Post: #3 Title: Re: ملائكة المنبر Author: عمر التاج Date: 05-31-2018, 10:02 AM Parent: #1
عكسهم شواطين المنبر وهم مثل شياطين الجن البربطوهم في رمضان مواضيعهم بتفطر وبوستاتهم بتجرح الصيام عشان كده اما بربطوهم بي مداخلة يتيمة او يربطوا بوستاتهم بالطبل والطبل اكعب من القيد يعني اسه انا عندي مداخلة رد على موضوع وتعبت وجهزتو ولما رسلتو مشى في الفاضي اها اوديهو وين في رمضان ده؟
يا عمر اتا قايل الملايكة ديل في الجنة بس 😆😆😆 في خزنة الجحيم وبرضو ملايكة وملك الموت 😈😈
Post: #10 Title: Re: ملائكة المنبر Author: عمر التاج Date: 05-31-2018, 10:17 AM Parent: #8
أها نجي للاسماء.. ونبدا باسماء الملائكة عشان نطير منو شياطين البورد عن البوست نمرة واحد : بكري ابوبكر .. صاحب القيد والطبل وبوجود اسمه تكون زارتنا البركة والروح. ٢- ٣- . . ٩٩- سارعوا بالحجز فالخانات محدودة.
Post: #12 Title: Re: ملائكة المنبر Author: عمر التاج Date: 05-31-2018, 10:24 AM Parent: #10
طبعا ياحفيظ المنبر متنوع ويضم كل انواع الملائكة وحتى ابليس البورد زاتو كان معانا قبل ما ينطرد من رحمة المنبر اها انت بالذات خانتك محفوظة في البوست وعشان خاطر نعمات حانمسكك رضوان المنبر تتويجا لجهود ونواياك الطيبة
Quote: يا عمر اتا قايل الملايكة ديل في الجنة بس 😆😆😆 في خزنة الجحيم وبرضو ملايكة وملك الموت
ياخ الزول دا لميض خلاص .... طواااااااااااااااااااالي هو مخالف صاحب البوست .... يدخل ليك صاحب البوست في أضافرينو ..... آمن بالله ...... شايفك ماشي على خطى الفقر .....
ماعشان كدة دخلنا معانا شفوت في الكشف ده وأمال بكري ده خش نمرة واحد كيفن مو ياهو ملك الموت ، البقبض الباسوورد وبنزع البوستات وبطبل حياتها وابوحسين بالانجليزي ده لو ما من خزنة جهنم كان خش معانا في خانة راموس مدريد كيفن؟
نؤكد يا محمد عبد الله، أن البوست مافيهو أي واسطات ومجاملات عملك الصالح في المنبر فقط ، هو من يؤهلك لدخول الكشف باستثناء نفرين تلاتة ، ديل حا يدخلوا برحمة القارئ وشفاعة صاحب البوست ، وطبعا أنت من المشهود لهم بالحسنات ، واسمك أصيل ضمن العشرة المبشرين بـ(الملكنة) وهم : 1/محمد المشرف 2/يوسف الموصلي 3/محمد كبر 4/ جلالدونا 5/ الدكتور 6/ معاوية المدير 7/ معاوية الزبير 8/ أسامة الخواض 9/ محمد عبد الله 10- عثمان صالح (الترتيب هنا ليس بالأفضلية بل بأسبقية الدخول في الكشف المحسوبة بآخر استعاذة من شياطين البورد) وطبعا في ملائكة بورد بالأصالة ، ذكرنا منهم على سبيل المثال لا الحصر: 1- بكري أبوبكر (ملك الموت الموكل بقبض باسووردات الناس وانهاء بوستاتهم) 2- عبد الحفيظ ( رضوان المنبر ومن دخل في واسطاته فهو آمن) 3- ابوحسين ( راموس المنبر ، وأي واحد عامل فيها ميسي أو محمد صلاح بطيرو من دوري الأبطال) . . وكمان عندنا جماعة الأعراف ، وديل خلطوا عملا صالحا وآخرا سيئا أو رماديا ، ومن أمثلتهم : 1- الرمادي محمد البشرى 2- المستنار بكري عباس 3- الغالات حافظ بشير واللستة تشمل كذلك كل من هو غير مصنف حتى يتضاعف عملهم الصالح في مقبل المداخلات .. ومن أهل بدر والأحزاب وأهل مكة سنجد ملائكة ، وديل كثر في المنبر، يعرفون بمداخلاتهم في هذا البوست ، لا نعلمهم كلهم ولكن بكري يعلمهم ، والراسخون في الكتابة أمثال الملك وفيصل خليل وعلي عبد الوهاب ... . . أها في الختام نجي لحطب المنبر .. وطبعا ديل لو اتعلقت مواضيعهم في استار المنبر فلن يدخلوا معنا ، وهم المعروفون بأبالسة المنبر ، تعرفهم من سيماهم واسماهم وسنخصص لهم سورة كاملة في البوست اسمها (الشواطون) فترقبوها لتحفظوها وتدرسونها لأولادكم ، لأن فيها آيات للحفظ وأخرى للشرح والتفسير..
صاحبك ه في المنطقة الوسطى (الأعراف أو بلغتنا الاحتياطي) ولسه ماخش الكشف ، و لكن ليك علي .. لو أثبت جدارته ودخل الملعب خانتو ما بتجلي من اثنين، اما منكر أو نكيربس محتاج رفيق.
معقولا ودو في الاعراف يعني عندو طريقة يغالت اهل الجنة واهل النار يا ابوالحسين الفقر دة منو 😆😆 ما يكون زولك داك 😆😆😆😆 ارجو مراجعة اللستة ماممكن جلال وودالمدير يكون مع صف الملايكة ياخ ديل بكونو مع الاعراف برضو تبع ودو قالوا يحسدون اهل النار علي الجحيم واهل الجنة علي النعيم وضعهم مقلق يعني 😆😆😆
امبارح يا دكتورة كانت ليلة القدر في المنبر تنزلت فيها ملائكة الرحمة وصفدت فيها شياطين العذاب وجاء فاروق البورد (عمر التاج) وصديق البورد (بكري ابوبكر) وفرقنا بين الملائكة والشياطين ومابيتهما (شكرا حفيظ على استدراك المنطقة) وجاء المنافقون والمخلفون يحلفون انا كنا معكم .. وماهم معنا ولكن معنا الملائكة ، وما هم برجال فقط كم قال عبد الحفيظ، ولا بنات كما قالت الجاهلية ، بل هم ملائكة المنبر من رجال ونساء نسائهم نسمات وبسمات وفردوس ونعمات وتماضر ووضاحة ومنى ..الخ يكتبون بوستات الخير والحب والجمال، لا يعصون ولا يشتمون الناس. أما شيطاناتهم فهن قليل ، أغلبهن مربوطات في رمضان .. ولكن شياطين البورد ديل رغم اغلالهم فقد أصروا يلعبوها مربوطة ، وبحمد الله ربنا أنزل الطبلة والقفل والمفتاح رحمة بالعالمين .
وحات الله يا تماضر ختفتيها من طرف مداخلتي الفوق دي كان في بالي أذكر ابو سن بمقطع من اغنية تماضر شيخ الدين أقيس محاسنك بمن (شفنا ملاك لابس بدن) .. عشان أثبت ليهو فيها ان الملاك هو المرأة ، والرحمة هي البنت ، عند السودانيين . إلا بس نسيتها قبل ما اختم المداخلة ، وما أنستنيها الا الاشباح أن أذكرها اتخذت سبيلها في المنبر هربا وخلي بالك ، (الشبح) برضو ممكن يكون امرأة وحتى في الموديلات الحديثة أصبحت حصرا الأنثى (سيارة ، طائرة، زميلة .. الخ) . . نسينا في التصنيف أعلاه أهم جماعة ، وهم المنافقون وهم جماعة لا معروفين مع الشياطين ولا واضحين في الملائكة مرات يقيفوا مع حكومة المنبر ، ومرات أخرى يقودوا المعارضة وأقرب مثال ليهم في المنبر المسلماب ولآل آصف بن برخيا أهلي المسيكتاب كما كاد ان يقول: محسن خالد. . .
بعد كده نجي للشواطين ، وهم عارفين روحهم، يتاوقوا ساكت إلا بنجيبهم بالاسم والوسم والوشم.
Quote: بمقطع من اغنية تماضر شيخ الدين (شفنا ملاك لابس بدن) ..
يا ود انت حنكوش و نحن ما عارفين و ل شنو ... ؟؟؟؟ الكوت الفوق دا بدخلك في سقر ....... وحات شيخي (سيد عبدالعزيز) و حيرانه الاتنين(ميرغني المأمون و احمد حسن جمعة) .... طلعت اي كلام ......
يا ابو حسين يا اخي نحن عايزين نكبر الماعون انت ما سمعت بالبوست الجامع (ود عم الوعاء الجامع) أها نحن بوستنا ده دخل فيهو معاوية المدير الكوز ومعاوية الزبير الشيوعي وابو روضة زاتو راكب معانا نان بقت على تماضر شيخ الدين؟ الملائكة زاتم خشم بيوت.. اما الشواطين والابالسة والاشباح فهم ملة واحدة؟
Quote: المستنير السابق بوستات الملائكه دى مابتخارج معاه غايتو الواحد مضامن ان العمرات كلهم ملائكه
المستنير السابق ده كان ملك معانا هنا الا انه رفض يسمع كلام بكري فاتسخط بتاع جمال وحمير اسه نحن بنمهلو تلاتة مداخلات .. وبعد داك بنحشرو مع بوب وعبد العظيم وكل من ساء سبيلا اما انت وكل أهلي واقاربي الحلوين في المنبر فلا خوف عليكم ولا أنتم تحزنون ..
بعد ان ذكرنا أمثلة لملائكة البورد سنورد تباعا كشوفات بأسماء وصفات شواطين البورد وابالسته .. وخير ما نبدا به البوست عنصر النساء او ما يعرف بالشيطانات او الابليسيات وفي الحقيقة سنكتفي مع العنصر النسائي بذكر الصفات فقط دون الاسماء وذلك لان اسم المرأة عورة اذا لم تكن مع الملائكة .. اول شيطانتين في المنبر ده اختفن لفترة، واحدة تم توزيعها في بوردات اخرى تنشر وساويسها هناك بعد ان يئست من تضليل اي عضو هنا رغم قوتها وقهرها اما الثانية صديقتها فقد كانت لها بمثابة هامان لفرعون حتى اذا استيئست منها رجعت بمداخلات خجولة تمدح سيرة الشياطين.. هذا ما(جدر) ذكره بخصوص الشيطانات .. اما الشياطين فليستعدوا ويبلوا راسهم ساكت.
شيطانات المنبر لا يقتصرن على الزميلتين المشار اليهما اعلاه فهناك ابليسات متخفيات حاليا، وهناك مغادرات .. واذا ضربنا مثلا بالمغادرات فهناك مثالين بارزين، الاولى هي (ص خ) التي سلمت الروح اقصد الباسورد طواعية، والثانية هي (م ع) والتي بانت شبحيتها بينونة كبرى فتم سحب عدتها ، قالت ايه : قالت ساكنة في قصر في منطقة كذا مربع كذا جوار معلم بارز اسمه كذا، قام واحد طلع بالصدفة من المنطقة، وبحسن نية مشى يزورها واكتشف ان البيوت الجنب المعلم داك كلها تحت التشييد .. يعني ماممكن يعيش فيها الا وطواط او شبح ، وبكده انتهت سيرة راحلة شغلت الناس كثيرا .. ولكنها عادت فيما بعد باسمها الحقيقي، وامال ايه مش قلنا بعاتية شيطانة ههه. اما الشواطين فالمداخلة القادمة ستكشف صفاتهم وطرق تخفيهم وكيفية دخولهم في الجسد ، اقصد جسد البورد طبعا، واهم من ذلك شكل بوستاتهم ومداخلاتهم ، فترقبوها.
Post: #43 Title: Re: ملائكة المنبر Author: محمد محمد قاضي Date: 05-31-2018, 08:33 PM Parent: #1
واحدة تم توزيعها في بوردات اخرى تنشر وساويسها هناك بعد ان يئست من تضليل اي عضو هنا رغم قوتها وقهرها اما الثانية صديقتها فقد كانت لها بمثابة هامان لفرعون حتى اذا استيئست منها رجعت بمداخلات خجولة تمدح سيرة الشياطين.. _____________________________________________
يا أخ عمر الملائكة ليسوا بالطعانين ولا باللمازين ولا بالهمازين بل يسبحون الليل والنهار ولا يفترون ويفعلون ما يأمرهم به الله سبحانه وتعالي
طعن شنو ولمز شنو يا محمد قاضي يا اخي اسه انت فهمت منو من الكوت الفوق ده؟ كدي خلي ست النفر تجي تحتج أولا وبعدين تعال أدعم وأشجب زي ما عايز وبعدين الملايكة الحقيقيين ديل مش فيهم البكتب الحسنات وبيرصد أقوال وأفعال الناس طيب عايز ملائكة البورد يكتبوا الحسنات ويمشوا ينوموا ، مالازم التوثيق يكون شامل وعادل والميزان يرصد كفة الحسنات وبجانبها السيئات عشان أصحابها يتحاسبوا أو يقبلوا النقد ويتوبوا .. وبعدين نحن لسه ما جبنا الأسماء لأننا بنتكلم مع من هن وراء حجاب ، أما بعد شوية فالقيامة بتقوم في الصالون وكل ابن أنثى بعرف مصيره.
نرحب أولا بأولاد الصابئة في البوست ، صابئين شنو ؟ أول واحد ده أنكر وجود الملائكة والشياطين في المنبر عديل كده.. وعقبال ما يجي بتاع الخسوسية داك وينكر وجود بكري ابوبكر زاتو كدي يا بوب أبقى قدر كلامك، وانكرب شوف موقعك وين من جهنم البورد الفي الوصف ده: . . شيطان البورد تعرفه من:1/ شكله (إو شكل بروفايله) ، 2/ أو من طريقة مداخلاته في بوستات الآخرين ، 3/ أو من بوستاته التي يفتحها بنفسه: فأما بوستاته فتجدها مشحونة بالكراهية والمغالطات ، حروفها منفرة وايحاءاتها بذيئة طاردة للرحمة ، مواضيعها مشتتة ولا علاقة لها بواقع المجتمع ولا تخدم خط المنبر بتاتا ، قياداته للبوست شتراء عويرة ، تجده منحدرا بالبوست في الدقداق يصدم كل ما هو أمامه و يشلت ويكسر يمين ويسار ، مثير للغبار والدخان في بوستاته ، لا يطعم ركابه غير السباب والنبز ( من الممكن أن تحصي 99 نبزاية في أربعة مداخلات فقط) يقود بوستاته دائما للهاوية ، وفي النهاية لا يكتمل البوست ولا يفي بأي غرض بل يظل معلقا مغلقا بالضبة والمفتاح شاهدا على سوء خاتمة صاحبه. . . في المداخلة القادمة -إذا الكوتة مانفذت وبكري معنانا مافي زول يغشنا- سنفصح عن الصفات الدنيا للشياطين ، 1/ شكله (إو شكل بروفايله) ، 2/ طريقة مداخلاته في بوستات الآخرين.
شكرا يا كوستاوي على ربط ملائكتنا الجميلة بملائكة ناس بره و(ربط) تجربة شواطيننا بشواطين مصر ، بس نحن هنا بنربط الراجل من كيبورده والشيطان بنربطو من ضنبو في كراع المنبر وكمان بنحب ونصنف من بوردات بلدنا بس انت أشر وقول عايز تعرف منو ونحن نجيب لك تصنيفه هنا قبل أن يرتد اليك كيبوردك وتحياتي يا جميل.
Post: #49 Title: Re: ملائكة المنبر Author: محمد عبد الله الحسين Date: 06-01-2018, 08:06 AM Parent: #48
و الله يا عمر التاج بوستك ده فكرته حلوة و فيها شغل و إبداع كمان ..هههههههه .
Quote: بس نحن هنا بنربط الراجل من كيبورده والشيطان بنربطو من ضنبو في كراع المنبر وكمان بنحب ونصنف من بوردات بلدنا بس انت أشر وقول عايز تعرف منو ونحن نجيب لك تصنيفه هنا قبل أن يرتد اليك كيبوردك
فكرتك ذكرتني الكوميديا الالهية بتاعة المعري.. واصل يا جميل
أكيد سهوت يا محمد رسالة الغفران للمعري الكوميديا الالهية لدانتي
Post: #51 Title: Re: ملائكة المنبر Author: محمد عبد الله الحسين Date: 06-01-2018, 08:34 AM Parent: #50
...يا همرة أو دخل العضم ما عارف ياتو فيهم..ههههههه ما شاء الله عليك كلامك صاح يا ابوسن. لاحظت ليك كمان عندك اهتمام كبير بالشعر ..زعيون الشعر كمان تحياتي
دخلنا البوست نقدم رجل ونؤخر رجل وخايفة القى نفسي في لستة الشياطين...ولكن طلعت سليمة والحمد لله .... وانا متأكدة ان إحدى ملائكة المنبر هي د. وضاحة .. ودمت بالف خير وصحة وعافية
ياها الكوميديا الإلهية زاتها يا اخ محمد بس دي النسخة الإسلامية المنزلة على هذا المنبر الاختلاف الوحيد ان الامر الملائكة هنا بشر واقعيين وليس تخيليين أما الجن هنا فشواطين الانس وأبالسة المنبر وأشباح الكتاب ، وليسوا بشياطين جهنم أو سقر
Quote: دخلنا البوست نقدم رجل ونؤخر رجل وخايفة القى نفسي في لستة الشياطين...ولكن طلعت سليمة والحمد لله
واحد سألني في الخاص قال لي: انت قلت نسمات وبسمات، نسمات دي منو؟ قلت له دي أميرة الأميرات الغائبة ، تا الله أفتأ أذكرها حتى تعود الى المنبر او أغيب عنه. بالله بلغيها مني السلام يا بسمة والحمد لله المنبر لن يؤتى من قبلكن ، فصبايا الشيطانات هنا أضعف ناصرا وأقل عددا المشكلة في الشواطين والمردة والابالسة والأشباح ما زال في المنبر من يعبدهم من الرجال والصبيان.
هو في الحقيقة ماقاعد ياجز بتاتا .. لكن لما يسمع اذان المنبر تلقاه يجفل وله ضراط وفي بعض الاحيان بيطوف على اولادو وبناتو واشباحو في منابر اخرى ياخد تقارير الوساويس والخنانيس، ويشوف عياله كم شخص اضلوا، وكم جماعة فتنوا، وكم منبر خربوا.. وفي النهاية يجي يقيل ويبول في المنبر ده ياها الحيل وياها التكاتيك الشغال بيها منذ ان أنزل باسورده من سماء هذا المنبر واعيد اليه. . . الا بالحق كلامك الاخير ده صحيح تماما..
Quote: تعرف يا ود التاج لمن كان بروفايلك فيهو القمريتين ديلك كنتا بفتش بوستاتك اول حاجة... باقي لي اتا الاتشوطنت
فعلا كنت مسكين وطيب الا للاسف عاشرت الاشباح عشرين يوما فعلومني الشعتنة ولكن اعاهد نفسي ان اعود لعهد الحمامة .. وديع مغرد اكمل باقي حكاياتي وارجع لبوستاتي الحنينة وحتى بروفايلي البشبه الفراشة ده اتشوطن، سطروني بالفوضى الماسونيون والاشباح ويل لهم من فكاك قريب. الا يا اخ ناصر يا اخوي انت ... زمان كان في المنبر شياطين؟
Quote: وحاتك بعد تعفيره وطأناه بالسنابك والحوافِر والمناسم حتي خرج لسانه من دُبرِهِ ..
لسه راجياه تلاتة جمرات قبل ما ننزل عليه وعلى اعوانه سورة الشياطون.. جمرة العقبة الصغرى والوسطى حاتكون ايام تشريق البوست اما الجمرة الكبرى الله اعلم ينتظرها متشبح .
... نيابة ... عن نفسى و ... اصالة ... عن المعاويتين مدير و زبير اطالب بسحب اسماءنا و اضافة القمم الملائكية مولانا الملك على عبد الوهاب حامد الصاوى و يندرج نفس هذا الامر على اخونا المشرّف و وضع اسم الملاك القديس سنارى اما بالنسبة لى جوز اللوز ابو حسين و ودّو شيل الكرور ياخى عاوز تعكنن على الملايكة كمان يبقى ملوكيتك مافى داعى ليها بعدين طلحة ده شوف ليهو اى حاجة ان شالله مساعد ملاك بشاشة ما عارف وضعو شنو لكن ممكن تختو مع دينق لامن نلقى ليهم صرفة و كويس انو المسلمى اخوان براهم قاعدين جمب بعض --- عووضة و ود البوش ديل ختهم فى زريبة براهم و معاهم راعيهم هيثم
يا جلال مرحب بيك يا أخي ملك أصيل من ملائكة البورد ومرحب بي جماعتك المحترمين ، وكان ماشالتهم اللستة تشيلهم الملائكة الباب طبعا واسع جدا ، وملائكة البورد كثر لا يعلم عددهم إلا الله ولا يسع البوست لحصرهم ولكننا ذكرنا فقط بالعشرة المبشرين ، وأتبعناهم الخمسة المبشرات واردفناهم الأربعة الموكلين بشؤون المنبر وعضويته ، وسنأتي فيما بعد على السابقين السابقين وأهل بدر والمؤلفة باسوورداتهم أما جوز اللوز ديك فأنا شايف أحسن نخليهم في خانتهم ممكن نحتاج ليهم في عكة ولا كبسيبه لاقدر الله وما تنسى أنه خزنة جهنم، والبضربوا الرقاب والبنان ديك زاتهم من الملائكة أما طلحة ودينق وبشاشا وأشباههم ممكن نختهم مع أشبال الملائكة وإذا أداءهم ما عجبنا مايتصعدوا .. عادي ننتظر موسم فك التسجيلات ونهديهم سبل الرشاد وان كنت أشك انو فيهم واحد كده عنده مبادي قرون. عووضة وود البوش وأشياعهم ديل خانتهم محفوظة .. مش في جماعة بجوا للناس الجداد في المنبر ويسألوهم: من ضهرك؟ من رشحك ؟ من زكاك ؟ وما تنسى ، خانة منكر ونكير البورد لسه شاغرة يلا بعد ده حقو نجي لصفات الشيطان والشبح وشكل بروفايله ..
في واحد قاعد ينطنط بره البوست، وحالو مو عاجبني الأيام ديل شكله عايز يدعو الى دين جديد يحث على الفسق وال################ة، فماذا نحن فاعلون؟ - نمنحه فرصة أخيرة وان لم يتب، نلصق فيه صفة مسيلمة المنبر . . . قبل الانفجار .. لا ننسى تحية ملاك المنبر الفني، أونا قباني قدس الله سره فالمنبر يحتاج إلى كل أصناف الابداع حتى تسكنه الرحمة وتغشاه السكينة.
Post: #64 Title: Re: ملائكة المنبر Author: عمر التاج Date: 06-02-2018, 01:16 AM Parent: #63
بعد اعوذ بالله من الشيطان الرجيم بسم الله الواحد الاحد الفرد الصمد نجد ان أول صفة للشيطان المنبري أو الشبح هي انه بيظهر فجأة ويكتب فجأة يهرب فجأة مرات يختفي ستة شهور ويتفك فجأة من الجرة لسانه زفر وكلامه مستفز، اذا قال تجد كل الناس تتعوذ من كلامه غتيت، تلقاهو يوسوس لك بي مقدمة وفجاة يدخل في موضوع تاني ماعنده امان ، اليوم يشكرك ، وممكن في المداخلة الجاية يقلب عليك مجهول الهوية، طبعا لانه بعيش في الكوش ومابخلي زول يشوفه ابدا حتى صاحبه لو عايز يتمثله بجدع ليهو ايميل او عنوان فيس صوفت مافي زول ولا شيطان شافو قبل كده، ومستحيل يظهر في تجمعات الناس بروفايلو ثابت ٢٤ سنة، مابقدر يغيروا عشان مايتكشف وينكشف حالو متكبر، مغرور، غالاط ، معتد بارائه ، يمشي في المنابر غلاطا ومرحا، حقود ، حسود خاصة لاصحاب الالقاب والشهادات مستعد يسفه اي مخلوق في مجاله، و ممكن يسفه بكري زاتو في منبره عشان كده بكري غضبان منو على طول يشيل ويحذف بوستاته مبذر في مداخلاته كثير الكلام، المداخلة الواحدة مابتنقص عن الصفحة.. وبكره نواصل باذن الله صفات الشبح الشخصية، ماذا يأكل وعلى ماذا يتفذى وماهي نماذج ألفاظه وماهي التسع المنجيات منه.
