|
Re: عبد الحفيظ أبسن (Re: زهير عثمان حمد)
|
نعمات ذكرتينا بقهوة الصباح حسينا هسع بصداع ..واتذكرنا مشينا الاستاربكس ونشيل الاكس لارج ومعاه ساندويتش ال cream cheese قبل ندخل قاعة المحاضرات.. ود ابو سن يا زول حساس في واحد زعله يا رمضان سخن معاه مع قطع الكهرباء وانعدام البنزين وقطع المشاوير مشيا والسخانة مولعة نار.. ورمضان كريم وكل سنة وانت طيبة
| |
|
|
|
|
|
|
Re: عبد الحفيظ أبسن (Re: tasneem)
|
تسنيم ..صاحبة الاسم الاجمل وين انت يا شيخة ..حتى في المناسبات ما بتظهر ي ..كتر خير د ابو سن الشفناك على الأقل اسفيريا .. ورمضان كريم وكل سنة وانت طيبة
| |
|
|
|
|
|
|
Re: عبد الحفيظ أبسن (Re: tasneem)
|
ود أب سن ما كتبه بالأمس يسئ لبعض اعضاء المنبر بطريقة غريبة امكن دا السبب وانشاء الله غيبة ما ارجع منها بركة هذا الشهر العظيم لانه خبيث شديد وكل بوستات ضد الوطن والشعب قطر عجيب يودى ما يجيب
| |
|
|
|
|
|
|
Re: عبد الحفيظ أبسن (Re: صديق مهدى على)
|
صديق رمضان كريم كلامك الكتبته ده كلام عوج وما بيصح في حق ود اب سن وهو الذي لم نقرا له ابدا ما يسئ لاحد من قبل. ويا ريت تمسح كلامك البيفقع المرارة... ورمضان كريم مرة ثانية وكل سنة وانت طيب
| |
|
|
|
|
|
|
Re: عبد الحفيظ أبسن (Re: صديق مهدى على)
|
Quote: ود أب سن ما كتبه بالأمس يسئ لبعض اعضاء المنبر بطريقة غريبة امكن دا السبب وانشاء الله غيبة ما ارجع منها بركة هذا الشهر العظيم لانه خبيث شديد وكل بوستات ضد الوطن والشعب قطر عجيب يودى ما يجيب |
جنو منو دا كلام شنو ... ؟؟؟ نتمناه بخير إن شاء الله .... سلام للجميع
| |
|
|
|
|
|
|
Re: عبد الحفيظ أبسن (Re: Basamat Alsheikh)
|
بسمات رمضان كريم عليك و على اميرة، امتثال و ابتهال.
اكتب و امامي الجبنة والقهوة و المدفع ضرب من شوية.
على قولك امكن ابسن تعب من صف البنزين و الكهرباء
القاطعة و السخانة الشديدة، اما الحساسية دي واردة.
كلو هين بس المهم يكون بخير . اظهر و بان يا عبدالحفيظ.
| |
|
|
|
|
|
|
Re: عبد الحفيظ أبسن (Re: نعمات عماد)
|
Quote: ود أب سن ما كتبه بالأمس يسئ لبعض اعضاء المنبر بطريقة غريبة امكن دا السبب وانشاء الله غيبة ما ارجع منها بركة هذا الشهر العظيم لانه خبيث شديد وكل بوستات ضد الوطن والشعب قطر عجيب يودى ما يجيب |
ليه ياصديق مهدي تدعي علي الاخ ابوسن نتمني عودته حتي يكمل رسالته
| |
|
|
|
|
|
|
Re: عبد الحفيظ أبسن (Re: كمال عباس)
|
رمضان كريم يا تسنيم تصومي و تفطري على خير
صدقتي والله هو فاكهة المنبر و اكثر من يرصد نبض
الشارع . معظم الأحيان آخذ الأخبار من بوستاته .
يكتب و هو مكشوف، اسمه و عنوانه مكان عمله.
