|
يا جماعة منو الكان فيكم في فرع التوجيه المعنوي في السودان وهسع كايس اللجوء في امريكا؟؟
|
امبارح يا جماعة الخير وانا حلمان حلمة صعبة خلاص جو التاكسي بتاعي انو اشوف لي واحد ازاول لي في نومي وليدا نضيف وقيافة ولبيس شديد خلاص اخر منجهة و في الحلم قلبي اقول لي الوليد النضيف ده كان شغال في فرع التوجيه المعنوي ومن جماعات الشيخ الترابي واظنو كان شغال في التلفزيون ولا الاذاعة ولا الدفاع الشعبي والله ما عارف ما عارف ... اشوفو لاقاني هنا في امريكا .... وركب معاي في التاكسي السجمان بتاعي ده ... وشلتو من المطار بتاع دالاس .... وقال ماشي نص البلد ولمن عرف اني سوداني زولنا اتلبج شديد ولكنو اتروجل وسألني وقال لي يازول انت سوداني (لوترابي ولا لجوءابي )... فقلت ليهو: لجوءابي....فسالني وقالي لي يا زول اللجوء عندكم هنا بي كم ؟... قلت ليهو والله يا خوي علمي وعلمك انا زول جيت من بره البلد دي ولاجيء وكتر خيرو عمي كوفي عنان....قام الزول طوالي قال لي عمك يا كافر يا نجس .....العمي الاليس عيونك....قمت زعلت منو وطوالي دست ليك فرامل لمن زولنا ( امن) وقلت ليهو انزل هنا يا تيس .. في اللحظة ديك الحلمة انقطعت.... وانا الليلة من الصباح راسي جايط من الكابوس ده.... وقلت يا اخوانا كدي النشوف لي زولا شاطر وافسر لي الحلمة دي من اهلي ناس البورد واللهم اجعلو خير....
|
|
|
|
|
|
|
|
Re: يا جماعة منو الكان فيكم في فرع التوجيه المعنوي في السودان وهسع كايس اللجوء في امريكا؟؟ (Re: Bakhaf)
|
ود العم هشام مساك الله بالخير يا اخوى الحكاية شنو داير تتور عليك ( الهيم ) و ( الدعت ) و ( الأرضه ) التايمه من ترابها .. الناس الزى ديل كتار هنا .و لسانم ( اسن ) من المقص .. و فيهم من اصبح عضوا حتى فى ( المجلس الوطنى ) عينك يا تاجر و حلفوا القسم ( تب ) يعنى دقو ( غموس الإنقاذ ) ... و ده ما كلام ( بهيته ) لكن اكيده و شوف عين بالأمس فى نشرة تلفزيون الإنقاذ و الزول كمان الله اكرمك ( قريبنا ) و كمان ماخد لجوء و الله لحدى ما فركت عينى ( عز الضهر ) حتى اتأكد من انى لست فى حلم مما اشاهد على شاشة التلفزيون و السقوط ( المتوالى ) لأصنام ( التجمع ) و ( شلة أبو هاشم )....على بالأيمان زولك دق القسم الغموس لمن صلعتو ظهرت ...و ملعون ابوك بلد و تجمع و معارضة .... عبدالماجد
| |
|
|
|
|
|
|
|