فضيحة كبرى ومهزلة على الملأ.. تعالوا اتفرجوا..

ود عكر

يا بحراً يسكن جوف محارة

لك المحبة كلها والأماني..

سقط (اللواء) من السفينة في الدجي *** فبكي الرفاق لفقده وترحموا
حتي اذا جاء الصباح اتت به *** نحو السفينة موجة تتقدموا
قالت خذوه كما اتاني سالما *** لم ابتلعه لانه لا يهضموا

الحبيب حسام يةسف

ما كل هذه الروعة والجمال يا رجل

تسلم يا رائع..

الحبيب وليم أندريه

والله إنه لعين العجب!!!!!!!!!!

الإخوه الكرام حاولت الدخول لهذا الرابط ولكن بدون فائده حيث أن الرساله التاليه كانت تظهر دوماً
Access to the requested URL is not allowed!

وذلك بغرض سماع الوصله فهل من مساعد؟؟؟أعانكم الله

الأخ العزيز سوركتي

أتمنى أن تكون قد شاهدت الفيديو

لكن إن كنت في السعودية فهذه الدولة تغلق كل المنافذ كما تعلم..

....يا لا
لا يقرا قانون لايقرا منشور لايقرا لايحة لا يقرا اي حاجة بس هو الحاجة الفي راسو دي يسويها... دي المشكلة هنا .. احنا افسدنا الناس بل بل بل بالتهاون دا

ذكرني ايام الدفاع الشعبي وادارة 9 والكلام الفارغ البملونا بيهو عشان الواحد ما ينوم..

بعدين يا جماعة الناس ديل دلعوكم وافسدوكم بالتهاون وابداء الراي... يا حليل زمن القرار يطلع ويتنفذ ويتغير والبتكلم الله معاهو

Ahmed Mohammed Osman

Quote: يا لا لا يقرا قانون لايقرا منشور لايقرا لايحة لا يقرا اي حاجة بس هو الحاجة الفي راسو دي يسويها... دي المشكلة هنا .. احنا افسدنا الناس بل بل بل بالتهاون دا ذكرني ايام الدفاع الشعبي وادارة 9 والكلام الفارغ البملونا بيهو عشان الواحد ما ينوم.. بعدين يا جماعة الناس ديل دلعوكم وافسدوكم بالتهاون وابداء الراي... يا حليل زمن القرار يطلع ويتنفذ ويتغير والبتكلم الله معاهو

ياخ الزول دا قلنا ليهو ما امريكا
يلف ويدور .. امريكا امريكا... دا شنو دا ياخ

Ahmed Mohammed Osman

Quote: ياخ الزول دا قلنا ليهو ما امريكا يلف ويدور .. امريكا امريكا... دا شنو دا ياخ

أنا عارف ياخ؟؟!!

والله يادكتور معز ماعارفه ابكى واقطع روحى بالبكاء


ولا اضحك واموووت من الضحك


والله حاجه تزعل

الأخت الحبيبة نجود،

بس ياهو والله.....

وزي ما بغني إبراهيم عوض:

مرة أضحك ومرة أبكي..
ومرة أتحمل أسايا
مرة اهرب منو واشكي..


كل سنة وانتِ طيبة........

أطالب بما طالب به الأخ الاستاذ نور الدين منان عندما قال:

Quote: اتمنى ان تقوم الصحافة السودانية بدورها فى انتقاد هذا الرجل الذى استفز الملايين وأطلق العنان للسانه لينال من شرف ورجولة محاور مهذب ولبق.. أذا لم تتخذ الحكومة قرارا صارما ضد هذا الرجل الذى اساء الى الملايين قبل ان يسيء الى نفسه فان المصيبة ستكون ادهى واكبر.. بعيدا عن الأسفاف والتسطيح اطالب بإقالة هذا الرجل من منصبه فورا وتقديمه لمحاكمة وان يقوم المعتدى عليه برفع دعوى قضائية ضده والشعب السودانى شاهد على هذه الجريمة.. ارجو ان لا يكون المعتدى عليه خاف من (سعادة اللواء) الذى كان هائجا كالثور فى مستودع الخزف.. شكرا لدكتور معز وارجو ان نبعث برسالة الى الحكومة احتجاجا على هذا التصرف الذى يؤذى السودان فى الداخل وفى الخارج..

وأتفق مع ما قالته الأخت هوزي أن هذا النوع من التعامل، وهذا النوع من الألفاظ، بواسطة مسئولين وخاصة في ما يسمى بـ "القوات النظامية" بما فيها الجمارك شئ شائع ومعروف، وكثيرون لهم تجارب محزنة مع المسئولين.. وهذا نتيجة لغياب سيادة القانون الذي يحترم حقوق الإنسان ويحميها، وهذا الأمر ازداد سوءا في زمن مايو وازداد أضعاف ذلك سوءا في زمن الإنقاذ..

