|
تراجي..........تراجي..............تراجي!!!!!!!!!
|
اعزائي
الاعضاء و القراء الماظلامين
تحياتي ومشتاقه لكم واعزروا غيابي
فقد كنت مع ناس رائعين في OTTAWA العاصمه الكنديه
ومن روعتهم لم اجد زمنا حتي لارى ايميلي الخاص.
عدت اليوم لاجد اكثر من بوست يتناول اسمي.
وقلت يا ساتر ايه الهناء الانا فيه دي.
العزال قررت ما ارد عليهم ودي وصية بورداب قدام
والاحباء جيناهم وعايزين نقرا ليهم ويقروا لينا.
وراجعه لكم .
تراجي.
|
|
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
اولا
وقبل محمد سليمان اللي هو بقينا في البورد
انا وهو عشه الفلاتيه وا لكاشف اخوها.
قبلك يا محمد حابه ارد علي الامير الكوشي الجميل بشاشا
بشاشا يا غالي سلام
وان شاء الله موجة الحزن خفت شويه على الغالي قرن.
وفى اتوا كان اللقاء جميل التقيت فى تأبين قرن
مجموعه من زملاء دراستي من الاسكندريه لوممبا وقرن جوزيف قرن
واخرين من شباب وشابات اتوا الرائعه باهلها.
والتقيت امراه رائعه يابشاشا ياريت يتاح لك وتعرفا يا بشاشا
د. اشول امراه رائعه من بنات الدينكا,حضرت من تورنتو متشحه
بالسواد على قرن ودموعها فى عينيها لكنها لم تتأخر عن مشاركة
ناس دارفور في استقبال موكب راكبي الدراجات من اجل دارفور
والذي كانت نقطه النهائيه اتوا.
لمحتها وانا القي في كلمة دارفور وما ان نزلت حتي عانقتها
وبكينا فقيدنا الذي علمنا كيف تكون الثوره وكيف يثور الثوار.
قالت لي اشول :
(يا تراجي رغم اني مذبوحه في دواخلي الا ان تعاليمه(د.قرن)
هي التي مدتني بالقوة للحضور معكم اليوم ومناصرة قضاياكم العادله.
هكذا وفي قمة حزنها الا انها محافظه على الصلابه و الصمود
الذي علمه لها قرن .
تمنيتك معي يا اخي بشاشا.
ولك مودتي الا ان اعود بالمزيد.
تراجي.
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
يا تراجي .. مسالة ما تردي على الاسئلة المباشرة والكلام البتكتبيهو دي مسألة عادية انا شخصياً مقتنع بيها.. وما كنت عشمان انك تجي تردي على سؤال واحد بس من كل الاسئلة المطروحة ..
لكن ..الظاهر لي في حاجات بيناتنا معلقة بترتيها من النص الفوق وخليتي النص التحت بيفرفر .. .. .
Quote: تخريمه : الصوره وجيهه بس القجه دي كان قصرتها حتكون اشيك
مجرد وجهة نظر |
ممكن اعتبر ده نوع من خفة الدم ؟؟ ممكن اتجاوز على كل الاسئلة السالتها قبل كده خليناها الاسئلة السياسية لكن السؤال ده تحديدا ح اقيف فيهو .. لانو المسالة اتعدت الحوار العام للشخصي وانا حساس جدا في الحتة دي .. وبتعقد بسرعة
بالمقابل ممكن اقوم اتكلم عن أي حاجه شخصية بحته بعرفه عنك ؟؟ والا رايك شنو ؟؟؟
| |
|
|
|
|
|
|
Re: تراجي..........تراجي..............تراجي!!!!!!!!! (Re: إسماعيل التاج)
|
Quote: العزيز تمبس
يا اخي قول بسم الله. مالك اليومين ديل؟؟ الحاصل عليك شنو؟؟ ولو جات للشخصي أحسن تقيفوا في حد السياسي. الشخصي لا يا تمبس وأنت سيد العارفين.يا ريت لو تراجي تفضـفض تـفاصيل أوتاوا. رجاء يا تمبس. مع تحياتي وتقديري. |
مولانــا .. الحقائق لا تتجزأ مش كده ؟؟ الزولة دي بدت معاي حوار في مكان محدد وزي ما شايف الآن هنا بتمارس في اسلوب معين..لا يخفي عليك
