|
Re: للكيزان فقط ... حبابكم عشره (Re: waleed500)
|
وليد 500
تصدق وتؤمن بالله انك اظرف كوز لاقاني!! وزعلانة من قلبي عليك!!
اسمع ما تسيبك من الشغلانية الما جايبة همها دي وخليك حزب الله "ما اللبناني"
لك ودي والله رغم كوزنتك
تخريمة
"مرات قاعد تكون اشتر يا ولي وما بحب اخش بوستاتك عشان الخرمجة"
| |
|
|
|
|
|
|
Re: للكيزان فقط ... حبابكم عشره (Re: Rasha Hatim)
|
Quote: تصدق وتؤمن بالله انك اظرف كوز لاقاني!! وزعلانة من قلبي عليك!!
اسمع ما تسيبك من الشغلانية الما جايبة همها دي وخليك حزب الله "ما اللبناني"
لك ودي والله رغم كوزنتك |
أها يا رشا آمنتي ما ياهو دا الزول القيافة القلتو ليك
لو الكيزان ذي وليد دا كان البلد اتعدلت لكن اليد الواحدة ما بتصفق...
بالله جيتي بلدنا دي؟ يجي دينق يقولي لو جيتو امريكا ما بيخلوكم تخشو تاني ويدني اقتراحات قال احسن من ماليزيا قال..
كوتة السكر يا رشا كوتة الجنوب كلو قلت لي ما بتحوق؟ والبلاعين كتروا
| |
|
|
|
|
|
|
Re: للكيزان فقط ... حبابكم عشره (Re: Rasha Hatim)
|
Quote: تخريمة
"مرات قاعد تكون اشتر يا ولي وما بحب اخش بوستاتك عشان الخرمجة" |
هههههههههههههههههه رشا كيف حالك عاد متل الشتارة دى ما كنتى ماشه كويسة ورندا طلعت اظرف منك مش وصفت لى السلك الاحمر فى اخر لحظة
اكيد مودتى
| |
|
|
|
|
|
|
Re: للكيزان فقط ... حبابكم عشره (Re: waleed500)
|
وليد 500
والله كيزان زيك كدة ,, ولا احلى!!!
لكن الشتارة القاصداها اناانزل ليك اللنك بتاعها, واللا نخلي الطابق مستووووووور.
Quote: ورندا طلعت اظرف منك |
وانت طلعت اظرف من الكيزان يا فردة.
| |
|
|
|
|
|
|
Re: للكيزان فقط ... حبابكم عشره (Re: waleed500)
|
سجمى يا وليد .... الرسول فيك انت كوز ... كوز السرور يا يابا
رغم انى ما دخلت معاك فى اى حوار لكن من حواراتك التانيه حسيتك زول فاهم
الجاتك تختاك...
وعلى راى بيان .. كان رشحت نفسك بنصوت ليك ...
عاد اسمع يا اخوى القنبله دى ما تنفجر فيك ... اقطع السلك الارضى ..(لونو احمر)
| |
|
|
|
|
|
|
Re: للكيزان فقط ... حبابكم عشره (Re: Deng)
|
قرقرقرقرقرقرقرقرقر
يا رندة
حلوة الحركة دي البورد دا فيهو كوزين كاتبين في البروفايل اتجاهم ونحن نحترم خياراتهم ..بمبدا حرية الراي والعقيدة والفكر بعدين ننتهز الفرصة نشرح ليك في فرق بين الظلامي والكوز
الظلامي دا زول اسلامي بس ما عنده حزب سياسي .. ذي بت الاحفاد مثلا زولة ظلامية فهي لم تعيش في السودان ربيت في الغرب وتعلمت العربي في مدرسة الاحد. وفي البوردات السودانية لها التجلة والاحترام. وظلامي يقابله مستنير يا رعاك الله وبذلك يكون هناك "مستنيرين" "وظلاميين" وبينهما مستلامي مثل ناجر هذا المصطلح وهو ابو جهينة.. هذا المصطلح ظهر في سنة 2004 بعد غزوة بوست الحجاب وغزوة شرعنة الاغتصاب وغزوة الموناليزا
بعد الاضافات والوافدين الجدد اختلط عليهم الامر وتشابه عليهم البقر فظنو ان كوز مرادف لظلامي.. وصار كل يوم ينزل بوست للكيزان في المنبر مما زادنا اعجابا بالكوزين فقط الفي المنبر لانهم اثنين وشاغلين الناس فاذا ويا للهول نجد انهم يظنون الظلاميين كيزان ولذلك قررت اي بوست لزول جديد نشرح ليه انه في اختلاف الليل والنهار..
