|
Re: ملائكة المنبر (Re: عمر التاج)
|
عكسهم شواطين المنبر وهم مثل شياطين الجن البربطوهم في رمضان مواضيعهم بتفطر وبوستاتهم بتجرح الصيام عشان كده اما بربطوهم بي مداخلة يتيمة او يربطوا بوستاتهم بالطبل والطبل اكعب من القيد يعني اسه انا عندي مداخلة رد على موضوع وتعبت وجهزتو ولما رسلتو مشى في الفاضي اها اوديهو وين في رمضان ده؟
| |
|
|
|
|
|
|
Re: ملائكة المنبر (Re: عمر التاج)
|
جلجلنا حبابك وبما انو البوست ده مابتزورو الا الملائكة فاسمح لي اعطيك نوط الجدارة الملائكية واصنفك املك ملك في البورد والله صحي
| |
|
|
|
|
|
|
Re: ملائكة المنبر (Re: عمر التاج)
|
أها نجي للاسماء.. ونبدا باسماء الملائكة عشان نطير منو شياطين البورد عن البوست نمرة واحد : بكري ابوبكر .. صاحب القيد والطبل وبوجود اسمه تكون زارتنا البركة والروح. ٢- ٣- . . ٩٩- سارعوا بالحجز فالخانات محدودة.
| |
|
|
|
|
|
|
Re: ملائكة المنبر (Re: عمر التاج)
|
طبعا ياحفيظ المنبر متنوع ويضم كل انواع الملائكة وحتى ابليس البورد زاتو كان معانا قبل ما ينطرد من رحمة المنبر اها انت بالذات خانتك محفوظة في البوست وعشان خاطر نعمات حانمسكك رضوان المنبر تتويجا لجهود ونواياك الطيبة
| |
|
|
|
|
|
|
Re: ملائكة المنبر (Re: تماضر الطاهر)
|
الخيارات متوفرة ياتماضر لكن انت ما حاتطلعي صراط الخيارات معانا انت حاتزفك ملائكة البورد زفا نحو الريادة وده بفتح فرص جديدة لملكات البورد .. وشيطانات المنبر
| |
|
|
|
|
|
|
Re: ملائكة المنبر (Re: عبدالحفيظ ابوسن)
|
Quote: يا عمر اتا قايل الملايكة ديل في الجنة بس 😆😆😆 في خزنة الجحيم وبرضو ملايكة وملك الموت |
ياخ الزول دا لميض خلاص .... طواااااااااااااااااااالي هو مخالف صاحب البوست .... يدخل ليك صاحب البوست في أضافرينو ..... آمن بالله ...... شايفك ماشي على خطى الفقر .....
| |
|
|
|
|
|
|
Re: ملائكة المنبر (Re: تماضر الطاهر)
|
سلامات يا عمر شكلها فيها واسطات و تلج بالألواح ههههههههه:
Quote: الخيارات متوفرة ياتماضر لكن انت ما حاتطلعي صراط الخيارات معانا انت حاتزفك ملائكة البورد زفا نحو الريادة وده بفتح فرص جديدة لملكات البورد .. وشيطانات المنبر |
لا و الله تماضر تستاهل ..
| |
|
|
|
|
|
|
Re: ملائكة المنبر (Re: تماضر الطاهر)
|
Quote: في خزنة الجحيم وبرضو ملايكة وملك الموت
|
ماعشان كدة دخلنا معانا شفوت في الكشف ده وأمال بكري ده خش نمرة واحد كيفن مو ياهو ملك الموت ، البقبض الباسوورد وبنزع البوستات وبطبل حياتها وابوحسين بالانجليزي ده لو ما من خزنة جهنم كان خش معانا في خانة راموس مدريد كيفن؟
| |
|
|
|
|
|
|
Re: ملائكة المنبر (Re: عمر التاج)
|
معقولا ودو في الاعراف يعني عندو طريقة يغالت اهل الجنة واهل النار يا ابوالحسين الفقر دة منو 😆😆 ما يكون زولك داك 😆😆😆😆 ارجو مراجعة اللستة ماممكن جلال وودالمدير يكون مع صف الملايكة ياخ ديل بكونو مع الاعراف برضو تبع ودو قالوا يحسدون اهل النار علي الجحيم واهل الجنة علي النعيم وضعهم مقلق يعني 😆😆😆
| |
|
|
|
|
|
|
Re: ملائكة المنبر (Re: عمر التاج)
|
Quote: اها انت بالذات خانتك محفوظة في البوست وعشان خاطر نعمات حانمسكك رضوان المنبر تتويجا لجهود ونواياك الطيبة |
يا عبدالحفيظ، بركة الواحد الأحد، زي ما مرقت ملاك، أمرق انا سالمة من حكاية حطب و شيطانات 🙃 سلام عمر التاج، حصل شنو امبارح في المنبر؟ 🙃🙃
| |
|
|
|
|
|
|
Re: ملائكة المنبر (Re: نعمات عماد)
|
امبارح يا دكتورة كانت ليلة القدر في المنبر تنزلت فيها ملائكة الرحمة وصفدت فيها شياطين العذاب وجاء فاروق البورد (عمر التاج) وصديق البورد (بكري ابوبكر) وفرقنا بين الملائكة والشياطين ومابيتهما (شكرا حفيظ على استدراك المنطقة) وجاء المنافقون والمخلفون يحلفون انا كنا معكم .. وماهم معنا ولكن معنا الملائكة ، وما هم برجال فقط كم قال عبد الحفيظ، ولا بنات كما قالت الجاهلية ، بل هم ملائكة المنبر من رجال ونساء نسائهم نسمات وبسمات وفردوس ونعمات وتماضر ووضاحة ومنى ..الخ يكتبون بوستات الخير والحب والجمال، لا يعصون ولا يشتمون الناس. أما شيطاناتهم فهن قليل ، أغلبهن مربوطات في رمضان .. ولكن شياطين البورد ديل رغم اغلالهم فقد أصروا يلعبوها مربوطة ، وبحمد الله ربنا أنزل الطبلة والقفل والمفتاح رحمة بالعالمين .
| |
|
|
|
|
|
|
Re: ملائكة المنبر (Re: عمر التاج)
|
قوم يا ملاك والدنيا ليل ، طبعاً يا ملاكي لو يرضيك هلاكي
، رحماك يا ملاك
، كالملاك الحالم ، انت الملاك السامي
،
واغاني كتيرة بتخص الملايكة
،
عمر..خايفة يكون محسن خالد اتبين فيك
| |
|
|
|
|
|
|
Re: ملائكة المنبر (Re: عمر التاج)
|
Quote: التصنيف لو جاك بتشاكلي عديل
|
وحات شيخي القمز عارفك داير تقول شنو؟ وأمال بقوني أمين ملايكة البورد فوق شنو؟ إلا بس خليها في سرك أو بوست تاني .
| |
|
|
|
|
|
|
Re: ملائكة المنبر (Re: عمر التاج)
|
Quote: بمقطع من اغنية تماضر شيخ الدين (شفنا ملاك لابس بدن) .. |
يا ود انت حنكوش و نحن ما عارفين و ل شنو ... ؟؟؟؟ الكوت الفوق دا بدخلك في سقر ....... وحات شيخي (سيد عبدالعزيز) و حيرانه الاتنين(ميرغني المأمون و احمد حسن جمعة) .... طلعت اي كلام ......
| |
|
|
|
|
|
|
Re: ملائكة المنبر (Re: عمر دهب)
|
Quote: الكوت الفوق دا بدخلك في سقر |
يا ابو حسين يا اخي نحن عايزين نكبر الماعون انت ما سمعت بالبوست الجامع (ود عم الوعاء الجامع) أها نحن بوستنا ده دخل فيهو معاوية المدير الكوز ومعاوية الزبير الشيوعي وابو روضة زاتو راكب معانا نان بقت على تماضر شيخ الدين؟ الملائكة زاتم خشم بيوت.. اما الشواطين والابالسة والاشباح فهم ملة واحدة؟
| |
|
|
|
|
|
|
Re: ملائكة المنبر (Re: عمر التاج)
|
اهلين ود دهب .. كيفنك يا اخي
Quote: المستنير السابق بوستات الملائكه دى مابتخارج معاه غايتو الواحد مضامن ان العمرات كلهم ملائكه
|
المستنير السابق ده كان ملك معانا هنا الا انه رفض يسمع كلام بكري فاتسخط بتاع جمال وحمير اسه نحن بنمهلو تلاتة مداخلات .. وبعد داك بنحشرو مع بوب وعبد العظيم وكل من ساء سبيلا اما انت وكل أهلي واقاربي الحلوين في المنبر فلا خوف عليكم ولا أنتم تحزنون ..
| |
|
|
|
|
|
|
Re: ملائكة المنبر (Re: عمر التاج)
|
بعد ان ذكرنا أمثلة لملائكة البورد سنورد تباعا كشوفات بأسماء وصفات شواطين البورد وابالسته .. وخير ما نبدا به البوست عنصر النساء او ما يعرف بالشيطانات او الابليسيات وفي الحقيقة سنكتفي مع العنصر النسائي بذكر الصفات فقط دون الاسماء وذلك لان اسم المرأة عورة اذا لم تكن مع الملائكة .. اول شيطانتين في المنبر ده اختفن لفترة، واحدة تم توزيعها في بوردات اخرى تنشر وساويسها هناك بعد ان يئست من تضليل اي عضو هنا رغم قوتها وقهرها اما الثانية صديقتها فقد كانت لها بمثابة هامان لفرعون حتى اذا استيئست منها رجعت بمداخلات خجولة تمدح سيرة الشياطين.. هذا ما(جدر) ذكره بخصوص الشيطانات .. اما الشياطين فليستعدوا ويبلوا راسهم ساكت.
| |
|
|
|
|
|
|
Re: ملائكة المنبر (Re: عمر التاج)
|
شيطانات المنبر لا يقتصرن على الزميلتين المشار اليهما اعلاه فهناك ابليسات متخفيات حاليا، وهناك مغادرات .. واذا ضربنا مثلا بالمغادرات فهناك مثالين بارزين، الاولى هي (ص خ) التي سلمت الروح اقصد الباسورد طواعية، والثانية هي (م ع) والتي بانت شبحيتها بينونة كبرى فتم سحب عدتها ، قالت ايه : قالت ساكنة في قصر في منطقة كذا مربع كذا جوار معلم بارز اسمه كذا، قام واحد طلع بالصدفة من المنطقة، وبحسن نية مشى يزورها واكتشف ان البيوت الجنب المعلم داك كلها تحت التشييد .. يعني ماممكن يعيش فيها الا وطواط او شبح ، وبكده انتهت سيرة راحلة شغلت الناس كثيرا .. ولكنها عادت فيما بعد باسمها الحقيقي، وامال ايه مش قلنا بعاتية شيطانة ههه. اما الشواطين فالمداخلة القادمة ستكشف صفاتهم وطرق تخفيهم وكيفية دخولهم في الجسد ، اقصد جسد البورد طبعا، واهم من ذلك شكل بوستاتهم ومداخلاتهم ، فترقبوها.
| |
|
|
|
|
|
|
Re: ملائكة المنبر (Re: عمر التاج)
|
واحدة تم توزيعها في بوردات اخرى تنشر وساويسها هناك بعد ان يئست من تضليل اي عضو هنا رغم قوتها وقهرها اما الثانية صديقتها فقد كانت لها بمثابة هامان لفرعون حتى اذا استيئست منها رجعت بمداخلات خجولة تمدح سيرة الشياطين.. _____________________________________________
يا أخ عمر الملائكة ليسوا بالطعانين ولا باللمازين ولا بالهمازين بل يسبحون الليل والنهار ولا يفترون ويفعلون ما يأمرهم به الله سبحانه وتعالي
ونذكرك وأنفسنا بقوله تعالي: (ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزئون)
ومن يعظم شعائر اللّه فإنها من تقوى القلوب}
ورمضان كريم
| |
|
|
|
|
|
|
Re: ملائكة المنبر (Re: محمد محمد قاضي)
|
طعن شنو ولمز شنو يا محمد قاضي يا اخي اسه انت فهمت منو من الكوت الفوق ده؟ كدي خلي ست النفر تجي تحتج أولا وبعدين تعال أدعم وأشجب زي ما عايز وبعدين الملايكة الحقيقيين ديل مش فيهم البكتب الحسنات وبيرصد أقوال وأفعال الناس طيب عايز ملائكة البورد يكتبوا الحسنات ويمشوا ينوموا ، مالازم التوثيق يكون شامل وعادل والميزان يرصد كفة الحسنات وبجانبها السيئات عشان أصحابها يتحاسبوا أو يقبلوا النقد ويتوبوا .. وبعدين نحن لسه ما جبنا الأسماء لأننا بنتكلم مع من هن وراء حجاب ، أما بعد شوية فالقيامة بتقوم في الصالون وكل ابن أنثى بعرف مصيره.