انااساسا ما عندي معاها اي مشكلة ولا اي موضوع بل بالعكس كتيرين من البتبنو نفس الطرح حقهــا وبي طريقته دي من بدري ومن قبل ما تجي هي هنــا انا ما قاعد اقرا ليهم .. لكن الظاهرة شكلها اصبح مزعج بالنسبة لي حبتين خصوصا بعدما اتعرضت شخصيا ومن فترة لي نبز وشتائم وكلام فارغ كتير هنــا بالتالي المسالة ما سياسية فقط .. يعني المسالة الشخصية موجودة وانا شخصيا ضبطت نفسي اكتر مما اتوقع لاحترامي لي كل الناس هنا وما عايز كل دقيقة والتانية اسمي حتى يكون حائم في الصفحة الاولى من البورد .. .. . اكره اي تصرفات شخصية .. الكثيرين هنــا جنحو ليها علشان كده يا مولانــا لازم البجيك بي شخصي تجيهو بي اشخص منو .. وبكل صراحة الاشياء الشخصية العارفنها عن ناس هنــا صدقني الواحد يترفع عن انو يقوله .. ولا من انصار الحاجات دي انا يا مولانــا لكن اها لما تتهاجم تربع ايدينك وتقعد ؟؟؟ والا كيف ؟؟ .. . تحياتي وحبي
| |
|
|
|
|
|
|
Re: تراجي..........تراجي..............تراجي!!!!!!!!! (Re: إسماعيل التاج)
|
والله يا مولانــا كلامك عين العقل .. اصلو مافيهو حاجه ما في حتته..
لكن للاسف .. الحاجات الجد بتحبطك .. والقفلت نفسي من المكان ده .. الانفصامات الحاصلة فيهو دي .. يعني مثال واحد بس ..
يسمعوك كلام بي هنــا في التلفون .. لما تصبح الصباح .. تلقي كلام الليل بمحاهو النهار .. ومسيرة النضال مستمرة .. ده واحد بس من الامثلة .. .. .
تعرف احسن حاجه الواحد يخلق من نفسو حاجه عظيمة في البورد ده يا اسماعيل دي اسهل حاجة .. كتا جدا بيكتبوا في كلام هنــا وهم بعيدين كل البعد عنو واقعيا قبل فترة واحد دخل معاي في نقاش هنا في البورد ،، ولما ماشي علشان ارد عليهو قال لي عليك الله ما تكتب لي رد .. قلت ليهو ليه قال لي انا غلطان في مداخلتي ماكان في داعي ليهاقلت ليهو طيب امشي اسحبه واعتذر .. قال لي عليك الله خليها بس ارجوك ما ترد.. والله ما رديت ليهو علشان خاطرو واتحملت الشينة انا .. وهو مواصل في حاجاتو الله يديهو العافية غايتو .. والمناضلة دي برضو الله يديها العافية ..
انا متفهم لي كلامك كلو لي حد بعيد جـــدا.. والف شكر عليه..
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
Quote: لكن قريت لك رد في بوست ورايتك قد جزمت باننا عنصريين |
مش تهمتك بانك عنصرية لكن ريدك للوطن الكتير مع ميولك على سكت ود سليمان الجبلية دلل من رويتك للاخرين بانهم مقصرين... باب الحورا مفتوح وتقبل الاخر مطلوب من غير عصبية ولا تحجر ولا حقد دفين..
فلا عرب تاركين البلد ولا نوبة... ولا جنوبين بقرب منفصلين وان اعلنو التوبة... غرب يناطح بمعارضين الملاجىء وشرق ودروبا.. حكومة تنعم بخيرات البلاد والدنيا مقلوبة...
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
اخي نور كامل
مرحب بك في البورد وان شاء الله اضافه حقيقيه.
اعزرني ان فاتني الترحيب بك وهأنذا افعل الان.
والصوره التي اخترتها جميله واعتقد بأنك انسان جميل.
شكرا لك وقد اواصل غدا لاني متعبه والساعه عندنا 4 صباحا.
