دا كلام شنو يا معاوية كان ياخ يجي من غيرك وحقه السؤال يكون ليه الموضوع دا مطروق بالحدة دي ومنو المن مصلحته إنو الموضوع يموت ويندفن على كل حال السبب الخلاني أفتح البوست إنه في كلام جديد في الموضوع ومن رجل عالم فخلي الكسل واسمع الفيديو
09-06-2018, 04:00 AM
آدم صيام
آدم صيام
تاريخ التسجيل: 03-11-2008
مجموع المشاركات: 5736
بديت اشوف الفيديو يا عبد الصمد لكن مقدم البرنامج قرفني قرف مستعجل للخلاصة التي يريدها ومرة يضم هاء الهوية (وهو الصحيح لغة في رأيي) ومرة ينطقها بالفتح فتصبح هاوية (وهو صحيح واقعا)
العايز اقوله إنو ما السودان إلا أمة قد خلت من قبلها الأمم وما نحن إلا قطرة ماء في بحر التاريخ الهائج منذ عهد قابيل.. في هذه الدنيا لم نكتشف الحديد ولم نصنع السفن ولا الطائرات وفي الآخرة لن ينظر الله إلى هوياتنا
والحاضر! ماذا نحن في يومنا الحاضر؟ حتى الصفات المجيدة التي نتغنى بها عن جدودنا زمان من كرم وشهامة وشجاعة وعزة نفس ورفض للظلم والحقارة جاء الكيزان وفي بضع سنوات ليكشفوا زيف هذه الادعاءات وإلا ما هذا الذل والهوان الذي نعيش فيه!
09-06-2018, 05:37 AM
Bashasha
Bashasha
تاريخ التسجيل: 10-08-2003
مجموع المشاركات: 25803
شكراً آدم صيام وخلي بالك معاوية دا من القليلين الما عندهم طبنجات لكن هرشاته بتخوف شكراً بشاشا على الرش الصحي صحي شكراً الطيب رحمة وإنشاءلله لقيت فرصة تسمع كلام البروف ونحن في إنتظار تعقيبك شكراً الزعيم هاشم وشغل الحمض النووي دا بذكرني قصيدة المتنبي : السيف أصدق إنباء من الكتب قالو في مجموعة من أهلنا الجعليين رسلوا عينات لفحص الحمض النووي في الأمارات ليؤكدوا النسب العباسي لكن للأسف جات النتايج مخيبة للآمال الأخ محمد محمد القاضي ياخ الكلام الكتبتو عن الكوشيين الجدد دا مهم وخطير بس يا ريت توضح لينا أكترعشان ما فهمنا حاجة. يعني عاوزين حاجة تسند كلامك وأتهامك
09-06-2018, 06:08 AM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
شكرا عبد الصمد ومعاوية وآدم، يا معاوية والله كلامات الهوية دي بتزهِّج وخاصة لمن تبقا عن شغل المعامل والدي إن إي!! لكن ياخي لو القصة كانت كما ترجو لها، أي؛
{{"ما السودان إلا أمة قد خلت من قبلها الأمم وما نحن إلا قطرة ماء في بحر التاريخ الهائج منذ عهد قابيل.. في هذه الدنيا لم نكتشف الحديد ولم نصنع السفن ولا الطائرات وفي الآخرة لن ينظر الله إلى هوياتنا"}}
آدم صيام، هل تذكر، في بوست (اللامنهج الهويوي) إيّاه، أشرت لك إلى شكوك حول "البقط" فأستنكرت إشارتي، الآن الله جابك وجاب سيد الشكوك، فهذا هو صاحبنا "الكوشي" الذي يشكك في "اتفاقية البقط"! تابع بعد الدقيقة ١٤ وغالطوا لينا لو سمحت، هذا، بينما اذهب أنا، حامدا لك السرى، وأتابع باتريك لوممبا.. هههها.
09-06-2018, 06:11 AM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
الجنجويدي قريمان سليل المراحيل، كده في الاول ابقي عربي في عيون مخدمك القشير القال حتي جريمة اغتصاب اخواتك بواسطة امثاله، شرف ليهن!
افة السودان المنكوب في الهامش هم نوعك ده ايهارالعار المسكون بكراهية الذات وكنتيجة يمتهن القتل الطقوسي كاكل عيش بالوكالة، لمن يري في مرات وجوهم وجهه المذموم، لانو يري كل شئ بعيون مستعبديه!
عوووع!
