|
Re: حمدوك يلتقي ببعض السودانيين خريجي جامعة ا (Re: Kostawi)
|
بداية غير موفقة.. too bad
الأخ كوستاوى، أرجو نشر أسماء أولائك الأشخاص المدعوون بصورة إنتقائية.. هذا رئيس وزرائنا و ليس رئيس وزراء أى فئة أخرى.
نريد أسماء الحضور و لملذا تمت دعوتهم بصورة خاصة.. و إن لم يتم ذلك فعندنا طرق أخرى لمعرفتهم. كما أرجو من الجالية و الصحافيين سؤاله عن هذا الحدث حين يجتمع بهم فى السادس من هذا الشهر.
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Abureesh)
|
رايح ليكم درب ذى ما قال دكتور منصور خالد وعبادة الطواطم والوثنية السياسية هي التي جعلتكم تختزلو في السودان في فلان وعلان وليس رؤية لا تموت رؤية الحركة الشعبية 2005-2010 وانتخابات 2010 غطت كل السودان وفشلا الفاشلين القاعدين في راسنا الان بالمحاصصة وعلم مايو ديل حمدوك اداة من ادوات البنك الدولي وقرود السيرك الخمسة في المنطقة قرود المشروع الامريكي الدمر العراق وسوريا واليمن وليبيا وكل ما تضعيو الزمن بتندمو يا ناس ق ح ت التي ضل سعيها في الحياة الدنيا بقينا في حمدوك مشا وحمدوك جا وحمدوك قال وحمدوك فعل شيل شيلتك يا كوستاوي مع ناس الطلس وحكامات حمدوك ناس الليدي غاغا صديق مهدي وكبر وبريمة وهلمجرا https://up.top4top.net/ ق ح ت لا تمثلني لانهم نسخة جديدة من بعاعيت مايو 1969
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Abureesh)
|
ليش بس جامعة الخرطوم!! وما الجديد الممكن يقدموه للسودان من دون اصحاب الوجعة من اللاجيئن، النازحين وباقي الشعب السوداني الكادح المتواجد بأمريكا ولا هذه النخب النرجسية خايفة من الغلبة المكيناكية للتلك الطبقة الكادحة من ان تكسحهم بالفكر وبالرأي وبالعلم وكمان بالمال بل في كل المجالات!! مش الأدخلوا السودان في هذا النفق الضيق هم ذاتهم خريجين هذة الجامعة!!
نحن السودانيين إن لم نغير الخراب البداخلنا لايمكن نحلم بتغير فعلي في السودان...!
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Mohamed Adam)
|
لغاية الانقلاب المشؤوم جامعة الخرطوم يدخلوها صفوة البلدة. كريمة الكريمة زاتها .. اشطر الطلبة النوابغ ...
باقى العفش يمشى معهد الكليات و جامعة الجزيرة و جامعة جوبا و باقى الكرته يمشو الفرع 🙂 ...
افضل الأطباء والمهندسين و المحامين هم خريجى جامعة الخرطوم.
لغاية جات الإنقاذ واختلط الحابل بالنابل...
بالله يا حمدوك ركز عليهم املنا فيهم خاصة بعد اكتسبوا خبرات فى أمريكا
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: النصرى أمين)
|
ديل خريجين جامعة الخرطوم يا زعيم جماعة عدم الشغلة علم القرد المشاط في البورد https://up.top4top.net/ و90% من اعفن الكيزان في مشروع الانقاذ والاخوان المسلمين خريجين كلية الطب جامعة الخرطوم والمشورة الشعبية رؤية الحركة الشعبية نمشي دارفور وكرفان واقليم الشرق والشمال والوسط نقابل البروفسرات ديل المهندس ادورب الاصلي ده يا حثالة المركز وادواتهم الرخيصة في الهامش ذى ناس حميدتي وحمدوك..لازلتو خدم قرود السيرك الامريكي الخمسة والامر في السودان يحتاج اعادة الاقاليم والفدرلية بس عشان تنزلو من راسنا ويرجع سودان وست منستر
https://up.top4top.net/ https://up.top4top.net/
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: أبوبكر عباس)
|
يا ابوبكر سمعت بالعشرة الأوائل للشهادة السودانية دخلوا جامعة الجزيرة ؟ كلهم تووووووووش حامعة الخرطوم
يا زول الخرطوم حديد فى حديد .. الجزيرة فعلا بقت تنافس واصبحت ند للخرطوم لكن ما بتلحق الجميلة و مستحيلة فخر الصناعة السودانية. غايتو انا بعترف ...امتحنا الشهادة سبعة مرات و مالحقيناها ... دى جامعة نوابغ السودان. جامعة الشطار ..المتفوقين ...العفاريت
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: النصرى أمين)
|
"الجزيرة فعلا بقت تنافس واصبحت ند للخرطوم لكن ما بتلحق الجميلة و مستحيلة فخر الصناعة السودانية."
