Post: #2
Title: Re: عبد الحفيظ أبسن
Author: نعمات عماد
Date: 05-27-2018, 10:50 AM
Parent: #1
قبل رمضان كان أبسن، قهوة المنبر الصباحية .
بعد العشر الأوائل، أختفى؟
ان شاء الله تكون في مكة .
|
Post: #3
Title: Re: عبد الحفيظ أبسن
Author: نعمات عماد
Date: 05-27-2018, 02:09 PM
Parent: #2
☁ ☁ ☁ ☁ سحابة ثقيلة تظلل المنبر ! يا ربي الحاصل شنو.؟
|
Post: #4
Title: Re: عبد الحفيظ أبسن
Author: زهير عثمان حمد
Date: 05-27-2018, 02:14 PM
Parent: #3
أنشالله المانع خير والله مع أنك
تحياتي يا صاحب وينك ؟
لقد بالجد قلقلت
ربك كريم أنشالله يكون بخير يارب
|
Post: #5
Title: Re: عبد الحفيظ أبسن
Author: Basamat Alsheikh
Date: 05-27-2018, 02:28 PM
Parent: #4
نعمات
ذكرتينا بقهوة الصباح حسينا هسع بصداع ..واتذكرنا مشينا الاستاربكس ونشيل الاكس لارج ومعاه ساندويتش ال cream cheese قبل ندخل قاعة المحاضرات..
ود ابو سن يا زول حساس في واحد زعله يا رمضان سخن معاه مع قطع الكهرباء وانعدام البنزين وقطع المشاوير مشيا والسخانة مولعة نار..
ورمضان كريم وكل سنة وانت طيبة
|
Post: #6
Title: Re: عبد الحفيظ أبسن
Author: tasneem
Date: 05-27-2018, 02:45 PM
Parent: #5
بالجد ود ابوسن فاكهة المنبر مواضيعو
متجددة
تحياتي ورمضانكم بارز
|
Post: #7
Title: Re: عبد الحفيظ أبسن
Author: Basamat Alsheikh
Date: 05-27-2018, 02:59 PM
Parent: #6
تسنيم ..صاحبة الاسم الاجمل
وين انت يا شيخة ..حتى في المناسبات ما بتظهر ي ..كتر خير د ابو سن الشفناك على الأقل اسفيريا ..
ورمضان كريم وكل سنة وانت طيبة
|
Post: #8
Title: Re: عبد الحفيظ أبسن
Author: نعمات عماد
Date: 05-27-2018, 03:06 PM
Parent: #7
تحياتي زهير و مرحب بنجمات المنبر المضيئات
يا زهير لما ابسن ما يصبح على القراء، معناها في
شئ ما عادي و مقلق!
يا ناس كوستي طمنونا لو شفتوهو ؟
|
Post: #9
Title: Re: عبد الحفيظ أبسن
Author: صديق مهدى على
Date: 05-27-2018, 04:51 PM
Parent: #6
ود أب سن ما كتبه بالأمس يسئ لبعض اعضاء المنبر بطريقة
غريبة امكن دا السبب وانشاء الله غيبة ما ارجع منها بركة
هذا الشهر العظيم لانه خبيث شديد وكل بوستات ضد
الوطن والشعب قطر عجيب يودى ما يجيب
|
Post: #10
Title: Re: عبد الحفيظ أبسن
Author: Basamat Alsheikh
Date: 05-27-2018, 05:09 PM
Parent: #9
صديق
رمضان كريم
كلامك الكتبته ده كلام عوج وما بيصح في حق ود اب سن وهو الذي لم نقرا له ابدا ما يسئ لاحد من قبل.
ويا ريت تمسح كلامك البيفقع المرارة...
ورمضان كريم مرة ثانية وكل سنة وانت طيب
|
Post: #11
Title: Re: عبد الحفيظ أبسن
Author: صديق مهدى على
Date: 05-27-2018, 05:18 PM
Parent: #10
انت بصفتك منو
رمضان كريم
معليش
كدى تابعى البوست بتاع امس لكاتبك المفضل أب سن امكن تجدى المفيد
|
Post: #13
Title: Re: عبد الحفيظ أبسن
Author: ABUHUSSEIN
Date: 05-27-2018, 05:31 PM
Parent: #11
Quote: ود أب سن ما كتبه بالأمس يسئ لبعض اعضاء المنبر بطريقة
غريبة امكن دا السبب وانشاء الله غيبة ما ارجع منها بركة
هذا الشهر العظيم لانه خبيث شديد وكل بوستات ضد
الوطن والشعب قطر عجيب يودى ما يجيب |
جنو منو دا كلام شنو ... ؟؟؟
نتمناه بخير إن شاء الله ....
سلام للجميع
|
Post: #12
Title: Re: عبد الحفيظ أبسن
Author: نعمات عماد
Date: 05-27-2018, 05:29 PM
Parent: #5
بسمات رمضان كريم عليك و على اميرة، امتثال و ابتهال.
اكتب و امامي الجبنة والقهوة و المدفع ضرب من شوية.
على قولك امكن ابسن تعب من صف البنزين و الكهرباء
القاطعة و السخانة الشديدة، اما الحساسية دي واردة.
كلو هين بس المهم يكون بخير . اظهر و بان يا عبدالحفيظ.
|
Post: #14
Title: Re: عبد الحفيظ أبسن
Author: محمد المسلمي
Date: 05-27-2018, 05:36 PM
Parent: #12
| Quote: ود أب سن ما كتبه بالأمس يسئ لبعض اعضاء المنبر بطريقة غريبة امكن دا السبب وانشاء الله غيبة ما ارجع منها بركة هذا الشهر العظيم لانه خبيث شديد وكل بوستات ضد الوطن والشعب قطر عجيب يودى ما يجيب |
ليه ياصديق مهدي تدعي علي الاخ ابوسن نتمني عودته حتي يكمل رسالته
|
Post: #15
Title: Re: عبد الحفيظ أبسن
Author: كمال عباس
Date: 05-27-2018, 05:47 PM
Parent: #14
صديق مهدي. بتكون الأمور اختلطت عليهو ولخبط الكيمان ببعضها !يكون قاصد زول تاني !٩
|
Post: #16
Title: Re: عبد الحفيظ أبسن
Author: نعمات عماد
Date: 05-27-2018, 05:57 PM
Parent: #15
رمضان كريم يا تسنيم تصومي و تفطري على خير
صدقتي والله هو فاكهة المنبر و اكثر من يرصد نبض
الشارع . معظم الأحيان آخذ الأخبار من بوستاته .
يكتب و هو مكشوف، اسمه و عنوانه مكان عمله.
