|
ســـعديــه....... النكـــديــة
|
يتخيل لي انو انا اكتر زول بيضحك ويحب الضحك في الدنيا.... ديمة فاتح خشمي واضحك...وبعد مرات اضحك في مواقف لحدي ما لحمي ياكلني.... يعني ممكن اكون شايل فاتحة مع زول وفجأة اشوف ولاّ ايتوارا لي منظر مضحك افتح خشمي واضحك....ميتة قلب دي يا ربي؟ لا تمحنا ولا تبلينا...لما كنت طالب... طوالي اضحك.... الالفة يكتب لستة المهرجلين براهم....وانا عندي لستة براي اسما لستة البلا سبب قلة ادب.....وعشرة جلدات مقرر يومي لو ما اخدتهن تجيني كوما بتاعت سكري....وفي شنو؟ في الضحك.... زول عشان بيضحك يدقوهو... دي يا ربي ناس حقوق الانسان ما واردة عندهم؟...... جارتنا حاجة سعدية الله يسامح لها.... مرا متشائمة ونكدية لاعلى درجة من النكد...ولدا لو جا الاول ما تفرح... تقولو لو حسي اها شفتا كان ما قريت كان جيت الطيش وكان ابوك دقاك وكان دقاني انا معاك... انا زنبي شنو يدقني؟...كلو منك انت يا الفقر النقر... طير كدي من وشي.... النضم دا والولد جا الاول.....ولو بنتها خطبوها تقول لها... والله يا امال خايفة يوم عرسك دا باص السيرة يتقلب وام العريس تموت واخواتو التلاتة يموتن وعماتو الاتنين يلحقن أفي...وانتي تدخلي عليهم بالساحق والماحق.... وتاني مافي راجل يجيكي يا الشوم يا القبحة....طيري كدي من وشي.... قالو"الله يكفينا شر قلنا وقالو"... قالو... واحد من اهلنا ولدو مشى يستحم في البحر لمّ فيهو تمساح اكلو ....في الفراش... جا زول النوع البي يشيل الفاتحة وهو مبتسم داك.....شال الفاتحة وقعد....وبدا يسعل في ابو الولد.... قالو انت يا فلان...ولدك دا التمساح اكلو وين؟..... فلان زهجان منو ومن فاتحتو ام بسمة ديك.... رد عليهو وقال ليهو..... اكلو في المطعم
|
|
|
|
|
|
|
العنوان |
الكاتب |
Date |
ســـعديــه....... النكـــديــة | سجيمان | 03-25-04, 09:18 PM |
Re: ســـعديــه....... النكـــديــة | muntasir | 03-25-04, 09:26 PM |
Re: ســـعديــه....... النكـــديــة | سجيمان | 03-25-04, 09:54 PM |
Re: ســـعديــه....... النكـــديــة | Osman Hamad | 03-25-04, 09:47 PM |
Re: ســـعديــه....... النكـــديــة | سجيمان | 03-25-04, 11:08 PM |
Re: ســـعديــه....... النكـــديــة | Raja | 03-25-04, 11:48 PM |
Re: ســـعديــه....... النكـــديــة | سجيمان | 03-26-04, 01:05 PM |
Re: ســـعديــه....... النكـــديــة | صديق الموج | 03-25-04, 11:55 PM |
Re: ســـعديــه....... النكـــديــة | WALEED YASSIN | 03-26-04, 02:10 AM |
Re: ســـعديــه....... النكـــديــة | سجيمان | 03-26-04, 06:01 PM |
Re: ســـعديــه....... النكـــديــة | سجيمان | 03-26-04, 02:13 PM |
Re: ســـعديــه....... النكـــديــة | nada ali | 03-26-04, 01:11 PM |
Re: ســـعديــه....... النكـــديــة | nada ali | 03-26-04, 03:42 PM |
Re: ســـعديــه....... النكـــديــة | nada ali | 03-26-04, 03:17 PM |
Re: ســـعديــه....... النكـــديــة | هاشم نوريت | 03-26-04, 03:30 PM |
Re: ســـعديــه....... النكـــديــة | Hussein Mallasi | 03-26-04, 06:09 PM |
Re: ســـعديــه....... النكـــديــة | سجيمان | 03-26-04, 09:16 PM |
Re: ســـعديــه....... النكـــديــة | سجيمان | 03-26-04, 07:44 PM |
Re: ســـعديــه....... النكـــديــة | سجيمان | 03-26-04, 06:29 PM |
Re: ســـعديــه....... النكـــديــة | ابو جهينة | 03-27-04, 11:14 AM |
Re: ســـعديــه....... النكـــديــة | دورنقاس | 03-27-04, 12:02 PM |
Re: ســـعديــه....... النكـــديــة | سجيمان | 03-27-04, 12:12 PM |
Re: ســـعديــه....... النكـــديــة | سجيمان | 03-27-04, 12:07 PM |
|
|
|