د. النور حمد لمحمد لطيف: نحن لا نختلف عن ارتريا وتشاد واثيوبيا في موقفنا من "العروبة"

Quote: انا فهمى للاصالة مرتبط بالوطن الام .. وعندما نقول هذا الشعب اصيل هو اصيل في بقعة جغرافية معينة وهى الجغرافيا التي وجد فيها تاريخيا ولا يعرف اى جغرافيا غيرها في هذه الدنيا وبالفهم دى اى شعب في الدنيا دى اصيل في بلده وموطنه الام لكن عندما ينتقل من موطنه الأصل الى موطن شعب او شعوب أخرى يبقى هو دخيل على هذا الشعب وعلى هذا الموطن والكلام ده بينطبق على وضع العرب في السودان واللغة كذلك ينطبق عليها نفس التعريف .. وطالما العرب دخلاء على السودان هم شعب غير اصيل في ارض السودان ولغتهم أيضا لغة غير اصيلة في ارض السودان بل هي دخيلة أيضا .. وما من حق الشعوب الدخيلة ان تمارس اى نوع من أنواع التغيير والتبديل والمحو التطهير لحقوق الشعوب الاصيلة التي هاجرت اليها .. وهذا هو سبب وجود بند حقوق الشعوب الاصيلة في قانون الأمم المتحدة رغم انو غير مفعل .. يعنى حسع انا اعمل ليك شنو في موضوع كدكى ده عشان تصدقينى .. خلينى في البداية احلف ليك وبعدين عندى ليك اكثر من اقتراح في النقطة دى .. والله العظيم انا حضرت لاستاذ محمد جيب الله كدكى برنامج اذاعى في إذاعة امدرمان وقال قصيدة طويلة سماها هو مسدار الساقية وبعد انتهاء القصيدة المذيع مقدم البرنامج قال ليه والله يا أستاذ كدكى انا ما فهمت اى حاجة .. كدكى قال ليه فعلا ما حتفهم اى حاجة لانو انا قلت قصيدة عن الساقية والساقية مفرداتها نوبية ) والله العظيم للمرة التانية أقول ليك انو الكلام ده حصل وانا من هنا أناشد الزملاء وقراء هذا البوست بانهم يمدونا بوسيلة اتصال بالاستاذ كدكى وانا مستعد يا صباح احول ليك محل ما انت قاعدة تكلفة اتصالك بالاستاذ كدكى عشان تساليهو من القصة دى او لو عندك زول شغال في الإذاعة ممكن يتحصل ليكى على التسجيل بتاع الحلقة دى انا كذلك مستعد ادفع للزول اتعاب بحثو للتسجيل في رفوف أرشيف الإذاعة .. اها قصرت معاك ... وبعدين حكاية مافى كلمة عربية دى انا قصدت بيها انك تفهم القصيدة والغناء في كلياتها .. وعلى سبيل المثال اليوم في اغانى نوبية كثيرة فيها مفردات من العربية لكن المفردات دى ما مكن الغير النوبى من فهم الاغنيةطيب انا حاقول ليك كلام اكثر من كده في موضوع اللغة دى والكلام ده قلتو قبل كده في هذا المنتدى وهو انو في جمل كثيرة من اللغات السودانية مترجمة ترجمة حرفية في اللغة العربية السودانية ( الدارجة السودانية ) عليك الله على سبيل المثال دى جملة بتتحسب على انها جملة في العربية لو ما هي جملة خاصة مرتبطة بلغات السودان وهى جملة ( الزول ده بيتكلم ساكت ) ؟ هذه الجملة هي في الأصل جملة في اللغة النوبية لكنها ترجمت ترجمة حرفية في العربية لانو المعنى المقابل لكلمة ( ساكت ) في اللغة النوبية عندها اكثر من معنى ويفهم كل معنى على حسب موقعها في الجملة لكن المترجم ما عرف الا المعنى او المقابل ( ساكت ) في اللغة العربية والترجمة الصحيحة لهذه الجملة النوبية في اللغة العربية هي ( انو الزول ده بيتكلم بدون دراية او مقصد او فهم في الموضوع الذى يتحدث فيه ) .. لكن الجملة بتناقضاتها وترجمتها الحرفية أصبحت جملة عربية في الدارجة السودانية المتاثرة بالثقافات واللغات السودانية !

(عدل بواسطة صباح حسين طه on 07-26-2017, 02:47 PM)