للسادة رؤساء المجلس السيادى ومجلس الوزراء.. هذا هو الحكم اللامركزي.. الحكومة المركزية عليها الجيش القومى والشرطة والمحاكم الاتحادية.. سوى ذاك يكون حق اصيل من حقوق الاقاليم.. على الولاية دفع الضرائب عن دخل الميناء لو إصرار على الحكومة المركزية فستكون مركزيتنا بورتسودان
Quote: وبرضو دخل الميناء مع استقطاع نسبة معلومة للحكومة المركزية
شكرا يا دكتورة.. ضرائب الحكومة المركزية من دخل الميناء.. 20 او 25%.. ويورونا عرض أكتافهم. الاقاليم تدفع الضرائب بس. تدير مواردها من زراعة وتعدين وموانئ..
09-06-2020, 00:42 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
الضرائب محددة و معرفة بالقانون يا دكتورة إخلاص.. نفس نسبة الضرائب على الشركات.. حوالى 20%.. و هى غير قابلة للتفاوض إلا فى البرلمان لتغيير قانون الضرائب.. لكن التفاوض أو (الدواس) سيكون فى ملكية الأرض وإدارتها بواسطة أهلها. ما يجو ناس الخرطوم يديروها لينا.. ما ناقصين كفاءات ولا إمكانيات مادية ولا بشرية..
09-06-2020, 01:32 AM
Abureesh Abureesh
تاريخ التسجيل: 09-22-2003
مجموع المشاركات: 30182
الضرائب محددة و معرفة بالقانون يا دكتورة إخلاص.. نفس نسبة الضرائب على الشركات.. حوالى 20%.. و هى غير قابلة للتفاوض إلا فى البرلمان لتغيير قانون الضرائب.. لكن التفاوض أو (الدواس) سيكون فى ملكية الأرض وإدارتها بواسطة أهلها. ما يجو ناس الخرطوم يديروها لينا.. ما ناقصين كفاءات ولا إمكانيات مادية ولا بشرية..
Quote: اصلا رئاسة الميناء في بورتسودان مكتب الخرطوم عبارة عن مكتب متابعة فقط
طبعا الرئاسة لازم تكون فى بورتسـودان.. لأن الميناء فى بورتسـودان.. ما ممكن تدار من الخرطوم. لكن الإدارة هذه تابعة لمن؟ لولاية البحر الأحمر؟ هل الولاية هى التى تحدد سياستها وتدير أموالها؟ هذا هو موضوع البوست..
Quote: بواسطة مجلس الإدارة الاغلبية منهم من بورتسودان وهناك نسبة من الدخل تذهب لخزينة الولاية مباشرة
يا خالد والله غلبنى كلو كلو أنك تقصد شنو؟ الميناء مورد من موارد ولاية البحر الأحمر.. ما تقول أغلبية مجلس الإدارة.. أنا أتكلم عن سياسات و النظام الأساسى.. لا أتحدث عن الأشخاص.. هل النظام الأساسى والنظام المالى وضعته وزارة المالية الولائية (ولاية البحر الأحمر) أم الخرطوم؟ تقول نسبة من الدخل تذهب لخزينة الولاية.. لا شكرا يا حبيبنا.. برضو المركز يريد التعطف علينا بمالنا.. نحن الذين نريد إدارة إقتصادنا و سنعطى نسبة من الدخل للمركز.. وليس العكس. وقع ليك الكلام يا حبوب؟
بعد تتفقوا الولاية حقت منو كلامك الباقي ساهل اذا الكلات مامتفقين بين هدندوة وبني عامر تتكلم عن ولاية ده اسمو دفن الليل اب كراعا بره مشكلة الشرق الصراع القبلي ديل يقولوا بلد بلدون وديل حبش والتانين شغالين حفر وتكتلات خاصة بعد زيادة التعليم عندهم وسيطرتهم على التجارة والاجهزة العدلية من شرطة ونيابة ومستشاري وزارة العدل
09-08-2020, 07:39 AM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: بعد تتفقوا الولاية حقت منو كلامك الباقي ساهل اذا الكلات مامتفقين بين هدندوة وبني عامر تتكلم عن ولاية ده اسمو دفن الليل اب كراعا بره مشكلة الشرق الصراع القبلي ديل يقولوا بلد بلدون وديل حبش والتانين شغالين حفر وتكتلات خاصة بعد زيادة التعليم عندهم وسيطرتهم على التجارة والاجهزة العدلية من شرطة ونيابة ومستشاري وزارة العدل
دا شنو دا؟
نحن فى الشرق هدندوة و بنى عامر و بشاريين..الخ. نختلف.. نتقاتل.. نتصالح.. هذا ليس شأن أى شخص خارج الولاية.. مافى زول ليه الحق يضع أنفه فيما لا يعنيه.. أسوأ كلام أقرأه. خلاص أمشى أدى عذر للمصريين فى إجتياح الشمالية عشان الأحزاب و الحركات المسلحة والحكومة تتقاتل وتتحارب وغير متفقة.
دي حقائق وليس استفزاز على اهل الشرق حل مشاكلهم القبلية وتلقائيا تحل بقية المشاكل دفن الرؤوس في الرمال والكلام الحاد ما بحل مشكلة الشرق . الشرق جزء من السودان ومن حق اي سوداني تلخيص المشكلة وانا لخصتها من واقع معايشة لسنوات طويلة في مدينة بورتسودان
09-08-2020, 07:59 AM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: دي حقائق وليس استفزاز على اهل الشرق حل مشاكلهم القبلية
هل ناس الشرق طلبوا من زول يحل ليهم مشاكلهم؟ اسف أقول ليك دا لكن بالغت ياخ.. وحتى ناس المركز يعترفوا بحق الشرق فى إدارة مواردهم.. الحتة الما عاوز تناقشها.. أو بدأت نقاشها ثم حين وضح لك عدم صواب رأيك حاولت تغير مجرى النقاش لمشاكل الشرق. حتى يعترف المركز ويؤسس للحكم اللامركزى، ويكتفى بالضرائب والرسوم الأخرى، حتى ذلك الحين سوف لن نعترف بساساته فى ولايتنا. فإما حكم لا مركزى تحكم الولاية فيها نفسها بنفسها وتدير مواردها، أو تقرير المصير.. صنائع الإنجليز وورثة الإستعمار الذين لم يحافظوا حتى على ما ورثهم له المستعمر، لن تكون لهم كلمة عليا فى ولايتنا.