09-06-2018, 02:01 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
الزول ده من الكوشيين الجدد عايزين يركبوا الموجة ويحصروا كوش في منطقة مروي وما جاورها فقط عشان يدوروا الساقية من أول وجديد وينكروا أول ما ينكروا أي علاقة تربط النوبة عموم بكوش ولأنهم يعلمون أن لا أحد يفتخر بكوشيته مثل النوبة عموم كل نوبي بل كل أسود كوشي وليس كل كوشي نوبي عشان كده قالوا أول نبعد النوبة فقالوا النوبة جاءوا من الصحراء وإستقروا علي ضفاف النيل* كيف جاءوا من الصحراء ؟ الله اعلم ثم الكوشيين الجدد
* النيل إسم نوبي سلام عبد الصمد وضيوفك الكرام
09-06-2018, 02:27 PM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
سئيلي الله (والشوق للخال أمين نوتة) ويعلم الله كنت عايز أضيف في مداخلتي الفوق: ما تسمعوا كلام عزيزكم بشاشا هههه لم تخذلني ولن تفعل أبدا
طيب، للناس الذين يختلط عليهم موقف عزيزنا بشاشا من تاريخ البشرية اعتقد هذه مداخلة تختصر رأيه بكل وضوح
Quote: ابدا! لا امة او امم قبلنا اطلاقا او ده البفقع المرارة!! نحن اباء وامهات البشرية! نعم نحن بحر التاريخ او غيرنا قطرة من حيث الاسهام!!
اما الاكتشاف، فنحن وليس غيرنا من وضع اساس كل ماتم اكتشافه لوتعلم! نعم لاجديد اطلاقا تحت الشمس! نعم نحن من صاغ الثانية كاصقر وحدة لقياس الزمن! نعم نحن من وضع التقويم الحالي بكل اشكاله، شمسي او قمري! نحن من ابتدع الرياضيات، العلوم لي حدها بمافيها علم الفضاء والكيمياء كمثال من "كمت"! نحن من وضع اساس العلوم التطبيقية من طب لي هندسة! نعم نحن من ابتدع الفن بمافيه المسرح لو تصدق، الاديان لي حدها، الفلسفة! اول من الف كتاب كان سوداني وذلك قبل اكثر من 4,000 سنة لو قريتو بالله تحلف تقول كتبوهو قبل 4 ثواني فقط، لاني عميق جدا جدا!!
ولا نامت أعين كارهي ذواتهم
مع مودتي التي تعلم
09-06-2018, 09:10 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
نحن زمان شن قلنا!! مافي عرب في السودان، تحدثنا عن العادات والتقاليد والثقافة الأفريقية للسودانين، من البطان ومرورا بالسلم الخماسي والشكل الظاهري وحتي نطق الحروف وكوجين اللغة العربية (الوقوف على المتحرك بينما العرب لا تقف الا علي ساكن) كثيرة هي الشواهد التي تؤكد أن السودانين لا علاقة لهم بالعرب.. لكن مكبرة بعض السودانين وتلصقهم في العرب دي حالة عاوزة دراسة
09-06-2018, 09:32 PM
عبدالله الشقليني
عبدالله الشقليني
تاريخ التسجيل: 03-01-2005
مجموع المشاركات: 12736
قضية الهوية هو خلق قضية لا يمكن حلها. لن يستطيع أحد أن غير هويته هنالك قضية يفارق فيها كثيرون المنطق والعقل : 1. هناك قضية السلالات ، وهي قدر لا يستطيع أحد أن يغيره ، وليس هو موضوع نقاش . 2. هنالك قضية الثقافة ، واللغة أهم مصادرها . وهي قابلة للتعديل والتغيير . لأنها تجمع كثيرون . أنا أتفق مع رأي الطيب صالح أن العروبة ثقافة وليست سلالة . وعربي المقصود بها الثقافة العربية . معظم أهل السودان يتكلمون اللغة العربية الدارجة، وهنالك حمولة ثقافية . يتحدثون عنه( سيدنا ) عبدالله بن أبي السرح ، وهو رجل مُرتد ، كتب آية قرآنية ليست من رواية عن الرسول ، وقد وافقه الرسول ، فارتد . وشفع له عثمان بن عفان فعُفي عنه !! ( بالله أريحونا من مسألة الهوية لأنها تخلط الثقافة بالسلالة وهو خطأ كبير)
Quote: أنا أتفق مع رأي الطيب صالح أن العروبة ثقافة وليست سلالة
قرقرقرقر!!
اعلاه كلام الزميل الشقليني!