Post: #65 Title: Re: ملائكة المنبر Author: عمر التاج Date: 06-02-2018, 10:34 AM Parent: #64
قبل ما نواصل ننبه لظهور جيل جديد من الشواطين ، وهم المتحولون. ولخطورة موقفهم سنفرد لهم بوستا منفصلا
Post: #66 Title: Re: ملائكة المنبر Author: محمد عبد الله الحسين Date: 06-02-2018, 11:03 AM Parent: #65
عمر التاج كيفنك؟ شايف في شفاعات و استنافات ؟؟ برضه في اعتراضات ؟
Quote: نيابة ... عن نفسى و ... اصالة ... عن المعاويتين مدير و زبير اطالب بسحب اسماءنا و اضافة القمم الملائكية مولانا الملك على عبد الوهاب حامد الصاوى
...
يعني الترشيح ما نهائي..؟ بعدين في اوصاف و ألقاب و كل الشياطين واحدة: يعني في إبليس و كبير الشواطين و مردة؟؟و لا كلهم قبيلة.. بعدين شايف قائمة الملائكة من الإناث حزمة واحدة ون بكيتش...ما بتتفرتق؟ ما بتتهبش؟
لا الترشيح نهائي يا اخ محمد بس صفحة الكشف بتتجدد تلقائيا كل 24 ساعة ومداخلات البورداب بين شد وجذب يصبح البوردابي شبحا ويمسي ملكا والعكس ما صحيح، يعني التصنيف حسب الحالة بس في ناس مابيدخلوا ولو تعلقوا باستار المنبر
ذكرتني يابوب بنكتة الجنوبي لما قال: كديسة راسا في بورتسودان وضنبا في الخرطوم اذا عفصو ضنبا بتقول ناو وين؟ اسه جماعتك ديل يعفصوهم هنا يقولوا ناو بي هناك
انت يا عمر التاج ما دام بقيت تصنف الناس ملائكة و شواطين إعتبرني أنا من حٓمٓلة العرش ! عرش المنبر طبعاً 😂 عشان كدا أي بوست ليك يحاول يغتس و عندي فيه مصلحة ياني الرافعو و مثبّتو ! كل ما تجي تفرفر في البوست دا ، نديك عفصة تخليك تقول ناو في البوست داك !
Quote: عشان كدا أي بوست ليك يحاول يغتس و عندي فيه مصلحة ياني الرافعو و مثبّتو ! كل ما تجي تفرفر في البوست دا ، نديك عفصة تخليك تقول ناو في البوست داك !
عملا بوصية استاذنا وحبيبنا وصديقنا الحاتم بنانا أحب طرفو الكحيل عملا بوصيته ان نردم الفلول نحن الان نعفص بس البوست دا الفليلة وليلة تقول ناو بهناك وبهنا الواضح ان الفلول تردم نفسها براها وشعارها ورونا الردم واقعدوا فراجا ........... الفليلة بهناك كلما يجي يسدها تتوسع زيادة ماعاوز اكتب المثل زي ماهو خايف يكون فهمو للأمثال دي فهمو للجغرافيا والبرنامج المباشر والمعاد ............ الضرب على الميت حرام يا حبة عيني نصحناك من ايّام الجغرافيا البتموت فيها واطقطقتا فيها والشمش حية وخط مية غرب ما أقاطع خط الاستواء بعد نصحناك بان تتوقف عن الكتابة شوية وتعيد حساباتك زعلت وكبرت رأسك وكلم يوم فالقنا ببوستين تلاتة كلها وهم في وهم ............. بالله سؤال انت بتلقى الزمن وين المجابدة دي كلها؟ .......... تعيش وتاخذ زيها تاني ومتلت وهاك العفصة دي حقوق العفصة محفوظة لحبيبنا امير بوب ...........
عملا بوصية استاذنا وحبيبنا وصديقنا الحاتم بنانا أحب طرفو الكحيل عملا بوصيته ان نردم الفلول نحن الان نعفص بس البوست دا الفليلة وليلة تقول ناو بهناك وبهنا الواضح ان الفلول تردم نفسها براها وشعارها ورونا الردم واقعدوا فراجا ........... الفليلة بهناك كلما يجي يسدها تتوسع زيادة ماعاوز اكتب المثل زي ماهو خايف يكون فهمو للأمثال دي فهمو للجغرافيا والبرنامج المباشر والمعاد ............ الضرب على الميت حرام يا حبة عيني نصحناك من ايّام الجغرافيا البتموت فيها واطقطقتا فيها والشمش حية وخط مية غرب ما أقاطع خط الاستواء بعد نصحناك بان تتوقف عن الكتابة شوية وتعيد حساباتك زعلت وكبرت رأسك وكلم يوم فالقنا ببوستين تلاتة كلها وهم في وهم ............. بالله سؤال انت بتلقى الزمن وين المجابدة دي كلها؟ .......... تعيش وتاخذ زيها تاني ومتلت وهاك العفصة دي حقوق العفصة محفوظة لحبيبنا امير بوب ...........
حملة العرش دي حاليا غير متوفرة فيك يا بوب إلا اللهم عرش الأشباح .. ولكن باب التوبة في المنبر مفتوحة ، والدعوة ممتدة لك وناصر فإذا اهتديت وكللناك لنفخ الصور في المنبر عند نهايته وزوجناك غفيرة البورد إن هي وافقت
الملائكة لا تحتاج مساعدة، فهي مأمورة لتعمل قدر الرب في الناس تجدني في هذا البوست أعمل بشكل مكشوف بلا ون ولا تو لأن هذه طبيعتي لا ألجأ لاسلوب المواصلات والاتصالات إلا للأعالي أما الأشباح فهي كالعادة تلمها التكتيكات وتفرقها الحقائق ومكان بهناك مجرد كاميرا خفية، والبوست موجود لكنه مخفي عنهم أما هنا فالكاميرا الحقيقية ، تشف الاشباح من تحت أجسادها وأظنها ظهرت في الوقت المناسب، الذي كنا نريد أن نكشف عنها حجب الخفاء
** ** مرحبا بالجميع في عالم الشهادة في المنبر
Post: #83 Title: Re: ملائكة المنبر Author: عمر التاج Date: 06-03-2018, 11:39 AM Parent: #81
Quote: هسي انا ما ملاك... لا ردمت و لا رفعت البوست
كلامك صحيح يانصر لكن فيديوهات الجبتها كان اخير منها الردم ههه على كل حال انت اقرب للتقوى .. اقصد لنا وبعد تسجيلك بنعمل لك عبادة روحية مكثفه وتدخل الفورمو. . الجدير بالذكر انو شواطين الجن بطلقوها بعد العيد لكن شياطين البورد بطلقوها بعد المغرب .. والدليل الاخيرة.
Post: #84 Title: Re: ملائكة المنبر Author: علي عبدالوهاب عثمان Date: 06-03-2018, 12:05 PM Parent: #83
... نيابة ... عن نفسى و ... اصالة ... عن المعاويتين مدير و زبير اطالب بسحب اسماءنا و اضافة القمم الملائكية مولانا الملك على عبد الوهاب حامد الصاوى و يندرج نفس هذا الامر على اخونا المشرّف و وضع اسم الملاك القديس سنارى اما بالنسبة لى جوز اللوز ابو حسين و ودّو شيل الكرور ياخى عاوز تعكنن على الملايكة كمان يبقى ملوكيتك مافى داعى ليها بعدين طلحة ده شوف ليهو اى حاجة ان شالله مساعد ملاك بشاشة ما عارف وضعو شنو لكن ممكن تختو مع دينق لامن نلقى ليهم صرفة و كويس انو المسلمى اخوان براهم قاعدين جمب بعض --- عووضة و ود البوش ديل ختهم فى زريبة براهم و معاهم راعيهم هيثم
==================== حبيبنا جلالدونا .. عندك مصطلحات نوبية عميقة جداً مثال : ( كرور ) و ( نونقتود ) أما بالنسبة لإضافتنا إلى قائمة الملائكة .. أشكركم بالنيابة عنهم .. وأقدر تقييمك وإحساسك نحونا ليتني كنت أجيد العامية بعمق حتى أتمكن من المشاركة في هذا البوست الرائع ..
حبيبنا عمر التاج .. بوستاتك جميلة وإتكاءة لنا في رمضان وضغط العمل بس المشكلة حبيبنا التاج .. الوضع المزري لأهلنا في السودان ..
الواحد لما يقول زارتنا الملائكة بيكون قاصد زي زيارة اخونا علي دي ملايكة وزارت بوست ملايكة وطالما في المنبر ملايكة تمشي بين الناس بالنصيحة والكلام السمح يبقى البلد مصيرها تنعدل ، واهلنا مأواهم جنة عرضها سودانا القديم الذي نعرفه ويعرفنا. . . طبعا ياعبد المنعم الطيب عندنا في البوست صحابة وتابعين أها انت مصنف تويبع، لكن للشبح والاشباح زاتا بتكون زعلانة منك لانك لابتجدع ليهم، ولا بتلم الحجارة المجدعة
Quote: نحن الان نعفص بس البوست دا الفليلة وليلة تقول ناو بهناك
كدي حاول اعفص بي هناك كان ماتلقى روحك في السهلة هههه
ياعمر التاج ياخ انت ماعندك احساس خالص وصدقني مندهش لمقدرتك على التحمل وبلع مداخلاتك وبوستاتك وعادي يارجل والله مفروض تستلف شوية احساس وبعضا من حساسية لأنه واضح إنهما منعدمان عندك بس الزمن دا مافيش حد بسلف تصدق والله صادقا خجلان ليك عديل كدة ولو كنت مكانك ما عتبت البورض دا خالص ولكنها عدم الحساسية والإحساس والاتساق ولو كنت مكانك لأعطيت نفسي اجازة تقييم وتفكير ومراجعة صدقني حا ترتاح شوية وتريحنا شوية بدل ما كل يوم راشنا بموضوعين تلاتة فارغين ياخ رفقا بالباندويث ووفقا بنا وبنفسك ثم سؤال صريح من أين تجد الزمن لكل هذا الوهم هل الجغرافيا البتموت فيها لم توفر لك وظيفة تمتص جزءا من زمنك المهدور في الفضاء ساكت وتمتص جزاءا من طاقتك تلك السالبة التي توجهها لزملاء لا تعرفهم حتى بصراحة انت زول مسيكين ساكت والله نصيحتى ليك دي لوجه الزمالة ما ترميها واطة واضح انك زويل الله مسيكين ساكت ثم سلام
الكشف الأول: 1- كمال بشاشا 2- دينق جورج 3- فراح ابوروضة 4- مصطفى محمود 5- إسماعيل عبد الله 6- زهير عثمان 7- دفع الله ود الأصيل 8- عمر دفع الله 9- ياسر الشريف 10- أحمد الشايقي . . . . . . . .
اتفاجأتم صح؟ والشواطين بيكونوا فرحوا يلا دا ما كشف الشواطين ، ده كشف الناشطين في المنبر ولسه ما مصنفين نرفعه لعناية مكتب شئون العضوية بالمنبر ( اسم الدلع للتأمين) عشان يفتينا فيهم ونقدر نصنفهم الحقا .. والآن نقرا عليكم كشف الشواطين ونبدأ بالشواطين ال 13 وزعيمهم رغم صفر ، الشبح الغامض الذي لايعلم حقيقته أحد .. و المداخلة القادمة هي البداية فقط ، فترقبوها . . . . . مش قلت لك وريني محل بوجعك وين يا الطيب أهي يادابا حلت للدعس.
قبل البيان الهام ننوه إلى سقوط اسم بريمة سهوا في مداخلتي الفوق لي الفوق والمقصود صاحب بريمة وليس بريمة لأنه بريمة ده عندو تصنيف براهو بنجيهو بي رواقة ، تصنيف لايقل شانا عن رتبة فارس الجن حميدتي أما الإشارة للطيب فوق فالرجل الطيب بالطبع هو منعم الذي قال في بوست سابق أنو خجل لي. سجمي ، منعم خجل لي .. الخجلة مقبول يا الطيب ، لكن في الأول أخجل لشبحك السرق مقال بالكامل وما اعتذر عنه (بالمعروف) يلا الكشف بعد المغرب ، وفيهو مفاجآت شتى ..
كشف رقم (1): رقم صفر : الشبح الغامض الذى لم يره احد ، ولا يعرف حقيقته حتى بكري أبوبكر. رقم 1 : أبكر بتاع الغنم ، من أفغانستان رقم 2: برمة بتاع البقر ، من الصومال رقم 3 : أيمن بتاع الناو ناو ، من بورما رقم 4: أمير بتاع الموشيقا : من فلسطين رقم 5: عظيم بتاع الخسوسية: من الواق واق. رقم 6: هيثم بتاع الخلا والغلا: من بلاد البطاريق رقم 7 : منعم الخجل لي ، من بلاد العجائب رقم 8: قسم الفضيل بتاع الضحك ، من ألمافيا رقم 9: إسماعيل بتاع الجلابة : من موزمبيق رقم10: صديق بتاع الشعيرية : من (جحر) الطير
هؤلاء عشرة كاملة، أما الثلاثة الذين خلفوا من ال13 فهم لم يشاركوا في هذه المغامرة، واحد منهم قال عنده وجعة ولكنه لابد من البوست فوق رأي ، والتاني قال بأجز في رمضان ، والتالت شرد نهائي ومن هنا نؤكد أن خاناتهم محفوظة وسيظهرون في الكشف اللاحق بإذن الله. هذا وستتوالى الكشوفات تباعا .
.. .. التعديل من أجل التحديث، فهذه الصفحة تحدث تلقائيا كل ثانيتين، على طريقة واحد حبوبته قالت ليهو : ياولد، تعال أنحدثك ، قال ليها : مايحتاج يا حبوبة ، أنا آخر إصدار .
قلت كدة يا مشرف؟ نحن زاتنا ماكنا شاكين فيهم يا كابتن ، بس قلنا محتاجين زول من شئون عضوية الملائكة يكون شافهم شوف عين ، خاصة أنو الاشباح بي هناك ما تتمثل لبعضها بالرؤية، بيسمعوا بعض سمع قرون بس ؟ لكن طالما جات منك ، فلقد أجرنا ما أجرتهم وادخلناهم في ظل العشرة الكرام مباشرة دون المرور بالتأمين. وبالمناسبة بعد شوية حا نعقد مقارنة بين تيم الملائكة العشرة وتيم الشياطين العشرة الفوق .. فقلنا نشاورك في الكابتن البتحب نقارنك معاهو
.. ..
Quote: أنا غايتو بكون ( آصف بن برخيا) بتاع المنبر دا
آصف ده يا بوب محجوز من بدري ، لقب ألبسنيه نبي المنبر محسن خالد قبل أيام بعد أن منح كابتنكم ود عباس لقب هامان المنبر. أما أنت فأحمد الله ساكت، قربت تجلي من الكشف . . . . . بعد قليل وقبل نشر كشف الثلاثة المخلفون، وكشف المائة مارد رجيم ، سنعقد مقارنة بسيطة بين كشفي الملائكة العشرة والشياطين العشر ون تو ون ... فيس تو فيس ... حديد يلاقي طرور عشان الرؤية تكون واضحة وبينة للجمهور الكريم.
Quote: آصف ده يا بوب محجوز من بدري ، لقب ألبسنيه نبي المنبر محسن خالد قبل أيام
هههههههه لا كان كدا خلاس !😂
غايتو حكاية إطلاق اسم أصف بن برخيا عليك ما عارف ليه ذكرتني قصة الشيخ الدجال القال للتلاميذ في خطبة : هل تعرفون اسم الذئب الذي أكل سيدنا يوسف ؟ قالوا ليه لا قال ليهم : اسمه هملاج !! نطّ ليه شافع شقي ، قال ليه لاكين يا مولانا سيدنا يوسف ما أكلو ذئب !! الشيخ بسرعة إستدرك و قال ليهم : خلاس ، هملاج هو اسم الذئب الذي لم يأكل سيدنا يوسف !!
... تحياتي
Post: #97 Title: Re: ملائكة المنبر Author: عمر التاج Date: 06-04-2018, 11:28 AM Parent: #96
نستأذن كل الملائكة الفوق في تمثيلهم من خلال هذا الفريق الذي يلعب باللون الأخضر ضد الأشباح حاليا،
Quote: 1/محمد المشرف 2/يوسف الموصلي 3/محمد كبر 4/ جلالدونا 5/ الدكتور محمد 6/ معاوية المدير 7/ معاوية الزبير 8/ أسامة الخواض 9/ عثمان صالح 10- عمر التاج والقائد بكري في حراسة المرمى
وهذا هو فريق الأشباح باللون البصلي يدفع دفعا للنزول إلى الملعب :
Quote: . رقم 1 : أبكر بتاع الغنم ، من أفغانستان رقم 2: برمة بتاع البقر ، من الصومال رقم 3 : أيمن بتاع الناو ناو ، من بورما رقم 4: أمير بتاع الموشيقا : من فلسطين رقم 5: عظيم بتاع الخسوسية: من الواق واق. رقم 6: هيثم بتاع الخلا والغلا: من بلاد البطاريق رقم 7 : منعم الخجل لي ، من بلاد العجائب رقم 8: قسم الفضيل بتاع الضحك ، من ألمافيا رقم 9: إسماعيل بتاع الجلابة : من موزمبيق رقم10: صديق بتاع الشعيرية : من (جحر) الطير وفي حراسة المرارة رقم صفر الشبح الغامض الذى لم يره احد حتى من فريقه
يلا يا شباب قارنو بين الكشفين وأدونا النتيجة .. ولا كمان خلو معلقي الاستديو الخاص بالبوست يعلقوا وأتحملوهم لأن طريقة تعليقنا في البوست حاتكون عادلة شوية ومفصلة كتير .. حانمسك لاعب لاعب من فريق الأشباح ونقارنه بواحد من فريق الملائكة يعني مثلا ، حانبدأ بالموصلي : راجل فنان موسيقي مايسترو شامل وكامل حانجيب انتاجه الفني هنا ، غناء، تلحين ، توزيع، نوتات موسيقية، مشاركات فنية ، إذاعة ، تلفزيون ، صحف، .. الخ وكله حانزله في البوست بالفيديو والصوت .. اتخيل لي الموصلي لوحده ممكن يعمل خمسماية صفحة . يلا الخمسمائة صفحة دي حانجي نقارنهم بمنتج واحد من الأشباح ، بس السؤال حا نبدأ من تحت ولا من فوق ؟ طيب نبدأ من تحت ، حارس المرارة القائد، عندو كم عمل فني منشور؟ كم بحث منشور ؟ كم فيديو منشور ؟ كم ملف صوتي منشور ؟ كم لقاء منشور ، كم وسواس منشور ، ولا أقول لكم هو زاتو منشور وين ؟ لا لا .. الشبح أفضل نجليهو لحدي ما يبان وعليه الأمان ، نطلع فوق للكشف ونختار واحد من المغالتين الكبار، والاختيار هنا يقع على مساعد ياي الشبح ، السيد بوب بتاع الموشيقا .. وطبعا لأنه ما شبح حقيقي، و بيلعب ساكت في فريق الاشباح ، فنحن بنتبرع نصل لاعندو عشان يكتب هو انجازاتو الفنية ونجي نقارنها بالموصلي .. يلا المايك مع فريق الاشباح .. . . . .
. .
بقية فريق الأشباح بلو راسكم يا الرجل الطيب الدور ماشي عليك ، جهز انجازاتك لأننا حانقارنك بقريبك الخواض.
يا عمر التاج عليك الله بطّل الرواشة البتعمل فيها دي ! كنت قايلك أكثر ذكاوة من كدا !😂 يعني هسي كل مجهودك و قومة نفسك في البوست دا عشان توصّل للناس معلومة إنّو بعض الناس هنا متميزين في مجالهم و عندهم إنجازات و ما من حق زول ما عنده نفس الإنجازات دي أو اقل منها لا يحق له إنتقادهم ؟!! دا منطق شنو يا بتاع الجغرافيا و خط الطول انت ؟!! و كمان ولااااا كضّبتا ، شايفك طاخ كدا ختيتها ومثالك الجبتو بتاع الموصلي و إنّو و إنّو ... و قعدت تتغزّل فيه و عايز تعرف إنجازاتي و إسهاماتي الموسيقية عشان تقارنها معاهو و بالتالي توصل لنتيجة إنّو انا ما من حقي اتكلّم و أنتقد الزول دا لأني دون مستواهو حسب وجهة نظرك !! و بالتالي ترجّح كفة على الأخرى !!
يا خينا دي كياشة شنو ؟ و منطق شنو ؟؟ المقارنات تتم بين اصحاب التخصص الواحد !! ثانياً ياخ و دا المهم ، انا ما عندي علاقة نهائي بالموسيقى غير أضاني دي !! و عدم دراستي و تخصصي في الموسيقى لا يمنعني ان أقول وجهة نظري كزول متلقّي علي الأقل !! و مافي منطق في الدنيا دي يمنعني ان أعبّر عن وجهة نظري دي و حسب إمكانياتي المتواضعة دي و مافي زول كبير على النقد او فوق الإنتقاد ، طالما الواحد فينا كجربندي ساي قادر يقول رأيو الخاص و يتعامل بهذا الرأي ضمن قناعاته الشخصية كفرد متلقّي !! أها شفتا يا عمر التاج ! من حقي أقول رأيي الخاص لي حس موسيقي عالي و اضان بسمع بيها ... هذا كل ما احتاجه !! و ما عندي كبير ، ولا حتي غوستافو دوداميل ذات نفسو !😂
Quote: يعني هسي كل مجهودك و قومة نفسك في البوست دا عشان توصّل للناس معلومة إنّو بعض الناس هنا متميزين في مجالهم و عندهم إنجازات و ما من حق زول ما عنده نفس الإنجازات دي أو اقل منها لا يحق له إنتقادهم ؟!
ده مجرد هدف منبثق يالامير.. لسه عندنا أهداف كلية واستراتيجية شاملة ولكن في الهدف الفرعي نحن بنركز على الاسلوب بمعنى ان وجود قمم ثقافية وعلمية في البورد حاجة مثبتة ولاتحتاج لدليل ومن حق اي عضو يناقشهم ويطرح وجه نظر مغايرة لهم ولكن التاديب والتهذيب سمة اساسية لطلاب العلم والمعرفة امام اساتذتهم لأنه لو كل المبدعين واجهناهم بالاسلوب الخشن البتخاطبو بيه انت والشبح حاتم اساتذتنا الموصلي والخواض.. فده معناتو البورد حايفضى من المبدعين ، وحتى الجدد حا يفضلوا الاحتفاظ بمعارفهم بعيدا عن المشاركات .. وحايبقى المنبر مجرد حقل للصراخ والنواح. وبعدين عملية النقد العشوائي البمارس فيها الشبح وأمثالع فيها كثير من التجني على الخلق .. يعني واحد عمل مبادرة (برنامج مثلا او كتاب) احجم عن الاتيان بها كل زملاؤه، اها نقوم نشجعه عشان يحسن مستواهو و يبادر غيرو ولا نطلعو أي كلام؟ . . . الزميل ابوحسين .. خليك مسخن عشان حاتنزل الملعب بعد شوية وتنازل بتاع الغنم أو البقر .
الجماعةخرخروا يا حفيظ قالوا محترفين مابنلعب معاهم عشان كده خليكم في لعبكم النضيف داك أسه عليك رحمتك وثقافتك دي ، فريق الغنم والبقر ده فريق يلعب مع بشر ؟ وبعدين انت بالذات محتاجين ليك في الابطال، ماممكن ندخلك مع الشفاتة ديل وتبقى علينا البقت على الليفر. وماتنسى عندنا كم منتخب رديف تحت اشراف كابتن سفيان لكنهم لاعبين الان في بطولات خارجية . . . الجماعة السخنو ... ابقوا مارقين.