قبل الوداع اهدي زوار البوست هذا الشعر الجميل وهو احدث ماقرأت
في رثاء الرائع د. قرن :
Quote: رغم الرحيل المر والغياب رغم فلول الشر والذئاب ورغم نعيق البوم والغراب سنظل أوفياء لوحدة التراب لشخصك المهيب لصوتك الحبيب لفكرك الخصيب لرأيك الصواب سنعبر الحدود ونكسر القيود ونقهر الصعاب ونرفع الشعار: لا غدر لا احتراب لا قهر لا عذاب لا هجر لا اغتراب ليصبح السودان الأمن والأمان ودرة الأوطان وتصبح القضية كرامة الانسان في العدل والحرية والوحدة الطوعية والوقفة القوية خلف السلام يا بطل السلام نم في سلام عليك السلام
د. عمر محمود خالد ? أغسطس / الخرطوم
|
شكرا د. عمر محمود خالد كلماتك رائعه
ربنا يصبر الجميع على الفقد الغالي.
تحياتي.
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
الأخت العزيزة تراجي
انتي تأمري ونحنا ننفذ النقل فورا من الرياض
وبعدين يا ابوقوتة ،، يا اخي ادينا فرصة نتخارج
من البلد ،، خلاص اخذنا كفايتنا ،،، ونعاوزين
نغير اوشاش ونشوف خلقة جديدة
ونحنا جايين يا تراجي ولا اقول ليك ايه رائك نرجع كلنا السودان وهناك دعوة مقدمة لحضور الكريسماس في جوبا،،
لكي حبي
واصلي دون توقف عند المحطات الحزينة
| |
|
|
|
|
|
|
Re: تراجي..........تراجي..............تراجي!!!!!!!!! (Re: tmbis)
|
الشقيق تمبس تحية طيبة وبعد كنت في طريقي للإستجمام أسبوعاً خارج النت عندما لفتت نظري كتاحة هذا البوست لست طرفاً في هذا السجال ولا ناقة لي فيه ولاجمل بيد أن الحق يجب أن يقال مجيئك وإصرارك على البقاء في الوقت الدي أعلنت فيه الأخت تراجي عدم رغبتها في الرد مسلك محير أرجو أن تتراجع عنه بإسم روح الإخوة التي دفعتني للكتابة
أراك والأخت تراجي و جميع البورداب بعد اسبوع بخير عثمان
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
.. . تراجي .. تراجي .. تراجي .. وينك لمن بحّ صوتنا .. سلام يا صاحبة الزمن الصعب ،،، مشتاقين نشوف كلامك .. ومنتظرين ردوك .. ولا نحن مصنفين فى نصيحتك للفرد محمد سليمان والأمير الكوشي بشبش !!
عليكم الله ما تطفوا انواركم .. الكريستالية الهناك دي .. عارفين السهر والرحلة مرهقة .. بس خلونى أفضى وأجيكم .. ساهروا شوية أهو كلو هباب ..اوووبس قصدي نضال .. وفى الفترة دى بسوق تامبا معاي للحلاق اقص ليهو تفته دى واقصقص شعراتي المسبسبات ديل عشان ما يطايرن من الكتاحة ..
عوداً حميداً ..
تامبا ،،،!!؟؟ فاهم ولا أشد ليك سلك ..ووين الشيخ كوستاوووي ..
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tabaldina)
|
يا تنقــا .. تتخيل الحاجة الغريبة في الموضوع انو الحلاقة الخطيرة دي والتفه مكلفاني مبلغ وقدره ( الاردني ) اتاريهو بشع بي قدام المناضلة وانا كنت عامل فيها وجيه وحالق حلاقة امريكان.. .. . الشيخ كوستاوي الله يديهو العافية ويجعلو من اصحاب ( اليمين ) بيكون مشي نام ده إذا ما عامل صاينن ومتخفي ويكون بسن في الادوات ..
تعرف؟؟ يا تنقــا يادوبك انا حزنت اني كنصلت تأشيرة امريكا.. على الاقل كان امشي اضرب الهمبريب ده واحضر لي مسيرة مسيرتين واجي راجع ..
| |
|
|
|
|
|
|
Re: تراجي..........تراجي..............تراجي!!!!!!!!! (Re: شدو)
|
Quote: يعني المسالة الشخصية موجودة وانا شخصيا ضبطت نفسي اكتر مما اتوقع لاحترامي لي كل الناس هنا وما عايز كل دقيقة والتانية اسمي حتى يكون حائم في الصفحة الاولى من البورد .. ..
|
اخى / علاء الدين منصور لك التحية
ضبط النفس لابعد الحدود مطلوب مهما كان ، فان لن تكسب احترام كثير ممن عرفوك ومن لم يعرفوك الا بتلك .