| |
|
|
|
|
|
|
Re: ملائكة المنبر (Re: عمر التاج)
|
Quote: بلا ملائكة بلا شواطين بلا فوضى معاك يا زول
|
نرحب أولا بأولاد الصابئة في البوست ، صابئين شنو ؟ أول واحد ده أنكر وجود الملائكة والشياطين في المنبر عديل كده.. وعقبال ما يجي بتاع الخسوسية داك وينكر وجود بكري ابوبكر زاتو كدي يا بوب أبقى قدر كلامك، وانكرب شوف موقعك وين من جهنم البورد الفي الوصف ده: . . شيطان البورد تعرفه من:1/ شكله (إو شكل بروفايله) ، 2/ أو من طريقة مداخلاته في بوستات الآخرين ، 3/ أو من بوستاته التي يفتحها بنفسه: فأما بوستاته فتجدها مشحونة بالكراهية والمغالطات ، حروفها منفرة وايحاءاتها بذيئة طاردة للرحمة ، مواضيعها مشتتة ولا علاقة لها بواقع المجتمع ولا تخدم خط المنبر بتاتا ، قياداته للبوست شتراء عويرة ، تجده منحدرا بالبوست في الدقداق يصدم كل ما هو أمامه و يشلت ويكسر يمين ويسار ، مثير للغبار والدخان في بوستاته ، لا يطعم ركابه غير السباب والنبز ( من الممكن أن تحصي 99 نبزاية في أربعة مداخلات فقط) يقود بوستاته دائما للهاوية ، وفي النهاية لا يكتمل البوست ولا يفي بأي غرض بل يظل معلقا مغلقا بالضبة والمفتاح شاهدا على سوء خاتمة صاحبه.
. . في المداخلة القادمة -إذا الكوتة مانفذت وبكري معنانا مافي زول يغشنا- سنفصح عن الصفات الدنيا للشياطين ، 1/ شكله (إو شكل بروفايله) ، 2/ طريقة مداخلاته في بوستات الآخرين.
| |
|
|
|
|
|
|
Re: ملائكة المنبر (Re: Kostawi)
|
شكرا يا كوستاوي على ربط ملائكتنا الجميلة بملائكة ناس بره و(ربط) تجربة شواطيننا بشواطين مصر ، بس نحن هنا بنربط الراجل من كيبورده والشيطان بنربطو من ضنبو في كراع المنبر وكمان بنحب ونصنف من بوردات بلدنا بس انت أشر وقول عايز تعرف منو ونحن نجيب لك تصنيفه هنا قبل أن يرتد اليك كيبوردك وتحياتي يا جميل.
| |
|
|
|
|
|
|
Re: ملائكة المنبر (Re: عمر التاج)
|
و الله يا عمر التاج بوستك ده فكرته حلوة و فيها شغل و إبداع كمان ..هههههههه .Quote: بس نحن هنا بنربط الراجل من كيبورده والشيطان بنربطو من ضنبو في كراع المنبر وكمان بنحب ونصنف من بوردات بلدنا بس انت أشر وقول عايز تعرف منو ونحن نجيب لك تصنيفه هنا قبل أن يرتد اليك كيبوردك |
فكرتك ذكرتني الكوميديا الالهية بتاعة المعري.. واصل يا جميل
| |
|
|
|
|
|
|
Re: ملائكة المنبر (Re: عبدالحفيظ ابوسن)
|
...يا همرة أو دخل العضم ما عارف ياتو فيهم..ههههههه ما شاء الله عليك كلامك صاح يا ابوسن. لاحظت ليك كمان عندك اهتمام كبير بالشعر ..زعيون الشعر كمان تحياتي
| |
|
|
|
|
|
|
Re: ملائكة المنبر (Re: محمد عبد الله الحسين)
|
دخلنا البوست نقدم رجل ونؤخر رجل وخايفة القى نفسي في لستة الشياطين...ولكن طلعت سليمة والحمد لله .... وانا متأكدة ان إحدى ملائكة المنبر هي د. وضاحة .. ودمت بالف خير وصحة وعافية
| |
|
|
|
|
|
|
Re: ملائكة المنبر (Re: معاوية المدير)
|
Quote: فكرتك ذكرتني الكوميديا الالهية
|
ياها الكوميديا الإلهية زاتها يا اخ محمد بس دي النسخة الإسلامية المنزلة على هذا المنبر الاختلاف الوحيد ان الامر الملائكة هنا بشر واقعيين وليس تخيليين أما الجن هنا فشواطين الانس وأبالسة المنبر وأشباح الكتاب ، وليسوا بشياطين جهنم أو سقر
| |
|
|
|
|
|
|
Re: ملائكة المنبر (Re: عمر التاج)
|
Quote: دخلنا البوست نقدم رجل ونؤخر رجل وخايفة القى نفسي في لستة الشياطين...ولكن طلعت سليمة والحمد لله
|
واحد سألني في الخاص قال لي: انت قلت نسمات وبسمات، نسمات دي منو؟ قلت له دي أميرة الأميرات الغائبة ، تا الله أفتأ أذكرها حتى تعود الى المنبر او أغيب عنه. بالله بلغيها مني السلام يا بسمة والحمد لله المنبر لن يؤتى من قبلكن ، فصبايا الشيطانات هنا أضعف ناصرا وأقل عددا المشكلة في الشواطين والمردة والابالسة والأشباح ما زال في المنبر من يعبدهم من الرجال والصبيان.
| |
|
|
|
|
|
|
Re: ملائكة المنبر (Re: Nasser Amin)
|
سلامات ياناصر .. تصوم وتفطر بخير يا اخي
Quote: ابليس الكبير اخد اجازة. |
هو في الحقيقة ماقاعد ياجز بتاتا .. لكن لما يسمع اذان المنبر تلقاه يجفل وله ضراط وفي بعض الاحيان بيطوف على اولادو وبناتو واشباحو في منابر اخرى ياخد تقارير الوساويس والخنانيس، ويشوف عياله كم شخص اضلوا، وكم جماعة فتنوا، وكم منبر خربوا.. وفي النهاية يجي يقيل ويبول في المنبر ده ياها الحيل وياها التكاتيك الشغال بيها منذ ان أنزل باسورده من سماء هذا المنبر واعيد اليه. . . الا بالحق كلامك الاخير ده صحيح تماما..
