|
Re: قبل الزواج بشهر..وداعا! (Re: خالدة البدوي)
|
Quote: معقوله الشهور دي تمر بسرعة كدة ؟؟؟
مبروووووووووووووووووووووووووووووووك
منو الحبيبة[
أمنياتي من كل قلبي ،،، /B] |
شوفتي كيف حبيبتي؟
وبرضه ما كملت التجهيزات.. حاله صعبه جدا.. ياريتك لو كنتي معاي هنا خلودتي كنتي ساعدتيني كتير! شوفتي البنات ديل؟ من جبت ليهم سيرة المحلبيه والحنه وقروش الحنانه والتوب ما ظهرن تاني!
ممكن خلودتي تشتري لي شبشب كعبه عالي شديد يكون لونه دهبي علشان الحنه تظهر فيه حلوه؟ شكرا ربنا ما يحرمني منك!
| |
|
|
|
|
|
|
Re: قبل الزواج بشهر..وداعا! (Re: رأفت ميلاد)
|
Quote: الظروف ما معروفة
الحجة ألف من يتمناها
لكن شواكيشا ... تخوف |
انت خايف تبارك ويكون الموضوع فشنك.. وما تبارك ويطلع صح وتتملق ما تعرف تودي وشك وين..موش؟
بس بركة الباركت لي هنا...لأني بعد ما امشي من هنا ما بلقاكم تاني في ونسه زي دي.. زوجي تو بي قال لي ماعايز ونسه في النت! أعمل شنو قدروا موقفي.. حكم القوي علي الضعيف.. بس عليكم الله يا رأفت يوم الاحد ادعي لي ربنا يقدرني علي فراقكم يلي اديتوا لحياتي طعم ولون.. وسوري لمن يظن انه قد اخد شاكوش..
ما كانش قصدي!
| |
|
|
|
|
|
|
Re: قبل الزواج بشهر..وداعا! (Re: Muna Khugali)
|
بنتنا واختنا منى
الف الف الف مليار مبرررررررررررررررررروك
لو فعلا حقيقة حنفرح اكثر من المليارات الفوق
ولو كانت قصيدة ولا قصه جديدة برضوا بنهنئك
المهم كل الفرح الذى يفرحك يفرحنا وتغلبيهوا
بالعيال وامنياتنا بحياة سعيده.
اخوك / ســـــــــــــيد
| |
|
|
|
|
|
|
Re: قبل الزواج بشهر..وداعا! (Re: سيد محمد احمد سيدنا)
|
Quote: بنتنا واختنا منى
الف الف الف مليار مبرررررررررررررررررروك
لو فعلا حقيقة حنفرح اكثر من المليارات الفوق
ولو كانت قصيدة ولا قصه جديدة برضوا بنهنئك
المهم كل الفرح الذى يفرحك يفرحنا وتغلبيهوا
بالعيال وامنياتنا بحياة سعيده.
اخوك / ســـــــــــــيد |
والله يا سيد اخوي انا ان كان كده محتاجه خالص ومعاها شديد اعيد بناء جسور الثقه بيني وبينكم.. انتو ليه ما مصدقين؟ كله من الزول الأول الجه زعزع تأكدكم من كلامي ..وخلي تهنئتكم نص كم وكلها لولوات..
لكن بيني وبينك شعور مختلف!
اتخيل لو لازمك طوالي.. تلقي مثلا العروس والعريس قاعدين وتقوم تمشي تقول ليهم مبروك وانت متردد.. تقوليها مثلا.. لو ده فعلا عرس جد جد مبروك عليك... لكن ان بقي قصه صورتيها لفيلم برضه مبروك..
والفنان برضه تلقاه يغني وهو محتاس...
"نبارك ولا ما نبارك قولي انتي يا انتي"
شكرا يا سيد اخوي..ماشي السودان متين؟ انا بكون هناك في أول سبتمبر برجع ليه من القاهره اصله نسابتنا قالوا الا نمشي ليهم نشوفهم في بطن بيتهم.. ربنا يهنيك يا سيد ويسعد ايامك..
| |
|
|
|
|
|
|
Re: قبل الزواج بشهر..وداعا! (Re: عبد المنعم ابراهيم الحاج)
|
Quote: ألف مبارك العزيزة منى وربنا يتم على خير مع اجمل الأمنيات لجميع الأسرة |
ازيك يا عبدالمنعم.. العرس قرب.. والسفر قرب! فضل لي معاكم اقل من تلاته يوم.. كتر الدعوات ربنا يتمم علي خير.. شفقانه أنا..موش؟؟
المهم عايزه اقول ليك انا برضه بتمني ليك امنيات كتيره حلوه.. واهمها يشفي ليك الحاجه ويسعدك بيها وبأسرتك..
شكرا ليك منعم اخوي..
| |
|
|
|
|
|
|
Re: قبل الزواج بشهر..وداعا! (Re: Elmuez)
|
Quote: تهاني الحارة و تمنياتي القلبية
زواجا مبروكا و سعيدا إن شاء الله يا منى,
معز |
يسمع منك الله.. اصله الزواج ده قصه لازم تدعمها بالجرسه والدعوات المستمره,,وما تكون منك براك.. تكون منك ومن الناس الحواليك.. الناس الحلوه الزيك وزيهم..