جامعة الخرطوم فعلا عندها السبق و السمعة الدولية قبل الجزيرة.. و أكبر منها بما لا يقاس من حيث عدد الكليات و المناهج و المبانى و المساحات.. الخ. لكن ما يميز الجزيرة ان معاملها حديثة و لا يمكن مقارنتها بمعامل جامعة الخرطوم.. خصوصا الفيزياء و الهندسة. زمان شغلى كان فى جامعة الخرطوم لكن اسافر اسبوعيا للنشيشيبـة مخصوص عشان اشتغل فى بعض اجهزتهم المتخصصة التى لم تكن توجد فى كلية الهندسـة.
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: muntasir)
|
بعجالة أدناه جزء من طلاب جامعة الخرطوم لو فيهم خير للسودان!!
حسن عبدالله الترابي علي عثمان محمد طة عوض الجاز نافع علي نافع أمين حسن عمر غازي العتيباني مهدي إبراهيم الجميعابي بدرية سليمان محمد طة محمد أحمد عمار محمد آدم علي الحاج سبدرات مصطفي عثمان مجذوب الخليفة ... الخ.
إفتكر توافقني انهم دمروا السودان!!
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Kostawi)
|
كوستاوي عنوانك ماظريف ..الراجل قاعد ستة يوم واكيد عندو ترتيب للقاء الجالية ذي ماعمل في السعودية وحضر الي السفارة في الرياض كل من يريدالحضور وحتي المايك كان مفتوح لاي زول عندو موضوع حقيقي ..
التكتلات الذي دي ممكن الزول يعترض عليها اذا كانت تحت راية قبلية او دينية او حزبية خلاف ذلك الرئيس عندو الحق في انو يلتقي بمن يري انهم يخدمو المصلحة العامة . ..
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Kostawi)
|
Quote: حمدوك يلتقي ببعض السودانيين |
التبعيض لي شنو ؟ .. المفروض يكون لقاءه مع كل الدياسبورا .. لقاء جامع ومفتوح ومجدول من بدء الزيارة .. وكل من له تساؤل يجد إجابه شافيه .. يوم واحد وكم ساعة بترضي الكل شغل الانتقائية ما حبابو هو خالص ..
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: عمر نملة)
|
Quote: الراجل قاعد ستة يوم واكيد عندو ترتيب للقاء الجالية ذي ماعمل في السعودية وحضر الي السفارة في الرياض كل من يريدالحضور وحتي المايك كان مفتوح لاي زول عندو موضوع حقيقي ..
|
البتعملو فيهو ده والله ما صاح ، كانكم كيزان بدون ما تعرفو او توعو انتظروا ال6 يوم دي تخلص وبعدها باب النقد مفتوح ليكم ولي الكيزان ذاتهم
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Abdullah Idrees)
|
Quote: خالدة عباس رمزي الأولى على الشهادة الثانوية ١٩٨٣ من مدني الثانوية إختارت جامعة الجزيرة كلية الزراعة |
حسنا هي اختارت "قادر الله" لم تكن الأولى ولن تكون الأخيرة مثالا الأستاذ مصطفى سيد أحمد رغم تصدره الشهادة السودانية إلا أنه إختارأن يلتحق بكلية المعلمين العالي لظروفه على العموم لا مجال للشك في أن جامعة الخرطوم كانت معقل نوابغ السودان رغم ذلك وللأسف هنالك نسبة من فاقد أكاديمي معتبر..تلك النسبة ليست لمن إختاروا الجزيرة أو عدم الإلتحاق بالدراسة الجامعية بل لمن تسمح لهم ظروفهم غالبا ما هي عائلية
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: bakri abdalla)
|
اولا حمدوك ما عليه لوم, مجموعة نظّمت نفسها ووجهّت له دعوة واختارت توقيت لا يتعارض مع برنامجه ووافق ما في حاجة اسمها مفروض ولا بطيّخ زي ما خريجي جامعة الخرطوم منظمين ونظّموا الدعوة كان على من يرغب من التجمّعات الأخرى - إن كانت هناك تجمّعات - ان يوجه الدعوة و اكيد كان سيجد الاستجابة من حمدوك ومن ابراهيم البدوي قبله لكن يا كافي البلا لا عايزين يتحرّكوا لا يعملوا حاجة و البعملوا ما مرّيحينهم.