همومه هي هموم الشعب الكادح ، يكتب بعمق
و فهم للحاضر و الماضي و المستقبل، احياناً
أفكر بأنه لم يأخذ ما يستحق، لكن أين هو؟
|
Post: #17
Title: Re: عبد الحفيظ أبسن
Author: Ali Alkanzi
Date: 05-27-2018, 06:02 PM
Parent: #14
للاستاذة نعمات
وكل المتداخلين
رمضان كريم
والله هذه تزكية لا يعادلها أي ثناء لود ابوسن
نحن من ذلك غيورون
فقد غاب ود ابوسن لايام معددوات
ففقدنه نسوة المنبر على قلتهن
فعدد النسوة المتفاعلات في المنبر لا يتجاوز اصابع اليدين
واللاتي يفتقدنه تجاوز اصابع اليد
لهذا نقول :
كلنا مثلكن وليته يظهر عاجلاً ،
واخشى ان يصيبه الغرور ويتدلل عليهن وعلينا
حتى نأسف على غيبته اسف مشجعي ليفربول على خروج محمد صلاح في مباراة فريقهم ضد ريال مدريد
فاظهر وبان عليك يا ود ابوسن
|
Post: #18
Title: Re: عبد الحفيظ أبسن
Author: نعمات عماد
Date: 05-27-2018, 06:29 PM
Parent: #17
رمضان كريم يا صديق مهدي .
قبل 3 سنوات في الصباح كتب احد الأعضاء :
-- يعني ما ننوم نحن؟
يقصد ان المشاكل تبدأ و تنتهي قبل الشروق.
أها دحين أنا نمت صحيت للسحور و كان النت قاطع.
لحد ما آخد جولة و افهم أقول ليك :
حرام عليك تدعي على زميل لم نر منه خبث أو إساءة.
يا أبسن صديق ده مالو؟
|
Post: #19
Title: Re: عبد الحفيظ أبسن
Author: Basamat Alsheikh
Date: 05-27-2018, 07:02 PM
Parent: #18
وهذا ظني يا كمال عباس...فإن صديق يبدو من كتاباته انه رجل طيب واحتمال الامور اختلطت عليه كما قلت وقاصد زول تاني ...
ورمضان كريم
و يا نعمات نعم كنا قلتي فإننا نعرف نبض الشارع السوداني فعلا من كتابات ود ابو سن وهو يحمل هموم مدينته وهموم المواطن السوداني في كل أرجاء الوطن ..والتحية له
ورمضان كريم ودمتم بالف خير وصحة وعافية
|
Post: #20
Title: Re: عبد الحفيظ أبسن
Author: موسى العجب
Date: 05-27-2018, 07:13 PM
Parent: #19
التحيه للجميع وست الدار نعمات
تصوموا وتفطروا على خير
ود ابسن بالف خير
الغايب عذره معاه
|
Post: #21
Title: Re: عبد الحفيظ أبسن
Author: MOHAMMED ELSHEIKH
Date: 05-27-2018, 07:31 PM
Parent: #20
تحية طيبة للجميع وللصديق اب سن.
يا صديق مهدي كل مافعله ابسن في احد البوستات التي تتحدث عن الامام الصادق كتب فقط "الصادق المهدي مع وش ضاحك" مالك يا خي في رمضان دا تدعي على زول احبه الكثيرون هنا. ياخ راعي لشعور الناس ونزل اعتذار عما كتبته انت زول عايش في الغرب تعمل كدى طيب نحن ناس الشرق الاوسط نعمل شنو؟
|
Post: #22
Title: Re: عبد الحفيظ أبسن
Author: معاوية الزبير
Date: 05-27-2018, 08:03 PM
Parent: #21
يعتذر شنو يا ود الشيخ ياهو ده كلامو العادي
|
Post: #23
Title: Re: عبد الحفيظ أبسن
Author: معاوية الزبير
Date: 05-27-2018, 08:08 PM
Parent: #22
رمضان كريم يا دكتورة ولضيفاتك وضيوفك
|
Post: #24
Title: Re: عبد الحفيظ أبسن
Author: أيمن الفاضل
Date: 05-27-2018, 08:25 PM
Parent: #23
التحية للانسان الرائع عبد الحفيظ ابوسن
هو من الناس المتميزين الواحد يتمنى مقابلتهم في الحياة
تحياتي يا دكتورة ورمضان كريم
|
Post: #25
Title: Re: عبد الحفيظ أبسن
Author: نعمات عماد
Date: 05-27-2018, 08:31 PM
Parent: #23
السلام عليكم ورحمة الله تعالى وبركاته ابوحسين
شكراً للأمنيات الطيبة. ابسن الغائب لظرف لا نعلمه، جاءه سبب إضافي
للغياب ! الله يهدينا جميعاً.
|
Post: #26
Title: Re: عبد الحفيظ أبسن
Author: عادل الباهي عبدالرازق
Date: 05-27-2018, 08:56 PM
Parent: #25
Quote:
ود أب سن ما كتبه بالأمس يسئ لبعض اعضاء المنبر بطريقة
غريبة امكن دا السبب وانشاء الله غيبة ما ارجع منها بركة
هذا الشهر العظيم لانه خبيث شديد وكل بوستات ضد
الوطن والشعب قطر عجيب يودى ما يجيب |
ربنا يهديك ويهدينا يا صديق مهدي ماعندي حاجة أقول ليك
أكثر من كدة .
إحتمال سبب الغياب كثرة المشغوليات يا دكتورة تحياتي لك وله
ورمضان كريم .
|
Post: #27
Title: Re: عبد الحفيظ أبسن
Author: نعمات عماد
Date: 05-27-2018, 09:13 PM
Parent: #26
سلامات
شكراً المسلمي.
شكراً كمال عباس، ممكن صديق قاصد شخص آخر زي ما قلت.
نحمد الله ان اللخبطة كتابة و ليست وجهاً لوجه، و إلا كان الواحد
يضرب أولاً و بعدين يعتذر عن الخطأ 🙃
|
Post: #28
Title: Re: عبد الحفيظ أبسن
Author: عبدالحفيظ ابوسن
Date: 05-27-2018, 09:16 PM
Parent: #26
حلوين زي ديل بنادوني وانا ما عارف
كثيرا من الامتنان والمحبة والود ليكم
شكرا نعومة وكل البنيات وكل الشباب
وشكرا خاص ل
نعومة للاتصال والتفقد
موسي العجب للاتصال وقطعنا جنس قطيعة عن احوال النيل الابيض وسوء الخدمات وسوء السلطة
احمد ضاوي وكانت فرصة طيبة للتعرف به وهو حسب قوله عضو من 2008 اشكرك وربنا يديم المودة
جلال للتفقد والاهتمام
معاوية الزبير للتفقد والاهتمام
وكل من كتب هنا
ومن هم بالكتابة ولم يكتب
ومن قرأ
ولو كنت عارف كان غطست تاني مدة .. الواحد متين يلقا فيض الحنان دة
نحن في السودان نهوى اوطانا
ولو رحلنا بعيد نطرا خلانا
والحب في زاتو مبرر كافي .. كهربا قاطعة من امس جات بعد التراويح للبعض اليوم وناس لسة قاطعين
لوح التلج ب 80 ج العندو تلاجة والماعندو اشتري تلج
والعندو موبايل بطاريتو نزلت
المهم
كتر خيرك ومعليش للقلق الذي سببته للبعض
اشكركم
|
Post: #30
Title: Re: عبد الحفيظ أبسن
Author: نعمات عماد
Date: 05-27-2018, 09:21 PM
Parent: #28
هلا والله ب ابسن ، يلا أستلم الحفلة 🎈
| Quote: كهربا قاطعة من امس جات بعد التراويح للبعض اليوم وناس لسة قاطعين |
انا لله و انا إليه راجعون.
|
Post: #55
Title: Re: عبد الحفيظ أبسن
Author: فتح العليم محمد أبوالقاسم
Date: 05-28-2018, 05:36 PM
Parent: #28
عودا حميدا الاخ ابوسن.