Quote: خلينا نحسم الموضوع دا مُباهلة !! و الحشاش يملأ شبكتو 😏
المبارة دي محسومة قبل ما تبدأ ومافي حاجة بتخليها تصل ضربات المباهلة غايتو عندنا راس حربة اسمو جلال.. قبل الحكم مايصفر بحرز ١٠ أهداف بس صاحبكم هيثم الخلاد ده خلوه يتدرب كويس عشان يقيف خلف الحارس ويجيب الكورة من جوة المرمى بس مايقوم يزهج ويشيلها ويطفش يلحق شبحو.
تحياتي يا بوب والعشرة مباركة عليك العشرة الأواخر ما العشرة أهداف
Quote: بعدين ياخ لازم تُخرج لنا نظراؤنا من قومنا !!
حاولت أعملت كده ، لكن ما وجدت عندي لاعبين في مسستواكم ، لذا اخترت الفريق الواجهكم في آخر ماتش وخططه معروفة لديكم بعدين لاعبين بشبهوكم يجيبوهم من وين يا خي؟ حتى لاعبينكم أسماءهم غريبة التقول معزلنهم من أولاد ماما .. .. حباب الغالي وكل ناس الواق واق ..
Quote: بعدين لستة الملايكة حقتك دي ما فيها أي كلامبس آصف الفي المؤخرة دا هو الكلمة الشاذة
وكتين مافيها كلام واقعين وراء الأشباح مالكم؟ ما ديل كلهم خصوم الأشباح وقالوا اللعب مع الأشباح حرام حتى يستأنسوا يفترض تقيفوا معاهم وتقنعوا شبحكم ده يحدد هويتو أو يسيب لعب العيال ده وحتى شوف محسن مصنف جماعتكم كلهم شياطين (فرعون وهامان وهلم جرا) أما العبد لله فبحمد لله طلعت ابن آصف، وليس آصف مباشرة،
Quote: وفي القرآن كله آية واحدة فحسب بالرقم 258 وهي الأية التي تقص قصة عمر ابن واصف وهو الكور: عمر التاج
Re: السلامRe: السلام الآن حانت اللحظة الحاسمة بعد أن تم فيها فرز الفريقين وتحديد خانات اللعب حيث تم رصد الكشفين قصاد بعض عشان الصورة - أقصد المقارنة - تطلع حلوة
ملائكتنا واصلين يا بوب، وما بحتاجو يسترقوا السمع تأتيهم أخبار سماء المنبر قبل أن تكتب في صفحاتها ومبدعنا عثمان صالح أهو داك موجود في فريقنا ولسوء حظه وقع في الكشف الفوق مع حمام (منقرض) وبيكون من أمس خلص عليهو وطبعا إذا سألناه حايقول انت شلت الكورة وقلت لعب فيهو غلب ما عايزينو وبكري حارسنا سألناهو، وقال ما بيحذف حاجة إلا الجرسة تكتر ورسائل المتضرر تملأ بريدو أنت رسلت كم واحدة؟
وكتين مافيها كلام واقعين وراء الأشباح مالكم؟ ما ديل كلهم خصوم الأشباح وقالوا اللعب مع الأشباح حرام يفترض تقيفوا معاهم وتقنعوا شبحكم ده يحدد هويتو أو يسيب لعب العيال ده
———————
منو الواقعين ورا الاشباح؟؟؟
بعدين ليه عايز تفرض علي تهيؤاتك باعتبار انها حقايق ؟؟
انت لو شايف في اشباح في المنبر انا ما شايف اي وجود للاشباح
اللهم الا في مخيلات البعض هنا
بعدين بي مقياسك دا مفترض انا اكون بالنسبة ليك شبح
وانت بالنسبة لي شبح ونحنا الاتنين بالنسبة للبقية شبحين وهكذا....
لحدي ما الحكاية تتشوبح ويبقى المنبر كلو مسكون بالاشباح
عشان كدا يا بن برخيا اخير ترخو الموضوع عشان ما تحفرو تحت كراعاتكم
Post: #116 Title: Re: ملائكة المنبر Author: عمر التاج Date: 06-05-2018, 00:24 AM Parent: #114
الملائكة أصلهم من نور يا بت تاور وانت اسمك نور بالتالي بالفطرة نحن معاك بس كربي لينا فريق النسوان لانو حاتلعبن بعد العيد ضد فريق الجنيات الحمر كان ظهرن . ورمضانك نور في نور .
Post: #117 Title: Re: ملائكة المنبر Author: عمر التاج Date: 06-05-2018, 00:34 AM Parent: #114
Quote: ما لقيت لي زول احسن شوية من ده يا عمر؟!
حسب اللوائح الاختيار بالقرعة يامشرف وانت حظك السمح ونواياك الطيبة وقوعك في مجموعة الصعود المباشر وللأسف أحسن من كدة مافي، كلهم مستواهم واقع أما قسم ده فهم أصلا خاتنو احتياطي جوة الملعب ومابخش في الكورة إلا مع رفيق عشان كده أبكر ده براحه عليهو ، ما يستقيل ،عايزين فيهو موسم تاني
Post: #118 Title: Re: ملائكة المنبر Author: محمد حيدر المشرف Date: 06-05-2018, 00:48 AM Parent: #117
لايوق ولمن تهزمو في النقاش ما بفهم انك هزمتو ف النقاش اصلا
.. لا حول ولا قوة الا بالله اقول ليك كلام اديني بوب
Post: #119 Title: Re: ملائكة المنبر Author: عمر التاج Date: 06-05-2018, 01:11 AM Parent: #118
هو اصلا ماقاعد يأتي لحوار بعجبو الشكر وأول مايسمع آيات من المنبر بزوغ يازول خليهو لي وشيل منعم (الخجال ده) باكك اللفت ده، أول ما يشوف اسمي بطنو بت طم وطوالي بتجيهو حشرجة تخليهو يجلي الكورة ويجلي الملعب.
قسم ده كرعينو الاتنين شمال و قلبو ميت تجبدو يضحك تبيّضا ليهو يضحك تجيب فيهو قون يضحك و لو ساعدنّو كرعينو و عمل معاك فاول برضو يضحك و ألذ حاجة ضحكتو زى كرعينو برضها شمال
نقول ليك ياخي أخرج لينا أكفاءنا و نظراؤنا من المنبر تجيب لينا حمام ميت ساي !!
أقول ليك شيء ، كان تدّيني د. المشرّف غلى الأقل و أنا مستعد اموت ليك بيه ! ميتة جد جد ما زي موتك في الجغرافيا !😂
و بما إنّو العيد قرّب ، برضو بقول ليك كما قال خالد بن عبد الله القسري في صلاة العيد أيها الناس ، إذهبوا و ضحّوا ضحاياكم ، تقبّل الله منكم اما انا فمضحٍ بالجعد بن درهم ! و قام تكاهو و ضبحو في المِحْراب !!
أها دحين يا خينا ، تجيبو لي الجعد بتاعكم دا جاي و تقيفوا بعيد و لّا نبقى مارقين ؟😏
Post: #123 Title: Re: ملائكة المنبر Author: أيمن نواى على Date: 06-05-2018, 11:25 AM Parent: #122
الاستاذ بوب
مستوى اللعيبة المذكورين تعبان جدا .... دون المستوى المطلوب ... ممكن يلعبوا فى الليق واحتمال ما يقبلوهم ذاتوا .... يقعدوا احتياطى أو يجمعوا الكرة خلف الشبكة .... على كل حال ممكن تجرى دمك معاهم و ينالوا شرف الاحتكاك مع المحترفين من امثالكم .... الشايفوا دا تواضع و كرم منك ان اكرمت اللئيم تشيطن وتمردا وفعل الافاعيل .... وهذا ما حدث منه بالضبط .... خلى قلبك عسى ولعل ان يتوبوا ويستغفروا ويستقيموا على ايديكم .
حبيبنا ايمن سلامات عمر التاج التعبان دا قال أدوه لقب آصف بن برخيا المنبر !
آصف البنعرفو جاب عرش بلقيس زي المافي حاجة 😂 و يُقال انه الشغلة دي تمت عن طريق الكوانتوم فيزيكس و تحديداً الزول دا كان جاضم شغل ال Teleportation يعني مستنير و مثقف و واصل من الزمن داك ! عمر التاج ليه أسبوعين يحاحي في البوست دا وغالبو يلم فريقو التعبان دا !
غايتو جنس بذار ! ألقاب ساي ، ماشية لمن لا يستحقها !!
مرحبا بخواض الملائكة الكرام في المنبر وبالطبع نقدر غضبتك إذ وجدت قرينك دون المستوى ولكنها ظروف المنافسة المائلة ولوائح فيفا المنبر المعوج
Quote: ياخي عايز "سناري" يكون رئيس الملائكة.... ولو ما في طريقة خليهو يخش في محلي وانا بطلع... مستحيل يكون في ملائكة ولايكون فيلسوف المنبر واحد منهم.....
لقد قبلنا ترشيحك للفيلسوف ضمن ملائكة المنبر أولي العزم، ولكن كما تعلم فان الملائكة خشم بيوت ومن باب المتصدين للاشباح في موسم الخير اخترنا كشف المواجهة ومن الناصحين والمصلحين والمبدعين والمشائين في الخير والعاكفين على الايضاح والجاهزين بالتمرين والمغالطين والمغبونين والشهداء ومن حسن أولئك جميعا جاء الكشف الأخير .. ولكننا نعلم من دونهم ملائكة الكتابةوالابداع وطيور ملائكة الجنة وملائكة الله في المنبر ..الخ كلهم لانستثنيهم الله يعلمهم ، وفي كشوفات الاداريين والمنظمين والتدريب والمجالس تجدهم عاكفين. فهلموا بنا جميعا نجعل منبرنا منبر ملائكة الخير وبلا ارواح شريرة وأشباح.
Quote: بي مقياسك دا مفترض انا اكون بالنسبة ليك شبح وانت بالنسبة لي شبح ونحنا الاتنين بالنسبة للبقية شبحين وهكذا.... لحدي ما الحكاية تتشوبح ويبقى المنبر كلو مسكون بالاشباح
صحي المنبر ده زمااان كان مليان اشباح وده كان سبب انه اي واحد ممكن يصرف بركاوي للتاني ولايبالي وفي مرحلة ما تحول المنبر كله لشتائم وسباب، وفاحت شتائمه لشرفاء خارج المنبر واصبح قلعة لتصفية الحسابات الشخصية فاقلع عنه اصحاب المعارف. ورويدا رويدا بدأت عمليات الحش والتنظيف.. اي واحد عايز يقعد مؤدب يعرف نفسه ويكتب باسمه الحقيقي الحملة نجحت مؤقتا وبدا المنبر يستعيد بريقه الى ان ظهرت الاشباح تشتم وتختفي من جديد. . . طيب نجي لي منطقك الفوق ده.. انت بالنسبة لي مجهول لاني مابعرفك حقيقة وكذلك انا مجهول بالنسبة لك، ولكني (معروف) لاخرين غيرك في المنبر ده كثير من الاعضاء شافوني وحتى بياناتي متوفرة لمن يرغب، واحسبك كذلك يلا نجي للشبح حاتم.. مين يتبرع يقول بيعرفوا حقيقة؟ مين شافوا من اعضاء المنبر؟خليهم اعضاء المنبر اسه انتو بتلعبوا مع زول ما بتعرفوه كيف؟ زول مافي زول بعرفوا ولا حصل شافو احد يبقى شبح ولا ماشبح؟ نقدر للبعض بان يكون عنده مجهول أو مجهولين لسبب واضح ..و لكن مافي معادلة في الدنيا فيها عشرمية مجهول ويبقى فيها جواب محدد وصحيح. وكمان لا من يعمد الشبح على تضليل الاخرين تبقى شبوحيته بائنة بينونة كبرى؛ فلما يقول شغال في المبنى الانا كنت شغال بجواره سبعة سنوات وماحصل لاقاني اسمو ولا اسم شركته، ولما يظهر كل مرة في منبر باسم مختلف (معروف ابو الحسن، ماهر علي، صابر مين كده، حاتم ابراهيم ..الخ) يبقى نحن في رواية من روايات الشياطين السبعطاشر مش في منبر محترف. وكمان لما مواضيعه كلها تبقى حرابة، ويستهدف الكبار فده معناتو شبح محترف يريد ان يحرف المنابر عن مواضعها .. واذا كمان انا غلتان وريني انت حارسكم الصفاية ده ماشبح كيفن؟. . . . عليكم الله دا فريق يرفعو ليهو شعار؟
Post: #127 Title: Re: ملائكة المنبر Author: علي عبدالوهاب عثمان Date: 06-05-2018, 01:48 PM Parent: #126
بس كربي لينا فريق النسوان لانو حاتلعبن بعد العيد ضد فريق الجنيات الحمر كان ظهرن .
=================
حبيبنا الجميل التاج .. بوست رائع ..
يا ريت كنت أجيد العامية وخاصة مثل العبارة أعلاه
والاخطر جمع التأنيث : (( حاتعلبن )) .. (( كان ظهرن ))
مثل هذه العبارات صعبة على الاعاجم مثلنا ( ناس ضواحي الدنيا )
نسينا نحيك ياهيثم في المداخلة الفاتت وعادي ممكن نتبادل الفنايل بكره، بس ارجو تديني ليها -ما بي جدعة- بروح رياضية مهزومه عاليه ههههه. وكمان سقطت اهم عبارة في المداخلة وهي : واذا كان بلخ في اربعة مداخلات ٧٦ من ادوات النبذ الخليع بمعدل ٤٢ نبذاية في الدقيقة، اقصد في المداخلة فكيف مايكون شبح. . . . جلجلنا حبابك وحباب أهدافك في البوست.
Quote: قسم ده كرعينو الاتنين شمال و قلبو ميت تجبدو يضحك تبيّضا ليهو يضحك تجيب فيهو قون يضحك و لو ساعدنّو كرعينو و عمل معاك فاول برضو يضحك و ألذ حاجة ضحكتو زى كرعينو برضها شمال
الراجل قلبو ابيض ياخي، وفي اللعب أبيض فحاول ماشيه في اللعب وماتغلت عليه يعني مسموح لك تبيضها ليهو ماية بيضة عادي في الجرة الواحدة بس ماتشنقلوا لامن يتعوق نحتاجين نستغل ملكاته في التشجيع لاحقا
شوفو يا شباب خطتنا واضحة وضوح الشمس فى كلوة السما الكابتن ابو حسين على شعار الكابتنية مكتوب كلنا معروف ابو الحسن بى كده حارس المرمى ببقى زى الراكوبة فى الخريف على صدزر فنايلنا بنخت صورة البطلة نعمات حماد و بهذا العنصرى البغيض بريمة برقد سلطة ود المشرّف نجيب ليهو عتود و بكور براهو بقع اما بالنسبة لى ضبانة المنبر البف باف قااااااعد و ح انعم عليه بالكثير منه كده اربعة مواهيم دقّوا الدلجة و بإضافة اب كرعين شمال داكا يبقوا خمسة من هسى شوف لينا التيم البعدو
بدأنا في الصفحة الفائتة، التمارين الصباحية مع الفنان الموصلي، وقلنا ان انتاجه الفني في سنة واحده يوزن فريق الشبح (حملا وانتاجا) لمائة عام أو تزيد حيث قلنا:
Quote: طريقة تعليقنا في البوست حاتكون عادلة شوية ومفصلة كتير .. حانمسك لاعب لاعب من فريق الأشباح ونقارنه بواحد من فريق الملائكة يعني مثلا ، حانبدأ بالموصلي : راجل فنان موسيقي مايسترو شامل وكامل حانجيب انتاجه الفني هنا ، غناء، تلحين ، توزيع، نوتات موسيقية، مشاركات فنية ، إذاعة ، تلفزيون ، صحف، .. الخ وكله حانزله في البوست بالفيديو والصوت .. اتخيل لي الموصلي لوحده ممكن يعمل خمسماية صفحة . يلا الخمسمائة صفحة دي حانجي نقارنهم بمنتج واحد من الأشباح ، بس السؤال حا نبدأ من تحت ولا من فوق ؟ طيب نبدأ من تحت ، حارس المرارة القائد، عندو كم عمل فني منشور؟ كم بحث منشور ؟ كم فيديو منشور ؟ كم ملف صوتي منشور ؟ كم لقاء منشور ، كم وسواس منشور ، ولا أقول لكم هو زاتو منشور وين ؟ لا لا .. الشبح أفضل نجليهو لحدي ما يبان وعليه الأمان ، نطلع فوق للكشف ونختار واحد من المغالتين الكبار، والاختيار هنا يقع على مساعد ياي الشبح ، السيد بوب بتاع الموشيقا .. وطبعا لأنه ما شبح حقيقي، و بيلعب ساكت في فريق الاشباح ، فنحن بنتبرع نصل لاعندو عشان يكتب هو انجازاتو الفنية ونجي نقارنها بالموصلي .. يلا المايك مع فريق الاشباح
وفي هذه المداخلة نعرج على بعض انتاج اللاعب الثاني في الفريق .. وهو أسامة الخواض.. التعريف أدناه من موقع الحوار المتمدن ( الحمد لله الشبح ما وصل هناك وإلا لحوله (للحوار المتشبح) 1-شاعر و ناقد و قاص و مترجِّم و مدوِّن، و من مواليد كبوشية في شمال السودان عام 1957. 2-درس علم الاجتماع بجامعة صوفيا،بلغاريا،و تخصَّص في علم الاجتماع الروحي برسالة حول علم الاجتماع الأدبي في المقاربات البنيوية و ما بعدها. 3-حصل على درجة الماجستير في علم نفس إرشاد المجتمع عام 2004 من كلية سبرنغ فيلد في ولاية ماسوشوستس في الولابات المتحدة الامريكية. 4-حصل على درجة الماجستير في التربية من جامعة جابمان في كاليفورنيا عام 2010 متخصِّصا في استخدام تكنلوجيا المعلومات في التدريس. 5-حصل على كورسات في التحليل السلوكي التطبيقي Applied Behavior Analysis من جامعة ولاية بنسلفانيا في الولايات المتحدة الأمريكية. 6-نشر كتابين:"انقلابات عاطفية"-ديوان شعر-،و "خطاب المشّاء-نصوص النسيان"، عن مركز الدراسات السودانية في القاهرة عام 1999،على نفقته الخاصة. و أصدر في الخامس و العشرين من يناير سنة 2014،ديوانه "قبر الخوّاض"،عن طريق "النشر الذاتي" عبر موقع "كريت سبيس" التابع لأمازون دوت كوم،و صدر هنالك بعنوان "Tomb of Elkhawad". كما أصدر في يونيو 2015-على نفقته الخاصة أيضاً- ديوانه الشعري الثالث "لاهوت الوردة"،بمقدمة لدكتور أحمد الصادق عن مركز عبدالكريم ميرغني الثقافي. 7-يعدّ حاليا لإصدار "حزب الكنبة السوداني و الربيع العربي"، و "في تأويل النص واستعماله"، و "بنك بجنب الخصيتين": نصوص سردية. 8- كتب مقدمة نقدية بعنوان "مقدمة في الخطاب الشعري السبعيني" لديوان محمد محي الدين "الرحيل على صوت فاطمة"،الصادر في طبعته الأولى عن دار جامعة الخرطوم للنشر في عام 1984. كما كتب "إضاءات خافتة على المكان في خطاب عفيف اسماعيل الشعري"،كمقدمة لأعمال عفيف اسماعيل الشعرية التي صدرت في عام 2015. 9-من مؤسِّسي "اتحاد الكتَّاب السودانيين"،و عضو لجنته التنفيذية الأولى 1986. 10-مبادر و مساهم في جماعات "الهامش الثقافي" السوداني في ثمانينيات القرن الماضي مثل "تكوين"،و "جمعية الصحوة الأدبية بجامعة الخرطوم"،و "تجاوز"،و "ندوة الفتيحاب". 11-شارك في فعاليات شعرية و نقدية في مختلف مدن السودان مثل "العاصمة المثلثة" و "مدني"،و "الأبيض"،و "كوستي"،و "سنار". 12-له صفحة في موقع الراكوبة،و موقع في يوتيوب يحتوي فيديوهاته الشعرية أو النصوص الشعرية الملتيميدية،و صفحة في فيسبوك ،و تويتر و قوقل بلص. 13-نشر نصوصا شعرية و قصصية و نقدية في صحف و مجلات عربية مختلفة ك"مجلة الثقافة السودانية"،و مجلة "كتابات سودانية"،و مجلة "أوراق"،و "الملحق الثقافي لجريدة الأيام"، "الملحق الثقافي لجريدة الصحافة"، الصفحات الثقافية في صحف "السفير" البيروتية ، "الحياة" اللندنية،و "الجمهورية "اليمنية،و "العرب" اللندنية، ومجلة صبري حافظ الالكترونية "الكلمة". 14-يقيم في الولايات المتحدة الأمريكية منذ 20 أبريل 2000. وهذا الفيديو لشخصية الخواض متحدثا لمن لم يره ( مافي أي شبه شبوحية)
وهذه مكتبته العامرة في سودانيز أونلاين .. تجدون فيها كل مالذ وطاب من الخيرات والنيرات. http://sudaneseonline.com/cgi-bin/sdb/2bb.cgi؟board=38 أما عن قصائده فحدث ولا حرج، ويكفي أن تكتب في أي متصفح كلمة الخواض وستقرأ له من الأدب مايكفيك مؤونة سنين ضوئية .. يلا نجي للمواجهة والمقارنة مع فريق الأشباح .. من يتقدم .. من يبارز .. من يباهل ؟ انسوا الجدول الفوق ، انسوا الجمهور وركزوا في لعبكم .. من يبادر فيكشف قناعه؟ من يتجرأ؟ من يتوقع؟ من يحلم ؟ من ينتحر ؟ باختصار ... لا أحد .. ولا أحد هذا اسم الفريق الشبحي بأكمله لأنه باختصار أكثر، لو جمعنا بوستات الأشباح في ثلاثين عام للوراء (عمر المنابر السودانية) وستين عاما للأمام ، وضربنا في سبعة ، ثم ضربنا في عشرة ثم ضربنا في 83 باعتبار اليوم ليلة القدر .. برضو ما بتعدلوا نصف انتاج الخواض وبعد ده يجوا ناس زعيط ومعيط ويقولوا (ما بيعرفش) . . . . بالله ده أمه يرفعوا ليه علم؟ . . . . . . . . . .. كسرة: بالمناسبة ياخواض، مايشجعني على القول فيك أن المسيكتاب وكبوشية -على المدى البعيد -جدهم واحد ، وعلى القريب جدي دكتور حسن الفكي متزوج بتكم لحم ودم. قلت تنكيت يامولانا حافظ؟ كده اللعب سخن ولا ماسخن.
يا خوي انت شكلك دافعين ليك تقيل عشان الترويج الفطير دا !!
عملتها ظااااهرة لاكين 😏 سبق و نبّهناك إنّو إجراء أي مقارنات مفروض تتم بين اصحاب التخصص الواحد ! و البتعمل فيه دا ما عندو معنى !! و ما تخلينا نمشي للمعني الشين 😂 فما تحاول تدس السم في العسل بالله و تمرر لينا أجندات شخصية من خلال الهظار و الضحك ! يا ربي حا تجتهد و تعمل كدا و تفرد ال CV بتاعت باقي أعضاء المنبر ولا خلاس ح تكتفي بالأيقونتين ديل و يكون الغرض من البوست قد وصل للناس 😊 و باقيه تاني مجرد تمومة جرتق ساي !! و قلت ليك قبل كدا ، المنبر دا فيه قامات و CVs تملا عين الشمس و لكن لم يحاول احد او أصحابها الزّج في إطار المساجلات اليومية في منبر عام
بالمناسبة نحن ما عندنا قنابير ياخ و ما تحاول بالله تبيع الموية في حارة السقّايين !! .....