تاني كلام النصري دا من باب التدوير ما تنفعلوا ساي أبردوا شوية :)
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: محمد البشرى الخضر)
|
الاخ محمد البشرى الرئيس حمدوك له كامل الحق ليجتمع و لو بخريج واحد.. ما فى اى إختلاف. النقطة التى اتحدث عنها هى الشفافية .. و ليست الاجتماع بهذه القروب. كل اعمال السلطة التنفيذية يجب ان تكون تحت الشمس.. معلنة و معروفة للشعب. ابدا لا اشك فى حسن النوايا سواء من حمدوك او من أولئك الخريجين. و لكن و نحن تخطو أولى الخطوات نحو دولة المدنية والشفافية فى العمل العام.. فلا بد من ضبط الإجراءات و البرامج
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Abureesh)
|
يا ابو الريش مفهوم الشفافية لا ينطبق هنا, مجموعة ذات صفة محدّدة تجمعها وجّهت الدعوة لاجتماع بصقتهم المحدّدة دي, طبيعي ان تكون دعواهم وسط مجموعتهم ومن تنطبق عليه شروط وماوصفات المجموعة وبوسائل التواصل المتعارف عليها بينهم يعني حتى لو خريج الجامعة لكن ما متواصل معاهم او ما فعّال ما ح تعرف بالدعوة, ممكن تكون هناك عدم شفافية لو تم اخفاء الدعوة عن حتى اعضاء المجموعة الفاعلين نفسهم و اخيرا وهو الاهم مسألة عدم الشفافية حتى لو تجاوزنا عدم انطباقها هنا فهي لا تمس حمدوك و الوفد الرسمي, هم استجابوا للدعوة وليس لهم ان يعلنوا عنها, في حين اللقاء الرسمي الذي تنظمه السفارة تم الاعلان عنه قبل فترة كافية دي اعتبروها دكاكينية كدا, امنو امشوا العقد :)
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: محمد البشرى الخضر)
|
تعليق على حديث الاخ بكري عن التحاق كثير من المتفوقين بجامعات و معاهد أخرى بسبب الظروف, اولا تفاجأت بان الراحل مصطفى كان أول للشهادة دي معلومة جديدة ومصداقا لحديثك حكى لي والدي ان اولهم في وادي سيدنا اختار الدراسة بالمعهد الفني حينها لانه كان يدفع اعانة شهرية, وقد كان نابغة هم في الجامعة كانوا يستعينوا به ليشرح لهم, وتخرج قبلهم و عمل تصعيد و ماجستير وعين معيدا في الجامعة ثم محاضرا في الهندسة هذه القصص كثيرة جدا في رأيي تميز الجامعة لم يكن بسبب دخول المتفوقين واوائل الشهاد فقط بل لاسباب أخرى من ضمنها انها كانت الجامعة الوحيدة حينها و لطبيعتها
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: محمد البشرى الخضر)
|
يا ود البشرى باللاى ساعدنا بالتركيز ياخ انا ما ضد المجموعة تجتمع فى قروب الواتساب بتاعهم و يتناقشوا بياناتهم و يقرروا يقابلوا الرئيس. كلامى بعد قرار طلب الاجتماع و قبوله.. سكرتارية حمدوك مفروض تعلن عن الجتماع.. ما عشان ناس تانية تجى تطلب ان ينضموا.. و اكن من اجل معرفة الشعب بمن يجتمع الرئيس .. هذا ما أقصده بالشفافية.