ده حق للولاية وليس منحة من المركز لكن كيف سيدار ولمصلحة كل سكان الولاية ام لصالح مكون واحد هنا السؤال الاهم لم اغير النقاش بل حددت مكان الجرح الحقيقي اذا تم معالجته كل الباقي ساهل
09-08-2020, 08:15 AM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: ده حق للولاية وليس منحة من المركز لكن كيف سيدار ولمصلحة كل سكان الولاية ام لصالح مكون واحد هنا السؤال الاهم لم اغير النقاش بل حددت مكان الجرح الحقيقي اذا تم معالجته كل الباقي ساهل
دى موضوع داخلي للولاية.. وأهل الولاية أقدر على إدارة أنفسهم.. إنت متأكد حكومة الخرطوم تدير الولاية لمصلحة المواطن فى الولاية؟ المهم يحلوها ما يحلوها ما شغلنا.. هل فعلا أنت بصحك تعتقد ناس الشرق ما قادرين يحلوا مشاكلهم عشان كدا لازم إدارة مواردهم تكون عند حكومات الأحزاب والعسكر فى المركز؟!!! يا زول قول كلام معقول
09-08-2020, 08:44 AM
Al Sunda Al Sunda
تاريخ التسجيل: 01-18-2005
مجموع المشاركات: 1854
خدها من الآخر يا لحبيب لو لم تتغير أفكار وسلوك اهل الشرق في التعامل في شأن موضوع الميناء لن يحدث تطوير للشرق لا لانسانه ولا لبنيته التحتيه ولا كميناء يمكن الاعتماد عليه في ظل التكنلوجيا المستجدة واستخداماتها ، وفي عصر المكننة والآليات الحديثة ، وعصر الذكاء الاصطناعي لتشغيل الموانيء عليه فأن التركيز على قضايا الكلات والاحتكار وزول الشرق المهمش ...... الخ تبقى كووووولها هدم لمستقبل الشرق وحاضره عليه فليطور اهل الشرق رؤيتهم في شان التطوير وكيفية استصحاب المستجدات في هذا المجال لمعالجة قضاياهم لا الوقوف عكس التيار والتثبت بمواقف لا تخدم مستقبلهم . تطوير الميناء هو تطوير لانسان الشرق
09-08-2020, 08:52 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
مؤكد ماقادرين ولا بقدروا على المدى القريب الصراع الداخلي اكبر من تصوراتك والقبلية سيدة الموقف تلاعبت بها الانقاذ سنين طويلة لصالح الانتخابات وإضعاف مكونات الشرق حيحلوها بشنو بالقلد ولا سحب الجنسيات من البني عامر ويرجعوهم حدود طوكر . ده ما كلامي ده النقاش بين المثقفين في الشرق . ناس ماقادرة تتقبل والي في فترة إنتقالية يكون عندهم الحل كيف ؟ مشكلة الشرق ليست مع المركز مشكلة الشرق في الشرق
09-08-2020, 11:22 AM
بكري عباس علي بكري عباس علي
تاريخ التسجيل: 10-26-2009
مجموع المشاركات: 2264
هانت والنوايا بانت.. وبرضو جاييكم راجع واحد واحد. المركزية وسيطرة اهل المركز على الأقاليم وموارد الأقاليم لما تجى فى اللحم الحى، يتحالف المستنير مع الظلامى وتسقط الأقنعـة.
هل تصدق يا خالد انه المشاكل القبلية البتتكلم عليها دي سببها الاساسي تدخلات وفتن من خارج المنطقة. عشان كده ابوريش فاهم تفاصيل الامور ومطالبته دي هي مطالب كل أهل الشرق .. نستطيع ادارة امورنا وحلحلة مشاكلنا بكل سهولة .. بس كل زول يعرف حدوده.
عقود طويلة والشرق يعيش متناغم ومحب لكل أهله... وهذه الاصابع التي تلعب بشرقنا نحن ادرى بها وأقدر على بترها.
Quote: هل تصدق يا خالد انه المشاكل القبلية البتتكلم عليها دي سببها الاساسي تدخلات وفتن من خارج المنطقة.
مع احترامي يادكتور غير صحيح قعدنا في بورتسودان سنين طويلة واحسن مانكتب تفاصيل عن كل طرف في الصراع حتى لا نتهم بتأجيج الصراع مشكلة الشرق في الشرق مشكلة الشرق في العمد مشكلة الشرق في من يحشدون ولا يعرفون لماذا تم حشدهم فقط انهم مع القبيلة ، حتى المتعلمين يتحدثون عن الطرف الاخر بعنصرية غريبة
09-08-2020, 01:37 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
وين الواقعية يا دكتور ؟؟؟؟؟؟؟ هل تم بناء الميناء من اموال الولاية ؟؟؟؟؟ الميتاء مرفق قومي إستراتيجي بتدخل عن طريقه سلع و مواد إستراتيجية لا يمكن ان تتحكم فيه ولاية او فئة دون غيرها ....
09-08-2020, 02:10 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11838
سلام يا اوريش سجل عندك خزان مروي يتبع للولاية الشمالية خزان سنار يتبع للنيل الازرق وكذلك خزان الرصيرص
اما 80 % من صادر الذهب يمون تبع ناس ميرية النيل
وقسم باقي الحاجات زي سكك حديد السودان مثلا
الأمور لاتدار هكذا قانون الحكم الفدرالي هو الذي يحدد ماهيالمنشئات الاقتصادية التي تتبع للمركز وتلك التي تتبع للولايات وتوزيع الدخل بين المركز والولايات.
المفروض يكون اقتراحك بتعديل قانون الحكم الفدرالي الحالي بصورة تجعل كل منطقة تستحوز على المنشئات الأقتصادية و حتى الخدمية التي تتبع لها مثلا
وهناك فرق بين ادارة الميناء المذكورة في العنوان وطرحك اذ ان رئاسة هيئة المواني البحرية موجودة في بورسودان كما ذكر لك احد الأخوان .
