|
Re: باشمهندس بكري احظر اي داعم للانقلاب (Re: اخلاص عبدالرحمن المشرف)
|
ادعم رأي الدكتورة الوضع الطبيعي لأي بشر سوي في هذه البسيطة تدعم المدنية و الديمقراطية و المواطنة و دا default ، و خلاف ذلك upnormal و دا بعتمد على الشخص و سلوكيات تربيته ، في ناس ما بقدروا يعيشوا الا تحت القهر و في ناس بنظروا مثلا للعسكر بأبوية و هم كبار في السن و ممكن يلحسوا البوت و يحسوا بالامان في احضان العسكر المسألة نفسيات و تربية
| |
|
|
|
|
|
|
Re: باشمهندس بكري احظر اي داعم للانقلاب (Re: اخلاص عبدالرحمن المشرف)
|
Quote: داعمي انقلاب برهان هم قتلي ضد الدولة المدنية مع انتهاك الاجهزة الامنية لحقوق المواطنيين يدعمون قتل المتظاهرين السلميين بالقصد ومع الترصد
هل انت معهم يا باشمهندسMohamed Suleiman |
ربما لا تدرين كيف تم وضع لائحة هذا المنبر. قبل حوالي 15 سنة دار نقاش طويل بين أعضاء المنبر هنا نفس أسباب مصادرة حرية الرأي هنا .. لأن هناك كان مثلك ينادي بحجر الرأي الآخر تحت دعاوي شبيهة .. و كانت هناك مطالبات بفصل أمنجية و داعمي (إنقلاب الإنقاذ) .. لنفس الأسباب انهم داعمي قتلة الشعب .. و كنت من ضمن الرافضين لمصادرة آراء الناس .. و كانت حملات الإبادة الجماعية في دارفور علي أشدها. و تغلب الرأي القائل أن هذا المنبر هو منبر حر .. و اللذي بخاف من رأي الآخر هو/هي من يفتقد الحق و الحجة . و توافق الأعضاء علي لائحة المنبر حيث عقوبات الحجر تطال من يخرج/تخرج أخلاقيّا في الرأي أو دعوة للعنف و البذاءة و بنود أخري يمكنك الإطلاع عليها في لائحة المنبر. هل تدرين أن هناك كثر كانوا أعضاء و مازالوا في هذا المنبر و كانوا علنا يدعمون الإنقاذ و المؤتمر الوطني و لم يحجر أحد آراءهم؟
من السهل جدا أن يتحول ثائر و ثائرة الي ديكتاتور يمارس/تمارس حجر آراء الناس بحجة حمايتهم.
| |
|
|
|
|
|
|
Re: باشمهندس بكري احظر اي داعم للانقلاب (Re: Nasser Amin)
|
الخضوع لراي الاغلبية واللوائح ما عندي معاه مشكلة رأي عبرت عنه وطلب ان اختلف مع اللائحة طبعاً ساخضع للائحة.
في يوم ما تواضع السودانيون وكتبوا ميثاق الدفاع عن الديمقراطية ولم يعملوا به وعانينا من الشمولية والدكتاتورية 30 عاماً
اتمني الا نكرر نفس السيناريو ، والمعركة علي اي حال تحسم في الارض .
شكراً باشمهندس
| |
|
|
|
|
|
|
Re: باشمهندس بكري احظر اي داعم للانقلاب (Re: Nasser Amin)
|
ادعم رأى الاخت اخلاص والاخ ناصر امين بشدة مافى حاجة اسمها حرية رأى لى زول بيقيف مع قاتل مجرم كتب الاخ محمد سليمان :
Quote: و توافق الأعضاء علي لائحة المنبر حيث عقوبات الحجر تطال من يخرج/تخرج أخلاقيّا في الرأي أو دعوة للعنف و البذاءة و بنود أخري يمكنك الإطلاع عليها في لائحة المنبر.
