الأولى : لازم يلقوا شماعة يعلقوا عيها اخفاقاتهم .. و التانية: دائما متوقعين في زول ما في زمن ما حيجي يعمل الشي المفروض هم يعملوه ..
في السوشيال ميديا الفترة الفاتت و في المنبر ده مع الشخوص .. في لواكة حاصلة اسمها دولة 56 .. دايرين يحملوها كل البلاوي و الإخفاقات .. !! وذلك بحجة ان دولة 56 كان مسيطرين عليها الاحزاب الطائفية (الأمة و الوطني الاتحادي) و بعض الافندية .. و لانهم كانوا غير مؤهلين لحمل عبء الخدمة المدنية بعد الانجليز و نسبة لاطماع الطائفيين .. فلذلك البلد طلعان زيتها الى يومنا هذا ..
المدهش .. انه مافي زول واحد ذكر انه الجلابة هم من حكم السودان طوال الكم و ستين سنة الفاتن ..
سيئ الذكر جعفر نميري .. 16 سنة .. جلابي دنقلاوي و بطانته جميعا من ابناء الشمال في معظمها و في معظم الاوقات .. الكيزان ..30 سنة .. جلابة شوايقه و جعليين .. كانو بتفاخروا باغتصاب بنات دارفور و امتهان الهامش ..
شماعة دولة 56 .. الناس داير تهرب بيها من عنصريتها المتعفنه .. و تهميشها المقرف عبر السنين لاهل الغرب بالتحديد و طبعا الجنوبيين و اهل الشرق الى حد ما ..
العلة مافي الاحزاب الطائفية (المقرفة) فقط ..
العلة في الانسان السوداني الوسطي و الشمالي .. اتربوا على كده و شبو على كده و شابو على كده و علموا ابناءهم نفس العنصرية و التعالي المقزز ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة