ونسة عربات في الطرمبة

مرحبا Guest
اخر زيارك لك: 06-16-2024, 04:44 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2018م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
05-13-2018, 06:45 AM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ونسة عربات في الطرمبة

    06:45 AM May, 13 2018

    سودانيز اون لاين
    درديري كباشي-
    مكتبتى
    رابط مختصر

    صباح الخير.
    - أهلا سوناتا كيف أصبحتي
    - كيفك يا كامري انشاء الله نمتي كويس.
    - انوم كيف مع العوير دا الليل كله يدور فيني يقول الصف اتحرك وهو نحن واقفين في محلنا حتى حبيبة البنزين العندنا عاوز يكملها.
    - أنا غايتو زولي دا من الساعة واحدة رقد المقعد بتاعه وبقى هو يشخر وأنا اشخر لا هميه في صف اتحرك ولا شغال بالموضوع.
    - عفيت منه لكن ريحك وارتاح.
    - صباح الخير يا شابات.
    - أهلا أكسويا كيفك نعلك ما ساهرتي زي اختك دي؟
    - بري أنا وزولي دا من وقفنا في الصف وقفة واحدة بس خلاني ومشى وين ما عارفاه.
    - نعله ياهو داك بالتشمشم جمب عربات البنات داك.
    - بس ياهو ذاتو عينه طايره الله يازاه .
    - مالو عمل شنو .؟
    - ما عندو موضوع .. زي دا حقو زاتو ما يكبوا ليه بنزين ؟
    - ليه حرام عليك يعني عايزة تموتي بالعطش لغاية ما يجيك تصلب شرايين كمان براك عارفة قطع الغيار في البلد دي عاملة كيف. الا مستعملة تهري مصارينك هري.
    - كدي خليها يا سوناتا نعرف ليه هي قالت مفروض ما يكبوا ليه بنزين.
    - تعرفي يا خالتي كامري.
    - أجي يا خالتي كامري دي أنت قايلة نفسك أصغر مني بكتير؟؟ .
    - اهي هي هي هي آسفة والله ما قاصدة حاجة.
    - أها كملي كملي بهزر معاك ساي يمين أنا خالتك وحبوبتك كمان. كملي يا آكسنت .
    - الولد دا من يكبوا لينا بنزين يقلب الخرطوم دي بالحوامة لا يخلي بت ما يشاغلها ولا مرة كبيرة.
    - أجي هو ما متزوج ؟
    - يتزوج ويطلق مافي مرة بتتحمله الخفيف اللفيف دا .
    - هوي دا شنو كمان العجوز البغبر فينا دا ماشي وين ؟.
    - هوي دا عمنا هايلوكس 78 كبير العائلة الناس الصنعوه كلهم نزلوا معاشات واحد من أحفادهم هو الجمعنا في اليابان وسمعته يحكي عنهم تصدقي ناسنا كلهم ما مصدقينه عايش لغاية هسع .
    - أنتو تعالوا دا شنو البنزين الكبوا لينا قبل يومين دا ؟
    - مالو عمل ليك شنو ؟
    - عمل لي كتمة الليل كله أعطس يوم داك قربت انقلب في الكبرى كان ما الله ستر.
    - أنتو ما جيل البخاخات الحنكوشات ما متعودات على النوع دا ؟
    - ومال انتن شغالات كيف؟.
    - أنا زي عمي هايلوكس دا لسع عندنا بوبينا وشغالين بالكربريتر عشان كدا لو كبوا لينا حلومر نهضموا زي العجب.
    - بري والله انا قلت الناس ديل تقول كبوا لينا عصير بصل ؟
    - أهي هي هي الله يجازي محنك يا سوناتا قطعتي مصاريني بالضحك .
    - بالله يا كامري أنتي من جيل الكربريتر .
    - كيف ياخ والبوبينا كمان .
    - والبوبونا دي شنو كمان يا كامري ؟.
    - دا نظام قديم بيوزع نبضات الكهربا على شمعات الاحتراق والاسطوانات واسمه البوبينا ما بوبونا اللهو فيه البلوتين ما سمعتوا به كمان ؟.
    - سمعته عند حبوبتي زمان كانت تقول عندي وجع بلوتين عندي وجع بلوتين دايما لغاية ما ماتت.
    - انتو يا اكسنت وسوناتا صحي دبدوب دا أخوكم؟
    - آي أخونا لكن أمه سودانية اسمها جيان ولا جياد ما عارفاها. ماله معاك شاغلك ؟
    - يشاغلني شنو كمان عامل خلقته دي .
    - مالك شاماه كدا .
    - هي هي خلاص الصف اتحرك يلا انطمن يا عربات.. يا اكسنت.... زولك جاك ومعاه واحدة عازمها عليك اظنه .
    وينفجرن بالضحك من جديد.😂😂😂😂😂😂😂😂😂




















                  

العنوان الكاتب Date
ونسة عربات في الطرمبة درديري كباشي05-13-18, 06:45 AM
  Re: ونسة عربات في الطرمبة درديري كباشي05-13-18, 06:46 AM
    Re: ونسة عربات في الطرمبة درديري كباشي05-13-18, 03:25 PM
    Re: ونسة عربات في الطرمبة درديري كباشي05-13-18, 03:25 PM
      Re: ونسة عربات في الطرمبة درديري كباشي05-13-18, 04:38 PM
        Re: ونسة عربات في الطرمبة عوض جاه الرسول05-14-18, 07:27 AM
          Re: ونسة عربات في الطرمبة درديري كباشي05-15-18, 06:10 AM
  Re: ونسة عربات في الطرمبة تماضر الطاهر05-15-18, 08:18 AM
    Re: ونسة عربات في الطرمبة درديري كباشي05-15-18, 08:55 AM
      Re: ونسة عربات في الطرمبة تماضر الطاهر05-15-18, 09:49 AM
        Re: ونسة عربات في الطرمبة درديري كباشي05-16-18, 08:16 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de