ياريت واحد يتطوع او يورنا مامعني هذا الكلام؟
يعني شنو العروبة تحديدا ثقافة من دون سلالة؟
والسؤال شطب السلالة هنا صدفة ام التفاف حول حقيقة كونو امثال الطيب صالح "ذنوج" وبالتالي رمي السلالة في التراش؟
ياخي اذا انتا والطيب صالح بتاعك جاكين من اصلكم فليه بتفترضو العربي حيقبل بالانتا جاكي منو ده؟
زنبو شنو العربي المسكين؟
كلام مضحك شغل لف او دوران من عالم ادمنت وهم هوية اسيادم!!
العروبة هوية مجموعة بشرية بعينها سامية من حيث العرق، وبالتالي الاصرار علي جعلها طاقية طايرة هولة البدرعا فهذا لف ودوران وليس الا!
كونك "ابن سوداء" او بتكب عربي كلسانك الام فهذا شارة استعبادك بواسطة الاعراب ولايعني انك ما عدت "عبدن حبشي" بنص حتي الاحاديث عديل كده!
اكثر مجموعة بشرية تكره الانسان الاسود هو العربي تحديدا!
ذنوجة الاعراب او عبيدم عارفين ده كلو اكتر من جوع بطنم، ولكن بذات القدر ده تحديدا البخلي واحد زي قريمان ولابريمة اولانو desperate بروح شاطح ناطح في تعلقو بي قشة وهم العروبة لينجو من الغرق في محيط "الذنوج" البخلي امثالم جررررررر ببولو في السروال!
ذكرنا هؤلاء لانو من السهل جدا الجلابي عن طريق هذا النموذج يتامل واقع حالو المضحك المبكي او هو بتمسح في العرب اللي امبارح دي في قطر طاخ، طراخ، راحو مرصيين سوداني يا للماساة والرحمة علي روحو، شمالي، لانو تجرا او فكر يتذوج عربية!!
نعم نفس رد فعل امثال البشير لو واحد زي كبر تقدم لي واحدة من اخواتو او بناتو!!!!
قال العروبة ثقافة قال او كانو قال حاجة!
هوية اي مجموعة بشرية في الكون ده، هو ثقافتا تحديدا!
بالفهم الثقافة العربية هي هوية العربي السامي تحديدا وليس مستعبديهم من "ابناء السوداء" الاخوال!!!
قال اريحونا من مسالة الهوية قال!!
وجع!!!!!
عييييييييييييييييك!!!
نعم قال لانها تخلط الثقافة قال بالسلالة!!
قرقرقرقرقرقر!!
اه يا وجع بطني!!!
امنتو بامون!!!!!!!!!!!!
09-06-2018, 11:59 PM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
وحتي نطق الحروف وكوجين اللغة العربية (الوقوف على المتحرك بينما العرب لا تقف الا علي ساكن).. ====== سلام يا عبد العظيم وتحياتي، لو في طريقة ياخي ما توقع كلامك الفوق دا لي أخوك، بأمثله.. مثلا، هذه الجمل بالعامية؛أو أي مثال آخر.. {(فطرت الصباح في البيت وبالضهر مرِّيت على السوق ومشيت مع حسّان ضربنا الفتّة)} كيف يحرك العربي (ياتو عربي؟ قول السعودي أو العراقي) بلهجته (قول النجدية أو البغدادية) ما يقف عليه الوسطسوداني بلهجته العربية السودانية (سميناها السوربية) مثلا.. =====
قالو في مجموعة من أهلنا الجعليين رسلوا عينات لفحص الحمض النووي في الأمارات ليؤكدوا النسب العباسي لكن للأسف جات النتايج مخيبة للآمال ======
عبد الصمد يا عمدة البوست، سلام عليك ونعلّك طيّب، تصدّق أنا بعرف جماعة سودانيين (خُدُر ؤزُرُق) رسلوا عينات بأمل نفي الأصل العربي عنهم، طلعت أكثر من ٦٥٪ من جيناتهم (شرق أوسطية)!! شن قولك؟
اعتبر العباس دا كناية ياخي، مجاز.. دا يحللوهو في معامل وين؟ =======
ثم أن كلام الشقليني صاح؛ خلط الثقافة بالسلالة، ما كويس! إما أن يتوقف هذا العك وإلا فبالله فكونا من كوجان الهويات دا..
وكلام بشاشا العاجب معاوية؛ فدا اسمو "فوجاج" حضاري تعويضي ساي، أو براجماتية ثقافية لتسكين الألام الوطنية، زي حبة بندول عند اللزوم الحضاري! زي لما تتكلم عن تقدم الطب ينط ليك واحد بانو ابن سينا كان مسلم ووووو.. يطمن في نفسو!! وبرضو مرات بشبه لي زي الزول الناوي يكتل ملف ويغش في السباق، حاري ليهو دريبا "shortcut" لكن ما عارفو حيوديهو التوج أو يمكن الهاوية!!
