من الأشياء التى يصعب غض الطرف عنها عند الحديث عن الحب ومن اهم هذه الاشياء هي مسألة متطلبات الجسد فى مثل هذه العلاقة. وتكمن أهميتها فى انها تكسبها النضج الفعلى وتضمن استمرارها الى الامام. الكثيرين منا ينظرون للجسد فى الحب نظرة لا تليق به حقيقة ولا يعطونه مساحة فى العلاقة والكل قد يقضي جل وقته يصارع احتياجات جسده الطبيعية.
الجسد والجنس من اكثر الاشياء روعة وجمال حيث يختلط الحسي بالمعنوي وتجاهل مثل هذه الروعة يفسد العلاقة. سألت مجموعة من الأصدقاء ما رأيكم فى شخص تعلق قلبه بفتاة لمجرد انه اعجب بخصرها وصدرها؟؟؟ معظمهم حكموا على هذه العلاقة بالفشل ونعتوها بأقبح الألفاظ!!! ورايهم لو ان هذا الشاب اعجب بعيونها بشعرها لاختلف الامر كثيرا وأصبحت علاقة بالفعل يمكن ان تسمى حب حقيقي حقيقة لا اجد أي فرق فى كون ان الشاب يعجب فى المراة ومن النظرة الاولى بصدرها او برجولها او بشعرها او عيونها فالسحر والروعة فى كل موجودة. وبالنسبة لنا نحن كشرقيين يكاد يكون الجنس فى حد ذاته يمثل ماهو اكثر روعة وسحرا بالفعل وذلك نسبة لعاداتنا ومعتقداتنا، وسبحان الله هو اكثر ما نبعده تماما حتى عن ذهننا بمجرد الشروع بالتفكير فى نصفنا الآخر ودا الجايب لينا البلاووي الكتيره العاملين نفسنا ما شايفنهاصدق اخر لديه علاقة بفتاة ذات حسن وجمال، وقال لى حقيقة لدي امر يزعجني كثيرا، قلته ليهو شنو قال تعرف كل ما امشي اقابل البنت دي واقعد معاها شويه كدا والله بهيج وحالتى بتبقى صعبه جدا ولدرجة انو الانفعال بكون ظاهر فى ملامحي يعني بالعربي كدا مرات ما بقدر اقوم او اتحرك من مكاني لانو فعلا حالتى بتكون صعبه؟؟ يعني بصراحة كدا بقيت بفك شكة القميص ولفترة بقيت اركزعلى لبس الجنز وكلو ما دس شي العمل شنوخاصة انو الحكاية دي انا ما مرتاح ليها؟؟؟ طبعا دي مسألة طبيعية وبالعكس يا صديقي العزيز لو ما حصلت ليك جنس الانفعالات دي دي تبقى عوجة اصلو الحب دا انت قايلو شعر وهمس واغاني بس، شي طبيعي انك تتهيج وكالجواد الاصيل،والمسألة دي برضو من المفترض تحصل مع البنات ايضا، وكان ما حصلت تبقى عوجة برضو يعني هي طبعا ما ح تفك الجنز لكن صوتها بروح اثناء الكلام معاك وريقها بنشف مرات كتيره ولونها ببهت الحالة واحدة مع اختلاف بسيط فى الاعراض. اها يا صديقي العزيز عشان الناس ما بدل ما تبشتن بعض وما جايبين خبر،لازم نهتم لمثل هذه الامور ونركز معها ونعطيها حقهاجوانااولا والملاحظة والتاكد من حدوث مثل هذه الانفعالات ثانيا. فى ناس كتيره ما بتحصل ليهم الانفعالات دي ولانو طبعا بكونوا فاهمين انو من المفترض وما صاح يهيج الواحد فى فيمن ستصبح زوجته ومن المفترض الهياج دا يحصل فقط مع اخريات ذوات أجساد واااو بتهيج ويستمر فى نومه وقد لا يدري انه مصاب بعجز جنسي مثلا نتيجة لهذا الفهم او يعاني من مشاكل ما المهم يكون ورط بنت الناس وتفاجأ هو المسكين بعدين باشياء كان مسينغ بالنسبة ليهو، دا نموذج وهنالك اخر يكون شاذ من غير كريمات وكسر صوت ومن غير حلل ملاح فى الأعراس اها دا يتعرف كيف؟؟؟؟ الجسد واحتياجاته الجنسية امر مهم ويجب وضعه فى الاعتبار والتعامل معه بصدق وشجاعة عشان ما نخلي حياتنا جحيم وزي ما ح حصل مع الكتيرين. والمساكين ساكتين ساااي وتاركين الامر لله وبعضهم لم يتركه لله وفاض به الهياج واتصرف بطريقته!!!! اخيرا شي طبيعي عزيزي الشاب عزيزيتي الشابة ان نشعر بالهياج الجنسي وامر صحي لنجاح أي علاقة زواج، ام ماهو غير طبيعي فى الموضوع اطلاق العنان لهذا الإحساس ، فهنالك فرق كبير بين وضع اعتبار لاحتياجات الجسد وبين راحة الجسد
ولكم التحية ــــــــــــــــــــــــــــــــــ BE YOURSELF AND HAVE AN IRON WILL AND DEFINTELY THERE IS NO AWAJA
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
alsngaq
فيس بوك
تويتر
انستقرام
يوتيوب
بنتيريست