همومه هي هموم الشعب الكادح ، يكتب بعمق
و فهم للحاضر و الماضي و المستقبل، احياناً
أفكر بأنه لم يأخذ ما يستحق، لكن أين هو؟
| |
|
|
|
|
|
|
Re: عبد الحفيظ أبسن (Re: محمد المسلمي)
|
للاستاذة نعمات وكل المتداخلين رمضان كريم والله هذه تزكية لا يعادلها أي ثناء لود ابوسن نحن من ذلك غيورون فقد غاب ود ابوسن لايام معددوات ففقدنه نسوة المنبر على قلتهن فعدد النسوة المتفاعلات في المنبر لا يتجاوز اصابع اليدين واللاتي يفتقدنه تجاوز اصابع اليد لهذا نقول : كلنا مثلكن وليته يظهر عاجلاً ، واخشى ان يصيبه الغرور ويتدلل عليهن وعلينا حتى نأسف على غيبته اسف مشجعي ليفربول على خروج محمد صلاح في مباراة فريقهم ضد ريال مدريد فاظهر وبان عليك يا ود ابوسن
| |
|
|
|
|
|
|
Re: عبد الحفيظ أبسن (Re: Ali Alkanzi)
|
رمضان كريم يا صديق مهدي .
قبل 3 سنوات في الصباح كتب احد الأعضاء :
-- يعني ما ننوم نحن؟ يقصد ان المشاكل تبدأ و تنتهي قبل الشروق.
أها دحين أنا نمت صحيت للسحور و كان النت قاطع.
لحد ما آخد جولة و افهم أقول ليك : حرام عليك تدعي على زميل لم نر منه خبث أو إساءة.
يا أبسن صديق ده مالو؟
| |
|
|
|
|
|
|
Re: عبد الحفيظ أبسن (Re: نعمات عماد)
|
وهذا ظني يا كمال عباس...فإن صديق يبدو من كتاباته انه رجل طيب واحتمال الامور اختلطت عليه كما قلت وقاصد زول تاني ... ورمضان كريم و يا نعمات نعم كنا قلتي فإننا نعرف نبض الشارع السوداني فعلا من كتابات ود ابو سن وهو يحمل هموم مدينته وهموم المواطن السوداني في كل أرجاء الوطن ..والتحية له ورمضان كريم ودمتم بالف خير وصحة وعافية
| |
|
|
|
|
|
|
Re: عبد الحفيظ أبسن (Re: موسى العجب)
|
تحية طيبة للجميع وللصديق اب سن. يا صديق مهدي كل مافعله ابسن في احد البوستات التي تتحدث عن الامام الصادق كتب فقط "الصادق المهدي مع وش ضاحك" مالك يا خي في رمضان دا تدعي على زول احبه الكثيرون هنا. ياخ راعي لشعور الناس ونزل اعتذار عما كتبته انت زول عايش في الغرب تعمل كدى طيب نحن ناس الشرق الاوسط نعمل شنو؟
| |
|
|
|
|
|
|
Re: عبد الحفيظ أبسن (Re: نعمات عماد)
|
Quote: ود أب سن ما كتبه بالأمس يسئ لبعض اعضاء المنبر بطريقة غريبة امكن دا السبب وانشاء الله غيبة ما ارجع منها بركة هذا الشهر العظيم لانه خبيث شديد وكل بوستات ضد الوطن والشعب قطر عجيب يودى ما يجيب |
ربنا يهديك ويهدينا يا صديق مهدي ماعندي حاجة أقول ليك أكثر من كدة .
إحتمال سبب الغياب كثرة المشغوليات يا دكتورة تحياتي لك وله ورمضان كريم .