لماذا نذهب بعيدا.. استمعوا إلى الرئيس نميري شخصيا في خطبه في الأيام الأخيرة خاصة عندما يخرج عن النص المكتوب في الورقة.. تسمعوا العجب العجاب..
لماذا تذهبون بعيداً؟؟ أمثال هذا اللواء هم الذين فقأوا عين الدكتور علي فضل أثناء التحقيق معه، وهم الذين وضعوا لوح الثلج فوق رأس الدكتور مامون، وانتهكوا حرمات السودانيين في الشمال وفي الجنوب.. وأمثاله هم الذين أمروا بضرب المدنيين في قراهم الآمنة.. الأمر جاء من عمر أحمد البشير الذي قال في وقت من الأوقات أن العمليات العسكرية الكبرى في دارفور قد انتهت، ويقصد أنهم قد أحرقوا القرى ودمروها وقتلوا مئات الآلاف..
ألم نسمع إبراهيم أحمد عمر أمين عام حزب المؤتمر يهتف في تلك المظاهرة ويقول بملء فيه: "عميل عميل يا عنان!؟؟! خائب خائب يا عنان" وهذا مسجل ومحفوظ.. وهذا الشخص كان في يوم من الأيام وزير تربية وتعليم.. وكان في يوم من الأيام مدير جامعة الخرطوم..
ألم نسمع "الرئيس" المشير نفسه يقسم بالله ثلاثا ألا يسلم أي واحد من المطلوبين.. وها نحن أخيرا نشاهد مؤتمر مكافحة الإرهاب يُعقد في الخرطوم!!!

السودان في حاجة إلى قانون محترم يحترم حق الناس الأساسي، وبعدها يتعلم المسئولون وغير المسئولين في السودان احترام هذا القانون.. أما قوانين السودان الحالية فهي لا تحترم هذه الحقوق.. بالله قولوا لأي إنسان في العالم أن هناك قانونا يعاقب الإنسان المسلم بالقتل إذا أعلن أنه لا يريد أن يؤدي الصلاة أو يصوم أو أنه يريد أن يغير دينه؟؟ المادة 126 من هذا القانون تعاقب على الردة!! لماذا ندفن رؤوسنا في الرمال؟؟!!
سأحكي لكم واقعة حقيقية لا أظن أنها تحدث إلا في بلد كالسودان المنكوب.. شابة مسافرة من مطار الخرطوم في بداية التسعينات في بعثة دراسية فوق الجامعية إلى بلد أوروبي.. قامت موظفة الجمارك بتفتيش حقائبها ووجدت أنها تحمل صورة للأستاذ محمود محمد طه.. فانتهرتها قائلة: وكمان شايلة معاك صورة المرتد دا؟!! وصادرت الصورة!!! ولم يكن هناك أي قانون في زمن الإنقاذ يمنع حمل صورة الأستاذ محمود.. ولكنه الاستبداد والتسلط يمكن أن يجيئ من أي مسئول أو مسئولة .. فهم يعتبرون أنهم يحق لهم أن يتصرفوا كما يحلو لهم وبما يمكن أن يرضي السلطة ورموزها.. هذا نموذج لضياع الحقوق وتضييعها..

مستقبل للسودان بدون حقوق الإنسان.. ولا بد من أن يجيء اليوم الذي تبدأ فيه المحاسبة..
ورحم الله البروفيسور محمد عمر بشير أول رئيس لمنظمة حقوق الإنسان السودانية والذي نظم أول احتفال بذكرى الاستاذ محمود محمد طه وقد اعتبرت جمعية المحامين العرب ذلك اليوم يوم حقوق الإنسان العربي، ولكنه أيضا راح مع خبر كان..



وشكرا للأخ د. معز على جلب الفيديو.. وأشكر الأخ بابكر الذي اتصل تلفونيا مخصوص كي يلفت نظري لهذا البوست..

وشكرا

ياسر

الأخ الحبيب ياسر الشريف

تسلم يا دكتور على هذا الإسهاب وهذا الشعور النبيل..

وأتفق معك في كل ما أوردته فالمأساة بحق كبيرة منذ النميري وحتى ما قبله إلى الآن للأسف الشدبد..

ربنا بس يلطف بالناس المساكين وبالبلد..

تحياتي ومودتي لك..

انا متاكد يا دكتور القدال كان سمع زى ده كان قال:

دقنك حمست حال البلد ناسى

بطنك كرشت راسك عقل مافى

هذا القبح الذى يظلل سماء السودان الا متى ينقشع

ولانملك الا ان نردد ربنا لاتؤاخذنا بما فعل السفهاء منا،،،،

حبيبنا الغالي صديق الموج..

أولاً ليك ألفين وحشة..

وتانياً شفت البقت علينا بالله في جنس الحالة دي؟؟!!