فانا وكثيرون غيرى عرفوا تمبس كصاحب كلمة راقية ، والذى لا يمكن ان ينال من احد مهما كان ، لذلك كثيرون يقرأون ويتسارعون للدخول الى بوستات تمبس ليس ليجدوا ، نقاش وحوار فى مسائل شخصية ، بل كان بوستاتك ملجأ لكثير منا ، لذلك ذاع صيتك ، واصبح الكثير من الاخوة من القراء ومن الزوار يحترمون تمبس ويشكرونها على تلك المجهود الجبار الذى تقوم به ونتوقع ان تكون متسامحا .
مع خالص ودى
| |
|
|
|
|
|
|
Re: تراجي..........تراجي..............تراجي!!!!!!!!! (Re: nada ali)
|
وبما انك قلتي يا تراجي ماشة علي خطي رودا ,, رودا ما كانت بتطنش زول وبترد علي ضلها وما خبرناها سمعت قبل كدا نصيحة زول الا رقبتها ولا ( بتزوغ) من معاركها اها انت كان علي خطي رودا فحتضيعي قضية المهمشين بطاعتك دي وسماع الكلام دا الضيع المهمشين انه ما بياخدوا حقهم بيدهم وحتي البتبرعوا باخذ حقوقهم بيطلعوا ناس ( مطيعين وبسمعوا الكلام) والقضية تروح ويا روح ما بعدك روح ... اها انت كا قعدت تسمعي في كلام الناس الكبار والقدام يبقي ما حيكون في جديد في قضايا التهميش.. لانه الناس الكبار والقدام ديل الضيعوا المهمشين لانه رايهم لو فيهو فايدة ما كان حصل التهميش من اساسو ولا شنو؟
ومن ناحية تانية الاتنين الامريكان اللزيتيهم للسودان راكبين ركشة ولا شنو ما وصلوا لاسع
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
اخوتي دعوني ابدأ بالسلام
على اختي انتصار اولا
لانها المرأه الوحيده بينكم.
انتصار كيفك يا غاليه
لك وحشه,عارفه كان في اتوا معانا منو
كان هاشم نوريت البجاوي الرائع بجانب اخوته
ناس دارفور.
قلتي لي نفس طويل ديل عايزين سلبه.
تحياتي ومحبتي وحليل ايام العشي الثانويه يا انتصار.
ماشه اتمشي وراجعه ناس البورد بنقتهم الكثيره ما اورثونا سوى
زيادة الوزن.
تراجي.
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
"The right to defend yourself is a corollary to the right to life. You must be able to protect what is yours when it is threatened. If you are being attacked the situation leaves the realm of morality - it leaves the realm of the everyday and becomes an emergency. In such an emergency, anything goes. That is the choice that your attacker has made, and he must live with his choice."
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
ود المايقوما سلام
Quote: حتى في السعودية عندك راي ؟ |
طبعا عندي رأي ومليون رأي
شفت السعوديه دي المكان الوحيد الماعندي رغبه اشوفها خالص
ومرات استغفر واقول في نفسي (وبيت الله كان في طريقه يفصلوا منها )
يكونوا ريحونا راحه.
المؤسف مش الشعب السعودي ولا النظام السعودي
ولا الفساد على الطريقه السعوديه ولا الشذوذ
الجنسي المتفشي فيها, كل ده ما عندي بيه دخل
الموجعني اقتباس السودانيين من هذه الشعوب المتخلفه
نحن حضارتنا وسلوكنا ارقي مليون مره
ليه بتظهر عليكم يا مغتربين السعوديه وطبعا ما كلكم
اعراض نظريه ابن خلدون في (نظرية الغالب و المغلوب)
رغم انه فيها اقلام ليست سهله كبورداب
يكفي انه مصطفي وشدو واحمد حنيني وودقاسم وصديق الموج
واخرين ,لكن هذا لا يمنع من وجود غالبيه طبازه جدا
وكلها تنتمي لهذه السعوديه.
تراجي.
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
ندي كيفنك
وكيف احوالك وخالد و الوالده
شكرا لمرورك يا غاليه
وكان يوم جميل يا ندي
بس ناقصكم لو شفتي الناس الحلوين المهتمين بقضايا الانسان
لا لشئ الا لانهم بشر وكل البشر عندهم سواء
واثقه انك التقيتي بكثير منهم في حياتك في الغرب
الا تتفقي معي انهم مدهشين بادميتهم ومبادئهم
كان معي دريج طوال الرحله وحدثن كم انت انسانه رائعه
ومتقدمه ازداد كل يوما شوقا للتعرف عليك
محبتي تراجي.
