|
|
|
 Re: خبر حايم ان الدكتورة مريم الصادق اجتمعت ب� (Re: Abureesh)
|
من هو المواطن العظيــم، توفيق عكاشـة أم مريم الصادق؟
الإتنين ارتكبوا نفس الجرم.. التخابر مع دولة أجنبية محتلة وناهبة لخيرات وموارد بلديهما.. ولكن عكاشة مواطن عادى أخطأ وعوقب وتحمل نتيجة خطئه.. اما مريم فخلفها
حزب كبير إن لم يكن أكبر حزب سياسى.. وخلفها طائفة دينية مستعدة للموت ذوداً عنها.. وخلفها مليشيا.. مريم عبارة عن دولة صغيرة داخل دولة .. هذا بتعبير
اخر يعنى ان مصر دولة عندها مؤسسات وقوانين يخضع لها الكل.. السودان ليس دولة حديثة.. ويقوم على الأجاويد والترضيات والقوة العسكرية للأحزاب والطوائف الدينية التى يتمتع بها
بعض المواطنين دون غيرهم. عكاشة دعم الدولة، ومريم دعمت الفوضى السياسيـة والإجتماعية.. دعمت غياب الدولة لذلك لم يقدر أحد على محاسبتها.. (تحاسب مريم الصادق
المهدى انت منو؟) هذا هو الفرق..
| |
 
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
المشكلة الكبرى انو نحن ما عندنا دولة في السودان ،،ما عندنا حكومة ...وما عندنا مؤسسات دستورية ..لكن عندنا
رؤساء حركات مسلحة و مليشيات مسلحة يحكمون السودان بالسيف والنار ويسرقون ثروات السودان جهارا نهارا
ولا احد يحاسبهم او يسألهم ....ومن الذي اي شخص اذا قابل سفير دولة أجنبية أو تخابر ضد أمن الوطن!!؟ لا أحد
فإن الفوضى ضاربة في كل أركان الوطن ....
لك الله يا وطني ...
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: امتثال عبدالله)
|
سلام يا ابو الريش
| Quote: أى إتصال خاص بسفارة أجنبية من مواطن سودانى عادى وبدون تفويض من وزارة الخارجية والحكومة يعتبر خيانة ويساءل المجتمع بواسطة النائب العام. |
هل دي مادة في القانون الجنائي السوداني او أي قانون سوداني
ولّ
شيتاً قاطعوا من نص راسك دا؟
ولمعلوميتك
توفيق عكاشة تم إسقاط عضويته من البرلمان بتصويت تم داخل البرلمان وليس عن طريق محكمة.
الرلمان ناقش عدة اسباب لإسقاط عضوية توفيق عكاشة من بينها لقائه بالسفير الإسرائيلي بصفته نائب برلماني دون اخذ الإذن من البرلمان (وليس بسبب عدم أخذه الإذن من وزارة الخارجية).
ومن بين الاسباب أيضاً إساءته للملكة العربية السعودية والإمارات العربية.
اللجتة البرلمانية والبرلمان لم يجرموا توفيق عكاشة ولكن سببوا إسقاط العضوية بسوء إستخدام توفيق لعضويته في البرلمان.
لا يوجد أي وجه للمقارنة بين موضوع توفيق عكاشة ومريم الصادق.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
عليك الله يا ابو الريش موضوعية شنو؟
إنت تقطع ليك قوانين من نص راسك وتعتبرها مسلمات وتحاسب بيها الناس وما داير زول يقول ليك الكلام دا إنت قاطعوا من نص راسك؟
مافي قانون بيمنع لقاء المواطن العادي بسفير دولة اجنبية.
جريمة التجسس او التخابر الركن الأساسي فيها هو إفشاء معلومات سرية لدولة أخرى تضر بالبلاد.
وليس مجرد الإتصال بسفير دولة اجنبية.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
يا ابو الريش استعمل أي كلمات تخطر على بالك بس وريني مصدر* القاعدة بتاعة "أى إتصال خاص بسفارة أجنبية من مواطن سودانى عادى وبدون تفويض من وزارة الخارجية والحكومة يعتبر خيانة ويساءل المجتمع بواسطة النائب العام."
والتي بموجبها فتحت البوست دا لمحاسبة المواطنة مريم الصادق بسبب لقائها بالسفير المصري.
*المصدر ممكن يكون نص قانوني او نص راسك.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Hafiz Bashir)
|
يا حافظ لو فهمت من كلامى عن المواطن العادى انها عبارة مطلقة وان أى شخص يقابل القنصل أو السفير من أجل تأشيرة أو حل مشكلة توثيق أو تأشير..الخ.. لو فهمت انى
أعنى هذا الشخص إذاً تحتاج تزيد عدد خلايا المخ اللى جوة رأسك.. الدكتورة مريم التى أثبتت انها، علمت أم لم تعلم، انها عملت لصالح المصريين ضـد مصالح السودان.. لما كانت
وزيرة خارجيـة.. هذه لو اجتمعت بالسفير المصرى وراء ظهر الحكومة بخلفيتها التبعية دى.. فهذا اسمه تخابر مع دولة معادية.. معادية للمصالح السودانية.. إلا إذا كنت تعتقد
ان التخابرمع دولة أجنبية ليس جريمة.. بس قول وأنفى انه جريمة وسأتيك بالدليل والنصوص القانونية.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
تحياتي ابا الريش
المعذرة فلا تعليق لدي على الخبر
ولكن - ان سمحت لي - تعليق صغير على عنوان البوست
فيه ان مريم اجتمعت باخيها
ولكني أظن أن فحوى الخبر انها و مع أخيها اجتمعا بالسفير المصري
ان كان الأمر كذلك فارجوك تصحيح العنوان حتى لا يلتبس الأمر على القارئ
وعذرا ان كنت مخطئا
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
الأخ أبو الريش
مرحبا.
لا أعتقد أن هنالك مشكلة في أن يجتمع أي مواطن سوداني بسفير أو دبلوماسي من دولة أجنبية في السودان أو خارج السودان، المهم هو أن يكون ما هو نوع الاجتماع أو موضوع النقاش.
في السودان مثلا معظم كبار رجال الأعمال وقيادات المجتمع السوداني والمسئولين الحكوميين لهم علاقات خاصة ب سفراء وأعضاء البعثات الدبلوماسية في السودان.
ويجب أن تعلم أن من مهام الدبلوماسية هو أن يكون لهم علاقات ب قيادات المجتمع المحلي وفي مجالات مختلفة.
| |
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: mohamed osman bakry)
|
أهلا بالجميـع وأبدأ من فوق مع دينق
| Quote: لا أعتقد أن هنالك مشكلة في أن يجتمع أي مواطن سوداني بسفير أو دبلوماسي من دولة أجنبية في السودان أو خارج السودان، المهم هو أن يكون ما هو نوع الاجتماع أو موضوع النقاش. |
الأخ دينق،
كيف نعرف نوع الإجتماع وموضوع النقاش إن لم يكن تنسيق مع الحكومة أو انها مبعوثة من الحكومـة؟ لاحظ الإجتماع كان ســرى غير معلن
رأيك شنو لو السفير الروسى زار ترامب فى فلوريدا بدون علم الحكومة الأمريكية؟ أو رئيس الحزب الجمهورى اجتمع به..هل هذا قانونى ومقبول لدى الشعب الأمريكى..؟
هل الحكومة المصرية تقبل أن يجتمع سفيرنا هناك بالأحزاب المصرية سراً و بدون علم الحكومة المصرية؟
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
Quote:
الأخ دينق،
كيف نعرف نوع الإجتماع وموضوع النقاش إن لم يكن تنسيق مع الحكومة أو انها مبعوثة من الحكومـة؟ لاحظ الإجتماع كان ســرى غير معلن
رأيك شنو لو السفير الروسى زار ترامب فى فلوريدا بدون علم الحكومة الأمريكية؟ أو رئيس الحزب الجمهورى اجتمع به..هل هذا قانونى ومقبول لدى الشعب الأمريكى..؟
هل الحكومة المصرية تقبل أن يجتمع سفيرنا هناك بالأحزاب المصرية سراً و بدون علم الحكومة المصرية؟ |
مرحبا أبو الريش.