والظلامي يحترم اي شخص آخر ويعتقد ان الحوار هو الطريق الامثل.. على غير المستنيرين الذي يظنون ان هذا وطنهم يجب طرد كل من يقول ربي الله.. وثابت الكيزان هنا تادبهم وعلو اخلاقهم واحترامهم للناس وكانوا دائما مكان غزوات وتلفيقات مثل معركة الجثمان واختطافه. وكان هزيمتهم نكراء اسقطت ورقة التوت وكلام ديمقراطية وشنو وشنو.. المستنيرين وهم غالبيتهم من فلول اليسار الذين يعيشون في الغرب الراسمالي بانشقاقاته الاميبية. ودي اصل الحكاية وما تدقسي.. وتلخبتي الاختساسات..
| |
|
|
|
|
|
|
Re: للكيزان فقط ... حبابكم عشره (Re: bayan)
|
الدكتورة الشرارة
عاد لكن ما قصرتي مع اختي تب
يعني نزلت ليك بوست قاصداك عدييييييييل وما عبرتيني!!!!!
كتر خيرك, غايتو كان كدة اخير لي اباري شباب المنبر
"ما بعرف اجيب اللنك كيف, مستجدة وكدة, لكن غايتو اسمو" هكذا هم ابناء بلدي"
| |
|
|
|
|
|
|
Re: للكيزان فقط ... حبابكم عشره (Re: Rasha Hatim)
|
Quote: ما بعرف اجيب اللنك كيف, مستجدة وكدة, لكن غايتو اسمو" هكذا هم ابناء بلدي" |
اجش يا يمة يا السمحة ام السمحة اها النمشي نكوسو
نوريك تعملي اللنك كيف
واحد تشيلي اليرول او العنوان.. تجي تفتحي البوست وتعملي رد
اها بتلقي مسطرة.. المربعة الاولى مكتوب فيها امج التانية يرول image and url اها تدوسي على اليرول يجيك شباك طوالي تلصقي فيهو العنوان الشلتين من الاول يلا طوالي تعملي اوكي بعد داك بيتفتح شباك تاني بس تدوسي اوكي تررررررررررررررررا بقى عندك لنك
<a href="http://www.sudaneseonline.com/cgi-bin/sdb/2bb.cgi?seq=post&board=60&msg=1148214260&rn=10" target=_self>Re: للكيزان فقط ... حبابكم عشره
دا ياهو اليرول او العنوان
| |
|
|
|
|
|
|
Re: للكيزان فقط ... حبابكم عشره (Re: bayan)
|
اذن يا بيان احنا بعد ده محتاجين لمصطلح اخر لهذه الطفيليات
حيث ان المصطلح المتعارف عليه سابقا اصبح يشمل جماعه ممكن نسميهم مجازا الاصدقاء الاعداء
وبرضو ما تنسى جماعة "دعونى اعيش" وديل طفيليات متسلقه تعيش بمبدا تبادل المنافع لكن وقت الحاره ... لا ليها فى البجدعو ولا البناولو الطوب
| |
|
|
|
|
|
|
Re: للكيزان فقط ... حبابكم عشره (Re: Al-Sadig Yahya Abdall)
|
Quote: قاصدة شنو يا دكتورة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
انه البورد مقسوم لاثنين مستنيرين و ظلاميين
الكوز ممكن يكون ظلامي لكن ما اي ظلامي كوز في ناس هنا اسلاميين بس ولا ينتمون لأي حزب غير حزب الله..