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
تراجي يامراحب، ياشقيقة.
امانة في ضمتك تسلمي لي علي د.اشول او قولي ليها، اخوكي المندوكرو بشاشا مشتاق يناغمك!
كمحارب قديم اوصيكي بي ايدك علي الزناد 24/7، اوماتعلمي يدك الخوف او ماتغيري خط خطابك العام، لوتنطبق السما بالارض، او خليكي ذي الفارس الجحجاح رودا مردا قائدة لواء السودان القادم بالمنبر، الخلت لواء الدبابين، بمفردا، يقيف في القيف!
اساسي ده، امير الدبابين، مرة فك البيرق اوقام سداري خوفا من رودا، او دق خروج نهائي من المنبر!
كده خلي ينكر جكتو دي من رودا!
| |
|
|
|
|
|
|
Re: تراجي..........تراجي..............تراجي!!!!!!!!! (Re: Bashasha)
|
تراجى
حمد الله على السلامة..
يادوبك حاادخل البورد عشان الملم حاجاتى المبعثرة..
كنت حااتصل بيك عشان أسال عن ولدك الصغير ..
انشاء الله يكون بقى كويس...بس ما سبتى رغم تلفون...
شرفتونا كتير وانشاء الله يتواصل نشاطكم فى اوتاوا...
من يوم السبت اياه جاتنى ضربة شمس من وقفة الحر..
يا دوبك الليلة اتحسنت وقلت اواصل الراحة عشان الصباح انزل بى تقلى...
تحياتى...
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
الاخ الفاضل عثمان محمد صالح
شكرا لك للمرور
واشكرك على نصحك
يا صديقي انا لا ادعي اننا افضل الشعوب
ولكن نحن متقدمين عن السعوديين
في الستينات عندنا نسوان دخلوا البرلمان
وهم لليوم ماراضين يسمحوا للنساء بقيادة السياره.
وهذا اكيد نقطه من محيط.
الخواجه لو اقام اللبناني لو اقام مليون سنه
بيقتبسوا منه السعوديين لكنه ما بيقتبس منهم
اشمعني السودانيين يحبوا تقليد الاخرين.
بعدين يا عثمان
البحث عن لقمة العيش ما معناه القاء الهويه
واكيد جميعنا مقتنعين انه السودانيين اتفرضت عليهم
ظروف قاهره جعلتهم يضربون في نواحي المعموره
لكني اتمني للجميع بما فيهم انا ان يظل دوما
راسهم مرفوع ويعلموا الاخرين ايجابياتنا ويفخروا بيها
مش يكون التلقي من جانب واحد.
رغم انه في نواحي ايجابيه في مجتمع الجاليه السودانيه
في السعوديه يقال انه علاقاتهم ممتازه
ربنا يزيدهم لكن كاعضاء في بورد هذا في غير مصلحة البورد لانه ظاهره المجاملات
بينهم,في النهايه هذه مجرد اراء تقبل الخطأ من الصواب.
وشكرا لك على المرور.
تراجي.
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
نور تاور يا غاليه
كيف احوالك وسلامت وان شاء الله عدوينك.
والله يا نور حيكون عندكم بوست خاص يا ناس اتوا
وكان كرمك فياض ومشاركتكم عظيمه رغم ظروف العمل الطاحنه.
لكن سبب هذا البوست من ما جيت لقيت لك اكثر من بوست شغال لي.
قلت اصلوا بوستات الظلاميين دي ما بخشها احتمال كثر الاحتكاك
بيهم يعادونا بظلاميتهم الفظيع دي.
عشان كده فتحت البوست العجيب ده.
كان الله في العون.
الصغير كويس واتحسن من اتوا وقبل السفر شكرا على اهتمامك يا غاليه
ان شاء الله ضربة الشمس تخف منك كمان.
تراجي.
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
بشاشا يا غالي
اولا ماش وين سايبنا مش كفايه علينا فراق د. قرنق.
فى اتوا نساء رائعات بالله يا بشاشا ما تفوت البوست عنهم
تابع وحأكتب عنهن لانهن يستحقن.
يازول الافريكانيه في اتوا متوجه
ونسوان لكن ما رهيبات في وعيهم!!!!!!!!!
