|
|
 Re: ذكريات اول رحلة (Re: عبدالمنعم الطيب حسن)
|
من بداية الجزيرة بدأ الموضوع لنا مثيرا وجديدا
القرى ممتدة على طول البصر وناسا حايمين
ومبتهجين
لم نتوقف في المسيد ولكن لفت نظري الكافتيريات الواسعة
الرحبة وكراسيها الكتيرة؛
انبهرت لم ارى كافتيريات واسعة هكذا في محطة الجيلي
بل ان المطاعم اصغر والحركة اقل
الان تغير الوضع واصبحت محطة الجيلي زحمة في ليلها والنهار
المسيد مسيد ود عيسى
محطة استراحة اذن في قلب الطريق
واصل ركبنا
السواق الراكبين معاهو اخبرنا ان محطة الوقوف هي الكاملين
توقفنا
ها هي الكاملين اذن
كافتيريات ارحب وكراسي كتار وناس كتار
وريحة الفول والشية والشاي المقنن؛
ودائما يا جماعة في المطاعم ومحلات العضة
الناس يتكون متحفزة
وضاحكة ومبسوطة للناس الضربت
والناس اللسا حا تاكل برضو متحفزة وتبلع في ريقا
وتتحرك وقد يغسل احدهم يده مرتين
كلما شما الريحة الشية بلع ريق وتحرك
بعيدا من الرهط فانتظار الطعام فيهو
رجفة خاصة للجوعى
لاحقا اكتشفت بعد كترة الاسفار ان الطعام من اهم
مطلوبات الرحلة
اذن الزوادة التي اخترعها اهلنا في السودان
تاتي من فراغ
بل تمت لحوجة المسافر للطعام
بل ان وجبة الطائرة لاحقا ب يلتهما المسافر لاخر
زيتونة
واعتقد ان وجبة الطيارة برضو تقدم لابعاد رجفة المسافر
وخوفو من الطيارة البطير في الهواء دا
اول مرة مشيت مصر والسعودية ورجعت السودان
صديق العمر خلف مشينا سوى بحري وذهبنا لمطعمنا المعلوم
مطعم الخيام في بحري طلبنا لحوم وكبد وافوال
وخلف عشرة العمر المهم هبشت هنا وهنا ومشيت غسلت ايدي وطلبت الخشاف
خلف استغرب جدا يازول مالك اوعى تكون حاسي بحاجة لا والله تمام
طيب دا شنو زمان كنت بتحب الطعام هسا
بقيت ما بتحب الطعام يا زول السعودية ما خطرة
جارنا فاطي سطر خفيف جاني الصباح
اول يوم لوصولي في الاجازة
عشة اختي تقدم لي كضيف شاي اللبن في كباية شب
ومعاه عصير برتقال متلج وجنبي ابريق مليان موية
صاحبنا جاء ازيك يا مغترب خبرك يا زول
مرحب وطوالي راح متفضل شرب الشاي الحار في نفس واحد
واعقبه بكباية عصيري شفطا وسط دهشتي وفي النهاية
شال الابريق وشرب مسافة
وتجا الابريق والتفت اليّ لاول مرة قائلا
سنة يا السعودية😂😂😂😂
تاخرت الطيارة في مطار الخرطوم ونحن انتظارا مرهقا ومملا
المهم اخيرا جاء من يعلن ان الطيارة جات
مسافر زهجان قال الطيران تجيها الهبوب
الحاجة الكبيرة في السن ردت
لا لا ياولدي ما تقول كدي الطيارة دي اكان جاتا الهبوب نحن ما انتهينا
ضربنا المشويات والفول وشربنا الشاي
وقعدنا ساعات في الكاملين حتى تخليت اننا ربما ننام
ولكن تنادى الرهط
وتداعى الرفاق
وتحرك ركبنا الميمون وقد هبط الظلام
وتمكن
فصرنا نرى اضواء قرى الجزيرة على امتداد الاسلفت
وكدة
|
|
 
|
|
|
|
|
| العنوان |
الكاتب |
Date |
| ذكريات اول رحلة | عبدالمنعم الطيب حسن | 11-04-19, 07:47 PM |
| Re: ذكريات اول رحلة | عبدالمنعم الطيب حسن | 11-04-19, 08:25 PM |
| Re: ذكريات اول رحلة | ياسر السر | 11-05-19, 10:20 AM |
| Re: ذكريات اول رحلة | Osman Musa | 11-05-19, 12:56 PM |
| Re: ذكريات اول رحلة | عبدالمنعم الطيب حسن | 11-06-19, 06:07 AM |
| Re: ذكريات اول رحلة | عبدالمنعم الطيب حسن | 11-05-19, 01:26 PM |
| Re: ذكريات اول رحلة | MOHAMMED ELSHEIKH | 11-05-19, 05:47 PM |
| Re: ذكريات اول رحلة | علاء سيداحمد | 11-05-19, 07:22 PM |
| Re: ذكريات اول رحلة | مرتضي عبد الجليل | 11-05-19, 08:33 PM |
| Re: ذكريات اول رحلة | Ahmed Yassin | 11-06-19, 05:44 AM |
| Re: ذكريات اول رحلة | عبدالمنعم الطيب حسن | 11-06-19, 06:21 AM |
| Re: ذكريات اول رحلة | محمد عبد الله الحسين | 11-06-19, 06:27 AM |
| Re: ذكريات اول رحلة | عبدالمنعم الطيب حسن | 11-06-19, 11:20 AM |
| Re: ذكريات اول رحلة | عبدالمنعم الطيب حسن | 11-06-19, 02:03 PM |
| Re: ذكريات اول رحلة | MOHAMMED ELSHEIKH | 11-06-19, 04:34 PM |
| Re: ذكريات اول رحلة | عبدالمنعم الطيب حسن | 11-07-19, 04:09 PM |
| Re: ذكريات اول رحلة | عبدالمنعم الطيب حسن | 11-07-19, 04:14 PM |
| Re: ذكريات اول رحلة | عبدالمنعم الطيب حسن | 11-07-19, 04:18 PM |
| Re: ذكريات اول رحلة | Ahmed Yassin | 11-08-19, 05:16 PM |
| Re: ذكريات اول رحلة | عبدالمنعم الطيب حسن | 11-08-19, 06:48 PM |
| Re: ذكريات اول رحلة | عبدالمنعم الطيب حسن | 11-09-19, 08:41 PM |
| Re: ذكريات اول رحلة | عبدالمنعم الطيب حسن | 11-10-19, 05:07 AM |
| Re: ذكريات اول رحلة | عبدالمنعم الطيب حسن | 11-11-19, 01:36 PM |
| Re: ذكريات اول رحلة | عبدالمنعم الطيب حسن | 11-12-19, 09:57 PM |
| Re: ذكريات اول رحلة | عبدالمنعم الطيب حسن | 11-14-19, 11:10 AM |
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالمنعم الطيب حسن
فيس بوك
تويتر
انستقرام
يوتيوب
بنتيريست