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Abureesh)
|
من المعطيات ومن خشم حمدوك نفسه أنه ووفده وصلوا امريكا يوم الجمعة 29 نوفمبر. فهذا اللقاء والحضور الكبير نسبيا ومنهم من ولايات أخرى، لا يمكن أن يكون التنسيق للقاء حدث فى آخر لحظة. حجز القاعة لابد أن يتم فى أيام الأسبوع وليس عطلة نهاية الأسبوع (السبت والأحد). وصول الوفد الجمعة، لا يعط وقت كافى للإتصال والحصول على الموافقة وتحديد المواعيد ومن ثم حجز القاعة قبل نهاية دوام يوم الجمعة. وبعدها تقديم الدعوات الخاصة الإنتقائية لسكان بالمدينة ومن ولايات آخرى!!!؟
هذه مؤشرات أن الترتيب لهذا اللقاء تم قبل أيام أو أسايع وبتنسيق وموافقة مسبقة من رئيس الوزراء وهو بالخرطوم. والسفارة بواشنطون ليست طرفا فى التنسيق لأن اللقاء الذى نسقته يوم الجمعة القادم 6 ديسمبر (لقاء العامة)، ويبدو للتعمية والترضية بعد أن تسربت إرهاصات إجتماع معد للخاصة. الحضور تحت مظلة ما يسمى رابطة خريجى جامعة الخرطوم، ولكن هنالك جهة أخرى من (شلة حمدوك) شاركت إن لم تكن هى الأساس. الدعوة الخاصة لم تشمل عديد من خريجى جامعة الخرطوم من سكان واشنطون، كما ضمت عددا ممن لقبوا بناشطين من غير خريجى جامعة الخرطوم. الجدير بالذكر ليس كل الحضور من الخاصة فبعضهم مجرد كومبارس دعوتهم من أجل تكبير حجم الحضور وللتعمية والإرضاءات، مع الإقصاءات حسب الأهواء والحسابات. (والخاصة ليس يشترط أن يكونو خريجى جامعة الخرطوم).
حمدوك رجل دولة بل رئيس الحكومة مفروض ألا يتعامل بمفهوم الشلة والخاصة. الثوار أزاحوا عصابة كيزان التمكين كانت معاييرهم للمواطنة مسلم جيد (درجة أولى)، ومسلم غير جيد (درجة ثالتة) .. والثورة سيطرت على قيادتها الشلة التى تمارس التمكين ترشيحات وتعينات بمناصب الدولة السياسية والخدمة العامة .. إنها نفس معايير مواطن درجة أولى وثالثة الإختلاف حذفت من المعادلة (مسلم) .. وإنتقلت البلاد من تمكين عصابة كبرت نسبيا إلى تمكين الشلة التى تنمو تدريجيا.
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: نادر الفضلى)
|
"خير يا ابو الريش, طاشر سنة في سودانيز علّمتني متى يكون الغلاط لا طائل من وراؤه"
قاعدين نتناقش عادى.. هل حصل اتغالتنا فى اى معلومة.. ؟ ابدا
الشفافية تعنى الاعلان عن اى نشاط يقوم به الرئيس وسط السودانيين فى أمريكا .. يعنى كلام محدد و فى اطار معروف. اى مجموعة ممكن تطلب لقاء الرئيس و يقبل الطلب. و لكن يجب ان يعلن عن ذلك. الغلات وين هنا؟ انا زاتى 17 سنة علمتنى تمسك الناس بما يقولون حتى لو طارت العنزة.
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Hafiz Bashir)
|
Qاولا حمدوك ما عليه لوم, مجموعة نظّمت نفسها ووجهّت له دعوة واختارت توقيت لا يتعارض مع برنامجه ووافق ما في حاجة اسمها مفروض ولا بطيّخ زي ما خريجي جامعة الخرطوم منظمين ونظّموا الدعوة كان على من يرغب من التجمّعات الأخرى - إن كانت هناك تجمّعات - ان يوجه الدعوة و اكيد كان سيجد الاستجابة من حمدوك ومن ابراهيم البدوي قبله لكن يا كافي البلا لا عايزين يتحرّكوا لا يعملوا حاجة و البعملوا ما مرّيحينهم.Q -------------------------------
Bottom line .