| |
|
|
|
|
|
|
Re: عبد الحفيظ أبسن (Re: عادل الباهي عبدالرازق)
|
حلوين زي ديل بنادوني وانا ما عارف كثيرا من الامتنان والمحبة والود ليكم شكرا نعومة وكل البنيات وكل الشباب وشكرا خاص ل نعومة للاتصال والتفقد موسي العجب للاتصال وقطعنا جنس قطيعة عن احوال النيل الابيض وسوء الخدمات وسوء السلطة احمد ضاوي وكانت فرصة طيبة للتعرف به وهو حسب قوله عضو من 2008 اشكرك وربنا يديم المودة جلال للتفقد والاهتمام معاوية الزبير للتفقد والاهتمام وكل من كتب هنا ومن هم بالكتابة ولم يكتب ومن قرأ ولو كنت عارف كان غطست تاني مدة .. الواحد متين يلقا فيض الحنان دة نحن في السودان نهوى اوطانا ولو رحلنا بعيد نطرا خلانا والحب في زاتو مبرر كافي .. كهربا قاطعة من امس جات بعد التراويح للبعض اليوم وناس لسة قاطعين لوح التلج ب 80 ج العندو تلاجة والماعندو اشتري تلج والعندو موبايل بطاريتو نزلت المهم كتر خيرك ومعليش للقلق الذي سببته للبعض اشكركم
| |
|
|
|
|
|
|
Re: عبد الحفيظ أبسن (Re: Nasser Amin)
|
تسلمو والله ويظل التاريخ شاهدا علينا وعين الوطن لن نزايد علي وطنية احدهم ابدا وكما قال المسيح اياكم والانبياء الكذبة ، من ثمارهم تعرفونهم نتمني ان يكون ثمرنا حلوا لمذاق شعبنا .. ان يعرفوا اننا قلنا لا ولم نمت كموت الضأن
| |
|
|
|
|
|
|
Re: عبد الحفيظ أبسن (Re: عبدالحفيظ ابوسن)
|
Quote: نتمني ان يكون ثمرنا حلوا لمذاق شعبنا |
حلو و الله .. كما ( المنقة ) في ايلول *
ايلول يعني شهر ( تزعة ) زي ما انت خابر يا سنو ... و الكلام ليك يالما بتنوم ...
| |
|
|
|
|
|
|
Re: عبد الحفيظ أبسن (Re: عبدالحفيظ ابوسن)
|
رمضان كريم الكنزي، تصوم و تفطر على خير.
مافي داعي للغيرة، الزملاء و الزميلات دائماً يتفقدون من يغيب. حتى جرب
تغيب و شوف الناس ح تسأل عنك بالرغم من الشرط الإنت كتبته في المنبر
عندما قلت ؛أسألوني قبل ان تفقدوني !
يعني نشيل هم الغياب و هم الجواب على أسئلتنا ☺
تأكد اول من يسأل عنك، اذا غبت، سيكون الإخوة الجمهوريون.
| |
|
|
|
|
|
|
Re: عبد الحفيظ أبسن (Re: احمد حمودى)
|
يا علي الكنزي انت وود الأصيل وبشاشا وضعوا علامات بارزة في المنبر العام وزي ما قالت ليك د. نعمات اذا غبتوا أكيد حنفتقدكم ونسأل منكم ..وكمان من الناس البوستاتهم تعتبر بوستات عميقة أستاذنا يحي قباني وعمنا واستاذنا الكبير علي عبد الوهاب واما التي افتقدناها وغابت عننا كثيرا فهما عواطف ادريس(عطوفي)ود. وضاحة وأتمنى أن تكونا بخير وعافية ومن هنا نجزي التحية لهما ونقول رمضان كريم ..ودمتم بالف خير وصحة وعافية
| |
|
|
|
|
|
|
Re: عبد الحفيظ أبسن (Re: نعمات عماد)
|
شكراً لإشارتك الى مداخلة أبسن في بوست آخر و رد صديق المخاشن هناك و هنا. الصادق المهدي شخصية سياسية حاضرة في المشهد السياسي منذ ما يقارب الخمسين عام، يعنى إنتقاد مواقفه أمر عادي سواء بالكلمات، الكاركتير أو الإيموجي. و الصادق نفسه لم يرد على منتقديه بالإساءة . صديق أتلوم لوم شديد مع أبسن و مع بسمات لأنها نصحته، بالغت يا صديق.
| |
|
|
|
|
|
|
Re: عبد الحفيظ أبسن (Re: عبدالحفيظ ابوسن)
|
هذا ما نريد و نبتغى و انه المرتجى ... ان يفيض مشاعرنا الانسانية الجميلة تجاه بعضنا البعض.. نتقوى بالحب و المودة و باننا ابناء وطن واحد و مصير مشترك .. و بعد داك اختلاف الرؤى بتكون قوة و ليس تفرق ...لان المحبة تجمعنا .. الامتنان لدكتورة نعمات .. و للاخوات ...و للاخوة المتداخلين و القراء ايضا .. و للحبيب اب سن الذى اشعل المشاعر كل الود و التقدير و دايما تامين و لامين و المودة ترفرف فوقنا .. مودتى و تقديرى و اللهم صلى على كامل النور بدران
| |
|
|
|
|
|
|
Re: عبد الحفيظ أبسن (Re: محمد بدرالدين)
|
مرحب بتحايا الأخوان لأبسن و ان شاء الله في أفراحهم. ********* قال رسول الله صلى الله عليه وسلم: (المرء على دين خليله فلينظر أحدكم من يخالل). أستاذنا معاوية الزبير رمضان كريم
الحديث أعلاه ينطبق على صداقتك مع ابسن، كل منكم يفضل الهدوء و كظم الغيظ و الكلمة الهادفة. ادام الله عليكم الصحة و العافية.