الناس الجداد اي ظلامي لامين فيه كوز كوز
والمعادلة هنا في علاقة الجزء بالكل
| |
|
|
|
|
|
|
Re: للكيزان فقط ... حبابكم عشره (Re: Randa Hatim)
|
يا للمفاجآت::::: أحييك يا بيان على القنبلة.. الشمار كتلني و قلت أشوف الحاصل شنو
على العموم الناس ديل كان مبارين سيدهم الشيخ الترابي معناها الترابة في خشمهم.. سيدهم كفر و لسه جارين وراء نجاستو..
ياريت لو كانت معاي قنبلة قنبلتين إسبير كنت فرطقتها ليك في وب سايت القصر الجمهوري زاتو
| |
|
|
|
|
|
|
Re: للكيزان فقط ... حبابكم عشره (Re: waleed500)
|
Quote: على العموم الناس ديل كان مبارين سيدهم الشيخ الترابي معناها الترابة في خشمهم.. سيدهم كفر و لسه جارين وراء نجاستو |
..
وين مبارين غايتو الكوزين الهنا ديل مؤتمر وناس محترمين ومقنعين ومهذبين.. واسع بقينا نحنا الظلامين معجبين بيهم شديد.. انا الكوزين الهنا ديل يساو لي اي مستنير ومفحط كيبوردي ومناضل كيبوردي ناس تمام عمرهم ما خرجوا عن الخلق السوداني الاصيل.. ولا شتمو مرأة ولا نشروا كذبة طبعا انا بتكلم عن كوزين البورد.. وهم ناس قيافة وفايتين الناس مسافة ولو استمرو كدا في ناس كتار حيقتنعوا بيهم.. فاحسن الناس تاخد بالها وتنظف حيشانها ولا كيف..
| |
|
|
|
|
|
|
Re: للكيزان فقط ... حبابكم عشره (Re: bayan)
|
مع احترامى لرايك يا بيان لكن انا لا اعتقد ابدا انو فى كوز فايت الناس مسافه
ممكن كوز فاهم ... كوز مثقف ... كوز محترم ... لكن تبقى الكاف الواو الزاى
وصمة عار فى جبينه ... مهما تعددت مواهبه وكثر معجبينه
| |
|
|
|
|
|
|
Re: للكيزان فقط ... حبابكم عشره (Re: waleed500)
|
Quote: بى لعبة السبيل والكيزان السبعة |
ياتها دي بس ما تكون المذكورة في حتة ما؟...
تعرف يا وليد الكوز لو يوم اترشحت لاي مكان انا بديك صوتي..
وجد كمشاركة في البورد دا انت وجمعة احسن محاورين مقارنة بالمستنيرين
| |
|
|
|
|
|
|
Re: للكيزان فقط ... حبابكم عشره (Re: فيصل نوبي)
|
تعرفي يا أستاذة رشا .. أن حكاية الكيزان أصبح مصطلح من مخلفات الماضي ... دلوقتي المصطلح هو وطني أم شعبي ... كما أن الوطني يقبض علي الأمور تماما بالسودان ، وقد إنتشر وتمدد وتمدد ... ثم هو الآن قبل الخيار الديمقراطي القادم... والإتفاقيات التي تنص علي عودة الحريات متوفرة ... والإنتخابات بعد سنتين ... وبعد كده نشوف الحشاش هو اللي يملأ شبكتو ، إذن لقد تبخر مصطلح الكيزان .. خاصة بعد إنتشار تعدد وتممد أفكار العديد من الجماعات الإسلامية .. أكثر من ست جماعات تنتشر بالجامعات .. وتحاور في التلفاز ... وتكتب بالصحف. ثم أخيـرا أطلقوا عليكم ياناس مواقع النت ( مناضلو الكي بورد ) .. حيث هم علي قناعة أن هذا النوع من النضال لا تأتي نتائجه سريعا.. ذلك أنه لا يعيد العمل النقابي كما كان ... ولا يزيد من عضوية الأحزاب الكبيرة بمثل مايكون العمل هو ميداني بالداخل .. إنه محض تنفيس عبر الكيب بورد.. فما الرد ؟؟؟
