|
Re: ملطشة أرزل ألعمر يا بشبش ! لكن تستاهل (Re: abdalla elshaikh)
|
دار شنو يا أم الحسن ؟ زولكم دا حقو يجدعو في قفص جداد عشان يتابع عشق ألديكه مع الفروجات ! بشه دا و بعضمة لسانو قال~ كنت خاتي لي مية جنيه مصري في جيب بنطلوني ألخلفي ومسافر لمصر ! ولكن جوني الجماعه ديل وقالوا تعال أمسك البلد ! يا ريت يا بشه لو عملت طناش وسافرت سفرك ! ولكن قالوا ألشقي بيعتر ليهو بيضو !
| |
|
|
|
|
|
|
Re: ملطشة أرزل ألعمر يا بشبش ! لكن تستاهل (Re: abdalla elshaikh)
|
هسّع يا أم الحسن زولكم مُش كان أحسن ليهو لاهي ؟ أقلاها يجلس مع رؤساء في مقامه زي شارلس تيلور وآخرين ! ثمّ تانياً بكون إتحكم في قضيه شحمانه و عندها مقام ! غايتو يا أم الحسن زولكم دا بيذكرني بآدم ود أبو ضَقلْ ! فآدم دا شاب باسط الجسم ولكنه عاطل وعايش علي السرقه عشان يوفر حق عبّار المريسه ! وسرقته متواضعه جداً زي سرقت زولكم دا ! مرّه يسرق بيض أو جوز حمام أو يلفح ليهو جردل ! ألمهم دايماً بيتقدم لمحكمة القريه تحت شجرة سُنط ! وتنتهي القضيه بأُم كف من هنا ونبذه من هناك علي طريقة يا عيفه يا عبيط يا أفزر ؟ فتأتي والدته وتصرخ فيهو إنت متين تكبر يا آدم ؟
| |
|
|
|
|
|
|
Re: ملطشة أرزل ألعمر يا بشبش ! لكن تستاهل (Re: abdalla elshaikh)
|
وأما يودع في حبس منزلي ببيت عادي يتم خلاله متابعته بالمعالجيين الاجتماعيين
ياخ عليك الله هو قبل الثورة ماكان بلعلع ويعرض وكمان ناوى يترشح لى 2020 يا عجبى وهو ما يسأل نفسو كم سجن وكم ظلم وكم حكم بالاعدام فى حفنة من الدولارات. خلوهو ياخ ينهكر فى كوبرو دى وما تسووا للالم احترام.
| |
|
|
|
|
|
|
Re: ملطشة أرزل ألعمر يا بشبش ! لكن تستاهل (Re: على احمد النعيم)
|
Quote: فإما يتم بناء دار مخصصة وأما يودع في حبس منزلي ببيت عادي يتم خلاله متابعته بالمعالجيين الاجتماعيين |
البيت العادى في كافورى و لازم يكون بحوض سباحة و محل حصين لرياضة البولو عشان الرجل يحافظ علي لياقته.
________________ الاعتناء بكبار السن في مجتمعنا ضرورى
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|