| |
|
|
|
|
|
|
Re: عبد الحفيظ أبسن (Re: نعمات عماد)
|
تحياتي دكتورة ورمضان مبارك للجميع
عبدالحفيظ ود ابوسن ... رأي فيه كالروضة الخضراء الغناء وسط صحراء مقفرة
حفظه الله وأسرته من كل سوء ... هو وقليل من أمثاله يشجعوننا على تصفح المنبر
التحية له ولكل جميل في هذا الموقع وأنت منهم
| |
|
|
|
|
|
|
Re: عبد الحفيظ أبسن (Re: Dr. Ahmed Amin)
|
رمضان كريم أيمن الفاضل، تصوم و تفطر على خير. شكراً لكلماتك الطيبة. أتمنى ان يجمع الله بينك و بين كل الأنقياء أمثال ابوسن في رحاب سودان حر، معافى و ديمقراطي يسع الجميع و يسعى للتقدم و الإزدهار.
| |
|
|
|
|
|
|
Re: عبد الحفيظ أبسن (Re: نعمات عماد)
|
في البدء خلقت الرواشة ثم أتت الطلاشة ومن ثم كان صديق ،ياخ أب سن شنو المقررين بي أضانا من الصباح التقوول عووضة وبعدين يا شيخ العرب ما تتقل شوية خليك يومين تلاتة وبعد داك تعال بس سلوى أم كيس كف جاهزة
| |
|
|
|
|
|
|
Re: عبد الحفيظ أبسن (Re: عبدالحفيظ ابوسن)
|
عادل الباهي رمضان كريم. تصوموا و تفطروا على خير. كيفكم مع ساعات الصيام الطويلة؟ توقعك صح، طلع ابسن مشغول و الدنيا سخانة . مشكور على الدعوات الطيبة، صديق و نحن جميعاً محتاجين ليها. خالص التقدير و الأحترام.
| |
|
|
|
|
|
|
Re: عبد الحفيظ أبسن (Re: صديق مهدى على)
|
Quote: كفى مجاملة نحن فى حوجة لقولة حق لك ام عليك لكن للاسف كلكم ناس مجاملة وخاصة نساء المنبر
-------------
لعنة الله على ذى الوجهين |
الزميل صديق مهدي سلام الكل اجمع انك اخطات ولا تقصد الزميل ابوسن فلماذا هذا الإصرار مع زيادة في الدعاء لو عندك لبس ولا شي اكتبه هنا عشان أبوسن يرد عليك
| |
|
|
|
|
|
|
Re: عبد الحفيظ أبسن (Re: محمد المسلمي)
|
Quote: لا حول ولا قوة إلا بالله. الفرق شنو بينك وبين ود أب سن (لو) أصلاً زيما بتقول كتب ما يسئ لبعض الزملاء بالأمس!!!. |
رمضان كريم ميرغني تيتاوي، تقبل الله صيامكم و قيامكم. إإإ والله كلامك منطقي و مقنع ، لكن يبدو ان صديق لم يقرأه ، و هو
مصمم على جلب المزيد من العبارات الخشنة . لا يسعني الأ الإشادة
بتجاهل أبسن للأمر كله. حقيقة ان كظم الغيظ لا يستطيعه الأ ذو حظ عظيم.
| |
|
|
|
|
|
|
Re: عبد الحفيظ أبسن (Re: نعمات عماد)
|
سلام قباني و رمضان كريم.