عموماً ، رمضانكم كريم و عيدكم مبارك مقدّماً ، فسأبتعد عن المنبر الى ما بعد العيد تحياتي للجميع و العفو و العافية
Quote: الشئ كورتكم دي لا حكم لا رجل خط ؟ معقولا ياخ تشيل الحكام ورجال الخط وتختهم في التشكيلة
الحكام الأربعة والمراقبين والمتفرجين كلهم مننا يا عبد الحفيظ ماقلت ليك خير ملائكتنا باسط .. عشان كده دفع مافي، الجماعة ديل أخير يموتوا موتهم عن سكات الثغرة الوحيدة الممكن نؤتى منها حكم الراية حافظ ده شايفو قبل المباراة ما تبدأ بقول الخواض متسلل يامولانا ماتبرر ساكت ، الجماعة ديل بعد نافذة فيس الأشباح اتقفلت، عدموا نفاخ المشجع
. . . مرحب بيك حبيبنا الملاك الطاهر علي عبد الوهاب
Quote: والاخطر جمع التأنيث : (( حاتعلبن )) .. (( كان ظهرن )) مثل هذه العبارات صعبة على الاعاجم مثلنا ( ناس ضواحي الدنيا )
حالتو الشوالي بتاعنا شغال بالدارجي وأكان قلب فصحى إلا كل مشجع يخت قدامه القاموس المحيط إلا شوف زي تصريح اللاعب التعبان ده ما بذكرك جمال الوالي لمن يكون فريقه لاعب في الأبطال ؟
Quote: مستوى اللعيبة المذكورين تعبان جدا .... دون المستوى المطلوب ... ممكن يلعبوا فى الليق واحتمال ما يقبلوهم ذاتوا .... يقعدوا احتياطى أو يجمعوا الكرة خلف الشبكة .... على كل حال ممكن تجرى دمك معاهم و ينالوا شرف الاحتكاك مع المحترفين من امثالكم
Quote: شوفو يا شباب خطتنا واضحة وضوح الشمس فى كلوة السما الكابتن ابو حسين على شعار الكابتنية مكتوب كلنا معروف ابو الحسن بى كده حارس المرمى ببقى زى الراكوبة فى الخريف على صدزر فنايلنا بنخت صورة البطلة نعمات حماد و بهذا العنصرى البغيض بريمة برقد سلطة ود المشرّف نجيب ليهو عتود و بكور براهو بقع اما بالنسبة لى ضبانة المنبر البف باف قااااااعد و ح انعم عليه بالكثير منه كده اربعة مواهيم دقّوا الدلجة و بإضافة اب كرعين شمال داكا يبقوا خمسة من هسى شوف لينا التيم البعدو
كده تمام يا كوتش .. شفت يا حفيظ المرونة الفي فريقنا دي كيف؟ الحكم عادي يبقى لاعب والكابتن كان هفتلو ممكن يقلب كوتش . كوتش جلال ماشاء الله عليهو طلع أربعة من الخصوم بي ضربة واحدة وابوحسين واقف قصاد اتنين كتمن النفس، ولا لمسة كورة ما سجلوها واصلا في اتنين×عشرة طلعوهم كباتنا الفوق قبل المبارة كده بقي قدامنا لاعب واحد فقط ، ولما الكورة تدق إلا يستعين بفريق . أها نجي للاعب البطل ، أقصد الفضل ..
Quote: عملتها ظااااهرة لاكين 😏 سبق و نبّهناك إنّو إجراء أي مقارنات مفروض تتم بين اصحاب التخصص الواحد ! و البتعمل فيه دا ما عندو معنى !!
شفتو الجرسة وصلت وين .. يعني يا بوب إذا كان ده مستوى فريقكم نحن نجيب ليكم لاعب زي الناس من وين؟ نستورد ليكم مايسترو زي الموصلي من وين، نجيب ليكم شاعر زي الخواض من وين؟ ونجيب ليكم كاتب زي كبر وعثمان صالح من وين ؟ ونجيب ليكم مبدعين كتابة ومحترفين علم ومنتديات زي بقية الشلة من وين؟ أتصرف ياخ ، درب ناسك ديل سريع أو اقلبهم دعم سريع، وخليهم يلحقوا المولد وبالمناسبة ، عندنا كابتنين تانيين في الكشف لسه ما جبنا انجازاتهم ولما تجي بالسلامة من العيد حا تتفاجأ وتقرر تفرتك عصابة الدرع للأبد بس عليك الله قبل ماتمشي ، نادي معاك حارس المرارة عشان يشوف بذار الأهداف الحاصل فيكم ده وخليهو يجي كان يصد له كورة كورتين قبل ما تتسجل النتيجة في موسوعة جنيس.
Post: #143 Title: Re: ملائكة المنبر Author: محمد حيدر المشرف Date: 06-06-2018, 00:00 AM Parent: #142
هههههه تعرف يا خواض ! لو لاحظت معاي لما يمكن ان نسميهو (الكوز الذهني السلوكي) في مقابل الكوز الواحد داك .. ذلك القبح الانساني ونزعة السمسرة والمتاجرة والانتهاز والالتفاف والفجاجة والبذاءة كل وتلك المعاني التي قد تجتمع في زول لا احد قد يجيد وصفو كما معلمة سودانية يسارية مخضرمة شارفت الستين بقولها: زول كريه
والحديث ليس عن ياسر احمد كما تعلم .. فهو, وبكل صدق, ليس كذلك
الشرط الوحيد ان تكون بشرا سويا وماثلا وحاضرا .. الشرط الوحيد التاني ما تكون كوز سلوكي كريه بذات اشارة السيدة اعلاه .. المعلمة الستينية اعني .. واعني قولها: زول كريه!!
المهم انشالا انت طيب ياخ! ماك طيب ! الحمدلله ..
عاد نحنا صيامنا هنا مع ناس رسميين شديييد في الصيام عليك امان الله آ زول لو تعبت نص اليوم من الصيام ما بتقدر تفطر ...
ان شاء الله ناسكن ما رسميين! تاني بنجي نصوم معاكم
مداخلة البهلول دي. لو انطبقت السما مع الواطه, ما بكتبها زول صايم صيام رسمي عند ناس رسميين في الصيام ... مداخلة كانت, بالله العظيم, لتعلق في استار هذا المكان .. وكنت لتكون محمولا على الاعناق: عائد عائد يا خواض ..
ولكنهم عملوا غمرانين منها :)
شواطين ياخ.. الا تحت تحت عجبت بوب وسرت بالو .. تحسبهم شنو داك وقلوبهم شتى
😂😂😂😂 غتيتين خلاس ...... الطقطقة دي كلها و ما تدونا خبر .... انا لي يومين بسخن اجي القام لاعبنها مثلثات و معينات كمان ...😂 إتأكدتو من الشبكات مربوطة كويس ؟؟؟ (النيس) ديل (خرخارين) شديد ... و جنهم غياب .... الواحد تجبدو لم ضهرو (يطقطق) يقول ماشي اجيب (الغنماية) من الخلاء ...😂😂 غايتو كلمت الطاقم الطبي يجهز الكلونيا و كم (فحل) بتاع بصل عشان حالات الإغماء الحا تحصل ... 😂😂😂
و بالله ركزوا على اللعب الارضي عشان نمتع نفسنا اولا بعدين نمتع المشجعين ....
يا أبو حسين (وِلد الحلال) الرسلوهو للكواديِّك خبرو شنو ؟...
Post: #146 Title: Re: ملائكة المنبر Author: هاشم الحسن Date: 06-06-2018, 06:24 AM Parent: #1
سلامات يا عمر التاج يا مقسّم الطِبل والمواصفات، عرفنا شواطينك وأشباحك وشفنا الظلالا، فمثلا “أمير بتاع الموشيقا”، والمرشح للشبحنة الفورية، مولانا الحافظ الشيرازي بتاع السراط والأعراف، وكقبيلهم في المشوطنين، ديل ما بنسوا أبدا وقليلا ما يتناسوا أي حاجة!! لكن حقو كمان تخلي بالك من الملائكيين تبعك!! لأنو بس في بعضا منهم هنا ما عارف مالن كدي حالة نورانيتهم ماها مستقرة وكأنها أقرب للضلال من الهدى، وتبدو منها وفيها نزعات للزمزغة والشوطنة لاى تكاد تخفى.. ديل برضو شايفم لا برحموا لا دايرين بخلوا رحمة الله تنزل!! من جملة ذوي النزعات ديل، حقو بالله وخصوصا وبي سراع كدي تتبن الملاك المشرف لو ماش يشوطن علينا ولّ مالو؟؟ شوفو بالله عليك كيف غاص في أقاصي الجحيم ونكت منها شنو؛ {{مداخلة البهلول دي. لو انطبقت السما مع الواطه, ما بكتبها زول صايم صيام رسمي عند ناس رسميين في الصيام… .... ولكنهم عملوا غمرانين منها :) }} هههههها، ههههه! يا زول يا ملاك يا ما جادي، ما تخليك منسجم مع حالة “البهللة” الشعشعانية، وتركّز أكتر على “ظلال المعانى” النورانية المتاحة ركز ياخي عشان ما يقوم يطلع ليك شبح ولّ شيطان فالت من القيد التاجي البكري الرمضاني ذي الثلاث شعب!!
ثم غمرانين شنو يا ملاك يا مشوطن إنتا؟ والله كنّا متونسين لكن الشبح سمعة والشبح بكري ولّ شبحن غيرم لا نعرفه، هم يعرفونه، قام طبل علينا البتاع، وإلا كنّا ركزنا مع “نعمات” الضوء الظاهر في آخر النفق.
حتى انتو يا ملايكة؟! جنّكم تتحرفو لقتال …. ولشوطنة:).
Quote: طيب نجي لي منطقك الفوق ده.. انت بالنسبة لي مجهول لاني مابعرفك حقيقة وكذلك انا مجهول بالنسبة لك، ولكني (معروف) لاخرين غيرك في المنبر ده كثير من الاعضاء شافوني وحتى بياناتي متوفرة لمن يرغب، واحسبك كذلك يلا نجي للشبح حاتم.. مين يتبرع يقول بيعرفوا حقيقة؟ مين شافوا من اعضاء المنبر؟خليهم اعضاء المنبر اسه انتو بتلعبوا مع زول ما بتعرفوه كيف؟ زول مافي زول بعرفوا ولا حصل شافو احد يبقى شبح ولا ماشبح؟ نقدر للبعض بان يكون عنده مجهول أو مجهولين لسبب واضح ..و لكن مافي معادلة في الدنيا فيها عشرمية مجهول ويبقى فيها جواب محدد وصحيح. وكمان لا من يعمد الشبح على تضليل الاخرين تبقى شبوحيته بائنة بينونة كبرى؛ فلما يقول شغال في المبنى الانا كنت شغال بجواره سبعة سنوات وماحصل لاقاني اسمو ولا اسم شركته، ولما يظهر كل مرة في منبر باسم مختلف (معروف ابو الحسن، ماهر علي، صابر مين كده، حاتم ابراهيم ..الخ) يبقى نحن في رواية من روايات الشياطين السبعطاشر مش في منبر محترف. وكمان لما مواضيعه كلها تبقى حرابة، ويستهدف الكبار فده معناتو شبح محترف يريد ان يحرف المنابر عن مواضعها .. واذا كمان انا غلتان وريني انت حارسكم الصفاية ده ماشبح كيفن؟.
اذا اختلفنا في الاراء وكبدتك هزيمة قاتلة في تحدي انت اخترته فانا هنا لا بد ان اكون شبح
اذا تجسست على خصوصياتي ولم تعثر منها على اي شمار يشبع رغباتك .. فانا هنا ابو الاشباح ذاتا
Quote: واحسبك كذلك
شنو المعيار هنا الخلاك تحسبني كذلك .. يعني ما شبح وزيك ..؟؟
انا اقولك شنو المعيار .. لانو مافي عداء بيني وبينك .. وانا لم اتسبب في هزيمتك في تخصصك البتحبو
دا معيارك يا حبيبنا ومتى ما توفرت الاسباب بالتأكيد حا تطلعني شبح..
المصيبة يا عمر التاج يا ملاك .. هههه.. انتو كملائكة ما قادرين تعرفوا انو الشياطين دي قاعد تتكلم عن شنو
اي والله ما قادرين تفهمو ليه الشياطين وقفت الف احمر في الموضوع دا وتبعاتو
ليه ؟؟ انا اجاوب ليك
لانو طريقة الملائكة هي الاصطفاف الاعمى وزي ما بقولو : كلٌ يرى الناس بطبعه
فالملائكة اسم الله عليهم يرون غيرهم مصطف ولا بد من الانتصار ودائماً يخيب فألهم
الاصطفاف هنا مقصود بيهو انكم متعودين على طريقة هلال مريخ
الهدف هو الانتصار .. فقط الانتصار للنفس ولا لشيء سوى ذلك
دا عمل ملائكة الارض طبعاً .. صلاة النبي فوقم
اما شياطين السماء قدر ما حاولوا يفهموكم انو الموضوع ليس اصطفاف
وانما دفاعاً عن مبدأ وعن حق ولكنكم ركبتو راس يا عملات وليداتنا السغار
واخيراً يا آصف بن برخيا (الملاك الطاهر) دي جديدة طبعاً
انا اعلم ان جرح كبرياءك كان عميقاً في ذلك التحدي الذي اخترته بنفسك
ولكن وحاة كل شياطين السماء وملائكة الارض جت عليهم ما كنت قايلو قدر دا
هون عليك يا منقة عشان تقدر تنوم بدون الشيطان الكبير ذو القرنين ما يجيك
Post: #148 Title: Re: ملائكة المنبر Author: محمد البشرى الخضر Date: 06-06-2018, 07:21 AM Parent: #147
يا ود التاج انا بديت افهم معاييز اختيارك للقائمتين بعد جهد لأنو ختة بكري حارس جهجهتني شوية واعتبرتها سد خانة مع قليل من التلج المعتاد لكن بقبولك ترشيح الخواض لسناري رجعت تاني جهجهت افكاري تماما حسب علمي لا غبينة لسناري تخليه يلعب مع تيم (الملايكة)
اها يا هيثم انا متهمك انك شبح لايوجد ما يثبت عدم شبحيتك عندك حل واحد تجيب تلاتة انفار ولا نفرين ومرتين 😆 ثبت عند الناس عدم شبحيتهم يقولو شافوك شوف عين والا معاك للسنة الجاية
Quote: يا أبو حسين (وِلد الحلال) الرسلوهو للكواديِّك خبرو شنو ؟...
كواديك شنو إنت كمان ...؟؟؟؟ دا زاغ لغاية ما الناس تنسى (إخفاقاته) و (جرساته) و (توسلاته) بعدين يجي .... ما شايف فريق الناشئين شغال يشتت في الكورة كيف ...؟؟؟؟ غايتو (ودالحلال) دا لم يرجع بالسلامة لازم تعملوا ليه (كيتا) تزفوه فيها كما العريس .... غايتو عندو واحدين شغالين بالإنتاج يكتبوا أي كلام في أي حتة في أي وقت .....
Quote: يا ود التاج انا بديت افهم معاييز اختيارك للقائمتين بعد جهد لأنو ختة بكري حارس جهجهتني شوية واعتبرتها سد خانة مع قليل من التلج المعتاد لكن بقبولك ترشيح الخواض لسناري رجعت تاني جهجهت افكاري تماما حسب علمي لا غبينة لسناري تخليه يلعب مع تيم (الملايكة)
ود التاج عايز يخت الشيطنة , الشبحية والشناة (ش³) (قابل لاضافة شينات) بي سايد الملائكية و الاكاديميات والوجاهات وسيد البورد (ثلجياً) و الجغرافيا والتاريخ بي سايد
Post: #158 Title: Re: ملائكة المنبر Author: عمر التاج Date: 06-06-2018, 10:56 AM Parent: #149
هلا بالملائكة الاتنزلت على البوست في هذه الليلة المباركة وتعظيم سلام للملاك ركن د.نعمات عماد
Quote: الحمدلله و الشكر لله ان لم يخلقني شيطانة 👿 ، شكراً آصف، أقصد عمر. شكراً جلالدونا و كل التيم على وضع أسمي على فانلات الفريق مسبوقاً بلقب " البطلة " Wow! ده أحسن تيم و أحسن بوست
ماشاء الله ، الملائكة من دخلتها بائنة تبدأ بالحمد وتختم بالشكر
Quote: هل في أمل ان الناس تتصالح و تصفي خلافاتها و تتناقش بلغة اقل حدة؟ بحلم بي دا يوماتي .
في البوست ده وبعد نهاية المبارة باذن الله يحدث التصافح التصافي والتعافي النهائي ، الشياطين تقول مبروك والملائكة ترد بهاردلك وقبل كده حانلعب بخطة بمقولة أتناقشوا أخوان واتحاسبوا تجار هههه وغالبا بعد رمضان كثير من الملائكة تأخذ إجازة لتحتفل بالعيد والكأس ، بعكس الشياطين الاجازتهم في القيد اجبارية في رمضان؛ وهذه المداخلة بمثابة العفو والعافية للجميع .
يا ود التاج نحن بشرا سويا .... نحن لم نكن ملائكة .... بل نحن مكرمين .... نعلم ان الملائكة سجدت لنا... الا انت الذى تكبرت وترفعت بالشهادات الكرتونية والشعراء الذين يتبعهم الغاوون .... اللستة بها أخيار حشرت نفسك فى زمرة الاخيار حشرا .... امرق يمرقك جدى ابوشرا من ضلافينك .... ضيعت زمننا فى الفارغة و الممكونة ... هسى انت دافعين ليك كم .... بالله يا التاج انت ما شفت غير الشيخ الاعتزرت ليهو داك تقول فوقوا الاقاويل .... ولسع مواصل فى الغرور لى تدلهم على شجرة الخلد وملك لا يبلى ... كمان تسمى الملائكة تسمية الأنثى .... انت ماشى فى الغريق .... أحسن ليك تعتزر الان وبى سرعة قبل ان تضل وتكون من الهالكين .
Quote: الطقطقة دي كلها و ما تدونا خبر .... انا لي يومين بسخن اجي القام لاعبنها مثلثات و معينات كمان ...😂 إتأكدتو من الشبكات مربوطة كويس ؟؟؟ (النيس) ديل (خرخارين) شديد ... و جنهم غياب .... الواحد تجبدو لم ضهرو (يطقطق) يقول ماشي اجيب (الغنماية) من الخلاء ...😂😂 غايتو كلمت الطاقم الطبي يجهز الكلونيا و كم (فحل) بتاع بصل عشان حالات الإغماء الحا تحصل
حقو تبدأ بي نواي ده .. جاي مسخن ومزهلل وماعارف نفسو شايت على وين بقول اللستة فيها أخيار هههه ومال شبحك كان شايت وين بالله يا ابوحسين ما تجرجروا كتير شكلو راسو لافي وبيقوم يدق الدلجة وتاني لا بتنفع معاهو كولونيا ولا بول شبح ههههه . .
حبيبنا ود البشرى بكري دخلناهو في الكشف ككاتب وكمدير ككاتب كتاباته كلها ملائكية .. صلو على النبي وكمدير ما قاعد يوقف أي ملك من فريقنا وماقاعد يطبل بوست للملائكة وماقاعد يدي الأشباح فرصة يتجدعوا هههه وفي رمضان اشباح البورد بتبقى عليهم اصفاد الجن وطبلة بكري. أما سناري وكل ملائكة البورد الماجبنا أسماءهم فديل شغالين معاهم بفقه من دخل دار الخواض فهو آمن ومن دخل دار جلال فهو آمن ومن دخل دار أي من الملائكة فهو آمن ومن دخل دار الأشباح فلن يجد غير زلوومه الأقرع هههه
مرحبا مولانا هاشم ود الحسين كبير ملائكة المنبر جناح عمل الخير
Quote: سلامات يا عمر التاج يا مقسّم الطِبل والمواصفات، عرفنا شواطينك وأشباحك وشفنا الظلالا، فمثلا “أمير بتاع الموشيقا”، والمرشح للشبحنة الفورية، مولانا الحافظ الشيرازي بتاع السراط والأعراف، وكقبيلهم في المشوطنين، ديل ما بنسوا أبدا وقليلا ما يتناسوا أي حاجة!! لكن حقو كمان تخلي بالك من الملائكيين تبعك!! لأنو بس في بعضا منهم هنا ما عارف مالن كدي حالة نورانيتهم ماها مستقرة وكأنها أقرب للضلال من الهدى، وتبدو منها وفيها نزعات للزمزغة والشوطنة لاى تكاد تخفى.. ديل برضو شايفم لا برحموا لا دايرين بخلوا رحمة الله تنزل!! من جملة ذوي النزعات ديل، حقو بالله وخصوصا وبي سراع كدي تتبن الملاك المشرف لو ماش يشوطن علينا ولّ مالو؟؟ شوفو بالله عليك كيف غاص في أقاصي الجحيم ونكت منها شنو؛ {{مداخلة البهلول دي. لو انطبقت السما مع الواطه, ما بكتبها زول صايم صيام رسمي عند ناس رسميين في الصيام… .... ولكنهم عملوا غمرانين منها :) }} هههههها، ههههه! يا زول يا ملاك يا ما جادي، ما تخليك منسجم مع حالة “البهللة” الشعشعانية، وتركّز أكتر على “ظلال المعانى” النورانية المتاحة ركز ياخي عشان ما يقوم يطلع ليك شبح ولّ شيطان فالت من القيد التاجي البكري الرمضاني ذي الثلاث شعب!!
ثم غمرانين شنو يا ملاك يا مشوطن إنتا؟ والله كنّا متونسين لكن الشبح سمعة والشبح بكري ولّ شبحن غيرم لا نعرفه، هم يعرفونه، قام طبل علينا البتاع، وإلا كنّا ركزنا مع “نعمات” الضوء الظاهر في آخر النفق.
حتى انتو يا ملايكة؟! جنّكم تتحرفو لقتال …. ولشوطنة:).
كلامك لكن عسل مصفى فيهو شفاء للاشباح وطرد لجن المنبر تاني بخرة زي دي وحات سيدي تاني المنبر ده يقوم ترترب مدد يا شيخنا مددد
ياسر ده يا مشرف من المخلفين من الأشباح قلنا في بداية جرد الكتيبة الضالة:
Quote: هؤلاء عشرة كاملة، أما الثلاثة الذين خلفوا من ال13 فهم لم يشاركوا في هذه المغامرة، واحد منهم قال عنده وجعة ولكنه لابد من البوست فوق رأي ، والتاني قال بأجز في رمضان ، والتالت شرد نهائي
أها ياسر ده - رد الله شردته- أبرزهم والظاهر غيابه مؤثر لأني شايف شكل الفريق مشتت زي بتاعين (شليل وينو). لكن بيني وبينك كان ظهر هنا بستفرد بيهو أولا، وما حا يصلكم بي شيطنتو ديك
Quote: عايز يخت الشيطنة , الشبحية والشناة (ش³) (قابل لاضافة شينات) بي سايد الملائكية و الاكاديميات والوجاهات وسيد البورد (ثلجياً) و الجغرافيا والتاريخ بي سايد
شين تكعيب دي فعلا واحدة من عناصر معادلة البوست (بوب ماعرف غير واحده فيهم ونواي يادوب عرف نقطة في الشين) وهناك س تربيع وص تخميس ون أس تسعة وتسعين البعرفهم حانديهو تاج الوقار ، الياقوته فيهو بألف بوست.
Quote: مادايرين احتكاك بين المشجعين وتحددو لينا لون الفنايل
الملائكة كالمعتاد تلعب يمين الملعب باللون الأبيض والاشباح (ساكنين) شمال، وبيظهروا باللون الأسود أو الأحمر وجمهورهم زاتو لابس أسود في أسود عشان يرانا هو وقبيله من حيث لانراه عشان كده نرجو من جمهورنا الهدوء ازاء وسوسة جمهور الخصم وقرأة اية الكرسي والمعوذتين عقب كل هدف . . . أخونا الملاك القائد: معاوية المدير، نبايعك على اللعب النظيف والطاعة الحسناء فبدل ماشئت من حروف الزاي والذال وبقية الحروف، والعب ماشئت - في حضرة الأشباح -بلغة الضاد التي تجيدها أكثر من اجادتهم لاسماء أشباحهم فوالله لو استعرضت بنا هذا النت فشلعته لشلعناهو معك، ماتخلف منا ملك. . . . قبل صافرة النهاية، ومع التنافر الظهر مؤخرا بين لاعبي الفريق الخصم أتوقع فريق الاشباح يلحق عصابة الدرع بتاعة المصارعة الحرة ديك. لذا وجب التنبيه لسعة صدر الملائكة، ونرحب بالمهزومين الذين تم شطبهم من الأشباح للتسجيل مع الملائكة، وللاسف مافي خيارات في الخانات، لأن الشواغر لدينا فقط: رقيب وعتيد لتسجيل مايلفظ من شمارات المنبر. فعلى من (يأنس) في نفسه الكفاءة الاعلان بالتوبة في هذا البوست. وشكرا.