ولماذا تريد الاجهزة الامنية معرفة نوع الاجتماع؟ هل السفير في موضع شبهة أم مواطن البلد؟
بعدين كيف يكون سري ونحن نعرفه الان ونكتب عنه؟ وهل كنت تتوقع أن يتم الاعلان عن ذلك اللقاء في الصحف و محطات التلفزيون؟
دونالد ترمب الان صار مواطن عادي ومن حقه أن يجتمع بأي سفير أو شخص أجنبي، بعدين إذا كان السفير الروسي مصدق له عن طريق الخارجية الامريكية أن يمارس عمله الدبلوماسي وأن يجتمع بالمواطنين والمسئولين الامريكان فأين هي المشكلة هنا؟
جزء كبير من مهام الدبلوماسيين هي الدبلوماسية الشعبية وهو الالتقاء بالشخصيات الهامة والمؤثرة في البلد الذين يعملون فيه، وذلك لأن أي دبلوماسي يريد أن يعرف حقيقة ما يجري في البلد والتعرف عليه هو أن يلتقي بأكبر عدد من مواطني تلك البلد من أجل تكوين رأي في أي قضية في البلد. ومن طبيعة عمل الدبلوماسيين هو كتابة تقارير عن طبيعة ونوع تلك اللقائات الهامة وارسال تلك التقارير الى عاصمتها من أجل بلورة رأي معين في قضية معينة.
مثلا موضوع حقوق الانسان أو الحريات الدينية، الخارجية الامريكية لديها نشرة سنوية تصدرها في هذين القضيتين، وجزء من هذه التقارير بتكون مأخوذة من التقارير التي يكتبها الدبلوماسيين الامريكان ف البلد الذي يعملون فيه ويمسى ذلك التقرير ب (كابل) .
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Deng)
|
أيام فترة حكم نظام الاخوان المسلمين الفاشي كان من أكثر الاشياء التي تقلق النظام هو عندما يجتمع المرحوم الصادق المهدي عندما كان يعارض النظام بسفير أجنبي، خصوصا السفير الامريكي أو من دولة غربية.
عندما كنا في التسعينيات نجتمع ببعض رجال الخارجية الامريكية ونناقش معهم ما يحدث في السودان، كانوا يقولون لممثلي الاحزاب الذين كانوا معنا بأن حزبهم في الداخل له رأي مختلف عن رأيهم كممثلين للحزب في واشنطن.
فذلك يعني أن الدبلوماسيين الامريكان يجتمعون في الداخل بقيادات الاحزاب المعارضة.
وب المناسبة، تلك اللقائات والعلاقات كانت تمثل لبعض قيادات الاحزاب نوع من أنواع الحماية أيضا رغم أنها تزعج أهل النظام.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
Quote: اين المشكلة في ذلك اهو الحزب الشيوعي بجتمع بالسفير المصري في دار الحزب الشيوعي !
|
خطآن ما يعملوا صاح .. وعمالة الحزب الشيوعى لمصـر ليست جديدة. هم الان مبسوطين عشان عملنا ليهم كردت فى مصر.. مبروك امشوا أحصدوا..
هذا الحزب المنافق.. فى إنتخابات الإنقاذ المخجوجة سجلوا فى البداية ثم انسحبوا منها.. وقت التسجيل قاموا بعمل دعاية انتخابيـة فيها كان لهم برنامجين مختلفين..
فى بورتسودان قالوا سيعملون على تحرير حلايب.. نفاقا منهم وتملقا لأهل الشرق وكأن حلايب ليست جزء من كل السودان.. وفى برنامجهم الإنتخابى فى العصمة
لم ترد كلمة حلايب ولا مرة واحدة.
مريم الصادق ممكن تكون جاهلة بمآلات ما قالت.. وعلى كل حال هى فرد وأحسب انها لم تمثل الحزب فى ذلك المؤتمر مع سامح شكرى.. ولكن موقف الحزب الشيوعى
استرتيجية للحزب كمؤسسة.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
| Quote: إلا إذا كنت تعتقد ان التخابرمع دولة أجنبية ليس جريمة.. بس قول وأنفى انه جريمة وسأتيك بالدليل والنصوص القانونية. |
اللخبطة البتعمل فيها دي ابو الريش ما جديدة واجهزة الأمن القمعية عملتها قبلك.
لقاء مواطن بسفير دولة اجنبية ليس جريمة.
بينما التخابر جريمة وله تعريف محدد بأنه نقل معلومات سرية إلى دولة أجنبية عن طريق وكلائها بقصد معاونتها في عملياتها الحربية ضد البلاد أو الأضرار بمركز البلاد الحربي او بقصد إلحاق ضرر سياسي أو اقتصادي بالبلاد.
خلطك المتعمد يا ابو الريش بين مجرد اللقاء مع سفير دولة اجنبية والتخابر هو نفس الخلط الذي تمارسه أجهزة الأمن في الدول القمعية للحيلولة دون وصول صوت المواطن للخارج.
نفس الذي تفعله أنت يا ابو الريش في هذا الخيط هو ما كان يفعله جهاز امن الإنقاذ او جهاز المخابرات المصري. فهم أيضاً يوجهون تهمة التخابر والعمالة لأي مواطن يتصل بسفير أي دولة أجنبية،
الغرض من توجيه التهمة يكون هو كبت صوت المواطن وتصفية الخصوم السياسيين.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Hafiz Bashir)
|
يا مولانا حافظ ما تقوم نفسك ..
انحنا فترنا كلما زول يصحا من النوم (يجلس) جلسة الصباح و يفكر في موضوع يجري يكتبه ..
الموضوع ده بالذات شكله كتبه و هو (جالس) .. لانه فايح ..
قلنا ليو كتير ارفع حتة التفكير دي 3 اقدام امكن تجيب شي مفيد ..
بكري مفروض يديو خاصية مسح بوستاته لانه بالطريقة دي ما حيلحق ..
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Osman Musa)
|
Quote: الشيخ ترك يا أخ ابوالريش قابل سفراء .
و انت زاتك من حقك تقابل اي سفير . |
الأخ عثمان موسى.. خلى ترك.. أنا زاتى التقيت أعضاء من محكمة الجنايات الدولية زمن أوكامبو فى أمريكا، بدون علم الحكومة السودانية.. أيه رأيك.. وبعد اللى شرحته فى موضوع قفل الميناء فى أكثر من
بوست، وأنت وأخرين مصرين على أخراج أى كلام من سياقه فما عارف أقول ليك شنو... هل أنصحك بالرجوع الى البوست الأصلى فى أيام قفل الميناء الأولى؟ أقرأ (ردودى على الناس وشرحى للموقف)
كن بخيــر
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
حبيبنا قباني
والله زي ما قلت الزول دا يصحى من الصباح واول فكرة تخطر على باله يكتبها بدون فلاتر
وفعلاً قوم نفسنا لكن مازلنا محتارين في الثقة البكتب بيها افكار الصباح دي
ثقة تخليك لامن تشك في روحك وفي معلوماتك وعقلك
ما يمكن الزول دا بينزل عليهو وحي🙄
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Hafiz Bashir)
|
المداخلـة أدناه كتبهـا حافظ بشيــر
Quote: حبيبنا قباني
والله زي ما قلت الزول دا يصحى من الصباح واول فكرة تخطر على باله يكتبها بدون فلاتر
وفعلاً قوم نفسنا لكن مازلنا محتارين في الثقة البكتب بيها افكار الصباح دي
ثقة تخليك لامن تشك في روحك وفي معلوماتك وعقلك
ما يمكن الزول دا بينزل عليهو وحي🙄
|
يا حافظ تذكر انت برضو تكتب بوستات ما عاوزها تتخرب.. احترم نفسك وأكتب بموضوعية. الله يصبرك يا روح.. يا أعضاء المنبر خلوكم
شاهدين على الناس ديل.. آخر إفتراء وسخرية وسخف واستخفاف.. اقولها ليك مرة تانية يا حافظ.. لو ما احترمت نفسك مافى زول حيحترمك.