Quote: تعرف يا ود التاج لمن كان بروفايلك فيهو القمريتين ديلك كنتا بفتش بوستاتك اول حاجة... باقي لي اتا الاتشوطنت |
فعلا كنت مسكين وطيب الا للاسف عاشرت الاشباح عشرين يوما فعلومني الشعتنة ولكن اعاهد نفسي ان اعود لعهد الحمامة .. وديع مغرد اكمل باقي حكاياتي وارجع لبوستاتي الحنينة وحتى بروفايلي البشبه الفراشة ده اتشوطن، سطروني بالفوضى الماسونيون والاشباح ويل لهم من فكاك قريب. الا يا اخ ناصر يا اخوي انت ... زمان كان في المنبر شياطين؟
| |
|
|
|
|
|
|
Re: ملائكة المنبر (Re: عمر التاج)
|
ازيك يامديرنا ياجميل
Quote: وحاتك بعد تعفيره وطأناه بالسنابك والحوافِر والمناسم حتي خرج لسانه من دُبرِهِ .. |
لسه راجياه تلاتة جمرات قبل ما ننزل عليه وعلى اعوانه سورة الشياطون.. جمرة العقبة الصغرى والوسطى حاتكون ايام تشريق البوست اما الجمرة الكبرى الله اعلم ينتظرها متشبح .
| |
|
|
|
|
|
|
Re: ملائكة المنبر (Re: عمر التاج)
|
... نيابة ... عن نفسى و ... اصالة ... عن المعاويتين مدير و زبير اطالب بسحب اسماءنا و اضافة القمم الملائكية مولانا الملك على عبد الوهاب حامد الصاوى و يندرج نفس هذا الامر على اخونا المشرّف و وضع اسم الملاك القديس سنارى اما بالنسبة لى جوز اللوز ابو حسين و ودّو شيل الكرور ياخى عاوز تعكنن على الملايكة كمان يبقى ملوكيتك مافى داعى ليها بعدين طلحة ده شوف ليهو اى حاجة ان شالله مساعد ملاك بشاشة ما عارف وضعو شنو لكن ممكن تختو مع دينق لامن نلقى ليهم صرفة و كويس انو المسلمى اخوان براهم قاعدين جمب بعض --- عووضة و ود البوش ديل ختهم فى زريبة براهم و معاهم راعيهم هيثم
| |
|
|
|
|
|
|
Re: ملائكة المنبر (Re: جلالدونا)
|
يا جلال مرحب بيك يا أخي ملك أصيل من ملائكة البورد ومرحب بي جماعتك المحترمين ، وكان ماشالتهم اللستة تشيلهم الملائكة الباب طبعا واسع جدا ، وملائكة البورد كثر لا يعلم عددهم إلا الله ولا يسع البوست لحصرهم ولكننا ذكرنا فقط بالعشرة المبشرين ، وأتبعناهم الخمسة المبشرات واردفناهم الأربعة الموكلين بشؤون المنبر وعضويته ، وسنأتي فيما بعد على السابقين السابقين وأهل بدر والمؤلفة باسوورداتهم أما جوز اللوز ديك فأنا شايف أحسن نخليهم في خانتهم ممكن نحتاج ليهم في عكة ولا كبسيبه لاقدر الله وما تنسى أنه خزنة جهنم، والبضربوا الرقاب والبنان ديك زاتهم من الملائكة أما طلحة ودينق وبشاشا وأشباههم ممكن نختهم مع أشبال الملائكة وإذا أداءهم ما عجبنا مايتصعدوا .. عادي ننتظر موسم فك التسجيلات ونهديهم سبل الرشاد وان كنت أشك انو فيهم واحد كده عنده مبادي قرون. عووضة وود البوش وأشياعهم ديل خانتهم محفوظة .. مش في جماعة بجوا للناس الجداد في المنبر ويسألوهم: من ضهرك؟ من رشحك ؟ من زكاك ؟ وما تنسى ، خانة منكر ونكير البورد لسه شاغرة يلا بعد ده حقو نجي لصفات الشيطان والشبح وشكل بروفايله ..
| |
|
|
|
|
|
|
Re: ملائكة المنبر (Re: عمر التاج)
|
في واحد قاعد ينطنط بره البوست، وحالو مو عاجبني الأيام ديل شكله عايز يدعو الى دين جديد يحث على الفسق وال################ة، فماذا نحن فاعلون؟ - نمنحه فرصة أخيرة وان لم يتب، نلصق فيه صفة مسيلمة المنبر . . . قبل الانفجار .. لا ننسى تحية ملاك المنبر الفني، أونا قباني قدس الله سره فالمنبر يحتاج إلى كل أصناف الابداع حتى تسكنه الرحمة وتغشاه السكينة.
| |
|
|
|
|
|
|
Re: ملائكة المنبر (Re: عمر التاج)
|
بعد اعوذ بالله من الشيطان الرجيم بسم الله الواحد الاحد الفرد الصمد نجد ان أول صفة للشيطان المنبري أو الشبح هي انه بيظهر فجأة ويكتب فجأة يهرب فجأة مرات يختفي ستة شهور ويتفك فجأة من الجرة لسانه زفر وكلامه مستفز، اذا قال تجد كل الناس تتعوذ من كلامه غتيت، تلقاهو يوسوس لك بي مقدمة وفجاة يدخل في موضوع تاني ماعنده امان ، اليوم يشكرك ، وممكن في المداخلة الجاية يقلب عليك مجهول الهوية، طبعا لانه بعيش في الكوش ومابخلي زول يشوفه ابدا حتى صاحبه لو عايز يتمثله بجدع ليهو ايميل او عنوان فيس صوفت مافي زول ولا شيطان شافو قبل كده، ومستحيل يظهر في تجمعات الناس بروفايلو ثابت ٢٤ سنة، مابقدر يغيروا عشان مايتكشف وينكشف حالو متكبر، مغرور، غالاط ، معتد بارائه ، يمشي في المنابر غلاطا ومرحا، حقود ، حسود خاصة لاصحاب الالقاب والشهادات مستعد يسفه اي مخلوق في مجاله، و ممكن يسفه بكري زاتو في منبره عشان كده بكري غضبان منو على طول يشيل ويحذف بوستاته مبذر في مداخلاته كثير الكلام، المداخلة الواحدة مابتنقص عن الصفحة.. وبكره نواصل باذن الله صفات الشبح الشخصية، ماذا يأكل وعلى ماذا يتفذى وماهي نماذج ألفاظه وماهي التسع المنجيات منه.
| |
|
|
|
|
|
|
Re: ملائكة المنبر (Re: عمر التاج)
|
عمر التاج كيفنك؟ شايف في شفاعات و استنافات ؟؟ برضه في اعتراضات ؟
Quote: نيابة ... عن نفسى و ... اصالة ... عن المعاويتين مدير و زبير اطالب بسحب اسماءنا و اضافة القمم الملائكية مولانا الملك على عبد الوهاب حامد الصاوى |
...