أشكرك على المداخلة الأنيقة، و على طاري الأناقة، ما هي دار الأزياء
المفضلة عندك؟ و ما رأيك في إيلي صعب؟
رأيي، أن صعب جداً جداً ... ممتاز.
| |
|
|
|
|
|
|
Re: عبد الحفيظ أبسن (Re: نعمات عماد)
|
يا دكتورة نعمات والابنة بسمات والاخ ود ابوسن رمضان كريم وغفر الله لكم وتقبل صيامكم ما كنت احسب أن تدخلي يجد الاهتمام برد خاص من ثلاثتكم وعندما عبرت عن الغيرة كنت ارمي لتحرير (من حرارة ) الطرح ودكتور نعمات ود ابسن يستحقان تحرير طرحهما لكم ودي واحترامي الذي يشمل الجمهوريين وانا لهم بالمرصاد إن امد الله في ايامي حتى الان في قضية كبرى من فلتات كتاباتهم التي انا لها بالمرصاد وآخره ما قاله الاخ د. ياسر الشريف وهو يقول أن استاذه قال في رسالته لاحد
|
|
|
Re: عبد الحفيظ أبسن (Re: عبدالحفيظ ابوسن)
|
فيكم واحد بعرف الجمل الاطرق؟؟
ايوااااا ... بس ياهو زاااتو الخالق الناطق
ابسن يا صاحبي في الغار او كما قالها سيدنا الرحمن محسن خالد سابقاً
ابسط يا عم جكس المنبر كلو وجميع الانيقين
بقيادة قباني والكنزي ابدو محبتهم لك
تاني داير شنو بالله؟؟؟
غير كباية شاي سادة بالنعناع
ؤ بعدو تدقر سفتك وتصنقع لا فوق عشان تشوف
تباشير خريف كوستي والسحب الركامية البعيدة
بالمناسبة رمضان زي ما انت عارف ،،،،
| |
|
|
|
|
|
|
Re: عبد الحفيظ أبسن (Re: نعمات عماد)
|
Quote: يا علي الكنزي انت وود الأصيل وبشاشا وضعوا علامات بارزة في المنبر العام وزي ما قالت ليك د. نعمات اذا غبتوا أكيد حنفتقدكم ونسأل منكم ..وكمان من الناس البوستاتهم تعتبر بوستات عميقة أستاذنا يحي قباني وعمنا واستاذنا الكبير علي عبد الوهاب واما التي افتقدناها وغابت عننا كثيرا فهما عواطف ادريس(عطوفي)ود. وضاحة وأتمنى أن تكونا بخير وعافية ومن هنا نجزي التحية لهما ونقول رمضان كريم ..ودمتم بالف خير وصحة وعافية |
سلام بسمات الزملاء المذكورين فعلاً متميزين ، و آخرين كثر لا يتسع المجال لذكرهم لهم الشكر و التقدير. وحشونا د. وضاحة و عواطف أدريس صاحبة أكثر البوستات حيوية و جاذبية للقراء ، أين أنتم يا وضاحة و عواطف؟ 🌻🍀💮
| |
|
|
|
|
|
|
Re: عبد الحفيظ أبسن (Re: عمر دهب)
|
عمر دهب سلام ورمضان كريم ياخ نفاق هؤلاء ازكم انفى لكن مرات عندما أجد بوست أو مداخلة عليها غبار بجد نفسى مضطرا للدخول من باب انتبهوا يا هؤلاء ههههها
| |
|
|
|
|
|
|
Re: عبد الحفيظ أبسن (Re: صديق مهدى على)
|
يا هيثم غالي قبال كل شئ رمضان كريم وتقبل الله صيامك وذكرك لكن داير اقول ليك: هوي انتبه واقيف في حدودك وانت تقول:
Quote: فيكم واحد بعرف الجمل الاطرق؟؟ ايوااااا ... بس ياهو زاااتو الخالق الناطق ابسن يا صاحبي في الغار او كما قالها سيدنا الرحمن محسن خالد سابقاً ابسط يا عم جكس المنبر كلو وجميع الانيقين بقيادة قباني والكنزي ابدو محبتهم لك تاني داير شنو بالله؟؟؟ غير كباية شاي سادة بالنعناع ؤ بعدو تدقر سفتك وتصنقع لا فوق عشان تشوف تباشير خريف كوستي والسحب الركامية البعيدة بالمناسبة رمضان زي ما انت عارف ،،،، |
الجكسي البتتكلم عنهم ديل بناتنا واخواتنا والله تقرب ليهن اقلب ليك ظهر المجن يا اخي ديل بعملن لينا حملة تسويق ونحن في جاه الملوك نلوك والملك طبعا هو ودابسن ما في حد بقربو ولا ح يقطعن لسانا عشان كدا تمشي مع الموجة بدون اي مقاومة وينوبك ثواب زي ما نابنا ولا مصيرك يلحق صديق مهدي وتروح (فوكا) واللبيب بالاشارة يفهمُ انتو بتسألو عن عواطف ووضاحة لكن نجمة المنبر يبدو ما بتقدر على الصيام والمنبر معاً قامت لبدت وما قالت بغم عرفتوها؟ مش دا ود اب سن أها ديك بت .... ؟
| |
|
|
|
|
|
|
Re: عبد الحفيظ أبسن (Re: Ali Alkanzi)
|
Quote: الخريف بكون شغال تجهيزات كوستى فى الخريف صعبة عديييييييييييييييييييييييييييييييل |
رمضان كريم خالد تصوم و تفطر على خير
أصعب من الخرطوم؟ شفقتنا على ناس كوستي كلهم يا خالد ! ربنا يعينهم و يعينا .
