Post: #1
Title: ملطشة أرزل ألعمر يا بشبش ! لكن تستاهل
Author: abdalla elshaikh
Date: 12-24-2019, 00:21 AM
11:21 PM December, 23 2019 سودانيز اون لاين
abdalla elshaikh-MEMPHISE-TN-USA
مكتبتى
رابط مختصر
الخرطوم :التغيير :سارة تاج السر – توقع عضو هيئة الدفاع عن الرئيس المعزول محمد الحسن الأمين، إلغاء قرار المحكمة القاضي بإيداع موكله عمر البشير، مؤسسة اصلاح إجتماعي لعدم وجود دور للمدانين في أحكام جنائية لكبار السن بهدف الاصلاح.
في وقت رجحت مصدر مسئول بالسلطة القضائية “للتغيير الالكترونية” نقل المدان إلى “عنبر” بسجن كوبر لقضاء المدة المحددة مع توفير اخصائيين وباحثين اجتماعين للقيام برعايته وتنفيذ برنامج التأهيل الاجتماعي الخاص به
و أكد رئيس النيابة الأعلى ياسر بخاري، أن السلطة القضائية وإدارة السجون هما من تتولى تنفيذ القرار، وقال “للتغيير” أن المحكمة تعلم أين ستودع البشير والا لما أصدرت القرار، مشيراً الى أن النيابة انقطعت صلتها بالمتهم بعد صدور قرار المحكمة باستثناء التحريات في البلاغات الجديدة المفتوحة ضد المتهم.
وأعلن الأمين “للتغيير الالكترونية” أن الدفاع سيستأنف لشطب القرار، خلال عشرة أيام إلى اسبوع كما توقع الغائه بناء على سابقة قضائية مشابهة، وقال ” لا يوجد بالسودان مؤسسات اصلاحية يودع فيها كبار السن المدانين في أحكام قضائية بلاعقوبات، حيث توجد دار رعاية للمسنين سواء كان مشردين أو ليس لديهم من يعولهم كما توجد دار لإصلاح الأطفال تحت سن 18عاما.
واكد الأمين وجود أشكال قانوني في تنفيذ قرار المحكمة فإما يتم بناء دار مخصصة وأما يودع في حبس منزلي ببيت عادي يتم خلاله متابعته بالمعالجيين الاجتماعيين، وأكد ثقته في براءة موكله وقال إن الدفاع سيستانف بعد استلامه حيثيات القرار اي خلال فترة تتراوح ما بين اسبوع إلى عشرة أيام وأضاف نحن نسعى لتبرئته
وفي ذات السياق أقر مصدر بالسلطة القضائية بعدم وجود دور اصلاح لكبار السن بالبلاد، لكنه توقع إيداع المخلوع في عنبر بسجن كوبر يتم من خلاله رعايته وإصلاحه اجتماعيا، وأشار إلى أن البشير أصبح نزيل وتتنطبق عليه لوائح السجون في ارتداء زي السجن، واعتبر المصدر أن محاكمة المخلوع إدانة أخلاقية لأنها مست رأس النظام ونفى أن يكون حكم المحكمة مخف وقال أن القاضي محكوم بنصوص القانون والبلاغات المدونة
|
Post: #2
Title: Re: ملطشة أرزل ألعمر يا بشبش ! لكن تستاهل
Author: abdalla elshaikh
Date: 12-24-2019, 00:52 AM
Parent: #1
دار شنو يا أم الحسن ؟ زولكم دا حقو يجدعو في قفص جداد عشان يتابع عشق ألديكه مع الفروجات !
بشه دا و بعضمة لسانو قال~ كنت خاتي لي مية جنيه مصري في جيب بنطلوني ألخلفي ومسافر لمصر ! ولكن جوني الجماعه ديل وقالوا تعال أمسك البلد !
يا ريت يا بشه لو عملت طناش وسافرت سفرك ! ولكن قالوا ألشقي بيعتر ليهو بيضو !
|
Post: #3
Title: Re: ملطشة أرزل ألعمر يا بشبش ! لكن تستاهل
Author: abdalla elshaikh
Date: 12-24-2019, 02:18 AM
Parent: #2
هسّع يا أم الحسن زولكم مُش كان أحسن ليهو لاهي ؟ أقلاها يجلس مع رؤساء في مقامه زي شارلس تيلور وآخرين ! ثمّ تانياً بكون إتحكم في قضيه شحمانه و عندها مقام !
غايتو يا أم الحسن زولكم دا بيذكرني بآدم ود أبو ضَقلْ ! فآدم دا شاب باسط الجسم ولكنه عاطل وعايش علي السرقه عشان يوفر حق عبّار المريسه ! وسرقته متواضعه جداً زي سرقت زولكم دا ! مرّه يسرق بيض أو جوز حمام أو يلفح ليهو جردل ! ألمهم دايماً بيتقدم لمحكمة القريه تحت شجرة سُنط ! وتنتهي القضيه بأُم كف من هنا ونبذه من هناك علي طريقة يا عيفه يا عبيط يا أفزر ؟ فتأتي والدته وتصرخ فيهو إنت متين تكبر يا آدم ؟
|
Post: #4
Title: Re: ملطشة أرزل ألعمر يا بشبش ! لكن تستاهل
Author: على احمد النعيم
Date: 12-24-2019, 07:18 AM
Parent: #3
وأما يودع في حبس منزلي ببيت عادي يتم خلاله متابعته بالمعالجيين الاجتماعيين
ياخ عليك الله هو قبل الثورة ماكان بلعلع ويعرض وكمان ناوى يترشح لى 2020 يا عجبى
وهو ما يسأل نفسو كم سجن وكم ظلم وكم حكم بالاعدام فى حفنة من الدولارات. خلوهو ياخ
ينهكر فى كوبرو دى وما تسووا للالم احترام.
|
Post: #5
Title: Re: ملطشة أرزل ألعمر يا بشبش ! لكن تستاهل
Author: Mahjob Abdalla
Date: 12-24-2019, 08:46 AM
Parent: #4
| Quote: فإما يتم بناء دار مخصصة وأما يودع في حبس منزلي ببيت عادي يتم خلاله متابعته بالمعالجيين الاجتماعيين |
البيت العادى في كافورى و لازم يكون بحوض سباحة و محل حصين لرياضة البولو عشان الرجل يحافظ علي لياقته.
________________
الاعتناء بكبار السن في مجتمعنا ضرورى
|
Post: #6
Title: Re: ملطشة أرزل ألعمر يا بشبش ! لكن تستاهل
Author: nour tawir
Date: 12-24-2019, 03:52 PM
Parent: #5
دا كوووولو لا يشفى غليل السودانيين..
تلك لم تكن محاكمة..
بل فضيحة قضائية دولية..
و الحاصل هسى معناه..
أن يوضع فى بيت بكامل الخدمات..
دا كل الموضوع..
|
|