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: مرتضي عبد الجليل)
|
"Qاولا حمدوك ما عليه لوم, مجموعة نظّمت نفسها ووجهّت له دعوة واختارت توقيت لا يتعارض مع برنامجه ووافق ما في حاجة اسمها مفروض ولا بطيّخ زي ما خريجي جامعة الخرطوم منظمين ونظّموا الدعوة كان على من يرغب من التجمّعات الأخرى "
يا اخوانا يا مرتضى الله يرضى عليك.. من قال لك أنه يريد الإجتماع بالرئيس؟ يا اخوانا اقراوا الكلام قبل التسرع بالرد بعدين سيادتك قلت bottom line معناها وافقك على النص الذى اوردته.. طيب النص يقول ان المجموع اخترت الوقت الذى يناسب برنامجه.. طيب كيف المجموعة عرفت برنامجه؟ أكيد عندك الإجاب لأنك نصصت الكلم و بصمت عليه موافقاً. ال bottom line الحقيقى هو الإتصالات بين المجموعة و سكرتارية حمدوك فى الخفاء.. و الموضوع دا زى قضية ترمب سوف نتابعه و ستتكشف الحقيقة. و مرة أخرى. هذه المجموعة إن شاء الله تجتمع مع الرئيس مليون مرة. ولكن موضوعنا هو الشفافية و ليس حق المجموعات فى لقاء الرئيس.. ناقشوا لب الموضوع و ليس لب البطيخ.
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Abureesh)
|
Quote: ال bottom line الحقيقى هو الإتصالات بين المجموعة و سكرتارية حمدوك فى الخفاء |
معليش ابو الريش ما رجعت للغلاط لكن عايز استفسر عن ما في المقتبس اعلاه! كيف الاتصالات تكون في الخفاء, ماهو الشكل الكان يجب ان تكون عليه حتى لا تعتبر "في الخفاء" عن طريق بوستات مفتوحة في صفحة رئيس الوزراء مثلا أم ماذا؟
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Abureesh)
|
Quote: شير شنو يا مولانا!! |
تكاليف رحلة حمدوك والوفد المرافق له دي الدفع حقها منو؟ والجواز السافر بيهو حمدوك دا مكتوب فيهو شنو؟ طالما قروش الرحلة دي مدفوعة من ميزانية الدولة وطالما حمدوك دا سافر كممثل لينا، يبقى من حقنا نعرف كل تفاصيل برنامج الزيارة مسبقاً.
إذا خريجين جامعة الخرطوم دايرين لقاءات دكاكينية يقدموا دعوة خاصة لحمدوك ويدفعوا تكاليف رحلتو ويسافر ليهم في زيارة خاصة ما بإسم الوظيفة البمثل من خلالها الدولة.
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Hafiz Bashir)
|
"إذا خريجين جامعة الخرطوم دايرين لقاءات دكاكينية يقدموا دعوة خاصة لحمدوك ويدفعوا تكاليف رحلتو ويسافر ليهم في زيارة خاصة ما بإسم الوظيفة البمثل من خلالها الدولة."
شخصيا ما عندى مشكلة لو أى مجموعة من السودانيين، سواء الخريجين او غيرهم، طلبت لقاء الرئيس لو كان الموضوع من أجل الهم العام .. موضوعى الوحيد هو الشفافية.
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Abureesh)
|
Quote: أعتبر كلمة الخفاء دى هى القشة و قول لى شكراً |
مشكور يا ابو الريش مع اني كنت اولريدي اتخارجت لكن ما مشكلة طيب كمل جميلك ووريني كيف كان ممكن تكون الاتصالات بشكل لا يطلق عليها "في الخفاء"
يا مولانا حافظ!! دي لياقة منك ساي يا خوي, جهز عمتك و شالك و امشي العقد بدري يوم ستة :)
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Kostawi)
|
أظن كفاية كدا...و ما داير أخت الوقفات الإحتجاجية أمام سفارة السودان و سفارات أخرى و حتى وزارة الخارجية المريكية . ما يسى بالإنقاذ خرب بيوتنا أنا أنت. طبعا شفتوا عدد السودانيين في الفيديوهات دي. طيب السؤال لو هم مرتاحين في الغربة دي، ليه طلعوا في الشوارع؟ عندنا في أمريكا آلاف من الذين عزبوا في بيوت الأشباح و رفدوا للصالح العام و لكن استطاع منهم الهروب لدول المهجر. و هنا السؤال الكبير: لماذا حكومة حمدوك و ابراهيم البدوي لم تضع Plan Program لتستقطب هؤلاء الثوار ....بدل مشروع الشللية؟ ليه جامعة الخرطوم الخرجت قوش و نافع و الإنقاذ...يعني لو تواصلوا مع هذا الجمع الكبير و تبرع كل منهم ب ١٠٠ دولار و كذلك في دول الخليج..و أروبا... مش كان سهلنا مسار الثورة؟ كتبتها بلغة بسيطة للأخرين ... و لكم كل التحايا... هجام
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: نادر الفضلى)
|
أنا في واشنطن كنت دائما اقول أن الكيزان مقدور عليهم تماما، في منطقة واشنطن الكبرى، ولكن مشكلتنا دائما مع العناصر الإنتهازية.