خلاص ادعي لي كتير وانا بدعي ليك برضه.. واستعنا علي الشقا بالله!
غايته كان ما نفعت فيه.. اكيد بنفع بعد داك اشتغل حاوي... او كاونسلينج اوفيسر..
لكن نقدر الشر ليه قبل وقوعه؟
ده يعتبر تشاؤم وربنا حرمه في القرآن وبالتحديد في يس..
يبقي اذن مبروك عليهو أنا!
شكرا المعز اخوي..ربنا يسعدك ويبارك ايامك
| |
|
|
|
|
|
|
Re: قبل الزواج بشهر..وداعا! (Re: Agab Alfaya)
|
Quote: الف مبروك يا منى
وربنا يتمم على خير
ويجعل ليك في كل خطوة سلامة |
شكرا أخوي..فعلا ربنا يتمم علي خير.. عارف انا مشيت لأشغالي وجيت راجعه لقيت البوست في الصفحه التالته! الناس دي بطلت تهنيني ليه ياربي؟ يكونوا كملوا؟ يبقا!!
فرحانه بدعواتك وتهنئاتك.. لكن عارف فرحانه أكتر بشنو؟ اني أكون في مكان واحد مع ناس زيك..
شكرا كبيره اخي عجب الفيا..
| |
|
|
|
|
|
|
Re: قبل الزواج بشهر..وداعا! (Re: قاسم المهداوى)
|
Quote: منى تورق صفصافة فى يدك ويورق لون البنفسج تهانينا و....
ألف مبروك وبيت مال وعيال صغار حلويين موسيقيين وتشكيليين
قاسم |
الله يبارك فيك يا قاسم لون البنفسج يملا دنيتك ويسعدك.. قول آمين..
شكرا علي التهنئه الحلوه..اسعدتني جدا
| |
|
|
|
|
|
|
Re: قبل الزواج بشهر..وداعا! (Re: شهاب الفاتح عثمان)
|
Quote: هذا اسعد خبر في اسبوع الارشفه دا
منى فرحانه بيك كل النجوم لا نام بريقا و لا انطفى
الف مبروك |
شهاب دايما جميل وموجود..اكيد النجوم بتكون فرحانه بيك انت أكتر.. لأنك موجود دايما مع الناس..
شكرا شهاب وربنا يسعدك وينجح خطاويك..
| |
|
|
|
|
|
|
Re: قبل الزواج بشهر..وداعا! (Re: الطيب شيقوق)
|
Quote: منى انا طالع ساااااااااى ما ناقش اى حاجة وروني الحاصل شنو ؟؟؟؟؟؟؟؟؟؟؟
المهم لو خير الف مبروووووووووك |
كل خير ان شاء الله.. كدي انت باركها بس..
شكرا الله يبارك فيك
| |
|
|
|
|
|
|
Re: قبل الزواج بشهر..وداعا! (Re: elhilayla)
|
Quote: لا اعتقد !!! اتمنى أن تكون الفرحة ل { آآآآآآآآآآآآآآآآية
This is what I also have in mind |
Zainelabdin
ياخ ماممكن لكن يالزنزون... آيه متزوجه ليها 8 شهور اسه.. ولا علشان ما باركتوا هناك؟ ولا امكن علشان بتي متزوجه؟؟ غايتو عليكم جنس كلام!
ما مشكله..الله يبارك فيك تاني
| |
|
|
|
|
|
|
Re: قبل الزواج بشهر..وداعا! (Re: سمندلاوى)
|
Quote: مبروووووووك ,,,, والكمنجة جاااااهزة!!!! |
شكرا سمندلاوي.. خلاص ما دام المان جاهزه عندي فكره.. الحقيقه امل مش فكره.. شفت أنا من زمان بشوف الواحد والواحده قاعدين في مطعم شاعري جدا بيتعشوا.. وبعدين شموع ما تديك درب مع العشاء وأول ما يجيبوا التحليه وعلي الأغلب بتكون آيسكريم وتشوكوليت تلقي عازف الكمان الراقي يجي مقترب ويعزف ليهم لحن حالم شديد.. وانا منذ سن المراهقه يراودني هذا الحلم المنيه.. والحمدلله انت جيت ملاك مرسل..
يعني..
30% منه اتحقق.. فضل 60%
تكون شنو ال 60% دي ياربي؟
شكرا وفي انتظار عزفك الجميل..
وشكرا علي الزهره..
| |
|
|
|
|
|
|
Re: قبل الزواج بشهر..وداعا! (Re: Alsa7afa_30)
|
قبل الزواج بشهر .. وداعاًً للعسل ! ولذلك الرجل الرقيق الوديع الحبوب !
ولعالم العشق الخرافى والمحبه والجمال !!! لأنو الرجل بعد داك حيتحول لى
لى شخص تانى ! ............. مش بتقصدى كده يا منى ؟!!!