09-07-2018, 04:19 AM
Bashasha
Bashasha
تاريخ التسجيل: 10-08-2003
مجموع المشاركات: 25803
بروف أحمد إلياس .. لا يختلف عن بشاشا ... في شيئ إلا تهذيب اللغة لدي البروفسير ..
عشان نوريكم نقطتين فقط البروف لم يستطع مقاربتهم بصورة جيدة .. حديثه عن قبية جهينة .. في وسط السودان .. نفي أن يكن هناك ذكر لجهينة .. وحينما جاء لحديثه عن القرن الرابع عشر .. تحدث عن أنتشار الأسلام عن طريق الحبشة .. ولم يذكر جهينة .. السؤال هو هناك حلف بين قبائل جهينة وملوك السلطنة الزرقاء الذين أسسوا مملكة الفونج عن طريق الأئتلاف ..
إذن كيف ظهرت قبيلة جهنية للوجود .. البروف ليس لدية أي فكرة .. وأنا عايز أشوف نجر للبروف من أين هبطت جهينة في أرض النوبة .. ؟
ثانياً .. البروف ينفي أتفاقية البقط بشروطها المعروفة .. وينفي أن يكون المسلمون دخلوا أصلاً بلاد النوبة .. ولم يحارب المسلمون النوبة .. بل حاربوا مملكة مريس فس شمال النوبة .. إذن كيف ومتي ومن أين جاء معاهدة البقط؟ .. الشواهد التأريخية في النوبة تؤكد وجود مسجد دنقلا القديم وحجر أساس الأتفاقية ..
ومن أين جاء مصطلح رماة الحدق ..
والمصيبة الأكبر، البروف ينفي دخول الأسلام عن طريق شمال الوادي ..
نسأل البروف من جاء أهل الفارس حميدتي؟ وأهل الشيخ موسي هلال؟ وأهل العبار بريمة محمد أدم بلل .. البقاري الجهني؟
بريمة
09-07-2018, 04:31 AM
Bashasha
Bashasha
تاريخ التسجيل: 10-08-2003
مجموع المشاركات: 25803
الملك حسين بن عبد الله .. ملك الأردن .. ينتمي إلي بنو هاشم ..
Quote: King Abdullah's mother, Princess Muna al-Hussein was born Antoinette Avril Gardiner in the United Kingdom on April 25, 1941. She is said to have met King Hussein while working as a secretarial assistant on the film set of Lawrence of Arabia.
They married in 1961. She converted to Islam and was renamed Muna al-Hussein upon marriage. She was the second wife of King Hussein and together they had four children: King Abdullah II, Prince Faisal, Princess Aisha and Princess Zein (who are twins).
الصورة الأولي للملك عبد الله ووالدته الخواجية أنتونيتا . التى سميت الأميرة مني الحسين ..
أتحداك يا بشاشا .. تقول الملك عبد الله .. ملك الأردن الحالي لا يتبع لسلالة بنو هاشم .. أو هو ليس عربي .؟
بدل الأم الخواجية ضع الأم الزنجية .. للشيخ علي عثمان محمد طه .. تجده عربي كما الملك عبد الله .. وإلاّ يكن الأمر عنصرية أولان وبس ..
------------------------------- العبار بريمة والأعجاز .. العلمي !
بريمة
09-07-2018, 05:43 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27810
وإلاّ يكن الأمر عنصرية ألوان .. وبس .. skin color وهذه مشكلة كبيرة للذين ينفون عروبة أهل السودان .. أن مشكلتهم الأساسية تعتمد علي تقسيم البشر علي أساس اللون ... وليس حقيقة الخلفية الجينية .. الملك عبد الله نصف جيناته من البريطانين ..! وهكذا الشيخ علي عثمان.
بريمة
09-07-2018, 05:50 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27810
التقسيم علي أساس الجنس .. أستعمله الأمريكان البيض من أصول قوقازية .. لأبعاد أي إنسان ملون .. ومن كان فيه ذرة من دم أسود فهو أسود ويبعد من حظيرة البيض .. وهكذا بشاشا .. يستعمل نفس المعيار ليقول أن السودان زنجي .. ويستعمل دكتور محمد جلال هاشم نفس المعيار ويقول من ليس اسود يشوف ليهو بلد بيض يذهب إليها فالسودان ليس موطنه .. وبروف إلياس رغم أنه لم يتحدث عن الألوان .. إلا أن يقول أن لا وجود للعرب بالسودان (ناهيك عن حكاية الألوان .. فكل الألوان الموجودة لا علاقة لها بالعرب) ..