| |
|
|
|
|
|
|
Re: عبد الحفيظ أبسن (Re: صديق مهدى على)
|
صديق مهدي رمضان كريم ( اذا ما عندك مانع)
بالله أنت بتتفرج على سمير غانم والكلام ده ؟ ☺ ************* الى الزملاء و الزميلات
اذا غاب صديق مهدي، و أردتم الإطمئنان عليه، فأعملوا حسابكم! أي سؤال عن حاله سيعتبروا نفاق، أي كلام طيب عنده له تفسير مناقض، لذلك عند غيابه، أفتحوا بوست و أردموه لمن يآمن، أعتقد ان الكلام الخشن و الردم يسعده أيما سعادة. اللهم إني قد بلغت فأشهد .
| |
|
|
|
|
|
|
Re: عبد الحفيظ أبسن (Re: نعمات عماد)
|
رمضان كريم ابراهيم عبدالوهاب، تصوم و تفطر على خير
شكراً لكلماتك الطيبات في حق ابسن.
Quote: لان شيخو... ما مستجاب |
كده برضو يا صديق؟ تجيب الكلام لشيخك؟ عدلنا الإقتباس يا أبراهيم إحتراماً للأكبر منا سناً.
| |
|
|
|
|
|
|
Re: عبد الحفيظ أبسن (Re: صديق مهدى على)
|
تشكروا وكتر خيركم الله يكرمكم بقدر نياتكم خريف السنة دي متأخر جدا . لسة ما شفنا مطرة يقولو عليها رشاش بس الضراع بخش اول سبعة ، الضراع زاتو ناس بحسيوهو صيف وناس بحسبوهو خريف .. الايامات دي نحن في التريا .. بتجيب مطيرات متفرقة وخاشي بعدهن العصا العطشانة والرويانة عموما تجهيزات الخريف ما مطمئنة لانعدام الجاز وتعقيد تصاديق الحصول عليه من الجهات الرسمية نتمني خريفا يكنس كل الفساد ويجعل الارض خضراء قشيبة
| |
|
|
|
|
|
|
Re: عبد الحفيظ أبسن (Re: عبدالحفيظ ابوسن)
|
رمضان كريم محمد بدرالدين مداخلة رائعة لا أزيد عليها حرفاً.
Quote: هذا ما نريد و نبتغى و انه المرتجى ... ان يفيض مشاعرنا الانسانية الجميلة تجاه بعضنا البعض.. نتقوى بالحب و المودة و باننا ابناء وطن واحد و مصير مشترك .. و بعد داك اختلاف الرؤى بتكون قوة و ليس تفرق ...لان المحبة تجمعنا .. الامتنان لدكتورة نعمات .. و للاخوات ...و للاخوة المتداخلين و القراء ايضا .. و للحبيب اب سن الذى اشعل المشاعر كل الود و التقدير و دايما تامين و لامين و المودة ترفرف فوقنا .. مودتى و تقديرى و اللهم صلى على كامل النور بدران |
| |
|
|
|
|
|
|
Re: عبد الحفيظ أبسن (Re: نعمات عماد)
|
Quote: عبدالحفيظ ود ابوسن ... رأي فيه كالروضة الخضراء الغناء وسط صحراء مقفرة
حفظه الله وأسرته من كل سوء ... هو وقليل من أمثاله يشجعوننا على تصفح المنبر
التحية له ولكل جميل في هذا الموقع وأنت منهم |
سلام دكتور أحمد أمين، تصوم و تفطر على خير الله على العبارات البليغة! شكراً كثيراً لك.