إذا بتقصدى كده , يبقى مبروك لي أنا !
| |
|
|
|
|
|
|
Re: قبل الزواج بشهر..وداعا! (Re: مامون أحمد إبراهيم)
|
Quote: قبل الزواج بشهر .. وداعاًً للعسل ! ولذلك الرجل الرقيق الوديع الحبوب !
ولعالم العشق الخرافى والمحبه والجمال !!! لأنو الرجل بعد داك حيتحول لى
لى شخص تانى ! ............. مش بتقصدى كده يا منى ؟!!!
إذا بتقصدى كده , يبقى مبروك لي أنا ! |
شوفت كيف مأمون اخوي..اهه ما براي! الناس دي بتتغير بسرعه شديده خلاص..
انت يا مامون كدي النسألك..
ليه الناس بيمثلوا علي بعض ويعملوا فيها ظراف شديييييد في الأول.. وبعد الزواج يكونوا حاجه تانيه؟؟ انا يخيل لي كلمه شهر العسل دي حقو تتشال من القاموس..لأنها بتخلق ايحاء انه هو المفروض يكون شهر وخلاص..الناس تكون فيه ظريفه وحلوه..وبكره وبعده بصل!
ياربي الكلام ده اسه كيف؟ الزواج ده شكله كده آآآآ....
ولا بلاش يقوم العريس يطفش!!
وانا استأذنته اليومين الجايات دي آخد راحتي في الكلام معاكم ..وبعد كده اذا سمح لي أجي.. طبعا لازم استأذنه فيما أكتب..يعني اجي الصباح كده أقول ليه..
ممكن ياحبيبي أرد علي مأمون بكلمه واحده بس علشان مايزعل مني؟؟ هو طبعا هايسكت دقيقه كده وهو منحني بيلبس في حذاءه ويقول لي..
جدا بس كلمه واحده ما تزيديها..
انتي دلوقتي بقيتي في ذمة راجل وأنا ما بحب زوجتي تتكلم مع الرجال التانيين حتي ولو اعتبرتهم اخوانها! طبعا انا بفرح جدا بأذنه ده.. وبقدر حقيقي وعيه بحقوقي ومسئوليته علي.. وطوالي برد بصوت هاديء ورقيق..كله حب وعرفان
شكرا حبيبي..اوعدك يا نور عيوني ما ازيد من الكلمه الواحده! وما أنسي اشكره...
يا سلام يا مأمون..زوجي تو بي ده اتاريه راجل تقدمي فعلا..
علي كل حال شكرا مأمون علي مشاركتنا الفرح..
| |
|
|
|
|
|
|
Re: قبل الزواج بشهر..وداعا! (Re: د.محمد حسن)
|
Quote: قال لها
النهر
الخصب
الخير
قالت له
يلا نسير البحر
نقطع جريد النخل
زغردت وردة على الشاطئ
وفرح كل حيران الخوجلية
ورقصوا طربا عند البحر وهم يصيحون.. |
هيييييييييييه
مني غرقت!
| |
|
|
|
|
|
|
Re: قبل الزواج بشهر..وداعا! (Re: مهيرة)
|
Quote: ومن يوم ماقال لي تتوزني بالدهب.. وانا كل يوم زايده كيلو!
|
الحبيبة والغالية جداً وخنساء البورد منو، والله ألف ألف مبروك وبالرفاء والبنين إن شاء الله، وبالمناسبة أنا من المتابعين للبوست دا من بدايتو، وبصراحة كنت مُجهجه مابين الحزن والفرح بسبب كلمة وداعاً، وخًفتا إني أدخل أعزي أو أهنيء وأطلع مُشاتر، وهسا إتوكلت ودخلتا وموت الشُتر مع جماعة الشُتر عرس ، ولكِ وللعريس أسمي معاني حبي الصادقة ياسيدة نساء البورد.
| |
|
|
|
|
|
|
Re: قبل الزواج بشهر..وداعا! (Re: النذير حجازي)
|
Quote: الحبيبة والغالية جداً وخنساء البورد منو، والله ألف ألف مبروك وبالرفاء والبنين إن شاء الله، وبالمناسبة أنا من المتابعين للبوست دا من بدايتو، وبصراحة كنت مُجهجه مابين الحزن والفرح بسبب كلمة وداعاً، وخًفتا إني أدخل أعزي أو أهنيء وأطلع مُشاتر، وهسا إتوكلت ودخلتا وموت الشُتر مع جماعة الشُتر عرس ، ولكِ وللعريس أسمي معاني حبي الصادقة ياسيدة نساء البورد. |
نذار وعروسه الجميله.. والله فرحت ليكم فرح كبير.. زمااااااااان خالص.. كنا لما نشوف عروسه في فستان ابيض ومعاها عرسها دايما في بدله سوداْء.. قاعدين في كرسيين كبار..نقعد نعاين بانبهار شدبد..