|
من يدعم القاتل يعتبر complicit ولا فرق بينة وبين القاتل وحيجى يوم من الايام ويطبق نفس الشئ الذى يدعمة وهو القتل وفى الدول التى تحترم القانون وحقوق شعوبها يحاكم مثل القاتل عندما يأتى الامر الى ازهاق ارواح البشر تسقط كل الدعاوى مثل حرية الرأى وما شابة الى اليوم اليهود وفى كل العالم لا يسمحون لى اى احد لنشر اى شئ يعتبر من وجه نظرهم غير صحيح فى موضوع الهولوكوست وبتعاملوا مع انصار النازية بكل حسم وعبارتهم المشهورة ( never again ) ما ضيع السودان الا التساهل فى حياة الانسان بدعوى حرية الرأى هو يا كافى البلاء الانسان السودانى سلبت منة حرية الحياة تجى تكلمنا عن حرية الرأى والله السودانين لو ما اعدموا هؤلاء القتلة فى الميادين العامة ما حيقيف القتل .. من امن العقوبة اساء الفعل .. بلا حرية رأى بلا دلع بلا كلام فاضى
| |
|
|
|
|
|
|
Re: باشمهندس بكري احظر اي داعم للانقلاب (Re: زينب محمد عبدالله)
|
ما درج عليه الباشمهندس بكري في الآونة الأخيرة او ربما منذ تأسيس هذا المنبر و لكن لفتت انتباهي مؤخراً هو ان بكري يقوم بإغلاق بوست الكوز الجحبور و تقليل مداخلاته و هذه العقوبة أشد إيلاماً للزواحف من الإيقاف حسب وجهة نظري طالما ان بكري هو المسئول عن الموقع فللرجل تقديراته و هناك اشياء يعلمها نحن لا نعلمها
تحياتي دكتورة إخلاص
| |
|
|
|
|
|
|
Re: باشمهندس بكري احظر اي داعم للانقلاب (Re: زينب محمد عبدالله)
|
Quote: ما ضيع السودان الا التساهل فى حياة الانسان بدعوى حرية الرأى هو يا كافى البلاء الانسان السودانى سلبت منة حرية الحياة تجى تكلمنا عن حرية الرأى والله السودانين لو ما اعدموا هؤلاء القتلة فى الميادين العامة ما حيقيف القتل .. من امن العقوبة اساء الفعل .. بلا حرية رأى بلا دلع بلا كلام فاضى |
أقف بشدة ضد هذا الرأي. فهو نفس المبرر الذي استخدمته كل الأنظمة الديكتاتورية القمعية في التنكيل بكل من يخالفها.
القتلة والمجرمين نسعى لإنجاح ثورتنا وهزيمتهم ومحاكمتهم لما أقترفوه من جرائم تحقيقاً للعدالة. حرية الرأي مكفولة للجميع وأصحاب الآراء المخذلة وتلك التي لا تدعم سودان المدنية والديمقراطية والحرية والسلام والعدالة فسيحاسبها التأريخ.
| |
|
|
|
|
|
|
Re: باشمهندس بكري احظر اي داعم للانقلاب (Re: Hafiz Bashir)
|
Quote: أقف بشدة ضد هذا الرأي. فهو نفس المبرر الذي استخدمته كل الأنظمة الديكتاتورية القمعية في التنكيل بكل من يخالفها.
|
ليس فيما يخالف الناس فى الرأى ولكن فى الذى يقتل او يدعم القاتل
Quote: القتلة والمجرمين نسعى لإنجاح ثورتنا وهزيمتهم ومحاكمتهم لما أقترفوه من جرائم تحقيقاً للعدالة.
|
وهذا ما قلناهو القاتل يحاكم و يقتل والذى يدعم القتل يحاكم ايضا
Quote: حرية الرأي مكفولة للجميع وأصحاب الآراء المخذلة وتلك التي لا تدعم سودان المدنية والديمقراطية والحرية والسلام والعدالة فسيحاسبها التأريخ.