لا أدري لماذا نجد النوبيين .. تأخذهم هذه الحمية لنفي وجود العرب بالسودان رغم أن العرب لم ينفوا الوجود النوبي في السودان؟ .. دا سؤال يحتاج إلي إجابة.
بريمة
09-07-2018, 05:53 AM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
Quote: شكراً آدم صيام وخلي بالك معاوية دا من القليلين الما عندهم طبنجات لكن هرشاته بتخوف
أبدا يا عبد الصمد لا هرشة لا خرشة والله انا اصلا قمت امبارح من الصباح زهجان، و جات فيك انت بعدين بالمساء روقت شوية وقمت اتظارف حتى مع بشاشا --- سلام يا عزيزي صيام لك كل الود والتقدير مع أي اختلاف زي ما شايف أصلا ما عندي قضية مع عروبة أو زنوجة وما فارقه معاي زاتو.. زول cosmopolitan حتى في العصير المخلوط داك
09-07-2018, 08:06 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
سلامات يا هاشم الأمثلة كثيرة على وقوف السودانين على المتحرك (عكس باقى العرب) ضحكتا / أكلنا /صبحتا /زهجتا (الالف الأخير هو المقصود بالتحريك ويتسبب في فتح الفم) ينفرد السودانين في الكلام دا.. السبب ان اللسان الأصلي لأهل السودان غير عربي(ناطقين بغيرها) ، عشان كدا لم يطاوع أهله ليتحدث العربية بقواعدها
09-07-2018, 08:15 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
بريمة سلامات سؤالك عن من اين أتت قبائل البقارة؟ تمت الإجابة عليه مئات المرات في هذا البورد... البقارة مجموعات سكانية صحراوية أصلية غير وافدة، كانت لها أسماء مختلفة قبل أن يستخدم سكان الصحراء الأبقار (وأخذوا منها الاسم) يعني قبائل أفريقية صحراوية لا علاقة لها بجهينة ولا علاقة لها بالعرب(بس انت البقنعك شنو)
09-09-2018, 07:42 AM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
الامثلة الضربتها يا عظمة كلها (لتحريك الساكن) وليس للوقوف على المتحرك! حصل خير.. ولكن أليس هذا حال العاميات العربية كلها او اغلبها تتأثر بالمحيط اللغوي الذي تتفاعل معه العربية اكان نوباوي ول فوراوي ول نوبي ول بجاوي وغيره.. زيو وزي السرياني والامازيغي والقبطي والفارسي وحتى لهجة اليمن لا تشبه لهجة تهامة في كثير من خصائصها. خصائص العربية في السودان لا تقول أكثر من انها قد تفاعلت مع محيط لغوي مختلف فاكتسبت بعض خصائصه كما اكتسب متكلميها من ثقافته.. ليست دلالة قاطعة ولا أمرا حاسما للهوية.. مثلها ومثل الشلوخ والبطان وغيرو.. دليل على تأثير قوي وعلى حضور الثقافات الأخرى ولو اندثرت في التاريخ او ذهبت دولتها، ولكنه لا ينفي الحقيقة العربية أيا كان قدرها.. هذا طبعا لو أنك تسعى في النفي!
09-07-2018, 08:10 AM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
قول انه مافي عرب في السودان أو مافي عرب أتوا من الشمال وكان لهم وجود وتأثير في الممالك النوبية القديمة أو ان جهينة لم يكن لها وجود في شمال السودان او انكار اتفاقية البقط ده قول مجافي تماما للحقيقة وتدحضه كثير من الأمور وعلى أرض الواقع فالقول بهذا لا يلقى وجاهه ولا تصديق اصلا بعدين أي نعم دخول العرب من جهة الشمال كان محدودا وكانت الغلبة للفولان ومنذ عهود الأسر والممالك القديمة التي كانت في شمال الوادي والتي كان للفولان تقاطعات كثيرة معها وهم في طريق هجرتهم نحو افريقيا وانتشارهم على جانبي النيل ومن ثم اتجهوا الى مجاهل افريقيا لكن لايمكن بأي حال من الاحوال تجاهل دور وتأثير قبائل كربيعة وجيهنة وامتزاجهما بنوبة الشمال ومحمولات هذه الهجرات من (دين - لغة - واثنية ) أو تجاهل تحركات جهينة كقبيلة عربية سلكت هذا الطريق للسودان ومنه اتجهت شرقا عبر تشاد فآثار جهينة يشهد عليها صعيد مصر قاطبه فهل وقفت جهينة عند الصعيد ولم تدخل السودان؟ ده كلام عجيب ويصدر من شخص المفروض إنه ملم وباحث وزول بروف والله كان جبنا زول عنقالي ساي زيي كده لما قال بهذا القول العجيب بعدين تحس بيهو بيروج لكلام وراءه هدف وليس مبتغاه البحث العلمي أو خلافه وارى مثلما يرى قريبي الانداندي قاضينتود لهذا لم القي لكلامه بالا ومن شفت المغالطات التي يحتشد بها كلامه رميت طوبته فتناوله يفتقد للعمق واراه في منتهى السطحية ومقارباته تفتقد لأي ملمح من الدقة التاريخية حسب الوقائع التي ينكرها هكذا ببساطة تجافي المنطق هذا مع العلم إني اثنيا لا انتمي للعرب لا جنسا ولا لغة ولا أحبذ أي قول بهوية عربية غالبة لهذا البلد الافريقي الثقل لكن كمان البروف ده حففها للآخر وخلاها صقيعة وجابها ناشفه كواوه تحس بيهو شارد أو بتملص من هوية عربية قد يوصمه بها الآخرين اثنيا ونان كان مافي عرب في السودان نحن كنوبة الشمال نقول أربنتود لي منو .خخخخخخ
عبد الصمد أريتك طيب يأخ ...