اشارك الجميع تفقدهم لك .
لك خالص احترامي
|
Post: #29
Title: Re: عبد الحفيظ أبسن
Author: Mirghani Taitawi
Date: 05-27-2018, 09:19 PM
Parent: #26
Quote: ود أب سن ما كتبه بالأمس يسئ لبعض اعضاء المنبر بطريقة
غريبة امكن دا السبب وانشاء الله غيبة ما ارجع منها بركة
هذا الشهر العظيم لانه خبيث شديد وكل بوستات ضد
الوطن والشعب قطر عجيب يودى ما يجيب |
لا حول ولا قوة إلا بالله.
الفرق شنو بينك وبين ود أب سن (لو) أصلاً زيما بتقول كتب ما يسئ لبعض الزملاء بالأمس!!!.
|
Post: #31
Title: Re: عبد الحفيظ أبسن
Author: Nasser Amin
Date: 05-27-2018, 09:27 PM
Parent: #29
حمد لله على السلامة اب سن
ربنا يلطف بالعباد و يزيل البلاء
...
شكرا للدكتورة لتفقد الزملاء
|
Post: #32
Title: Re: عبد الحفيظ أبسن
Author: عبدالحفيظ ابوسن
Date: 05-27-2018, 09:46 PM
Parent: #31
تسلمو والله
ويظل التاريخ شاهدا علينا وعين الوطن
لن نزايد علي وطنية احدهم ابدا
وكما قال المسيح
اياكم والانبياء الكذبة ، من ثمارهم تعرفونهم
نتمني ان يكون ثمرنا حلوا لمذاق شعبنا .. ان يعرفوا اننا قلنا لا ولم نمت كموت الضأن
|
Post: #33
Title: Re: عبد الحفيظ أبسن
Author: يحي قباني
Date: 05-27-2018, 09:51 PM
Parent: #32
| Quote: نتمني ان يكون ثمرنا حلوا لمذاق شعبنا |
حلو و الله .. كما ( المنقة ) في ايلول *
ايلول يعني شهر ( تزعة ) زي ما انت خابر يا سنو ... و الكلام ليك يالما بتنوم ...
|
Post: #34
Title: Re: عبد الحفيظ أبسن
Author: نعمات عماد
Date: 05-27-2018, 10:03 PM
Parent: #32
رمضان كريم الكنزي، تصوم و تفطر على خير.
مافي داعي للغيرة، الزملاء و الزميلات دائماً يتفقدون من يغيب. حتى جرب
تغيب و شوف الناس ح تسأل عنك بالرغم من الشرط الإنت كتبته في المنبر
عندما قلت ؛أسألوني قبل ان تفقدوني !
يعني نشيل هم الغياب و هم الجواب على أسئلتنا ☺
تأكد اول من يسأل عنك، اذا غبت، سيكون الإخوة الجمهوريون.
|
Post: #35
Title: Re: عبد الحفيظ أبسن
Author: احمد حمودى
Date: 05-27-2018, 10:18 PM
Parent: #34
التحية للزميل ابوسن بس صديق مهدى كعادته طمبجا ؟؟ والتحية للدكتورة نعمات 
|
Post: #36
Title: Re: عبد الحفيظ أبسن
Author: Basamat Alsheikh
Date: 05-28-2018, 03:07 AM
Parent: #35
يا علي الكنزي انت وود الأصيل وبشاشا وضعوا علامات بارزة في المنبر العام وزي ما قالت ليك د. نعمات اذا غبتوا أكيد حنفتقدكم ونسأل منكم ..وكمان من الناس البوستاتهم تعتبر بوستات عميقة أستاذنا يحي قباني وعمنا واستاذنا الكبير علي عبد الوهاب واما التي افتقدناها وغابت عننا كثيرا فهما عواطف ادريس(عطوفي)ود. وضاحة وأتمنى أن تكونا بخير وعافية ومن هنا نجزي التحية لهما ونقول رمضان كريم ..ودمتم بالف خير وصحة وعافية
|
Post: #37
Title: Re: عبد الحفيظ أبسن
Author: عبدالحفيظ ابوسن
Date: 05-28-2018, 03:52 AM
Parent: #36
تشكروا وكتر خيركم
يا كنزي
أي مكان لا يؤنث لا يؤبه به 😆😆
واخوك ابوبنات
|
Post: #38
Title: Re: عبد الحفيظ أبسن
Author: نعمات عماد
Date: 05-28-2018, 06:37 AM
Parent: #37
استاذ موسى العجب رمضان كريم
شكراً على المداخلة العزيزة (68)، واضح معزتك لأبسن صاحبك.
ربما يديم الخوة و يديكم الصحة و العافية.
|
Post: #39
Title: Re: عبد الحفيظ أبسن
Author: نعمات عماد
Date: 05-28-2018, 08:09 AM
Parent: #38
شكراً لإشارتك الى مداخلة أبسن في بوست آخر و رد صديق المخاشن هناك و هنا. الصادق المهدي شخصية سياسية حاضرة في المشهد السياسي منذ ما
يقارب الخمسين عام، يعنى إنتقاد مواقفه أمر عادي سواء بالكلمات، الكاركتير
أو الإيموجي. و الصادق نفسه لم يرد على منتقديه بالإساءة .
صديق أتلوم لوم شديد مع أبسن و مع بسمات لأنها نصحته، بالغت يا صديق.
|
Post: #40
Title: Re: عبد الحفيظ أبسن
Author: نعمات عماد
Date: 05-28-2018, 08:11 AM
Parent: #39
المداخلة السابقة موجهة للأخ محمد الشيخ ، يبدو اني مسحت جزء منها بالخطأ، فعذراً. رمضان كريم أخ محمد الشيخ.
|
Post: #41
Title: Re: عبد الحفيظ أبسن
Author: MOHAMMED ELSHEIKH
Date: 05-28-2018, 08:14 AM
Parent: #39
بالغت يا صديق.
