شــندي ياناس شـندي

Quote: DeleteReplyForwardSpam Move... This message is not flagged. [ Flag Message - Mark as Unread ] From: "adil omer" Add to Address Book To: [email protected] Subject: الجار العزيز ود عقاب Date: Tue, 21 Sep 2004 00:39:00 +0400 التحية لك أخى عبد الله ود بابكر جارنا العزيز ود عقاب لو مشيت بقريب أسال عبد العزيز السيد ( ود البيه ) علشان حيرتك تزول .. بعدين ناس السكه حديد ديل مننا وفينا وحبابو الف بامسيكا. الأخ العزيز عادل على لك التحية والاحترام وزى ما قلت انت الموضوع ده طويل والاعلام في شندى لا يحصى عددهم وكل منهم من موقعه يعطى بالاحدود وأتمنى أن نذكر بعض ما ينساه الآخر ونكمل ونستوفي لبعض حتى نفى هذه المدينه العريقة المضيافة حقها .. وأشهد بأنك ايضا عجوز زى لان الذى سرته كأنك دفعه .. المهم في معبر حديثك أظنك كنت تقصد عباس ابو السعود وليس خضر ابو السعود لان خضر كان سكرتير نادى الأهلى .. وأخوك بصراحه ليس بأهلابى .. كنت اشجع فريق نادى المجد العريق وبعدها انتقلت الى رابطة النهضة ومنها كالاعب بنادى الشاطىء إلى تمت الهجرة. ومن طرائف مدافع النيل الجسور عبد الله حمزه ( كزفوبو ) أو الكزا حيث عرف بروحه المرحه .. حين عاد في مرة من المرات من اغترابه في ليبيا وطبعا اهله في المتمه ، فوجد البنطون مزدحم جدا .. فقال للريس بتاع البنطون الواحد لو عايز يركب البنطون لوحده يدفع كم؟ الريس قال ليهو 5 جنيه فرد عليه طيب ودى المظاهره دى وتعال لي راجع .من قدامى الاعبين الافذاذ الذين عاصروا الكرة بشندى لا ننسى بالاهلى عوض حسين التقر، الطاهر عباس جعفر،و من النيل بابكر عبد الرحمن ، بابكر فزاري حاليا يعمل بالتمريض بالمتمة،حمزه خسم الموس، عثمان خشم الموس. الامل محمد يوسف زيادة، عمر الريح جلال الدين،النسر / على يوسف زيادة، نصر على مزكى ( الثعلب حيث كان لاعب نص فنان و من النسر انتقل الى الموردة العاصمى. المجد / الزين فرج، الفاضل عبد الكريم موردة، اسماعيل كابو والذى كان لاعب وسط مميز من ابناء الخرطوم وشقيق الحارس الممتاز موسى كابو حارس مرمى الخرطوم العاصمى وانتقل بعدها الى اهلى شندى.، مصطفي الله جابو شقيق لاعب الهلال العاصمى يونس الله جابو، عمر مختار ( فوكس ) . ايضا نسيت ان اذكر من خيرة لاعبين الوسط الذين اطربو جماهير الكرة بشندى اللاعب هشام حمزه ومن أطرف المواقف كان الهلال العاصمى يلعب في شندى مع النيل او سارديه لا اذكر بالضبط والحكم عمنل العكام والمعروف بحبه الشديد لفريق الهلال العاصمى والاعب عز الدين الدحيش ومن خلال المبارة شات الاعب عز الدين الدحش كرة ولكن للاسف الشديد لم تتدخل المرمى وانما اتت قرب العارضه والطرافه فيها بأن عمنا العكام احتسبها قون رسمى . ولنا لقاء وواصل يا عادل على معلوماتك نستفيد منها وتهيج الذكرى .. ود المدفع