عارف العروسه بنكون شايفنها وعارفينها..لكن برضه ينعاين ليها اليوم داك بانبهار كأننا أول مره نشوفها! الخيال والعالم الغامض بيلعب دوره.. ومايلعب دوره كيف واستعداد ما قبل الزواج تستغرق شهورا من التحضيرات؟ وتلقي الرجال قاعدين مبحلقين عيونهم..والنساء ماشيات وجايات وكلمة صلاة النبي..وحلاتهم ماشاء الله ما وقفت اصلو..
أنا رغايه أحسن اختصر باعلان خوفي يالنذير ود حجازي.. انا وزني زاد جدا والسبب انت عارفه.. طيب لو العريس ده ما التزم بوعده..ووزني دهب زي ما قال.. اقبل وين أنا ساعتها بسمنتي دي كلها؟
سلم لي علي "مراتك"
| |
|
|
|
|
|
|
Re: قبل الزواج بشهر..وداعا! (Re: مهيرة)
|
Quote: العزيزة منى خوجلى مليون مبروك تستاهلى السعادة وكل الخير وان شاء الله العديلة تقدمه وتبراه أنا غايتو كان عندى احساس بفرح ونهاية سعيدة تحياتى |
تسلمي يا غاليه.. وكل انسان يستحق السعاده باشكالها المختلفه..ربنا يسعدك باسرتك.. وان شاء الله العديله تباري كل العرسان.. فرحانه بيك شديد يا مهيره وبهمتك وكرمك...
| |
|
|
|
|
|
|
Re: قبل الزواج بشهر..وداعا! (Re: bayan)
|
Quote: النت في اي مكان يا منى
انا مرة عملت بوست لناس اؤسلي بيقرو البورد ويتناقشو فينا..
مافي عذر.. |
والله طيب كويس يا نجاة..خلاص بشيل اللاب توب معاي.. لكن بعدين الراجل ده يقول لي طيب ماكان نقعد بره قبلنا.. احنا قلنا ده مشروع علشان نرجع للطبيعه! بيني وبينك احنا اتفقنا نشتغل مزارعين.. هو يزرع وأنا آكل البيزرعه..فكره حلوه ومتعاونه ..موش؟
وبعدين أنا خايفه الغيره تدمر حياتي! هو غيور شديد لدرجة الخنق والمصادره ومعاهم الملل! تفتكري أعمل شنو؟ اخد اللاب توب وسودانيز أون لاين معاي واحتمال خسرانه كزوج؟ ولا اسيب سودانيزأونلاين وأخسركم انتو واعيش معاه بغيرته؟ انا بين نارين.. انصحيني أعمل شنو؟
وماتخافي من كلامي ده.. في فترة يومين زياده علشان اقول كل الفي نفسي بدون تدخل من الرقابه والعقاب لديستوفيسكي السوداني!
قوتلك..
ماك ماشيي الشماليي نقضيلنا يومين سوا فيها؟
| |
|
|
|
|
|
|
Re: قبل الزواج بشهر..وداعا! (Re: sudania2000)
|
Quote: منو !!
أنا ما قلت ليكي ما تكلمي زول ومافي داعي لنشر الدعوة عبر القارات
هسي انا اسوي شنو الزول دا حلف كان البورد عرف ... الموضوع بخلي
عالم جبانات
مشتاقين يا بت |
لكن حبيبتي والله انا ما قلت ده انتي.. اسهبراك كشفتي الموضوع! خلاص ان فات منك ما تلوميني..لأني ما عندي ذنب وبعدين انتي تعالي النسالك.. هو العريس ده قايل نفسه شنو يعني؟ يشيل ويدي في الشروط؟ فاكر نفسه حاجه ما حصلت؟ ولا انتي يعني بتموتي كان مشي؟ وبعدين الدسدسه دي لمتين؟ وفي شنو داسي منه رقبته؟ هوي انتصار أختي.. الزول ده أظنه بيعمل في حاجه ما ياها.. قلت ليك.. انتو ما سألتو مني ورسلتو مخابرات بي وراه؟ نحنا عندنا مكتب تجسس زواجي ممكن نكشف لي كل زل تارخ وتحركات العريس المزمزع قصاد رسوم معقوله..والأختيار مسئولية دافع الرسوم..
يللا شدي حيلك حبيبتي واشوفك شهر 9 في الخرطوم لو ممكن.. علشان الشوق أكوام..
| |
|
|
|
|
|
|
Re: قبل الزواج بشهر..وداعا! (Re: خالد ابوالقاسم)
|
Quote: الف مبروك اختى
منى
و ربنا يتمم الافراح و يجعل كل ايامك افراح
ويجعلها مبتسمة كابتسامتك هذه |
ويخليك لي ولينا كلنا خالد أخوي..
تفرح ايامك وتسعد فيها سعاده ما ليها حد..
شكرا لدعواتك الكلها فرح..
وعقبال نفرح معاك بكل ما تتمني
| |
|
|
|
|
|
|
Re: قبل الزواج بشهر..وداعا! (Re: Rawia)
|
زمان الطيب عبدالله ، يا منى ، كان بيقول : قلبي من الوساوس خالي واليوم انشغل يا خالي.