يعني الترشيح ما نهائي..؟ بعدين في اوصاف و ألقاب و كل الشياطين واحدة: يعني في إبليس و كبير الشواطين و مردة؟؟و لا كلهم قبيلة.. بعدين شايف قائمة الملائكة من الإناث حزمة واحدة ون بكيتش...ما بتتفرتق؟ ما بتتهبش؟
| |
|
|
|
|
|
|
Re: ملائكة المنبر (Re: محمد عبد الله الحسين)
|
لا الترشيح نهائي يا اخ محمد بس صفحة الكشف بتتجدد تلقائيا كل 24 ساعة ومداخلات البورداب بين شد وجذب يصبح البوردابي شبحا ويمسي ملكا والعكس ما صحيح، يعني التصنيف حسب الحالة بس في ناس مابيدخلوا ولو تعلقوا باستار المنبر
| |
|
|
|
|
|
|
Re: ملائكة المنبر (Re: امير بوب)
|
ذكرتني يابوب بنكتة الجنوبي لما قال: كديسة راسا في بورتسودان وضنبا في الخرطوم اذا عفصو ضنبا بتقول ناو وين؟ اسه جماعتك ديل يعفصوهم هنا يقولوا ناو بي هناك
| |
|
|
|
|
|
|
Re: ملائكة المنبر (Re: عمر التاج)
|
انت يا عمر التاج ما دام بقيت تصنف الناس ملائكة و شواطين إعتبرني أنا من حٓمٓلة العرش ! عرش المنبر طبعاً 😂 عشان كدا أي بوست ليك يحاول يغتس و عندي فيه مصلحة ياني الرافعو و مثبّتو ! كل ما تجي تفرفر في البوست دا ، نديك عفصة تخليك تقول ناو في البوست داك !
| |
|
|
|
|
|
|
Re: ملائكة المنبر (Re: امير بوب)
|
Quote: عشان كدا أي بوست ليك يحاول يغتس و عندي فيه مصلحة ياني الرافعو و مثبّتو ! كل ما تجي تفرفر في البوست دا ، نديك عفصة تخليك تقول ناو في البوست داك ! |
😂 روح شريرة..خليك ملاك
| |
|
|
|
|
|
|
Re: ملائكة المنبر (Re: Nasser Amin)
|
هههههها يا بوب لكن لقيتك فقري وبتنوم بدري
عملا بوصية استاذنا وحبيبنا وصديقنا الحاتم بنانا أحب طرفو الكحيل عملا بوصيته ان نردم الفلول نحن الان نعفص بس البوست دا الفليلة وليلة تقول ناو بهناك وبهنا الواضح ان الفلول تردم نفسها براها وشعارها ورونا الردم واقعدوا فراجا ........... الفليلة بهناك كلما يجي يسدها تتوسع زيادة ماعاوز اكتب المثل زي ماهو خايف يكون فهمو للأمثال دي فهمو للجغرافيا والبرنامج المباشر والمعاد ............ الضرب على الميت حرام يا حبة عيني نصحناك من ايّام الجغرافيا البتموت فيها واطقطقتا فيها والشمش حية وخط مية غرب ما أقاطع خط الاستواء بعد نصحناك بان تتوقف عن الكتابة شوية وتعيد حساباتك زعلت وكبرت رأسك وكلم يوم فالقنا ببوستين تلاتة كلها وهم في وهم ............. بالله سؤال انت بتلقى الزمن وين المجابدة دي كلها؟ .......... تعيش وتاخذ زيها تاني ومتلت وهاك العفصة دي حقوق العفصة محفوظة لحبيبنا امير بوب ...........
| |
|
|
|
|
|
|
Re: ملائكة المنبر (Re: Nasser Amin)
|
هههههها يا بوب لكن لقيتك فقري وبتنوم بدري
عملا بوصية استاذنا وحبيبنا وصديقنا الحاتم بنانا أحب طرفو الكحيل عملا بوصيته ان نردم الفلول نحن الان نعفص بس البوست دا الفليلة وليلة تقول ناو بهناك وبهنا الواضح ان الفلول تردم نفسها براها وشعارها ورونا الردم واقعدوا فراجا ........... الفليلة بهناك كلما يجي يسدها تتوسع زيادة ماعاوز اكتب المثل زي ماهو خايف يكون فهمو للأمثال دي فهمو للجغرافيا والبرنامج المباشر والمعاد ............ الضرب على الميت حرام يا حبة عيني نصحناك من ايّام الجغرافيا البتموت فيها واطقطقتا فيها والشمش حية وخط مية غرب ما أقاطع خط الاستواء بعد نصحناك بان تتوقف عن الكتابة شوية وتعيد حساباتك زعلت وكبرت رأسك وكلم يوم فالقنا ببوستين تلاتة كلها وهم في وهم ............. بالله سؤال انت بتلقى الزمن وين المجابدة دي كلها؟ .......... تعيش وتاخذ زيها تاني ومتلت وهاك العفصة دي حقوق العفصة محفوظة لحبيبنا امير بوب ...........
| |
|
|
|
|
|
|
Re: ملائكة المنبر (Re: Nasser Amin)
|
حملة العرش دي حاليا غير متوفرة فيك يا بوب إلا اللهم عرش الأشباح .. ولكن باب التوبة في المنبر مفتوحة ، والدعوة ممتدة لك وناصر فإذا اهتديت وكللناك لنفخ الصور في المنبر عند نهايته وزوجناك غفيرة البورد إن هي وافقت
| |
|
|
|
|
|
|
Re: ملائكة المنبر (Re: امير بوب)
|
سلام ود التاج العرش على الماء داك خليتوا لى منوا ..... استغفرك يا مالك روحى .... يا رب لا تمحنا ولا تبتلينا .... قادر الله مخير ومخبر الله .