|
حرية الرأى مكفولة للجميع ما عدا القتلة وداعميهم
ياخى فترنا من صور القتل والتعذيب والاهانة للانسان السودانى كفاية خلاص لابد من المحاسبة تلاتين سنة ولسة بقتلوا وبغتصبوا ومافى اى زول حاكموهوه ( ولكم فى القصاص حياة يا اولى الالباب )
فى النهاية دا رائينا وبنقولوا والاخ بكرى ابوبكر هو الذى يقرر
| |
|
|
|
|
|
|
Re: باشمهندس بكري احظر اي داعم للانقلاب (Re: اخلاص عبدالرحمن المشرف)
|
السلام عليكم ورحمة الله وبركاته شكراً دكتورة إخلاص المبادئ تُحْتَرمْ ولكن قبل المبادئ؛ المواقف الأخلاقية هي الأهم! من يضع يده مع البرهان في هذه اللحظة يجب أن يشنق في السوق ويحضره كل من يستطيع الحضور. يبدو أن الباشمهندس بكري أخطأ في تاريخ المنتدى؛ لعل ذلك خطأً طباعياً. المنتدى بدأ بعد منتدى الأخ معاذ محمد عطا السيد – سودان دوت نت-؛ كنت مع آخرين ننشط في سودان دوت نت ؛ولم أنضم أنا إلا بعد ثلاث سنوات تحياتي عبرك لكل الشرفاء والشريفات ___ الحليلة
| |
|
|
|
|
|
|
Re: باشمهندس بكري احظر اي داعم للانقلاب (Re: elhilayla)
|
يجب حظرهم يا بكري، لا يمكن يكون المنبر ده بووق لهؤلاء لنشر سمومهم الحصة وطن ، يمشوا يعملوا ليهم منبر يتفسحوا فيهو زي ما عايزين لكن لايمكن تخليهم يستغلوا سمعة المنبر وإنتشاره لصالح قتلة الشعب السوداني. في الوقت ده بالذات يجب بترهم من المنبر ونكون قدمنا خدمة للمرابطين في التروس والطالعين في مظاهرات في انصاص الليالي.
| |
|
|
|
|
|
|
Re: باشمهندس بكري احظر اي داعم للانقلاب (Re: ترهاقا)
|
دكتورة إخلاص سلام ..
تم حظري ..إلا من مداخلة واحدة .. وبدون ما أعرف أي سبب .. إلا من موقفي مع أعتصام القصر لتوسيع قاعدة المشاركة في الحكم .. وفي ذات الوقت أدعم التحول الديمقراطي ولا دخل في بأنقلاب.
خطأ الممارسة الديمقراطية معلق في رقبة قحت 1 .. إلي يوم الدين.
تحياتي لكم جميعاً .. وفقكم الله ...
بريمة
| |
|
|
|
|
|
|
Re: باشمهندس بكري احظر اي داعم للانقلاب (Re: Biraima M Adam)
|
تحية واحترام الاخت العزيزة اخلاص
Quote: الاخت الحبيبة زينب ما يطمئن ان الامر سيحسم بالوطن وبايدي ابنائه المحبين العاشقين للحرية الانقلاب علي المدنية لن يستمر
مودتي |
نتمنى ذلك وبأسرع وقت لحقن دماء الابرياء من ابناء هذا الوطن الذين عانوا كثيرا
| |
|
|
|
|
|
|
Re: باشمهندس بكري احظر اي داعم للانقلاب (Re: اخلاص عبدالرحمن المشرف)
|
لو بكري حظر كل داعم لي الانقلابات في البورد وفي السودان يا دكتورة والله ما يفضل الا انا والجمهوريين في البورد هسة دي ثورة ؟؟ مش برضو انقلاب خمسة جنرالات +قحت1 وثيقة انتهازية جدعت دستور 2005 والمحكمة الدستورية ؟؟ تاني انقلاب 1989 هسة قاعدين مع حمدوك وفي حكومة قحت ناس الشعبي والعدل والمساواة انقلاب 1969 خشمي عندي ناس الغزالة الفوق في السلم البعثي والناصري والشيوعي ديل طبعا الاذكي والاوعي والاظرف من فصيلة قرود الفيتوري انقلاب 1958 ديل لحقو امات طه ولحقو حلفا معاهم والله البورد ده بس ناقصو واحد في المخابرات المصرية ...يشرف علي المخطط الاقليمي الماشي في السودان ده عشان يتم سيريالية المشهد السوداني البائس احظر دي تاني مافي زول تاني برقص ويغطي دقنو في البورد وفي السودان مافي ولكل بضاعة شراي وسوق لي قحت حظرت المؤتمر الوطني بس يا دكتورة ؟؟ وليس الاخوان المسلمين
| |
|
|
|
|
|
|
Re: باشمهندس بكري احظر اي داعم للانقلاب (Re: adil amin)
|
السلام عليكم دكتورة والمتداخلين أجمعين إلا داعمي الانقلاب أقول: لا ما يحظروا داعمي الانقلاب الأمبريالي الدموي البعيض يحظروهم شنو ؟؟ يحظروهم يعنى يدوهم قيمة واحتمال كبير الواحد من ديل يطلع من هنا يمشى منابر تانية يعمل نفسو جيفارا ويطالب بان يبنوا ليهو مزار واللا يجيبوا في التلفزيون ديل يخلوهم هنا يتخبطوا في الدناءة وسوء الطوية على أن يتم تعريتهم وردمهم وساءوا مصيرا الوطنيين هنا عندهم نفس الكيبورد وفيهو نفس الحروف وقادرين على الرد والجلد خلوهم يتساقطوا كما يتساقط صفق الشجر الأصفر المريض لينطبق عليهم المثل مرمى العساكر ما بترفع وإن عبد مليون بوت ألا لعنة الله والناس على من يدعم قتل الشعب السوداني بمباركة الانقلاب البغيض. ............. اعيش هذه الأيام ظروفا خاصة جدا تمنعنى من التواجد هنا بصفة مستمرة لذلك (قد) لا أعود اليوم والأيام التالية .. ولا اتمنى والله أن يتلب هنا انقلابي عشان يقل قيمتو وتبعا لذلك أدبو. قبل ما انسى أقول للمدعو المستجير الملقب ب (أبوبكر عباس) لو في زول بستحق الحظر فهو أنت ببوستاتك المهببة في الأيام المهببة دي .. الشعب في شنو وأنت في شنو ؟؟ قال هوملس قال.