ويحيى قبانى قبل كدا يكتب نفس طريقته هذا الإستفزازيـة.. إستخفاف بدون أى سبب.. لو تعتقدوا بالأساليب دى ممكن تزهجوا الناس ويقيفوا
من الكتابة فأنتم مخطؤون..
لاحظوا انا حتى الان لم أدافع عن نفسى عسى ولعل انكم تخجلوا من اللى بتعملوا فيه دا.. كنت أنبهكم وانبه الاخ بكرى أبوبكر لما يحدث فى منبره هذا
لكن ما حتعرفوا دفاعى حيكون كيف.. انتو متلفزين من يومكم ولو قبلت عليكم ستندموا على اليوم اللى اشتريتوا فيه كمبيوتر .. بس انتو واصلوا
فى الفرنبة بتاعتكم دى.
يا بورداب اشهدوا.. أشهدوا أشهدوا.. خلوكم شاهدين.. القاعد يستفز ويعتدى منو.. عشان بعدين ما يجى واحد يقول وقفوا الإساءات دى.. زى ناس
الشرطة اللى يساووا المعتدى بالضحية ويعتبروها مشاجرة.. انتو شايفين مافى مشاجرة هنا.. زول ساكت ماسك خشمو عليه ويحاول يساهم فى المنبر
بما يقدر عليه.. ومجموعة مكونة من خمسة انفار سأسميهم فى وقتها ولكن لو متابعين البوستات الاخيرة تعلمونهم .. هم لا يعرفون ابوالريش يرد
كيف ومتين. ولا يعرفون ابوالريش أصلاً.
Your are logged
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
| Quote: إذاً تحتاج تزيد عدد خلايا المخ اللى جوة رأسك |
لمعلوميتك يا ابو الريش الخلايا العصبية غير قابلة للإنقسام وبالتالي لا يمكن زيادة عدد خلايا المخ الجوة الراس.
ولكن يمكن رفع درجة كفاءتها بعمل مزيد من التشابكات الذكية بينها والإستفادة من هذه التشابكات ورفع درجة فعالية المخ الجوة الراس.
فشنو؟ بطل الإنفعال وجرب هذه الطريقة عسى ولعل أن ترفع حتة التفكير دي 3 بوصات، واقول 3 بوصات فقط لأنني لست متفائلاً كما قباني الذي اوصى ب 3 أقدام.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: mohamed osman bakry)
|
Quote: لمعلوميتك يا ابو الريش الخلايا العصبية غير قابلة للإنقسام وبالتالي لا يمكن زيادة عدد
خلايا المخ الجوة الراس.
ولكن يمكن رفع درجة كفاءتها بعمل مزيد من التشابكات الذكية بينها والإستفادة من هذه التشابكات
ورفع درجة فعالية المخ الجوة الراس |
هلا محمد عثمان بكرى.. هلا حافظ
ويا محمد شايفك نصصت الكلام الفوق بدون تعليق.. مما قد يعنى موافقتك عليه.. وأنا استغربت فعلاً.
أى زول يعرف الفرق بين إنقسام الخلية وبين زيادة عدد الخلايا.. وأخونا حافظ لخبط لخبطة كبيرة بقصد أو بدون قصد.. أنا لم أتكلم
عن إنقسام خلايا المخ أو موتها، والكل يعرف ان هذا لا يحدث وغير ممكن أصلاً.. ولكن تحدثت عن زيادتها التى يمكن أن تكون بطرق كثيرة..
ولكنى أميل الى الإعتقاد انه لا يقصد لأن الخلايا الخمس التى فى رأسه لا تسمح له التفريق بين التكاثر بالإنقسام والتكاثر بالزيادة..
ويا حافظ ما تعمل فيها ضحية زى ما حاولت فى بوستك الأخير لأنى خيرتك أن تتوقف عن استعمال نص راس وربع راس أو أنا استعمل نفس
الأسلوب.. وأنت سمحت بهذا وقلت استعمل اى اسلوب بدل تتوقف.. هل نسيت؟ ممكن أجيب ليك المداخلات من البداية التى لم تأتى بها وذكرت عبارة
خارجة عن التسلسل والسياق.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
| Quote: لأنى خيرتك أن تتوقف عن استعمال نص راس وربع راس أو أنا استعمل نفس الأسلوب |
غايتو يا ابو الريش تقطع ليك فهم من طرف راسك لكلامنا وتجي تحاسبنا بيهو.
أنا لم استخدم كلمة ربع رأس وكلمة نص التي إستخدمتها لا تقابلها كلمة ربع ولا علاقة لها بها.
النُص في إستخدامي ليها تعبير عن المكان وليس لها علاقة بحجم المخ والراس.
ونص الرأس تعني وسط الرأس ومقابلها طرف.
فبعض الناس يقطعون الكلام من نص رأسهم وبعضهم يقطعونه من طرف رأسهم.
كان من الممكن أن اقول قطعت الكلام من طرف رأسك بدلاً عن نص راسك. ولكن لا يمكن أن اقول من ربع رأسك.
وتعبير قطعت الكلام من نص رأسك لا يحمل أي وصف للمخاطب ولكنه يُستخدم فقط لتأكيد عدم وجود مصدر آخر للكلام او المعلومة غير عقل المخاطب.
وليس القصد منه التقليل من رأس المخاطب او وصف حجمه وعدد الخلايا اللي جوة المخ.
والظاهر تشابه عليك البقر بين تعبيري "نص الرأس" والتي تعني مكان ما في وسط الرأس وتعبير نص دماغ وربع دماغ التي يستخدمها اخونا الكهفي جقود.
فشنو؟ ما تقطع ليك فهم لكلامنا من طرف رأسك وتجي تحاسبنا بيهو.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Hafiz Bashir)
|
تصحيح
| Quote: فبعض الناس يقطعون الكلام من نص رأسهم وبعضهم يقطعونه من طرف رأسهم. |
الصحيح أن بعض الكلام يُقطع من نص الراس وبعضه من طرف الرأس. أي أن نفس الزول قد يستخدم وسط رأسه لقطع الكلام العميق
ويستخدم طرف الرأس لقطع الكلام السطحي.
والدليل أبو الريش كان قد قطع من نص رأسه قاعدة فقهية عن لقاء المواطنين بالسفراء الأجانب.
ثم في مرة أخرى إجترح من طرف رأسه معنىً لتعبير "نص الرأس" غير المعنى المتعارف عليه.
😂
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
| Quote: طيب يا أخ حافظ.. هل كان فى لزوم للمذكرة التفسيرية دى من الأساس لو كلامك كان عادى ثم ما شايف ان التفسير تأخر |
التفسير إتأخر لأنو أبداً ما كنت متخيل إنك تقطع ليك تفسير من طرف رأسك لكلامي.
وما كنت متخيل إني أصلاً حاحتاج افسر تعبير بسيط زي دا.
لكن نعمل شنو؟ ياكا زميل منبرنا ومجبورين نشرح ليك أبسط الأشياء.
| Quote: ويا حافظ ما تعمل فيها ضحية زى ما حاولت فى بوستك الأخير |
مع إني ما متذكر إني قبل كدا عملت فيها ضحية.
لكن أمانة في ذمتك يا ابو الريش هسه أنا في البوست دا ما طلعت ضحية لأفكارك المقطوعة من طرف رأسك كما كانت مريم ضحية لأفكارك المقطوعة من نص راسك؟
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Hafiz Bashir)
|
عبدالله اللخو أبوريش
صحيح انك طردتني من بوستيك داك الشالو السيل
لكن المعايدة واجب اخلاقي بل وديني مفروض علينا
فاااااااااشنو
Quote: هم لا يعرفون ابوالريش يرد
كيف ومتين. ولا يعرفون ابوالريش أصلاً.