| |
|
|
|
|
|
|
Re: ملائكة المنبر (Re: Hafiz Bashir)
|
سحبو شنو يا مولانا
وحاتك دا قطع رقبتو عدييييل
والله ملايكة المنبر البنقلو اخبار السماء
اب سوري اخبار الواتساب ديل حالتهم صعبة
يا ود التاج انا ما عندي مانع ابقى مالك
على الاقل الواحد يشوف اللستة من بدري
| |
|
|
|
|
|
|
Re: ملائكة المنبر (Re: Haytham Ghaly)
|
سلامات ملاكي ود أبو سن
Quote: الون تو تعبان مافي تمريرات حلوة
|
الملائكة لا تحتاج مساعدة، فهي مأمورة لتعمل قدر الرب في الناس تجدني في هذا البوست أعمل بشكل مكشوف بلا ون ولا تو لأن هذه طبيعتي لا ألجأ لاسلوب المواصلات والاتصالات إلا للأعالي أما الأشباح فهي كالعادة تلمها التكتيكات وتفرقها الحقائق ومكان بهناك مجرد كاميرا خفية، والبوست موجود لكنه مخفي عنهم أما هنا فالكاميرا الحقيقية ، تشف الاشباح من تحت أجسادها وأظنها ظهرت في الوقت المناسب، الذي كنا نريد أن نكشف عنها حجب الخفاء
** ** مرحبا بالجميع في عالم الشهادة في المنبر
| |
|
|
|
|
|
|
Re: ملائكة المنبر (Re: عمر التاج)
|
Quote: هسي انا ما ملاك... لا ردمت و لا رفعت البوست |
كلامك صحيح يانصر لكن فيديوهات الجبتها كان اخير منها الردم ههه على كل حال انت اقرب للتقوى .. اقصد لنا وبعد تسجيلك بنعمل لك عبادة روحية مكثفه وتدخل الفورمو. . الجدير بالذكر انو شواطين الجن بطلقوها بعد العيد لكن شياطين البورد بطلقوها بعد المغرب .. والدليل الاخيرة.
| |
|
|
|
|
|
|
Re: ملائكة المنبر (Re: عمر التاج)
|
... نيابة ... عن نفسى و ... اصالة ... عن المعاويتين مدير و زبير اطالب بسحب اسماءنا و اضافة القمم الملائكية مولانا الملك على عبد الوهاب حامد الصاوى و يندرج نفس هذا الامر على اخونا المشرّف و وضع اسم الملاك القديس سنارى اما بالنسبة لى جوز اللوز ابو حسين و ودّو شيل الكرور ياخى عاوز تعكنن على الملايكة كمان يبقى ملوكيتك مافى داعى ليها بعدين طلحة ده شوف ليهو اى حاجة ان شالله مساعد ملاك بشاشة ما عارف وضعو شنو لكن ممكن تختو مع دينق لامن نلقى ليهم صرفة و كويس انو المسلمى اخوان براهم قاعدين جمب بعض --- عووضة و ود البوش ديل ختهم فى زريبة براهم و معاهم راعيهم هيثم
==================== حبيبنا جلالدونا .. عندك مصطلحات نوبية عميقة جداً مثال : ( كرور ) و ( نونقتود ) أما بالنسبة لإضافتنا إلى قائمة الملائكة .. أشكركم بالنيابة عنهم .. وأقدر تقييمك وإحساسك نحونا ليتني كنت أجيد العامية بعمق حتى أتمكن من المشاركة في هذا البوست الرائع ..
حبيبنا عمر التاج .. بوستاتك جميلة وإتكاءة لنا في رمضان وضغط العمل بس المشكلة حبيبنا التاج .. الوضع المزري لأهلنا في السودان ..
مودتي يا جميل ..
| |
|
|
|
|
|
|
Re: ملائكة المنبر (Re: علي عبدالوهاب عثمان)
|
الواحد لما يقول زارتنا الملائكة بيكون قاصد زي زيارة اخونا علي دي ملايكة وزارت بوست ملايكة وطالما في المنبر ملايكة تمشي بين الناس بالنصيحة والكلام السمح يبقى البلد مصيرها تنعدل ، واهلنا مأواهم جنة عرضها سودانا القديم الذي نعرفه ويعرفنا. . . طبعا ياعبد المنعم الطيب عندنا في البوست صحابة وتابعين أها انت مصنف تويبع، لكن للشبح والاشباح زاتا بتكون زعلانة منك لانك لابتجدع ليهم، ولا بتلم الحجارة المجدعة
Quote: نحن الان نعفص بس البوست دا الفليلة وليلة تقول ناو بهناك |
كدي حاول اعفص بي هناك كان ماتلقى روحك في السهلة هههه
| |
|
|
|
|
|
|
Re: ملائكة المنبر (Re: عمر التاج)
|
ياعمر التاج ياخ انت ماعندك احساس خالص وصدقني مندهش لمقدرتك على التحمل وبلع مداخلاتك وبوستاتك وعادي يارجل والله مفروض تستلف شوية احساس وبعضا من حساسية لأنه واضح إنهما منعدمان عندك بس الزمن دا مافيش حد بسلف تصدق والله صادقا خجلان ليك عديل كدة ولو كنت مكانك ما عتبت البورض دا خالص ولكنها عدم الحساسية والإحساس والاتساق ولو كنت مكانك لأعطيت نفسي اجازة تقييم وتفكير ومراجعة صدقني حا ترتاح شوية وتريحنا شوية بدل ما كل يوم راشنا بموضوعين تلاتة فارغين ياخ رفقا بالباندويث ووفقا بنا وبنفسك ثم سؤال صريح من أين تجد الزمن لكل هذا الوهم هل الجغرافيا البتموت فيها لم توفر لك وظيفة تمتص جزءا من زمنك المهدور في الفضاء ساكت وتمتص جزاءا من طاقتك تلك السالبة التي توجهها لزملاء لا تعرفهم حتى بصراحة انت زول مسيكين ساكت والله نصيحتى ليك دي لوجه الزمالة ما ترميها واطة واضح انك زويل الله مسيكين ساكت ثم سلام
| |
|
|
|
|
|
|
Re: ملائكة المنبر (Re: عبدالمنعم الطيب حسن)
|
يا منعم الراجل الأنتيكة دا قلنا ندّيهو عفصة هنا عشان يقول ناااو. هناك ! تحت شعار عمر التاج ما ينوم 😏 لاكين شايفو لمّ ضنبو و نطَّ من حيطة الجيران !
لا يلوي علي شيء !!😂😂 ينطط في ريسين البيوت !
أرخو ليه بالله و ما تسكوه بالحجار ... يقوم يموت لينا ساي زي موتو في الجغرافيا هههههه
..
اضرب الفلول ياخ !
