|
ســـعديــه....... النكـــديــة
|
يتخيل لي انو انا اكتر زول بيضحك ويحب الضحك في الدنيا.... ديمة فاتح خشمي واضحك...وبعد مرات اضحك في مواقف لحدي ما لحمي ياكلني.... يعني ممكن اكون شايل فاتحة مع زول وفجأة اشوف ولاّ ايتوارا لي منظر مضحك افتح خشمي واضحك....ميتة قلب دي يا ربي؟ لا تمحنا ولا تبلينا...لما كنت طالب... طوالي اضحك.... الالفة يكتب لستة المهرجلين براهم....وانا عندي لستة براي اسما لستة البلا سبب قلة ادب.....وعشرة جلدات مقرر يومي لو ما اخدتهن تجيني كوما بتاعت سكري....وفي شنو؟ في الضحك.... زول عشان بيضحك يدقوهو... دي يا ربي ناس حقوق الانسان ما واردة عندهم؟...... جارتنا حاجة سعدية الله يسامح لها.... مرا متشائمة ونكدية لاعلى درجة من النكد...ولدا لو جا الاول ما تفرح... تقولو لو حسي اها شفتا كان ما قريت كان جيت الطيش وكان ابوك دقاك وكان دقاني انا معاك... انا زنبي شنو يدقني؟...كلو منك انت يا الفقر النقر... طير كدي من وشي.... النضم دا والولد جا الاول.....ولو بنتها خطبوها تقول لها... والله يا امال خايفة يوم عرسك دا باص السيرة يتقلب وام العريس تموت واخواتو التلاتة يموتن وعماتو الاتنين يلحقن أفي...وانتي تدخلي عليهم بالساحق والماحق.... وتاني مافي راجل يجيكي يا الشوم يا القبحة....طيري كدي من وشي.... قالو"الله يكفينا شر قلنا وقالو"... قالو... واحد من اهلنا ولدو مشى يستحم في البحر لمّ فيهو تمساح اكلو ....في الفراش... جا زول النوع البي يشيل الفاتحة وهو مبتسم داك.....شال الفاتحة وقعد....وبدا يسعل في ابو الولد.... قالو انت يا فلان...ولدك دا التمساح اكلو وين؟..... فلان زهجان منو ومن فاتحتو ام بسمة ديك.... رد عليهو وقال ليهو..... اكلو في المطعم
|
|
|
|
|
|
|
|
Re: ســـعديــه....... النكـــديــة (Re: سجيمان)
|
سجيمان اخوى ودعتك الله والرسول...واعفى منى..وقول لى الناس اعفو منى..وانا عافى منكم كلكم لله والرسول بدون فرز.وقول لى الناس سامحونا لو غلطنا فى حقهم..بالرغم من انو انا عمرى ماتعمداغلط فى حق زول وكان غلطتا..بكون ما قاصد...اها العفو والعافية.
اصلو قالوا ... انت عسل وبوستاتك بتلم الضُبان...مدام جابت ليها ضبابين... اخير اقعد انونى فوق راسى براى...وامرض روحى براى.
ودعناكم الله والرسول.
| |
|
|
|
|
|
|
Re: ســـعديــه....... النكـــديــة (Re: Raja)
|
رجا
Quote:
وبما انو طرف الكلام لحقني لأني القلتو بدون الكلمة دي.. قلتا لازم اعمل خلو طرف منك.. لأني لم أشر ليك لا من بعيد ولا قريب.. راجع كلامي.. وحاشاي أقول فيك كده..
|
اها شايف يا عثمان
Quote: سيجيمان.. اوعى اكون سعدية بتاعتك دي ..
|
حاشاكي النكد انتي يا رجا
| |
|
|
|
|
|
|
Re: ســـعديــه....... النكـــديــة (Re: صديق الموج)
|
تسلم ياسيجيمان يا اظرف انسان
فى البوست والسودان..
والله اكتر حاجة عاجبانى فيك ضحكك الكتير ده
والألفة بتاعكم ده زول حاقد .. وانت ليه تخليهم كل يوم اجلدوك..
انت شكلك دقوك اكتر من الجرس.. ومن هنا اعلن تضامنى معاك وحا
انزل بوست ونشيل نوقيعات الناس كلهم و نشجب بشدة سلوك الأستاذالأرهابى
الدقاك و الألفة المتطرف واطالب بى اسقاط عضويتهما من البورد وفصلهم
فورا....
ولا شنو يا سيجيمان؟؟!!!
| |
|
|
|
|
|
|
Re: ســـعديــه....... النكـــديــة (Re: WALEED YASSIN)
|
وليد
انت عارف في ناس هنا في البورد دا.... قاعدين يمارسو ضدي الارهاب الطناشي.... يعني ادخل علي اي بوست بتاع واحد اكتب حاجة القى سيد البوست حرد البوست وحرد البورد.....ويكون حرد العنقريب عند اهلو ورقد في الواطا تلاتة يوم.... كييييييييييييييييييف سجيمان دا يرد في بوستي؟...وانا الزول الماهين الشاعر الفحل والاديب الما عندو ادب... ويكتبو برقيات استنكار لي بكري.... يطالبو بكبح جماح سجيمان....ويطالبو بي تعليقي من اي حتة...ويقولو لو ما نضف البورد من الرعاع والرجرجة والدهماء نحن ما بنجي...... وماقال بجي مالو ما جا... القايل نفسو زول وهو نعجه
| |
|
|
|
|
|
|
Re: ســـعديــه....... النكـــديــة (Re: nada ali)
|
ندا علي
النملة القاصدا....نملة ام ريش تراها واقفة جنبي حسي وبتسمع في نضمك...
Quote: ومفتاح نجمنجم يعنى شنو؟ |
اما مفتاح النجمنجم... تنطق كما تنطقين كلمة نجمنجم .... عندما تصفين بعاتي ياكل شخصا.... نجمنجم
وهو مفتاح ذو بأس شديد...يفتح كل ما عصلج من صواميل ومسامير
| |
|
|
|
|
|
|
Re: ســـعديــه....... النكـــديــة (Re: سجيمان)
|
سي جي الما نكدي تحية فرايحية
عندنا واحد يحب النكد زى عيونو ،، إتوفي في الحلة واحد هو ما بيحبو و بيناتم مشاكل كبيرة و مقالب ،، و لا بيحب أهل الميت كمان ،، مشى بيت البكا و رفع إيديهو و قال و هو مبتسم إبتسامة شماتة على الميت : الفاتحة ( و بصوت عالي إبتدا يقرا ( تبت يدا أبي لهب و تب )
| |
|
|
|
|
|
|
|