Your are logged
|
سلامتك ألف من الانتفاخ أو ان شئت النفاخ
وما تشوف شر يا رب
خخخخخخخخخخخخخخخ
................
سؤال ما ضروري ترد عليهو
شنو البخلي الناس تسخر منك أو تستعديك أو تكرهك ؟؟
غايتو من واقع خبرتي الطويلة في المضمار دا بقول:
أكيد لازم في حاجة أنت السبب فيها ربما تكون ما محترمهم
أو مستقلهم ( من القلة) أو مستجهلهم ( من الجهل) أو مستلمذهم
( من التلمذة) وأنت مستأسذذ عليهم ( من الأستاذ)
فاذا كانت فيك أي من الحاجات دي فلا تزعل ( تقرأ تجقلب)
اذا ردوا عليك بأسلوبك اللهم .........
إلا إذا كنت شايف نفسك اله أو بالعدم رئيس جمهورية خخخخخ
المهم الناس القاصدهم ديل
تعال بى نبلتك ومقلاعك ولا تأخذك فيهم لؤمة لائم بس اتوقع
ردهم والميدان يا حميدان خخخخخ
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: طلحة عبدالله)
|
يا طلحة يا صفوة ..
انت ما سمعت الحاردلو في كتاب مفتوح الى حضرة الامام ؟
يا دارسا وفاهما وعالماً
في الفقه والتشريع والقضاء
والفكر والتاريخ والجغرافيا
والشعر والترتيل والغناء
والحرب والسلام والفضاء
والطهي والبلهارسيا
والحب والبكاء
يا أيها الوحي السماوي الذي كرمنا وجاء
لينقذ الإنسان والدنيا من الفناء
يا حضرة الأمام
يا جعفر المنصوربإذن الله
يا أيها المهدي والقرشي
والمكي والكوفي والصوفي والأممي
يا مفجر الصحوة يا مبارك والطلعة
يا محرر الإنسان والإسلام
من كيد إبليس ومن شطيان أوربا وأمريكا
ومن إلحاد روسيا الحمراء
يا حضرة الإمام
يا قاهر الكفار و التتار والأحبار و القوقاز
يا فاتح الأمصار من مصرٍ وأندلسٍ ومن واغٍ ومن أهواز
يا ناصر الأنصار من هند ومن سند ومن نجد ومن حجاز
ويا رئيسنا المحبوب من عشرين مليون
وعلي الحاكي وفي المذياع التلفاز
يا طلحة ..
اذا عرف السبب .. بطل العجب ..🙂🙄
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: يحي قباني)
|
طلحــة كتب:
| Quote: شنو البخلي الناس تسخر منك أو تستعديك أو تكرهك ؟؟ |
مافى (ناس) تسخر من ناس..
** يَا أَيُّهَا الَّذِينَ آمَنُوا لَا يَسْخَرْ قَومٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ **
هذا فى الدين.. وللناس اللى ما يهتمون للأوامر الدينية، برضو السخرية تعتبر تنمر bullying.. وهى لو لوصلت الى حد ان تجتمع مجموعة ويتبادلون المداخلات للسخرية من شخص واحد
تكون جريمة يعاقب عليها القانون.. بعدين انتو كفا الله الشر، ما تعرفوا تكتبوا بدون ما تسخروا وتستهزأوا.. ومن قال لك انى أهتم بسخرية الناس الذين يسخرون؟ هذه مشكلتهم وأنا أرثى لهم
ولكن لو فوتوها الحد فعندى من الوسائل ما يضع لها الحد، ولكن لا ألجأ اليها إلا مضطراً..
ولأن المداخلات انحرفت عن الموضوع فهنا أذكر الزوار به:
فى برج الفاتح، بالسفيــر المصــرى فى الخرطــوم.. هل الحكومة على علم أم انه تخابر مع دولة أجنبية من وراء الحكومة.؟
أى إتصال خاص بسفارة أجنبية من مواطن سودانى عادى وبدون تفويض من وزارة الخارجية والحكومة يعتبر خيانة ويساءل المجتمع بواسطة النائب العام.
أيضا يجب ان تعلن الحكومة السفيـر المصرى شخص غير مرغوب فيه وتعطيه 48 ساعة للمغادرة.
عارف انه دا اذآن فى مالطا ولكن الواجب يحتم التعليق على كل شئ وكل إتجاه من أى شخص يعرض أمن السودان وسيادته للخطر. تسجيل للتأريخ وإخلاء مسؤولية
من هو المواطن العظيــم، توفيق عكاشـة أم مريم الصادق؟
الإتنين ارتكبوا نفس الجرم.. التخابر مع دولة أجنبية محتلة وناهبة لخيرات وموارد بلديهما.. ولكن عكاشة مواطن عادى أخطأ وعوقب وتحمل نتيجة خطئه.. اما مريم فخلفها
حزب كبير إن لم يكن أكبر حزب سياسى.. وخلفها طائفة دينية مستعدة للموت ذوداً عنها.. وخلفها مليشيا.. مريم عبارة عن دولة صغيرة داخل دولة .. هذا بتعبير
اخر يعنى ان مصر دولة عندها مؤسسات وقوانين يخضع لها الكل.. السودان ليس دولة حديثة.. ويقوم على الأجاويد والترضيات والقوة العسكرية للأحزاب والطوائف الدينية التى يتمتع بها
بعض المواطنين دون غيرهم. عكاشة دعم الدولة، ومريم دعمت الفوضى السياسيـة والإجتماعية.. دعمت غياب الدولة لذلك لم يقدر أحد على محاسبتها.. (تحاسب مريم الصادق
المهدى انت منو؟) هذا هو الفرق..
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
الأخ دينق
شكرا وفى كلامى عن مواطنة سودانية ليست لها صفة دبلوماسيـة ، لم تتصل فحسب، بل (حسب الخبر) اجتمعت بمسؤول مصرى وهو السفير. من وراء ظهر الحكومة.. دا لو فى حكومة فى السودان أصلاً
أما السفير المصرى فإنه لا يقارن بالسفير الأمريكى.. لأنه يمثل دولة محتلة لأرضنا وقتلت جنود سودانيين داخل ارضهم.. وهى تتأمر ضد السودان وستظل كذلك حتى يخضع السودان لسيطرتها كاملاً.
هذه استراتيجية بالنسبة لهم.. ينهبون موارد السودان بالتآمر والشراكة مع حكام طامعين فى المال ولا يتورعون فى بيع السودان لهم مقابل المال وأن يظلوا فى السلطة.. وإصرارهم على السلطة ليس من أجل
الجاه وإنما من أجل نهب الموارد القومية. والله وحده يعلم كم من البلايين فى حساباتهم فى الخارج الان.. وفى هذه الحالة، لو تخابر السفير المصرى مع مواطن عادى فهذا لا يعنى سوى التامر على السودان ومن أجل
مصلحة مصر. ويجب لو كانت حكومة قومية مستقلة ان تعلنه شخصية غير مرغوب فيها وتطلب منه المغادرة.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
حياك الله ابوالريش
Quote: عفــوا مكرر للمراجعــة
(عدل بواسطة Abureesh on 08-25-2022, 12:17 PM)
|
انا قرات هده المداخلة وانشغلت الحقيقة عشان كده مارديت عليها.
للدين لم يقرأوا المداخلة فقد كتبت فيها حبيبنا ابوالريش انك إجتمعت بنفر من دولة أخرى من دون علم الحكومة.
كيف منحت نفسك الحق في الإجتماع بنفر من دولة أخرى وتستنكر على الآخرين؟؟
عهدي بك أنك لست بكادب - لدلك انت مطالب بإعادة كتابة هده المداخلة لإثراء النقاش.