متعة المتعة !!
| |
|
|
|
|
|
|
Re: ملائكة المنبر (Re: امير بوب)
|
يا منعم عايزني اقيف عشان كتابتي بتوجعك سمح .. ياني اليادوب عايز أبدأ واتفرغ للكتابة هنا . وبالناسبة يابوب.. سنزيع عليكم بعد قليل بيان هام فترقبوه نبدا فيه بكشف اولي للشياطين غايتو انت احتمال تطلع منو ببونط الا صاحبك بريمة في نصه
| |
|
|
|
|
|
|
Re: ملائكة المنبر (Re: Nasser Amin)
|
Quote: غايتو انت احتمال تطلع منو ببونط الا صاحبك بريمة في نصه |
غايتو ما دام جابت ليها كشوفات شواطين و ملائكة
أنا غايتو بكون ( آصف بن برخيا) بتاع المنبر دا 😂😂
| |
|
|
|
|
|
|
Re: ملائكة المنبر (Re: امير بوب)
|
الكشف الأول: 1- كمال بشاشا 2- دينق جورج 3- فراح ابوروضة 4- مصطفى محمود 5- إسماعيل عبد الله 6- زهير عثمان 7- دفع الله ود الأصيل 8- عمر دفع الله 9- ياسر الشريف 10- أحمد الشايقي . . . . . . . .
اتفاجأتم صح؟ والشواطين بيكونوا فرحوا يلا دا ما كشف الشواطين ، ده كشف الناشطين في المنبر ولسه ما مصنفين نرفعه لعناية مكتب شئون العضوية بالمنبر ( اسم الدلع للتأمين) عشان يفتينا فيهم ونقدر نصنفهم الحقا .. والآن نقرا عليكم كشف الشواطين ونبدأ بالشواطين ال 13 وزعيمهم رغم صفر ، الشبح الغامض الذي لايعلم حقيقته أحد .. و المداخلة القادمة هي البداية فقط ، فترقبوها . . . . . مش قلت لك وريني محل بوجعك وين يا الطيب أهي يادابا حلت للدعس.
| |
|
|
|
|
|
|
Re: ملائكة المنبر (Re: عمر التاج)
|
قبل البيان الهام ننوه إلى سقوط اسم بريمة سهوا في مداخلتي الفوق لي الفوق والمقصود صاحب بريمة وليس بريمة لأنه بريمة ده عندو تصنيف براهو بنجيهو بي رواقة ، تصنيف لايقل شانا عن رتبة فارس الجن حميدتي أما الإشارة للطيب فوق فالرجل الطيب بالطبع هو منعم الذي قال في بوست سابق أنو خجل لي. سجمي ، منعم خجل لي .. الخجلة مقبول يا الطيب ، لكن في الأول أخجل لشبحك السرق مقال بالكامل وما اعتذر عنه (بالمعروف) يلا الكشف بعد المغرب ، وفيهو مفاجآت شتى ..
| |
|
|
|
|
|
|
Re: ملائكة المنبر (Re: محمد حيدر المشرف)
|
Quote: ديل ناس لو ختيتم في الجرح يبرأ |
قلت كدة يا مشرف؟ نحن زاتنا ماكنا شاكين فيهم يا كابتن ، بس قلنا محتاجين زول من شئون عضوية الملائكة يكون شافهم شوف عين ، خاصة أنو الاشباح بي هناك ما تتمثل لبعضها بالرؤية، بيسمعوا بعض سمع قرون بس ؟ لكن طالما جات منك ، فلقد أجرنا ما أجرتهم وادخلناهم في ظل العشرة الكرام مباشرة دون المرور بالتأمين. وبالمناسبة بعد شوية حا نعقد مقارنة بين تيم الملائكة العشرة وتيم الشياطين العشرة الفوق .. فقلنا نشاورك في الكابتن البتحب نقارنك معاهو
.. ..
Quote: أنا غايتو بكون ( آصف بن برخيا) بتاع المنبر دا |
آصف ده يا بوب محجوز من بدري ، لقب ألبسنيه نبي المنبر محسن خالد قبل أيام بعد أن منح كابتنكم ود عباس لقب هامان المنبر. أما أنت فأحمد الله ساكت، قربت تجلي من الكشف . . . . . بعد قليل وقبل نشر كشف الثلاثة المخلفون، وكشف المائة مارد رجيم ، سنعقد مقارنة بسيطة بين كشفي الملائكة العشرة والشياطين العشر ون تو ون ... فيس تو فيس ... حديد يلاقي طرور عشان الرؤية تكون واضحة وبينة للجمهور الكريم.
| |
|
|
|
|
|
|
Re: ملائكة المنبر (Re: عمر التاج)
|
Quote: آصف ده يا بوب محجوز من بدري ، لقب ألبسنيه نبي المنبر محسن خالد قبل أيام |
هههههههه لا كان كدا خلاس !😂
غايتو حكاية إطلاق اسم أصف بن برخيا عليك ما عارف ليه ذكرتني قصة الشيخ الدجال القال للتلاميذ في خطبة : هل تعرفون اسم الذئب الذي أكل سيدنا يوسف ؟ قالوا ليه لا قال ليهم : اسمه هملاج !! نطّ ليه شافع شقي ، قال ليه لاكين يا مولانا سيدنا يوسف ما أكلو ذئب !! الشيخ بسرعة إستدرك و قال ليهم : خلاس ، هملاج هو اسم الذئب الذي لم يأكل سيدنا يوسف !!
