|
طـــلاق...بأمــر ملكــي
|
زي وزي أي مستهلك.... مستهلك للاكل مستهلك للهدوم..... مستهلك لي صحتي..... مستهلك لاي حاجة تقع تحت يدي...مستلهك للنضم برضو ان لحقت فتحت خشمي تاني يسدو الله....حتى النوم دا بعتبر نفسي مستهلك درجة اولى ليهو..... ان لحقت نمت تاني ما بقوم بي هينة.....وان اطربقت الدنيا فوق تحت ما بصحى...... قاعد اخاف من الموت.... كل يوم اشحد في الله اموت وانا نايم.....الملك حسين قالو ليهو انت حتموت ...د حين امشي جيّه امورك وتعال موت..... الراجل مشى و جيّه امورو وفوّر اخوهو وختّ ولدو....ورجع مات......انا لي حسي بعتبر الملك حسين راجل ضكر بمن الضكرنة يقيف لها حد......غايتو دا كان انا ... الطرطشة والبشتنة والبهدلة....ما بتخليني اسوي شي..... انا مستهلك للافلام المصرية والغير مصرية....مستهلك للقنوات الفضائية....ديمة مكوع وشايل الريموت واقلب في القنوات..... شفت فلم اسمو..... امرأة هزت عرش مصر....فيهو الملك فاروق..... الملك فاروق دا اتاريهو ما كان ساعل في زول......الشي الحيرني انو بيطلب من واحدة انو يعرسا.....مع انو عارف المرا في حبل راجل تاني...وهي قالت لو كدي..... قال لها..... راجلك راجل طيب بيحب الملك وحيطلقك.... المرا مسيكينة فرحت...وخلاص خططت انها تبقى ملكة مصر والسودان وطلقت راجلا....قوم يا فاروق الجن ادي المريّة شاكوش وعرس واحدة تانية.....نان هي تستاهل جدعت وليداتا وبيتا وراجلا....وبارت فاروق ترقص وتسكر وترقد معاهو....غايتو فاروق دا ان بقى حكمو للمصرين زي الشي الشفتو في الفلم يبقى زول متلوم لوم شديد....الفلم كان من بطولة الفيشاوي...و نادية الجندي عاملة كريعاتا الملولوات ديل....... استعجب في رقاصة.... تدخل غرفة الملابس وهي لابسة هدوم الرقيص.....حقيقة هي لا لابسا ولا حاجة......ويكون جنبها زول تقول لو ممكن تطلع برا عشان اغير هدومي؟...... هدوم شنو؟ العليها؟ هدوم السيح والريح.....لو غيرت وما طردت الزول اخير.....فيفي عبدو ممثلة ورقاصة....وغير مستهلكة للهدوم.....زي اللبنايات..... طاقة قماش دبلان انا مستعد افصل منها هدوم لي نسوان لبنان لي حدهن....ويفضل منها باقي.....شبرين قماش تكسي اجعص واتخن لبنانية......يعني جلابية واحدة من جلاليب نسوانا.... تستر بيروت كلها......قالو لي فيفي عبدو مرا صالحة....وبتخاف ربنا.....هي ما خافت ربنا في لحما الفارشاهو في السهلة يتفرج فيهو الكلب وفايت الدرب......بتخاف ربنا وعندها خيمة في رمضان عشان تفطّر الناس الصايمين.....لكن بيني وبينكم عندها جسم لادن.. ....باقي لكم فيفي دي بي تدخل الجنّة؟...........
مسابقات الفضائيات والتلفونات دايرة تجنني..... الايام دي في مسابقة بمليون ريال..... اتصلت واشتركت.....وبشروني قالو لي مبروك دخلت السحب... يعني دخلت التصفيات...... من اليوم داك وانا بتعامل مع نفسي زي وزي أي مليونير.....جاري سعودي اشترى عربية جديدة ليكزس..من الصباح لقاني واقف عندها واتفرج فيها.....وسعلتو الشي دي بكم؟..... قال لي بمائة وخمسين الف....قدمت كراع واخرت كراع وغزيت كوعي ولويت خشمي استصغارًا واستهانة بالسعر.....وقلت ليهو والله رخيصة جنس رخصة.... هووبلي....وبرضو خططت اشتري بيت في المنشية...ولازم يكون جار ترباس الحيطة بالحيطة ..... لكن نويت اتغا عليهو و امغصو في الدنيا دي جنس مغصة.... سلام الله دا..... ما اديهو ليهو.......... هو قايلو نفسو براهو المرطب في الدنيا دي؟..... انا زاااااتي ترطيبة....... اها يا اخوانا...... والله انا ماعندي صبر لمن استلم الجائزة....دحين داير لي واحد منكم اخو اخوان يديني المليون ريال......وعلي الطلاق بالتلاتة اول ما استلم الجائزة ارجعهن ليهو علي داير المليم.......وكان اكلتو...... ان شاء الله تاكلني سُعلوّة... في ليلي دا..........
|
|
|
|
|
|
|
العنوان |
الكاتب |
Date |
طـــلاق...بأمــر ملكــي | سجيمان | 03-03-05, 09:06 AM |
Re: طـــلاق...بأمــر ملكــي | ست البنات | 03-03-05, 09:22 AM |
Re: طـــلاق...بأمــر ملكــي | saif massad ali | 03-03-05, 09:31 AM |
Re: طـــلاق...بأمــر ملكــي | Balla Musa | 03-03-05, 10:49 AM |
Re: طـــلاق...بأمــر ملكــي | سجيمان | 03-05-05, 10:49 AM |
Re: طـــلاق...بأمــر ملكــي | سجيمان | 03-05-05, 06:04 AM |
Re: طـــلاق...بأمــر ملكــي | سجيمان | 03-04-05, 05:01 AM |
Re: طـــلاق...بأمــر ملكــي | صباح احمد | 03-04-05, 05:16 AM |
Re: طـــلاق...بأمــر ملكــي | bayan | 03-04-05, 10:00 AM |
Re: طـــلاق...بأمــر ملكــي | سجيمان | 03-06-05, 00:17 AM |
Re: طـــلاق...بأمــر ملكــي | سجيمان | 03-05-05, 11:04 PM |
Re: طـــلاق...بأمــر ملكــي | jini | 03-04-05, 10:12 AM |
Re: طـــلاق...بأمــر ملكــي | layon | 03-04-05, 12:30 PM |
Re: طـــلاق...بأمــر ملكــي | سجيمان | 03-06-05, 01:50 PM |
Re: طـــلاق...بأمــر ملكــي | سجيمان | 03-06-05, 09:00 AM |
Re: طـــلاق...بأمــر ملكــي | abas | 03-04-05, 09:20 PM |
Re: طـــلاق...بأمــر ملكــي | سجيمان | 03-06-05, 09:33 PM |
Re: طـــلاق...بأمــر ملكــي | فريد ودالمسيد | 03-04-05, 11:14 PM |
Re: طـــلاق...بأمــر ملكــي | سجيمان | 03-07-05, 06:13 AM |
Re: طـــلاق...بأمــر ملكــي | صباح احمد | 03-06-05, 09:22 AM |
Re: طـــلاق...بأمــر ملكــي | محمد حامد جمعه | 03-07-05, 06:21 AM |
Re: طـــلاق...بأمــر ملكــي | سجيمان | 03-07-05, 03:00 PM |
Re: طـــلاق...بأمــر ملكــي | سجيمان | 03-07-05, 10:52 AM |
|
|
|