09-08-2020, 02:15 PM
جلالدونا جلالدونا
تاريخ التسجيل: 04-26-2014
مجموع المشاركات: 9398
عشان الفهم الزى ده لا الشرق و لا السودان عمروهن ما ح يستقروا السكة حديد الخطوط الجوية الخطوط البحرية بما فيها الميناء كلهن كانن ذات يوم تحت ادارة واحدة و كانن انجح ما يكون فرتكها النميرى و حصل الفشل الواقع عليهن ده بالفهم ده مدنى تلم عليها مشروعا و الرصيرص و سنار و مروى و جبل اولياء يلّموا عليهم الكهربا و الموية و دارفور و كردفان يلموا الصمغ و الثروة الحيوانية و انتهى الموضوع
09-08-2020, 04:34 PM
بلال الطاهر بلال الطاهر
تاريخ التسجيل: 04-01-2017
مجموع المشاركات: 585
Quote: نحن فى الشرق هدندوة و بنى عامر و بشاريين..الخ. نختلف.. نتقاتل.. نتصالح.. هذا ليس شأن أى شخص خارج الولاية..
شكرا أبو الريش, ويا ريت كل أهل الشرق يكونوا بهذا الوعي! با جماعة ما تدوا فرصة لهؤلاء لأنهم المستفيدين من الحروب الأهلية...هم العدو! ما تضيع وقتك معاهم, لأنهم يشوفوها من خلال مصلحتهم وخايفين يفقدوا كل شئ, ولهذا لن يكونوا أبدا موضوعين معك شوف اليقول لك الصراع في الشرق معقد أول حلوه بيناتكم, كأنه يتمني ألا ينتهي! وشوف التاني اليقول لك الميناء اتبني من أموال المركز, وناسي كل الحلب الحاصل للميناء منذ الإستقلال وحرم من أمواله الإقليم والآخر يقول لك إنتو لسة ما متطورين ونظام الكلات المتخلف, وغيره يقول لك مفروض يكون قومي, كأنه ما سمع بحاجة إسمها فدرالية! ما تستغرب اليدعوا التطور ديل سودانيين مش خواجات!!!
في الدول الحديثة والديموقراطية تكون إدارة الموارد من صميم سلطات الولاية, وإشراف المركز يكون من خلال القوانين الإطارية
09-08-2020, 05:59 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: في الدول الحديثة والديموقراطية تكون إدارة الموارد من صميم سلطات الولاية, وإشراف المركز يكون من خلال القوانين الإطارية
الأخ بلال اطاهر شكرا على الطلة والتعليق.. وفى عالم كتيرة لا تعرف ديمقراطية و فدرالية يعنى شنو.. فى تكساس وكلفورنيا وغيرها الناس عندها أبار بترول فى بيوتها.. تجى عربية الشركة (موبيل أو شل ..الخ) يمروا عليهم كل يومين تلاتة يشيلوا منهم الإنتاج).. و يا أخ جلالدونا أيوة.. ناس الجزيرة يديروا مشروعهم.. ويدفعوا للحكومة المركزية الضرائب من المشروع. وفى كل الأحوال نحن ما ممكن ننتظر حتى يرتفع الوعى السياسى والحقوقى فى بقية الولايات. لا لا نملك لهم سوى الدعوة أن يعجل الله بتسريع وعيهم السياسى وبحقوقهم.
شوف يا جلالدونا هذا مواطن فى بيته وأمامه دونكى البترول.. الذى يكتشف بترول فى مزرعته فإن البئر ملكه.. هذه هى قوانين الحق والعدل وليست قوانين الهمبتة الرسمية.
09-08-2020, 08:53 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
اي اقليم يفترض ياخد حصة ثابتة من ايراداتو او حجم اقتصادياتو ومواردو.. انا عايز اسال، هل ايرادات الميناء وهي ناتجة من الجمارك والارضيات وحقوق العمل او الامتياز الخاصة بشركات الملاحة وكل ماينتج عنها، هل تسجل الميناء ارباح صافية بعد خصم مصروفات التشغيل والمصروفات الراسمالية وغيرها؟ في زول عندو بيانات او ارقام حقيقية؟
09-08-2020, 09:07 PM
Abureesh Abureesh
تاريخ التسجيل: 09-22-2003
مجموع المشاركات: 30182
هلا عبد الله. المعلومات على الاقل التقدير الأقرب للحقيقة موجود عند الاختصاصيين.. الارباح ملايين الدولارات فى السنة.. رسوم حاويات..رسوم تخليص..رسوم أرضيات.. رسوم بواخر...وعيييك. حنفية صابة.. عشان كدا دول اخرى تريد إدارة الميناء.
سلام أبوالريش انا اعتقد أكبر ظلم حصل للشرق ولابد من جرد حسابه هو شركة أرياب جات خمت دهب أطنان ما معروفة كم ولم يصل لمواطني الشرق منه فتات وبلعوا التماسيح حقهم ولم يتركوا لهم غير المرض والفقر
09-09-2020, 01:55 AM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: سلام أبوالريش انا اعتقد أكبر ظلم حصل للشرق ولابد من جرد حسابه هو شركة أرياب جات خمت دهب أطنان ما معروفة كم ولم يصل لمواطني الشرق منه فتات وبلعوا التماسيح حقهم ولم يتركوا لهم غير المرض والفقر
شكرا يا منتصر.. الله ينصر دينك
وبعد دا الشباب الفوق ديل عوزيننا نثق فى مافيا الخرطوم الذين يلعبون لعبة كراسى القصر الجمهورى.. يستحمرون الشعب السودانى، مرة دكتاتورية عسكرية و مرة طائفية جاهلة.. وداك كمان يقول ليك ناس الشرق لسة لما يتعلموا يحكموا نفسهم!!! ينهبون الذهب وناس سنكات على بعد كيلومترات من بورتسودان، ينهشهم مرض السل و التجهيل المتعمد.. لكن اللعبة إنتهت. والان نقول لورثة الإنجليز الذين أحسنوا الجلوس على كراسيهم و فشلوا فى تقليد إنجازاتهم.. بل على المحافظة على ما تركوه.. نقول لهم إما فدرالية حقيقية وليست طلاء. أو سننتزع حق تقرير المصير.
09-09-2020, 02:22 AM
Abureesh Abureesh
تاريخ التسجيل: 09-22-2003
مجموع المشاركات: 30182
تحياتي ابو الريش اعتقد ان الموانئ وما في حكمها من مطارات و حدود دولية ومنافذ أمرها فدرالي على مستوى الحكومة الاتحادية لأن فيها جانب سيادي و أمني وليس تجاري فقط الجمارك مثلا اتحادية و كذلك الجيش و الأمن و كلها لها صلة وثيقة بالحدود و المنافذ بما فيها الميناء و المطار غيرها.