لم تكن في البوست كمية من العنف اللفظي تجعله مرشحا للإغلاق !!!!!!
المهم مر وقت كثير ، و"البهلولية" لم تجد من يعلق عليها قبل الاغلاق؟؟؟؟
Post: #168 Title: Re: ملائكة المنبر Author: محمد حيدر المشرف Date: 06-07-2018, 04:51 AM Parent: #167
ههههههه ..
لمن عمر التاج عمل التقسسيمة لم يستحضر ان ل (بكري) ربا يحميه
مدد!!
Post: #169 Title: Re: ملائكة المنبر Author: أبوبكر عباس Date: 06-07-2018, 05:15 AM Parent: #168
أتمتع والحمد لله بحساسية شديدة في رصد تناقضات الإستنارة (المعيار). تقريباً عبد اللطيف الكافر هو الوحيد بالمنبر الذي لم يترك لي مجال للسخرية منه، فهو دائماً متسق مع استنارته، سيف النصر إلى حد كبير جداً متسق . بقية الأعضاء أعرف جيداً مكان التناقض على سبيل المثال المدعو المشاء يتمتع بعيب خلقي يقف في طريق وصفه بالمستنير هذا العيب غير قابل للعلاج وهو النرجسية وهي تمنعك من النظر للأشياء بحيادية وعدل.
المثال الثاني هو المدعو كمال عباس، هذا المدعو يحاول من زمن كبير أن يمرر خلطة فسيخ بين قناعاته الدينية والفكر الحر، إحساسي بدغمسته في الحاجتين ديل عالي جدا، وبرصد تناقضو دا من بعيد خالص حتى لو حاول يحشرن في سندوتش فول في نص الكلام
اها لون الفنايل دة بفتح ليك طاقة العنصرية 😆😆😆 انتو بكري عباس ما لقيتو ليهو خانة ؟ خلاس تدوهو حق نقل المباراة حصريا واخراجها امشي شيل ليك كمرة يا بكري 😆
Post: #171 Title: Re: ملائكة المنبر Author: عمر التاج Date: 06-07-2018, 10:31 AM Parent: #170
مافيها عنصرية يا حفيظ ربنا زاتو قال يوم تبيض وجوه وتسود وجوه ونحن اضفنا الاحمر عشان مايجو الشواطين ويقولوا في تحيز في الالوان . . يامستنار.. الا الطاقم الفني بتاعنا كمال عباس ده مدرب اللياقة بتاعنا
Quote: لمن عمر التاج عمل التقسسيمة لم يستحضر ان ل (بكري) ربا يحميه
بكري ده يا مشرف زي حضري المريخ زمان ، عجوز ومخضرم وغالي، في مرات يصد عنك الأهداف الصعبة والمضمونة ، ولكن في المباريات المهمة -كان ما عملت حسابك.- ممكن يفقدك البطولة
. . . مرحبا برقم واحد، الداخل اللقاء بعد خراب مالطة ، ورمضان كريم عليك وعلينا
Quote: فهو دائماً متسق مع استنارته،
أبوجهل كان متسق مع جهله - أقصد موقفه- حتى آخر رمق في حياته عنصريته وغطرسته لم تزل منه حتى وهو يلفظ أنفاسه يوم بدر، ويخاطب مسعود بقوله ( لقد ارتقيت مرتقى صعبا يارويعي الغنم) نميري كان أشطر عندما قال أن الثورة تراجع ولا تتراجع
Quote: على سبيل المثال المدعو المشاء يتمتع بعيب خلقي يقف في طريق وصفه بالمستنير هذا العيب غير قابل للعلاج وهو النرجسية وهي تمنعك من النظر للأشياء بحيادية وعدل.
يا ابن عباس سلامات
في بوست ما اتهمتني بالنرجسية بناء على ما ورد في عتبة نصية ، وقمت بالرد عليك...
بعدين لم أدع يوما واحدا انني مستنير..
ولا أدخل معك في أية منافسة...
أنت اطلقت اللقب على نفسك، ثم أعطيت نفسك حق تصنيف المستنيرين..
ولا تقبل النقد..حين قلت لك رسالتك غير واضحة لم تجب...
Quote: استاذ الخواض سلامات أبكر بسخر من هيمسلف ، و الكلام المكوت دا ما جادي ولا يقصده حرفيا.. بس يظهر اتا جادي جدا
اهلا ناصر
لقد أشرت إلى موضع "الجرح"....
لو كان غير جادي فهو يبتذل الاستنارة،
ولو جادي هو "نرجسي" ومتمركز على الذات...
فأي تأويل لن يكون في صالحه.....
Post: #180 Title: Re: ملائكة المنبر Author: كمال عباس Date: 06-07-2018, 09:17 PM Parent: #179
كتب السيد أبوبكر عباس
Quote: المثال الثاني هو المدعو كمال عباس،هذا المدعو يحاول من زمن كبير أن يمرر خلطة فسيخ بين قناعاته الدينية والفكر الحر،إحساسي بدغمسته في الحاجتين ديل عالي جدا، وبرصد تناقضو دا من بعيد خالص حتى لو حاول يحشرن في سندوتش فول في نص الكلام
ماهي قناعة كمال عباس الدينية ؟ وأين ومتي طرح أو. أورد كمال عباس قناعة دينية أو هوية دينية تخصه ؟ وبعدين الفكر الحر دا شنو ماهو كنهه وأصله وفصله وسماته؟ كمال عباس مرجعيته في الحوار - إنسانية وقيم المواطنة - فضاء الإنسانية والوطن والعلم اما الإعتقاد وعدم الإعتقاد الديني فهذه مسألة شخصية ! * وبعدين من قال إن الإستنارة تعني الإلحاد الإستعراضي - ومن قال الملحد - مستنير بالضرورة - الملحد قد يكون عدمي ومنكفئ - وسلبي بعيد تماما عن محاور التنوير وإنعكاسات التنويرعلي الواقع الإجتماعي والإقتصادي والثقافي - والإنحياز لهموم وقضايا شعبه التي يتعدي عليها الظلم والظلام - ! * والملحد قد يكون إيجابيا ومنفعلا بالعام ! وقد يكون مجرد إستعراضي يقشر ويقدل بالإلحاد حتي يقال إنه مثقف وشعلة تنوير ! ثانيا - الإستنارة قد تنطلق وتشع من داخل حقل الدين ومن منصات دينية تراهن علي العقل والعلم والتقدم كتبت في موضع آخر
Quote: اتعدد منصات شعل الإستنارة والنهضة والإصلاح إنطلقت بعض شعل الإستنارة والإصلاح من داخل حقل الدين نفسه اللوثرية والبروتستانت وغيرها كما إنفجر بركان الإستنارة من خارج حقل الدين - من حقول العلوم الطبيعية والإنسانية ومن العقول الصاعدة والباحثة عن الحقيقة !,
وكتبت
Quote: االصراع بين القديم - السائد والجديد الصاعد - الحس الوطني والإنساني - مقابل التسليم والمسلمات والتابوهات - وعقلية القطيع - العلم -وتحرير العقول والإنحياز لإنسانية الإنسان وقيم العصر والسباحة في مجري التاريخ - العولمة وثروة المعلومات - مقابل الإستبداد والقهر وإستغلال الدين لقهر المراة ومقاومة التغيير وتكريس واقع الإستبداد - مقتل الأستاذ محمود وحد الردة وبتر وقطع الأطراف والجلد والقهر وإباحة السلب والنهب والإستبداد - تعالي الحس الجهوي والقبلي والتمزق والتفتت !-المستنير والإستنارة ماهو المستنير وماهو دوره ورسالته - ماهو دوره تجاه قضايا التغيير - المراة والإقليات - التنمية والقيم الإنسانية وقيم العصر والإنتصار للعقل والإنسان والعلم ومواجة القديم المتكلس والجهل والتخلف والإستبداد والإنهيار والتمزق ! أين المستنير - إي مستنير من هذا ! بل وقبل هذا أين المستنير الواعي بذاته وبدوره وبدرجة تطور مجتمعه ومعالم التركيبة الإجتماعية !
عندما قلنا أن الأستاذ كمال عباس هو مدرب اللياقة الخاص بفريق الملائكة لم نكن نحصره في مجرد لياقة بدنية ، بل قصدنا أنه إحدى محطات الطاقة التي تمد المنبر بكافة احتياجاته الثقافية والمعرفية والفلسفية والابداعية مرحبا بك كابتن كمال. . . الطاقم الإداري والفني لجماعة الملائكة لا يستهان به ويضم كافة كتاب المنبر الذين يقفون ضد الظلم والاظلام أما الذين يريدون أن تشيع الشبوحية و الفوضى والسباب في المنبر فإنما هم يتبعون الظن وان هم إلا وهمون
السخرية ليست مجرد لعب ولهو في الكتابة وايذاء للغير ولعب بأوقاتهم بل هي نهج راقي للنقد البناء لمعتقدات الناس وأداة نيرة لإصلاح أخطاء المجتمع لذا تجدني من انصار هذه المدرسة في أغلب بوستاتي وتداخلاتي وما أنفك أقرأ لأسلوب الكتابة الساخرة الرشيقة التي يتحفنا بها كبار الكتاب محليا وإقليميا وأجد متعة المنحى الوجيه الذي يسلكه بعض كتاب سودانيز لهذه المدرسة وان كان جزئيا أو خالطه أمر جدي ورسمي وعلى هذا الأساس بدأنا الخيط ومازلنا نمد فيه بلا زعل. هذا ملخص لفلسفة البوست عن موقعة الجد والهزل التي تثار بين الحين والآخر هنا. . . . لامني أحدهم على قولي جملة (تبديل الحروف) في مداخلتي فوق وللأسف قرأها هو -وبعض القراء- على طريقة (تبديل مواضع الحروف) والنتيجة أن المعنى والخلاصة بعيدان أو متوازيان بين كلا الفهمين.
Post: #183 Title: Re: ملائكة المنبر Author: عزالدين عباس الفحل Date: 06-08-2018, 00:42 AM Parent: #181
سلام قريبي عمر التاج. تغمرني غاية السعادة . برؤية الشاعر و الناقد الفذ . العلامة أسامة الخواص. اكرم به و انعم . اخر عهدي به كنا نتقابل باستمرار. في حلة السعداب . كبوشية. في حوش جدنا محمد سليمان. لمن لا يعرف الشاعر أسامة الخواض. نشأ مهذبا وسيم الطلعة بهي الملامح. هادي الطباع. مثقفا ثقافة عالية. كانت ندوات الشعريةيقيمها باستمرار. في نادي كبوشية الرياضي. كنت يومها يافعا ولم يجري القلم. الحديث مع أسامة ممتعا . وكتب لهذا النابغة القبول. و السمو و الرفعة. و التربع دايما علي القمة. اسامة الخواض فخرا. لكبوشية و السودان . كنت انتظرك من بداية البوست ان تذكر الشاعر أسامة الخواض ملك الملائكة. و كفي.
عزالدين عباس الفحل ابوظبي
Post: #184 Title: Re: ملائكة المنبر Author: عمر التاج Date: 06-08-2018, 11:27 AM Parent: #183
التحية لملاك الطيبة والذوق وسلام عليك ياعز الدين الفحل يا حبوب والشكر على كل حرف كتبته في حق الاحباء
تحياتي خواض ماتركز كتير مع بكري دة غياظ بالجد غياظ قدر ما يشوف الناس راقت بتحلا ليهو الاغاظة وعن معرفة تامة دون ان افشي سرا ، بكري زول مهتم جدا بالناس ويسعي جهده للمساعدة ليس كافراد بل كمجموعات ، ويهتم جدا بأمر الوطن اهتمام فعلي وحقيقي لمستوي يفوق التصور وبرضو عياظ وكاواي مش في البيت بكون في اخو ولا اخت جنها تغيظ ناس البيت ؟ وما يحلو ليهو الجو الا يجيب كثافتك ؟ دة بكري عباس جواهو زول حلو جدا ومهتم هسة كلامي دة ما بكون عاجبو متأكد جدا من كدة اما عن الشك فمن هو المتيقن منا ؟ فقط بكري تخرج افكاره من محبسها دون تابوهات او قيود
دائما ما أنظر للاستنارة على أنها المعني السالب للنور فالمستنير والمستنار هو الذي ينتظر النور يأتيه من مصدره ليعكسه على غيره والاستنارة في المنبر، سواء أكانت استنارة جن أو ملائكة لا تعكس قدرا وافرا من الثقافة والمعرفة ، بقدر ما تعني أنانية واضحة في احتكار النور الذي يغذي به العلماء المنابر . . . . . .
الثقلان ديل هم الانس والجن .. ونحن ملائكة يا بوب شكلكم حاتفرغوا لأنفسكم
وديني يا بوب ضحكتني بشكل هيستيري استشهاد مبالغة انا غايتو اصلو ما ركزت مع المعني الضحكني شنو بشكل طفولي غامر ما حاجة واحدة ولا حاجة ممكن اشرحها لكن ضحكت كدة بس تشكر ياخ وشكرا عمر التاج هذا البوست قربت مسافات كثيرة للمرح دوره الرائد في تقريب المسافات اها قبل ما انسي ما تلخبت معني الاستنارة ياخ
وديني يا بوب ضحكتني بشكل هيستيري استشهاد مبالغة انا غايتو اصلو ما ركزت مع المعني الضحكني شنو بشكل طفولي غامر ما حاجة واحدة ولا حاجة ممكن اشرحها لكن ضحكت كدة بس تشكر ياخ وشكرا عمر التاج هذا البوست قربت مسافات كثيرة للمرح دوره الرائد في تقريب المسافات اها قبل ما انسي ما تلخبت معني الاستنارة ياخ
يا اب سن نحن السودانيين احوج ما نكون للمرح ،الحزن اصبح مقيم و في العام و الخاص، بس في ناس حساسة شوية.. بوست اخونا عمر مرح و ساخر و اتمني ان يخفف من التوتر و الحدة و الناس تنتقل لمربع جديد
Post: #193 Title: Re: ملائكة المنبر Author: عمر التاج Date: 06-09-2018, 00:35 AM Parent: #192
Quote: ماتركز كتير مع بكري دة غياظ بالجد غياظ قدر ما يشوف الناس راقت بتحلا ليهو الاغاظة وعن معرفة تامة دون ان افشي سرا ، بكري زول مهتم جدا بالناس ويسعي جهده للمساعدة ليس كافراد بل كمجموعات ، ويهتم جدا بأمر الوطن اهتمام فعلي وحقيقي لمستوي يفوق التصور وبرضو عياظ وكاواي مش في البيت بكون في اخو ولا اخت جنها تغيظ ناس البيت ؟ وما يحلو ليهو الجو الا يجيب كثافتك ؟
وحيات الله يا ود ابوسن قايلك بتتكلم عن بكري الطبل البوست طيب بكري الاخر لو بساعد الاخرين مالو خلى جماعتو في الصقيعة؟ والشبح خلاهو مشى وين؟ مكانو وين يا جماعة؟ مش بقولوا الحارس هو اللاعب الوحيد التعالج داخل المنبر؟
Post: #194 Title: Re: ملائكة المنبر Author: عمر التاج Date: 06-09-2018, 01:15 AM Parent: #193
عارف يا امير نحن كلمة الملائكة دي ماخدنها بفهمهما الواسع يعني ما مجرد طاعةومعصية .. لا موضوعنا اكبر من كده لما أهلنا يقولوا الزول ده فيهو طبع الملائكة خلاص الفهم كمل يبقى ده فات مرحلة الملوكية ودخل دائرة الوعي الانساني السماوي ولو كانت الملائكة بسرا لقدسته ووسطته لطاعة الرب الملائكة عندنا ليست مجرد مخلوقات نورانية تعيش في برزخ روحي بل بشر يصطرعون على موارد شحيحة وأفكار مسقوفة ومعارف محدودة لا تتجاوز عنان السموات التى نرى ونصل لذا تتعدد طرائقهم وسبلهم واتجاهاتهم .. . . يعني عندك مثلا اخونا كمال عباس دخل فينا لا سلام ولاتحية نقول ده عفريت؟ ابدا .. ممكن يكون ملك يساري.
Post: #195 Title: Re: ملائكة المنبر Author: عمر التاج Date: 06-09-2018, 11:40 AM Parent: #194
Quote: بوست اخونا عمر مرح و ساخر و اتمني ان يخفف من التوتر و الحدة و الناس تنتقل لمربع جديد
عليك (نور) يا ناصرنا الامين نحن عايزين نعالج خلافاتنا في المنبر بنفس هادئ بدون سباب وشتائم ومن غير تكسير الكراسي والاستاد نعمل تقسيمتنا ونلعب دافورينا وبعد المباراة ندور فتتنا سوا وحتى مناكفاتنا داخل البوست هدفنا فيها احنا جايين نهدي النفوس
Post: #196 Title: Re: ملائكة المنبر Author: كمال عباس Date: 06-09-2018, 01:11 PM Parent: #195
angels and demons ملائكة وشياطين! للكاتب العالميDan Brown دان براون مؤلف رواية شفرة دافنشي !
مع التحية لاخونا عمر التاج وصيوفه
شيطان الكتب السماوية رمز الشر والرزائل ام شيطان أمل دنقل رمز التمرد ونقيض الاستسلام والخنوع والتبعية والمسلمات والتدجيين؟
هسي انحن نشجع ياتو؟ مش بقولوا اللعبة الحلوة ؟؟ يعني في لعبة حلوة من الفريقين لو امكن ممكن تغير لينا التاج شاكوش رقم (10) من الفريق الابيض وتحولوا للفريق المنافس حتى تكون الكفة فيها شوية كدة
سلام يافنان السلبية هنا ليست بمعنى المقابل أو النقيض بل قصدت منها حجم التداول الثقافي والمعرفي من حيث التلقي والعطاء فالشعراء مثلا يمثلون منبع الشعر والحكمة،وحتى تتحول هذه الحكمة او الشعر لمصب الغناء أو الكتب يتلقفها كثير السماسرة وينسبون افضالا منها لهم، وهذا دور يشبه الاستنارة في المنبر. فالمستنير كالمرآة، يعكس مايقع عليه من ضوء الشعراء والمثقفين والفلاسفة ثم ينسبها اليه، في حين ان النور نور الشمس لا المرآة وهذا ماقصدته بالدور السالب للاستنارة، الدور الطليعي الموجب للمثقف ان يكون مصدرا للاشعاع الحضاري والانساني وليس مجرد قمر جميل يمتص ويعكس.
Quote: شيطان الكتب السماوية رمز الشر والرزائل ام شيطان أمل دنقل رمز التمرد ونقيض الاستسلام والخنوع والتبعية والمسلمات والتدجيين؟
الجن أيضا ياكمال من الشيطان، وجن سيدنا سليمان مازال فيهم بقية ممن يحجبون عنا بلاء البشر والمردة العفاريت، وكله باذن الله، قال عفريت من الجن أنا آتيك به، سبحان الله كان من الجن وفي الجن من عفاريتها ، وفي الاوطان ملائكة يخدمون وشياطين يهدمون باسم الله، يسبحون بالليل والنهار ويفعلون ما تأمره به نفوسهم الدنيئة ويعصون الأوطان ما تفرضه. ولعل أما دنقل كان يتنقل في شعره بين أولئك.
Post: #201 Title: Re: ملائكة المنبر Author: كمال عباس Date: 06-09-2018, 07:19 PM Parent: #199
سلام اخ عمرالتاج المستنير قد يكون. نجم ذاتي التوهج والإنارة كما هو حال رواد وطلائع التنوير ،،اي اصحاب الرسالات والمشاريع التنويرية !،اصحاب المبادرة والتفرد وحملة المشاعل وهذا ما أسميته بالمستوي الاول للاستنارة !! **. ومناصر الاستنارة وداعيتها قد يكون مجرد كوكب يتلقي الضوء ويعكسه ويشع ويتوهج بالانعكاس لا بالتوهج الذاتي !! ** فقط نذكر ان العملية ليست انعكاسا ميكانيكيا خاملا للنور وانما تدخل فيه الإرادة والفعالية - انه انعكاس ضوئي مبدع وخلاق (يضيف ويركز) ويقدم منتوجه المعرفي والذي لا يخلو من بصمة ذاتية وفعل إيجابي لا مجرد تلقي وانفعال خامل !! وهذا ما أسميته بالمستوي الثاني للاستنارة ،اي مستوي مناصري قضايا الاستنارة والمهموميين بالفعل التنويري وبالتغيير الإيجابي والتقدم ومحاربة الظلام والتكلس والكوابح والمتاريس التي تعترض مجري التاريخ والتقدم أو تلك تكرس للقبح وللواقع المتخثر!! ** وعشان كدة وحتي لايبتذل مفهوم الاستنارة أو يتلبسه من يروج لنقيضه -وجب ضبط المصطلح وبرزت قيمة تعريفه وتحديد سماته ! * انت مستنير يافلان. -اَي فلان - حسنا ماهو موقعك وموقفك من قضايا الاستنارة في وطنك وماهو موقعك من كوابح الاستنارة وكهوف الظلام والظلم والتخلف والاستغلال والاستبداد؟ ماهو موقعك من قضايا التغيير الاجتماعي والثقافي والتغيير علي مستوي الوعي والبني الاجتماعية التحتية ؟ ** ليس بالضرورة ان يكون كل مناصر للاستنارة أو داعم للحراك التنويري -مفكر أو من الرواد أو منتج لمشروع تنويري-يمكن فقط ان تدعمه وتناصره بما تملك من قدرة وجهد وطاقة !يمكن ان تفعل هذا بلا ادعاء أو تنطع أو احتكار للمفهوم أو الزعم بامتلاك صكوك الاستنارة بحيث تقصرها علي ذاتك وتحجبها عما سواك ! أو بغرض تشويه وابتذال الفكرة !فما أسهل طعن الفكرة حينما يلبس جلبابها من يناقضها أو يعاديها أو يناصر في الحقيقة نقيضها !
Quote: هسي انحن نشجع ياتو؟ مش بقولوا اللعبة الحلوة ؟؟ يعني في لعبة حلوة من الفريقين لو امكن ممكن تغير لينا التاج شاكوش رقم (10) من الفريق الابيض وتحولوا للفريق المنافس حتى تكون الكفة فيها شوية كدة
الشيخ أحمد يس حبابك مائة.. كلهم يقولون عشرة وألف فقلنا نميزك بالمائة ولماذا يتجاهل هؤلاء المائة وهي تمام أسمائه الحسنى ولماذا يقصدون بالشيخ رجل الدين وهم يعلمون ان للملائكة شيخا كما للشياطين شيخ .. وللكفار والاشباح والكيزان والصوفية واهل السنة شيوخ. اذن فأنت شيخ عندنا في فريقنا يا ود يس. وهل الملائكة إلا شيوخا؟ وهل الشياطين إلا أشباحا؟ وهل كان إبليس إلا أحدهم حتى إذا سجدوا لآدم رفض؟ ثم ماذا إذا سجد؟ هل كان سيكون شيخا معنا ولا يوسوس لابينا وأمنا فينزل معهم إلى جحيم الأرض؟ وهل كان سيتحول لمعبود الأخيار إذا كان من رفض السجود مخلوق آخر أم أن الحياة ستكون خيرا بلا شر؟ أشياء بلا أضداد؟ هلال بلا مريخ؟ وهل كانت الملائكة موتى إذ قال أرجني ليوم يبعثون أم أن الخير والشر من المنتظرين؟ هكذا وجدنا الحياة يا أحمد من غير أن نسهم في خلقها أو تصنيفها.. وهكذا نعبر فيها من خلال جسور نختارها ثم نندم على أننا لم نختر الجسر الآخر، ويبقى تشجيع اللعبة الحلوة مجرد لحظات للمرح والعظة.. أما بخصوص رقم ١٠ فجاييك بالدرب.. وسأكتب لك عشرة من أعماله في المنبر ومائة خارجه حتى تيقن أنه يستحق رقم الفانلة.
