|
Re: ناشط جعلى.................فى حقوق الأعراب (Re: انعام عبد الحفيظ)
|
المحتفى به فرح حبابك وحباب أهلك الإنقرياب
حاتم ود الياس المانجيل
جدنا إبراهيم كورينا لم يشترك في تهريب سلاطين باشا
لكن من شارك في تهريب سلاطين باشا هو العمدة إبراهيم ود حمزة (عم جدتنا بت النخيل) ، وذلك لخلافه مع الخليفة ود تور شين ، وهذه الواقعة تحكيها جدتنا بت النخيل ، فهي شاهدت الواقعة على الطبيعة وكيف الخواجة جابوه في ملابس حرمة وأقام الليل معهم بعد أن أعدوا ليه الخيل وقطعوا بيه البحر ووصلوه لحد الريف ورافقهم العمدة إبراهيم بنفسه لمعرفته بالطريق والناس حتى دخوله إلى مصر.. حكوات الجدة بت النخيل تديك ليها مقشرة بلا بوتيب وقبل ما تجيبك عن سؤال يخص هؤلاء الناس تقول ""نقرهم حجرهم" عشان ما يقوموا من تربهم ويعملوا الأعمال التي كانوا بيعملوها.. وتقول ليك كنا بنأكل ونشرب ونلبس الحرير وعارفين إنه ثمنه الدم والسيف والحربة .. الجماعة همباته عديل كده.. محتكرين الطريق ومعروفة الأتاوة لو ماوصلت بنفسها السيف جاهز.. ومافي وقت استعر فيه القتل والتشتيت أكثر من القرون الثلاثة الماضية .. وبعدما أستباحت الخيل الدم والحرمات ما بقى لأحد عهد .. وإن ظهرت الخيل .. يا قاتل يا مقتول..وإن حدثتك نفسك تمد إيدك أو تصل برجلك تحت الظلام بتصبح تحت الأرض قاتلك ما يتعرف..
ابراهيم ود حمزة لما جابوه للخليفة ود تور شين بعد كتلة ود سعد ، لأنه حارب مع ود سعد وقبضوه معاه وكان مع ود سعد في مكان واحد ، ولما طلب ود سعد لمقابلة الخليفة وكانت من عادة الخليفة أن يقابل الأمراء بكامل سلاحهم، إبراهيم ود حمزة قال لي ود سعد إنت إن دخلت بسلاحك مافي حد بقدر يصدك ، أهجم على الخليفة ده وريحنا منو ، هو قاتلك قاتلك، عبد الله وسعد قال ليه دي أنا ما بسويها.. إبراهيم قال ليه أنا لو دخلوني بسلاحي بسويها.. وفعلاً سمح لود سعد الدخول بكامل سلاحه وحكم عليه بالموت، وبعد موت ود سعد طلبوا إبراهيم للمقابلة.. لكن جردوه من سلاحوا لأنهم عرفوا مقصدو .. الخليفة قال ليه يا غبراهيم.. الزول تدخلو في قلبك ده ويمرق منو.. أنا ختيتك في قلبي وانت مرقت منوا.. إنت يا إبراهيم تمرك الكافر وتساعدو؟ ابراهيم قال ليه أيوة مرقتو، هو مرق من بيتك ده وقدام عيونك.. كيف ما بمرقو.. الخليفة قال لحراسو إبراهيم ده .. ختوه واتغافلو عنو.. خلوه اليفز ويروح.. إبراهيم أبى أن يستغل هذه الفرصة.. ود تور شين قال ليه يا ابراهيم يا ابراهيم مالك مافزيت مالك مافزيت.. ابراهيم قال ليه مش أنا يا عبد الله.. قال ليهم الزول داأقطعو راسو ريحونا منو.. وقطعوا رأسه في تلك الليلة..
اخته في بنينة ولدها بتقول ليه (( خيط الحرير مو قزة دايراك مثل أبوي جبلاً ولا بتهزة مثل ابراهيم أخوي من القتل ما فزة مثل ألمين أخوي شطة وعقارب حزة..في الحارة ام شرور العقلة فوق الحزة الخيل أم صدور ما بتدور اللكزة إن رجعت سروجها راجية المساير حزة"
|
|
|
|
|
|
|
العنوان |
الكاتب |
Date |
ناشط جعلى.................فى حقوق الأعراب | حاتم الياس | 06-11-06, 09:07 AM |
Re: ناشط جعلى.................فى حقوق الأعراب | Hussein Mallasi | 06-11-06, 09:20 AM |
Re: ناشط جعلى.................فى حقوق الأعراب | على عجب | 06-11-06, 09:47 AM |
Re: ناشط جعلى.................فى حقوق الأعراب | Dr_Bringy | 06-11-06, 10:45 AM |
Re: ناشط جعلى.................فى حقوق الأعراب | حاتم الياس | 06-13-06, 02:14 PM |
Re: ناشط جعلى.................فى حقوق الأعراب | حاتم الياس | 06-13-06, 02:12 PM |
Re: ناشط جعلى.................فى حقوق الأعراب | حاتم الياس | 06-17-06, 06:06 AM |
Re: ناشط جعلى.................فى حقوق الأعراب | فرح | 07-10-06, 09:17 AM |
Re: ناشط جعلى.................فى حقوق الأعراب | omer abdelsalam | 06-12-06, 02:02 AM |
Re: ناشط جعلى.................فى حقوق الأعراب | فرح | 06-12-06, 04:16 AM |
Re: ناشط جعلى.................فى حقوق الأعراب | حاتم الياس | 06-13-06, 02:21 PM |
Re: ناشط جعلى.................فى حقوق الأعراب | خدر | 06-15-06, 03:13 AM |
Re: ناشط جعلى.................فى حقوق الأعراب | المسافر | 06-15-06, 03:58 PM |
Re: ناشط جعلى.................فى حقوق الأعراب | حاتم الياس | 06-17-06, 06:00 AM |
Re: ناشط جعلى.................فى حقوق الأعراب | فرح | 06-17-06, 06:05 AM |
Re: ناشط جعلى.................فى حقوق الأعراب | انعام عبد الحفيظ | 06-17-06, 06:27 AM |
Re: ناشط جعلى.................فى حقوق الأعراب | المسافر | 06-18-06, 03:11 AM |
Re: ناشط جعلى.................فى حقوق الأعراب | ali elhassan | 06-18-06, 03:52 AM |
Re: ناشط جعلى.................فى حقوق الأعراب | حاتم الياس | 06-18-06, 04:00 AM |
Re: ناشط جعلى.................فى حقوق الأعراب | bayan | 06-18-06, 04:38 AM |
Re: ناشط جعلى.................فى حقوق الأعراب | خدر | 07-09-06, 09:40 AM |
Re: ناشط جعلى.................فى حقوق الأعراب | DKEEN | 07-09-06, 10:11 AM |
Re: ناشط جعلى.................فى حقوق الأعراب | فارس موسى | 07-09-06, 12:38 PM |
Re: ناشط جعلى.................فى حقوق الأعراب | فرح | 07-10-06, 03:29 AM |
Re: ناشط جعلى.................فى حقوق الأعراب | عاطف حسن | 07-10-06, 06:12 AM |
Re: ناشط جعلى.................فى حقوق الأعراب | فرح | 07-10-06, 09:28 AM |
Re: ناشط جعلى.................فى حقوق الأعراب | قرشـــو | 07-10-06, 06:17 AM |
|
|
|