حين اقول حكومة اتحادية لا اعني المركز وحكومة الخرطوم وهذه هي المعضلة الحقيقية ان الحكومة الاتحادية هي حكومة الخرطوم والمركز فقط, يجب ان تكون الحكومة الاتحادية حكومة قومية فعلا تحس كل ولاية بانها شريكة اصيلة فيها وليس مجرد رعايا لها.
09-09-2020, 08:58 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: اعتقد ان الموانئ وما في حكمها من مطارات و حدود دولية ومنافذ أمرها فدرالي على مستوى الحكومة الاتحادية لأن فيها جانب سيادي و أمني
بالظبط ... السيادي والأمني ليس الجيش والشرطة والقضاء فقط ... تحياتي ابوالريش والبشرى ... ماهو إذا رجعنا لي حقي وحقك ... طبعا أرض الميناء بدون شك تتبع ولاية البحر الأحمر وإن كان بي قوانين الدولة تتبع مصلحة المساحة التابعة لي وزارة الدفاع كامر سيادي ... طبعا ما فوق أرض الميناء (all the assets) تتبع حكومة السودان وتم شراءها من حر ميزانية شعب السودان ... لو في اصلا نزعة استقلالية (تقرير مصير وما ادراكا) حا يتم تعويض حكومة السودان وسوف تظل تدفعون لي جيلين تلاته ... عليك الله يا ابوالريش املو الدفارات بي اهلي الشماليين ورسلوهم علي جناح السرعة خليهم يجو يفلحو الأرض الواسعة دي ...
09-09-2020, 10:07 AM
Abureesh Abureesh
تاريخ التسجيل: 09-22-2003
مجموع المشاركات: 30182
الأخ عمر سعيـد.. مؤتمـر التعايشى يستحق يفردوا ليه بوست قائم بذاته.. وإنى لفاعل إن شاء الله.
ذكرنى بإقتصاديات طفل عادل إمام.. شاف زميله فى المدرسة شايل حلاوة.. ود عادل إمام إقترح عليه يعملوا شركة مساهمة.. قال ليه تقسم الحلاوة دى نصين.. إنت تساهم بالنص العندك وأنا أساهم بالنص التانى.
التعايشى عاش فى الغرب ويعرف تماما ماذا تعنى عبارة نظام فدرالى.. لكن مع الأسف السياسيين عندنا بدل يعتمدوا على معرفتهم يعتمدون على جهل الشعب.
كنتا بتغاظ جدا من تكرار المداخلات عند الكثيرين لكن اليوم عرفتا السبب وعرفتا الحل .... السبب هو بلا شك ضعف إرسال او استقبال الشبكة ... الحل اعمل كوبي للمداخلة وانتظر تحسن أحوال الشبكة ثم قم بإرسالها ...
Quote: طبعا ما فوق أرض الميناء (all the assets) تتبع حكومة السودان وتم شراءها من حر ميزانية شعب السودان ...
قال سيادي قال...لا تعليق لا تعليق يا أبو الريش!!! أجمل حاجة في بوستك, يكشف لك كيف يفكر الشمالي ومدي تفكيره ويوريك كذلك إلي أي مدي قاد تفكير السبهللية السودان إلي الهاوية !
غايتو قرف يفقع المرارة!
09-09-2020, 04:31 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: طبعا ما فوق أرض الميناء (all the assets) تتبع حكومة السودان وتم شراءها من حر ميزانية شعب السودان ...
هلا بلال.. أخونا دا يتحدث عن شئ ما عارفه كويس.. ويكتب قبل ما يعمل الواجب المنزلى بتاعه فى البحث أولا.. الميناء بنوها الإنجليز .. بالعكس فإن حكومات الطائفيين الى يطيب لهم أن يسموها وطنية دمرت بورتسودان.. المدينة حين خرج الإنجليز كانت جنة الله فى الأرض.. ثم أن الإنجليز بنوها من ميزانية كان قطن طوكر ذو أطول تيلة فى العالم يشكل نسبة ضخمة من واردات الخزينة العامة.. وكان الإنجليز عادلون فى قسمة الموارد رغم أنها كانت مركزية، الأمر الذى لا يمكن أن تثق فى حكومة المركز أن تقوم به اليوم.. ونحن فى أقاصى قرى البحر الأحمر كانت السينما المتجولة فى الستينات.. تخيلز وكانت الفرق الصحية تمر على القرى النائية وترش بيوت القش بالمبيدات الحشرية.. والعلاج كان مجاناً.. فى قرية فى جنوب طوكر، وكيل البوستة فى القرية طلب حضورى وأعطانى مبلغ حوالى 3 جنيه كانت دعم للطلاب و حين غبت من المدرسة فى طوكر أرسلوها بالبوستة لقريتنا.. أما الطائفيين أكلوا قروش الشرق من موردنا ولم يعيدوا لنا سوى الفتات.. الخرطوم ليس فيها سوى الفساد. وأقول لو بقت فيها تعويضات فإن الشرق سينشف الخزينة العامة للدولة.
تحياتى.
09-09-2020, 05:21 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11838
اها ورونا حدود الناس المستفيدين مع العلم انو ما كان في حاجة اسمها ولاية البحر الاحمر كان ت مديرية كسلا تشمل كسلا والقضارف والبحر الاحمر . وهل نحن المن الشمال ومعظم حياتنا عشناها في البحر الاحمر ونمتلك اراضي زراعية في طوكر(قليلمة) ممكن يكون عندنا فيها حق؟
09-09-2020, 05:37 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
طبعاً يا محمد الشيخ كانت ولاية البحر الأحمر.. بس كانت تسمى معتمدية البحر الأحمر.. لا تشتغل بالشكليات.. المهم هم الناس.. تقصد الناس ما كانت موجودة؟ كانت موجودة والظلم كله كان واقع عليها. بعدين السودانيين الذين فى الولاية قبل (إن تعنت المركز وكان هذا هو الخيار).. قبل الإنفصال هم مواطون على قدم المساواة ولا فرق بينهم وبين الأخرين. بل عكس ما حدث فى إنفصال الجنوب.. سوف لن نسمح لأى سودانى بالخروج إلا إذا سجل كتابةً أنه لا يريد أن يكون مواطناً فى الدولة الجديدة. (تنازل رسمى عن حق لا يستطيع أحد أن يحرمه منه).. وسوف نقوم بكل ما نستطيع أن يختاروا البقاء. فإن أهل الشرق بكل مكوناتهم الإثنية وثقافاتهم قد إنصهروا فى بوتقة إجتماعية جميلة بكل ثقافاتها الشرقية الخاصة.. حتى ان لهجة الشرق واضحة يتكلها الجميع.