حاجه كده تفرح يا بشاشا
حألتقي اشول مره اخري في تأبين يوم السبت في تورنتو
ولك علي ابلغها سلامك ووصاياك.
تقديري تراجي.
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
الاخت / تراجي
لكي التحية
Quote: ولكن نحن متقدمين عن السعوديين
في الستينات عندنا نسوان دخلوا البرلمان
وهم لليوم ماراضين يسمحوا للنساء بقيادة السياره. |
هل تقدم دولة على دولة تكون لسببين فقط ؟
وانا اقول ليكي حاجة : للاسف نحن اخر دولة واخر ناس والدليل انتي بقيتي تقييم الناس و الدول .
ودمتي
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
المؤسف مش الشعب السعودي ولا النظام السعودي
ولا الفساد على الطريقه السعوديه ولا الشذوذ
الجنسي المتفشي فيها
أين الأدب أين احترام الشعوب الأخرى عشنا وشفنا بنات السودان يشتمن الاخرين يا كدا عيب والله عيب شعب محترم ذي الشعب السعودي يهان وبهذه الصورة وبهذه الالفاظ النابية لا حول ولا قوة الا بالله ايه دخل السعوديين في ما يكتب هنا وان يهانوا بهذه الطريقة المؤمن ليس بلعان ولا فاحش ولا بذئ ليه وصلنا للمستوى دا من النقاش
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
الاخوه الاعزاء تحياتي طبعا انا دخلت الموضوع وكنت قايل في موضوع لكن للاسف الشديد ماقي موضوع بل غزل رخيص وبصورة غبية تدل علي خواء عاطفي وفكري وبعدين قصه الرد علي بعض المداخلات وعدم الرد علي الاخري ده دليل كبير علي فقدان الحجه والمنطق ودي سياسه قديمة يا تراجي والنصحوك بيها ديل اساسا هم ازيال المنبر خليكم يااخ من الكلام الفارغ ده واطرحوا موضوع وقضايا والونسه والغزل ده عندها طرقها بعيدا عن المنبر جد بالطريقة دي المنبر ده ح يكون كافتريا رخيصة لضعاف النفوس يجوا يلاقوا ضالتهم من المريضات نفسيا . يعني للاسف الشديد في تساؤلات طرحت ليه مافي اجابه عليها والاكتفاء باللزم والغمز ومجاملات ما عندها معني والله انا مستجل جدا جدا لكن ح ارجع وارد علي كل كلمة وسطر هنا لانو جد ده اسفاف
الساحر
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
Quote: محمد سليمان
كيفنك يا غالي
والله مشتاقه يا كماندو
وكله تمام يا افندم.
لقاء OTTAWA كان بستاهلك اختك اتألقت ولعنة لك ابو يوم الحكومه الجنجويديه للاخر
واشعلت الساحه بالهتاف لدارفور و للسلام العادل بها.
ويازول يوم خرافي ناجح بكل المقاييس بس ناقصك
يا محمد يا اخوي الزول بعد يلاقي الناس الحلوه
والمخلصه للانسانيه يجئ يفتح البورد يلقى الناس
البتأذن في مالطه دى بطنه تطم
غايتو انت يا محمد جمل الشيل كيف متحمل قرف الظلاميين
ديل كل هذا الزمن الله يصبرك لكن يا اخوي انا جنس ده ما
بقدر عليه,بس عارف رغم الهباب الهنا لكن يبدو في ناس
رائعه ما عنده عضويه بس بتقرأ لينا.
التقيت اخ رائع جاي من استراليا هو محمد الجزولي
سمعني كلام حلوا كثير طربت ليه ,قال لي نحن بنفتح سودانيز اون لاين عشان
نقرأ لك يا تراجي!!!!!!!!!!
والزول ده يا محمد يا اخوي زولا ما ساهل
عشان كده بعتز بشهادته وحنواصل عشان
القراء الحلوين غير المتداخلين.وصيتي الاخيره محمد سليمان بوستات الهباب ما تدخلها
ديل يا اخوي زي نافخي الكير اما ان تصيبك رائحه نته واما ان تحرق ثيابك .
خليهم ديل يا اخوي ما طالوا العنب قاموا قالوا عليه حامض.سأعود لك بتفاصيل اكثر عن رحلة اتوا.
وتصبحوا على خير.