09-07-2018, 08:33 AM
أحمد الشايقي
أحمد الشايقي
تاريخ التسجيل: 08-08-2004
مجموع المشاركات: 14611
Quote: بريمة سلامات سؤالك عن من اين أتت قبائل البقارة؟ تمت الإجابة عليه مئات المرات في هذا البورد... البقارة مجموعات سكانية صحراوية أصلية غير وافدة، كانت لها أسماء مختلفة قبل أن يستخدم سكان الصحراء الأبقار (وأخذوا منها الاسم) يعني قبائل أفريقية صحراوية لا علاقة لها بجهينة ولا علاقة لها بالعرب(بس انت البقنعك شنو)
أنت أشد كوجان للحقائق من البروف أحمد ألياس .. أنت خليك مقرّض علي كده .. وغني قول وجدتها.
طبعاً عبد العظيم يغني للبروف ويعزف علي وتره .. يا عبد العظيم، يا ول أبا، هناك جيش عربي .. قوامه 23 ألف جندي من أبناء القبائل العربية في غرب السودان .. يسمي بقوات الدعم السريع .. ألحقوا هذا الوطن الذي يتمزق بأحتواء كل مكوناته وليس نكرانها ..
ثم ماذا تقول في قول الفولاني الذي دبج مقالات يقول فيها "نحن أسياد البلد" التى عرضنا محتواها علي الأخ عادل أمين، الذي أنكر سودانية الفولان .. جملة وتفصيلاً .. علماً أن الفولان والهوسا هم أكبر مكون سكاني متجانس في أرض السودان ..
هناك تحولات بشرية هائلة في السودان يجب أن يستوعبها أصحاب العقول المتحجرة في الماضي ..
بريمة
09-07-2018, 11:22 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
يا بريمة ياخي افتح مخك دا عشان نقدر نتناقش معاك قبل استخدام قبائل البقارة للأبقار ماذا كان إسم هذه القبائل؟ هذه قبائل أفريقية صحراوية لا علاقة لهم بالعرب... موضوع الانتماء العربي للقبائل الأفريقية في السودان حديث وله علاقة بالحروب وتجارة الرقيق (مؤثر عارض وتمكن) فكر في الموضوع بهدوء
09-07-2018, 11:44 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27810
Quote: يا بريمة ياخي افتح مخك دا عشان نقدر نتناقش معاك قبل استخدام قبائل البقارة للأبقار ماذا كان إسم هذه القبائل؟ هذه قبائل أفريقية صحراوية لا علاقة لهم بالعرب... موضوع الانتماء العربي للقبائل الأفريقية في السودان حديث وله علاقة بالحروب وتجارة الرقيق (مؤثر عارض وتمكن) فكر في الموضوع بهدوء
التأريخ لا يتكتب أعتباطاً .. أنت محتاج لمراجع لتدعيم النصوص التأريخية .. هنا البروف رغم أنه جافي الحقيقة لكنه إلتزم البحث العلمي .. وأورد مصادره .. الأختلاف أختلاف في قراءته للمصادر ..
أنت ليس لك مصادر .. وأنا من قبل أوردت لك المصادر ومستعد لأيراد المزيد .. أنت من جانبك أئتي بمصادرك .. أنت الذي قفلت نفسك في المكاجرة والكوجان .. وهذا لا يرقي للنظر بأعتبار أنه حجة قابلة للنقاش.