------------------------------
هو لكن جنس بوليغ العملوا صاحبي دا
انا بعتزر نيابة عنو وفوق عينو كمان
|
Post: #43
Title: Re: عبد الحفيظ أبسن
Author: نعمات عماد
Date: 05-28-2018, 08:29 AM
Parent: #41
شكراً يا محمد الشيخ. بالنيابة عن أبسن و بسمات أقبل الإعتذار . 👍
|
Post: #42
Title: Re: عبد الحفيظ أبسن
Author: Khalid Abbas
Date: 05-28-2018, 08:18 AM
Parent: #1
الخريف بكون شغال تجهيزات كوستى فى الخريف صعبة عديييييييييييييييييييييييييييييييل
|
Post: #44
Title: Re: عبد الحفيظ أبسن
Author: ابراهيم عبد الوهاب
Date: 05-28-2018, 08:48 AM
Parent: #1
ابوسن
جميل
وود ناس
اما صديق مهدي فااااا اطمئنو دعاءة غير مستجاب
لان شيخو زاتووو هناي
ما مستجاب
|
Post: #45
Title: Re: عبد الحفيظ أبسن
Author: عبدالحفيظ ابوسن
Date: 05-28-2018, 09:09 AM
Parent: #44
دة كتير والله
كتر خيركم من ذوقكم وحسن أدبكم
غايتو لاني بزرع ولا عندي عربية
زول ساي 😆
|
Post: #46
Title: Re: عبد الحفيظ أبسن
Author: محمد بدرالدين
Date: 05-28-2018, 10:14 AM
Parent: #45
هذا ما نريد و نبتغى
و انه المرتجى ... ان يفيض مشاعرنا الانسانية الجميلة تجاه بعضنا البعض..
نتقوى بالحب و المودة و باننا ابناء وطن واحد و مصير مشترك ..
و بعد داك اختلاف الرؤى بتكون قوة و ليس تفرق ...لان المحبة تجمعنا ..
الامتنان لدكتورة نعمات .. و للاخوات ...و للاخوة المتداخلين و القراء ايضا ..
و للحبيب اب سن الذى اشعل المشاعر كل الود و التقدير
و دايما تامين و لامين و المودة ترفرف فوقنا ..
مودتى و تقديرى
و اللهم صلى على كامل النور
بدران
|
Post: #47
Title: Re: عبد الحفيظ أبسن
Author: نعمات عماد
Date: 05-28-2018, 10:45 AM
Parent: #46
مرحب بتحايا الأخوان لأبسن و ان شاء الله في أفراحهم.
*********
قال رسول الله صلى الله عليه وسلم: (المرء على دين خليله فلينظر أحدكم من يخالل).
أستاذنا معاوية الزبير رمضان كريم
الحديث أعلاه ينطبق على صداقتك مع ابسن، كل منكم يفضل الهدوء و كظم الغيظ و الكلمة الهادفة. ادام الله عليكم الصحة و العافية.
|
Post: #48
Title: Re: عبد الحفيظ أبسن
Author: Dr. Ahmed Amin
Date: 05-28-2018, 12:08 PM
Parent: #47
تحياتي دكتورة ورمضان مبارك للجميع
عبدالحفيظ ود ابوسن ... رأي فيه كالروضة الخضراء الغناء وسط صحراء مقفرة
حفظه الله وأسرته من كل سوء ... هو وقليل من أمثاله يشجعوننا على تصفح المنبر
التحية له ولكل جميل في هذا الموقع وأنت منهم
|
Post: #49
Title: Re: عبد الحفيظ أبسن
Author: نعمات عماد
Date: 05-28-2018, 01:32 PM
Parent: #48
رمضان كريم أيمن الفاضل،
تصوم و تفطر على خير.
شكراً لكلماتك الطيبة. أتمنى ان يجمع الله بينك و بين كل الأنقياء أمثال ابوسن في رحاب سودان حر، معافى و ديمقراطي يسع الجميع و يسعى
للتقدم و الإزدهار.
|
Post: #50
Title: Re: عبد الحفيظ أبسن
Author: muntasir
Date: 05-28-2018, 01:58 PM
Parent: #49
في البدء خلقت الرواشة ثم أتت الطلاشة ومن ثم كان صديق ،ياخ أب سن شنو المقررين بي أضانا من الصباح التقوول عووضة وبعدين يا شيخ العرب ما تتقل شوية خليك يومين تلاتة وبعد داك تعال بس سلوى أم كيس كف جاهزة
|
Post: #51
Title: Re: عبد الحفيظ أبسن
Author: علاء سيداحمد
Date: 05-28-2018, 02:14 PM
Parent: #50
| Quote: . ان يعرفوا اننا قلنا لا ولم نمت كموت الضأن |
شكرا نعمات .. شكراً اب سن .. كلامك شين بلحيل يا صديق مهدى
|
Post: #52
Title: Re: عبد الحفيظ أبسن
Author: عبدالحفيظ ابوسن
Date: 05-28-2018, 03:09 PM
Parent: #51
كتر خيركم
وتشكروا والله
هههه يا منص ياخ خفت تكتر القصص والله البوست سمعت بالبوست سمع واصلا مافي شي
|
Post: #53
Title: Re: عبد الحفيظ أبسن
Author: صديق مهدى على
Date: 05-28-2018, 03:48 PM
Parent: #52
لعنة الله على ذى الوجهين
|
Post: #54
Title: Re: عبد الحفيظ أبسن
Author: نعمات عماد
Date: 05-28-2018, 03:51 PM
Parent: #52
عادل الباهي رمضان كريم. تصوموا و تفطروا على خير.
كيفكم مع ساعات الصيام الطويلة؟
توقعك صح، طلع ابسن مشغول و الدنيا سخانة .
مشكور على الدعوات الطيبة، صديق و نحن جميعاً محتاجين ليها.
خالص التقدير و الأحترام.
|
Post: #56
Title: Re: عبد الحفيظ أبسن
Author: صديق مهدى على
Date: 05-28-2018, 06:56 PM
Parent: #54
كفى مجاملة نحن فى حوجة لقولة حق لك ام عليك لكن للاسف كلكم
ناس مجاملة وخاصة نساء المنبر
|
Post: #57
Title: Re: عبد الحفيظ أبسن
Author: محمد المسلمي
Date: 05-28-2018, 07:10 PM
Parent: #56
Quote: كفى مجاملة نحن فى حوجة لقولة حق لك ام عليك لكن للاسف كلكم
ناس مجاملة وخاصة نساء المنبر
-------------
لعنة الله على ذى الوجهين |
الزميل صديق مهدي سلام الكل اجمع انك اخطات ولا تقصد الزميل ابوسن فلماذا هذا الإصرار مع زيادة في الدعاء لو عندك لبس ولا شي اكتبه هنا عشان أبوسن يرد عليك
|
Post: #58
Title: Re: عبد الحفيظ أبسن
Author: صديق مهدى على
Date: 05-28-2018, 08:55 PM
Parent: #57
البشوف القبة يقول تحتا فكى ههههها
|
Post: #60
Title: Re: عبد الحفيظ أبسن
Author: نعمات عماد
Date: 05-28-2018, 09:10 PM
Parent: #57
Quote: لا حول ولا قوة إلا بالله.
الفرق شنو بينك وبين ود أب سن (لو) أصلاً زيما بتقول كتب ما يسئ لبعض الزملاء بالأمس!!!. |
رمضان كريم ميرغني تيتاوي، تقبل الله صيامكم و قيامكم.