صحي ياهو ده السودان وللا دي حالة لاوندية عابرة؟؟!!

لماذا لم يسأل بابكر حنين هذا اللواء عن العلاقة بين ( الرجالة ) و( التفاح الأمريكي ) ؟ لأن اللواء لزم الصمت حينما قال له الطرف الثاني أفرض أنو أي تفاح أخر قول تفاح لبناني .
هل التفاح الأمريكي له عضلات ؟ وبقية التفاح لا ؟
اللهم إني صائم
اللهم إني صائم

الحبيب ديامي..
الظاهر الرجالة في السودان هي الفوضى وعدم المنطق واستغلال السلطة والنغوذ..

ما شايف لي حاجة تاني..

تسلم يا حبيب

قصة حقيقية يا دكتور

واحد من أهلنا الغبش ، قرر في مرة أن أن يجرب طعم التفاح
(معقول الواحد يموت و يكون ما جرب أكل ليه تفاح في حياتو !!)
فطلب من قريبه المسافر للخرطوم أن يشتري له (إن شاء الله كان تفاحة واحدة بس ... عليك الله تجيبها لي معاك)
وأوفي القريب بالوعد و أتي له بثلاثة تفاحات
و مر صديقنا الأغبش بحمارته بالقرب من مجموعة من زملاء السوق، وكان سعيداً جداً بأنه يحمل تفاحاً، فأخبرهم بذلك
وكان يفكر في أن يشركهم معهم في ما ناله من حظ عظيم. و أن يعطهم تفاحة واحدة يتقاسمونها فيما بينهم.
ولكنه غضب غضباً شديدا حينمــا صاروا يسخرون منه و يضحكون عليه
و يقولـون له - وهم يقهقهون :
إنت العجلة ليك شنو ؟ التفاح دا حتاكلوا في الجنة. تفاح الدنيا دا ما ليك إنت يا رمة .. و بعدين إنت ذاتك ما حتعرف تاكلو كيفن.

أوقف حمارته بالقرب منهم ، و نزل منها و قد بلغ به الضيق مبلغاً ... و قال لهم:

(( قلتوا كدا ؟؟
أها كان كدي علي الحرام ما آكل منو ولا حبة . لا أنا ولا أولادي ))

وتناول تفاحة بيده من الكيس و مدها إلي حمارته و بدأ يطعمها للحمارة في فمها و هو يقول لها:

(( تفاح الدنيا قالوا ما حقنا نحن ...... حقكم إنتو .... أكلي بالهنا و الشفاء ))

++++ إنتهت +++++

ملحوطة : لم يشاهد قريبنا الأغبش هذه السهرة التلفزيونية ، فقد كان في تلك الليلة ساهراً مع حمارته التي أصيبت بجرح في رجلها، كانت تتألم منه كثيراً ولم تأكل برسيمها في ذالك المساء، وكان قريبنا الأغبش يخشي ما يخشي أن يتفاقم الجرح و يقعد الحمارة عن العمل في صباح اليوم التالي فيعجز عن توفير لقمة العيش لصغاره ،،، لذلك كان ســاهراً طول الليل بجانبها يضـمد لها جرحهـا و يشجعها و يصبرها علي الألم.

ففـــاتته الســــهرة

الحبيب خالد الأيوبي

ياخي الحمار ذنبو شنو يأكلوه التفاح..

أوع يكون أمريكي؟؟!!

يا دوب أن فهمت منطق سعادة اللواء....

أممممممممممممممم..... عاوز الشعب السوداني يدخل الجنة هناك وياكل من التفاح المرق آدم منها ومرق الشعب السوداني من خارطة الحياة...

لا حول ولا قوة إلا بالله

تسلم يا حبيب..

د معز سلام ورمضان كريم
انا من سنه 91 ما سمعته اذاعه سودانيه او تلفزيون سوداني
عباره عن صداع وضياع زمن يعني غض الطرف واعمل نايم عشان ما يجيك ضغط وسكري وشلل اطفال

العزيز الغالي محمد الأمين محمد..

والله دي أحسن حاجة عملتها..

وكل سنة وانت طيب.........

د.معز
خلي بالك ! جنابو عايزلو شوية شهور كدا يكون عضو برلوم بسودانيزأونلاين،
ثم بعدها يرجع ليشغل ذلك الممنصب الرفيع.

Mohamed Adam

Quote: د.معز خلي بالك ! جنابو عايزلو شوية شهور كدا يكون عضو برلوم بسودانيزأونلاين، ثم بعدها يرجع ليشغل ذلك الممنصب الرفيع.

الحبيب محمد آدم.......

والله هي فكرة..
لكن......................
أنا خابفو يخرب زيادة...

دكتور المعز تحياتى بقدر معاناتى

لان مايحدث الان يادكتور حقيقة مؤسف للغاية هل يعقل يادكتور ذى كمال الشيخ بتاع الجمارك يقود مؤسسة ذى الجمارك دى .