... تحياتي
| |
|
|
|
|
|
|
Re: ملائكة المنبر (Re: امير بوب)
|
نستأذن كل الملائكة الفوق في تمثيلهم من خلال هذا الفريق الذي يلعب باللون الأخضر ضد الأشباح حاليا،
Quote: 1/محمد المشرف 2/يوسف الموصلي 3/محمد كبر 4/ جلالدونا 5/ الدكتور محمد 6/ معاوية المدير 7/ معاوية الزبير 8/ أسامة الخواض 9/ عثمان صالح 10- عمر التاج والقائد بكري في حراسة المرمى
|
وهذا هو فريق الأشباح باللون البصلي يدفع دفعا للنزول إلى الملعب :
Quote: . رقم 1 : أبكر بتاع الغنم ، من أفغانستان رقم 2: برمة بتاع البقر ، من الصومال رقم 3 : أيمن بتاع الناو ناو ، من بورما رقم 4: أمير بتاع الموشيقا : من فلسطين رقم 5: عظيم بتاع الخسوسية: من الواق واق. رقم 6: هيثم بتاع الخلا والغلا: من بلاد البطاريق رقم 7 : منعم الخجل لي ، من بلاد العجائب رقم 8: قسم الفضيل بتاع الضحك ، من ألمافيا رقم 9: إسماعيل بتاع الجلابة : من موزمبيق رقم10: صديق بتاع الشعيرية : من (جحر) الطير وفي حراسة المرارة رقم صفر الشبح الغامض الذى لم يره احد حتى من فريقه
|
يلا يا شباب قارنو بين الكشفين وأدونا النتيجة .. ولا كمان خلو معلقي الاستديو الخاص بالبوست يعلقوا وأتحملوهم لأن طريقة تعليقنا في البوست حاتكون عادلة شوية ومفصلة كتير .. حانمسك لاعب لاعب من فريق الأشباح ونقارنه بواحد من فريق الملائكة يعني مثلا ، حانبدأ بالموصلي : راجل فنان موسيقي مايسترو شامل وكامل حانجيب انتاجه الفني هنا ، غناء، تلحين ، توزيع، نوتات موسيقية، مشاركات فنية ، إذاعة ، تلفزيون ، صحف، .. الخ وكله حانزله في البوست بالفيديو والصوت .. اتخيل لي الموصلي لوحده ممكن يعمل خمسماية صفحة . يلا الخمسمائة صفحة دي حانجي نقارنهم بمنتج واحد من الأشباح ، بس السؤال حا نبدأ من تحت ولا من فوق ؟ طيب نبدأ من تحت ، حارس المرارة القائد، عندو كم عمل فني منشور؟ كم بحث منشور ؟ كم فيديو منشور ؟ كم ملف صوتي منشور ؟ كم لقاء منشور ، كم وسواس منشور ، ولا أقول لكم هو زاتو منشور وين ؟ لا لا .. الشبح أفضل نجليهو لحدي ما يبان وعليه الأمان ، نطلع فوق للكشف ونختار واحد من المغالتين الكبار، والاختيار هنا يقع على مساعد ياي الشبح ، السيد بوب بتاع الموشيقا .. وطبعا لأنه ما شبح حقيقي، و بيلعب ساكت في فريق الاشباح ، فنحن بنتبرع نصل لاعندو عشان يكتب هو انجازاتو الفنية ونجي نقارنها بالموصلي .. يلا المايك مع فريق الاشباح .. . . . .
. .
بقية فريق الأشباح بلو راسكم يا الرجل الطيب الدور ماشي عليك ، جهز انجازاتك لأننا حانقارنك بقريبك الخواض.
| |
|
|
|
|
|
|
Re: ملائكة المنبر (Re: عمر التاج)
|
يا عمر التاج عليك الله بطّل الرواشة البتعمل فيها دي ! كنت قايلك أكثر ذكاوة من كدا !😂 يعني هسي كل مجهودك و قومة نفسك في البوست دا عشان توصّل للناس معلومة إنّو بعض الناس هنا متميزين في مجالهم و عندهم إنجازات و ما من حق زول ما عنده نفس الإنجازات دي أو اقل منها لا يحق له إنتقادهم ؟!! دا منطق شنو يا بتاع الجغرافيا و خط الطول انت ؟!! و كمان ولااااا كضّبتا ، شايفك طاخ كدا ختيتها ومثالك الجبتو بتاع الموصلي و إنّو و إنّو ... و قعدت تتغزّل فيه و عايز تعرف إنجازاتي و إسهاماتي الموسيقية عشان تقارنها معاهو و بالتالي توصل لنتيجة إنّو انا ما من حقي اتكلّم و أنتقد الزول دا لأني دون مستواهو حسب وجهة نظرك !! و بالتالي ترجّح كفة على الأخرى !!
يا خينا دي كياشة شنو ؟ و منطق شنو ؟؟ المقارنات تتم بين اصحاب التخصص الواحد !! ثانياً ياخ و دا المهم ، انا ما عندي علاقة نهائي بالموسيقى غير أضاني دي !! و عدم دراستي و تخصصي في الموسيقى لا يمنعني ان أقول وجهة نظري كزول متلقّي علي الأقل !! و مافي منطق في الدنيا دي يمنعني ان أعبّر عن وجهة نظري دي و حسب إمكانياتي المتواضعة دي و مافي زول كبير على النقد او فوق الإنتقاد ، طالما الواحد فينا كجربندي ساي قادر يقول رأيو الخاص و يتعامل بهذا الرأي ضمن قناعاته الشخصية كفرد متلقّي !! أها شفتا يا عمر التاج ! من حقي أقول رأيي الخاص لي حس موسيقي عالي و اضان بسمع بيها ... هذا كل ما احتاجه !! و ما عندي كبير ، ولا حتي غوستافو دوداميل ذات نفسو !😂
... لاكين زي كياشتك عينة ! بالغتا بيليغ ياخي !
| |
|
|
|
|
|
|
Re: ملائكة المنبر (Re: امير بوب)
|
Quote: يعني هسي كل مجهودك و قومة نفسك في البوست دا عشان توصّل للناس معلومة إنّو بعض الناس هنا متميزين في مجالهم و عندهم إنجازات و ما من حق زول ما عنده نفس الإنجازات دي أو اقل منها لا يحق له إنتقادهم ؟! |
ده مجرد هدف منبثق يالامير.. لسه عندنا أهداف كلية واستراتيجية شاملة ولكن في الهدف الفرعي نحن بنركز على الاسلوب بمعنى ان وجود قمم ثقافية وعلمية في البورد حاجة مثبتة ولاتحتاج لدليل ومن حق اي عضو يناقشهم ويطرح وجه نظر مغايرة لهم ولكن التاديب والتهذيب سمة اساسية لطلاب العلم والمعرفة امام اساتذتهم لأنه لو كل المبدعين واجهناهم بالاسلوب الخشن البتخاطبو بيه انت والشبح حاتم اساتذتنا الموصلي والخواض.. فده معناتو البورد حايفضى من المبدعين ، وحتى الجدد حا يفضلوا الاحتفاظ بمعارفهم بعيدا عن المشاركات .. وحايبقى المنبر مجرد حقل للصراخ والنواح. وبعدين عملية النقد العشوائي البمارس فيها الشبح وأمثالع فيها كثير من التجني على الخلق .. يعني واحد عمل مبادرة (برنامج مثلا او كتاب) احجم عن الاتيان بها كل زملاؤه، اها نقوم نشجعه عشان يحسن مستواهو و يبادر غيرو ولا نطلعو أي كلام؟ . . . الزميل ابوحسين .. خليك مسخن عشان حاتنزل الملعب بعد شوية وتنازل بتاع الغنم أو البقر .
| |
|
|
|
|
|
|
Re: ملائكة المنبر (Re: عمر التاج)
|
هسة يا عمر ختيتني ملاك ساي 😆😆 لا مسجل في التيم اللاعب ولا في كنبة الاحتياطي وجيت حشرت ناسك بدون تمحيص 😆😆 انا كان كدة ختني في محل امية بن ابي الصلت 😆😆😆
| |
|
|
|
|
|
|
|