ياخ الناس ديل شدة ما بريدوا ليك الخير فسّروا العنوان بلغة قلوبهم المليانه محبه .. بس.
| |
|
|
|
|
|
|
Re: قبل الزواج بشهر..وداعا! (Re: محمد المرتضى حامد)
|
الله يبارك فيكم يا أخوان في الحقيقة زواجنا ح يكون في القاهرة لأن دي رغبة العروس وبعدين منال كمان قالت ما بتقدر ترجع لندن تاني أها ومديحة كمان قالت ظروفها ما بتسمح ليها كمان تجي لندن . وماما جارة قالت خلااااص تعملوه في القاهرة بعد التنسيق مع مديحة ، اها قررنا أنا ومنى يكون الزواج في القاهرة في شهر سبعة إن شاء الله . بس لم نحدد اليوم إلى أن نلاقي مديحة هناك وننسق معها بإعتبارها هي كبيرتنا بس ح يكون في العشرينات كده تقريباً ولا رأئك شنو يا ماجدة ....
__________________________
منو منك لله رجعي لي رسائلي والصورة كمان ...
| |
|
|
|
|
|
|
Re: قبل الزواج بشهر..وداعا! (Re: bent-elassied)
|
السلام عليكم ورحمة الله وبركاته
الحبيبه منى
بارك الله لكما وبارك عليكما وجمع بينكما على خير
الف الف مبروك وبالرفاء والبنين وربنا يجعل كل ايامك سعادة يا رب
وفى امان الله
لا اله الاالله
| |
|
|
|
|
|
|
Re: قبل الزواج بشهر..وداعا! (Re: bint_alahfad)
|
Quote: السلام عليكم ورحمة الله وبركاته
الحبيبه منى
بارك الله لكما وبارك عليكما وجمع بينكما على خير
الف الف مبروك وبالرفاء والبنين وربنا يجعل كل ايامك سعادة يا رب
وفى امان الله
لا اله الاالله |
محمد رسول الله..
اهلا بت الحفاد وشكرا علي أمنياتك الطيبه.. تتبارك ايامك ان شاء الله..وتسعدي بكل لحظه فيها مع زوجك واسرتك
| |
|
|
|
|
|
|
Re: قبل الزواج بشهر..وداعا! (Re: bent-elassied)
|
Quote: Mubrooooooooooooooooooooook my dear
when and where
I want to attend it
All the best, |
خلاص بت الأسيد..
تعالي مصر وأحضريه..او اتنديه انا بكون هناك الأسبوع الجاي وريني بقي انتي جايه متين.. عندي استشارات عايزاك ليها..
شوفتي اكتشفت عندي عوجه في مناخيري عايزه اصلحها.. مش انتي فنانة نحت؟ خلاص بتقدري تساعدين أستعدلها.. والعاقبه عندكم في المسرات...
مشتاقه ليك شدييييييد يا مي!
| |
|
|
|
|
|
|
Re: قبل الزواج بشهر..وداعا! (Re: abubakr)
|
ايوه يا ابوبكر..خليه يدفع دم قلبه في الجوازه..
قال ايه.. التفاهم البينا أكبر من اي ماده! كويس مافي مانع أكبر آي.. لكن لازم يكون في ماده فلوسيه برضه.. لامي القروش وخاتيها علي قلبه قدر كده! وعايزني اعرسه بدون مهر مقدم ولا حتي مؤخر ولا شبكه.. لكن علي منو؟ انت بس خليك معاي ابوبكر علشان عماد ده ما يستعبط تاني.ز كل كلمه والتانيه يقول لي حاصله علي ظروف!
الولد عماد ده فاكر نفسه سنه سودا!
| |
|
|
|
|
|
|
Re: قبل الزواج بشهر..وداعا! (Re: عماد محمود علي)
|
Quote: الله يبارك فيكم يا أخوان في الحقيقة زواجنا ح يكون في القاهرة لأن دي رغبة العروس وبعدين منال كمان قالت ما بتقدر ترجع لندن تاني أها ومديحة كمان قالت ظروفها ما بتسمح ليها كمان تجي لندن . وماما جارة قالت خلااااص تعملوه في القاهرة بعد التنسيق مع مديحة ، اها قررنا أنا ومنى يكون الزواج في القاهرة في شهر سبعة إن شاء الله . بس لم نحدد اليوم إلى أن نلاقي مديحة هناك وننسق معها بإعتبارها هي كبيرتنا بس ح يكون في العشرينات كده تقريباً ولا رأئك شنو يا ماجدة ....
__________________________
منو منك لله رجعي لي رسائلي والصورة كمان ... |
وبذلك تكون انت الوحيد الذي دعي عليا "جهرا" .. فغيرك عملها بالدس..قلبي بيقول لي كده!
