|
Re: بصل خيار طماطم منقة لحوم مطلوبة اليوم من (Re: Osman Musa)
|
مالك علينا ياعثمان اللحمه البتتصدر محروم منها المواطن بسبب غلاء سعره جوا البلد والسبب الاساس التصدير فضل شنو تانى كان الحاجات اتصدرت فى ظروفنا دى معناها الشعب يموت بالجوع بعد غلاء المنتجات الزراعيه البتصدر (الزيت كان ماكفى البيت يحرم على الجيران) سلع زى دى تصديرها محتاج معادله وتوازن بين السوق المحلى والتصدير عشان مايتضرر المواطن
| |
|
|
|
|
|
|
Re: بصل خيار طماطم منقة لحوم مطلوبة اليوم من (Re: Asim Ali)
|
أخ عاصم لو فتح الصادر ح نكون احسن اقتصاد و ح يزيد الإنتاج . و تتدفق العملة الصعبة علي البلاد والله نحنا عايشين في جنة و ما عارفين . ياخ اليوم صفيح الطماطم بي اقل من دولار في الملجة . كرتون المنقة بي ما يعادل دولار و70 سنت .
| |
|
|
|
|
|
|
Re: بصل خيار طماطم منقة لحوم مطلوبة اليوم من (Re: احمد حمودى)
|
حبيبنا عثمان .. نعم السوق الخليجية فيها حوجة اليوم في سوق المزرعة في جدة مركز تجاري كيلو البصل 6 ريال كيلو الموز 6 ريال برتقال ابوصرة 8 ريال الخيار 7 ريال الطماطم 6 ريال كيلو السمسم الابيض 25 ريال كيلو الفول السوداني 18 ريال الشمام الكيلو 13 ريال ال البامية 22 ريال المانجو اليمني 12ريال نوع سييء الليمون الكيلو 15 ريال ( من فيتنام )
اليوم الاثنين الريال في السوق موازي = 37 جنيه ولاحظ قرب المسافة بين بورتسودان وجدة ( أقرب من الرياض ) تقريبا 350 كلم حتي لو بالطائرة مجزية ما معقول الموز من الاكوادور .. البصل من الهند .. وكذلك البامية والليمون من فيتنام ً الحبيب عثمان أنا عندي هواية يوميا أكون في السوق وأعرف الاسعار عشان زول تربال .. بقارن بانتاج حواشتي في البلد ..
ايام الكيزان المسئولين يجوا عمرة وحج وزيارة ( فقط في سوق العمم والجلاليب) وفرصة تباعد الكثير من دول الخليج من تركيا وسوريا انتهت
تحياتي الحبيب عثمان .. حقيقة نحن ما ناس شغل وانتاج ستات الشاي وكوتشينة وونسة وحفلات تكريم وتخريج حتى الكورونا في حلتنا في آخر الدنيا عاملين ليها دورات تدريبية وسترات الهلال الاحمر وتوقيع شراكات مع التأمين والزكاة .. .. تجمع وكاميرات وقناة الشمالية في محاربة الكورونا تخيل تجمعات للكورونا ..
حبيبنا عثمان .. فاضين في الحبس الانفرادي .. تنظير للاخر .. مودتي
| |
|
|
|
|
|
|
Re: بصل خيار طماطم منقة لحوم مطلوبة اليوم من (Re: علي عبدالوهاب عثمان)
|
أخونا ود عبدالوهاب سلام بلاي يا شيخ علي عان البصل علي ظهر الكويتية كارقو . بصل بنفسجي زي التفاح . وشوف البامية . عليك الله نحنا محتاجين لي كفيل ولي هجرة و لي جري . تعال انا عازمك شوال شمام . والله ما تاكل نص السواحل ما تزح من مكانك . عازمك شمام بس . اسبوع لونك ينقلب اصفر .
| |
|
|
|
|
|
|
|