مشكلتنا بنختار المامهذب عشان هو كووووووووووووووووووووووووووووووووووو...........


والله يادكتور الواحد متالم لكن نقول ربنا يصبرنا

يا اخوانا انا فى حلم واللا علم!!!!


ايمن هارون

الأخ العزيز أيمن هارون

هذا هو ما يحدث في بلادنا ونحن في علم أشبه بالحلم..

كل الود والإعزاز

وقاحه..
سفاله..
تفاهه..
منتهي الشنو كدا ما عارف..
بضو تنوني وتقولي دا وطن..
لله درك يا وطن

هبشه:
شكرا يا دكتور


مع أكيد حبي وتقديري،،،

عادل فايت

الحبيب عادل فيات

تحياتي ليك

وكل سنة وانت طيب

ربنا يصلح الحال يا سيدي..

لا حول ولا قوة الا بالله

اذا كان اعلى قمة هرم الجمارك بيسب علنى وامام ملايين المشاهدين وطبعا حتما عيالو وزجتو يبقى من حق اى جندى جمارك ان يفعل ما يشاء بالمسافرين وكل من له معاملة مع الجمارك


بعدين يا دكتور كلامك عن الربيع وشرق الشمس فى السودان

ده تفكير لاوندى هههههههههههههه


لن تشرق الشمس فى السودان حتى يغرب هذا وامثالة ولكن للاسف هؤلاء احكمو السيطرة على العباد واكثروا من الفساد والدليل كلام عرابهم امس فى برنامج بلا حدود.

الغالي أبو الزفت

عارف .. والله مما انت كتبت ده تفكير لاوندي أنا بضحك لي هسة..

الله يديك العافية يا سيدي

وكل سنة وانت طيب........

الأخ د. المعز


والله إنها مهزلة تخسف بنا الى القرون ما قبل الوسطى...
وفعلا :
اللهملا نسألك رد القضاء
ولكن نسألك اللطف فيه

الأخ الحبيب أشرف السر

والله مش قرون وسطى

دي قرون تنطح..

ربك يهون القواسي بس..

هيييي هييع ... تنابلة أخر الزمن بتشاكلوا في التفاح .. والناس في (.......) وهم في (.....)
عليك الله يقولوا شنو في جنس المواقف دي يا دكتور؟؟؟
مش عليك الله دي القال عليها القدال ( غباين بتحرك حشاها ومغايس ..... إلخ)
نحن وين؟؟

الحبيب عبد العزيز مهدي..

غباين الشوية دي؟؟؟!!!..

آااااااااااااااااااااخ يا بلد.........

لا حول ولاقوة الا بالله العلي العظيم, الواحد لو في سوق الاخوان يبيع ويشتري اغراض مسروقة تكون الفاظه وسلوكياته اكثر تهذيبا .من هذا المدير ابو كرش

ارجو من كل القراء الكرام ان يصلو صلاة الجنازة على ويقراو الفاتحة على روح السودان الفقيد اذا كان امثال هولاء لواءت اخر زمن يتولو امر 35 مليون مواطن ,


العزيز دكتور المعز كيف ان يتواجدامثالك خارج الحلبة بينما يقودنا امثال اللواء

ولك التحية

كلام زي دا اصلو ما معقول ,,, انت شاحن ناس ,,, ولا شاحن فــــــ

newbie

Quote: كلام زي دا اصلو ما معقول ,,, انت شاحن ناس ,,, ولا شاحن فــــــ

والله لا معقول ولا مقبول ولا أبو الليل زاتو..

(أبو الليل دي كلمة لاوندية..)..

تسلم يا حبيب

الحبيب أيمن هارون..

مرة أشكرك على الإطلالة البهية وعلى كلماتك الطيبة..

وبالفعل لقد كان لنا وطن فلنصلي من اجل أن يعود

شامخاً كما كان في لحظات قليلة من عمر الزمان..

دكتور معز سلام لك ولال مكي وال بخيت العوض



هذه ماساة وملهاة نتمني ان نجد من يبعدون هذا الابله


الذي لا يحترم ضيوف ولا مشاهدي ولا تلفزيون السودان بلد


منهوكه ومنهوبه وا حسرتي علي اهلي وصحابي من هؤلاء واؤلئك


ونتلاقي في فضيحة جديدة في غياب الديمقراطية ياتي صلاح خروف

الحبيب صبري الشريف

إنه فقط مجرد مثال لآخرين كثر

يجسد فعله حالنا الآن..


كل سنة وانت بألف خير

لا اله اله محمد رسول الله
حسبي الله ونعم الوكيل فيك يابلد حسبي الله ونعم الوكيل حسبي الله ونعم الوكيل كلام الزول ماقادر حتى يعلق عليهو لا الله الا الله محمد رسول الله

الغالي حنين للبلد

ما تخاف على الحق يا بلد
ح تهب رياح ظين الجروف
تحمل عبير الشوق مدد..