اللفظ والمعنى غير مريحان لي يا عزيزي كمال، فمن حيث المعنى، جعل الله الشمس نورا والقمر ليستنار به. ومن حيث اللفظ يقولون أعمدة انارة وليست استنارة. ويقولون شمسا منيرة وليست مستنيرة وإذا أخذنا كلمة مشابهة، فكلمة مستجير تطابق كلمة مستنير لفظا في كل شئ، رجل مجير أى أجار غيره ، فهو رجل ايجابي رجل مستجير تعني مستجير عند غيره، كالمستجير من الشارع بالمنبر (وجه متحيكر) وعلى ذلك قس المستنير.
Post: #204 Title: Re: ملائكة المنبر Author: كمال عباس Date: 06-09-2018, 09:07 PM Parent: #203
تحياتي اخ عمر التاج فهمتك !! انت تتعامل مع الدلالة. اللغوية واللفظية لمفردة مستنير لا الدلالة الاصطلاحبة. والمفاهيمبة- للكلمة كمفهوم !!نعم لفظيا وحرفيا مفردة مستنير تدل وتشير للانفعال لا الفاعلية !! مستنير = منفعل - متلقي لفعل التنوير لا باعثه -!!ولكن حتي ولو تقيدنا بالحرفية فانه بمكن تكون متلقي للفعل (النور) ومانحه في ذات الوقت !! الاستنارة ليست جين وراثي وانما هي فعل مكتسب بالمعرفة والاكتساب والتعلم والتفاعل والتلاقح !! فمثلا قبل ان تكون عالما كنت متعلم وطالب معرفة وقد تظل هكذا للأبد متعلم باستمرار. ومعلم في ذات الوقت !! تكون متلقي استنارة. وباعث لها في ذات الوقت ! !**. دا من حيث الدلالة. اللفظية واللغوية اما من حيث الدلالة الصطلاحية والمفاهيمبة فاللفظ لايقيد بمعني محدد ولا دلالة لغوية واحدة وانما يحتمل معاني جديدة ويشحن بدلالات جديدة وقد يصك معني اصطلاحيومفاهيمي يحلق به في فضاء جديد يحرره من الجمود الحرفي ! ** ممكن الاخ الخواض يتوسع في مسالة الدلالات اللفظية والاصطلاحية والمفاهيمبة للمفردات -!! *فقط ارجو ان تضع في الاعتبار المعني الاصطلاحي للفظة وقدرة الكلمة لاستيعاب واحتمال معاني ودلالات جديدة ! وانطلاقا من هذا تصبح كلمة مستنير فاعلة بقدر ماهي منفعلة ومعطية بقدر ماهي متلقية ..ومنيرة و"منورة " ومستنبرة "لفظيا"كل في وقت واحد !!
بالنسبة للاستنارة و حالا الاستنارة هى القدرة على قراءة الوقائع و ربطها بمحيطها و استنباط المواقف و وضع الحلول لها الحاجة دى عملا زول واحد فى تاريخ البشرية و هو المستنير سيدنا الخضر عدا ذلك هى محاولات .... استسنار ... قد لا تجدى فتيلا ___ رفعت الاقلام و جفت الاستنارة
في المقال الذي أشرنا إليه سابقاً، يحاول كاتبه أن يبرز معاني "النور"، و"الظلام"، كما تجلّت في تاريخ "التنوير" الأوروبي..وسنقدم عرضاً منجّما له :
الحلقة الأولى:
يحاول جان توتنري في ورقته المعنونة"لظلام كمجاز في تاريخ التنوير"يحاول ان يركِّز على "الظلام" كاستعارة في الكتابة التاريخية للقرن الثامن عشر، حيث يرى أنه على النقيض من الاحتفاء بالنور كرمز للمعرفة والتقدم، فإن تأويلات معنى الظلام تتفاوت. بالنسبة للعديد من المؤرخين فإنه أي الظلام يرمز إلى التخلف أو الانحطاط، والذي بلغ أوجه في المجتمع القرووسطي. ولكن العلاقة بين تاريخ القرن الثامن عشر والعصور الوسطي، ليست جلية كما يقترح مثلا فولتير وادوارد غيبن . أولاً وقبل كل شيء فان فهم ثقافة او نصوص القرون الوسطى يوحي بمهارة المؤول. ثانياً، بعض سمات الثقافة القرووسطية المفترضة ، مثل حرية استخدام الخيال، أصبحت بالتدريج تحظى بالتقدير.
كان تنوير القرن الثامن عشر حركة جدّدت العالم بتكيفه مع بلاغة المسيحية وإعطائها معنى جديداً. ويمكن رؤية سيرورة العلمنة من هذه الزاوية من النظر، بأنها بلغت أوجها بإعادة تأويل ثنائية النور والظلام الانجيلية. تعكس فكرة الحقيقة في المسيحية النور الأبدي الذي أعطاه الرب للجنس البشري .استبدل هذا المجاز تدريجياً بفكرة الحقيقة العلمية، التي أنارت الجانب المظلم في المعرفة الإنسانية. اعتبر كُتّاب التنوير النور كرمز للتقدّم والعقل والتسامح. وأصبحت علاقتهم بالظلام أكثر تعقيداً عندما بدأوا يفكّرون في معناه الحقيقي.
ويرى الكاتب أنه يحاول في هذا المقال أن يصف المعاني المختلفة للظلام في تاريخ التنوير. وأن أمثلته جاءت من الكتابة التاريخية التي كانت جنساً مسيطراً في أدب القرن الثامن عشر. ويرى الكاتب أن كل الكتّاب من ديفيد هيوم إلى الماركيز دو كوندورسيه هدفوا إلى كتابة تأويل لأصول وتطوّر عصر النور. وأن مفهوم "التاريخ" قد أصبح راديكالياً بتعريفه على أنه وصف للسيرورات المؤدّية إلى الاستعمال الحديث للعقل. لقد فُهمت الحدّة البصرية كخاصية أساسية للروح العلمية.رمز النور إلى العلوم الطبيعية ، وأيضاً استعمال العقل غير المقيَّد بالخرافة والدين.
ونواصل عرض المقال\الورقة ...
Post: #207 Title: Re: ملائكة المنبر Author: عمر التاج Date: 06-10-2018, 00:50 AM Parent: #205
كلامك صحيح اخ كمال انا تعاملت مع المعنى اللغوي وتجاهلت الاصطلاحي لاني لم أجد له عمق حقيقي في التاريخ ولاعرض في التداول اللغوي ولامقابل محدد في اللغات الأخرى. لذا ماظلت اسك فيمن اصلحه. وإسأل نفسي متى اصطلحه، وفي أي المنابر استخدمه؟ وماهي دوعي استخدامه؟ وماهي الكلمة الأجنبية التي يمكن ترجمتها مباشرة اليه؟ وهل الاستنارة درجة علمية أو مستوى ثقافي معين؟ وهل هي عامة أم حصرا على حقل معين؟ وهل فيها تدريج معروف يميزها أم مصطلح تقديري؟ وما مدى استخدامها في أشعار العرب القديمة وادبهم الحالي؟ وهل الاستنارة والانارة لهما نفس الأثر من حيث القوة والعطاء.. كل هذه أسئلة اصطدم بها كل ما قرأت لاحدهم ارتباطا بالكلمة في المنبر ولا اجد من يعرفها؟
Post: #208 Title: Re: ملائكة المنبر Author: عمر التاج Date: 06-10-2018, 00:54 AM Parent: #207
كتبت المداخلة الاخيرة مستشهدا بمداخلة جلالدونا قبل أن أقرا مداخلة الخواض، والذي يبدو انه قدم بعض الاجابات عن أسئلتي وان كانت اشارته لمطلح التنوير أعمق من الاستنارة
Post: #211 Title: Re: ملائكة المنبر Author: كمال عباس Date: 06-10-2018, 01:53 AM Parent: #208
سلام اخ عمر التاج - راجع المصطلحات الفكرية لعصر النهضة والاصلاح في اوربا renaissance age —Enlightened //enlightenment Age /illuminated /Enlightened. الاستنارة ليست درجة علمية ولاهي درجة اكاديمية وانما مصطلح فكري ومفاهيم - دخلت هذه المصطلحات المنطقة الناطقة بالعربية - بعد الثورة الفرنسية - ودخول المطبعة والموجة الثقافية وتم تعريب هذهالمصطلحات - واستخدامها في الصوالين الفكرية والثقافية في بواكير الصحف السيارة والاصدارات الثقافية!ماهو حقل الاستنارة وماهو مجالها المعرفي ؟ وماهو نقيضها وماهي سمات المستنير ؟ اليك ماكتبته في البوست الاخر( قبس الآستنار ةة قبل خمس - ستة قرون من الزمان كان السائد هو - الكهنوت والظلام - السحر والشعوذة والتخلف والأمية والجهل والملكيات المطلقة والإقطاع - وسطوة رجال الدين والتفسير الكهنوتي لظواهر الكون - وكانت القوي الصاعدة ورواد التنوير والتغييريصارعون من أجل تثبيت قيم العلوم ( الطبيعية والإجتماعية) والرهان علي إنسانية الإنسان وضميره وعقله وحرية خياره وقراره - بعيدا عن الكهنوت وسطوة الملوك رجال الإقطاع -والتفاسيرالبالية للقوانين الطبيعية وحركة الكون - ,,هنا إنفتح القمقم وإنكسرت القيود وتحرر العقل وقفزت البشرية إلي الأمام-الكشوف الجغرافية - تقدم الفنون والرسم والنحت والأدب - والعلوم الطبيعية - إنهار الإقطاع وتحرر الأقنان وعبودية الأرض وبدأ النظام التجاري والرأسمالي وبواكير المجتمع الصناعي والبؤرالمدنية والحضرية - وأصبحنا نتحدث عن الحرية والديموقراطية والعقد الإجتماعي ومالله لله ومالقيصر لقيصر وفصل الدين عن الدولة والسياسة - بل كبح جماح قيصر نفسه وتحديد سلطاتهوالملكيات الدستورية - ثم إنفجرت الثورة الفرنسية لاحقا ! ,,تعدد منصات شعل الإستنارة والنهضة والإصلاح إنطلقت بعض شعل الإستنارة والإصلاح من داخل حقل الدين نفسه اللوثرية والبروتستانت وغيرها كما إنفجر بركان الإستنارة من خارج حقل الدين - من حقول العلوم الطبيعية والإنسانية ومن العقول الصاعدة والباحثة عن الحقيقة !,, الإستنارة عندنا تشابه وإختلاف الواقع والتركيبة الإجتماعية بيننا والغرب- الجهل والتخلف وإستغلال الدين وتوظيفه كأداة كبح أو تكريس للأمر الواقع - الطائفية والتبعية - التصوف السلبي والخمول والخنوع - بنية إقتصادية وإجتماعية متخلفة - الإستبدادوالتسلط - والقهر والجانب السالب للقبلية والجهوية والعنصرية والتعالي العرقي ودونية المراة وتهميش الأقيات-** ثم الإستعمار - المدرسة ومؤسسات الدولة الحديثة - المجتمع الزراعي والتجاري وبواكير الصناعةوالمجتمع المدني والحضري -ثورة علي عبد اللطيف ومؤتمر الخرجيين ومجلة الفجر وخليل فرح وبزوغ فجر الأحزاب - قديمها وجديدها والقوي الخديثة والقوي التقليديةوبداية الصراع بين القديم - السائد والجديد الصاعد - الحس الوطني والإنساني - مقابل التسليم والمسلمات والتابوهات - وعقلية القطيع - العلم -وتحرير العقول والإنحياز لإنسانية الإنسان وقيم العصر والسباحة في مجري التاريخ - العولمة وثروة المعلومات - مقابل الإستبداد والقهر وإستغلال الدين لقهر المراة ومقاومة التغيير وتكريس واقع الإستبداد - مقتل الأستاذ محمود وحد الردة وبتر وقطع الأطراف والجلد والقهر وإباحة السلب والنهب والإستبداد - تعالي الحس الجهوي والقبلي والتمزق والتفتت !-المستنير والإستنارة ماهو المستنير وماهو دوره ورسالته - ماهو دوره تجاه قضايا التغيير - المراة والإقليات - التنمية والقيم الإنسانية وقيم العصر والإنتصار للعقل والإنسان والعلم مواجهة القديم المتكلس والجهل والتخلف والإستبداد والإنهيار والتمزق ! أين المستنير - إي مستنير من هذا ! بل وقبل هذا أين المستنير الواعي بذاته وبدوره وبدرجة تطور مجتمعه ومعالم التركيبة الإجتماعية !))الاستنارة موقع وموقف فكري وثقافي تجاه قضايا ومحاور معينة تجدها مفصلة الاستنارة موقع وموقف فكري وثقافي تجاه قضايا ومحاور معينة تجدها مفصلة ومبثوثة بنقايضها في اعلاهاوهي ايضا تحرير للعقول واعمال للعقول وشحذ للاذهان وانحياز للعلم ولإنسانية الإنسان وقيم العصر والسباحة في مجري التاريخ - والتقدم !
Quote: دائما ما أنظر للاستنارة على أنها المعني السالب للنور فالمستنير والمستنار هو الذي ينتظر النور يأتيه من مصدره ليعكسه على غيره
يا عمر التاج في حديث مالك بن كعب قال "فلما سلمت على رسول الله صلى الله عليه وسلم وهو يبرق وجهه من السرور وكان رسول الله صلى الله عليه وسلم إذا سر استنار وجهه حتى كأنه قطعة قمر وكنا نعرف ذلك منه"* وجاء في كتاب مختصر الصواعق لإبن قيم الجوزية "فإن الموجودات النورانية نوعان : منها ما هو في نفسه مستنير ولا ينير غيره كالجمرة مثلاً فهذا لا يقال له نور، ومنها ما هو مستنير في نفسه وهو منير لغيره كالشمس والنار، وليس في الموجودات ماهو منور لغيره وهو في نفسه ليس بنور بل إنارته لغيره فرع كونه نوراً في نفسه"*
في اللغة العربية كلمة إستنارة وكلمة مستنير لها معاني أكثر من المعنى الذي قصرتها عليه. كلمة مستنير و مستجير هي أسماء فاعل مشتقة من أفعال ثلاثية معلولة العين و مزيدة بثلاث حروف. و إسم الفاعل يمكن أن يدل على من قام بالفعل و مثال ذلك كلمة مستجير التي استشهدت بها و ممكن أن يدل إسم الفاعل على من اتصف بالفعل كما في كلمة مستنير وكلمات أخرى مثل مستقيم ومستدير. فالفرق بين مستجير و مستنير في أن المستجير هو فاعل الإستجارة و يلزمه مُجير أما المستنير فهو مُتصف بالإستنارة و لا يلزمه مُنير فهو مستنير بذاته و منير لغيره.
*الهدف من إيراد النصوص هو الدلالة على إستخدام استنار ومستنير في النصوص العربية القديمة وليس الهدف محتواها الديني.
Post: #212 Title: Re: ملائكة المنبر Author: كمال عباس Date: 06-10-2018, 02:21 AM Parent: #210
سلام أخ حافظ بشير كتبت
Quote: و ممكن أن يدل إسم الفاعل على من اتصف بالفعل كما في كلمة مستنير وكلمات أخرى مثل مستقيم ومستدير. فالفرق بين مستجير و مستنير في أن المستجير هو فاعل الإستجارة و يلزمه مُجير أما المستنير فهو مُتصف بالإستنارة و لا يلزمه مُنير فهو مستنير بذاته و منير لغيره.
بالضبط وحتي لغويا ولفظيا - مفردة مستنير - كلفظة مستقيم = قائم بذاته ومقوم لغيره! والمستنير ( فاعل فعل إكتساب مجال صفته بجهده وحراكه) -إكتسب الإستنارة بالمعرفة والاكتساب والتعلم والتفاعل والتلاقح ـإي بجهده! إستنارة عبر إكتساب المعرفة والعلم وإعمال العقل والفكر - لا التلقي الخامل والتبعية البليدة . المستنير هنا إكتسب المعرفة بعقله النقدي وخياره وإنحاز لقضايا التنوير بإرادته الحرة
* الإستنارة ليست طلسم سحري أوكهنوت وإنما عملية تعليم وتعلم وتنوير وتنور مستمر فمثلا قبل أن ان تكون عالما كنت متعلم وطالب معرفة وقد تظل هكذا للأبد متعلم باستمرار. ومعلم في ذات الوقت !! تكون متلقي استنارة. وباعث لها في ذات الوقت !
الحلقة الثانية: الظلام والعصور المظلمة في عصر النور
أصبحت ثنائية النور والظلام الضدّية أكثر تعقيداً في القرن الثامن عشر.رمز الظلام بشكل ضمني إلى الحرمان من النور الطبيعي.لقد كان الظلام هو المصطلح المناقض للنور الطبيعي. ولكن دو جاكورت لم يحتفِ بمجيئ النور كما فعل معظم مفكرّي تلك الحقبة. فقد تنبأ بعودة الظلام بعد سيادة النور. وقد اعتبر أن مجيئ الليل هو بعد النهار عندما لن تسطع الشمس أبداً. وحتى في سياق التفكير الإنجيلي ، عندما ظهر أول مرة نور الرب في الظلام، فإن وصف دو جاكورت للظلام كشيء يأتي بعد النهار كان مثيراً للجدل. فوفقاً للتاريخ، يبدو أن دو جاكورت يبدو أنكر فكرة التقدّم، أو شكّك فيها.
يعكس تشديد دو جاكورت على الظلام اهتمامات الكتابة التاريخية للقرن الثامن عشر بشكل واضح الجلاء . فقد اعتبر ارنست بريسك مخالفة التقدّم من مواضيع الكتابة التاريخية الأساسية.فهي تعكس صدى عدم رضا روسو عن المجتمع الحديث الذي اتّسم بنقصان للسعادة. وعلى النقيض كان معظم المؤرخين يرغبون في رسم تقدم العلوم والفن والأخلاق في علاقتها بالخبرة السعيدة المعاصرة.
بالرغم من التشديد والتأكيد على التقدّم، فإن استعارات الظلام والنور ليست منفصلة في تواريخ القرن الثامن عشر كما يمكن للمرء أن يتوقّع.فقد أبْدتْ الكتابة للتنوير أحياناً تعاطفاً مع الحقب المظلمة للتاريخ البشري، أو مع تلك الثقافات التي اعتبرت عموماً مفتقرةً للتنوير.فعلى سبيل المثال، تجب إعادة النظر في الرأي الشائع عن أن كُتّاب التنوير كانوا عِدائيين تجاه العصور الوسطى. بعض المؤرخين كتبوا عن العصور الوسطى كحقبة للخرافة في تضاد قوي مع العلم الراهن وحرية الفكر، ولكن مع كل نقد قاسٍ، يمكن للمرء أن يجد اتجاهات أكثر حيادية.
في الحقيقة فإن الحقبة التي نعرفها بالعصور الوسطى هي من ابتداع كُتَّاب القرن الثامن عشر الذين طُوِّرتْ أفكارهم في القرن اللاحق. كان مصطلح حقبة القرون الوسطى مستخدماً من النصف الثاني للقرن السابع عشر، لكن مؤرّخي عصر التنوير هم الذين عرّفوا أي نوع من الحقب كانت حقبة العصور الوسطى.
Quote: إستنارة عبر إكتساب المعرفة والعلم وإعمال العقل والفكر - لا التلقي الخامل والتبعية البليدة
بالضبط هذا هو المفهوم الذي أقصده فتشبيه المستنير بالمرآة التي تعكس الضوء مستحيل هنا.. إذا أن الإنسان يبني معرفته داخلياً بطريقة فاعلة و ليس كالمرآة التي تعكس الضوء من سطحها الخارجي. و لا يمكن تسمية المعلومات التي يحملها شخص ما بالمعرفة مالم تصبح هذه المعلومات جزءاً من بنيته الذاتية و و ما لم تتلائم ذاته مع معطيات الواقع الخارجي لهذه المعلومات. فالإستنارة ليست هي جمع قدر من المعلومات بقدر ماهي قدرة تتمثل داخلياً بإستكشاف الحقيقة وفهم الواقع بشكل أفضل و تتمثل خارجياً بنشاط إنساني يسعى لتطوير نمط الحياة.
Post: #215 Title: Re: ملائكة المنبر Author: كمال عباس Date: 06-10-2018, 12:55 PM Parent: #214
شكرا أخ حافظ بشير علي الإثراء والإغناء وتقديم رؤية دالة - ناصعة ومحرضة علي التفكير
لقد أحسنت التعبير يا مولانا حافظ.. لا يمكنني إلا الإتفاق معك على إجمالي هذا المقتبس خاصة لو وجدنا طريقة لإضافة ـ ولو مضمرة ـ فيه تسمح لمفهوم (التفكير النقدي) بموقع مركزي صريح منه.
Quote: تشبيه المستنير بالمرآة التي تعكس الضوء مستحيل هنا.. إذ أن الإنسان يبني معرفته داخلياً بطريقة فاعلة وليس كالمرآة التي تعكس الضوء من سطحها الخارجي. ولا يمكن تسمية المعلومات التي يحملها شخص ما بالمعرفة مالم تصبح هذه المعلومات جزءاً من بنيته الذاتية وما لم تتلائم ذاته مع معطيات الواقع الخارجي لهذه المعلومات. فالإستنارة ليست هي جمع قدر من المعلومات بقدر ماهي قدرة تتمثل داخلياً بإستكشاف الحقيقة وفهم الواقع بشكل أفضل وتتمثل خارجياً بنشاط إنساني يسعى لتطوير نمط الحياة.
أتفق إذن مع هذا القول المنير المستنير على الرغم من كوني، وعما قريب جدا،، قد استخدمت مجاز الانعكاس "المستحيل" نفسه في معرض المقارنة بين "التنويري كالشمس في فعالية البث والمستنير كالقمر في الحسن والبهاء".. الحق أحق بالاتباع، وكما تقول: فالأمر في الاستنارة والتنوير أكبر من مجرد انعكاس خامل مع أن الخمول لم يخطر ببالي، بل الجمال والفيض والإشراق. ثم،،،، لو أخذنا في الاعتبار كل تلك المقاربات التي تابعتها تستخدم هنا وهناك في البوست الآخر، عن مفهوم الإستنارة وعن معنى المستنير، فلا أظن أن المستنيرين الهنا سيختلفون حولها كثيرا، ومع هذا فستجدهم يتنازعون ويتقاذفون استنارات آحدهم أو الآخر، بتهم كمثل؛ابتذال الاستنارة بالسخرية وقتلها بالضحك ـــ النرجسية المانعة عن الاستنارة ـــ الدغمسة الفكرية (التوقف عن نقد الدين مثلا) كجريمة في حق الاستنارة! هذه فقط مجرد عينات وردت في هذا البوست. الحقيقة، في غياب حيثيات واستشهادات قوية ومتماسكة، فأنا محتار في تجذير هذا الخلاف وفي تقعيد تلك التهم المتبادلة بين هؤلاء المستنيرين الكرام على أي منطق كان! فمع شدة ما نظرت وكثرة حاولت لم أجد لأي من هذه التهم أي قدرة ذاتية على انتزاع الصفة/اسم الفاعل "المستنير" عن أي مستنير متهم بها أو عن مستنير آخر يرميه بها.. يا مستنيرين، لماذا لا يكون اعتراف بينكم، بأن العامل الحاسم في معارككم الههنا، ليس هو هذه الاختلافات الموضوعية حول مضمون وحامل ومحمول التنوير والاستنارة، وهي الاختلافات الأكثر من محتملة الورود بينكم، بل هي من الواجب الحتمي، فيما بين المستنيرين!! ولكن بالأحرى فالعامل الحاسم إنما هو ــ طبعا مع الكراهة الشديدة للإقرار بهذا ــ تلك الخصائص الشخصية لهؤلاء الإخوة المستنيرين.. تماما كم يحدث عند غيرهم من أحسن العائلات سواء بين أهل الأنوار أو أهل الظلمات .. ظني هو أن الخصائص والطبائع والتفضيلات الشخصية والمنبرية والأدبية التي تطبع مقاربة أيهم حول الاستنارة وقضايا التنوير وغيرها من المواضيع، غنما هي العامل الحاسم في تقبلهم أو عدم تقبلهم لاستنارة بعضهم البعض، أو في عدم احتمالهم طرق تعبير واحدهم عن استنارته التي يعبر عنها في مداخلاته. باختصار أشد؛ الشيطان يكمن في المداخلات التي يتم ارسالها واستقبالها عبر تلك الخصائص/الطبائع/ التفضيلات التي هي أمور ذاتية تخص المرسل والمتلقي.