ومن الصور التي نشرت عن لقاء رئيس الوزراء مع يوكانا، ظهرت في الصور بعض العناصر الإنتهازية وبعض العناصر التي كانت تدعم وتساند نظام الإنقاذ الفاشي المجرم.
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: علي عبدالوهاب عثمان)
|
Quote: و هنا السؤال الكبير: لماذا حكومة حمدوك و ابراهيم البدوي لم تضع Plan Program لتستقطب هؤلاء الثوار ....بدل مشروع الشللية؟ ليه جامعة الخرطوم الخرجت قوش و نافع و الإنقاذ...يعني لو تواصلوا مع هذا الجمع الكبير و تبرع كل منهم ب ١٠٠ دولار و كذلك في دول الخليج..و أروبا... مش كان سهلنا مسار الثورة؟ |
السؤال ما منطقي يا كوستاوي أو على الأقل حشر ما اسميته "مشروع الشللية" كمقابل لاستقطاب هؤلاء الثوار! الوفد الرسمي اعلن عن مقابلة كل السودانيين يوم 6, الحريص على الثورة وما مشحود عليها ومستني دعوة باسمه يشيل مية دولاره براه ويمش اللقاء المعلن زي ما طلع المسيرات براه بدون دعوة خاصة ما يشتغل لقاء خاص و يعتبره شللية و سيؤثر على مسار الثورة و دعمها!
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: MOHAMMED ELSHEIKH)
|
Quote: الحبيب كوستاوي .. في نشرة الاخبار بالتفلزيون القومي ورد خبر بأن حمدوك عقد اجتماع مع خريجي جامعة الخرطوم من متخصصي الصحة والتعليم .. للاستفادة من خبراتهم |
الاخ علي عبد الوهاب عثمان.
طيب لماذا لم يحاولو الاجتماع بوزير التربية والتعليم ووزيرة التعليم العالي ووزير الصحة؟؟ حتى لو كان عن طريق الاسكايب، وده لو فعلا كان هنالك بينهم "خبرا" فعلا وأنا أشك في ذلك. القصة كلها صور وتصوير مع رئيس الوزراء يا عزيزي.
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: محمد البشرى الخضر)
|
عطفا على زيارة حمدوك الأخيرة لأمريكا فقد لاحظ الجميع أنه قام بمقابلة خريجي جامعة الخرطوم فقط وليس باقي الشعب السوداني بكل فئاتهم وألوان طيفهم المنتشرين في أمريكا ، العمال ، موزعي البيتزا، سائقي الشاحنات وغيرهم ممن ممن تأذوا من النظام السابق وضاقت بهم السبل ودفعهم النظام دفعاً للهجرة خارج الوطن ، ولكنهم لم ينسوا الوطن ولم يبخلوا بأي مجهود لنصرة الشعب والسودان في ثورته المجيدة بحراكهم وتجمعهم المهيب حول البيت الأبيض والسفارات والقنصليات مما أرعب النظام السابق وكان له صدى حول العالم بأسره .
نجاح الدولة ليس مقتصراً علي خريجي جامعة الخرطوم ، والا لكنا في مصاف دول العالم الأول منذ ان تحررنا من المستعمر وليس لنا في سلك العمل العام سوي خريجي جامعة الخرطوم وقليل من الجامعات الأخرى الموجودة ، نرجو أن ننأى بأنفسنا عن كل جهوية تزرع الفرقة بين الشعب السوداني الواحد الذي لولا توحده لما استطاع اقتلاع نظام جثم على صدورنا طوال ثلاثين عاماً .
لا يجدر بنا أن نعزو أي نجاح لخريجي جامعة الخرطوم فقط وبالتالي تمييزهم عن غيرهم فهي وبقية الجامعات وخريجي المنافي في دول المهجر العربية والغربية كلهم داعمين لسوداننا الجديد .