قادر يا كريم...

بروف معز الرائع ..

أين الفضيحة والمهزلة ؟ .. ولماذا الإستغراب والدهشة ؟
ما نتوقع أن ينتج الفسيخ ؟.. عطر chanel 5 ؟
العطن والصديد يسود الآن .
كل تفاصيل الوطن الآن تشبه كتلة سوداء شوهاء من جيفة تزكم الأنوف .
أين الفضيحة إذن ؟..
أأنها على الملأ ؟..
سيدي .. غسيلنا القذر ( وكل غسيلنا صار ذاك ) أضحى مثار تندر القاصي و الدان ..

لاشيء يستحق الإنحناء .. كله ( سجم في رماد ) .. لا شيء يا بروف
إلا هوّ .. خارطة الوطن .. البياض الأوحد في القلب

مودتي

Quote: أين الفضيحة والمهزلة ؟

انت يا معز عماد عبد الله دا طريقة كلام الراجل ابوجرعله دا..
والموضوع ذاتو كا كيف..
و..








كل الود


عادل فايت

Quote: Access to the requested URL is not allowed! Please, fill out the form below if you believe the requested page should not be blocked: Form for URL unblocking request Please, send other sites you feel should be blocked using the following form: Blocking Request Form

لا شي سوي الرسالة أعلاه وهي تخص الدخول إلى العناويين والمواقع الكريهة!!!!!!!!!

الدكتور الشاعر معز بخيت
لك الود
لم نستطيع أن نسمع سواءً من الصورة مباشرة أو من اللنك الذي وضعه أحد الأخوان لتسجيل هذا (العفن) كما قال ولكن
من خلال مداخلات الأخوة عرفت أن الأمر كان فعلاً يستحق كل هذا الألم ... وهل يكفي الألم ؟؟
يا حبيبنا معز
سبق وأن ذكرت لك في إحدى المداخلات بأن الشر انتصر على الخير عندنا في السودان !!
والآن أضيف با عزيزي بأن الشر صار على الهواء مباشرةً وكأن هذا الرجل (ولا أريد أن أسي) يتف في وجوهنا ويلعن كل شي يخصنا !!
السؤال :
هل الحل أن نتباكى هنا ونلعن ونسب ؟؟
هل نتحمل مغصتنا ونسكت ومرارتنا تنفقع أكثر من كدة ؟
والسؤال الأكبر :
ماذا عندنا الآن لنفخر به؟؟؟؟؟

نسأل الله السلامة ولا حول ولا قوة إلا بالله

الحبيب عمران

سأعود إليك لاحقاً

فقط أود أن أقول أنني دخلت الآن واستمعت إلى الفيديو بكل سهولة ولم تأتني أي رسالة..

ووجدت سعادة اللوا يتحدث بالاوندي...

عزيزي الغالي عمران،
أتمنى أن تكون قد تمكنت من الدخول الآن..
وحقيقة أتمنى أن تستمع لسعادة اللواء بنفسك


يا سيدي الشر عمره لا ينتصر.. صدقني

لكنه يمهل ولا يهمل

ولن نصمت
ولن نحمل على الأكتاف
غير مدافع تثأر
لقتل الحق مخنوقاً
على عتب من المرمر..

الحبيب عادل فيات

عزيزنا عماد عبد الله ده نايم ليهو فوق راي..

وللا شنو با عمدة!!

العزيز الغالي عماد عبد الله

ماذا أقول سوى لا حول ولا قوة إلا بالله..

ونسأل الله السلامة..

العزيز الغالى الرائع د/ معز
يحفظك الله
اولا نحن عاجزون عن الشكر وانت ما قصرت وكذلك منتداكم العامر
نسأل الله الا يريكم مكوها فى عزيز عليكم
تقبل تحيات الخال الصادق عبد الوهاب وتحيات الاخ المنتصر بالله الصادق
عبد الوهاب وهو من المعجبين بك ايما اعجاب وقد تخرج قبل عام من طب
جوبا بتقدير ممتاز وكذلك تحيات المكلومة ام الصادق الصغير المدام وكتر
الله الف خيركم
ابو الصادق

الأخ الحبيب مهدي الصادق

كل عام وأنتم بالف خير

تحياتي للأسرة فرداً فرد

ولكم عميق محبتي ولكم إعزازي واحترامي الوافر..