Quote: سوف لن نسمح لأى سودانى بالخروج إلا إذا سجل كتابةً أنه لا يريد أن يكون مواطناً فى الدولة الجديدة. (تنازل رسمى عن حق لا يستطيع أحد أن يحرمه منه).. وسوف نقوم بكل ما نستطيع أن يختاروا البقاء. فإن أهل الشرق بكل مكوناتهم الإثنية وثقافاتهم قد إنصهروا فى بوتقة إجتماعية جميلة بكل ثقافاتها الشرقية الخاصة.. حتى ان لهجة الشرق واضحة يتكلها الجميع.
قلت ليكم الزول دا ما نصيح ما صدقتوني ..... و الزول دا امريكي كامل الدسم و اهو شغال فتنة ..... قلت لي عاش طرمبة .... !!!!! 😂😂😂😂😂
09-09-2020, 07:33 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: أجمل حاجة في بوستك, يكشف لك كيف يفكر الشمالي ومدي تفكيره
هي يا البعامه ... الدخلك البوست دا من اصلو شنو ... البوست غير معني بيهو شمالي ولا جنوبي ولا غرباوي ... كدي عاين جووووا حا تلقي نفسك ولاية تبع الود أفورقي ... عالم شايلا حمار النوم ...
Quote: غايتو قرف يفقع المرارة!
المراره بس ؟!!! أي حاجه في جتتك بتنفقع انشاالله تنفقع ...
09-10-2020, 05:38 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
الحلم الأريتري القديم جدا بتبعية كسلا بورتسودان وقدارف للدولة الأريترية ... أحداث الشرق الأخيرة مضافا إليها اعتقاد الوهم ديل (البني عامر) بضعف الخرطوم والفرصة قد حانت للإنضمام لدولة أفورقي ... هذه النوايا معلومة علي أعلي مستوى امني ... تشوموها قدحه ...
09-10-2020, 08:49 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12484
الاثنين ٧/٩/٢٠٢٠ المهمة كانت واضحة بفعل تقارير الاستخبارات والمخابرات ... التحذير كان واضح وجها لوجه ... أرفعو أياديكم الخبيثة عن شرق السودان وإلا تتحملون مسؤولية ما سيحدث ...
09-10-2020, 12:08 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
إنت ركز في ورقك بس مالك ومال غيـرك من مدن الجوار .. أهم شئ أي لاجئ من المدن دي موجود عندكم في دويلة بورسودان اعملوا ليهو خلو طرف بأسرع ما يمكن .. وجزاك الله خير
09-10-2020, 12:53 PM
Abureesh Abureesh
تاريخ التسجيل: 09-22-2003
مجموع المشاركات: 30182
الما فاهموا او متلخبط علي في الإختصاص يا ابوحسين .. إنه اخونا ابوالريش قال هو من البني عــامر.. والجماعة ديل أمونـة مختار حسمت امرهم زمان وختتهم في حتة ضيقة كدة بجنوب طوكر ..
فبأي وجه حق الآن هذا الأريتري - حسب نظرية التُركبِجيه - بيجي يتكلم عن بورسودان وميناء بورسودان ؟!
بالطريـقة دي نحن حا نعيـن ليهم الحاج وراق والي عسكري ؛)
09-10-2020, 01:38 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: انا زي الباشمهندس محمد ود الشيـخ عندهم اراضي في طوكر وعمران في كسلا .. عاوزين الامور ترسى على بر ونفهم نمشي ياتو سفارة ؛)
يا حيدر أوع انت برضو ما فهمت كلامى.. لما قلت لمحمد الشيخ ما نخليكم تخرجوا معناها شنو؟ نقفل طريق كسلا الخرطوم؟ لا يا حبيب.. انا واثق فهمك أكبر من دا.. معناها ما حنكرر خطأ التفريط فى الجنوبيين بعد الإنفصال.. وكلامى كان واضح.. ونحن ما زلنا وطن واحد.. لكن ربائب الإستعمار فى الخرطوم لو أصروا على السلطة على الأقاليم ومواردها فإن حق تقرير المصريف أنت تعرف فى يد منو حسب القوانين الدولية.. وفى هذه الحالة لا قدر الله فأنت ومحمد مواطنين شرق 100% .. ودا قلته وما عارف كيف لم تقرأه وتسأل الان.. محمد الشيخ قرأ هذا ولم يحتاج لتعقيب.. هذا معنى ما نخليهم تخرجوا.. (من المواطنة يعنى). بعدين بالله المديدة الحارة وكلام القبائل هذا خلونا منه.. لن يفيد شئ. ولا أثر له غير الإستهلاك الكلامى.
09-10-2020, 02:00 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
ذكرني قصة أيام الجامعة صاحبنا يحب في البنية اربعة سنين كف عرسوها ونحن نصبر فيهو حصل خير ما فيها قسمة ، قال لكن ياجماعة حنان وحب جاهزة اكل اكلتها اربعة سنين بصرف على الداخلية على اليمين البوس علمتوا ليها يعني انا سلمتها للشفت ده تسليم سرير . دحين زولك داير يسلم الميناء لي افورقي تسليم سرير
09-10-2020, 05:13 PM
Abureesh Abureesh
تاريخ التسجيل: 09-22-2003
مجموع المشاركات: 30182
لعب الميناء دا لعب كبير علي الود أفورقي ... شوف عمن بيدفش فيهو في قدارف وكسلا وبورسودان لزعزعة الإستقرار منذ فترة ... وال supply شغال إشي مصاري وإشي سلاح عدييييل .... ديل هم الدايرين الميناء ...
09-10-2020, 09:57 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: لعب الميناء دا لعب كبير علي الود أفورقي ... شوف عمن بيدفش فيهو في قدارف وكسلا وبورسودان لزعزعة الإستقرار منذ فترة ... وال supply شغال إشي مصاري وإشي سلاح عدييييل .... ديل هم الدايرين الميناء ...
كلامك دا يؤيد ما أقوله.. حكومة المركز باعت الميناء لشركة فلبينية، ولولا أهل الشرق من عمال الميناء وقفوا لمبة.. عمود نص.. لكانت بورتسودان تابعة لدولة أجنبية.. وواحد هناك قال لغاية ناس الشرق بتعلموا بعدين يحكموا الميناء.. حكمة الله بالغة.