بريمة
09-09-2018, 06:29 AM
عبدالله الشقليني
عبدالله الشقليني
تاريخ التسجيل: 03-01-2005
مجموع المشاركات: 12736
أمة اُخرجت للنار..! ألم يقل رئيسهم ( نحن خير أمة اُخرجت للنار) !!!. ألم يقل: ( لا لدنيا قد عملنا ... نحن للدين فداء ) * لقد رأيت زميلنا " بشاشا " بذات اللغة والتعابير وحتى المعلومات، هي نفسها التي ظل يكتبها قبل 13 عاماً ! . لم يتطور النقاش ولا المفردات ولا الحصيلة المعرفية ! * إن الهوية السلالية لا أحد يغيرها ، وليست موضوع نقاش. وأي حديث فيها لا يفيد. * لم تَدخل اللغة العربية الدارجة إلى السودان بواسطة (رهط من الجن )، بل بشعوب قدموا السودان منذ تاريخ بعيد، ودخلت اللغة العربية الدارجة لكل دول الجوار. * العبودية انتهت في السودان منذ القرن التاسع عشر، وقد استغل جنوبيي أمريكا لتسويق العبودية من الشماليين ، للعمل على نيل دولة وليدة من بطن دولة أم ، وقد كانت . كان " سلفاكير " يقول لأهل الجنوب قبل الإستفتاء: ( هل ترضون بأن تكونوا مواطنين من الدرجة الثانية في بلد واحد؟). والآن هم مواطنين من الدرجة العاشرة، يلجئون للسودان القديم بالملايين فرارا من القتل العرقي على الهوية القبلية. في بلد من المفترض أن يكونوا فيه مواطنين من الدرجة الأولى!. 350000 من القتلى خلال 6 أشهر !!!!!! إن إستعلاء الدينكا ،بكامل بطونهم على قبائل الشلك والنوير والباريا واللاتوكا والمولي والمنداري والتبوسا والتوركانا والفرتيت والزاندي ... ألخ ، تسببت في الحرب العرقية البغيضة التي لن تنتهي . * لقد صنع الإخوان المسلمين وعرّابهم الترابي ، لغة عربية لوطن وفق أيديلوجية العودة للخلافة ، بالقوة وخلال 30 عاماً . ماذا فعل الآخرون من الفكاك عن هوية اللغة ؟. الذين يتناولون موضوع الهويةالآن ، يستخدمون اللغة العربية ذاتها ، ليتحدثوا في المنبر ! أليست هنالك لغة نوبية ليتفضلوا علينا بها ؟! أليست هناك لُغات إفريقية ليتحدثوا بها ؟! * فليتفضلوا بلغاتهم علينا ، ويخرجوا من اللغة العربية المفروضة عليهم ، لفضاءاتهم الحُرة . * إن قضية الوطن ، هو مرحلة انتقالية لاحقة لدويلات القبائل : من سلطنة الفور والمسبعات والفونج ...، إلى سلطة دولة يشترك فيها الجميع ، وتجمعهم لغة وطنية توحدهم في دولة ، دون سحق لغاتهم القومية . أما قضايا العبودية التي صدّعونا بها لا تكفي لتبرير الحال ولا يكفي التباكي عليها. أما (السامية والعرب كعرق )، فهي أسطورة تمت صناعتها . مثلها مثل: ( حام ويافث أبناء نوح )!!!!
09-13-2018, 09:08 PM
خالد حاكم
خالد حاكم
تاريخ التسجيل: 08-25-2007
مجموع المشاركات: 3434
Quote: لقد صنع الإخوان المسلمين وعرّابهم الترابي ، لغة عربية لوطن وفق أيديلوجية العودة للخلافة ، بالقوة وخلال 30 عاماً . ماذا فعل الآخرون من الفكاك عن هوية اللغة ؟. الذين يتناولون موضوع الهويةالآن ، يستخدمون اللغة العربية ذاتها ، ليتحدثوا في المنبر ! أليست هنالك لغة نوبية ليتفضلوا علينا بها ؟! أليست هناك لُغات إفريقية ليتحدثوا بها ؟! * فليتفضلوا بلغاتهم علينا ، ويخرجوا من اللغة العربية المفروضة عليهم ، لفضاءاتهم الحُرة . * إن قضية الوطن ، هو مرحلة انتقالية لاحقة لدويلات القبائل : من سلطنة الفور والمسبعات والفونج ...، إلى سلطة دولة يشترك فيها الجميع ، وتجمعهم لغة وطنية توحدهم في دولة ، دون سحق لغاتهم القومية .
