|
Re: أجمل التهاني للزميل طارق نقد بمناسبة قدوم المولودة الجميلة (Re: إسماعيل وراق)
|
الحبيب إسماعيل وراق طبعاً أنا الوكيل الحصري للسماية .. لأنوا البت دي في مشاورات كده مع أبوطه عشان نخطبه لي ولدي (الأرباب سعيد).. بس بيني وبينك .. أنا طلبته من أبوطه كشف حساب لآخر ثلاثة شهور .. عشان نطمن على مستقبل الولد وكده ..وشايف طارق بزاوغ مني وبيقول لي الحاجات دي مابيناتنا .. فغايتوا لحد السماية بنشوف البحصل شنو .. لك والود والإحترام والتحية ، الأرباب .. أبو النسب
| |
|
|
|
|
|
|
Re: أجمل التهاني للزميل طارق نقد بمناسبة قدوم المولودة الجميلة (Re: tmbis)
|
حبيبنا تامبــــــا يازول أنا من أسع وزنته الفلوت .. وقاعد أبرف .. وبيني وبينك مشيت لي دكتور أسنان وزنته السنون كمان ( عشان اللحمه ) تعرف دي أول مرة في حياتي أمشي لي دكتور أسنان صاحبك جاب ليه حاجه زي الدريل وختاها لي في سنوني وشغال ( زززززززززززززن ) وأنا كل مرة أقول ليه يادكتور أعمل حسابك .. بعد شويه قال لي خلاص .. أول حاجة عملتها مشيت عاينته في المرآيا لقيت سنوني موجودات قلته المره دي يالأرباب الله مرقك .. المهم ربك رب الخير الحكاية مرت بي سلام بس بيني وبينك .. مامفكر أعيده تاني . بالمناسبة جهز نفسك للسماية .. وأنا محضر ليك عود .. شايفك المره الفاتت نقرشته بي العود .. المره دي ما بنخليك تاكل اللحمة كما أديتنا كم غنية . لك التحايا.. يازول ياجميل .. ياراقي إحساسك ، الأرباب
| |
|
|
|
|
|
|
Re: أجمل التهاني للزميل طارق نقد بمناسبة قدوم المولودة الجميلة (Re: bayan)
|
الدكتورة بيان حبابك .. البوست السعيد اللينا جابك .. وبرضوا معزومه للسماية .. وكان ماقدرتي تصلي رسلي لينا عنوانك نرسل ليك حقك عند أهلك وإنشاء المولوده تطلع دكتوره زيك كده ( عشان ولدي يرتاح ويرطب ) .. وداير أسألك الدكاتره لمن يكونوا مولودين صغار الواحد بيعرفم كيف .. عشان ما إتغشى .. كان البنيه دي فيها ملامح الدكاتره .. نتوكل على الله ونخطبه لي الأرباب سعيد .. وكان مافيها .. أدبر لي كضبه كده إتخارج وبيني وبينك الكضبه جاهزه .. بقول ليه الولد داير يقره .. لك التحية.. من عطبره .. الجميلة بلد الحبايب .. والود والإحترام ،، من الأرباب
| |
|
|
|
|
|
|
Re: أجمل التهاني للزميل طارق نقد بمناسبة قدوم المولودة الجميلة (Re: طارق عبد اللطيف نقد)
|
أبو الطه .. ياقريبي .. وينك ياراجل .. الف ألف مبروك .. والله شفقتنا عليك من الصباح بفتش فيك .. أنا قلته خلي بالك طارق ده مشى البلد يبيع التمر .. عشان يلم حق السماية .. بمناسبة السماية إنته عارفني لساني خفيف .. أنا عزمته ليك الجماعه كلهم .. عشان كده شيل شيلتك .. أحسن ترسل لي ناس البلد تخليهم يبيعوا الحواشة يرسلوا القروش بي سرعة .. وبي مناسبة الإسم .. البت دي حقتناوعروس ولدنا عشان كده الإسم خلينا نختاره نحنا .. عشان مانختلف من الأول .. والأوله شرط آخر نور .. وشد حيلك قربته للجنه باقي ليك بتين بس .. يله خارج نفسك بي سرعة وخليك شفت وجيب ليك تيمان بنات . الأرباب
| |
|
|
|
|
|
|
Re: أجمل التهاني للزميل طارق نقد بمناسبة قدوم المولودة الجميلة (Re: Khalid Saeed)
|
ألف مبروك الامورة يا طارق والف حمد لله على سلامة
المدام وربنا يخليها ليكم وتشوفوها كبيرة
كدة ومن بنات الوطن المناضلات كيف عبودي
ما يكون غيران أكيد الامورة قابضة الجو ...
