والمواقع الكريهة!!!!!!!!!
الدكتور الشاعر معز بخيت لك الود لم نستطيع أن نسمع سواءً من الصورة مباشرة أو من اللنك الذي وضعه أحد الأخوان لتسجيل هذا (العفن) كما قال ولكن من خلال مداخلات الأخوة عرفت أن الأمر كان فعلاً يستحق كل هذا الألم ... وهل يكفي الألم ؟؟ يا حبيبنا معز سبق وأن ذكرت لك في إحدى المداخلات بأن الشر انتصر على الخير عندنا في السودان !! والآن أضيف با عزيزي بأن الشر صار على الهواء مباشرةً وكأن هذا الرجل (ولا أريد أن أسي) يتف في وجوهنا ويلعن كل شي يخصنا !! السؤال : هل الحل أن نتباكى هنا ونلعن ونسب ؟؟ هل نتحمل مغصتنا ونسكت ومرارتنا تنفقع أكثر من كدة ؟ والسؤال الأكبر : ماذا عندنا الآن لنفخر به؟؟؟؟؟
نسأل الله السلامة ولا حول ولا قوة إلا بالله
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: Dr. Moiz Bakhiet)
|
العزيز الغالى الرائع د/ معز يحفظك الله اولا نحن عاجزون عن الشكر وانت ما قصرت وكذلك منتداكم العامر نسأل الله الا يريكم مكوها فى عزيز عليكم تقبل تحيات الخال الصادق عبد الوهاب وتحيات الاخ المنتصر بالله الصادق عبد الوهاب وهو من المعجبين بك ايما اعجاب وقد تخرج قبل عام من طب جوبا بتقدير ممتاز وكذلك تحيات المكلومة ام الصادق الصغير المدام وكتر الله الف خيركم ابو الصادق
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: محسن عبدالقادر)
|
اختفاء مقالات الاستاذ الشاعر كمال طيب الاسماء فجأة من سوانايل بعد أن كتب مقالا ينتقد فيه تصرف مدير الجمارك:
لاحظت أن زاوية مربط فرس التي يكتبهاالاستاذ الشاعر كمال طيب الاسماء اختفت من باب أقلام واراء بسودانايل كما تم سحب مقاله الذي ينتقد فيه تصرفات مدير الجمارك في الحلقة التلفزيونية فجأة من سودانايل. ترى ما هو السر وراء ذلك؟؟؟؟؟؟؟؟؟
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: محمد عثمان الحاج)
|
محمد عثمان الحاج
Quote: اختفاء مقالات الاستاذ الشاعر كمال طيب الاسماء فجأة من سوانايل بعد أن كتب مقالا ينتقد فيه تصرف مدير الجمارك:
لاحظت أن زاوية مربط فرس التي يكتبهاالاستاذ الشاعر كمال طيب الاسماء اختفت من باب أقلام واراء بسودانايل كما تم سحب مقاله الذي ينتقد فيه تصرفات مدير الجمارك في الحلقة التلفزيونية فجأة من سودانايل. ترى ما هو السر وراء ذلك؟؟؟؟؟؟؟؟؟ |
أحييك أخي محمد على هذه الملاحظة الهامة والتي لاحظتها أيضاً
كما لاحظت اختفاء مكتبتي من واجهت سودانيز أون لاين مباشرة بعد هذا البوست
وقد طلبت من الأخ بكري تفسيراً ولم يرد علي مرتين..
وحقيقة بعد هذا البوست وبعد اكتمال ردي على الجميع سأتوقف عن الكتابة في جميع المنابر السودانية وسأكتفي بموقعي فقط..
| |
|
|
|
|
|
|
Re: فضيحة كبرى ومهزلة على الملأ.. تعالوا اتفرجوا.. (Re: الخير محمد عوض)
|
الخير محمد عوض
Quote: ذلك الرجــل الغنى لحمــا وشـحمـاوالفقـيـر خلقـا وادبـا
اغمــنـى.... واحــزننـى...... واخـجـلـنـى.
و.....
وكـفـى باللــه وكـيلا. |
الأخ الحبيب الخير
إنه لأمر محزن حقيقة أن يكون هذا أسلوب مسئول قيادي
فهو على قولك أمر يثير الغم والحزن والخجل
وكان الله في عون البلد
خاصة وأنا على يقين منه أنه سيتم تكريمه كما كرم غيره كلما ساء الفعل والقول..
| |
|
|
|
|
|
|