أنور الشغيل،
خريج جامعة الخرطوم
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: محمد البشرى الخضر)
|
زمن حمدوك يا محمد اكيد ما حيسمح بلقاء كل الكيانات بصورة منفردة يعنى خريجيين الفرع خريجين الجامعات المصرية وهلمجرا ممكن يطلبو لقاء الاحتكار هو الاستئثار بالوقت الاكثر ديمقراطية يكون لقاء مفتوح لكل ابناء السودان وزى ما كتب حمدوك مسافر على نفقه الدولة لو ناس جامعة الخرطوم عاوزين لقاء باسمهم يرسلو تذكرة لحمدوك وينزلوهو فى فندق
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: محمد البشرى الخضر)
|
زمن حمدوك يا محمد اكيد ما حيسمح بلقاء كل الكيانات بصورة منفردة يعنى خريجيين الفرع خريجين الجامعات المصرية وهلمجرا ممكن يطلبو لقاء الاحتكار هو الاستئثار بالوقت الاكثر ديمقراطية يكون لقاء مفتوح لكل ابناء السودان وزى ما كتب حمدوك مسافر على نفقه الدولة لو ناس جامعة الخرطوم عاوزين لقاء باسمهم يرسلو تذكرة لحمدوك وينزلوهو فى فندق
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: محمد البشرى الخضر)
|
Quote: حتكار دي يا محمد كأن خريجي الجامعة حجزوا كل زمن رئيس الوزراء المتاح و عملوا لقاءاتهم ولم يسمحوا لغيرهم بدعوته, وهذا ليس صحيحا بالطبع هم وجّهوا دعوة باسم كيانهم, بقية الكيانات اذا راغبة يمكنها توجيه دعوة و تنظيم لقاء, أمّا إذا منعوهم ناس الجامعة ممكن نقول احتكار |
ود البشرى الجميل علمت من بعض الأخوة الذين اتصلوا بإخوة لنا في أمريكا ، أن لقاء منظمة خريجي جامعة الخرظوم لمن يكن من ضمن أجندة الزيارة التي شد لها الرحال السيد / حمدوك وقد وجهوا له دعوة وهو هناك ولبى مشكورا الدعوة للقاء .. فما قام به هو عمل جيد يحمد عليه .
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: الهادي الشغيل)
|
Quote: وقد وجهوا له دعوة وهو هناك ولبى مشكورا الدعوة للقاء .. |
ايوة يا الشغيل القصة لا تعدو أكثر من دعوة ومبادرة وجهها جماعة ولم تلزم المدعو و تمنع غيرها من توجيه نفس الدعوة
يا محمد قصة جا بقروشنا دي ميتة ساي, و القصة ما فيها قرضمة - على الأقل في موضوع البوست - مجرد دعوة وجهتها جهة منظمة ولها قدرة على المبادرة, غيرها لديه الفرصة ليبادر لكن لم يفعل ما المشكلة هنا!
| |
|
|
|
|
|
|
Re: حمدوك يلتقي ببعض السودانيين خريجي جامعة ا (Re: Kostawi)
|
قبل قلليل إنتهى لقاء حمدوك مع (عموم) السودانيين تقريبا حوالى :08:45 مساء شاهد جزء منه منذ ما قبل بداية فتح باب الأسئلة ونوه المقد بأن يمكن توجيه الأسئلة لحمدوك أو أيا من الوزراء المرافقين له. أثناء الأسئلة نوه أنه تبقى 25 دقيقة وينتهى الزمن وأن حمدوك لديه إرتباط آخر ؟!!! وإنتى زمن الأسئلة ويبدو الصالة وخاطب حمدوك الحضور شاكرا وأن أسئلتهم و زمقترحاتهم ستفيدهم .. وقال ليهم نشوفكم فى السودان! وإنصرف ووفده .. لم يجاوب على أى سؤال
الفنانة البلبلة هادية طلسم فاجأت حمدوك قبل أن تسأل غنت له نور بيتنا .. شارع يتنا .. تجاوب معها الجمهور
أيضأص هنالك سيدة من معسكرات نازحى دارفور أيضأً تحدثت بحرقة عن أهلها النازحين .. كانت متميزة مثل هادية طلسم.
الخلاصة كانت ليلة تلتلة لمن ساقوا 12 ساعة من جورجيا ومن نورث كلورانيا وميتشجقان .. للم يتوقعوا اللقاء بهذه الطريقة والكلفتة.
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|