لذلك فإن ناس السلطة راقدين قفا... ألم تلاحظوا ذلك ؟؟ علما بأن الشراكة قد أتت بجسم التجمع إلي داخل البلاد والمشاركة في السلطة حيث شروط إتفاقية السلام التي نصت علي ذلك . أها الباقي شنو تاني بعد فرض سياسة الأمر الواقع دي ؟ صلاح
| |
|
|
|
|
|
|
Re: للكيزان فقط ... حبابكم عشره (Re: Randa Hatim)
|
Quote: تنبيه للزوار من غير الكيزان:- |
ديل ما عندهم مشكلة
لكن ديل يعرفوهم كيف
القنبلة دي نظام علي وعلى اعدائي يا ربي ولا شنو ؟؟؟
الاخ دينق
القنبلة دي ما كانت فى يدك ليه تركتها جانبا؟؟؟ لماذا تريد تفجيرهم بقنبلة وانت تضع يدك فى يدهم؟؟؟
لماذا ؟؟؟
الاخت رشا / رندا
Quote: اها فى محاوله لرفع هذا البوست بطريقه معدله. |
بعد التعديل على حد تعبيرك
Quote: الى كل المناضلين:- |
دي عبارة فضفاضة ما بتنفع هنا فى البوست بتاعكم دا المسألة جابت ليها تفجير وقتل التحديد واجب هنا
منو المناضلين ديل ؟؟؟؟
| |
|
|
|
|
|
|
Re: للكيزان فقط ... حبابكم عشره (Re: alsngaq)
|
الاخ العزيز
قنابلنا هنا دى قنابل متطورة .. عمرك سمعت بى الصاروخ الببارى هدفو محل ما يقبل ويفضل وراهو وراهو لمن يجيب اجلو..
على نفس النمط ده قنابلنا هنا ... قنابل بوليسيه يا زول
تشم ليك ريحة الكوز اول ما ينقر الماوس
انحنا نبهناكم بس خايفين عليكم من الشظايا ما تصيبكم
| |
|
|
|
|
|
|
Re: للكيزان فقط ... حبابكم عشره (Re: Randa Hatim)
|
Quote: ثم أخيـرا أطلقوا عليكم ياناس مواقع النت ( مناضلو الكي بورد |
سلام يا الباشا كيف عامل
المصطلح دا اطلقتو انا وانا ما كوزة.. دي شكلات في البورد فرضت مصطلحاتها.. ما دخل الحركات الاسلامية بيها..
تحياتي..
| |
|
|
|
|
|
|
Re: للكيزان فقط ... حبابكم عشره (Re: Randa Hatim)
|
الاخوات رندا ورشا.
شغلكم نضيف. لازم ندخل ونرمي قنبلة سريعة تخلصنا من كوز.
بيان الظلامية.
أنتي لم تصلي لمرحلة الكوزنة بعد فأنتي مازلتي ظلامية. قد تحتاجي زيارة سريعة للسودان لتقديم نفسك بصورة أفضل أو يمكنك أن تبحثي عن التكوين الاثني للحكومة يمكن تلقي ليك منصب سريع, أحسن ليك من ماليزيا.
دينق.
| |
|
|
|
|
|
|
Re: للكيزان فقط ... حبابكم عشره (Re: alsngaq)
|
Quote: أحسن ليك من ماليزيا. |
دينق احسن من ماليزيا دي الا الجنة بس..
كيف امريكا مافي فرصة لينا نرجع وكدا؟
انت التلحق ترجع السودان يمكن يدوك منصب انا لا كوزة لا حركة شعبية يدوني منصب على طين شنو؟ لما كنت هناك مساعد تدريس ابو يعينوني جبتها براسي وعمل يدي ورفضو يثبتوني..تقولي منصب..
ما ضيع الفرصة دي يا دينق اجري السودان..احسن من امريكا
بس كوتة السكر تغنيك لي جنا الجنا..
| |
|
|
|
|
|
|
Re: للكيزان فقط ... حبابكم عشره (Re: bayan)
|
عاد يا بيان فى ماليزيا دى صدقت
احيييي انا من كولالمبور ... ومن جينتينج .. ومن مزارع الرز
ولا الجو ... والغيمه
ولا الخدار الما خمج ...