مع كل الأمنيات الطيبة

uppppp

الرائع جدا د/ معز

احبك واحب ابداعك
انت رجل بروعة الوطن
وصحيح زي ما بقولوا البطن بطرانة فهل يعقل ان يكون هذا

الممتلئ سحتا والمتكرش تعفنا من بلد اخرج رحمه عباقرة
ينضحون ادبا وعفة

اللهم انا نسألك ان تجيرنا في مصيبتنا ونسألك اللهم الخلاص

ولك الشكر ايها الشفيف على هكذا بوستات

اختفاء مقالات الاستاذ الشاعر كمال طيب الاسماء فجأة من سوانايل بعد أن كتب مقالا ينتقد فيه تصرف مدير الجمارك:

لاحظت أن زاوية مربط فرس التي يكتبهاالاستاذ الشاعر كمال طيب الاسماء اختفت من باب أقلام واراء بسودانايل كما تم سحب مقاله الذي ينتقد فيه تصرفات مدير الجمارك في الحلقة التلفزيونية فجأة من سودانايل. ترى ما هو السر وراء ذلك؟؟؟؟؟؟؟؟؟

محمد عثمان الحاج

Quote: اختفاء مقالات الاستاذ الشاعر كمال طيب الاسماء فجأة من سوانايل بعد أن كتب مقالا ينتقد فيه تصرف مدير الجمارك: لاحظت أن زاوية مربط فرس التي يكتبهاالاستاذ الشاعر كمال طيب الاسماء اختفت من باب أقلام واراء بسودانايل كما تم سحب مقاله الذي ينتقد فيه تصرفات مدير الجمارك في الحلقة التلفزيونية فجأة من سودانايل. ترى ما هو السر وراء ذلك؟؟؟؟؟؟؟؟؟

أحييك أخي محمد على هذه الملاحظة الهامة والتي لاحظتها أيضاً

كما لاحظت اختفاء مكتبتي من واجهت سودانيز أون لاين مباشرة بعد هذا البوست

وقد طلبت من الأخ بكري تفسيراً ولم يرد علي مرتين..

وحقيقة بعد هذا البوست وبعد اكتمال ردي على الجميع سأتوقف عن الكتابة في جميع المنابر السودانية وسأكتفي بموقعي فقط..

وارجوك ان تعدل عن هذا القرار
تقديري واحترامي لك

د. معـــز

ذلك الرجــل الغنى لحمــا وشـحمـاوالفقـيـر خلقـا وادبـا

اغمــنـى.... واحــزننـى...... واخـجـلـنـى.

و.....

وكـفـى باللــه وكـيلا.

الخـير

الخير محمد عوض

Quote: ذلك الرجــل الغنى لحمــا وشـحمـاوالفقـيـر خلقـا وادبـا اغمــنـى.... واحــزننـى...... واخـجـلـنـى. و..... وكـفـى باللــه وكـيلا.

الأخ الحبيب الخير

إنه لأمر محزن حقيقة أن يكون هذا أسلوب مسئول قيادي

فهو على قولك أمر يثير الغم والحزن والخجل

وكان الله في عون البلد

خاصة وأنا على يقين منه أنه سيتم تكريمه كما كرم غيره كلما ساء الفعل والقول..

الحبيب هشام مدني

عشان خاطر عين تكرم ألف عين والله..

الحبيب محسن عبد القادر

لقد منحتني كلماتك فرح الدنيا ورونق الجمال كله والسعادة..

لك الشكر ايها العزيز الغالي

ولك امتناني العظيم...

الغالي صبري الشريف

ربنا يعلي مقامك دايماً وأبداً يا حبيب

الأخ العزيز د المعز
كل عام وانت بخير



وصلنا منشور عن أنفلونزا الطيور
... دا ماشعر ,قلت انقل المنشور او الموضوع يستلموا متخصص خطرت انت علي بالي عشان الفايدة تعم,وأثناء مواصلتي قراءة المنشور وجدت أهمية الفواكه في التغذية,وجاء ذكر التفاح,وتذكرت هذا البوست,وأهلنا المحرومين من المنتجات مثل التفاح,والباب الفاتح لإستيراد عربات الفورد لي شركات الحيكومة.







جيرانك بعد الكبري

حبيبنا ومهندسنا محمد السيد

والله المنشور عن انفلونزا الطيور مقطع رائع لقصيدة نهجو بيها زول الجمارك ده

تسلم يا حبيب على أن نطل بذاكرتك وأنت تقرا ذلك المنشور

وتحياتي لكل الرائعين الذين معك قبل وبعد الكبري........

مهندسنا العزيز محمد السيد

هاك المعلومات دي عن التفاح يمكن زولنا يقراها:

التفاح: مضاد للبكتريا والالتهابات ومضاد للأكسدة وغنى بالألياف الصلبة والغير صلبة وقشره يحتوى على مادة كريستين المفيدة كما أنه مفيد في خفض معدلات الكوليسترول بالدم وله أيضا خاصية تمنع الإصابة بالسرطان.

اها يا بروف البوست ده حا نشبكو ليك مداخلات نوصلوا ليك الف ليله وليله

ورينا تمشي كيفن ?