تراجي. |
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
بشاشا تمشي وين ؟
شايفك فى اخر رد ليك رخيت شويه وشردت، قلت الاحداث الحصلت دي رد فعل طبيعي هل كلامي دا فيهو تبرير للقتل؟؟ قلنا ليك بطل لف واركز يا افريقي خليك زي اجدادك الاحداث دي كانت قتل قلنا يا شاطر فعليه انت بررت للقتل وكلامك دا بشع وغلط. ناس مانديلا دفعو سنيين من عمرهم بحاربو فى جنس الكلام دا. انت اسي جاي تشرد بالبساطة دي مافي ليك النقطة واضحة ومهما تلف وتدور ما في شي بحلك منها غير رد واضح
منتظرك يا بشبش
تراجي
راودا كانت واضحة ورايها واحد عشان كدا مافي شي بخليها تهرب كانت. وكانت جنها وجن شغل المجاملات الدوافعه ما واضحة ومحددة.ما بتحب اللون الرمادي حتى مع الناس البتصفق ليها
محمد سليمان
الهروب دا ما بحل وفي ناس بتقرا هنا فى المنبر دا كويس وبتعرف تميز
بطل لف ودوران زي صحبك بشاشا وتراجي
كتبت
Quote: أعتقد البعض أن أحداث الخرطوم ( 48 ساعة) قد تمنحهم الفرصة لخلق ما يكفي من جلبة و ضوضاء لتغطي علي جرائمهم في دارفور . و كتروا من "النهيق" العنصري ليخرج نشازا سافرا . بل من كان يتمسح بالموسيقي و الشعر و الفن فأذا به يكشف عن وجه عنصري لئيم |
ال 48 ساعة دي كشفت تراجي بشاشا ندى علي وباقي الناس الساي البتجي تحي دي ديل ما عندى وقت اذكرهم لانهم اصحاب مناسبات
يا محمد سليمان
بشاشا وتراجي اكتر ناس فى المنبر دا اتحدثو عن كرههم للقتل ومحاربتهم للقتل ال 48 ساعة البتحكي عنها دي ما كشفت الاخ تمبس يا خوي ال 48 ساعة فضحتكم خلتكم تساندو من برر للقتل بصورة واضحة وبتبرير غير مسئول نهائي. تراجي وبشاشا قالو القتل الحدث رد فعل طبيعي. الكلام دا غلط والناس دي كلها قالت انو حديث بشع وغلط الا انت واقف معاهم من باب شنو والله ماعارف؟؟؟
ما تقعدو تقولو لي تراجي شفناها بتبكي وبتمسح فى دموعها والكلام الفارغ دا الكلام دا لو بمشي علينا كان صدقنا الكيزان ديل.ودا حديث ما عندو أي معنى حديث بتاع كافتريات ومقاهي ومجاملات خاصة جدا ما بعني لينا فى المنبر هنا أي شي.
محمد سليمان انت وصحبك اقعدو لفو ودورو كدا مليون سنة النقطة دي ما بتشردو منها الوجه العنصري الحقيقي كشفته ال 48 ساعة دي ذاتها
تراجي هنا وبشاشا هنا وانت هنا وندى هنا
وقدامهم بقول ليك انهم بررو للقتل عندما قالوا ان القتل الحدث في ال48 ساعة دي على حد تعبيرك انو رد فعل طبيعي. ودا حديث بشع وفيها كراهية واضحة
والقناع الانساني سقط عنهم وبان وجه الكراهية الحقيقي بتاعهم لكل ناس. خاصةانو كل الناس وكل الاديان والاعراف والثقافات و اي حاجة تاني بتعرفها بتفقو تماما على ان القتل لا يولد الا القتل.
محمد سليمان رأيك شنو فى الكلام دا ؟؟؟؟؟؟؟ عليك الله اللون الرمادي دا خلي ولو مرة وحدة بس
عندك رد واضح انت او هم تعالو قولو هنا قدام الناس ديل وما تقعد تعيد وتلف وتعجن فى عبارات وكلمات مكررة ما بتنفعك هنا دا كلو ما بحلك لا انت ولا كل من يدافع عن حديث تراجي بمطنق عاطفي مخجل جدا. لانو بصراحة مكانه زي ما قلت فى الاول ما هنا حكي زي دا، فى مليون طريقة ومكان لنوع الحكي دا غير المنبر.