09-10-2020, 11:32 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: كلامك دا يؤيد ما أقوله.. حكومة المركز باعت الميناء لشركة فلبينية، ولولا أهل الشرق من عمال الميناء وقفوا لمبة.. عمود نص.. لكانت بورتسودان تابعة لدولة أجنبية.. وواحد هناك قال لغاية ناس الشرق بتعلموا بعدين يحكموا الميناء.. حكمة الله بالغة.
تعرف يا اخونا ابوالريش نوع الخطاب دا قطع شك المقصود منو دعم وتأسيس ارضية لفكرة تقرير المصير وهي الهدف من البوست كما أري ... لانو من اكتر من سنة انتهت قصة الشركة الفلبينية المدعومة من الداعمين لي أفورقي في زعزعة الشرق الآن لأهداف اقليمية متنوعة ... ثم إن شركات تشغيل الموانيء ليست شركات استعمارية كما تدعي ولو كانت كذلك لكانت كل موانيء أمريكا وأوروبا مستعمرات للشركات التي تشغلها ... فشنو إنتا امريكي مافي داعي تزيده موية زير ... ثم إن نسبة الأمية عالية جدا في أنحاء السودان حيث لا يوجد منطقة متعلمة اكتر من التانية وصدقني المشكلة مش في الما متعلمين ... مشكلة البلد دي في نخبها المتعلمة التي تقود الجميع للهلاك ...
09-10-2020, 09:57 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: لعب الميناء دا لعب كبير علي الود أفورقي ... شوف عمن بيدفش فيهو في قدارف وكسلا وبورسودان لزعزعة الإستقرار منذ فترة ... وال supply شغال إشي مصاري وإشي سلاح عدييييل .... ديل هم الدايرين الميناء ...
كلامك دا يؤيد ما أقوله.. حكومة المركز باعت الميناء لشركة فلبينية، ولولا أهل الشرق من عمال الميناء وقفوا لمبة.. عمود نص.. لكانت بورتسودان تابعة لدولة أجنبية.. وواحد هناك قال لغاية ناس الشرق بتعلموا بعدين يحكموا الميناء.. حكمة الله بالغة.
09-11-2020, 03:47 AM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: عرف يا اخونا ابوالريش نوع الخطاب دا قطع شك المقصود منو دعم وتأسيس ارضية لفكرة تقرير المصير وهي الهدف من البوست كما أري ... لانو من اكتر من سنة انتهت قصة الشركة الفلبينية المدعومة من الداعمين لي أفورقي في زعزعة الشرق الآن لأهداف اقليمية متنوعة ... ثم إن شركات تشغيل الموانيء ليست شركات استعمارية كما تدعي ولو كانت كذلك لكانت كل موانيء أمريكا وأوروبا مستعمرات للشركات التي تشغلها ...
طبعا يا أخ صلاح من السهل جدا تدوير التعابير النمطية.. وهذا ما أدى لإنفصال الجنوب.. الإستخفاف بمطالب الأقاليم (دائما). يعنى هسى ما ناقشت أى نقطة من نقاط كيف يكون العدل والفدرالية و كيف تساهم الأقاليم فى الميزانية العامة بدون التفريط فى حقوقها فى مواردها. شطبت كل هذه ومسكت فى تقرير المصير (الذى هو حق أصيل وليس منحة من أحد وهو الكى أخر الدواء).. ولو ناس المركز ما غيروا عقلية مركزية السلطة لن تحل أى مشكلة سودانية.. توزيع السلطة ليس توزيع الكراسى فى القصر الجمهورى، وإنما توزيعها على الأقاليم. وحينها ستكون المنافسة بين الأقاليم فى الإنتاج ومستوى الحكم الرشيد.. ومافى أقليم سيرضى بأنه أقل من الاخرين فى حقوق الإنسان وفى الغنى وفى الشفافيـة مع مواطنيه.. وسوف تقل أعباء المركز حيث تمول الأقاليم التعليم والصحة والخدمات الأخرى وترفع الحكومة المركزية يدها عن كل ذلك.. الحكومة المركزية ستكون مهامها الدفاع عن الحدود والسياسة الخارجية وإدارة الكوارث الطبيعية والطرق عابرة الولايات .. والضرائب والجبايات الأخرى التى تأتى من حكومات الأقاليم تكفى لمواجهة ذلك.(إضافة للصرف على مشاريع الحكومة المركزية..) الشرطة أيضا ستكون ولائية مع إحتفاظ وزارة الداخلية بشرطة إتحادية للتدخل فى حالات الطوارئ حين تحتاج شرطة الأقليم المعين لقوة زائدة. وزارة الداخلية أيضا سيكون من سلطاتها الجنسية والهجرة. وحدة السودان مقدسة، ولكن أقدس منها إنسان السودان.. وحقوقه فى الحرية و إدارة موارده.
09-11-2020, 09:01 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
تعرف يا باشمهندس من كل البقج البدفقا اخونا عادل اللمين في كل بوستاتو كان اتفاقي الكامل معاهو في موضوع الفدرالية ... اهم ما ستقوم به الفدرالية هو تفكيك النظام الحزبي والسياسي الجاري (من يجر) البلد دي لي ورا منذ الاستقلال يعني سوف يتغير ولاء الجميع (بما فيهم البسطاء السايقنهم ناس سيدي وغيرهم) من الحزب للمنطقة وأهم حاجة تغيير النظرة النمطية لإنسان الشمال فكل من رفع عقيرته بتقرير المصير او الإنفصال نظر لإنسان الشمال كأنه مالك هذا البلد او منتظرا موافقته او تصديقه لانفصاله ... اؤيد بشده الفدرالية بالطريقة التي يتفق عليها كل السودانيين وبالتفاصيل التي يرتضونها ... وتاني نتلاقي في مباريات الدوري الممتاز بين الأقاليم فقط وكلو زول يبقى في الليلتو ... دا إذا في فيدرالية... أما إذا ذهب الجميع للانفصال فعليكم يسهل وعلينا يمهل ...