في الإنتظار.
التحايا مرفقة بالجمبة
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: الشيخ سيد أحمد)
|
اباشمهندس الأاخ الشيخ.. شكرا على الثقـة.
ولو قرأت مداخلتى الأخيرة على الأخ دينق لوفرت المشوار دا.. وفى كل مداخلاتى أعلاه لم أطلق العبارة لتكون ملايـة ترميها فوق كل تحرك دبلوماسى.. ولقد كان ناشطون كثر
يجتمعون بسياسيين مسؤولين فى امريكا وأوروبا.. ولقائى كان ضمن فعالية من أبناء السودان ومبادرة من أبناء دارفور للقاء وكان ضمن المدعويين محامون من المحكمة الجنائية
عادوا مؤخرا من دارفور عن طريق تشاد. وقد كان وفدهم ليس من دولة واحدة بل من عدة دول ليس بينها من تحتل أرضنا أو تستغل ضعاف النفوس أمام المال لتستنزف مواردنا بثمن بخس.
أرجو قراءة ردى على الأخ دينق مرة أخرى.. الوزيرة دكتورة مريم عرضت على المصريين من قبل أن يستعمروا السودان ولذلك كان على الحكومة ان تراقب من تلتقى من المصريين بالذات. وأقول
هذا لأن الأخ دينق تشساءل إن كانت هناك شبهة تستدعى مراقبة الإجتماع..
وأوفر عليك المشوار لردى على الأخ دينق..
Quote: الأخ دينق
شكرا وفى كلامى عن مواطنة سودانية ليست لها صفة دبلوماسيـة ، لم تتصل فحسب، بل (حسب الخبر) اجتمعت بمسؤول مصرى وهو السفير. من وراء ظهر الحكومة.. دا لو فى حكومة فى السودان أصلاً
أما السفير المصرى فإنه لا يقارن بالسفير الأمريكى.. لأنه يمثل دولة محتلة لأرضنا وقتلت جنود سودانيين داخل ارضهم.. وهى تتأمر ضد السودان وستظل كذلك حتى يخضع السودان لسيطرتها كاملاً.
هذه استراتيجية بالنسبة لهم.. ينهبون موارد السودان بالتآمر والشراكة مع حكام طامعين فى المال ولا يتورعون فى بيع السودان لهم مقابل المال وأن يظلوا فى السلطة.. وإصرارهم على السلطة ليس من أجل
الجاه وإنما من أجل نهب الموارد القومية. والله وحده يعلم كم من البلايين فى حساباتهم فى الخارج الان.. وفى هذه الحالة، لو تخابر السفير المصرى مع مواطن عادى فهذا لا يعنى سوى التامر على السودان ومن أجل
مصلحة مصر. ويجب لو كانت حكومة قومية مستقلة ان تعلنه شخصية غير مرغوب فيها وتطلب منه المغادرة. |
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
سلام يا أبو الريش.
يا أخي عندك مقدرة عالية على المكابرة، ومشكلتك هنا إنك عايز الناس يسلّموا بما تقول حتى لو كان كلامك يجافي الصواب.
إنت ممكن تقول أنا كنت أعتقد أنه ما من حق أي زول غير دبلوماسي يقابل دبلوماسيين أجانب بدون إذن من الحكومة، لكن يبدو أني غلطان، بدل ما في الآخر تقعد تسمكِر في كلامك بالملايات.
| Quote: ولو قرأت مداخلتى الأخيرة على الأخ دينق لوفرت المشوار دا.. وفى كل مداخلاتى أعلاه لم أطلق العبارة لتكون ملايـة ترميها فوق كل تحرك دبلوماسي |
تحرك دبلوماسي؟ إنت لقاءك كان دبلوماسي؟
بعدين لو سمحت ورّينا المعايير اللي بتحدّد أنه اللقاء قانوني ولا ما قانوني عشان الواحد يعمل حسابه. بس ما تكون ياها انطباعاتك اللي بتوزّع فيها يمين وشمال دي؟
| Quote: الوزيرة دكتورة مريم عرضت على المصريين من قبل أن يستعمروا السودان ولذلك كان على الحكومة ان تراقب من تلتقى من المصريين بالذات |
آمنت بالله! استعمار عديل؟ إنت يا أبو الريش بتراجع كلامك قبل ما تنشره؟ إنت زول مستنير ونصيحتي ليك تفلتر كلامك قبل ما يطلع منك ويكون عندك حسّ أمني وقانوني معقول تتفادى بيهو توريط نفسك في مزالق قد تنتهي بك في السجن.
بالله كبشر لينا أو جيب لينا مقطع صوتي أو تصريح أو بيان للأستاذة مريم الصادق عرضت فيه "صراحةً" على المصريين استعمار السودان. لو قصدك كلامها في المؤتمر الصحفي داك مع وزير الخارجية المصري، تكون بالغت عديل لأنك
بتكون حكمت عليها بتأويلاتك الرغبوية.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
ما عارف ليه ناس المدعو حافظ بشيـر ويحي قباني بيدفنوا راسهم الرملة
كلام كاتب البوست صحيح المسألة دي سيادياً وقانونياً ودولياً وعرفياً ورمزياً ورجالة كدي ساي ماصاح
خليك من مسألة الأمن الداخلي والعدوان الخارجي والإستهداف الممنهج
ما مفروض ولا يجب.. والشئ دا لو كان كتبه اي واحد تاني غير كاتب البوست اعلاه كان الخماسي دا اتقبله
او على الأقل كان دخل في نص راس مولانا الفاضي .. لكنه بس مكاجرة ساي لكاتب البوست ماعاوز يعترف
دي بالمناسبة من عيوب واخطاء المنبر القاتلة انه الواحد يخلي نص الكلام المليان ويمشي يفتش في طرف ربع الكلام الفارغ
أرجو من المدعو مولانا وامثاله التركيز على لب وأساس الفكرة ومناقشتها بصورة موضوعية وعدم اللجوء لقطع الكلام من اطراف روسينهم ثم محاسبة الكتاب والتنمر عليهم بموجب الأفكار التي تطرأ على بوسط قناقينهم
والحقيقة من وراء القصد ؛)
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: HAIDER ALZAIN)
|
سلامات أخي حيدر الزين.
كلام الأخ أبو الريش غير صحيح، وليس هناك ما يمنع أي سياسي أنه يقابل دبلوماسيين أجانب في السفارات أو خارجها، وما في أي قانون بيفرض على السياسي أنه يخطر السلطات بذلك. والكلام ده يسري على الجمعيات والمنظمات والهيئات غير الحكومية وغيرها من الكيانات. طبعًا من المفروغ منه أنه أي لقاء زي ده في بلد مخابراتي قمعي زي السودان "ممكن" يثير الشبهات و"ممكن" يؤدي إلى أنه السلطات الأمنية تستجوب "المواطن العادي" وليس السياسي المعروف، خصوصًا إذا كان في توتر في العلاقات مع الدولة المعنية، لكن من ناحية "السيادة والقانون والعرف والرمزية"، ما في ما يمنع إطلاقًا. السياسيين وأعضاء الأحزاب غير الحاكمة ومسؤوليها المعروفين زي الأستاذة مريم، ديل ما بيحتاج يقولوا في "خبر حايم" وتصوير الأمر كأنه عمالة، لأنه لقاءاتهم ممكن تكون علنية ويتصوروا عديل مع السفراء والدبلوماسيين، وممكن الصور والخبر يظهروا في وسائل الإعلام. بعدين أبو الريش بيقول أنه اللقاء كان في برج الفاتح، يعني في الهواء الطلق وقدّام خلق الله. للأسف، كلام الأخ أبو الريش ما منضبط خالص، وفيهو اتهام صريح ولا لبس فيه للأستاذة مريم الصادق بـ"التخابر" لصالح دولة أجنبية، وفيهو كلام بثقة زائدة عن أنه:
| Quote: أى إتصال خاص بسفارة أجنبية من مواطن سودانى عادى وبدون تفويض من وزارة الخارجية والحكومة يعتبر خيانة ويساءل المجتمع بواسطة النائب العام |
أبو الريش مطالب يثبت كلامه ده قدّام الناس هنا، ويورّينا منو اللي بيفتح البلاغ عند النائب العام. هل هي الجهات الأمنية، أم أنه النائب العام بالصدفة كده يقرأ كلام المواطن العادي أبو الريش في سودانيزأونلاين ويبادر من عندياته ويبدأ التحقيق؟
Quote: لكنه بس مكاجرة ساي لكاتب البوست ماعاوز يعترف
دي بالمناسبة من عيوب واخطاء المنبر القاتلة انه الواحد يخلي نص الكلام المليان ويمشي يفتش في طرف ربع الكلام الفارغ
أرجو من المدعو مولانا وامثاله التركيز على لب وأساس الفكرة ومناقشتها بصورة موضوعية وعدم اللجوء لقطع الكلام من اطراف روسينهم ثم محاسبة الكتاب والتنمر عليهم بموجب الأفكار التي تطرأ على بوسط قناقينهم
|
البوست بتاع أبو الريش، يا حيدر، ما فيهو ولا "رُبع" كلام مليان، لأنه من الواضح أنه بيبنيه على تخمينات رغبوية عشان يوزّع بيها صكوك الوطنية وينال بها من آخرين بانطباعات شخصية لا تسندها أي حجة. والله أبو الريش ده لو الأستاذة مريم قابلت السفير الإثيوبي يوميًا في "السفارة الإثيوبية" ما كان جاب للموضوع خبر، لكنه العداء الأعمى لمصر.