إإإ
والله كلامك منطقي و مقنع ، لكن يبدو ان صديق لم يقرأه ، و هو
مصمم على جلب المزيد من العبارات الخشنة . لا يسعني الأ الإشادة
بتجاهل أبسن للأمر كله. حقيقة ان كظم الغيظ لا يستطيعه الأ ذو حظ عظيم.
|
Post: #59
Title: Re: عبد الحفيظ أبسن
Author: صديق مهدى على
Date: 05-28-2018, 08:58 PM
Parent: #1
اللهم لا تجعل حظى منه كاهل العادة الغافلين
|
Post: #61
Title: Re: عبد الحفيظ أبسن
Author: نعمات عماد
Date: 05-28-2018, 10:46 PM
Parent: #59
ناصر أمين رمضان كريم .تصوم و تفطر على خير.
تقبل الله صالح أعمالك و صالح الدعوات للسودان.
مشكور على التحايا الجميلة لأبسن .
|
Post: #62
Title: Re: عبد الحفيظ أبسن
Author: نعمات عماد
Date: 05-28-2018, 11:37 PM
Parent: #61
سلام قباني و رمضان كريم.
أشكرك على المداخلة الأنيقة، و على طاري الأناقة، ما هي دار الأزياء
المفضلة عندك؟ و ما رأيك في إيلي صعب؟
رأيي، أن صعب جداً جداً ... ممتاز.
|
Post: #63
Title: Re: عبد الحفيظ أبسن
Author: Ali Alkanzi
Date: 05-29-2018, 00:14 AM
Parent: #62
يا دكتورة نعمات والابنة بسمات والاخ ود ابوسن
رمضان كريم وغفر الله لكم وتقبل صيامكم
ما كنت احسب أن تدخلي يجد الاهتمام برد خاص من ثلاثتكم
وعندما عبرت عن الغيرة كنت ارمي لتحرير (من حرارة ) الطرح
ودكتور نعمات ود ابسن يستحقان تحرير طرحهما
لكم ودي واحترامي الذي يشمل الجمهوريين
وانا لهم بالمرصاد إن امد الله في ايامي
حتى الان في قضية كبرى من فلتات كتاباتهم التي انا لها بالمرصاد وآخره ما قاله الاخ د. ياسر الشريف
وهو يقول أن استاذه قال في رسالته لاحد
Post: #64
Title: Re: عبد الحفيظ أبسن
Author: عبدالحفيظ ابوسن
Date: 05-29-2018, 04:46 AM
Parent: #63
تشكرو وكتر خيركم جميعا
العفو يا علي بعدت عن الرد الراتب كون ان الرد زاتو محرج لي
|
Post: #65
Title: Re: عبد الحفيظ أبسن
Author: Haytham Ghaly
Date: 05-29-2018, 06:48 AM
Parent: #64
فيكم واحد بعرف الجمل الاطرق؟؟
ايوااااا ... بس ياهو زاااتو الخالق الناطق
ابسن يا صاحبي في الغار او كما قالها سيدنا الرحمن محسن خالد سابقاً
ابسط يا عم جكس المنبر كلو وجميع الانيقين
بقيادة قباني والكنزي ابدو محبتهم لك
تاني داير شنو بالله؟؟؟
غير كباية شاي سادة بالنعناع
ؤ بعدو تدقر سفتك وتصنقع لا فوق عشان تشوف
تباشير خريف كوستي والسحب الركامية البعيدة
بالمناسبة رمضان زي ما انت عارف ،،،،
|
Post: #66
Title: Re: عبد الحفيظ أبسن
Author: Haytham Ghaly
Date: 05-29-2018, 06:52 AM
Parent: #65
نعمات التي هي نعمات
معليش ما سلمت عليك
لك كل السلام والمحبة
|
Post: #67
Title: Re: عبد الحفيظ أبسن
Author: يحي قباني
Date: 05-29-2018, 06:59 AM
Parent: #66
| Quote: ؤ بعدو تدقر سفتك وتصنقع لا فوق عشان تشوف |
بالله هو قاعد يسف ؟
|
Post: #68
Title: Re: عبد الحفيظ أبسن
Author: عبدالحفيظ ابوسن
Date: 05-29-2018, 07:05 AM
Parent: #67
يا هيثم وقباني
سف السكر شوفتو ليهو وانا طفل 😆😆😆
|
Post: #69
Title: Re: عبد الحفيظ أبسن
Author: نعمات عماد
Date: 05-29-2018, 07:23 AM
Parent: #68
رمضان كريم أحمدحمودي، تقبل الله صيامكم و قيامكم.
شكراً على التحايا و الكلمات الطيبة.
أتمنى ان يغير صديق من روتينه المعتاد و يكتب بإيجابية.
|
Post: #70
Title: Re: عبد الحفيظ أبسن
Author: جلالدونا
Date: 05-29-2018, 07:58 AM
Parent: #69
ازيكم كلكم و رمضان كريم عليكم
هو فى شنو هنا
عبد الحفيظ انت بتسف ؟ !!!!!
إخييييييييى عليك
تصدّق نظرت فى سقطى
|
Post: #71
Title: Re: عبد الحفيظ أبسن
Author: نعمات عماد
Date: 05-29-2018, 08:05 AM
Parent: #69
Quote:
يا علي الكنزي انت وود الأصيل وبشاشا وضعوا علامات بارزة في المنبر العام وزي ما قالت ليك د. نعمات اذا غبتوا أكيد حنفتقدكم ونسأل منكم ..وكمان من الناس البوستاتهم تعتبر بوستات عميقة أستاذنا يحي قباني وعمنا واستاذنا الكبير علي عبد الوهاب واما التي افتقدناها وغابت عننا كثيرا فهما عواطف ادريس(عطوفي)ود. وضاحة وأتمنى أن تكونا بخير وعافية ومن هنا نجزي التحية لهما ونقول رمضان كريم ..ودمتم بالف خير وصحة وعافية |
سلام بسمات
الزملاء المذكورين فعلاً متميزين ، و آخرين كثر لا يتسع المجال لذكرهم
لهم الشكر و التقدير.
وحشونا د. وضاحة و عواطف أدريس صاحبة أكثر البوستات حيوية و جاذبية للقراء ، أين أنتم يا وضاحة و عواطف؟ 🌻🍀💮
|
Post: #72
Title: Re: عبد الحفيظ أبسن
Author: عمر دهب
Date: 05-29-2018, 08:17 AM
Parent: #71
ياشيخ صديق المجامله والمطايبه ذى مابقول كبر من حسن الخلق
برضو كمان انت عشان تطاع ابعد من النقاوه
|
Post: #73
Title: Re: عبد الحفيظ أبسن
Author: صديق مهدى على
Date: 05-29-2018, 12:54 PM
Parent: #72
عمر دهب سلام ورمضان كريم ياخ نفاق هؤلاء ازكم انفى لكن مرات
عندما أجد بوست أو مداخلة عليها غبار بجد نفسى مضطرا للدخول
من باب انتبهوا يا هؤلاء ههههها
|
Post: #74
Title: Re: عبد الحفيظ أبسن
Author: الصادق البديري
Date: 05-29-2018, 02:28 PM
Parent: #1
حمدا لله على سلامة رجوع القماري أب سن....