| |
|
|
|
|
|
|
Re: باشمهندس بكري احظر اي داعم للانقلاب (Re: طلحة عبدالله)
|
الزميلة إخلاص
عساك بخير
لو كان قلتي: حظر أي داعم للعنف.. كلامك بيكون سليم
لكن.. بشأن تغيير هذه الوضع.. والله.. أقرب قرايبكم.. ح تلقوا منهم من يدعم تغيير الناس الفاتو ديل
بعض الناس اكتوت بالفقر والجوع وتشريد العيال من المدارس
الضيق الحاصل ده... ده مش كان من أسباب الثورة على البشير؟
مافي زول عاقل يدعم إزهاق الأرواح، سواء كان الميت مواطن أو عسكري.. وسواء كان مسلم أو غير مسلم
تحياتي
| |
|
|
|
|
|
|
Re: باشمهندس بكري احظر اي داعم للانقلاب (Re: اخلاص عبدالرحمن المشرف)
|
اهلاً الاستاذ عماد حسين ليس العنف فقط العنف والانقلاب علي المدنية. اخطأ الحكم مشهورة ومعروفة وتقاوم بفضحها والمسيرات والاحتجاج وليس بالاستعانة بالقوة العسكرية ، ما حدث في تقديري انقلاب.
البرهان وافق علي الشراكة سنتين . الان هذا انقلاب واستفراد بالسلطة كنت أظن ان تنظيم الاخوان قد اتعظ من تجربة البشير التي شقتهم و تركت الانتهازيين يتحكمون بتنظيمهم ولكن باين انا اخطأت في الحكم علي نزاهتهم
| |
|
|
|
|
|
|
Re: باشمهندس بكري احظر اي داعم للانقلاب (Re: اخلاص عبدالرحمن المشرف)
|
الأخت العزيزة زينب
Quote: حرية الرأى مكفولة للجميع ما عدا القتلة وداعميهم |
شاهدت مقاطع فيديو فيها بشاعات وفظائع تفوق أي وصف. هؤلاء الضحايا هم مواطنون مسالمون خرجوا للتعبير والمطالبة بحقهم في إدارة أمرهم وشأن بلدهم. لم يرتكبوا أي جرم سواء أنهم عبروا عن أنفسهم. الذي قتلهم برر جريمته بأن هؤلاء المواطنين المسالمين يشكلون خطر على الأمن وسيجرفون البلاد إلى منزلق و و و و و وغيرها من الترهات والإدعاءات السهلة.
هنالك فرق بين إبداء الرأي مهما كانت تفاهته ومهما كان خطله وبين التحريض على العنف والقتل. التحريض على القتل جريمة توجب العقوبة. إبداء الرأي حق يجب أن يكون مكفول للجميع. الحد الفاصل بين الإثنين دقيق جداً ويجب أن يراعي.
أتفهم دافعك ودوافع كل الذين مروا من هنا وأيدوا حظر داعمي الإنقلاب بدون التفريق ما بين إذا كان رأيهم مسالم أم فيه تحريض للعنف والقتل. ولكن الغايات النبيلة لا تبيح الوسائل التي تعارضها.
| |
|
|
|
|
|
|
|