|
|
 Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي (Re: انا بنت النيل)
|
العزيز/ دكتور خالد
سلام يا خلي و محبة كثيرة
يا خالد يا اخوي لا تحاول ان تمط في الموضوع و تشره بحيث لا يمكن لملمته ... فكل ما في الامر هنالك وجهتا نظر ... انت خلاصة كلامك ان (الغرب) كان سببا اصيلا في ما لحق (بالمجتمع السوداني) من اذي ... و انا قلت لك ان (الغرب) ليس بحاجة واحدة ... و انه و ان لعب دور في ما يحدث في الدنيا ... فان دوره ليس بالدور الرئيس ... بل هنالك احداث كثيرة في كل بلد و خذ السودان نموذجا ... تعد بمثابة رأس الرمح في ما لحق بالبلاد و العباد... و ابطال هذه الكوراث التي تتحدث عنها سودانيون/ات ... فلماذا تحاول ان تغير من الموضوع؟
الجذور التي تتحدث عنها يا خالد... قابلة للاقتلاع ...ان لم يكن هنالك مناهج و سياسات تضعها الدولة و مؤسسات مجتمعها المدني ... الهدف من هذه السياسات و من هذه المناهج هو ان تظل المجتمعات السودانية معطاة و محافظة علي الموجب من تراثها... انت دولتك مغيبة و القائمون علي امرها... راكبنها عري... و منظمات مجتمعك المدني مشلولة و كسيحة ... و معارضتك جايطة ... غرب شنو البتلوم يا زول ... خاف الله.
انا بقول ليك ابحث تحت سريرك لتجد اجابة لماذا هنالك واقع جديد في السودان... تقوم تقول لي انت عايز من الغرب البوي فريند و ما ادراك ما البوي فريند؟ شوف يا خالد يا اخوي دعك من خطف الكلام و حاول ركز في كلام الزول ... و لا تضع نفسك في مكان انك تحب السودان اكثر من غيرك او انك بتغير علي السودان اكثر من الاخرين ... لان نقاش من هذا النوع لن يحركنا قيد انملة ... انا قلت لك هنالك مجتمعات سودانية و ليس مجتمع سوداني واحد... وريني انا قلت ليك اعمل ليك قيل فريند او بوي فريند وين ؟ و وريني انا قلت ليك (الغرب) ده تمام التمام ؟ يا اخي انت تسأل الزول و لا تنتظر الاجابة حتي... تضع الاجابة من عندك و تقوم تبني عليها كلام ... ده كلام غريب شويه... الغرب ما حاجة واحدة يا خالد و ليس بالامر المطلق و فيه مشاكل ليها اول و ما ليها آخر... و لكن الناس هنا بتعترف بالمشكلة و تحاول ان تضع لها حلول بعد دراستها من جميع الجوانب... انت عايز ليك عدو جاهز تضع عليه خيبات مجتمعاتك السودانية و هذا هو جوهر خلافي معك... فالرجاء عد القفذ علي الحاجات ... فانت مثلك و مثل الذين يحاولون احتكار الدين ... فاما ان يقول شخص رأيه الا و قالوا له انت تريد ان تحطم الدين ... انت ضد الدين... انت طلعت دين الدين... ده كلام مرفوض و لا يقبل به عقل... فلن نسمح لك باحتكار الوطن بحجك انك حريص عليه اكثر من الاخرين... قل رأيك و اسمع رأي الاخرين... دون الباسهم تهمة انكم مع الغرب و تريدون لنا حياة الغرب و باقي الكلام الفارغ ده.
لا انقص من المجنمعات السودانية مثقال ذرة ان قلت ان ما تعرضت له هذه المجتمعات السودانية من هزات سببه ليس الغرب او الشرق و انما هنالك اناس يجمع ان يتحملوا مسئولية ما لحق بالناس من ضرر ... و ستكون المسئولية كل حسب ما عمل ... تقولي الغرب و الشرق.
| Quote: مجتمع قل وجوده في العالم: |
ما هو اي مجتمع في الدنيا و علي حسب ظروف تكوينه... سيكون مجتمع قل وجوده في الدنيا... يا خالد عليك الله ما تفقع مرارتنا ساي... وجود شنو و ندرة شنو... المجتمعات السودانية مجتمعات بشرية بتاعة بني ادمين لهم و عليهم فلا داعي للفنطسة الفارغة... شوف اسباب المشاكل شنو داخليا و بعد داك شوف كان تلقي عدو خارجي مطرف تضحي بيه عشان ما تلوم نفسك و اهلك في السودان... حاجة غريبة.
| Quote: المتغيرات الانصرافية: |
و الله ما في انصرافية اكثر من انصرافية ان يحمل شخص الاخرين مسئولية ما لحق به من ضرر ... و عليك الله شماعة البوي فريند و القيلفريند دي ارحمها شويه...لانها علي الاقل احسن من حكاية دفن الليل ابو كراعا بره في المجتمعات السودانية... و كمان ارحم حكاية الجنس دي شويه... كل هذه الامور اعراض للمرض و ليست سببا للمرض الذي تخاف منه.
الثقافة الجنسية الخايف منها دي احسن معرفتها من عدم معرفتها و لكن وفق منهج مش سداري ساي... انت راكبها لي عري و حاشرها في النقاش بمناسبة و بدون مناسبة... بل ان محور نقاشك كله يدور حولها... يا زول هووي في ملايين ماتت و في ملايين عايشة ميتة و في ازمة حكم و في بيع ضمائر و في لصوص و لواط و في دعارة و في و في و في .... و ليس الغرب هو المسئول الاول و الاخير ... كان رضيت او ابيت.
سلام و محبة.
|
|
 
|
|
|
|
|
| العنوان |
الكاتب |
Date |
 المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | بكرى ابوبكر | 09-22-06, 08:05 PM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | برير اسماعيل يوسف | 09-22-06, 10:57 PM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | برير اسماعيل يوسف | 09-22-06, 11:57 PM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | انا بنت النيل | 09-23-06, 03:28 AM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | برير اسماعيل يوسف | 09-23-06, 09:04 AM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | انا بنت النيل | 09-24-06, 02:13 AM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | برير اسماعيل يوسف | 09-24-06, 08:01 AM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | خالد تاج السر | 09-24-06, 12:43 PM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | bayan | 09-24-06, 09:25 PM |
 Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | Firdouse | 09-24-06, 11:25 PM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | انا بنت النيل | 09-25-06, 05:39 AM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | برير اسماعيل يوسف | 09-25-06, 01:43 PM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | برير اسماعيل يوسف | 09-26-06, 04:17 AM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | برير اسماعيل يوسف | 09-26-06, 04:29 AM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | خالد تاج السر | 09-27-06, 12:54 PM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | برير اسماعيل يوسف | 09-29-06, 12:57 PM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | خالد تاج السر | 09-29-06, 01:19 PM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | عزالدين آدم علي | 09-30-06, 01:48 PM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | انا بنت النيل | 10-02-06, 05:54 AM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | انا بنت النيل | 10-03-06, 03:06 AM |
| Re: المجتمع السوداني ما بين ماضي وارث تليد وحاضر مشوه بثقافة ممسوخة/خالد تاج السر-طبيب عمومي | برير اسماعيل يوسف | 10-04-06, 12:30 PM |
|
| |
برير اسماعيل يوسف
فيس بوك
تويتر
انستقرام
يوتيوب
بنتيريست