حبيبنا الغالي سعد الدين عبد الرحمن

صعب أهاجر من دمي والله

لك الحب كله..

ياسلام عليك يا بروف وعلى الرائعة شروق...
لكم الود

شكراً يا دكتور علي توصيل المعلومة

لها الله هذه البلد

فووق للإطلاع بطلب من احد ضباط الجمارك


إسماعيل حميم

الأخ الحبيب اسماعيل حميم

تسلم يا غالي

أها وضابط الجمارك رأيو شنو في الزعيم بتاعو..

كدي عليك الله خليهو يسمع شوية من تسجيل راكوبة التحت ده..

تحياتي واحترامي....

saadeldin abdelrahman

Quote: ياسلام عليك يا بروف وعلى الرائعة شروق... لكم الود

بعض روعتك يا حبيب

وتسلم يا غالي..

وهل لا يزال الرجل الذي بـطنه أمامه. كما قال الاح نوريت في موقعه بعد الفضيحة التي تكفي لزلزلة الف كرسي . انه النظام الثقيل الذي لا يهمه بشئ كراهية الناس الذين سلبهم حقوقهم وينصب عليهم امثال هذا الثور زيادة في التحقير . ومثلما قال الثور او الخروف وهو يستعير دور المعلم للشعب المسكين الذي كان معلما تهاوننا أفسد الناس .

ولا حول ولا قوة الا بالله.

ده من اوائل البوستات التى سوف يتم نقلها الى مكتبة المواضيع التوثيقية و المتميزة

يابروف
كل عام وانت بخير
اسمع المقطع الصوتي المرفق، علماً بان باقي الحوار لا يقل سوءا عن المقطع الفيديوي الذي عرض من قبل

راكوبة يا غالي

تسلم يا حبيب على التسجيل الصوتي وعلى الرابط

لك محبتي وإعزازي

بكري أبوبكر

Quote: ده من اوائل البوستات التى سوف يتم نقلها الى مكتبة المواضيع التوثيقية و المتميزة

تسلم يا بكري يا سيد الروعة والتميز وسيد الحوش الكبير

شرف لي والله وتاج على رأسي

مكي النور

Quote: وهل لا يزال الرجل الذي بـطنه أمامه. كما قال الاح نوريت في موقعه بعد الفضيحة التي تكفي لزلزلة الف كرسي .

الحبيب مكي النور

أهو انت جاوبت على السؤال بنفسك هنا:

Quote: انه النظام الثقيل الذي لا يهمه بشئ كراهية الناس الذين سلبهم حقوقهم وينصب عليهم امثال هذا الثور زيادة في التحقير . ومثلما قال الثور او الخروف وهو يستعير دور المعلم للشعب المسكين الذي كان معلما تهاوننا أفسد الناس .

ولا حول ولا قوة الا بالله..

د. معز لا حول ولا قوة الا بالله ده السودان ...حاجة تزعل ولحدي الآن لم نسمع بإستقالة سعادة اللواء.
ماعندي حاجة اقولها غير حسبي الله ونعم الوكيل. بالمناسبة انا الاخت حنين للبلد وليس الأخ

الغالية حنين للبلد

حقك علي والله

كان مفروض أعرف بالإحساس بس لكن تقولي إيه

وان شاء الله نسمع خبر استقالة سعادة اللوا ونفرح كلنا..

تسلمي يا حبيبة وسعيد جداً بمرورك

وآاااااااااسف والله العظيم تاني وتالت ورابع وإلى ما لا نهاية..

كل الشرفاء فى الخدمة العامه والقوات النظاميه تم طردهم من قبل نظام الجبهه الاسلاميه الفاشى ولا يتم تعيين احد فى تلك الاجهزه الا بعد ان يمر الاسم على اجهزة امنها الفاشيه.

لذا ليس بمستغرب ان يصدر مثل هذا السلوك الهمجى المتخلف من شخص برتبة لواء كان لا يستطيع ان يتبوأ منصبه لولا نظام الجبهه الاسلاميه الفاشى -

وسلوكه انعكاس لسلوك جميع المسئولين الحكوميين فى هذا النظام الفاشى وفى هذا الزمن الردئ .

وشكرا لك دكتور المعز لنقلك مادار - لانه توثيق وتذكير للجميع بادب وسلوك هؤلاء الاوغاد الذين سرقوا السلطة ليلا من اجل ان تمتلئ كروشهم ويعيش شعبنا فى مسغبة تنهشه الامراض .

وحتما سيأتى اليوم الذى يلقى هؤلاء العقاب العادل جراء ما اقترفوه من جرائم فى حق السودان البلد والسودان الشعب والسودان الفرد .

ان اقتلاع هذا النظام من الجذور هو الحل الشافى لانه سرطان ووباء لا يمكن الشفاء منه الا بالبتر .