كيفكم مع الخريف البدأ بدون جاز دا؟
|
Post: #75
Title: Re: عبد الحفيظ أبسن
Author: صديق مهدى على
Date: 05-29-2018, 03:37 PM
Parent: #74
سنة يا الجاز
والفلوس فى
جيب عوض الجاز
الابن المدلل للانقاذ
|
Post: #76
Title: Re: عبد الحفيظ أبسن
Author: Ali Alkanzi
Date: 05-29-2018, 04:27 PM
Parent: #75
يا هيثم غالي
قبال كل شئ رمضان كريم وتقبل الله صيامك وذكرك
لكن داير اقول ليك:
هوي انتبه واقيف في حدودك
وانت تقول:
Quote: فيكم واحد بعرف الجمل الاطرق؟؟
ايوااااا ... بس ياهو زاااتو الخالق الناطق
ابسن يا صاحبي في الغار او كما قالها سيدنا الرحمن محسن خالد سابقاً
ابسط يا عم جكس المنبر كلو وجميع الانيقين
بقيادة قباني والكنزي ابدو محبتهم لك
تاني داير شنو بالله؟؟؟
غير كباية شاي سادة بالنعناع
ؤ بعدو تدقر سفتك وتصنقع لا فوق عشان تشوف
تباشير خريف كوستي والسحب الركامية البعيدة
بالمناسبة رمضان زي ما انت عارف ،،،، |
الجكسي البتتكلم عنهم ديل بناتنا واخواتنا والله تقرب ليهن
اقلب ليك ظهر المجن
يا اخي ديل بعملن لينا حملة تسويق ونحن في جاه الملوك نلوك
والملك طبعا هو ودابسن ما في حد بقربو ولا ح يقطعن لسانا
عشان كدا تمشي مع الموجة بدون اي مقاومة وينوبك ثواب زي ما نابنا
ولا مصيرك يلحق صديق مهدي
وتروح (فوكا)
واللبيب بالاشارة يفهمُ
انتو بتسألو عن عواطف ووضاحة لكن نجمة المنبر يبدو ما بتقدر على الصيام والمنبر معاً قامت لبدت
وما قالت بغم
عرفتوها؟
مش دا ود اب سن
أها ديك بت .... ؟
|
Post: #77
Title: Re: عبد الحفيظ أبسن
Author: نعمات عماد
Date: 05-29-2018, 10:53 PM
Parent: #76
| Quote: الخريف بكون شغال تجهيزات كوستى فى الخريف صعبة عديييييييييييييييييييييييييييييييل |
رمضان كريم خالد تصوم و تفطر على خير
أصعب من الخرطوم؟
شفقتنا على ناس كوستي كلهم يا خالد !
ربنا يعينهم و يعينا .
|
Post: #78
Title: Re: عبد الحفيظ أبسن
Author: صديق مهدى على
Date: 05-29-2018, 11:08 PM
Parent: #77
غايتو سمير غانم ما خاتى عليم يبيع فيكم زى القطيع
|
Post: #79
Title: Re: عبد الحفيظ أبسن
Author: نعمات عماد
Date: 05-29-2018, 11:21 PM
Parent: #78
صديق مهدي رمضان كريم ( اذا ما عندك مانع)
بالله أنت بتتفرج على سمير غانم والكلام ده ؟ ☺
*************
الى الزملاء و الزميلات
اذا غاب صديق مهدي، و أردتم الإطمئنان عليه، فأعملوا حسابكم!
أي سؤال عن حاله سيعتبروا نفاق، أي كلام طيب عنده له تفسير
مناقض، لذلك عند غيابه، أفتحوا بوست و أردموه لمن يآمن،
أعتقد ان الكلام الخشن و الردم يسعده أيما سعادة.
اللهم إني قد بلغت فأشهد .
|
Post: #80
Title: Re: عبد الحفيظ أبسن
Author: نعمات عماد
Date: 05-30-2018, 00:16 AM
Parent: #79
رمضان كريم ابراهيم عبدالوهاب، تصوم و تفطر على خير
شكراً لكلماتك الطيبات في حق ابسن.
Quote: لان شيخو...
ما مستجاب |
كده برضو يا صديق؟ تجيب الكلام لشيخك؟
عدلنا الإقتباس يا أبراهيم إحتراماً للأكبر منا سناً.
|
Post: #81
Title: Re: عبد الحفيظ أبسن
Author: صديق مهدى على
Date: 05-30-2018, 00:29 AM
Parent: #79
سلام يا نعمات عماد اها ختيت الخمسة فوق الاثنين ورمضان كريم
عليكم وزى ما بقول المثل ( خالف تذكر )
|
Post: #82
Title: Re: عبد الحفيظ أبسن
Author: عبدالحفيظ ابوسن
Date: 05-30-2018, 05:36 AM
Parent: #81
تشكروا وكتر خيركم
الله يكرمكم بقدر نياتكم
خريف السنة دي متأخر جدا . لسة ما شفنا مطرة يقولو عليها رشاش بس
الضراع بخش اول سبعة ، الضراع زاتو ناس بحسيوهو صيف وناس بحسبوهو خريف .. الايامات دي نحن في التريا .. بتجيب مطيرات متفرقة وخاشي بعدهن العصا العطشانة والرويانة
عموما تجهيزات الخريف ما مطمئنة لانعدام الجاز وتعقيد تصاديق الحصول عليه من الجهات الرسمية
نتمني خريفا يكنس كل الفساد ويجعل الارض خضراء قشيبة
|
Post: #83
Title: Re: عبد الحفيظ أبسن
Author: نعمات عماد
Date: 05-30-2018, 07:01 AM
Parent: #82
رمضان كريم محمد بدرالدين
مداخلة رائعة لا أزيد عليها حرفاً.
Quote: هذا ما نريد و نبتغى
و انه المرتجى ... ان يفيض مشاعرنا الانسانية الجميلة تجاه بعضنا البعض..
نتقوى بالحب و المودة و باننا ابناء وطن واحد و مصير مشترك ..
و بعد داك اختلاف الرؤى بتكون قوة و ليس تفرق ...لان المحبة تجمعنا ..
الامتنان لدكتورة نعمات .. و للاخوات ...و للاخوة المتداخلين و القراء ايضا ..
و للحبيب اب سن الذى اشعل المشاعر كل الود و التقدير
و دايما تامين و لامين و المودة ترفرف فوقنا ..
مودتى و تقديرى
و اللهم صلى على كامل النور
بدران |
|
Post: #84
Title: Re: عبد الحفيظ أبسن
Author: نعمات عماد
Date: 05-30-2018, 07:56 AM
Parent: #83
سلام صديق مهدي
جميل جداً وجودك في الضفة الأخرى.
