|
|
 Re: منان.. القرار الصائب في الوقت المناسب! بقل (Re: محمد لطيف)
|
ها هو ذا يا تعبان رجل من بين ظهرانينا.. وطني يعلي من شأن مصالح وطنه العليا.. قائد يأخذ القيادة بحقها.. فلا يتنازل عن شبر وضعت فيه قواته أقدامها.. مهما طال الزمن.. فيستمع لندائك الذي طوى الزمان والمكان.. ويستجيب فلا يتردد في اتخاذ القرار الوحيد الصحيح
ـــــــــــــــــــــــــــــــــــــــــــــــــــــــــــ
ياأستاذ محمد لطيف سلام..
أول حاجة دار ألفت نظرك باعتباري قارئ متابع بجدية كبيرة ومنذ شهر تقريبا لصفحة أراء حرة ومقالات،قريت ليك في الشهر دا أكتر من ست او سبع مقالات،إنو عندك مشكلة واضحة في
إنك بتميل لجعل الشخوص عناوين ومواضيع للمقالات وبتهتم بيهم أكتر من الاحداث..إنت كتبت قبل كدا سلسلة عن صديقك رجل الاعمال،وسلسلة عن احمد هرون وهاانت تكتب من جديد مقال واحد عن حدث جليل
متخذا كالعادة نزعة الشخصنة كاهتمام أول..مادار انظر كتير،لكن كقارئ بسيط أنا قعد أعاني من ضرسة في النزعة حقتك دي..والضرسة دي طبعا قائمة على تثبيت حقك الافتراضي هنا في إنو نواياك معافاة وإنو الشغلانة كياشة منك فقط لاغير...
نمرة اتنين،تناولك للأشخاص ــ لو مشيناهو ـــ بتنقصو في العموم النظرة المحايدة والنقد السليم،فإنت يا إما كلت المدح دون ضابط،أو كلت الذم دون ضابط...يعني معيارك بتاع الرصانة والمهنية في الحتة دي مبوش...
كلامك المقتبس فوق دا،ماكلام صحفي متمرس زيك،ليه؟
حامد منان مافي زول عارفليهو قيادة سواء كانت طالحة او صالحة،وإلاّ خبّرنا أين قاد منان،وماذا أنجز؟..
بعدين كانت في مشكلة ح تقوم لو مامنان اتصرف هذا التصرف اللهي التأثير المتوقع من الممنوعين من الامتحان على مركز كمبالا والتداعيات على أوراق الامتحانات في كل المراكز الأخرى،المشكلة المحتملة دي ممكن تخدم اتجاه إنو منان لجأ للخطوة دي للحفاظ على امن المركز وامن الامتحانات عموما في كل المراكز اكثر من أي اعتبار آخر..ودي نقطة إنت ذكرتها في مقالك لكن على استحياء..
آخر حاجة،عبارة (فلا يتنازل عن شبر وضعت فيه قواته أقدامها) خلاف إنها عبارة سمجة جدا وخالية من الحساسية ولاتمثل حقيقة ولافهم قائم،هي لاتخدم المقال ولا تطلعات السيد تعبان الإنت استشهدت بيها هنا...
أخشى ياسيدي الفاضل أن أقول لك :مقالك دا خرمجة ساكت... وإنك ماقعد تدي المقال حقو من زمن واهتمام وإنك بتستهر بينا مع إنو مصدرك قوتك مننا.
|
|
 
|
|
|
|
عليش الريدة
فيس بوك
تويتر
انستقرام
يوتيوب
بنتيريست