Quote: . هو وقليل من أمثاله يشجعوننا على تصفح المنبر
التحية له ولكل جميل في هذا الموقع وأنت منهم |
Like wise و الله.
| |
|
|
|
|
|
|
Re: عبد الحفيظ أبسن (Re: نعمات عماد)
|
رمضان كريم muntasir تصوم و تفطر على خير. ادام الله عليك روح المرح و سرعة البديهة. ما شاء الله لميت أبسن و عووضة وصديق مهدي في جملة واحدة يديك العافية أنت وهم . أبسن قاليك رجع قبلما القصة تكبر، و معاه حق، لو ما ظهر كنا أنا و المتداخلين ألفنا روايات ☺لأنه أحياناً بتختلط البوستات و المداخلات على الناس .
| |
|
|
|
|
|
|
Re: عبد الحفيظ أبسن (Re: نعمات عماد)
|
تحياتي الأخ ابوسن رجل محترم ما في كلام.رجل مالي مكانته و مهذب و موضاته لها جماهيرية دايما.. لذا فهو يستحق سؤالك عنه و اهتمامك ..
الأخ ابوسن تحياتي بركة الجمعت يا زول..و إن شاء الله موسم زراعي ناجح..
و إن شاء الله موفّق دايما. مودتي
| |
|
|
|
|
|
|
Re: عبد الحفيظ أبسن (Re: عزيز)
|
سلام عليكم chت (جت) بدون فرز. ود ابسن زي ما قلتو وأكتر.
لكن خلوني أحدسكم عن صديق مهدي ومداخلاتو .... نوع المداخلات دي ضرورية .... والكلام ده بيعرفوهو الحلوانية صناع الباسطة والبسبوسة، إلخ. .... حتى أخواتنا البيعملوا الشعيرية والسكسكانية ..... الشي الحلو لو ما أدوهو ذرّة ملح حلاوتو ما بتظهر.
دحين خلو أخوكم صديق يسوي سواتو.
| |
|
|
|
|
|
|
Re: عبد الحفيظ أبسن (Re: صديق مهدى على)
|
رمضان كويم اخ علاء سيد احمد، تقبل الله صيامكم و قيامكم.
اشكرك كتير على كلماتك الطيبة. تعرف كتبت رد بالأمس و لا أعرف أين
هو، قد أكون ارسلته بالخطأ لبوست تاني؟ ☺ اظن رمضان دخل العضم 🤔
| |
|
|
|
|
|
|
Re: عبد الحفيظ أبسن (Re: نعمات عماد)
|
رمضان كريم فتح العليم ابو القاسم تصوموا وتفطروا على خير.
لك الشكر أجزله على تفقدك أبسن، ما يتفقدوك في شر يا رب.
خالص الإحترام و التقدير.
| |
|
|
|
|
|
|
Re: عبد الحفيظ أبسن (Re: نعمات عماد)
|
سلامات الكنزي، تقبل الله الصيام والقيام.
مشكور لتحرير البوست ، أي لفت الإنتباه له، و لشكرك في صديقك ابسن
و مشكور أكتر لسؤالك عن بت عمسيب، نتمناها بخير و عافية .
عبرك التحية للأخ هيثم و لدكتور ياسر الشريف .
مع خالص الإحترام والتقدير.
| |
|
|
|
|
|
|
Re: عبد الحفيظ أبسن (Re: أبوبكر عباس)
|
هيثم غالي رمضان كريم (حتى و لو) هاي فايف للمداخلة الشاملة 😊☺ اتمنى ان صاحبك في الغار لم يحزن من حكاية الأطرق السافي. ☺ أثر الكتابة الواعية أبقى من المظهر، ما قرينا أبداً تعليق على شعر اينشتاين مثلاً. و لا وجه جيمس جويس، مع الفارق طبعاً☺ تحياتي لملوك الأناقة قباني و الكنزي برضو مع الفارق☺ ممنونين يا اخ غالي، و أعمل حسابك لوغبت ابسن بتسدا فيك 😊
| |
|
|
|
|
|
|
| |