|
|
 Re: يوم المرأة العالمي: زرقا ، يا توب المرقة..!! (Re: Kabar)
|
ول ابا علي عثمان عبد الوهاب..حبابك يا صديقي
كتر خيرك على المرور..والملاحظات المهمة (قرأتها في الخيط الأصلي)..
فعلا توب الكرب كان منتشر ..وشفناهو في مجتمعات كردفان ودارفور..وكانت الخامة (توتال تقريبا) انعم بعض الشئ من خامة الدمور (الدمورية) التي يصنع منها توب الزراق..!
احكيك طرفة حدثت لي سنة 2015 حينما زرت الدلنج..كانت معي صور من اهلنا في كندا ، واهلنا في امسودان فاكرننا هناك قاعدين برانا..فلمن يشوفوا السودانيات والسودانيين بازيائهم التقليدية فتطمئن قلوبهم ..أي اننا لسنا وحدنا..المهم..
احدى الصديقات (اختنا العزيز استاذة بثينة تروس) ظاهرة في صورة مع المدام بالتوب الأبيض..اخواتي وقريباتي ،كلهن ربطة في خيت ، اتوقفن في هذا الملمح..وبدأن يسألن..اها قمت بكل براءة قلت ليهم: دي اختنا جمهورية..!
ياخي (اخت جمهورية) دي جهجهت ليك الجماهير جنس جهجة واحدة: دي قبيلة يعني؟..خشوم بيوتها شنو؟..وكان اكبر خطأ ان حاولت اخلق مدخل واسألهن: ما سمعتوا بالأستاذ محمود محمد طه؟..واحدة مفعوصة قالت: ده الزول المرتد داك؟..طبعا سبيت ليها بالإنجليزي وطنطنت وانا اقول ليها (بالإنجليز طبعا): هذا مدخل خاطئ وغير موفق..!..طبعا اهلك ناس الخلاء ديل يا علي عندهم فراسة عجيبة..فطوالي الجماعة فهموا انو انا زعلان وغضبان لدرجة انو الموضوع جاب ليهو انجليزي..!
اخي الأستاذ سليمان ، دخل في النقاش وبداها بصورة صحيحة وقال ليهم: زمان الممرضات والممرضين زيهم الرسمي أبيض ، وكذا المعلمات ، وكذا الموظفات..!
اها اختنا واحدة طوالي خشت شمال: ماشاء الله عندكم معلمات سودانيات في كندا؟..ضحكت وقلت ليها: بالحيل ، ولمن يمشن الشغل بيلبسن ابيض..!
فعلا يا صديقي توب الحزن كان ابيض..وقد قاربت النقطة دي في مساهمة سابقة (قبل كم سنة كده) وبتذكر وقتها استشهدت بقصيدة امل دنقل (اوراق الغرفة 8)والتي نبه فيه امل دنقل كيف: يكون توب الحزن اسود ، وفي نفس الوقت لون الموت ابيض (تاج الحكيمات ابيض ، لون الملاءات ابيض..الخ)؟
كتر خيرك يا ول ابا
كبر
|
|
  
|
|
|
|
|
| العنوان |
الكاتب |
Date |
| يوم المرأة العالمي: زرقا ، يا توب المرقة..!! | Kabar | 03-09-19, 08:17 AM |
| Re: يوم المرأة العالمي: زرقا ، يا توب المرقة..!! | Kabar | 03-09-19, 08:22 AM |
| Re: يوم المرأة العالمي: زرقا ، يا توب المرقة..!! | درديري كباشي | 03-09-19, 10:15 AM |
| Re: يوم المرأة العالمي: زرقا ، يا توب المرقة..!! | Mohamed Adam | 03-09-19, 11:05 AM |
| Re: يوم المرأة العالمي: زرقا ، يا توب المرقة..!! | Kabar | 03-17-19, 09:50 PM |
| Re: يوم المرأة العالمي: زرقا ، يا توب المرقة..!! | Kabar | 03-17-19, 10:20 PM |
| Re: يوم المرأة العالمي: زرقا ، يا توب المرقة..!! | Kabar | 03-17-19, 10:27 PM |
| Re: يوم المرأة العالمي: زرقا ، يا توب المرقة..!! | Amira Hussien | 03-18-19, 06:35 AM |
| Re: يوم المرأة العالمي: زرقا ، يا توب المرقة..!! | علي عبدالوهاب عثمان | 03-18-19, 08:28 AM |
| Re: يوم المرأة العالمي: زرقا ، يا توب المرقة..!! | Kabar | 03-20-19, 04:15 AM |
| Re: يوم المرأة العالمي: زرقا ، يا توب المرقة..!! | Kabar | 03-20-19, 04:17 AM |
|
تعليقات قراء سودانيزاونلاين دوت كم على هذا الموضوع:
at FaceBook
| |
Kabar
فيس بوك
تويتر
انستقرام
يوتيوب
بنتيريست