واسه انت بوظت لي عنصر الاثاره والمفاجأه وحاجات تانيه! يعني مثلا أنا وريت رايي الصريح في التعدديه في الزواج..وعامله فيها جندريه ذات منطق وأحمر شفاه.. في داعي تجي تفضحني هنا؟ وكمان اعمل ايه من موقفي الأخلاقي من صاحبتي فوفو؟ كنا متفقين بأيمانا ومش غدرنا علي الكتمان..أعمل شنو دلوقتي؟
ويا خوانا انسوا عماد..قال في العشرينات موش؟ هو قاصد عمري أنا في العشرينا بس عنده مشكلة تسرع في الكتابه..
كده يا عماد؟
يللا مافي عرس معاك ولا شيتين..اديني صوري وجواباتي.. وخاصه الأحنا متنحين فيها كده
| |
|
|
|
|
|
|
Re: قبل الزواج بشهر..وداعا! (Re: محمد المرتضى حامد)
|
Quote: زمان الطيب عبدالله ، يا منى ، كان بيقول : قلبي من الوساوس خالي واليوم انشغل يا خالي.
ياخ الناس ديل شدة ما بريدوا ليك الخير فسّروا العنوان بلغة قلوبهم المليانه محبه .. بس. |
وانا يا محمد المرتضي بحبهم وما ببدلهم باي حاجه في الدنيا.. لأنه فيهم حنية أهلنا الكبار.. وأدب أبواتنا.. وطيبة حبوباتنا.. وحب أمهاتنا.. وشيطنتنا نحنا ذااااااتنا
| |
|
|
|
|
|
|
Re: قبل الزواج بشهر..وداعا! (Re: Rawia)
|
Quote: الف الف الف مبروك
منى ازيك ومشتاقين |
بالأكتر يا رويا.. شنو يعني أمس مكالمتك سريعه كده؟ والله هدي امس جاتني متليسه بجنس توب! انا اسه نفسي في واحد زيه..هي قالت جابته من الخليج.. بتعرفي ناس في الخليج يجيبوا لي واحد زيه؟ شكرا ان افانس والله يبارك فيك..
أنا خلاص يوم السبت بكون في مصر.. حاولي تجي بسرعه.. انتي والتوب..سمح؟؟
| |
|
|
|
|
|
|
Re: قبل الزواج بشهر..وداعا! (Re: Rawia)
|
والله ياراويه ما بقدر اشحتها..ممكن تشحتي منها تاني اون ماي بيهاف؟ وبعدين زميلاتي الجوني هنا كلهن فاتن بوشيهن..بس ماتقولي دايره حاجه..طوالي يقطعن علاقتن بيك..
سمح عندي فكره.. اديني التياب الجابتها ليك صاحبتك الفي الخليج..ممكن؟ علي فكره اشترينا للتوب الوردي اكسسوارات فضه..والجدله ذاتها بالفضه والوردي والدهب طبعا للألوان التانيه..غايتو جنس فاترينات يوم العرس! الرسول كان ما حاولتي تجي..ووالله ما طالباني حليفه..ان كان في الامكان نأجله كنا أجلناه.. لكن مافي طريقه! انتي ما بتتذكري قصة ....الأجلت عرسها حصل ليها شنو؟؟
خلاص ..علشان كده ما بنأجل!
| |
|
|
|
|
|
|
Re: قبل الزواج بشهر..وداعا! (Re: Abomihyar)
|
Quote: ما تشاورينا يابت الناس
أسا في زول متكلم نقول لي شنو؟ |
ياما بكره حالك بشوفه علي ضوء ما كتبت أعلاه!!
Quote: على العموم ألف مبروك وربنا يتمم بخير. |
الله يبارك فيك ويسعدك ويسعدنا كلنا..قول آمين
| |
|
|
|
|
|
|
Re: قبل الزواج بشهر..وداعا! (Re: ماجدة عوض خوجلى)
|
منى..........
ليييييييه مستعجلة كدا..؟
صغيرة وجاهلة وشفتى للدنيا شنو شان تعرسى بدرى بدرى كدا..
وبعدين يا منى انا من يوم طلع حيوان بالراء ارنب .... بقيت ما بثق فى
كلامك .....
بس منتظرين الحلقة الاخيرة قبل ما تكشنا الارشفة..
لكن برضوو مبرووووووك...
| |
|
|
|
|
|
|
Re: قبل الزواج بشهر..وداعا! (Re: Amira Elsheikh)
|
Quote: منى..........
ليييييييه مستعجلة كدا..؟
صغيرة وجاهلة وشفتى للدنيا شنو شان تعرسى بدرى بدرى كدا..
وبعدين يا منى انا من يوم طلع حيوان بالراء ارنب .... بقيت ما بثق فى
كلامك .....
بس منتظرين الحلقة الاخيرة قبل ما تكشنا الارشفة..
لكن برضوو مبرووووووك... |
مافي استعجال حبيبتي..الثانوي وخلصناه تاني شنو؟ وبعدين انتي ماشايفه الدنيا دي جاريه زي المجنونه كيف؟ فجأه الزول ينوم ويقوم يلقي اي شي راح منه..اخير الناس تحصل! وبعدين ليه حبيبتي ما تثقي في كلامي؟ وحياة الارنب الاول حرفه كاف زعلتيني!