الأكيد، بل الثابت شرقا وغربا، شمال وجنوب وفوق وتحت، أن مراعاة الخصائص الشخصية للمحاورين والمخالفين، والسعة لاحتمال الاختلافات والمخالفات الفردية، هو من صلب مقتضيات الاستنارة الذي به قد تفعل فعلها التنويري كيفما يكون قدرا أو أثرا. والمعلوم كذلك أن الذي لا يتقبل النقد الشخصاني أو المشخصن، ولا غضاضة، فحتما لن ينفد من سماوات النقد الموضوعي متى ما فرض الأخير نفسه بدليل وحيثية.. عشان كدا قالوا: كل مستنير بي طريقتو! زي كل شيخ بي طريقتو!! سمعتو بغارات شيوخ الصوفية يا مستنيرين؟ هي من الغيرة ومن الغيرية أيضا، ولكنها ليست مجرد غيرة وغيرية، بل مركبة تركيبا عرفانيا لا أظنني أعرفه! الفكرة؛ في طرق التنوير وطرائق الاستنارة سعة، فشنو، بطلوا الإغارات البينية وما تغيروا "على" بعض يا شيوخ الاستنارة!!
المستنيرون هنا قالوا للمستنير خلي كترة الضحك والسخريات الشخصية! معقولة الزول إلا يمرق من جلدو، وإلا ذهبت عنه الاستنارة!! بينما المستنير يراجع في أصل استحقاقهم للاستنارة على أسس نفسانية، ولا شاهد لديه!! أو يطالبهم بإعادة هيكلة مشاريعهم التنويرية لتناسب مشروعه الخاص، وليس فقط تغيير طرق تعبيرهم عن مشاريع تخصهم!! حقو تخليكم جادين شوية ياخي، خليكم لطاف زي لطيف .... أو خليكم ملايكة زي التاج:)!!
Quote: لمستنيرون هنا قالوا للمستنير خلي كترة الضحك والسخريات الشخصية! معقولة الزول إلا يمرق من جلدو، وإلا ذهبت عنه الاستنارة!!
أوقفت التعليق على ابن عباس بناء على طلب عبدالحفيظ ابوسن..
السخرية المقصودة في نقدنا هي عابرة المسلمات والثوابت،،،
طيب ما هي مشكلتها؟؟
مشكلتها هي "ضبابية الرسالة"، وقبل كل شي "ابتذال كل شيئ"،،،
لاشيئ خارج الضحك والإضحاك وإمتاع الجمهور ومؤانستهم،
حتى "الاستنارة " نفسها ، والمستنيرين" أنفسهم؟؟؟؟
هل يمكن مثلا لكتاب مقدس أن يسخر من رسالته؟؟؟
هل يمكن لمصلح اجتماعي أن يسخر من القضية التي يدافع عنها؟؟؟
المستنير يوظّف سخريته ضد "الظلام"،
أما إن كان "كلو عند المستنير صابون"،
بما في ذلك "النور " و"الأنوار" الفرنسية،
فقلْ على الاستنارة السلام؟؟؟
الفاتحة ......
ويُقام "المأتم" في شارع "قلب الظلمة".....
Post: #218 Title: Re: ملائكة المنبر Author: كمال عباس Date: 06-10-2018, 03:15 PM Parent: #216
سلام عزيزنا هاشم الحسن لم يصادر احد صفة الاستنار من اخر لمجرد ان الاخر ساخر وهزلي !! فمعظمنا يمارس الكتابة الساخرة ولَم يدعي احد منا احتكار كهنوت الاستنارة والادعاء بانه الكاهن الأعظم للاستنارة ومالك صكوكها وشفرتها وطلسمها السحري بحيث يحق له وحده التدثر برداء الاستنارة. الكهنوتي !! فابحث عمن يدعي هذا او يمارسه !! الاختلاف في مسالة الاستنارة مرده ليس سخرية وتكهمبة اوصرامة من يدعيها فالمسألة أعمق من هذا ! قلت في هذا
!* انت مستنير يافلان. -اَي فلان - حسنا ماهو موقعك وموقفك من قضايا الاستنارة في وطنك وماهو موقعك من كوابح الاستنارة وكهوف الظلام والظلم والتخلف والاستغلال والاستبداد؟ ماهو موقعك من قضايا التغيير الاجتماعي والثقافي والتغيير علي مستوي الوعي والبني الاجتماعية التحتية ؟** ليس بالضرورة ان يكون كل مناصر للاستنارة أو داعم للحراك التنويري -مفكر أو من الرواد أو منتج لمشروع تنويري-يمكن فقط ان تدعمه وتناصره بما تملك من قدرة وجهد وطاقة !يمكن ان تفعل هذا بلا ادعاء أو تنطعأو احتكار للمفهوم أو الزعم بامتلاك صكوك الاستنارة بحيث تقصرها علي ذاتك وتحجبها عما سواك ! أو بغرض تشويه وابتذال الفكرة !فما أسهل طعن الفكرة حينما يلبس جلبابها من يناقضها أو يعاديها أو يناصر في الحقيقة نقيضها !
سلام بطعم العيد يا حافظ ، ومرحبا بك حكما للراية (محاورا)..
Quote: فالفرق بين مستجير و مستنير في أن المستجير هو فاعل الإستجارة و يلزمه مُجير أما المستنير فهو مُتصف بالإستنارة و لا يلزمه مُنير فهو مستنير بذاته و منير لغيره.
قبل سنوات قلائل أنشأت مع زملاء لي مركزا للتدريب ، وكان أن انحصر الاسم بين ثلاثة : الاشعاع المعرفي، التنوير المعرفي ، الاستنارة المعرفية، وفي الاسم الأخير قدم لنا أحد الضالعين في اللغة مرافعة أفرغ فيها الاسم من المعني الذي كما ننشده تماما ، ومنذ ذلك اليوم خرجت الاستنارة لفظا من مقتنياتي ما أجده في اصل اللفظ أن المستنير انما يستنير بغيره وليس بذاته ، حتى أن الاسم غالبا ما يأتي مستنير بـ ، فتقول مثلا مستنير بالنجوم ، مستنير بكتاب الله ، وكذا كلمة مستجير ، تقول مستجير بالله ، بينما إذا كنت أنت الفاعل تاتي بلفظ الـ(مجير) . الانارة نفسها في عرفي تحت الإضاءة وأدنى الاستضاءة ، فالإنارة أجد فيها انعكاسات النور ، والاستضاءة اعرفها كانعكاس للضوء على سطح معين (المستضئ)، بينما الإضاءة هي الاشعاع من مصدر مشع كالشمس والنجوم . في القران العظيم جاء قوله تعالى ( هُوَ الَّذِي جَعَلَ الشَّمْسَ ضِيَاءً وَالْقَمَرَ نُورًا ) وفي المسيحية أيضا حمل لفظ المستنير نفس المعنى ، يمكنك ان تطالع الفيديو أدناه للمقارنة ..
. . شكرا أخ كمال على التعليق الضافي.. لا يوجد اختلاف مؤثر بين فهمنا للاستنارة وأهميتها ..غير أن الشك يساورني تجاه حصر هذه المصطلحات الأجنبيه على الاستنارة :
Quote: renaissance ageEnlightened age enlightenment illuminated.
Post: #222 Title: Re: ملائكة المنبر Author: كمال عباس Date: 06-10-2018, 07:29 PM Parent: #220
سلام اخ عمر التاج بس هناك نقطة خلافية وَكما ذكرت وشرح الاخ حافظ بشير قد يكتسب المستنير ( التنوير والإشعاع ) عبر جهده واجتهاده واطلاعه وقدح ذهنه وأعمال فكره وعقله النقدي !! عبر التفكر والتأمل !! أي من دون شحن بمصدر وتزويد بالطاقة من مصدر خارجي ومن دون بكون حوار يتعلم من شيخه وياخذ المدد والطريقة منه ومن دون تلقيين وحفظ واجترار !! ** انت اذا امام مثقف نظر للواقع ( جهل وتخلفواستغلال وتجهيل ومنافاة للعلم والتقدم ومنجزات الانسانية / خمول وافكار متكلسة وسيادة قيم وتقاليد متحجرة/اتباع /استبداد / عقلية ذكوريّة وأبوية / تابوهات تكبل التفكير الخ ) — مثقف نفذ الي علل واقعه وشخص المرض ومن ثم نظر للعلاج او راهن علي الروشتة -
* نعود لمفردة مستنير هي ليست مثل مفردة مقتول اَي وقع فعل القتل بواسطة فاعل اخر او مضروب وقع عليه الضرب بواسطة ضارب ! مستنير صفة لموصوف - وليست مفعول به وقع عليه الفعل بواسطة فاعل ومؤثر خارجي كما هو الحال في مفاعيل ( مضروب ومقتول وممدوح ) وانما هي صفة لموصوف اكتسبها بنفسه وبذاته عبر فاعليته الإيجابية وحراكه وأعمال عقله وفكره وعبر اطلاعه النقدي وتكوين رؤيته الذاتية ! المستنير هنا active لا passive منفعل وفاعل لا مفعول به خامل -سلبي ومتلقي - ثانيا هذا المثقف الموصوف بالاستنارة او بانه مستنير بعد اكتسب هذا التنوير والنور وقيس الضوء بجهده وفاعليته وعقله النقدي والباحث عن الحقيقة والحلول قام بتنويره غيره ليكون متنور ومنور في ذات الوقت !!
اكتسب. هذا المثقف الصفة وأكسبها لغيره ،،!!انه مستنير بذلته ولذاته ولغيره ! نحن اذا امام حالة نقدية لا تلقينية لا تبعية ولا اتباع بليد !؟وانما انحياز لقضايا محدد ة ** ومع هذا كله فليكن !اطلق انت علي المثقف منور وسا اطلق عليه لفظ وتوصيف مستنير! ما المشكلة طالما قد اتفقنا علي سمات ومعالم هذا المثقف ورسالته ودوره في الحياة !! ولَك ان تتعامل معه كا اصطلاح ومفهوم بعيدا عن الدلالة اللغوية !
Quote: اطلق انت علي المثقف منور وسا اطلق عليه لفظ وتوصيف مستنير! ما المشكلة طالما قد اتفقنا علي سمات ومعالم هذا المثقف ورسالته ودوره في الحياة !! ولَك ان تتعامل معه كا اصطلاح ومفهوم بعيدا عن الدلالة اللغوية !
عليك (نور) يا كمال هذه هي الزيدة المفيدة كل ينادي ويصطلح ويشتق الاسم الصفة التي تعجبه ، والهدف واحد هو الموصوف (مثقف، فيلسوف ، ملاك ..الخ). (الاصطلاح) نفسه الخاص بهذا اللفظ ، قد يتوفر في معاجم ويتغير في أخرى، وفقا لتغيير الأزمان والثقافات والأديان ..الخ ففي مقتبس الخواض الأخير ، يقول الصحاح (وقد نارَ نَوْراً وأَنارَ واسْتَنارَ ونَوَّرَ؛ الأَخيرة عن اللحياني، بمعنى واحد، أَي أَضاء ) بينما القرآن الكريم في الاية الواردة فوق، يفرق بين الإضاءة والإنارة ، فينسب الأولى للشمس (سراجا وهاجا) ، والثانية للقمر وفي الرابطين الرائعين الذين أشار إليهما الخواض أيضا -بارك الله في علمه وثقافته- نجد معنى ثالثا:
Quote: من صيغ الأفعال صيغة (استفعل)، ومن معانيها: 1) الدلالة على الطلب، حقيقة كاستغفرت الله، أي: طلبت مغفرته، أو مجازًا، كاستخرجت الذهب من المعدن، سميت الممارسة في إخراجه والاجتهاد في الحصول عليه طلبًا، حيث لا يمكن الطلب الحقيقي.[1] يقول سيبويه: "استعطيت، أي: طلبت العطية، واستعتبته، أي: طلبت إليه العتبى. ومثل ذلك: استفهمت واستخبرت، أي: طلبت إليه أن يخبرني
المهم في الامر أن العصف الذهني في حد ذاته ، ونتاجه من الكتابة الملتزمة قد تكون مرحلة من منارة واضاءة ، وقد يكون جزءاً من الطريق نحو عصر التنوير أو الاستنارة في المنبر بعد انقضاء عصري الظلام الاشباح . . . . . مازلنا ننتظر الموصلي وعثمان، ليؤديا تمارينهما الصباحية في البوست، قبل المباراة الفاصلة التي وعد بها بوب.
Post: #225 Title: Re: ملائكة المنبر Author: محمد البشرى الخضر Date: 06-11-2018, 06:11 AM Parent: #224
تـعليق صغير على مصطلح مستنير و استنارة حسب المتداول في البورد ومن قبل انضمام مستنيرنا أبّكر حتى قد يضيف للنقاش حول المصطلح في السنوات الأولى للبورد وحين كان الاستقطاب على أشده و كان مؤيدوا الإنقاذ أكثر نشاطا منهم الآن ظهرت تصنيفات ظلامي ومقابلها مستنير! ظلامي شملت الكيزان العديل و الكيزان بشولة و أنصار السنة وناس سيدي و الصوفية و تقريبا كل من لا يقول بالعلمانية عديل كدي بخشم الباب لذا كان من الضروري أن يكون كل من على الضفة المقابلة يحظى بصفة مستنير! الملحد و الشيوعي و الليبرالي و العلماني وكل من يقول لا بخشم الباب لقوانين الشريعة المهم هذا الاستقطاب هو ما أدّى لظهور هذين المصطلحين متقابلين يستمد كل منهما تعريفه من الآخر, مع بعض التداخلات هنا وهناك يعني مثلا ناس حزب الأمة و الاتحاديين رغم انّهم معارضين لكن كانوا إلى حد ما ظلاميين, وكذا الحال عند الجمهوريين كان تصنيفهم مستنيرين رغم طبيعة الفكرة الدينية! المهم ان تعريف الاستنارة في البورد كان مختلف عنها في الواقع و التاريخ, وكما اسلفت يستمد كثير من معارنيه من ضده جاء وقت وتراجع الظلاميين و قل نشاطهم حتى يكاد يكون انعدم بالتالي فقد مصطلح مستنير البوردي الكثير من اسباب وجوده ومعانيه ثم جاء عهد بروف أمين الذي كان قد احيا لقب المستنير بفهم مختلف قبل أن قبل ان ياخذ الدكتوراة و البروفيسرشيب (المنبري) ثم جاءت فترة التيه الثانية, وهنا جاء المستنير الليلنا دا واعطى للقب زخمه و معناه الحالي, لذا مستنير اليوم في البورد ليست صفة او مجرد لقب, بل هي تكاد تكون اسم علم زيّها وزي ابوبكر عبّاس وأبكّر الطويل و بكّور وغيرها من تصريفات اسمه ولا تحمل معاني أكثر من ذلك طبعا هو حاول يعطي لقب أو صفة "كافر" نفس الزخم لكن غلبه النصيح لله لثقلها عل اللسان والقلب معا, فا اكتفى بالمستنير وكدا فا شنو.. المستنير الهنا دي زيّها وزي السلطان و الأورو و عظيم النوبة و الكنداكة و المناضل و النبيل و الشريف و البطيّخ وما إلى ذلك من القاب جرت على كيبوردات الناس يعني عادات وتقاليد ما أكتر
Post: #226 Title: Re: ملائكة المنبر Author: محمد البشرى الخضر Date: 06-11-2018, 06:34 AM Parent: #225
نسيت وانا اعدد نماذج من الالقاب الـ ساي أن اضيف لقب : مولانا لمولانا حافظ
تشكر خواض تشكر جدا محاولة خجولة للدخول في المعمعمة اللغوية زمن الشعر الحديث والحداثة والجوطة ديك .. زمن نازك ولويس عوض والسياب ولحقهم ادونيس وايييك الحكاية جاطت لامن وصلنا القصيدة النثرية وغيرها والناس بدت تتذكر وردروث وتي اس اليوت وجرت كانت معتمدة علي حاجة واحدة ان لا نكون اسرى للقوالب الجامدة . اتت القوالب لشرح ومعرفة واقع شعري موجود . والاعتماد عليه لوضع قوانين لما لا يشبهه لضبطها يعني الواقع الشعري واقع حي .. واقع الناس بعبر عنهم ويتحدث .. واقع حي يعني غير جامد واللغة حامله فتخرج بعض الكلمات من سياقها اللغوي القاموسي لتأخذ معنا مختلف جدا فيما يسمي بالاصطلاح تحضرني في هذه العجالة .. حاسوب يعني كمبيوتر وحاسوب مصدرها فعل ثلاثي .. حاسوب فاعول .. شوف بعدنا كيف لذا حين اسمع مستنير في البورد لا ارجع للقاموس بل للواقع الحي امامي وا بس
Post: #228 Title: Re: ملائكة المنبر Author: هاشم الحسن Date: 06-11-2018, 08:34 AM Parent: #227
Quote: مستنير اليوم في البورد ليست صفة او مجرد لقب, بل هي تكاد تكون اسم علم زيّها وزي ابوبكر عبّاس وأبكّر الطويل وبكّور وغيرها من تصريفات اسمه ولا تحمل معاني أكثر من ذلك >>>.....>>> فا شنو.. المستنير الهنا دي زيّها وزي السلطان والأورو وعظيم النوبة والكنداكة والمناضل والنبيل والشريف والبطيّخ وما إلى ذلك من القاب جرت على كيبوردات الناس .... يعني عادات وتقاليد ما أكتر
هههههها يا ود البشرى قلت لي يعني "اسم المستنير" مسجَّل ملك منبري حر" وغير قابل للتفاوض أصلا؟ شنو يا أخينا شغل أمسك لي وأقطع ليك ويا أبيض يا أسود المافيهو أي شبهة رمادية دا؟ مالك بقيت عامل زي جهيزة التي جات لتقطع قول ورد كل خطيب!! الدشمان التنويري الاستناري ما عاجبك باقي لي:) ما تخليك "رمادي" ياخي وتخلى جدل الاستنارة والظلامية ينداح زي ما انداح أخوه جدل الملائكية والشبحية! هسع شوف كلام أب سن دا
Quote: حين اسمع مستنير في البورد لا ارجع للقاموس بل للواقع الحي امامي
أليس ممكنا بالله أن يفتتح لنا فصلا جديدا في العلم أو الجدل المستنير؟ الذي قد يبدأ، مثلا، بالتبعات من مقولة *جوزيف غوبلز{كلما سمعت كلمة ثقافة تحسست مسدسي}* ليعرج، احتمالا، على عتبات الحداثة ومستلزماتها من الأنوار والتنوير، أو قد يعود إلى الذي ما بين اللغوي والاصطلاحي في الاستنارة، أو إلى غيرهما من الممكنات الحوارية المنبرية ... والأهم،، قد لا ينتهي حتى بعد عيد الأرشفة الجايي. ومن ذلك... فسنستفيد.. * لا توجد أدنى علاقة بين كلام أبي سن و"التحسس".... العلاقة في السمع وبس! وأيضا يجوز أن تكون هنالك علاقات لكلا المقالتين بالاستنارة.. كل عيد وأنتم بخير.
Post: #229 Title: Re: ملائكة المنبر Author: محمد البشرى الخضر Date: 06-11-2018, 08:51 AM Parent: #228
وين يا سيدي الحسن! معقولة بس قريت كلامي على هذا النحو! افا افا ... انا قلت اضافة للنقاش ولم اقطعه أو أجهز عليه, بس حبيت اضيف زاوية جديدة للتناول, لان اتجاه النقاش كان بصفة عامة عن المصطلح زي ما الله خلقه ونزع عنه خصوصية البورد! وهي أمر لو تعلم عظيم الشأن هسّي ابّكر دا لامن تلاقيه في ستاربكس أو في خلا دبي القاعد فيه دا او في اي مكان خارج البورد هل بجيب سيرة الاستنارة أو يديك احساس انه مستنير البورد ! هذا اللقب أو الصفة مفصّل تفصيل على بوردينا دا وخارجه لا معنى او محل له دي كانت وجهة نظري في الموضوع وهي بالطبع لا تمنع من تناول الآخرين للمصلح من حيث تعريفه الحقيقي وما له وما عليه حاله حال المصطلح المقابل : الظلامي, ظلامي البورد هنا تختلف تماما عن الظلامي الحقيقي نقيض المستنير البرة, فا للبورد خصوصيته ولغته الخاصة به.
بالنسبة لإندياح جدل الاستنارة كاندياح جدل الملائكية و الشبحية فطالما السيرة جات اعلق طيب ثنائية ملائكة اشباح ما زابطة مفروض تكون ملائكة شياطين, طيب اشباح جات من وين هنا اقول: فتّش عن الغبينة (هسّي ابوحسين الفقر يجي ناطي)
Post: #230 Title: Re: ملائكة المنبر Author: هاشم الحسن Date: 06-11-2018, 10:12 AM Parent: #229
Quote: فا للبورد خصوصيته ولغته الخاصة به.
وهو لب مقصدك ووجهة نظرك،، واقع لي والله واقع لي.. فإذن،،،لا بأس يا هندسة لا بأس، ما تتـ أفاأفا علينا ساي يا مولانا ههههههها من الأول كلامك واقع لي زين لكني اندحت مع احتمالات "الظلال" الممراحة فيه، وإلى بعض مشاكسة لا تضر إن لم تفيد.
وصحي أبوبكر في خلا دبي ما بقول ليك مستنير ولا ظلامي لكن ممكن يفلعك بي سؤال ولّ مقال غاية في مقاصد الاستنارة والتنوير لدرجة يخلي راس الواحد لافي صينية بين أخماس النور وأسداس الظلام. أما في استاربكس فالقهوة بتعدل مزاجو وممكن يحكي ليك قصة ما حيتمها أبدا.:) :)
وقولك عن ثنائية ملائكة/ أشباح الماظابطة فكلامك صاااااح ورب المنبر! كل ما أجي أقول " ملايكة وأشباح" تنط لي الشياطين من قعر المقابلة الثنائية المعهودة وهي مندهشة! لكن كمان خشمنا فيهو موية لأنو دا بوست عمر التاج هو مخير يطارد فيه أشباحه طالما مخلينا نحنا نطارد بين ذلك الظلالا ههههها عليه؛ قلنا النحترم ثنائية التاج التي يرغب في تسليط أضواء "الاستنارة" عليها وما نخرب عليهو الرصة والمقابلة التي يريد،،، إلا بما يستدعيه السياق طبعا:)!
شكرا محمد الخضر على الفذلكة التاريخية الضافية والتي أكدت لي أن الاستنارة في المنبر مجرد لقب يرتدي فانلته من يقدر على حقه وحقه المكاواه. في كثير من المنابر الأخرى السودانية والعربية لا يتم تبادل الكلمة كما هو شائع هنا، وطبعا للتصنيف في كل المنابر عوامل أخرى معروفة ومايثبت أن الألقاب في سودانيز كلام ساكت، بلغني أن بروف المنبر قال يوما أنه لا بروف ولا دكتور. أنا خايف يطلع حارسنا يوم ويقول أنا لا قاعد أقفل البوستات ولا بقراها ههه. المهم .. بخصوص تصنيف الفريقين لملائكة وآخرين .. ليس بالضرورة أن يكون الفريقان المتنافسان على طرفي نقيض في كل شئ فأنصار المريخ مثلا يقفون ضد أنصار الهلال في مباريات القمة، وينقسمون على أنفسهم إذا التقى المريخ بكوبر، و يقفون مع الهلال في مبارياته الخارجية أما أنصار الله فالملائكة تقف بجانبهم دوما ضد فريق الشياطين والشياطين والعفاريت والجن والأشباح كلها بالنسبة لنا مجرد أرواح. وحتى الملائكة نعدها أرواح، ولكنها حميدة عكس الأولى.