الأخ عبداالله الشقلينى تحياتى نعم هنالك لغة نوبية .. لكن كيف نتفضل عليكم بها اذا كنا نحن أمييين فيها ( أميين من الأمية ) ؟ تعلمنا اللغة العربية بالكتابة والقراية عندما ذهبنا الى المدرسة لكى نتعلم رغم انها لم تكن لغتنا الأولى وفى المقابل لم نجد اللغة النوبية حتى نتعلم فيها الكتابة والقرابة التي تطالبنا بالتفضل عليكم بها !
هل انت عبدالله الشقلينى على سبيل المثال كنت تعلم الكتابة والقراية باللغة العربية قبل ان تذهب الى المدرسة ؟
اليس هنالك أناس أميين اليوم ( لا يعرفون الكتابة والقراية ) باللغة العربية رغم ان العربية لغتهم الأم لعدم ذهابهم الى المدرسة ؟ فى حديثك الأخير فى المقتبس أعلاه قلت ( دون سحق لغاتهم القومية ) وانا أقول لك بان لغاتنا مسحوقة وحقوقنا مهضومة وهى واحدة من أسباب عدم تعلمنا الكتابة والقراية بلغاتنا !
09-13-2018, 09:41 PM
خالد حاكم
خالد حاكم
تاريخ التسجيل: 08-25-2007
مجموع المشاركات: 3434
التمويل للمواسم الزراعية وانكماش الرقعـة الزراعيـة
يا هؤلاء قولوا كلمة حق عند سلطان جائر وقفوا مواقف نساء ماجدات ورجال ماليين هدومهم
وارفعوا شأن وطنكم وضعوه في الاتجاه الصحيح واذا تم لكم ما أردتم تأتي الأمم تمتدحكم
وتتمنى لو تنتمي إلى جنسيتكم ولو تعيش بين ظهرانيكم
جاء ... آبي أحمـد .. إلى حكم أثيوبيا .. فتغير وجه الارض فيها في أقل من ستة أشهر بدون
شعارات ولا تكبيرات ولا هتافيات ولا انتماء لعروبة أو لاسلاموية أو لتنظيم دولي أو لدولة
مولانا احمد الشايقى تحياتى
لا اصدق احمد الشايقى هو كاتب السطور أعلاه !!
يا عزيزى تريد الناس ان تتحدث عن الحرية والديمقراطية والصحة والتعليم فى ظل دولة اسمها ( عربية وإسلامية ) ؟
هذه التسمية تجعل اغلبية الشعب خارج الانتماء لهذه الدولة وهذه المشكلة مطروحة من زمن الجنيه السودانى بيعادل ثلاثة جنيهات استرلينية ( وانت عارف فى الزمن داك مستوى الصحة والتعليم والمعيشة كان كيف ) لكن مع كل هذا مشكلة الهوية مطروحة ومنذ ما يسمى بالاستقلال الى يومنا هذا ومازال ولن يكون هنالك استقرار للسودان دون حل مشكلة الهوية وهى اس المشاكل فيه !
09-13-2018, 10:07 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27810
بغض النظر عن عروبة السودان من عدمها أنا عندي حساسية ضد الكلام الهبتلي والغير مؤسس والركيك وهذا البرنامج بتاع مقاربات أو مفارقات كما وصفه الضيف صاحب المفارقات بروف أحمد الياس دائما يحتفل بالمواقف الشاذة والغير منطقية . الراجل حاول يضعف ويبطل قصة حروب عبد الله بن أبي السرح مع النوبة في دنقلة بأنه لم يرد ذلك إلا عند المقريزي وغيره لم يذكر ذلك!! ولو فرض ذلك فهذا البروف يجهل قاعدة منطقية وأصولية هامة متفق عليها لدى العلماء وهي ( أن من علم حجة على من لم يعلم) وقد تكون هناك مصادر ومراجع سماعية مسندة متصلة أو مكتوبة لم تصل إلينا اعتمد عليها المؤرخون وهناك إشارات لها في الذي وصلنا وسوف أورد إن شاء الله أدلة ترجع لمؤرخي القرون الأولى تثبت غزو ابن أبي السرح لدنقلا العجوز.
09-14-2018, 09:06 AM
عبدالله الشقليني
عبدالله الشقليني
تاريخ التسجيل: 03-01-2005
مجموع المشاركات: 12736
الأكرم : خالد حاكم أنت سألت : هل انت عبدالله الشقلينى على سبيل المثال كنت تعلم الكتابة والقراية باللغة العربية قبل ان تذهب الى المدرسة ؟ والإجابة : لكنني ورثت العربية الدارجة الفصيحة شفاهة قبل المدرسة ,
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة