|
|
 عبـــد اللطيـــف الفحــــــل مــو عـــــوّاف؟؟
|
الاخوة شرفاء وشريفات المنبر
رمضان كريم
ادرك تماما ان كثيرا من اخواتنا واخواننا المبدعين والرائعين والمهتمين بالشأن العام هم اعضاء بهذا المنبر منذ فترات ولكن ربما لظروف خاصة عابرة او موضوعية حالت دون تمكنهم من امتاعنا بدررهم وروائعهم ولا زلنا في انتظار ابداعاتهم ومشاركاتهم الثرة . ومن هؤلاء رفيق النضال وصديق العمر و( جمل الشيل) المبدع صاحب اليراع الانيق الشفيف واللغة الفكرية الصادعةوالعميقة الجزلة انه صديقي وشقيقي المبدع عبد اللطيف الفحل وهو قلم فحل صقلته سنين النضال في مقارعة الدكتاتوريات وقوى الظلام جل عمره ولا زال يعطي ويعطي وهو مكسب كبير لهذا المنبر بل كنز في احشائه بيننا وبينه مداد وفكرة وضوء لن يسر الظالمين وبكتيريا الظلام.. ولا اظنك يا عزيزي تضن علينابومضة من فكرة تحاصر الظلام وايضا لا اظنك تعافنا ترفعا وانت سيد النبلاء اذ كيف يعاف الفحل مضارب الكلام لنهزم الظلام و( الفحــل مـــو عــــــــواف) واهلا بك صديقي لنسرج المكان بذلك الرصيد من ذلك الزمان بكل اتزان.
هباني
|
|
 
|
|
|
|
|
|
|
|
Re: عبـــد اللطيـــف الفحــــــل مــو عـــــوّاف؟؟ (Re: هشام هباني)
|
الأخ الأستاذ هبانى ..
نرحب معكم بالأستاذ الفحل ..
الفحل باين عليه .. ودجعل ..
فوق شوكا .. يمشى ويدوس بدون نعل ..
وياها ديك خلية نحل ..
يدافس بايده .. يقشقش فى العسل ..
لا جونتيات .. ولا كمامات .. ولا ضقل ..
فحل ود فحل ..
لا دابيا يخلعه .. لا تمساحا يهابه ..
.. ياهو قاعد يلولح فى الورل ..
من زمن الكتاب .. وناس ج جمل ..
ولى حسه ولى بكرة .. الأول .. والأول ..
.. يكتب .. ويمسح .. وينسخ جمال جمل ..
وكان جرى .. لا بتلحق .. كان راكب عجل ..
نقول ماشاء الله .. عينى باردة .. جوه المقل ..
خلاص .. يااخوانا ..
أنا منتظر .. كمان على عجل ..
منتظر ..
كتابات .. الفحل .. ود الفحل ..
وبدون زعل .. الله مايجيب زعل ..
صفقة .. للفحل .. ود الفحل ..
وألف مرحب ومراحب من ..
عمك العجوز ..
أرنست
| |
|
|
|
|
|
|
|
|
|
Re: عبـــد اللطيـــف الفحــــــل مــو عـــــوّاف؟؟ (Re: EL fahal Abdelatif)
|
تحياتي أستاذ عبد اللطيف الفحل في الحقيقة مريت على بوستك بتاع اسماعيل ويعقوب وقلت يا ربي يكون ده اسم على اسم ولاشنو إلى أن رأيت بوست الاخ هشام هباني.
لكن يا ود هباني ضحكتني عبارة مو عواف دي وذكرتني عثمان الكيني مرة تبجح وشتم السودانيين بأنهم أشنى ناس في افريقيا فأنا قلت بيني وبين نفسي اكيد حكاية الفحل مو عواف دي هي السببت لينا انعدام تحسين الشكل عن طريق التهجين وجابت لينا تهمة زي دي!!!!
| |
|
|
|
|
|
|
|
|
|
Re: عبـــد اللطيـــف الفحــــــل مــو عـــــوّاف؟؟ (Re: هشام هباني)
|
الاستاذ ارنست
تحياتى وتقديرى
ما زلت تلميذا اتابع كتاباتكم ..وكتابات العزيز هشام وكوكبة آ خرين
اشكرك على ذلك الترحيب المميز والبديع..كنت اتوقع استطالة تتلمذى كمتلقى..استعزب المراوحة بين رياحين المبدعين..ويبدو انكم عزمتم على ادخالى الملعب قسرا..من مقاعد المتفرجين
لكم اعزائى الشكر والتقدير
املى ان اكون عند حسن الظن
عبد اللطيف الفحل
| |
|
|
|
|
|
|
|
|
|
Re: عبـــد اللطيـــف الفحــــــل مــو عـــــوّاف؟؟ (Re: بلدى يا حبوب)
|
هيييييييييييع الفحل اخو البنات الدخري جاكم وشدو حيلكم يا اهل الضلمة
حبابك الف والف بالف ايها العزيز ومراحب كتير بالطلة البهية والفكرة السنية والقلم السنين..
حبيبنا وعمنا ارنست لك كل الود والمعزة وانت تشنف حواسنا بهذه الاريحية الترحابية الطيبة في استقبال الفحل وقد كنت سودانيا قبطيا(جعليا) اكتر من كثير من بعض المتجوعلين في هذا المنبر ولك مودة.
عزيزنا الجميل محمد عثمان
كتر خيرك على المرور ايها النبيل المناضل وشكرا للوفاء واهلا بالفحل بيننا ونحن كلنا من زمن جميل وسنسعى للنور والجمال.
الحبيب بلدي يا حبوب
كما عهدتك وفيا ونبيلا ويكفي اسمك الجميل وانت تحمل الوطن عنوانا فاهلا بالفحل بيننا لنهزم الظلام والرجل فحل ومليون فحل وقدرها..
هباني
| |
|
|
|
|
|
|
| |
هشام هباني
Sudany Agouz
بلدى يا حبوب
فيس بوك
تويتر
انستقرام
يوتيوب
بنتيريست