09-11-2020, 09:26 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
هههههههه ... ود الزين .. الجنوبي راكب باص ابورجيلة في آخر كنبه بالليل في آخر رحلة بين الخرطوم وامدرمان بعد عناء يوم عمل شاق ... والبص في منتصف كبري الحديد نظر للنيل وجادت قريحته :- اااااه يا نيل ... ااااه يا نيل يا تويل ... ااااه يا نيل يا تويل يا ملولو ... الباقي أسأل منو يونس ود ابوي موسى ...
09-11-2020, 09:04 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
الأسماء التي تحاول تزوير رؤية الباشمهندس أبو الريش هي ذاتها التي جاءت تدعم وتؤيد فكرة حصر مشاريع الطاقة الشمسة شمال خط 17 ونص
Quote: انسب الاماكن فى السودان لانشاء مزاراع شمسيه ذات جدوى انتاجيه شمال خط عرض 17.5 درجه 17 ونص!17 ونص!
حصر المشاريع في ولايتين ثم تركيز مشاريع الطاقة الشمسية ومن الخزينة العامة، قارنوا الأسماء.
ولا تستغرب يا أبو الريش من الذي اشترط (تعليمكم أولاً قبل تسليمكم) فهذه ذاتها فهلوة السيدة المتعجرفة في بريتوريا عندما سألها الصحفي لماذا لا تعطون أهل الأرض وظائف؟ قالت: لا يمكنهم العمل قبل أن (يتعلموا ويتثقفوا ويتمدنوا)، ويحرمونهم من التعليم في ذات الوقت.
وهي ذاتها (فهلوة المغربي) الذي أصر أن يعرض عليك (فكرة) تسليم الميناء (لشركة فلبينية) يشترط عليها - من بعد - توظيف (المؤهلين) من ابناء الشرق
Quote: فيما يتعلق بمدخلآت ميناء بورتسودان, أو حتى عائد تصدير السلع الاستراتيجية التي تدر عملآت صعبة للدولة كالسمسم, الصمغ العربي, المواشي الحية, و اللحوم الحيوانية فإن الدولة تحظى بنصيب كبير من تلك العملات الصعبة, شئنا أم أبينا. موضوع إدارة الموانئ البحرية مسألة قومية, و تتبع لإدارة الموانئ البحرية, و العائد المادي الذي تدري تلك الموانئ يعود لخزينة العامة, وفقا للقوانين الحاكمة. حاولت تنزيل موضوع عنوانه: السودان :ميناء بورتسودان الجنوبي و التشغيل عن طريق الشركة الفلبينية هذا الموضوع يعالج موضوع الخلاف بيننا, لكنني, للأسف فشلت في تنزيله. Re: الحاج وراق.... أنت مين يا روح أمكRe: الحاج وراق.... أنت مين يا روح أمك
اختاروا لكم حروف (اللوح والدواية) وليس حروف الطب وهندسة الموانيء والكمبيوتر والطيران.
وهذه ذاتها سياسة (أشغلوهم بجلب الماء حتى لا يفتحوا ويتعلموا حاجات جديدة، وتحصل نقلة في حياتهم) رمز لدارفور بتشاد، فهلوة وذكاوة!
Quote: قبل كم سنه فى تشاد والصينيين شغالين بترول ومجالات تانيه يعنى مستفيدين من البلد .قالو يعملو مشاريع ابار لحل مشكله العطش . عملو شنو ؟ فى كل قريه من القرى الى اتبرعو بحل مشكلتها عملو مضخه يد بدائيه (المعروفه للجميع من عشرات السنين) وحوض اسمنت. كان غالبهم ييتبرعو بمضخات طاقه شمسيه توفر مجهود وزمن سحب المياه من البير . لكن مادايرين يفتحو عين الناس لحاجات زى دى عشان مايكون فى نقله نوعيه فى حياتهم بسبب القصه دى (كمويه متوفره باقل مجهود ليهم ولى بهايمهم بدل من ضياع اليوم للمواطن فى انتظار الدور او الضخ اليدوى لسقايه بهايمو)
أو استلموا البلد قبل أن يدركها (الما متعودين على قيادة الدولة)، الشراذم غير المنضبطة!
Quote: من/ما هي القيادات التي ستسيطر على الفترة الانتقالية وتمنع سرقة الثورة أقصد سرقتها بواسطة قادة الأحزاب الديناصورات أو عناصر الكيزان في الجيش أو المليشيات المسلحة المتشرذمة الما منضبطة ولا متعودة على قيادة دولة Re: كيف يفرز الشارع قيادات تستلم البلد؟Re: كيف يفرز الشارع قيادات تستلم البلد؟
أنا من منطقة اسمها الجزيرة مقرات ريفي ابو حمد الإقليم الشمالي هذه الجزيرة يمكن حساب عدد الذين سكنوها خلال مائة سنة العدد لا يزيد عن بضعة آلاف عدد الذين استوزروا في حكومات السودان منذ الاستقلال يزيد على عشرة أذكر منهم بدون ألقاب وأترحم على من رحل: عبد الرحمن عبد الله وعبد الله أحمد عبد الله ومحمد الشاذلي محجوب البدوي عثمان النافع صلاح كرار معتصم عبد الرحيم Re: 17 ونص!Re: 17 ونص!
انتبهوا للأسماء، نفس الأسماء، تتكرر! وهنالك غيرها (الصريح)، نأتي بها في حينها.
أما إذا كان الأمر (لهم) فترى عجباً
Quote: أعلنت حكومة ولاية نهر النيل شمالي السودان، عزمها منع دخول المعدنين لأراضيها اعتبارا من مطلع العام القادم، دون إجراء كشوفات طبية. Re: 17 ونص!Re: 17 ونص!
الدخول (لأراضيها) بعد (الكشف) الطبي لمواطني جمهورية السودان.