انت لا تحتاج لأن تخالف حتى تعرف، مذكور بالخير دائماً ان شاء الله.
|
Post: #85
Title: Re: عبد الحفيظ أبسن
Author: نعمات عماد
Date: 05-30-2018, 08:58 AM
Parent: #84
Quote:
عبدالحفيظ ود ابوسن ... رأي فيه كالروضة الخضراء الغناء وسط صحراء مقفرة
حفظه الله وأسرته من كل سوء ... هو وقليل من أمثاله يشجعوننا على تصفح المنبر
التحية له ولكل جميل في هذا الموقع وأنت منهم |
سلام دكتور أحمد أمين، تصوم و تفطر على خير
الله على العبارات البليغة! شكراً كثيراً لك.
Quote: . هو وقليل من أمثاله يشجعوننا على تصفح المنبر
التحية له ولكل جميل في هذا الموقع وأنت منهم |
Like wise و الله.
|
Post: #86
Title: Re: عبد الحفيظ أبسن
Author: نعمات عماد
Date: 05-30-2018, 08:00 PM
Parent: #85
رمضان كريم muntasir تصوم و تفطر على خير.
ادام الله عليك روح المرح و سرعة البديهة. ما شاء الله لميت أبسن و عووضة وصديق مهدي في جملة واحدة يديك العافية أنت وهم .
أبسن قاليك رجع قبلما القصة تكبر، و معاه حق، لو ما ظهر كنا أنا و المتداخلين ألفنا روايات ☺لأنه أحياناً بتختلط البوستات و المداخلات
على الناس .
|
Post: #87
Title: Re: عبد الحفيظ أبسن
Author: محمد عبد الله الحسين
Date: 05-30-2018, 09:24 PM
Parent: #86
تحياتي
الأخ ابوسن رجل محترم ما في كلام.رجل مالي مكانته و مهذب و موضاته لها جماهيرية دايما..
لذا فهو يستحق سؤالك عنه و اهتمامك ..
الأخ ابوسن
تحياتي
بركة الجمعت يا زول..و إن شاء الله موسم زراعي ناجح..
و إن شاء الله موفّق دايما.
مودتي
|
Post: #88
Title: Re: عبد الحفيظ أبسن
Author: عزيز
Date: 05-30-2018, 10:06 PM
Parent: #87
حفيظ ده
اخر مره كنت في الخرطوم اتصلت عليهو قال لي هو في الطريق جايي على الخرطوم..
عليكم الله اسالهوا لي كان وصل
انا راجيهو
|
Post: #89
Title: Re: عبد الحفيظ أبسن
Author: محمد أبوالعزائم أبوالريش
Date: 05-30-2018, 11:39 PM
Parent: #88
سلام عليكم chت (جت) بدون فرز.
ود ابسن زي ما قلتو وأكتر.
لكن خلوني أحدسكم عن صديق مهدي ومداخلاتو ....
نوع المداخلات دي ضرورية .... والكلام ده بيعرفوهو الحلوانية صناع الباسطة والبسبوسة، إلخ. .... حتى أخواتنا البيعملوا الشعيرية والسكسكانية ..... الشي الحلو لو ما أدوهو ذرّة ملح حلاوتو ما بتظهر.
دحين خلو أخوكم صديق يسوي سواتو.
|
Post: #90
Title: Re: عبد الحفيظ أبسن
Author: Abdullah Idrees
Date: 05-30-2018, 11:52 PM
Parent: #89
فاكهة المنبر
يعجبني ذوقه الرفيع وذكاؤه الصحفي االعالي
بس حساس زيادة شوية
تخن جلدك شوية يا ابسن
رمضانكم كريم
|
Post: #91
Title: Re: عبد الحفيظ أبسن
Author: عبدالحفيظ ابوسن
Date: 05-31-2018, 08:26 AM
Parent: #90
كتر خيركم كلكم
وتشكروا لطيب قولكم
اللهم اجعلني من الذين يحسنون القول والفعل
اللهم اجعل عثراتي وامضة في ذهني دوما
|
Post: #92
Title: Re: عبد الحفيظ أبسن
Author: صديق مهدى على
Date: 05-31-2018, 06:45 PM
Parent: #89
ابو العزايم سلام ورمضان كريم خلاص انا ضميتك للمونساتية ديل
لانهم اصلا ما عندهم موضوع لذا تجدهم هكذا هرج ومرج هههها
|
Post: #93
Title: Re: عبد الحفيظ أبسن
Author: نعمات عماد
Date: 05-31-2018, 07:02 PM
Parent: #92
رمضان كويم اخ علاء سيد احمد، تقبل الله صيامكم و قيامكم.
اشكرك كتير على كلماتك الطيبة. تعرف كتبت رد بالأمس و لا أعرف أين
هو، قد أكون ارسلته بالخطأ لبوست تاني؟ ☺ اظن رمضان دخل العضم 🤔
|
Post: #94
Title: Re: عبد الحفيظ أبسن
Author: نعمات عماد
Date: 05-31-2018, 07:44 PM
Parent: #93
رمضان كريم فتح العليم ابو القاسم تصوموا وتفطروا على خير.
لك الشكر أجزله على تفقدك أبسن، ما يتفقدوك في شر يا رب.
خالص الإحترام و التقدير.
|
Post: #95
Title: Re: عبد الحفيظ أبسن
Author: نعمات عماد
Date: 05-31-2018, 09:00 PM
Parent: #94
سلامات الكنزي، تقبل الله الصيام والقيام.
مشكور لتحرير البوست ، أي لفت الإنتباه له، و لشكرك في صديقك ابسن
و مشكور أكتر لسؤالك عن بت عمسيب، نتمناها بخير و عافية .
عبرك التحية للأخ هيثم و لدكتور ياسر الشريف .
مع خالص الإحترام والتقدير.
