|
|
 Re: يا أم أحمد دقي المحلب في توب أحمد (Re: ادريس خليفة علم الهدي)
|
حليلك ام احمد حضرت المهدية والجهادية الصادقة وخروج الاستعمار .. ويا لسخرية القدر ام احمد في يوبيلنا الذهبي للاستقلال عاد الينا الاستعمار مرة اخري امريكان في كل مكان وانجليز في كل زمان ونهايتها الافارقة كلهم حضور ام احمد بحجة حماية بلدنا من حالب الناقة وخاصة الناقة بقت تحلب بترول ام احمد بدل اللبن ... تصدقي يا ام احمد الله يطراك ويطري زمنك بالخير كل الامم بعد استقلالها كانت وما زالت تخاف من ان يعود اليها الاستعمار وبالطريقة الحديثة .. الاستعمار الاقتصادي فاذا نحن ام احمد يعود الينا بشحمه ولحمه ..البيض أبان عيون خدر والبيضة الاباها المهدي تصوري مستبيحين البلد شيتا عربات وشيتا طائرات يدخلوا ويمرقو علي كيفهم .. ما اصلو ابو سنون صفر اداهم الفرصة عشان يداري عمايلو ما اصلوا قطع البلد وضرب ناسا بعضهم ببعض ..فرق تسد .و شيتا جنجويد وشيتا مليشيات وشيتا كتر .. ما اصلوا الكلب ما عندو صليح وما بخلي الناس تتصالح .. والخواجات زنقو الكلب .. يا اخليهم يتصرفوا علي كيفهم يا يجيبو ليهم عربية الكلاب الضالة توديهم حته يا ام احمد اسمها محكمة الكلاب الضالة .. دي ما محكمة العمد الزمان دي جديدة بحاكمو فيها الكلاب السعرانة في كل العالم .
استعمار يا ام احمد بدون مهيرة بت عبود بدون قدير بدون الجزيرة أبا بدون شيكان دخول عديل بخسشم الباب مطار الخرطوم مقسم تلت تلتين .. تلت للخواجات يدخلوا ويخرجوا علي كيفهم ودا في قلب الخرطوم خليك لمن يمشوا لاصقاع بلادي علي كيفهم .. الله يستر .. والكلب اب سنون صفر ما كان عندو وقت للسيادة كان همه النهش والعضعيض والهوهوه في خلق الله ولمن الفاس وقع في الراس ولقي نفسه مزنوق بقي يفتش لي ناس احمد .. يا ناس احمد هوي ياناس الركائب الحقو البلد يا اهل القبلة والقبة يا ابواتي يا اهل الرايه تعالوا نوحد الكلمة ونصد الغزاة الكفرة الصليبيين .. يا ندامتك يا ام احمد الناس بقت ما بتصدق هجم النمر هجم النمر لانها كترت وللاسف البلد بتضيع اصلوا الخواجات نفسهم طويل كتخطيطهم طويل الامد وبنظرو للبعيدة .و أما ناس قريعتي راحت الناظرين تحت ارجلهم ضيعوا البلد وضيعونا معاهم دي نهايتها من كلب الحلة الي كلب الخواجات من اب سنون صفر الي اب عيونا خضر لا لون محدد لنا ..صرنا في الرمادي والرماد كال حماد .
|
|
 
|
|
|
|
|
| العنوان |
الكاتب |
Date |
| يا أم أحمد دقي المحلب في توب أحمد | ادريس خليفة علم الهدي | 02-13-06, 07:07 AM |
 Re: يا أم أحمد دقي المحلب في توب أحمد | يازولyazoalيازول | 02-13-06, 07:18 AM |
| Re: يا أم أحمد دقي المحلب في توب أحمد | ادريس خليفة علم الهدي | 02-13-06, 07:22 AM |
| Re: يا أم أحمد دقي المحلب في توب أحمد | ادريس خليفة علم الهدي | 02-13-06, 07:34 AM |
| Re: يا أم أحمد دقي المحلب في توب أحمد | ادريس خليفة علم الهدي | 02-13-06, 07:36 AM |
| Re: يا أم أحمد دقي المحلب في توب أحمد | ادريس خليفة علم الهدي | 02-17-06, 04:17 PM |
| Re: يا أم أحمد دقي المحلب في توب أحمد | ABDELMAGID ABDELMAGID | 02-20-06, 02:00 AM |
| Re: يا أم أحمد دقي المحلب في توب أحمد | ادريس خليفة علم الهدي | 02-21-06, 05:57 AM |
| Re: يا أم أحمد دقي المحلب في توب أحمد | bayan | 03-01-06, 00:20 AM |
| Re: يا أم أحمد دقي المحلب في توب أحمد | ادريس خليفة علم الهدي | 03-01-06, 04:10 AM |
| Re: يا أم أحمد دقي المحلب في توب أحمد | هشام هباني | 03-01-06, 10:44 AM |
| Re: يا أم أحمد دقي المحلب في توب أحمد | عماد الخير | 03-01-06, 12:38 PM |
| Re: يا أم أحمد دقي المحلب في توب أحمد | عماد الخير | 03-01-06, 12:38 PM |
| Re: يا أم أحمد دقي المحلب في توب أحمد | ادريس خليفة علم الهدي | 03-01-06, 01:05 PM |
| Re: يا أم أحمد دقي المحلب في توب أحمد | عماد الخير | 03-10-06, 05:29 PM |
| Re: يا أم أحمد دقي المحلب في توب أحمد | Adrob wad Elkhatib | 03-10-06, 08:45 PM |
| Re: يا أم أحمد دقي المحلب في توب أحمد | هشام هباني | 05-04-06, 10:06 AM |
|
| |
ادريس خليفة علم الهدي
فيس بوك
تويتر
انستقرام
يوتيوب
بنتيريست