Quote: وصحي أبوبكر في خلا دبي ما بقول ليك مستنير ولا ظلامي لكن ممكن يفلعك بي سؤال ولّ مقال غاية في مقاصد الاستنارة والتنوير لدرجة يخلي راس الواحد لافي صينية بين أخماس النور وأسداس الظلام. أما في استاربكس فالقهوة بتعدل مزاجو وممكن يحكي ليك قصة ما حيتمها أبد
في اعتقادي يا مولانا بخصوص الاستنارة والاستظلام الذكرها ود البشرى دي، لا توجد معايير حقيقية لوضع تراتيبية للاعضاء تضعهم في خانة الانارة أو الظلام، أمسك عندك مثلا التصنيف السياسي؛ تجد أعضاء في الحزب الشيوعي مستنيرين جدا، وفي نفس الوقت تجد كيزان مستنيرين أيضا.. وحتى ناس العصور الحجرية (انصار السنة) تجد فيهم من تفوح منه أنوار العلم والفهم؛ وكذا الصوفية، إذن الاستنارة ليست مجرد تثقيف سياسي أوحضاري، وبهذا المفهوم يحق لكل جماعة أن تصنف ناسها لمستنيرين وظلاميين، حتى إذا ما اجتمعوا في منبر واحد الحكاية جاطت وتطلب الأمر معيار آخر للتصنيف. أستشهد في هذا بالأخ كمال فرانكلي رد الله غربته، بغض النظر عن مواقفه السياسية إلا أنه يشعرك بوجود شخصية مثقفة خلف الاسم؛ في المقابل العضو حاتم ابراهيم، يشعرك بوجود شخصية حقيقية مجتهدة ومطلعة وراء هذا الاسم المستعار؛ وعندما يلتقي الشبحان يصف كل منهما الاخر بأنه ظلامي؛ وتبقى الحقيقة ان الرجلين الحقيقيين يعيشان في النور ويختبئان منا في الظلام.
Post: #233 Title: Re: ملائكة المنبر Author: كمال عباس Date: 06-11-2018, 09:08 PM Parent: #232
سلام اخ عمر التاج مداخلتك الاخيرة أرجعتنا للمربع الاول ،،،؟! بس قبل ان افصل في هذه النقطة دعني وحتي لاتخلط بين المفاهيم الفكرية ونلخبطها -دعني اقول ليس كل مثقف مستنير !! وليس كل متعلم او حتي أكاديمي مستنير ! وليس كل مفكر مستنير !! بل يمكن ان تكون أيا من هذا وانت نقيض للاستنارة !! ** فمثلا أمين حين عمر في نطر البعض بعد مثقفا ولكنه ليس مستنيرا باي حال!! والمودودي -سيد قطب /الباقر صدر -يعد كل منهم في نطر البعض مفكرا ولكنهم ليسو بمستنيريين !! ** الاستنارة مفهوم فكري / محدد له خصائصه وسماته ومعالمه وله مجاله وحقله المعرفي وهناك قضايا اجتماعية محددة يحدد موقعك وموقفها منها التزامك بالاستنارة من عدمه !!
** لايمكن مثلا ان تقف ضد الديموقراطية والحريات العامة وحقوق الانسان والمواطنة وضد التنوع الفكري والثقافي -ثم تصنف مستنيرا ** لايمكن ان تقف من حيث المبدأ ضد العلوم الطبيعية والاجتماعية ثم تصنف مستنيرا !!
** أو تقف مع دونية المراة والأقليات وتحط من قدر المراة وتقف مع الرّق مثلا وتصنف مستنيرا ! ** او تصادر مع الانسان في الاعتقاد والفكر وتبديل المعتقد وتصنف مستنيرا ' *. تعادي الثقافة والابداع والفنون وتصنف نفسك مستنيرا ! ** تكرس للجهل والتخلف والاستبداد والاستغلال وتقف ضد التغيير الإيجابي ومنجزات الانسانية وتصنف نفسك مستنيرا!!
** ان تقوم داعش بقتل المختلف وبالتدمير واحتقار المراة وغير المسلم ومعاداة الفنون والحريّة وتكفير وقتل الاخر المختلف ثم تصنف نفسها منيرة او مستنيرة فهذا الزعم الاستناري لا بجعل منها كذلك !
Post: #234 Title: Re: ملائكة المنبر Author: محمد البشرى الخضر Date: 06-12-2018, 08:29 AM Parent: #233
Quote: والتي أكدت لي أن الاستنارة في المنبر مجرد لقب يرتدي فانلته من يقدر على حقه وحقه المكاواه.
ما فهمتني يا حبّة الاستنارة في المنبر نعم مجرّد لقب لكن ما برتديه فانلته اي زول! دا لقب للمستنير أبوبكر فقط عشان ترتديه يجب ان تكون انت هو, أمّا لو حاولت قلّدته فستكون مجرد مستنير تقليد!
Quote: بخصوص تصنيف الفريقين لملائكة وآخرين .. ليس بالضرورة أن يكون الفريقان المتنافسان على طرفي نقيض في كل شئ فأنصار المريخ مثلا يقفون ضد أنصار الهلال في مباريات القمة، وينقسمون على أنفسهم إذا التقى المريخ بكوبر، و يقفون مع الهلال في مبارياته الخارجية أما أنصار الله فالملائكة تقف بجانبهم دوما ضد فريق الشياطين والشياطين والعفاريت والجن والأشباح كلها بالنسبة لنا مجرد أرواح. وحتى الملائكة نعدها أرواح، ولكنها حميدة عكس الأولى.
يا عمّك الوضوح ما في زيّه بوستك وكعادة أغلب بوستاتك الأخيرة - تحديدا بعد زرة الجغرافيا - تدور حول محور واحد واسّي حشرك لمفردة اشباح في مقابل ملائكة بنفس الفهم واختيار القوائم برضو بنفس الفهم حتى ان موافقتك على سناري شتارتها ظااااهرة معقولة بس ! وطبعا دا من حقك تساكك كما تحب لكن بس ما تستغبى الناس وكدا
ليس إرجاعا للوراء عزيزي كمال ولكنه تغيير لزاوية النظر للاستنارة أو قل نظرة شاملة ابعد من نظرتي ونظرتك للموضوع وتعاريفه فالدكتور أمين حسن عمر الذي ضربت به مثلا في مداخلته الفائتة لا شك أن له نظرة مختلفة لنفسه كونه رائدا ومنارة؛ فالرجل بما اكتسبه من علوم كثيفة وتجارب كبيرة و ثقافات متنوعة اغترفها من ينابيع في أقصى اليسار ومزجها بأفكار من أقصى اليمين حتى وصوله لمرحلة آنية يمكن أن توصف بأنها وسيطة.. رجل بهذا القدر وبمنتجاته من الكتب والمقالات اليومية المتنوعة لا شك أنه يعتقد نفسه في بؤرة الإشعاع ويظن أننا في سودانيز نعتكف في كهوف الظلام. وهذا الظن يصعب الفصل فيه بحكم موضوعي كما تفصل في الخلاف بين اثنين حول وصف ثالث بأنه بروفيسر ام لا. هذا التداعي و التباين في التعاريف والمفاهيم هو مايعيشه المنبر حول لقب المستنير وكثير من الأوصاف الأخرى. أجد نفسي مع تعريفاتك الأخيرة التي تنفي فيها مرتكب تلك الموبقات الفكرية من صفة الاستنارة، ولكن البعض بأنه قد يضيف إليها من تجاربه الشخصية من أوصاف، فالاخ جلال يرى في نبي الخضر مستنيرا لأنه بصر بما لم يبصره نبي الله موسى، وقد يأتي صوفي ويقول إن شيخه مستنيرا لأنه فعل كذا وكذا من الكرامات، وقد يقول قائل أن الطبع الإنساني الطيب وحب الخير للبشرية هي الاستنارة الحقة، أو أن الاكتشافات الحديثة والحضارة العصرية هي يميز بين الأمم المستنارة والمنيرة والمظلمة.
نسيت أضيف اننا في فريق الملائكة نعتبر روادا للاستنارة بطبعنا ويكفي يا ود البشرى أن الملائكة مخلوقات نورانية حتى يرى لاعبونا خصومهم إذا كانوا أشباحا أو شياطينا.. انت بس عشان تكون حكم عادل شجعهم يدافعوا عن مرماهم لكن ماتتعمد تصد الكوره ولا كمان استقيل وسجل معاهم رسمي عشان نختك مع الاحتياطي.
Post: #238 Title: Re: ملائكة المنبر Author: محمد البشرى الخضر Date: 06-13-2018, 07:02 AM Parent: #237
Quote: وطبعا دا من حقك تساكك كما تحب لكن بس ما تستغبى الناس وكدا
Post: #239 Title: Re: ملائكة المنبر Author: عمر التاج Date: 06-13-2018, 11:39 AM Parent: #238
سلامات يا ود البشرى وعيدك مبارك يا اخي وشكرا لك على إسهامات النبيلة في مصطلح الاستنارة وبعد أن قتل بحثا جاء الدور على مصطلح آخر يتميز به المنبر. وقبل الدخول نؤكد لك حقك في اعتبار مامضى من حديث استغفارا أو ما سيأتي استهدافها، ولنا الحق أن عنده نقاشا وتنويرا. ولنبدأ على بركة الله في فى الأخذ والرد على اللفظ والمعنى والدلال لكلمة (رمادي).. أو المحايد. جاء في الويك مايلي: اللون الرمادي أو الرصاصي أو الأخصف يصف ظل اللون ومشيجه المتفاوت بين البياض والسواد. وتسمى هذه الألوان الألوان اللانُقْبية والألوان عديمة اللون والألوان الحيادية. وقد صنفت الألوان الحيادية حديثا، فهي ذات تلون وصفاء لوني ضئيلين في دولاب الألوان.
وجاء في موقع أخر عن خصائصه مايلي: خصائص اللون الرمادي من حيث معنى ودلالة الألوان، يعتبر الرمادي مملاً ورتيباً ومحزناً من ناحية، وأنيقاً ورسمياً من الناحية الأخرى، ولكنه لا يعتبر براقاً أبداً. ويمكن القول بخصوص طباع اللون الرمادي على أنه تقليدي وعملي ويمكن الاعتماد عليه، حيث يعتبر لون النضج والمسؤولية، (والتي يمكن تشبيهه باللون الرمادي لشعر كبار السن)، ولكن لا يعتبر مركزاً للانتباه. يمكنه تخفيض مستوى الطاقة، ولا يستوعب أي أمور إيجابية وجديدة قادمة. يملك اللون الرمادي تأثيراً ثابتاً على الألوان الأخرى التي يمكنها أن تتوافق معها، بحيث يمكنها تخفيض شدة قوة ولمعان الألوان، ويلقي الضوء على الألوان الفاتحة. إن استخدام اللون الرمادي بكثرة سواء بارتدائه أو استخدامه كطلاء للجداران في المنزل أو في مكان العمل، يجلب الحزن والإحباط، ويقود للوحدة والعزلة، لذا من الأفضل إضافة بعض الألوان الأخرى للتخفيف من تأثيره السلبي.
تعبان يا ود التاج، تعبان شديد! ما بعملوها كدا، قدامك كتير حتى تتعلم اني هاو... خد دي فري اوف جارج، لا تبحث عن الرمادي بين الالوان، زي ما قلت ليك للمنبر خصوصيته، ومصطلحاته دلالاتها و اسبابها تختلف عن الالفاظ التقليدية، وتحتاج قراءة أكثر وعيا ومعرفة بالمنبر.
Quote: لا تبحث عن الرمادي بين الالوان، زي ما قلت ليك للمنبر خصوصيته، ومصطلحاته دلالاتها و اسبابها تختلف عن الالفاظ التقليدية
لن نمضي مع الألوان طويلا ولكني اعتبر دلالاتها مهمة جدا بالنسبة للمصطلح خاصة وأن الكلمة مأخوذة من اسم اللون بصورة مباشرة لا اشتاق و لا استنساخ.. ومعروف عن أثر الالوان الألوان في حياتنا لدرجة ان تميزها للبشر يعتبر عنصرية، كما أن الأفكار والمعتقدات والثقافات.. الخ ترتبط بالالوان، فمثلا إذا سمعنا كلمة الحزب الأحمر خطر في بالنا على طول اسم معين، وإذا شاهدنا راية بيضاء عرفنا دلالاتها حتى وإن كانت مجردة من أي حرف وإذا سمعنا أن موقف فلان من قضية معينة رمادي علمنا على طول أنه سلبي وغير محدد بدقة، لذا فهو لون غير محبذ في القضايا المصيرية التي تتطلب موقفا ثابتا: يا أبيض يا أسود.. على قول عادل إمام.. نجي لمدلاولات اللفظ السياسية قبل أن نختم بدلالته المنبرية.
الإنسان بطبيعته ميال لحال دون حال، وهو لا يولد مجردا من الاعتقاد بل على الفطرة، وينشأ بعد ذلك متقبلا و متنقلا بين الحق والباطل، لذا فإن وضعية الحياء غير موجودة في حياة الإنسان، ولكنها مرحلة يحاول تقمصها تقية عندما يخشى إعلان موقف ما. من ناحية اجتماعية وثقافية وسياسية نجد أن لكل فرد ميل طبيعي تجاه طرف ما، قد يبدو معتقلا للايجابيات والسلبيات لكل الأطراف ولكنه في النهاية سيختار أحدها ويحاول جاهدا إصلاح نفسه داخلها. بدلالة الأرقام لكل عنصر قيمة، وهذه القيمة إما سالبة أوموجبة، والسلب قد يكون انتقاصا للمعدود أو تحديد اتجاه له، اما إذا خلت القيمة من كل هذه المؤشرات فتصبح صفرا، والعدد صفر يمثل الحياء في كل شئ.
طيّب يا قريبك, معليش اليوم كان طويل في السوق و الزحمة وما إلى ذلك الرمادي يا قريبك هنا تختلف عن الرمادي الفي بالك ودلالاتها تكاد تكون العكس تماما و الحمد لله الفضل في ذلك من بعد توفيق الله لمجاهدات نفر كريم منهم اخوك وقفوا امام موجات الجهل و العوارة الزي عوارتك دي حتى اعطوا المصطلح قيمته ومعناه وهذا لعمري أمر عظيم لو تدر! أن تعطي انت للكلمات قيمتها ومعانيها. من اهم مميزات مصطلح رمادي في المنبر - عكس ما يتبادر للذهن للوهلة الأولى - هي الوضوح, الوضوح الشديد لدرجة الحرج أحيانا , و الطعن في قلب الفيل وتش أم عين الضلام الوضوح البخليهم يجيبوا زولهم عديل بخشم الباب و يسلموه ورقو في ايدو بلا لف او دوران زي البتعمل فيه دا هسي لنأخذ مثلا البوست دا, انت صنّفت قائمتين ملائكة و - مفروض شياطين لكن للضرورة الشعرية بقن اشباح - ههه مشيناها دي طيب مفروض اي تصنيف في الدنيا قائم على معيار أو معايير ثابتة مش كدا من بداية التصنيف وحتى نهايته وما حسب الظروف تكسر رقبته عشان تدخل فيه المصنفين ممكن تديني واحد او أكتر من المعاييو الاستندت عليها هنا في تصنيفاتك عشان نشوف مدى انطباقها و التزامك بيها! نمش خطوة خطوة ننتهي من دي و نمش على البعدها
رغم أنه كلامك ده بيذكرني مصارع اسمه (ميز) كلما ياخذ حزام البطوله بيقول انه أعطى اللقب هيبته إلا أنه دخلتك على واقع المنبر مهيبة وتشكر عليها بس قبل النقاش يفترض تكون في فرصة للأسئلة.. وأول سؤال بخصوص اختيارك للون الرمادي وانت بتقول أعطيت المصطلح معانيه ومعروف انو اللون الرمادي ماعنده معنى غير الكسل والخمول والحياد في أي موضوع مهم نحسبه الجبن والعار يحمل خوفه؛ فلماذا وقع اختيارك على هكذا لون ليرمز لكفاحكم أمام موجات الجهل في المنبر.. يعني من قلة الألوان ذات الموجات الطويلة والمعروف بالنشاط ولا حب في اللون الرمادي والذي في الحقيقة ليس لونا بل تدرج للاسود؟ السؤال الثاني: الرماديون متهمون بأنهم عملاء للنظام يتصدون لقضايا المعارضة بالأصح وبالكضب على قول الركابي، ويشهد لك المنبر أن خصومات كلها ضد معارضين عتاه، فما هو ردك على ذلك وعلى من يسألك هل انت موالي للنظام أم ضده؟
قبل ان اجيب على اسئلتك خارج موضوع البوست خلينا نمش خطوة خطوة مع ما يتسق مع موضوع البوست، اعيدها ليك تاني: ممكن تديني واحد او أكتر من المعايير الاستندت عليها هنا في تصنيفاتك عشان نشوف مدى انطباقها و التزامك بيها! نمش خطوة خطوة ننتهي من دي و نمش على البعدها
بالنسبة لأسئلتك على عجالة كدا اقول ليك ارجع لكلامي عن خصوصية مصطلحات المنبر دي واحدة وعن ضرورة ان تكون متابع وعارف السياقات التي خرجت فيها هذه المصطلحات و اخيرا ما تقول: "من المعروف" و تقطع ساي كدا من راسك يمكنك عشان ما نطلع من موضوع البوست و كيفية ومعايير التصنيف تفتح بوست منفصل لاسئلتك لي و ان شاء الله ستجد ما يشفي غليل فضولك. لكن هنا ما في ليك طريقة انا سايقك برواقة و ما بديك فرصة تخرج على المسار
خارج موضوع البوست شنو يا عمك ده ما موضوع البوست زاتوو بدينا بالملائكة، وعرجنا على مصطلح الأشباح ثم الاستنارة والدور جاي عليك قبل مانمشي على مولانا وو.. و ونختم بالشبح الحقيقي. معيار اختيار فريق الأشباح تم وفق الأداء.. يقولون كان أداءهم كأنهم أشباح بلا أرواح، وبهذا تم اختيار أكعب أداء في الفترة الأخيرة أما فريق الملائكة فقد أوضحنا من قبل وحتى لا يزعل من لم يقع عليهم الاختيار أن الفريق يمثل كل الطيبين في المنبر والعشرة المبشرين بالتمثيل تم اختيارهم بمعيار الجاهزية حيث كانوا آخر من تصدوا لاشباح المنبر مؤخرا ماناكرين.. واضحين وصريحين وألوانا واضحة.. أبييييض.
تحياتي الملاك الجميل فيصل وكل يوم وأنت جميل ورائع اسمح لنا نغتنم فرحة العيد ونحي كل الاعضاء والقراء بمختلف مشاربهم والوانهم.. ونحي الأزرق السعودي رغم الهزيمة والأسود والاحمر والرمادي وكل ألوان البورد وتحية خاصة للون الأبيض لون السلام في العيد واللون الوردي، لون الحياة الذي أحببت.
كل عام وانت بخير يا ود التاج والاسرة الكريمة, يعود عليك العام القادم وانت اعقل و أكثر consistancy بإذن الله
Quote: بدينا بالملائكة، وعرجنا على مصطلح الأشباح ثم الاستنارة
دقيييييقة دقيقة يا عمّك انت بديت بالملائكة Vs شياطين المنبر وهذا حسب ما تفضّلت في المداخلات الأولى تقريبا بعد اربعة وعشرين ساعة ظهرت كلمة شبح وأشباح قبل ان تصبح ترند للبوست و تبدأ عملية التصنيف - و التي احاول الوصول لمعاييرها حتى أفهم طريقة تفكيرك بشكل سليم قصة الاستنارة دي جات عرضا ولم تكن أمرا اصيلا حسب سياق البوست اللحظة التي أدخلت فيها كلمة شبح وأشباح بعد اربعة وعشرين ساعة من بدايتك للبوست ما الذي تزامن معها او سبقها بقليل من أحداث/بوستات/مداخلات في المنبر؟ الإجابة تحمل مفتاح يضاف لغيره من المفاتيح و التي ساتناولها معك برواقة بإذن الله حتى تفهم لماذا قلت عليك تعبان وقدّامك كتير! كما يقول بشاشا stay tuned وأرخي جسمك خلّي البنسلين يمش وتستفيد
Post: #253 Title: Re: ملائكة المنبر Author: محمد عبد الله الحسين Date: 06-16-2018, 04:21 AM Parent: #252
الأخ عمر التاج كل عام و أنت بخير و كل عام و إنت متألق في موضوعاتك الجميلة..
و لا أنسى أن أهنيء الملايكة و أشباه الملايكة..أما الشياطين فأتمنى لهم الهداية بل أسأل الله ببركة قبايل العيد أن يتباركوا ما يتشاركوا و إن شاء الله العام القادم نلقاهم انتقلوا للقائمة الأخرى..على الأقل كمرشحين للعام التالي...
هاشم في العيد😁 كل سنة و إنت طيب و لك جزيل شكري على تعقيبك و شكراً مرة ثانية على إضافة فكرة التفكير النقدي مؤكد التفكير النقدي عنصر مهم في التفكير الإبداعي والإستنارة المعرفية. و أضف عنصر آخر هو نزاهة التفكير.لإرتباطه وتداخله مع التفكير النقدي. فلا يمكن تصور إستنارة معرفية من غير تفكير نقدي مبني على مبادئ ومعايير لتمييز الحقائق و إرتباطاتها و الحكم على الأشياء. و لا يمكن تصور إستنارة لا تُخضِع بنزاهة ودون إستثناءات كل الحقائق للتمحيص وفقاً لمعايير منطقية ومنهجية. صديقنا المستنير شهادتنا فيه مجروحة. نحن كسودانيين، حسب تصنيف إدوارد هال، ننتمي لثقافة ذات سياق عالي. ونعتمد كثيراً على خلفيتنا المعرفية في إستخلاص المعاني من أي رسالة تواصل. ومقصد الكلمات المكتوبة في أي رسالة تواصلية فيه جزء كبير معتمد على السياق المبني على المعرفة الشخصية. لذلك كثير من كتابات المستنير قد نفهمها أنا وأنت ومعاوية الزبير مثلاً بطريقة مختلفة كثيراً عن فهم الآخرين لها. لذلك لا نسلب الآخرين حقهم في رؤيته بمقدار ما يكتبه هنا.
تحياتي لكل الملائكة التي هطلت علينا في عيدنا وفرحنا وكل عام اخ محمد حسن وكل القراء بخير.
Quote: انت بديت بالملائكة Vs شياطين المنبر
غالاط كعادتك يا عمك.. تغلط الزول في بوستو.. البوست بدأ بالملائكة يا شيخ؛ ذكرنا صفاتهم وأنواعهم وجئنا ببعض أسمائهم قبل أن نشكل منهم فريقا.. ثم بعد ذلك جاء ذكر الشياطين ومافي حكمهم. وبعد ذلك ذكرنا أهل الأعراف والمستنيرين وغيرهم.. اها اسع الدور جاك كرمادي، تقوم تبطبط كده ولا تخش في الموضوع، إذا الموضوع غالبك تسدو قول جلى.. نحن كملائكة ما قاعدين نعصر على زول.. لكن بنحب تذكرك بس المحاور الأساسية في موضوعك.. اول شئ ما في حاجة في الدنيا اسمها محايد.. أي قضية أو موقف في الدنيا لازم تعطي انطباع لدى الإنسان هل هي صحيحة ام خطأ.. وحتى إذا امتزج الصح والخطأ يبقى هناك أغلبية واولوية.. إذن انتم لستم رماديون.. فمن انتم؟ ثانيا: الدور الذي تحاول أن تتقمص في المنبر أكبر منك ولا يليق بشخصك؛ فكل البروستات التي تحاول أن تظهر فيها بمظهر المحايد والناصح ينكشف فيها شخصك الحقيقي سريعا.. وتدخل في مرحلة التشيت أو الشتم. ثالثا؛ ودي كبيرة شوية ناجلها لما بعد الفاصل.
انتهى رمضان ورفعت الملائكة وفكت اغلال الشياطين .. مرحبا بكبير الاشباح في البوست ، شوطنت البوست أقصد شبحته. المهم ... طالما جئت متأخرا .. فمجئ اسمك خير من عدم ظهور جسمك ، وبهذه المناسبة نهديك الجزء الثاني من البوست، والذي سيحمل اسم شياطين البورد
..