غايتو يا أميره فيها يا حصلتي يا ما حصلتي.. وحتي بعد الأرشفه برضه في مشكله..
ايه رايك تجي تحضري العرس؟ بيكون في تو ماتش فن..
| |
|
|
|
|
|
|
Re: قبل الزواج بشهر..وداعا! (Re: khaleel)
|
Quote: مني خوجلي
في تنزيلات في الدوحة لو عائزين حاجة كلمونا
لكن انا لسع شاكي
اننا كلنا في برنامج الكاميرا الخفية |
كاميرا واحده ولا اتنين يا خليل؟
بعدين سمح فايدة العرس شنو كان الزول ماشي ينتظر التنزيلات؟
| |
|
|
|
|
|
|
Re: قبل الزواج بشهر..وداعا! (Re: Muna Khugali)
|
منى خوجلى
تحياتى
الناس المكسرين شوف عينى اتجهجهو وهات يا اسئلة
انت قولى ليهم: حققنا احلامنا و العاشق عقبالو
الف مبروك من الآن ولشهر
و نتمنى ان نراك فى الدوحة عازمنك حفلة عرس
بس انتو تعالوا
| |
|
|
|
|
|
|
Re: قبل الزواج بشهر..وداعا! (Re: هشام المجمر)
|
منى يا حبيبة..
مبروك، مبروك، مبروك.... ألف
حلو عنوانك. يعني ماشة (تتحبسي) عديل كده .. في بوست أنور كنج قلت ليه عزومات العرس في المنبر اليومين دي فتحت لينا نفسنا ع الجواز .. غايتو أنا السنة دي في يوم عيد ميلادي (نهاية شهر 7) ح أعمل خطة خمسية (يعني ح أنوي أعرس بعد 5 سنين كان الله هوًن ).
تحياتي لماما جارة وآية.. والعريس السعيد
| |
|
|
|
|
|
|
Re: قبل الزواج بشهر..وداعا! (Re: Raja)
|
Quote: وزواج الهامش ده ما بيخارج.. |
برضو يا منى !!!
يا ستى الف الف مبروك
ولو الربة فى لندن بس ادينا خبر
لومك بى .. السيرة من برمنجهام .. قسيم الريد
| |
|
|
|
|
|
|
Re: قبل الزواج بشهر..وداعا! (Re: عبد الحميد البرنس)
|
Quote: هكذا..
علمينا الغناء في زمن الخوف
علمينا أن نحيا كما نهوى
علمينا أن الآتي أجمل
علمينا أن نحب بلا منتهى
مبروك |
بحب ترتيب توقيع اسمائك.. وبحب صورتكم.. وبحب أكتر الحب الطالع منكم.. حاسه البينكم موده صادقه فيها عمق حقيقي.. وبس ما شاء الله.. حماد وهومي وميدو.. بحبكم شديد.. وشكرا علي التهنئه والدعاءات الرقيقه..
| |
|
|
|
|
|
|
Re: قبل الزواج بشهر..وداعا! (Re: Dr Mahdi Mohammed Kheir)
|
وزواج الهامش ده ما بيخارج..
Quote: برضو يا منى !!!
يا ستى الف الف مبروك
ولو الربة فى لندن بس ادينا خبر
لومك بى .. السيرة من برمنجهام .. قسيم الريد
اسه با دكتور الجماعه البيقروا سطر ويفطوا عشره يقولوا دي عنصريه! |
الزواج في مصر في شهر 7 مافي لندن..يتجي هناك؟
جيب معاك قسيم الريد..
شكرا يادكتور ربنا يسعدك..
| |
|
|
|
|
|
|
Re: قبل الزواج بشهر..وداعا! (Re: Raja)
|
Quote: منى يا حبيبة..
مبروك، مبروك، مبروك.... ألف
حلو عنوانك. يعني ماشة (تتحبسي) عديل كده .. في بوست أنور كنج قلت ليه عزومات العرس في المنبر اليومين دي فتحت لينا نفسنا ع الجواز .. غايتو أنا السنة دي في يوم عيد ميلادي (نهاية شهر 7) ح أعمل خطة خمسية (يعني ح أنوي أعرس بعد 5 سنين كان الله هوًن ). تحياتي لماما جارة وآية.. والعريس السعيد |
انتي بتتكلمي علي يا رجاء ولا شنو ولا علي منو؟؟ اسه العنوان ده فيه شنو؟ قبل الزواج بشهر...وداعا!