مليون تبريكات أعتذر على التأخير لاني من فترة
ما دخلت النيت بسبب الامتحانات مجرسانه عديل كدة
عقبال ما تدخل في البرنامج دة وتشوف بنفسك
لك الود والف مبروك ،،،،
| |
|
|
|
|
|
|
Re: أجمل التهاني للزميل طارق نقد بمناسبة قدوم المولودة الجميلة (Re: خالدة البدوي)
|
العزيزة خالدة البدوي الله يبارك فيك ويديك العافية وتسلمي انشاء الله
Quote: كيف عبودي
ما يكون غيران أكيد الامورة قابضة الجو ... |
والله صدقي للأن ما شافا لأنها لسه بالمستشفي لكن فاقدنا كانا وعامل ازعاج لي ناس حبوبته في عفيف
Quote: عقبال ما تدخل في البرنامج دة وتشوف بنفسك |
والله سوف نستفيد من تجاربكم لكن الجرسة ما بنقدر عليها ولكي الود والفال الحسن
| |
|
|
|
|
|
|
ما عندنا مانع لكن كمان المعني مهم ممكن يتهمونا بالردة ولا كدة ودمته
(عدل بواسطة طارق عبد اللطيف نقد on 05-29-2006, 06:01 AM)
| |
|
|
|
|
|
|
Re: أجمل التهاني للزميل طارق نقد بمناسبة قدوم المولودة الجميلة (Re: الصادق خليفة)
|
مليون مبروك يا طارق .. وإن شاء الله تكون من بنات المستقبل النيرات .. وشكراً خالد على هذا البوست ... وبعدين يا خي ما تلاوز لينا سعيد حقك ده لو متردد معاذ إبني جاهز .. وبعدين نحنا لا بنسأل عن كشف حساب ولا يحزنون .. يكفينا فقط نسب الناس الطيبين ...
بالنسبه للأسماء .. أنا ما عارف لكت عاجبني جداً اسم "ميزاب" وهي سبلوقة الكعبة المشرفه ..
الف الف مبروك ...
| |
|
|
|
|
|
|
Re: أجمل التهاني للزميل طارق نقد بمناسبة قدوم المولودة الجميلة (Re: عبدالقادر علي عبدالرحيم)
|
الأخ العزيز/ عبد القادر تحياتي .. وإسم ساره جميل .. ونجده مقبول لدينا بصفتنا أبو العريس ..خصوصا إن الإسم يتماشي مع سياستنا الداخلية في تسمية أبنائنا ولك أن تنظر في تلك السياسة (سعيد وسماح) .. كما أناشدكم بأن تبذلوا جهداً مقدر في أن يتنحي الشاعر / إدريس وإبنه عن طريق البنيه .. تحياتي .. بقدر نخيل بلادي .. سلام ... ونيل بلادي .. سلام . أخوك/ خالد الأرباب
| |
|
|
|
|
|
|
Re: أجمل التهاني للزميل طارق نقد بمناسبة قدوم المولودة الجميلة (Re: Khalid Saeed)
|
ود عمي / عبد الله ود عقيد وكت سيرتك يجيبوها .. أهلي كتير بدوروها .. وحاتك العشرة ما بتهون .. على الناس البدوروها ... زمان ماقلته بتزورنا .. كلمتك قايله نسوها .. واحتك بالصبر قاعدين .. وجيتك رموش العين يعدوها .. ود عقيد .. قريبي الذي أفخر به .. لك الحب ياأيها المبدع .. والله نفسي إداخل معاك .. لكين .. الكلام البتكتب فيه ده داير ليه زولاً كتاب زيكم عشان مايبوظ البوست بالشتارة .. غايتو الأيام دي بقيت أقره كتير .. عني أوعدك بعد 15 سنة تلقاني أول المداخلين معاك .. وحأأعذبك عذاب .. أشبكك النظرية الفلانية .. والبعد الفلسفي .. وهلمجره .. إلى حين ذلك الموعد دم بألف خير .. وأمطرنا إبداعاً .. نمطرك قراءة بصمت وهدوء وإحترام.. لك الود والحب والتقدير . خالد الأرباب
| |
|
|
|
|
|
|
Re: أجمل التهاني للزميل طارق نقد بمناسبة قدوم المولودة الجميلة (Re: Khalid Saeed)
|
Quote: وبعدين يا خالد عندي لك حل وسط بصفتك رجل يؤمن بالديموقراطيه وينادي بها .. كده يوم السمايه نخلي البنيه تعزل .. ولها الكلمه الأخيره .. أنا عارف سعيد ولدك شرط .. ومعاذ بينافس برضو والباقي بيتمو شعر ... ما قالوا ود الفار بيطلع حفار |
شوف الشعر ده حقكم ..نحنا محترفين .. لكين المنافسة تكون في الجلد .. نجيب لينا دلوكه .. وعرضه وجلد .. والبركز يعرس البنيه .. هيييييييييع .. الأرباب لومك بي معاكم لحد سوطين .. أبشر بالخير .. باقيلك المحس كم صوط . لك التحية .. ياجميل .. ( لكين بيني وبينك سبلوكه دي صعبة شوية ) أخوك / خالد الأرباب
| |
|
|
|
|
|
|