إنت، يا أخي حيدر، طلبتَ مناقشة القضية بموضوعية، ولذلك خليني أسألك بعد ما أكَّدتَ أنه ما ذكره الأخ أبو الريش ما صاح "قانونيًا". هل ممكن تورّينا النص القانوني؟ وهل هو ما صاح على إطلاقه، أم أنه ممكن يتمّ بعد إخطار السلطات؟ وإذا كان ممكن لكن بشرط إخطار السلطات، فما هي معايير وإجراءات الموافقة والرفض؟ وهل هناك مجال لاستئناف الرفض وعند من؟ وكيف للسلطات أن تدخل في النوايا وتتأكد أنه ما حا يكون في عمالة حتى إذا تمّ إخطارها ووافقت على المقابلة؟
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: محمد صديق عبد الله)
|
سلام أخونا محمد صديق
وعايز أقول لك خف من الجدية مع
حيدروف الصلد دا أو بطريقة أخرى
أقرأ ما بين سطورو المجنونة خخخخخ
.................
عبدالله اللخو سيد البوست
قلت ليك لو في زول سخر منك أو قلل من شأنك أو استعداك
وات ايفر فأكيد بكون رد فعل لحركة من الحركات الفوق
دي انت بديت بيها معاهو .
راجع أسلوبك مع الناس وح تلقي انهم بردوا ليك بأسلوبك
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: طلحة عبدالله)
|
Quote: سلام أخونا محمد صديق
وعايز أقول لك خف من الجدية مع
حيدروف الصلد دا أو بطريقة أخرى
أقرأ ما بين سطورو المجنونة خخخخخ |
سلام طلحة.
أنا أخدت كلام الأخ حيدر كما كتبه، وما كان عندي حاجة أستند عليها عشان أفهم أنه كلامه فيهو حاجة بين السطور تتقري.
تحياتي.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: محمد صديق عبد الله)
|
الأخ محمد صديق عبدالله
سلامات وتحايا
اتفق معاك على صحة أغلب ما كتبته انت اعلاه ولكن ذلك لا ينفى انه مولانا حافظ بشيـر بيركز على الطرف الفارغ من الموضوع دون النظر على النص المليان من الفكرة..
ثم يا اخ محمد صديق بعتقد انه من غير الموضوعي وغير المنطقي وخارج سياق النقاش المثمر انك تطالبني بالنقانون والنص والإثبات!!
او من وين انا جبت كلامي او بنيت عليه الاحكام..
شفت ليك في نقاش موضوعي زول بيطلب مطالبات زي دي إلا اذا كان عاوز يحرف البوست عن مساره؟
اتمنى تخليك في لب الموضوع وما تبقى زي اخونا طلحتوف تطلب اشياء ما اساسية في القضية. :)
تحياتي
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Salah Zubeir)
|
الدكتورة مريـم تعلم ان مصـر تحتل ارض سودانية وقد استولت عليها بقوة السلاح وقتلت وقت الغزو جنود سودانيين وجرحت الكثيرين منهم.. وهى الان تستخرج المعادن
والموارد الطبيعيـة.. هى تعلم ذلك ولكن لم يفتح الله عليها ببنت شفة وهى تجتمع مع وزير الخارجية المصرى بل بالقيادة السياسيـة هناك.. ثم وكأن هذا لا يكفى من المسؤولة الأولى
عن سياسـة السودان الخارجية، اجتمعت بالوزير سامح شكرى وأمام الملآ أعطته عرضا سخيا أن يأتى المصريون ويستصلحوا ملايين الأفدنة فى السودان.. والسبب كما قالت
سعادتها.. ان المصريين 100 مليون والسودانيين 40 مليون فقط، وان ارض مصر ما فيها ماء وفى السودان الماء والأرض الخصبة وافرة .. هذه دعوة صريحـة للإستعمار
بواسطة الأجنبى المعادى.. وإستعمار تعنى استصلاح الأرض .. قبل المصطلح السياسى الذى خلقته بريطانيا بعد خروجها من الجزيرة وغزوها العالم وعمره أقل من 200 سنة.. ولكن حتى بهذا المفهوم
الخاص والحديث فإن الوزيرة دعت لنفس ما قام به الإنجليز.. رغم ان المصريين لن يقيموا مثل مشروع الجزيرة الذى أقامه المستعمر البريطانى.. لأن هذا ضد مصلحتهم البعيدة
لهذه الأسباب، على الحكومة وأجهزة مكافحة التجسس الأجنبى counter intelligence أن تراقب مريم ومن تلتقى وأين تسافر ومع من تتحدث.. وأحسبهم الان يفعلون ذلك.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
يا أبو الريش، النقاش معاك بعيد عن الموضوعية. بكرر ليك نصيحتي أنه لما تطرح موضوع للنقاش لازم تفكر فيهو كويس قبل ما تطرحه، ولما يكون عندك مطالب زي محاكمة الأستاذة مريم الصادق ومراقبتها لازم تبني كلامك على أسانيد وحجج، ولازم مطالبك تكون واقعية، وإلا بوستك بيكون لمجرد الونسة وطق الحنك.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
ده كلامك ما قاطعوا من نص فاخورتي.
في نقطة ذكرتها مرت مرور الكرام
ذكرت انك قابلت بعض اعضاء محكمة الجنايات
الدولية بأي صفة ؟
بصفتك سوداني والا متأمرك؟
لم تذكر اي فقرة من اي قانون سواء كان سوداني
او خلافه يجيز معاقبة اي مواطن يجتمع بمواطني دولة اجنبية
ايا كانت صفتهم.
التخابر مسألة عويصة وتهمة لا يمكن الصاقها لاي شخص بهذه السبهللية.
احترم عقول القراء واكبر وما تكون رقراق.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
| Quote: يا أبو الريش، النقاش معاك بعيد عن الموضوعية. بكرر ليك نصيحتي أنه لما تطرح موضوع للنقاش لازم تفكر فيهو كويس قبل ما تطرحه، ولما يكون عندك مطالب زي محاكمة الأستاذة مريم الصادق ومراقبتها لازم تبني كلامك على أسانيد وحجج، ولازم مطالبك تكون واقعية، وإلا بوستك بيكون لمجرد الونسة وطق الحنك. |
محمد صديق عبد الله
يا سيد بدل المحاضرة والدروس المجانية دى. اعرف الموضوعية انت فارقتها حتى فى المداخلة دى.. الموضوعية من (الموضوع).. أنت تترك الموضوع
وتصرف الدروس للناس عن كيف يكتبون وكيف يفكرون..