وفوق برضو
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
الاخ محمد سليمان لك التحية
اول شئ بحي شجاعتك ووضوحك في طرحك رغم الاختلاف الكبير بيننا في وجهات النظر اول شئ تبرير الاحداث الاخيره دي ما بحل المشكله بل بعمقها زياده واذا كان اي انسان عاني في فتره من حياته مبرر ليهو يعمل اي شئ ح نكون اسواء من حياة الغابة انت بتطالب منو بانو يمتص الغضب انا المواطن المسكين ولا الحكومة الاصلها لا تمثلني الشئ التاني محاولتك لربط الحكومات المتعاقبه علي السودان باهل الشمال وتصوريهم كجلادين دي محاولة فاشله لانو اهل الشمال لا دينهم ولا اخلاقهم بتسمح ليهم بعمل الاشئاء القلتها دي واظنك لا تستطيع ان تنكر انو اي حكومة مرت علي السودان كان في تمثيل للغرب والجنوب فيها كل الحكومات العسكريه كان الجنوبيين والغرابه موجودين فيها والشمال زيهو زي اي اقليم عاني من الحكومات الديكتاتوريه وقصة الاستعباد دي بقي ما عندها مكان او رواج الشئ التاني الحركة نفسها ادانت الشئ الحصل ده ومافي زول عاقل ببرر القتل والعنف للابرياء ذنبهم الوحيد انو جون قرنق مات او قتل بالله عليك الناس الماتت دي والاتخرب بيتها دي ذنبهم وديتهم علي منو ؟؟ وايه رايك لو الناس قامت دافعت عن نفسها بنفس القوة ورده الفعل ؟؟ الشئ الحصل ده ما هو تصرف من ناس حاقدين وعنصريين واي واحد بايد الحصل ده او ببرر ليهو ماهو الا انسان عنصري وحاقد ودوافعه كلها شخصية واهدافه اننانيه لا تتعدي ذاته المريضه
| |
|
|
|
|
|
|
Re: تراجي..........تراجي..............تراجي!!!!!!!!! (Re: الساحر)
|
كدي النخش الكتاحة دي
كتبت الاخت الفاضلة تراجي
اولا
وقبل محمد سليمان اللي هو بقينا في البورد
انا وهو عشه الفلاتيه وا لكاشف اخوها.
قبلك يا محمد حابه ارد علي الامير الكوشي الجميل بشاشا
محمد سليمان
كيفنك يا غالي
والله مشتاقه يا كماندو وكله تمام يا افندم.
اختك اتألقت ولعنة لك ابو يوم الحكومه الجنجويديه للاخر
يا محمد يا اخوي الزول بعد يلاقي الناس الحلوه
غايتو انت يا محمد جمل الشيل كيف متحمل قرف الظلاميين
والزول ده يا محمد يا اخوي زولا ما ساهل
وصيتي الاخيره محمد سليمان بوستات الهباب ما تدخلها
يا محمد يا اخوي
خلاص ناس السعوديه صحوا كان الله في العون.
عايزينه يتخارج منها,والا ايه رأيك يا ابو حميد.
معقول الكلام ده يا الكاشف ؟؟؟ ولا مشغول بيهناك ؟؟؟؟
| |
|
|
|
|
|
|
Re: تراجي..........تراجي..............تراجي!!!!!!!!! (Re: Tragie Mustafa)
|
Quote: العزيزه لنا اكثر ما يعجبنى فى الصادق المهدى حرصه على النديه فى العلاقات السودانيه المصريه وفى هذا اراه خير من يمثل الشعب السودانى. لكن للاسف لم يفهم المصريين هذا وحرصوا على التهليل للانقاذ لانها انقذتهم من الصادق المهدى الذى كان رقما صعبا لايمكن تجاوزه فى الساحه الافريقيه و العربيه. اعيب عليه كسياسى (ورغم انها عادة كل سودانى عادى) الاهتمام بالسياسه الخارجيه كثيرا. بينما هو كان يحمل هم وطن يحتاج اكثر من عشره رؤساء وزرا!!!!!!!! كان الله فى عونه. اعتقد جل المسؤليه ستقع على عاتق البطانه لو كانت صالحه وشجاعه. وكفاه الله شر ال المهدى فبنزاعهم للسلطه يشغلونه بجبهات داخليه فى الحزب وهذه عبء ليس سهلا ,يصرفه عن امور اهم. تحياتى وتقديرى لشباب حزب الامه بالمنبر. تراجى. |
أين مشروع السودان الجديد؟
| |
|
|
|
|
|
|
|