اهه التفاصيل هنا وين وشكلها كيف يا حلوه؟؟ ومباركه زي دي ذاتها ما بتنفع ماشوفتي هدي جاتني متقيفه وداخله في الدور أمس كيف؟؟ اما الجواز فلازم يا حبيبتي تتجوزي وتشوفي نفسك مفتوحه ليه ولا لأ.. وانا معاك في الخطه الخمسيه.. علشان تكوني عارفه "موقع قدمك"
ماما جاره وآيه بيسلموا عليك ومعاهم بودي السعيد.. سبتك بعافيه وأنا بقوليك عقبالك يا جميل..
| |
|
|
|
|
|
|
Re: قبل الزواج بشهر..وداعا! (Re: هشام المجمر)
|
Quote: منى خوجلى
تحياتى
الناس المكسرين شوف عينى اتجهجهو وهات يا اسئلة
انت قولى ليهم: حققنا احلامنا و العاشق عقبالو
الف مبروك من الآن ولشهر
و نتمنى ان نراك فى الدوحة عازمنك حفلة عرس
بس انتو تعالوا |
أهلا يا هشام..كيف حالك استقريت هناك ولا لسه؟
انا احتمال أجي مناطقكم بهناك لو ربنا سهل في سبتنبر..بتكون موجود؟
| |
|
|
|
|
|
|
Re: قبل الزواج بشهر..وداعا! (Re: الصادق خليفة)
|
Quote: الف مبروك مني ربنا يتم على خير و ربنا يسعدكم |
يتمم علي خير دي برضه من الدعوات المهمه جدا الصادي أخوي.. أهلنا ما استعملوها ساكت..اكيد من تجارب.. زي مثلا.. يموت زول فجأه والعياذ بالله من "اهل العريس"!! ويلخبط خطط العرس كلها..تلقاهم اضطروا يأجلوه رغم الخسارات الكبيره.. ما انت عارف الزول مابيموت اسيوعين مثلا قبل العرس..لأ يموت يوم الحنه مثلا! علشان كده الناس بتكون خايفه وخاته ايدها علي قلبها..وزي دعواتك دي ممكن تساعد..علشان كده أنا بالتحديد مقدراها خالص..
شكرا الصادق أخوي ربنا ينور ايامك ويباركها..
| |
|
|
|
|
|
|
Re: قبل الزواج بشهر..وداعا! (Re: Nazar Yousif)
|
Quote: الأخت منى لكم هى جميلة الأخبار المفرحة ألف مبروك وناس أوكسفورد بقولوا ليك مبروك. |
شكرا يا نذار.. ليك ولناس اوكسفورد تلغرافنا الآتي..
اسعدتنا تهنئتكم...
أسعد الله ايامكم جميعا.. والي لقاء قريب باذن الله
| |
|
|
|
|
|
|
Re: قبل الزواج بشهر..وداعا! (Re: غادة عبدالعزيز خالد)
|
Quote: الاخت الحبيبة منى
يا للأخبار السعيدة الف مبروك و فرحك الله اللهم أسعد قلبها أكثر فاكثر
كل الحب لك و لماما جارة و الأسرة الكريمة
غادة |
سعادة القلب دي ماحاجه هينه غاده حبيبتي.. تخلي الزول شايف الدنيا بمبي.. السما صافيه والشمس مشعه وبارده>> والأعور عنده عين واحده مازي التانيه ومافي مشكله.. ده دعاء حلو شديد ان صادف القبول فيا بخت من حظي به..
فعلا غاده ربنا يسعد العروسه والعريس.. وياريت برضه معاهم المتاعيس..
سلمي عليك وعلي اسرتك وعلي سعاد
| |
|
|
|
|
|
|
Re: قبل الزواج بشهر..وداعا! (Re: هند محمد)
|
Quote: ألف مبروك استاذة منى وربنا بسعدك ويهنيك يارب .. محبتى |
يا سلام يا هندوية حبيبتي..
عارف الدعوات الفي البوست ده ما أخدت زيها الا من الخليفه وماما جاره..
يسعدك ربي ..
وربنا يتمم ليهم علي خير..
عقبال ما نفرح معاك بالعايزاه لنفسك..
| |
|
|
|
|
|
|
Re: قبل الزواج بشهر..وداعا! (Re: يحي ابن عوف)
|
مفــارق كيـــف تخليـــنــا 000 لشوقنـا و ذكــري ماضينـا
و كيـف بعــدك يكـون الحـال 000 و كيــف تصبـــح لياليـنــا
فريقنـا الكـان مفرهـد بـيـك 000 و عــاش روعـــة تلاقينــا
صبـح حزنـان و مـا مصـدق 000 في يــوم ترحــل تخلينــا
و يـن بعــدك نلاقـي حنــان 000 طيـبــة و رقــة يـا زينـــة
مشيــت خليتنــا للأيــام 000 منـو الغيــرك بواسيـنــا
و حاتـك نحـن مـا بننسـاك 000 و لا بُعــــــدك بنسيـنــــا
و مهمــا طالـت الايـــــام 000 مصيـرو الحـي يعـود لينـــا
بنحســب بعـدك اللحظـات 000 و ليـل الشـوق يطـول بينـا
و مـا بنتهنـى يـوم بعـــدك 000 و لا الايـــــام تصافيـنـــــا
تصـور حالنـا كيــف بعــدك 00 و كيـف فاضــت ماقينـــا
رحلـت و شلـت كـل الكـون 000 منـو الغيــرك بواسيـنـــا
وتاني نقـول مبـروووك وبيـت مـال وعيـال
| |
|
|
|
|
|
|
|