شوف (موضوع) البوست بتاعى وناقشه.. ولور قمت بذلك تجدنى احترم كلامك على العين والرأس حتى لو كان مخالفا 180 درجة.. ولك الحق ان تعتبر
كلامى لا يستحق النقاش والرد.. وفى هذه الحالة ما أسهل أن تتجاهله وتذهب الى بوست اخر.. وتعلم فى اكتر من 260 صفحة فى البورد دا فقط.. وكل
صفحة فيها عشرات البوستات ومئات المداخلات.. وأنا والله أقبل النصح ولكن يكون فى إطار الرد وليس هو المداخلة كلها نصائح واوامر ودروس. يعنى
حليها بشوية بنقاش موضوعى وستجدنى معك على طول.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
| Quote: هل ممكن تورّينا النص القانوني؟ وهل هو ما صاح على إطلاقه، أم أنه ممكن يتمّ بعد إخطار السلطات؟ وإذا كان ممكن لكن بشرط إخطار السلطات، فما هي معايير وإجراءات الموافقة والرفض؟ وهل هناك مجال لاستئناف الرفض وعند من؟ وكيف للسلطات أن تدخل في النوايا وتتأكد أنه ما حا يكون في عمالة حتى إذا تمّ إخطارها ووافقت على المقابلة؟ |
إنت لو صحي موضوعي، يا أبو الريش، كنت جاوبت على الأسئلة في الاقتباس أعلاه وألقمتنا حجرًا. لكن لأنه ما عندك ردّ مقنع، بقيت تتكلم كلام إنشائي وتشتت في الكورة. الدروس اللي بتتكلم عنها دي مجانية وأفضل تستفيد منها بدل ما تكابر ساي.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: محمد صديق عبد الله)
|
| Quote: إنت لو صحي موضوعي، يا أبو الريش |
هههههههههههههه
انت جادي ؟
يا محمد صديق .. زولك ده ملك عدم الموضوع و الموضوعية ..
داير يخالف بس عشان الناس تشوفه حتى يرضي غروره و عقده النفسية ..
زولك مفتون بلفت الانظار عليه .. ده مرض نفسي معروف جدا .. علاجه موجود .. لكن زولك مكابر بس .. :)
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: محمد صديق عبد الله)
|
Quote: * عطفًا على تصريحات وزيرة الخارجية الأستاذة مريم الصادق المهدي التي أثارت جدلاً في الآونة الأخيرة، أود أن أبدي بعض الملاحظات استنادًا إلى تجربة عملي في وسط دبلوماسي "غير سوداني" خارج البلاد.
* التعامل في هذا المضمار لا مجال فيه للصدف، فالكلمات توزن بميزان الذهب، والإيماءات ولغة الجسد تُحسب بقدَر، والإجابات تُفصَّل بالمقاس وخاصة عند تناول القضايا الحساسة.
* المشاركة في المؤتمرات الصحفية تتطلب من الدبلوماسي تحضيرًا مضنيًا، ومن ذلك تبيان مواقفه حسبما يقتضي السياق والضرورة، وتوقُّع أسئلة صعبة ومزالق من صحفيين وإعلاميين محترفين يسعون إلى استنطاقه.
* طريقة الإجابة تختلف من سؤال لآخر. هناك أسئلة تتحمَّل الإجابات المباشرة، وأخرى تقتضي المراوغة والتهرب بحرف الكلام إلى قضايا أخرى لاستنفاد الزمن المتاح للسائل بحيث لا يجد متسعًا للإلحاح في طلب الإجابة، أو الاستدراك باستقاء سؤال أو أسئلة أصعب من إجابتك. هناك أسئلة حساسة، مثل الأسئلة ذات الطابع الأمني أو تلك تتطلب ردًا متخصصًا؛ التعامل مع هذا النوع من الأسئلة يكون بالامتناع بلا مواربة عن إبداء أي تعليق، أو بتوجيه السائل إلى الجهة المختصة.
* عند الإجابة عن أي سؤال يجب أن يتبع الدبلوماسي أو المسؤول تكتيك لعبة الشطرنج، تحسُّبًا لتغيُّر مواقفه أو مواقف الأطراف الأخرى مسقبلاً. بلغة أهل الكوتشينة: لا بد له أن يحضّر دائمًا مرَّاقاته من بدري.
* ضرورة الابتعاد عن الكلمات والعبارات حمَّالة الأوجه، إلا إذا كان فتح باب التأويلات مقصودًا لذاته.
* المحيَّر أن تعليقات الوزيرة التي أثارت الجدل كانت ضمن إحاطة قدّمتها هي، لا ردًا على أسئلة طُرِحت عليها. ولذلك، كان الأحرى بها أن تستعين بنصّ مكتوب، وخاصةً أنها حديثة عهد بالمجال والمنصب. لعلها استسهلت الموضوع وأرادت أن تبدو عفوية في تصريحاتها فوقعت في الفخ.
* الأستاذة مريم الصادق سياسية محترفة وذكية، ولكن خانها تحضير نفسها لمنصب وزير الخارجية، ربما لأنها فوجئت به. ليس بالضرورة أن يمتلك السياسي مهارات الدبلوماسي الناجح، ولكن في تقديري أنه يمكنها أن تتدارك إخفاقها في المؤتمر الصحفي المعني بالاستعانة بمتخصصين في الوزارة لاكتساب أساليب التعامل مع وسائل الإعلام بالمنظور الدبلوماسي، لا بعقلية السياسي المحلي. |
حتى لما تنتقد لازم تكون موضوعي، يا ابو الريش. الاقتباس أعلاه تعليق لي على أداء الأستاذة مريم في المؤتمر اللي ذكرته، ولعلي نشرته في هذا المنبر من قبل. كلام الأستاذة كان ما مرتب وفي اضطراب في أدائها، لكن كمان ما بتوصل لدرجة إنك تتهمها بالتخابر.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: محمد صديق عبد الله)
|
Quote: يعني إنت عايز أجهزة مكافحة التجسس في حكومة انقلابية سرقت الثورة واستولت بليلٍ على البلد بحاله تراقب مريم الصادق بناءً على تفسيرك الفطير ده لتصريحها عن استصلاح زراعي؟ إذا طبقوا طريقتك دي معناها معظم سياسيينا وكل حكامنا لازم يكونوا تحت المراقبة.