فضل الثورة نسبوه ليوم 19 ، لعطبرة، دوناً عن كل مدن السودان بمآسيها وأتراحها وشهدائها من أيام عبود! Re: عطبرة بين سنديان قتلة الامن و خازوق الحقدRe: عطبرة بين سنديان قتلة الامن و خازوق الحقد
دا (بابكر الدين)، يا المصريين ألفونا
Quote: أيها الفشلة: لا مخرج لكم من بعد الله إلا مصر الحضارة. شعوب السودان تقطن داخل (حوض) تحيط به المرتفعات من الشرق والجنوب والغرب ويمسك الماء حتى يرتوي ثم يقذف بها نحو الشمال إلى مصر الحضارة حيث الخصب والنماء _ويا ليتكم ظللتم مع مصر في دولة واحدة بدلاً من هذه التفاهة 70 عام _ عليكم بتفويض الأمر لله ثم إلى المصريين وإعادة السيادة إلى مصر الحضارة لإنقاذ البلاد والعباد _قبل الغزو الاثيوبي والجيش الشعبي الجنوبي _ استعينوا بالمصريين فهم الأقرب في كل شيء لاستخدام (مفيض توشكي) بعد تسليم البلاد والعباد إلى مصر الحضارة؛ دولة واحدة موحدة تحت السيادة المصرية فأنتم شعوب لا تصلح أن تحكم نفسها بنفسها أبداً بعد أن ثبت ذلك طوال 70 عام. لا مخرج لكم من بعد الله إلا مصر الحضارة. مهما حاولتم من حلول للتخلص من مياه الفيضان فلن تجدوا تصريفاً إلى من خلال مصر الحضارة - مفيض تشوكي نحو الصحراء الغربية الليبية ليستفيد منه المصريون في الزراعة والرعي وتخضير الصحراء، أما أنت أيها الذي أسماه البريطاني (السودان) الغارق في التفاهة والفشل قبل حلول الإبادة، المضخم لذاته الكذوب فاقعد فإنك أنت الطاعم الكاسي! http://sudaneseonline.com/board/510/msg/-1599489244.html؟fb_comment_id=4123683697661544_4125145527515361
ودا (بابكر التاريخ) يا العباسيين ألفونا
Quote: الإسلام واللغة والعرب دخلوا بالشرق والشمال يا حاتم .. من سنة 700 ميلادية العرب والمسلمين ليهم وجود موثق ومدون في المنطقة .. والعباسيين إشتروا المنطقة الجغرافية البنتكلم عنها دي من الزمن داك اشتروها فعلاً غير مجاز ودخلوا ناسهم ..
قدم في الساعة الأولى (بخرة) وفي الساعة الثانية (بقرة) وفي الساعة الثالثة (حكرة) حتى الأرض باعوها للعباس، كان تلحقونا، كيتاً على أهل البلد. جاك هنا يلقي عليك محاضرة في الوطنية! العباسي أرضاً وجواً و(هوى).
قلنا من قبل، الدجل والشعوذة كانت (أساس) كسب العيش عند أهل (الطبقات)، باسمائهم التي نعرفها أولئك لم ينتظروا المائدة، بل طاروا إليها (بالعناقريب)، تحروا رؤيتها في العرش من البرش سكسكوا لطيرها مثل سليمان ولبسوا لها خيط العشر قمصان وعبروا لها المالح خوضان فلماذا لا تكون (الفهلوة) إرثاً محبباً للحفدة صناع الخراب في هذا الزمان؟
دولة صحراوية قاحلة اسمها الجمهورية الإسلامية الموريتانية، واحدة في أفريقيا موريتانيا لديها طائرة ركاب واحدة، اسمها (أفطوط الساحلي)، هذه تطير في الجو وليس البحر يوم لسفريات الرئيس وباقي الأسبوع تشتغل بالفردة ، حدها شمالاً المغرب، جنوباً بوركينا فاسو سودانير تأسست عام 1947، حدها لندن، حينها لم يكن لنواكشوط (حجر أساس)، دقوه ليها سنة 1958، وقتما كان في الخرطوم مترو (طرماج) وبرلمان يتحدث بلغتين وجنيه أفريقي ينافس جنيه إليزابيث ذات البرنيطة فلماذا انتظار العمار والتطور من بقايا الأندلس، حسب وصفهم لأنفسهم؟
غايتو كان ما ميناءكم دا كان زمان لحقوكم دارفور، بلوحكم ودوايتكم!
____ الهلع والطمع صنوان، والحسد والخراب أخوان.
==============================
نعم، إدارة الميناء يجب أن تكون من سلطات الولاية خيرات الولاية أولى بها أبناء الولاية، أسوة بالغير الذين يمنعون مجرد الدخول لأراضي ولايتهم للاسترزاق باشتراط الكشف الطبي.
وأعيدوا تسميتها بدل (ولاية) إلى مديرية أو مقاطعة، موريتانيا أهلها قسموها (لولايات).
(عدل بواسطة حاتم إبراهيم on 09-11-2020, 09:15 AM) (عدل بواسطة حاتم إبراهيم on 09-11-2020, 09:38 AM) (عدل بواسطة حاتم إبراهيم on 09-11-2020, 09:42 AM) (عدل بواسطة حاتم إبراهيم on 09-11-2020, 09:49 AM)
09-11-2020, 09:40 AM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
والي نهر النيل تؤكد ضرورة الاستفادة من المشروعات الاستثمارية بالولاية.
اكدت والى نهر النيل دكتورة آمنه احمد المكي اهتمامها بالسياسات الرامية للاستفادة من المشروعات الاستثمارية بالولاية بما يعود بالنفع على مواطن الولاية . والتقت امنة بمكتبها بالامانة العامة للحكومة بالدامر اليوم وفد شركة الراجحي الزراعية برئاسة المدير التنفيذي لشركة الراجحي الزراعية مهندس عادل جعفر ابراهيم،مشيرة الى أهمية التعاون والمشاركة الفاعلة مع خطط وبرامج الولاية تجاه قيام القري النموذجية وتوفير الخدمات الضرورية للمتأثرين و للمتضررين من الفيضانات بالولاية. من جانبه أكد المدير التنفيذي لشركة الراجحى الزراعية اكد تعاون الشركة التام مع حكومة الولاية مشيرا الى ان المشروع يعمل بالتقانات الحديثة وتطبيق الحزم التقنية بالعمليات الزراعية وادخال الطاقة الشمسية ب 53 محوربالمشروع الزراعى ،مؤكدا استعدادهم للموسم الشتوي لزراعة محصول القمح والذي يسهم فى دعم المخزون الاستراتيجى الي جانب زراعة الذرة فى الموسم الصيفي وتوفير التقاوي والبذور للقطاع الزراعى بالولاية والولايات الاخرى.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
AMNA MUKHTAR
ABUHUSSEIN
بكري عباس علي
MOHAMMED ELSHEIKH
جلالدونا
بلال الطاهر
Abdullah Idrees
محمد البشرى الخضر
Salah Zubeir
علي عبدالوهاب عثمان
HAIDER ALZAIN
حاتم إبراهيم
Arif Nashed
فيس بوك
تويتر
انستقرام
يوتيوب
بنتيريست