ولا البرجين .. والتايم سكوير ... كى ال سنترال
عاد يا بيان ... سلمى لى على الداتوهات العندك كلهم
لكن تفتكرى كوتة السكر دى اى زول هناك بلقاها بى هين مع الحدى والصقور الفى السودان
| |
|
|
|
|
|
|
Re: للكيزان فقط ... حبابكم عشره (Re: Randa Hatim)
|
رشا ..
Quote: ان شاء الله البوست ده ينفجر فيكم ويفرتقكم واحد ورا التانى وعلى راسكم شيخكم المخرف ده. |
وين ياحبة (السلك اللحمر بث) زى ما قالت رندة (فوق)
Quote: تصدق وتؤمن بالله انك اظرف كوز لاقاني!! وزعلانة من قلبي عليك!! |
ونحن قبيل شن قلنا ..تسلم يا ولى..!!! ــــــــ رندة
Quote: سجمى يا وليد .... الرسول فيك انت كوز ... كوز السرور يا يابا رغم انى ما دخلت معاك فى اى حوار لكن من حواراتك التانيه حسيتك زول فاهم الجاتك تختاك... عاد اسمع يا اخوى القنبله دى ما تنفجر فيك ... اقطع السلك الارضى ..(لونو احمر) |
عاد تانى (رندة) اكان رفعت راسها ..(وليد500) بث!!!
قرقرقرقرقر
| |
|
|
|
|
|
|
Re: للكيزان فقط ... حبابكم عشره (Re: Randa Hatim)
|
يا معشر الجبهجية
في إمرأة بتقيم في الصلاة و دايرة ليها رجال نصف كم زي وليد مثلاً و باقيهم يقيفوا وراها في ... يللا ممكن تورونا عرض كتافكم و تشتتوا من هنا أصلو صلواتكم ما فايتة ركبكم
بالمناسبة يا أستاذة رندا ، الناس ديل دايرين ليهم قنبلة ننوية عشان تاني مافي زوول يسأل منهم
ليك التحية تاني و تالت و رابع
و لجميع الإخوة الوطنيين فقط
| |
|
|
|
|
|
|
Re: للكيزان فقط ... حبابكم عشره (Re: wail tagelsir abdalla)
|
Quote: في إمرأة بتقيم في الصلاة و دايرة ليها رجال نصف كم زي وليد مثلاً و باقيهم يقيفوا وراها في ... يللا ممكن تورونا عرض كتافكم و تشتتوا من هنا أصلو صلواتكم ما فايتة ركبكم
|
الانحدار خلفك من اسهل الامور ......لكن فليسامحك الله
| |
|
|
|
|
|
|
Re: للكيزان فقط ... حبابكم عشره (Re: waleed500)
|
الكوز السودانى ... وليد
السوهو الكيزان فى البلد ... لا يقع على صديق لا جار...
ان صقع الارض ما خلى فوقا حجار...
وكب المويه فوق الجاز بعتى النار...
اها وحيث انك كوز السرور كما ذكرنا سابقا
اقطع السلك الارضى او اتخارج من البوست
الناس ديل سمهم فاير .... معذورين
| |
|
|
|
|
|
|
Re: للكيزان فقط ... حبابكم عشره (Re: wail tagelsir abdalla)
|
لك التحيه يا وائل رابعا وخامسا وسادسا
لكن تعرف يا وائل انا بختلف معاك فقط فى نقطة الحوار الجارح....
ما بحب الكيزان ... اكيد ... لكن بس مسالة انى اجرح الانسان فى شخصو كبيره شوية
انا متاكده انك كمان موافقنى الراى ده ...بس كراهيتك ليهم طاغيه عليك
اكيد كلامى ده ما ح يخليك تزعل منى ...لانو احنا السودانيين دايما البينا عامره
وانت هناك فى الهند ... تاكد انو عندك اخت فى الدوحه
| |
|
|
|
|
|
|
|