|
Post: #96
Title: Re: عبد الحفيظ أبسن
Author: أبوبكر عباس
Date: 05-31-2018, 09:40 PM
Parent: #95
سلام يا أبسن،
كيفك مع سخانة رمضان
بختك
عندك معزة عند الشيخة نعمات،
يزوروا فيك
|
Post: #97
Title: Re: عبد الحفيظ أبسن
Author: نعمات عماد
Date: 05-31-2018, 11:06 PM
Parent: #96
هيثم غالي رمضان كريم (حتى و لو)
هاي فايف للمداخلة الشاملة 😊☺
اتمنى ان صاحبك في الغار لم يحزن من حكاية الأطرق السافي. ☺
أثر الكتابة الواعية أبقى من المظهر، ما قرينا أبداً تعليق على شعر اينشتاين مثلاً. و لا وجه جيمس جويس، مع الفارق طبعاً☺
تحياتي لملوك الأناقة قباني و الكنزي برضو مع الفارق☺
ممنونين يا اخ غالي، و أعمل حسابك لوغبت ابسن بتسدا فيك 😊
|
Post: #98
Title: Re: عبد الحفيظ أبسن
Author: عبدالحفيظ ابوسن
Date: 06-01-2018, 07:24 AM
Parent: #97
كتر خيركم جميعا
ربنا يحبب فينا خلقو يا بكرى ويبعد عننا شر العوارض والفتن
آمين
|
Post: #99
Title: Re: عبد الحفيظ أبسن
Author: صديق مهدى على
Date: 06-01-2018, 06:31 PM
Parent: #1
سلاما
|
Post: #100
Title: Re: عبد الحفيظ أبسن
Author: محمد أبوالعزائم أبوالريش
Date: 06-01-2018, 06:42 PM
Parent: #99
أنا صاحبك يا صديق .... ليه تقول علي جاهل؟
|
Post: #101
Title: Re: عبد الحفيظ أبسن
Author: صديق مهدى على
Date: 06-01-2018, 08:44 PM
Parent: #100
البنية السمحة وفنجرية
ردودها مية المية
فى نظراتها ذكية
حاشاها الفتونة
والعنجهية
لذا منى ليها هدية
هى الصلاة على نبية
محمد سيد البرية
ربنا بيها يحفظها
من العيون المنبرية
ونقول يا عنية
يا كافرة يا نصرانية
ابعدى من هذه البنية
|
Post: #102
Title: Re: عبد الحفيظ أبسن
Author: نعمات عماد
Date: 06-01-2018, 08:53 PM
Parent: #100
Quote:
ازيكم كلكم و رمضان كريم عليكم
هو فى شنو هنا
عبد الحفيظ انت بتسف ؟ !!!!!
إخييييييييى عليك
تصدّق نظرت فى سقطى |
رمضان كريم يا جلالدونا
أبداً ، ماف أي حاجة!
سقطك مالو قلت ؟
تسلم و مشكوراً على المداخلة البليغة،.
ملحوظة : السف حرام شرعاً.
|
Post: #103
Title: Re: عبد الحفيظ أبسن
Author: نعمات عماد
Date: 06-01-2018, 10:26 PM
Parent: #102
اخ عمر دهب رمضان كريم و تقبل الله صيامكم و قيامكم.
نصايحك دهب، واضح ان صديق ما بعرف المكابرة ، شوف القصيدة الجميلة
يا بختها (البنية ) دي .
Quote:
البنية السمحة وفنجرية
ردودها مية المية
فى نظراتها ذكية
حاشاها الفتونة
والعنجهية
لذا منى ليها هدية
هى الصلاة على نبية
محمد سيد البرية
ربنا بيها يحفظها
من العيون المنبرية
ونقول يا عنية
يا كافرة يا نصرانية
ابعدى من هذه البنية |
|
Post: #104
Title: Re: عبد الحفيظ أبسن
Author: نعمات عماد
Date: 06-01-2018, 10:53 PM
Parent: #103
رمضان كريم أخ الصادق ، تصوم و تفطر على خير.
سؤالك عن الخريف ممتاز، لأن جواب ابسن عليه درس مصغر عن المطر،
Quote: خريف السنة دي متأخر جدا . لسة ما شفنا مطرة يقولو عليها رشاش بس
الضراع بخش اول سبعة ، الضراع زاتو ناس بحسيوهو صيف وناس بحسبوهو خريف .. الايامات دي نحن في التريا .. بتجيب مطيرات متفرقة وخاشي بعدهن العصا العطشانة والرويانة |
|
Post: #105
Title: Re: عبد الحفيظ أبسن
Author: نعمات عماد
Date: 06-01-2018, 11:17 PM
Parent: #104
رمضان كريم اخ محمد عبدالله الحسين، تقبل الله صيامكم و قيامكم.
شكراً على التحايا و الكلمات الطيبة. تسلم.
Quote:
تحياتي
الأخ ابوسن رجل محترم ما في كلام.رجل مالي مكانته و مهذب و موضاته لها جماهيرية دايما..
لذا فهو يستحق سؤالك عنه و اهتمامك ..
الأخ ابوسن
تحياتي
بركة الجمعت يا زول..و إن شاء الله موسم زراعي ناجح..
و إن شاء الله موفّق دايما.
مودتي |
|
Post: #106
Title: Re: عبد الحفيظ أبسن
Author: نعمات عماد
Date: 06-01-2018, 11:56 PM
Parent: #105
رمضان كريم الموسيقار عزيز
أستأذنك لأقول لأبسن على لسانك :
🎶 ليك أسبوعين ما جيت 🎵 ، كيف الكلام ده ؟ ☺
Quote: حفيظ ده
اخر مره كنت في الخرطوم اتصلت عليهو قال لي هو في الطريق جايي على الخرطوم..
عليكم الله اسالهوا لي كان وصل
انا راجيهو |
|
Post: #107
Title: Re: عبد الحفيظ أبسن
Author: نعمات عماد
Date: 06-02-2018, 12:52 PM
Parent: #106
سلام أخ ابو الريش
صحيح كلامك، الملح مهم جداً، ربما أهم من السكر .
بس ما يكون بزيادة . يديك العافية.
،،،،،،،،
سلام الشاعر صديق مهدي
يا ريت تجمع كل أشعارك في بوست واحد لفائدة القارئ ولا تتركها
لتضيع بين البوستات. سيكون بوست جميل و ممتع.
مع الإحترام.
|
Post: #108
Title: Re: عبد الحفيظ أبسن
Author: نعمات عماد
Date: 06-02-2018, 01:17 PM
Parent: #107
رمضان كريم عبدالله إدريس، تصوم و تفطر على خير
يا أبسن، أبسط ياعم ، جاتك شهادة معتبرة من الأستاذ عبدالله شخصياً!
Quote: فاكهة المنبر
يعجبني ذوقه الرفيع وذكاؤه الصحفي االعالي
بس حساس زيادة شوية
تخن جلدك شوية يا ابسن |
|
Post: #109
Title: Re: عبد الحفيظ أبسن
Author: نعمات عماد
Date: 06-02-2018, 02:38 PM
Parent: #108
Quote:
سلام يا أبسن،
كيفك مع سخانة رمضان
بختك
عندك معزة عند الشيخة نعمات،
يزوروا فيك |
ابوبكر عباس العباسي، رمضان كريم
الشيخة.. من الصوفية ولا من العروبة؟
طبعاً الإنتماء في القلب و العقل و لا علاقة له بلون البشرة و الملامح، عادي تلقى ناس طلعت من اليمن قبل أكثر من 600 سنة، بعضهم أستقر في جنين و جبل النار و نابلس، و البعض واصل الترحال الى محطات مثل مرسي مطروح، شرق ليبيا و منها الى كردفان، و البعض واصل الى المغرب مروراً بتونس و الجزائر.
لذا قد تكون في كردفان أو وسط السودان و تنتمي الى السودان و افريقيا، عادي جداً، و لكن غير العادي ان تكون سوداني و تحس بأنك عربي فقط
و ليس فيك أي شئ أفريقي.
|
|
|