الأخ الحبيب عبد الوهاب المحسي

تحياتي ومحبتي الكبيرة

ليس لي أن اضيف على ما قلت .....

وأضعف الإيمان أن يستقيل هذا المسئول من تلقاء نفسه

قبل أن يتم تكريمه على ما قال!!!!

التحية لكم جميعا
يا د. معتز تكفيني غيرتك على السودان .. افات الاوان ? اذا فات الاوان فالنقف وقفة حداد و نواصل بعد قراءة الفاتحة..
حسبنا الله و نعم الوكيل لكم العزاء و لنا العتبى .. البكاء على الوطن نفسه ام على قيادته ام على اطفاله الجوعى?
لقد سئمنا الاستنكار و التنديد كما قلتم الى متى ?

الحبيب وائل تاج السر عبد الله،

فات الأوان
والإنكتب
على جبينا الليلة بان
اصبحنا أغراب
نحن القراب
لا همسة لا رعشة حنان
وقول الوداع
فات الأوان
ياريتو فات قبل الأوان..


لك الله يا وطن..

وتسلم يا غالي.........

د. معز شكرا للرد الرقيق

حنين للبلد..
يا وردة العطر الذي غسل الدواخل بالعبق..

د. معز شكرا للرد والكلمات الرقيق.
سؤال اين باقي الموضوع

الغالية حنين

باقي ياتو موضوع؟؟

بتاع البوست ؟

وللا باقي:

يا وردة العطر الذي غسل الدواخل بالعبق..

انا بس سؤال واحد محيرنى...


سعادة اللوا دا حامل فى كم شهر؟!

Quote: سعادة اللوا دا حامل فى كم شهر؟!

والله يا نور يا اختي الزول ده في شهر السابع ,لكن بس بطنو لازه شويه


لوووووووووووووووووووول

سيف مساعد

منور والله

لول طوييييييييييييييييييييييييلة..

الحبيبة نور تاور..

بالغتي والله فيها..

الأخير يا د. معز

لك يا حنين المقطع كاملاً..

مع مودتي العميقة

وحملت نجمتك الانيقة فى فؤادي
ومشيت نحوك فانتهيت الى بلادي
ورسمت وجهك فى جبين الحلم
فى موج الورق
وغفوت فى صدر الشفق
استقبل الميعاد منك فلم يعد
لى من سمائك غير اطياف الأرق
يا همسة سكبت حبيبات الندى ألحانها

ياوردة العطر الذى
غسل الدواخل بالعبق

ميلادك الآتى
بكل مواسم الافراح نحوى ليته
ينهى عن الحزن المقدس يأتنى
بالعشق والمطر الملون والشبق
ان جاء يخبرك الحنين
عن اشتياقى
والهنيهات التى ذابت
من الصبر المزيف والقلق
فتأكدى بالحق انى لم ازل
اسمو على قمم المشاعر سامقا
كالبرق فى زهو السهى
رمقت خواطره بهائك فاحترق
تلك القوارب فى مياه الشوق
تشرع فى الغرق
وانا وحيدا فى رمال الشط
والموج المهاجر من محيطك يحتوينى
مثل أشلاء الصفق..

بالمناسبة!
مافي زول فكر في الكمونية لمن شاف البوست ده

أنا أكلتا كمونية تاني يوم في العيد بعيد عنكم هنا الخرفان اكتر مننا

لكن عزانا إنها خرفان فااااهمة ما زي خرفانا المحلية
تتوسل لي "خروفنا" يقول ليك بااااااااااع!
تحنسوا يا سعادتك..ينفخ فيك بففففففففف!
تنبرش ليهو يا سعادتك مااااا تقدر ظروفنا... ويعني فيها شنو لو هزيت لينا ضنبك
يقوم إنطحك!!
لكن تاني....

الكمونية دي بطلناها تب!
لاوندية سببت النزفية للمواطن السوداني المقيم والمغترب..

بعدين أعتقد وبعض العقد مصيبه!
إنو جابو كرسي خاااص لهذه الكنبة آآآسف الحلقه.
الله يهداك ياسودان

ولسه حافظين للوصية
الجوه في كروشنا الوفية!
و..
أعذرونااااااااا

الحبيب سعد الدين عبد الرحمن

شاهد قلبي لك بالحب والإجلال..

وكفى بي شرفاً أن اجدك دائماً عبر المسافات وردة من حنين ومودة..

لك الشكر الجزيل والإمتنان كله والأماني..

د. معز شكرا للقصيده وعزاؤنا ان السودان لايزال ينجب الشعراء والفنانين ذوي الاقلام النيرة ....يعني ماكلوا خرفان.

وبرضه عذرا فشتان بين.... وبين

حنين للبلد..

شكراً لك يا وطن الجمال

شكراً حنيناً لك..

استاذي الغالي

إنه من بعض حزنكم

والله المستعان

تسلم يا ابو السعود

تسلم يا غالي..