|
من الأجدر المطالبة بمحاكمة أفراد تلك الحكومة التي سرقت الثورة ليلا ونصبت نفسها وصيا على رقاب العباد قبل أن نستجديها بمحاسبة المغلوب على أمرهم/ن أمثال مريم
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: bakri abdalla)
|
| Quote: حتى لما تنتقد لازم تكون موضوعي، يا ابو الريش. الاقتباس أعلاه تعليق لي على أداء الأستاذة مريم في المؤتمر اللي ذكرته، ولعلي نشرته في هذا المنبر من قبل. كلام الأستاذة كان ما مرتب وفي اضطراب في أدائها، لكن كمان ما بتوصل لدرجة إنك تتهمها بالتخابر. |
حسن الظن بالناس وأعطائهم الأعذار فهذا نهج حميد وأحمد الله لك عليه. ولكنى أرى أن كلام الدكتورة كان محبوكا وموزونــا مثل كلام الراحل السيد الصادق.. خصوصاً
الإحصائات التى ذكرتها عن عدد المصريين وعدد السودانيين ومساحات الاراضى المصرية وتلك السودانية.. هل تعتقد ان شخصاً مرتبكاً يمكن ان يأتى بهذه المعلومات؟
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
| Quote: من الأجدر المطالبة بمحاكمة أفراد تلك الحكومة التي سرقت الثورة ليلا ونصبت نفسها وصيا على رقاب العباد قبل أن نستجديها بمحاسبة المغلوب على أمرهم/ن أمثال مريم |
الأخ بكرى
الدكتورة كانت وزيرة خارجية ولم تكن مغلوبة على أمرهـا.. ثم انى لا أقارن الإنقلابيين وحتى الإنقاذيين والمؤتمر الوطنى والكيزان بأى عدو خارجى.. نحن داخل السودان نتفق ونختلف ونتقاتل
ونتصالح .. ولكن حين يتعلق الأمر بعدوان خارجى واحتلال أجنبى فإن كل هذه الفروقات تفقد معناها. هذا هو السبب الذى به كل \دكتاتوريات العالم حين تتزنق داخليا ويضيق عليها الخناق تفتعل
حربا خارجية فيصطف الناس حولها.. ما عندك طريقة.. الحكومة ورطتك فى حرب خارجية هذا موضوع اخر ولكن عليك التوحد للدفاع عن الوطن ضد أى عدو خارجى.. لأنه ببساطة لو فقدت
الوطن فلن تجد من تثور ضده. معادلة بسيطــة.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
يا أبو الريش ده ياهو كلامك واضح:
Quote: فى برج الفاتح، بالسفيــر المصــرى فى الخرطــوم.. هل الحكومة على علم أم انه تخابر مع دولة أجنبية من وراء الحكومة.؟
أى إتصال خاص بسفارة أجنبية من مواطن سودانى عادى وبدون تفويض من وزارة الخارجية والحكومة يعتبر خيانة ويساءل المجتمع بواسطة النائب العام
|
وسألناك الأسئلة دي بناءً على كلامك الصريح فوق ده:
| Quote: هل ممكن تورّينا النص القانوني؟ وهل هو ما صاح على إطلاقه، أم أنه ممكن يتمّ بعد إخطار السلطات؟ وإذا كان ممكن لكن بشرط إخطار السلطات، فما هي معايير وإجراءات الموافقة والرفض؟ وهل هناك مجال لاستئناف الرفض وعند من؟ وكيف للسلطات أن تدخل في النوايا وتتأكد أنه ما حا يكون في عمالة حتى إذا تمّ إخطارها ووافقت على المقابلة؟ |
عشان نعْرِش: هل عندك رد على هذه الأسئلة المباشرة؟
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
يا حافظ بشير، دي نهاية كل زول بيطرح آراءه على أنها حقائق ثابتة لا تقبل النقاش، وبيلوي عنق الأشياء ويكسر رقبتها عشان تتماشى مع رغباته في النيْل من خصومه.
الأخ أبو الريش ما عنده أي إجابة على الأسئلة المباشرة المترتبة على طرحه، ولذلك واضح أنه بيلجأ إلى تشتيت الكورة. شوف ردوده على الأسئلة في بوست T-Mobile واضحة وصريحة ومباشرة، لأنه مالي يدّه منها، لكن هنا واضح أنه بيراوغ بعد أن تبيّن له أنه كلامه غير صحيح.
العفو والعافية، أخي أبو الريش.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: محمد صديق عبد الله)
|
محمد صديق عبد الله
تعليقك على أداء الأستاذة مريم ،عندما كانت وزيرة الخارجية ، في المؤتمر الصحفي الذي جمعها مع وزير الخارجية المصري
تعليق ممتاز وممكن نقول انه تعليق من بيت الكلاوي زي ما بيقول المثل السوداني ، يعني تعليق في الصميم صادر من
زول متخصص في الدبلوماسية ....والله انا لو عندي سلطة في البلد الهاملة المسيطرين عليها ناس ما بيعرفوا الف باء السياسة
من الحركات المسلحة الإجرامية ، كنت عينتك وزير للخارجية..
لكن بصراحة أداء الأستاذة مريم في ذلك المؤتمر الصحفي يجعلنا كلنا نتشكك في انها تؤثر المصالح المصرية على المصالح السودانية
والحاجة الغريبة ان تاريخ السودان بيقول لينا ان هناك ود مفقود بين حزب الأمة وبين الحكومة المصرية ، ولا اقول الشعب المصري،
ومع هذا وجدنا الأستاذة مريم ، وهي حفيدة المهدي وزعيمة من زعماء حزب الأمة تدافع عن المصالح المصرية وتنسى مصلحة السودان.
وكما قلت انت فربما فوجئت بتعيينها وزيرة للخارجية ،على الرغم من أنها كانت تتطلع لتصبح رئيسة وزراء ...
يعني اذا بقت رئيسة وزراء مصر والسودان حيصبحوا دولة واحدة وتتحقق أمنية الحزب الاتحادي الديمقراطي للوحدة بين البلدين.
فشكرا لك على هذا التعليق الرائع .
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Abureesh)
|
Quote: عريان كيف ..
ده ابو الريش .. زي عيش الريف .. ملان قمصان .. |
لكن يا قبة شوف الزول دا ملص كم قميص في البوست دا.
اول قال أى إتصال خاص بسفارة أجنبية من مواطن سودانى يعتبر خيانة
اتزنق شوية قال القاعدة دي خاصة بمريم عشان كانت وزيرة خارجية.
اتزنق شوية قال القاعدة ذات خصوصية خاصة بالسفير المصري عشان مصر دولة مستعمرة
الزنقة زادت قال القاعدة خاصة شديد بمريم عشان قبل كدا دعت المصريين لإستعمار السودان.
وعييييييك كمية من الأقمصة إتملصت في البوست دا.
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: Hafiz Bashir)
|
مشكورة الأخت امتثال على التقريظ، وأرجو أن أكون عند حسن ظنّك دائمًا.
أما كلامي في التعليق الذي أطريتِ عليه، فمعلومٌ لمعظم دبلوماسيينا، ولله الحمد.
Quote: والله انا لو عندي سلطة في البلد الهاملة المسيطرين عليها ناس ما بيعرفوا الف باء السياسة
من الحركات المسلحة الإجرامية ، كنت عينتك وزير للخارجية
|
ما قصّرتي معاي تب. غايتو رجّعتي لي الأمل تاني، لأنه كلامك ده ذكّرني بقائمة وزارية وضعها أحد الأصدقاء على سبيل الاستبشار والفأل الحسن والدعابة عام 2013 وختّاني فيها وزير خارجية. العجيب أنه كاتب المقال وعلى الأقل 2 من المذكورين في القائمة شغلوا مناصب في حكومة حمدوك وكانوا قريبين جدًا ليهو، وأنا مرقت بي قدّ القفّة ههههههه
| |
|
|
|
|
|
|
|
|
|
Re: خبر حايم ان الدكتورة مريم الصادق اجتمعت ب� (Re: محمد صديق عبد الله)
|
الاخ دكتور محمد صديق
| Quote: دي نهاية كل زول بيطرح آراءه على أنها حقائق ثابتة لا تقبل النقاش، وبيلوي عنق الأشياء ويكسر رقبتها عشان تتماشى مع رغباته في النيْل من خصومه. |
يبدو أن ابو الريش تعامل مع النقاش كأنه معركة فيها هازم ومهزوم
لذلك قرأ مداخلاتنا بعدائية جعلته لا يستفيد من محتواها في دعم النقاش والمضي به للأمام.
ويبدو أنه لم يحاول أصلاً الإجابة على الأسئلة المطروحة وأكتفى باللف والدوران عليها لتحقيق إنتصار لرأيه ولو كان ذلك على حساب الحقيقة والمنطق.
| |
|
|
|
|
|
|
| |
Abureesh
Hafiz Bashir
Zakaria Fadel
Deng
محمد البشرى الخضر
هشام هباني
يحي قباني
Osman Musa
طلحة عبدالله
الشيخ سيد أحمد
محمد صديق عبد الله
HAIDER ALZAIN
Salah Zubeir
Arif Nashed
bakri abdalla
فيس بوك
تويتر
انستقرام
يوتيوب
بنتيريست